se_ Elsyed بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 كنت باتكلم مع احد أصدقائي من كام يوم عن المشروبات وتحديداً عن الكابتشينو فلقيته بيقول لي : عندي ليك طريقتين لعمل الكابتشينو يا معلم ما تقولش لعدوك عليها .. قلت له قول يا فصيح .. فقال لي : 1- تجيب شاليمو ( شفاطه يعني ) وتعملها على حرف L وتخلي الإل في الكوباية .. وتجيب معلقة نسكافية وسكر حسب طلبك على معلقة سفن أب و مياه أيهما متوفر ... وتمسك الشاليمو من فوق بكلتا يديك .. وترجع بذاكرتك إلى حياة إنسان الكهف البدائية حينما كان يوقد النار - مع إن الولاعات كانت موجوده عادي - وتقعد تفرك في البتاعه دي لحد الخليط ما بيقى متجانس ويتحول إلى شكل كريمه .. وبعدين تجيب الحليب السخن وتصبه على جنب الكوب مش في النص .. هاتلاقيه عمل رغوه وتمام التمام 2- نفس المقادير دي .. بس تقعد تدوخ فيها بالمعلقة لحد ما تتعب وتصب الحليب على الخليط عشان يبقى كابتشينو انا بقى مبدئي في الحياه هو " شرا العبد ولا تربيته " وهو انا عشان أشرب خمسينة كابتشينو أقعد اعمل في مجهود يخليني على ما اخد اول شفطه اكون نمت من التعب ؟؟؟ لا يا عم يفتح الله انا نزلت يابا أشتريت ماكينه كابتشينو سعرها مناسب جداً جداً وهي بتعمل كل حاجه ولا شاليمو ولا حرف إل ولا زد ----------------------- كلمنا بقى عن مشروبك المفضل عزيزي القاريء .... وكمان عن طقوسك في شرب المشروب ده .. يعني في ملابس معينه بتلبسها لما تيجي تشرب شاي الصباح زي الكومينو الياباني مثلاً أو مندديل بأوية أو جلابيه بلدي مخططه بالطول زي بتاعت أخويا شلبي أنا في حاجه مكسوف أقولها وما حدش يضحك انا بأحب العرقسوس .. أو بمعنى أصح مدمن عرقسوس عارف والله إن في ناس ما بتطيقش ريحته ... لكن اعمل إيه طيب . باحبه يا ناس وفي أي وقت تيجي عندنا تلاقي أحلى عرقسوس شفا وخمير موجود في التلاجه ... ومش عاوز تريقه من الاخر يعني الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
tahereyad بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 الكابتشينو دة حكايته معايا حكاية,,, هو بدأ هزار بس ونوع من الفضول ورا الرغوة اللي بتخبي النسكافيه,,, بس بعد فترة,, اصبحت مدمن كابتشينو,,, الحكاية مش حكاية الرغوة,,, لكن حكاية الوقت اللي بتقضيه وانت بتستمتع و عمال تعمل عجين الفلاحة بالمعلقة,, فعلا الشوية اللي الواحد بيعمل فيهم الكابتشينو فالشغل كانو هما دول اللي بيفكوا الضغط و يعملو ريسيت للميموري بعد شوية,, اصبح كمان صوت المعلقة و هي بتخبط فالمج الفخار عامل زي جرس الفسحة لكل زمايلي فالمكتب تعلن عن وجوب حصة الكابتشينو,, و علي السادة المقيمين خارجها مراعاة فروق التوقيت بس من حوالي سنة و نص,, و تحديدا من ساعة ما بقيت رئيس قسم,, وانا مش باعمل كابيتشينو خالص,,, يادوب باقلب القهوة باللبن بالسكر عالناشف و عليهم المية و هوبببااااااا,,, عشان كدة مش بقيت بافك الضغط ولا باعمل ريسيت للميموري,,,, أنا فعلا تعبان من غير كابيتشينو بس بقا لية روتين تاني خالص فالمشاريب فطار الصبح: ازازة زادي بالفراولة,, مع لوزين تمر وانا سايق علي 160 علي شمال الخط الاصفر فالطريق للشغل (وبادفع المخالفات في وقتها) فالشغل: 3 او اربع كبايات نيسكافيه باشربهم وانا باجري غالبا فالبيت: كباية الشاى الأخضر تونينج بعد الأكل عشان الكرش و الهضم,, و ياسلام بأة عالنكهات. ســـــــــــالمة يا سلامة روحنا و جينا بالسلامة رابط هذا التعليق شارك المزيد من خيارات المشاركة
doha بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 ياه فكرتني بالذي مضى .. من كام سنة كده كنت مدمنة كبتشينو وكان لازم حتما ولابد اشربه في المج المخصوص بتاعه ( الاحمر الي بيجي هدية على علبة النسكافيه ده ) اي مج تاني مكانش ممكن ابدا يكيفني زي المج الرسمي بتاع النسكافيه .. الطريقة ياسيدي سهله اوي ولا ماكينة ولا يحزنون ( بيشكروا اوي في كابتشينو الماكينة بس عيبها لو انكسر الدورق بتاعها ياحلو هتضطر ترميها وتجيب غيرها غالبا ملهاش قطع غيار فحرص على الدورق .. وبالمناسبة ماكينات الكبتشينو اشكال والوان عند اكسترا وغالبا بيكون عليها خصم كبير مش عارفه ليه فالي عاوز يجيبها من هناك افضل ) .. المهم .. هنجيب ملعقة النسكافيه .. ملعقة السكر .. ملعقة صغيره حليب مجفف .. هنلخبط كل ده على بعضه في الكوبايه على الناشف .. هنسخن المية لدرجه قريبة من الغليان بس مش هنخليها تغلي هنحط يادوب ملعقه ولا اثنين مية سخنة على الخليط ونقعد نقلب .. ونقلب .. ونقلب .. كفايه كده .. هنقلب الحليب على المية عشان يبقى عندنا حليب ساخن .. ده لو بودرة .. لو حليب عادي سائل يعني بنسخنه على المية بس مش عارفه ليه لما بنضيف له شويه مية صغيرين ( نخففه يعني ) بيطلع احلى .. المهم هنصب الحليب على الخليط السابق بس ( من فوق ) يعني نرفع الحاجه الي مسخنين فيها الحليب لفوق ونصبه بهدوء ( سرسوب ) على الخليط السابق .. في نصف المسافه هنقلب تقليبه وحده او اثنين ونرجع نكمل صب لغايه آخر الكوبايه .. هتطلع رغوه . بعد ماخلصنا العملية الجراحية السابقة بنجيب شويه نسكافيه صغيرين ونرشهم على الوش .. ودوق احلى كابتشينو .. توقفت عن الطقوس دي كلها لما اكتشفت ان القهوة بتعمل في عملتين اسود من بعض .. اولا بتوترني وتخليني سريعه الغضب .. بعد مابطلت قهوة بقيت ريلاكس خالص واعصابي في تلاجه .. وثانيا بتسبب لي ارتفاع مفاجيء في ضربات القلب .. ارتفاع لدرجه الالم احيانا .. ميزه القهوة الوحيده الي مفتقداها بجد انها بتسبب سده نفس غير عاديه يعني لو فطرت بيها ممكن اقعد لغايه العشا بدون مااشعر بجوع .. بالنسبة للعرقسوس فخذني جنبك يامعلم .. زمان كنت بكرهه كره العما النهرده انا من عشاقه .. بس مش بشربه كتير لسبب وجيه .. العرقسوس بيرفع الضغط دي حقيقة مؤكده علميا ولما كنت من ذوي الضغط المنخفض وفي مرة وانا حامل طقت في دماغي اشرب عرقسوس .. قعدت اشرب .. واشرب .. واشرب .. تقريبا شربت حاجه قريبه من ثلاث كوبايات كده .. فجأة ومن كتر الشرب .. لقيت مناخيري اكرمكم الله عماله تنزل دم .. تقريبا رفع عندي الضغط لدرجه ماطقيت بس مش من جنابي المرة دي .. فنصيحه الي يشرب عرقسوس يكون حريص جدا لانه بيرفع الضغط بشكل مبالغ فيه احيانا .. نسيت اقولكم .. احسن عرقسوس طبعا مش عاوزه كلام عرقسوس رمزي وهتلاقوه في كل محلات العطارة . ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
قلب ابيض بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 انا بأحب العرقسوس .. أو بمعنى أصح مدمن عرقسوس عارف والله إن في ناس ما بتطيقش ريحته ... لكن اعمل إيه طيب . باحبه يا ناس وفي أي وقت تيجي عندنا تلاقي أحلى عرقسوس شفا وخمير موجود في التلاجه ... ومش عاوز تريقه من الاخر يعني الله الله يا ابوعمر يا مزاااااااااااااااااااج bv:- فسيخ وعرقسوس ؟؟؟؟ وتتكسف من ايه يا راجل انا رفيقه الدرب والضرب كمان لو حكمت اعلنها من هنا بعلو صوتى انا بمووووووووووت فى العرقسوس حد عاوز حاجه ؟؟؟؟؟ :ninja: انا بقى يا ابو الاسيان يا عزيزى كنت فعلا مفتكسه مشروب حاالا والله قبل ما اقرا موضوعك 0000يعنى انا قدامى الكوبايه وبكتب لكم اهو كله فرش فرش المشروب ده عباره عن نعناع اخضر فرش +لمون فرش+ سكر x الخلاط والناتج + شويه سفن اب = احلى معادله فى الدنيا اقصد والله مشروب حكايه جربه وقولى عندى كمان مشروب مفتكس برده من افتكاساتى مش هاقوله لك الا لما تجرب الاولانى واعرف انك لسه عايش wst:: فطار الصبح: ازازة زادي بالفراولة,, مع لوزين تمر وانا سايق علي 160 علي شمال الخط الاصفر فالطريق للشغل (وبادفع المخالفات في وقتها)فالشغل: 3 او اربع كبايات نيسكافيه باشربهم وانا باجري غالبا فالبيت: كباية الشاى الأخضر تونينج بعد الأكل عشان الكرش و الهضم,, و ياسلام بأة عالنكهات. لاء منظم منظم يعنى :blink: خمنتاشر الف معلقه سكر فى كل المشاريب دى وتيجى للشاى يبقى اخضر عشان الكرش ؟؟؟؟؟؟؟؟ يعنى لوزين تمر وزادى فراوله و3-4 كوبايت فى 3 معالق سكر يعنى فوق ال15 معلقه سكر فى اليوم وبتدور عالكرش ؟ لاء انا هاقولك على مشروب احلى بقى عشان الكرش ده بس لو قلت لى انك ما زعلتش من كلامى :happy: رابط هذا التعليق شارك المزيد من خيارات المشاركة
عماد حمدي بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 (معدل) آه ياعيني ع الكابتشينو أبو رغوه مممممممم واللي بيعمل إشنبة :blink: انا مشروبي المفضل (( القهوه )) وبتفنن في عملها .. آي والله .. لو كنت إشتغلت صبي قهوه كنت فلحت وحيات ربنا في اليوم الواحد بشرب في حدود ( 5 : 7 ) كوبايات قهوه .. طريقة عملها المظبوط بقا ... رنكزوا معايا هنجيب 4 ملاعق قهوه ونحط عليهم السكر حسب الطلب ( انا معلقةواحده ) وتقل مع تقليل كمية البن بعدين نلخبطهم ع بعض بحيث البن والسكر يدخلوا في علاقة غير شرعية .. نرش عليهم مية نفوقهم ونقولهم دا غلط .. تقوم المية مغرقاهم هما الأتنين .. ونضطر نحطهم ع النار .. ( ودا العقاب الأشد ) وجزاه البن اللي مبيسمعش الكلام .. والسكرة أم عين زايغة .. نحاول بقدر الإمكان نخلي النار هادية خااااااااالص خاااااااااالص علشان البن يستوي مظبوط ونقلبهم كويس كذا مرة كدا .. وبعد خمساية كدة نقلب تاني الكنكة علشان البن ميكونش رسّب في قاعده الكنكة ويتحرق وتطلع ريحتها مش ظريفة ... بعد التقليبة الأولي نحط شوية " قرنفل " 2 بس .أو 3 حبات .. وبعد كدة أول ما تحس انها خلاص هتغلي تصب بقا بالكنكة في الكوباية .. وبعدين نرجع نحط الكنكة ع النار تاني .. ونصب بدوران .. ونحط .. ونصب وهكذا ... واشرب بقا الكوباية دي .. وانسي النوم .. وشوف التركيز وكمية السجائر اللي هتشربها .. دا علشان لما بقوم من النوم بكون في مرحلة فقدان وعيَ لمدة ساعتين الكوباية دي بتظبط التظابيط تشهيص المسائل ملحوظة سوفيفة كدة .. للناس اللي بتشرب قهوه وكييفة والقهوه ع النار .. حاول تسخن وتغليها مية وتحطها في الفنجان او الكوباية وتسيبها فيهم ع ما القهوه تخلص وبعد ما تخلص القهوه أرمي المية بقا من الكوباية .. وصب القهوه براحتك لية بقا ؟؟ علشان الكوباية او الفنجان تكون سخنه وحرارتها تكون عالية :happy: (( وأي كافية في الدنيا لو علية ناس فاهمة بتعمل الحركة دي )) علشان القهوه تنزل للزبون سخنة مولعة ناااااار لانة وسابها 3 دقائق الفنجان هيبرد :ninja: ومفيش مانع أن الكوباية بتاعت الصبح يتحط عليها لبن لونا " المركز " شوية صغنطتين .. لكيت كتير أنا صح wst:: معلش بقا ,, وبالهنا والشفا .. معلش نسيت حاجة اللي عنده ضغط يبعد عن الوصفة الهباب دي .. تم تعديل 20 أبريل 2010 بواسطة omda2006 رابط هذا التعليق شارك المزيد من خيارات المشاركة
قلب ابيض بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 ياااااااااااااادى القهوه wst:: هى المشاريب كلها بقت غامقه ليه كده من البن للنسكافيه ياقلبى لا تحزن :happy: شوفتوا انا مشروبى اخضر وملعلع ازاى bv:- على فكره بقى معلومه وغير قابله للتريقه :blink: انا بعمل احلى كابتشينو فى الخلاط :ninja: جربوه رابط هذا التعليق شارك المزيد من خيارات المشاركة
justme بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 الى محبي السهولة طريقة مجربة ومش من اختراعي العاملات عندنا في الشغل بيريحوا نفسهم من التقليب والخلط وعلشان الرغوة كمان هو الخلاط زي ما بقولكم كده الخلاط في ثواني بيخلص الحوار ده ولا مكنه ولا يحزنون جربوا وادعولي ( يارب متدعوش عليا) :happy: [(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32) {وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129] ( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123 ( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 ) { وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ] رابط هذا التعليق شارك المزيد من خيارات المشاركة
عماد حمدي بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 على فكره بقى معلومه وغير قابله للتريقه :ninja: انا بعمل احلى كابتشينو فى الخلاط :happy: جربوه :blink: أفهمها دي !!! كابتشينوا في الخلاط إزاي .. دي هيا كوباية حزينة .. wst:: رابط هذا التعليق شارك المزيد من خيارات المشاركة
عماد حمدي بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 (معدل) الى محبي السهولةطريقة مجربة ومش من اختراعي العاملات عندنا في الشغل بيريحوا نفسهم من التقليب والخلط وعلشان الرغوة كمان هو الخلاط زي ما بقولكم كده الخلاط في ثواني بيخلص الحوار ده ولا مكنه ولا يحزنون جربوا وادعولي ( يارب متدعوش عليا) :ninja: خلاط تاني :happy: تم تعديل 20 أبريل 2010 بواسطة omda2006 رابط هذا التعليق شارك المزيد من خيارات المشاركة
justme بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 ياااااااااااااادى القهوه wst:: هى المشاريب كلها بقت غامقه ليه كده من البن للنسكافيه ياقلبى لا تحزن :happy: شوفتوا انا مشروبى اخضر وملعلع ازاى bv:- على فكره بقى معلومه وغير قابله للتريقه :blink: انا بعمل احلى كابتشينو فى الخلاط :ninja: جربوه على فكرة انا كتبت نفس الموضوع ومشفتش مداخلتك بس دي فعلا طريقة مجربة [(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32) {وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129] ( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123 ( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 ) { وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ] رابط هذا التعليق شارك المزيد من خيارات المشاركة
justme بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 خلاط تاني :happy: اه يا عمده وتالت كمان جرب بس وقولنا ايه رأيك [(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32) {وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129] ( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123 ( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 ) { وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ] رابط هذا التعليق شارك المزيد من خيارات المشاركة
pink rose بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 من ناحية المشروب المفضل ليا فا في مشاريب كتير باموت فيها اولا :السحلب يا سلام عليه بالزبيب من غير مكسرات يا حلاوته يا جماله ثانيا :عصير الجوافة دا بقى عشق ثالثا : المشروب الاول في رمضان كركاديه بالتمر الهندي رابعا : عصير القصب و فرحت اوي لما انتقلنا الرياض لاني لقيت محلات عصير القصب اصل في القصيم مش عارفه هو مشروب ممنوع و لا ايه بس للاسف في الرياض بيعملوا عملة سودا كده بيحطوا عليه ليمون مش عارفه ليه :happy: الله يسامحك يا س س خاليتني عطشت و انا لسا واكلة تورتة و متمزجة منها اوي :ninja: رابط هذا التعليق شارك المزيد من خيارات المشاركة
doha بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 قلب ابيض باين على مشروبك منعش واعتقد لو انحط عليه بدال السكر عسل ابيض هيبقى اكثر انتعاشا .. هحاول اجربه باذن الله .. بمناسبة المشاريب المفتكسه فكرتوني بعصير عملته من فترة وصورته وقلت انزلكم الطريقة وانشغلت .. اعتقد ده وقته .. الفكرة باختصار اني كنت مسافرة ثاني يوم وبفضي الثلاجه .. لقيت فيها عصير مانجو جاهز ..فراولة مقطعه ومرشوش عليها كمية كبيرة من السكر ومتروكه في الثلاجه في علبة متغطية لغايه مايطلع لها عصير .. موز .. حليب .. المهم قلت احط التركيبه اللولبية دي كلها في شيء واحد وكان الآتي .. الموز تم ضربه مع الحليب والسكر وطلع موز باللبن .. طبعا مش هنحط حليب كتير عشان ميبقاش خفيف .. الفراولة تم ضربها في العصير بتاعها فطلع مشروب فراولة مكثف .. المانجو مقدرتش اضربها لان جايه في علبتها فاحترمتها سبتها زي ماهي .. طبعا تم استخدام عمود الخفق مش الخلاط وده اسهل لانه ممكن يخلط لك كذا صنف باي كميه عاوزها بدون ماتحتاج تغسل كل شويه وتشيل وتحط زي ماهو في الخلاط العادي .. والاهم لان معنديش خلاط . . هنجيب الكاسات الي هنقدم فيها .. هتصب الاول شويه من الموز باللبن عشان هو اثقل خليه ينزل تحت .. هنحط بعدين بالملعقه شويه من مشروب الفراولة .. اخيرا هنحط شويه عصير مانجو على الوش .. نجيب بقى اي حاجه عندنا ترانشات برتقال او فراولايه كبيرة مقطوعه اثنين ..ممكن حرنكش او فردة شبشب .. اي حاجه الموجود منها يسد .. ونحطها على الوش قال بنعمل حركات يعني .. صادف ان في شويه حرنكش وبرتقال صغير كنت شرياهم عشان اجيبهم لماما هنا (بتهادي مامتها بحرنكش .. فقرية ) فقلت ازين بيهم التجربة .. وكانت النتيجه بصراحة عصير .. راااائع بمعنى الكلمه .. و اتفضلوا بالهنا والشفا .. ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
قلب ابيض بتاريخ: 20 أبريل 2010 تقديم بلاغ مشاركة بتاريخ: 20 أبريل 2010 (معدل) الى محبي السهولةطريقة مجربة ومش من اختراعي العاملات عندنا في الشغل بيريحوا نفسهم من التقليب والخلط وعلشان الرغوة كمان هو الخلاط زي ما بقولكم كده الخلاط في ثواني بيخلص الحوار ده ولا مكنه ولا يحزنون جربوا وادعولي ( يارب متدعوش عليا) :ninja: خلاط تاني :happy: لو معندكش خلاط او الكميه قليله برطمان مربى فاضى طبعا والمكونات جواه ورجه بعنف بفترى بغباااااء واشر ب بقى تم تعديل 20 أبريل 2010 بواسطة قلب ابيض رابط هذا التعليق شارك المزيد من خيارات المشاركة
se_ Elsyed بتاريخ: 21 أبريل 2010 كاتب الموضوع تقديم بلاغ مشاركة بتاريخ: 21 أبريل 2010 شكراً لمشاركات الاخوة الشريبه بالمنتدى --------------- مدام وايت هارت باشا .... المشروب العجيب بتاع حضرتك ده اللي عرفني عليه صديقي المُشرف " أسد " وكنا بنشربة في كوفي شوب هنا إسمه " لا فاين " بس حكايه ... لأنه بيتعمل كمان بتلج مجروش فبيبقى منعش .. -------- الله يسامحك يا س س خاليتني عطشت و انا لسا واكلة تورتة و متمزجة منها اوي لو سمحتي يا ريمو مالكيش كلام معايا من ساعة ما شتمتي الفسيخ وأنا قلبي شايل منك ومش هاسامحك إلا وإنت داخله علينا المنتدى وماسكه في إيدك رنجايه ... ---------------- تسلم إيدك يا ضحى الحنكوش ده شكله مُغري ومش هايقول لأ ----- عُمده .. وجست مي .. أهلاً بكم في نادي الكابتشينو .... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
الغريب بتاريخ: 21 أبريل 2010 تقديم بلاغ مشاركة بتاريخ: 21 أبريل 2010 (معدل) حران زهقان متضايق قرفان يبقى علاجك شراب "المنعش" المقادير : 1-سفن أب 2-نعناع أخضر 3-ليمون 4-ثلج مجروش طريقة العمل : إضربهم مع بعض في الخلاط ، وبعد كدة أنتعش وإشرب بس خلاص :unsure: تم تعديل 21 أبريل 2010 بواسطة الغريب رابط هذا التعليق شارك المزيد من خيارات المشاركة
fatfouta بتاريخ: 21 أبريل 2010 تقديم بلاغ مشاركة بتاريخ: 21 أبريل 2010 (معدل) حد جرب عصير الليموناتا باللبن؟؟؟ تحفةةةة جميل جدا ومنعش المقادير 4 حبة لمون مصرى كبير 3/4 كوب لبن حليب ساقع 3 كوب ماء ساقع برضو السكر ذى ماتحبه والأول نحط كل المقادير فى الخلاط كانك بتعمل ليموناتا عادى جدا وبعدين نضربه جامد وبعدين نصفيه وبعد كده نرجعه الخلاط تانى بعد تصفيته......وطبعا تشطفوا الخلاط قبل ماترجعوه تانى ونحط عليه اللبن ونضربه تانى فى الخلاط عشان يحافظ على الرغوة اللى فوق هو السر فيه كتر الليمون لازم الليمون يبقى كتير ومش متقشر عشان عشان يدى طعم لذيذ واتفضلوا اشربوا واحدة صاحبتى قلتلى حطى فيه عود نعناع اخضر وعيشى الانتعاش....جربت وفعلا طلع جميل اى خدعة تم تعديل 21 أبريل 2010 بواسطة fatfouta رابط هذا التعليق شارك المزيد من خيارات المشاركة
jasmin hamed بتاريخ: 21 أبريل 2010 تقديم بلاغ مشاركة بتاريخ: 21 أبريل 2010 (معدل) انا بقى مشكلتى مع قرش الكابتشينو ده مشكله بعد ماعد اقلب اقلب اقلب باكله كده بالمعلقه قبل ما احط عليه اللبن اه و الله المشكله كمان انا مابحبش السكر فى القهوه ابدا و عليه القهوه اليوميه تركى ساده و مغليه من غير وش على فكره بعد سنين طويله فى موضوع القهوه ارجو من حضراتكم تجربوا الكريمر مش اللبن بجد اللبن بيغير طعم القهوه بعيدا عن القهوه شوية مشاريب كده على ماقسم 1 بولة ايسكريم فانليا + صودا او سفن اب 2 - نص كوباية لبن مثلج + نص كوباية سفن اب+ رشة فانليا + قشرة ليمونه + نقتطين ليمون + تلج مجروش ( تحفه فنيه من اختراعى ) 3 - لعمل الكبتشينو ساقع معلقتين نسكافيه + باكو كريم شانتيه + فنجان لبن متلج و بعد ماتضربوهم فى الخلاط لما الكريمه تجمد فى كوبايه نصها لبن و نصها الخليط و تلج ونقلب 4 - للانجاز لما يكون عندكو ضيوف كتير اشترى ليمون من السوبر ماركت و خود كوبايه و اضرب عليهم نعناع و خلطهم على بعض او عصير مانجو علب و عليه منجا مقطعه فريش اى خودعه 5 - بدل السحلب ممكن الكسترد الاصفر بس خفيف شويه و عليه مكسرات 6 - لو مش من هواه شرب الميه ذى اشترى نعناع فتله او شاى اخضر بالنعناع (مش فريش ) و حطو فى ازازه ميه ساقعه 7 - عصير الفزدق او البندق (اى مكسات تانيه تنفع برده بس دول احلى اتنين ) او لا تحمص المكسرات شويه حلوين و نسبهم يبردوا خالص خالص نجيب كريم شانتيه و لبن ساقع جدا و نضربهم فى الخلاط لكن خدو بالكم على الباكيت بتاع الكريم شانيه بحطوا معيار لبن فى حالة العصير ده بنضاعفه لاننا مش عايزين كريمه انما عايزين عصير قوامه تخين شويه و بعدين نحط الخليط فى الفريزر يجى ساعه او لغاية ما يبتدى يدوب يتجمد و فى المطحنه تنطحن المكسرات بودره و بعدين نخلط الاتنين مع بعض 8- فرجن مارى : عباره عن عصير طماطم يفضل الجاهز و عليه ملح و فلفل و شطه و ليمون و عودين كرفس و تلج 9 - لو كان عنكم عزومه و عايزين تبهرو الناس شوية ممكن تجيبوا ازازة السفن و تعصرو عليها لمونتتين تلاته و تستخدموا الوان الاكل تحطو نقتطين لون ازرق مثلا فى السفن و تقدموه فى كاسات بيضه بجد شكله بيبقى جامد جدا 10 افتكاسه اخر حاجه بس ماحدش يضرب جربوا تغلوا كان كوكاكولا و تشربوها بجد طعمها حلو موت سخنه تم تعديل 21 أبريل 2010 بواسطة jasmin hamed I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
pink rose بتاريخ: 21 أبريل 2010 تقديم بلاغ مشاركة بتاريخ: 21 أبريل 2010 انا بقى مشكلتى مع قرش الكابتشينو ده مشكله بعد ماعد اقلب اقلب اقلب باكله كده بالمعلقه قبل ما احط عليه اللبن اه و الله المشكله كمان انا مابحبش السكر فى القهوه ابدا و عليه القهوه اليوميه تركى ساده و مغليه من غير وش على فكره بعد سنين طويله فى موضوع القهوه ارجو من حضراتكم تجربوا الكريمر مش اللبن بجد اللبن بيغير طعم القهوه بعيدا عن القهوه شوية مشاريب كده على ماقسم 1 بولة ايسكريم فانليا + صودا او سفن اب 2 - نص كوباية لبن مثلج + نص كوباية سفن اب+ رشة فانليا + قشرة ليمونه + نقتطين ليمون + تلج مجروش ( تحفه فنيه من اختراعى ) 3 - لعمل الكبتشينو ساقع معلقتين نسكافيه + باكو كريم شانتيه + فنجان لبن متلج و بعد ماتضربوهم فى الخلاط لما الكريمه تجمد فى كوبايه نصها لبن و نصها الخليط و تلج ونقلب 4 - للانجاز لما يكون عندكو ضيوف كتير اشترى ليمون من السوبر ماركت و خود كوبايه و اضرب عليهم نعناع و خلطهم على بعض او عصير مانجو علب و عليه منجا مقطعه فريش اى خودعه 5 - بدل السحلب ممكن الكسترد الاصفر بس خفيف شويه و عليه مكسرات 6 - لو مش من هواه شرب الميه ذى اشترى نعناع فتله او شاى اخضر بالنعناع (مش فريش ) و حطو فى ازازه ميه ساقعه 7 - عصير الفزدق او البندق (اى مكسات تانيه تنفع برده بس دول احلى اتنين ) او لا تحمص المكسرات شويه حلوين و نسبهم يبردوا خالص خالص نجيب كريم شانتيه و لبن ساقع جدا و نضربهم فى الخلاط لكن خدو بالكم على الباكيت بتاع الكريم شانيه بحطوا معيار لبن فى حالة العصير ده بنضاعفه لاننا مش عايزين كريمه انما عايزين عصير قوامه تخين شويه و بعدين نحط الخليط فى الفريزر يجى ساعه او لغاية ما يبتدى يدوب يتجمد و فى المطحنه تنطحن المكسرات بودره و بعدين نخلط الاتنين مع بعض 8- فرجن مارى : عباره عن عصير طماطم يفضل الجاهز و عليه ملح و فلفل و شطه و ليمون و عودين كرفس و تلج 9 - لو كان عنكم عزومه و عايزين تبهرو الناس شوية ممكن تجيبوا ازازة السفن و تعصرو عليها لمونتتين تلاته و تستخدموا الوان الاكل تحطو نقتطين لون ازرق مثلا فى السفن و تقدموه فى كاسات بيضه بجد شكله بيبقى جامد جدا 10 افتكاسه اخر حاجه بس ماحدش يضرب جربوا تغلوا كان كوكاكولا و تشربوها بجد طعمها حلو موت سخنه ايه يا جاسي المشاريب المطرقعة دي قال اغلوا الكوكا قال :unsure: رابط هذا التعليق شارك المزيد من خيارات المشاركة
jasmin hamed بتاريخ: 21 أبريل 2010 تقديم بلاغ مشاركة بتاريخ: 21 أبريل 2010 ايه يا جاسي المشاريب المطرقعة ديقال اغلوا الكوكا قال :unsure: يا بنى جربى ديتها ايه كان كولا وحياتك هتدنى فيها براءة اختراع مش هتخسرى غير كوباية كولا I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان