من كواليس الأشراف ( أستر من الكواليس والكوابيس ياررررررب )

[se_ Elsyed]

هذه القصة إشرافية واقعيه عاطفية مُلتهبه .. وكلو يووووسع

--------------

أحمد سيف : لو سمحتو يا رفاق .. وصلتني رسالة خاصة على شكل شكوى من العضوه ضُحى بتعترض على موضوع " القفا " الخاص بالزميلة لماضه ... شيروا عليه .. اعمل إيه ؟

سكوربيون : يا فتاح يا عليم يا رزاق يا كريم ... توب علينا يارب ... نعم يا سيدي وإيه وجه الإعتراض ؟

أحمد : بتقول في الشكوى إن موضوع القفا بيحرض على العنف ... وإن هناك ناس كتير بمجرد ما تشوف قفا حلو ومصلطح كده .. ممكن يحدث لها إثارة للنزعات العدوانية الداخلية وتنزل على القفا ده ضرب وفين يوجعك ..

أبو محمد : والله تحليل منطقي وأقرب للصواب ..

سكوربيون : أنا رأيي ... لا يُفتي وسين سين في الصالون .. قصدي في المدينة ... ده راجل حلاق قديم .. وياما ورد عليه قفوات .. قول رأيك يا أسطى وبالتدريج وراعي شعورنا لو سمحت .

سين سين : إحم إحم ... أنا أعتقد إن مافيش في الموضوع ما يدعوا إلى كل تلك الجلبه ..

سكوربيون مقاطعاً : يا ريتني ما أستشرتك ... ما تتكلم عدل يابني ادم ومن غير تقعر ..

س س : من الأخر .. عادي .. الواحد ياما شاف قفييان ... وعُمري ما النعرات العدوانية دي واللي أسمها إيه كبرت عندي ... بس لو ممكن أنقل لكم خلاصة تجاربي مع دنيا القفا ...

أبو محمد : كلنا أذان مطرطقه يا سين .. قول وزدنا من علم " القفالوجيا "

س س : شوفوا .. أنا أول ما أشوف قفا الزبون من دول وانا مكتفه عالكرسي بأعرف شخصيتة على طول .. يعني

القفا المصلطح العريض .. بيدل على شخصية منبعجه والانا عندها متضخمه .. وتدل على إن الإنسان ده صِدغ .

لولا : أكسكيوز ... يعني إيه صِدغ ؟

أحمد سيف : يعني يا لولو إنتي فهمتي كل حاجه ووقفتي عند النقطة دي .كمل يا عم

أسد : كمل يا أسطى الله يرضى عليك ..

س س : القفا بقى الموطول والسوفنتف .. بيدل على شخصية إنعزالية .. وتحس إن ده راجل في حاله ...

لولا : لو سمحت يا أخ سين .. حاول تستعمل إبكسريشن تكون كلير ومفهومه للجميع .. بليز ..

ويستكمل سين سين غير مكترثاً ... : في بقى قفا مالوش ملامح ... يعني تحس إن الإنسان ده غامض ومالوش شكل ووشه زي قفاه ... أنا بيني وبينكم أول ما بأشوف القفا ده .. باخد الحساب مقدماً عشان ما ببقاش عارف مية الزبون دي إيه .

سلوى : والله يا جماعة أنا شايفه أن الموضوع ده مالوش أي لازمه وإحنا بنضيع وقتنا على الفاضي . لإن القفا في أسبانيا وتحديداً في إقليم الباسك المتنازع عليه شي عادي جداً وما بيثيرش أي نزعات عدوانية ولا حاجه .. بل بالعكس ده رمز للسلام والمحبة .

سكوربيون : إزاي يا مدام سلوى ... طمنيني الله لا يسيئك ؟

سلوى : يعني يا سكوب .. القفا زيه زي أي حاجه في جسم الإنسان ... بل بالعكس ... ده بيستحمل ياما .. وعمره ما اشتكى ... طب تخيل في حزب هنا عامل الرمز بتاعه القفا "

أسد : بجد ؟ يعني لما أحب أشارك في العملية الإنتخابية وأقتنع ببرنامج المرشح ده ... يجيلي وش أقول أنا أنتخبت قفا ؟

محمد : عادي .... إنتو في إيه يا جماعة ؟ كل حاجه بتفسروها بنظرية المؤامرة كده ؟ في أمريكا برضوا كلمة القفا ما فيهاش أي إساءه

س س : ايوه يا عم محمد ... بس ربنا يجعل كلامنا خفيف عليهم ... في مصر ليها معاني كتيره وتلميحات مش ظريفه سيادتك

عادل أبو زيد : أيها السادة .... لكي نقطع الشك باليقين ممكن نستدعي الفاضلة لماضه لغرفة الإجتماعات ونناقشها في مقصدها من هذا الموضوع لإزالة اي ألتباس ممكن أن يحدث ... ده كان إستهلال لابد منه ... يا أخ أحمد إبعت لها رسالة تقابلنا بكره الساعة 6 بتوقيت جريتنش ونشوف ماذا سيسفر عنه هذا الإجتماع

وفي الموعد تحضر لماضه وهي ترتعد خوفاً وترتجف رعباً :

لماضه : العواف عليكم

فلانه : الله يعافيكي ... إييييييييييييييييه إنتي داخله فسحه ياختي ... إسمها بنسوار .. بنجور ... كده يعني ؟

لماضه : لا مؤخذه يا تنت ... أصل غرفة الفيران دي لها هيبه كده وأنا مرتبكه وأول مره أحضر حاجه زي كده ... مساءكم كله طمئنينه لا يشوبه أي رعب .

س س : يا اخت لماضه ... بالنسبة للقفا

لماضه بسرعة : ماحدش يضرب .. ماحدش يضرب ... وكتاب الله هاعترف .. إلا القفا أنا ده ممكن أفقد الذاكرة من أول قفا ... أيوه أنا المسئولة عن إختفاء الأعضاء من المنتدى .. واي حاجه بتضيع أنا اللي بأسرقها ... حتى أمبارح لسه قاتله 5 أعضاء برصاصة واحده ..... أنا سبب كل البلاوي ...

أسد : حنانيكي حنانيكي يا زميلة لماضه . .. إحنا هنا بنناقش حضرتك مناقشة زميل لزميلة ... أخ لأخته ..... كتكوت لدجاجته ..

لماضه : آه آه .. مانا عارفاكو .. بتقولوا كده في الاول وبعدين زووووووووووووووو عينك ما تشوف الا النور ... حتى بُص الأخ سين سين اللي هناك ده عمال يزغر لي إزاي وبيكور قبضشت يده وبيعملها بونيه ... تفتكر هايسلم عليه يعني ؟

سلوى : لمضمض حبيبة قلبي .. أنا أضمن لك إن مافيش حد يقدر يمد إيده عليكي ... أنا هاطلب لك كاس لمون بالجنزبيل عشان تريحي أعصابك وتجاوبي على كل الأسئلة .

لماضه وهي تبكي : اللهي يطعمك ما يحرمك ويكفيكي شر العيا يا ماما سلوى يا عسل .. والله إنتي اللي فيهم .. طب ممكن حاجه حرشه مع اللمون عشان أعرف أبلعه ؟

لولا : وات .. حِرشه ؟

لماضه : لا مؤخذه يا شابه .. قصدي يعني ساندوتش بتشنجان ... رغيف فلافل ... شقة فول

س س : لا حول ولا قوة إلا بالله .. إيه الحاجات اللوكل دي ... بقى بنقول لك لمون وجنزبيل وإنتي عماله تتكلمي في حاجات غريبه وأساميها أغرب .... ياااااااااااااااااي ؟

أسد : ندخل في الموضوع .. سين ؟

سين سين : نعم يا أبيه ؟

أسد : لأ موش إنت ... أنا بأقول سين سؤال للمتهة لماظه .... ما هو قولك فيما هو منسوب إليكي من إتهامات بالتحريض على العنف وإثارة النعرات الطائفية والعدوانية بالمجتمع ؟

لماضه : يا نهار إسود يا نهار إسود ... طب ممكن أكلم أخويا الكبير يشدي لي محامي .؟ دي حاجات فيها إعدام يا جدعان .

أحمد سيف : يا لماضه هما كلمتين ورد غطاهم وهانوصل لك مطرح ما جيتي معززه مكرمه .... جاوبي الله يكرمك ..

لماضه : يا سعادة البية وكيل النيابة وكتاب الله أنا طول عُمري في حالي وماشيه جنب الحيط .. نعرات إيه وفالنات إيه ؟ والله ما شوفتها ولا اعرف الحاجات دي أساساً

س س : من الأخر ومن غير لف ولا دوران ... الإنكار مش هايفيدك .. كان قصدك إيه في موضوع القفا ده ؟ وتقصدي قفا مين بالظبط يا ست لماضه يا متعلمه يا بتاعت المدارس ؟

لماضه : أقصد قفايا يا باشا ... وكتاب الله قفايا اللي ياما أتهرا في مشوار حياتي ... لدرجة إني كتبت مره قصيد بعنوان " مرثية قفا "

س س : وإحنا إش عرفنا إنه قفاكي ؟

لماضه : طب أعمل إيه عشان أثبت لكو يعني ؟ .. بُص يا باشا .. إذا كان الموضوع مش عاجبكو .. أحذفوه ... أو احرقوه ... بس بلاش ضرب بلاش ضرب ..

عادل أبو زيد : شوفي يا فاضلة لماضه ... البلد اليومين دلو فيها حراك سياسي وحاله مخاض

لماضه : الباشا الكبير ... وكتاب الله أنا باحبك زي أبويا وبأقول إن حضرتك اللي هاتفهمني ... كمل يا باشا .. أنا سمعاك

عادل أيو زيد : اظنك سمعتي عن حركة 6 أبريل ... وايلول الأسود ... وشوفتي بتوع الأمن المركزي بيعملوا إيه في المتظاهرين ؟

لماضه : شوفتهم يا باشا وهما بيلسعوا قفاهم بالخرزانات

عادل ابو زيد : عليكي نور ... اهو ده مصدر القلق ...

لماضه : إزاي يا باشا ؟

عادل أبو زيد : يعني بإختصار ... لما احنا كصالون ثقافي سياسي لنا موقف مما يحدث .. يكثر لدينا الكلام عن المواضيع اللي زي دي .. يبقى كده بنعرف جهات الامن دي نقاط ضعفنا ... فهمتي ؟

لماضه : يا سلاممممممممممممممممممممم .. طب والله صح .... صح صح ... كده فهمت ... طب إيه رأيكم أنا بعد كده هاكتب مواضيع عن الخدود أو الأي لاينر ... اهي حاجات نواعم أهي وكلها رومانسية ...

س س : يخرب بيت كده ... يا بنتي عندنا شباب لسه ما أتجوزوش .. والحاجات دي غلط على عقلهم الباطن ..

لماظه : طب هاكتب عن الفشا والممبار والكوارع ... ها قولتوا إيه ؟

فولانه : كده الشيف بندق ممكن يزعل منك ويقول إنت بتزاحميه في أكل عيشه .

لماظه : طب هاكتب عن الشعر ومشاكلة والقشرة وأحدث الصرعات في موضوع القصات والجرسون والموزامبيليه ؟

س س : والله عال ... وأقفل أنا الصالون واٍسرح بعربية تين شوكي ؟

لماظه : طب بُصوا يا باشمهندسين .. إكتبوا إنتو المواضيع اللي عاوزينها وحطوا عليها إسمي ... حتى لو كانت مواضيع لبش مش إشكال .أتقفش انا ورقبتي تبقى فداكو . مصر مصر تحيا مصر وبلادي بلادي لكي حبي وفؤادي وقفايا فداكي يا مصر

تمت

[ssmaly]

مش عارف اقولك ايه

ياجماعة اشهدوا على سين سين

اذا لم اظهر خلال ال24 ساعة القادمة تعرفوا ان سين سين موتنى من الضحك

وحدوووووووووووووووووووا

[joo]

واللة جامدة يا س س

ملكش حل :rolleyes:

[اغابي]

احـــــــــــــــب اضيــــــــــــف لكلامــــــــــــك يا س س

بصـــــــررراحة فعلا الموضوع خطـــــــــــير - ويستاهل اننا تكون لنــــــــــــا وقفـــــــــــة فيــــــــــــــــــــه wst::

خاصة فى ظروف مصر حاليا والايادي الخفية وراء تحريك النزعة العدوانية ضــــد للقفــــــــــــــــــــــــــــــــا

بس انا باعرف الشخص من قفاه

- وبما ان الموضوع شمل نقطة تحليل القفا يعنى ولمواخذة

النوع الاول اسمه قفا قفا

لما اكون ماشية فى الطريق وقدامى ماشي واحد قفا هو كله على بعضه كده قفــــا بجــــد

يعنى تديله كلاكس قفــــا - تقوله يا عم وســــع برضوه قفا - ولا يرد ولا كانه هو هنـــــــــا وفى الاخر تضطر اما تدوسه وتخلص البشر منه :lol: او تنزل تديله على القفا :lol:

ونوع تاني اسمه قفا بيستهبل :lol:

وداه نوع غالبا غالبا تلاقي صاحب هذ القفا راكن جنب عربيتك الصبح او قاعد فوقيها - وتفتح باب العربية ويبقى شايفك ومش موسع وتشغل العربية وهو شايفك ومش موسع وبعدين تنزل بكل زوق ورقة وتقوله لو سمحت ممكن توسع علشان عاوزة امشي - يرد ويقول اه يا خبر - لمؤاخذه ما اختش بالى - داه القفا اللى بيستهبل .

حقيقي اللى زى كدا بيثير العدوانية اللى كامنة جوايا وبابقى عاوزة انزل من العربية و انزل فيه يجى 100 قفا وقفا على قفاه .

كان عندنا نظرية مشهورة فى القانون الجنائي وهى بالمناسبة تخص القفا - كمعلومة للجميــــــــع

- ودى درسناها فى كتاب القانون الجنائي الفرقة الثالثة كلية الحقوق بتنص النظرية على انه

اكد الباحثين والعلماء على تصنيف المجرم الى نوعين :

النوع الاول ( يسمي ) المجرم بالفطرة

والنوع الثاني ( يسمي ) المجرم نتيجة تنشئته فى مجتمع فاسد ويدعوا للجريمة

والابحاث اكدت والكلام داه نتيجة بحث ودراسة ومن فى حقوق يعرفون هذه النظرية جيدا - المجرم بالفطرة بيعرف من قفاه - حيث يوجد حفرة بارزة فى القفا اسفل منطقة الراس اذا وجدت الحفرة لابد ان هذ الشخص يكون مجرم عنده عدوانية شديدة تؤهله لان يصبح مستقبله فى عالم الجريمة - وقد تمت الابحاث على فئة كبيرة ممن هم فى السجون ووجد ان جميعهم وخاصة بعد دراسة ظروف تنشئتهم الاجتماعية والتاكد انهم مجرمون بالفطرة ووجدو هذه الحفرة موجود بالفعل عند ( القفا ) وواضحة للرؤية رغم تنشئتهم تنشئة سليمة .

والنوع الثاني ممن يمتازون ( بتسطح القفا ) دون وجود اى حفرة اسفل الراس - هما مجرمون نتيجة المجتمع وحسب التنشئة الغير سليمة

- كما هو قصة فلم ( جعلونى مجرما )

تحــــــ اغابـــــــــــي ــــياتــــى

:rolleyes:

تم تعديل 24 أبريل 2010 بواسطة اغابي

[the consultant]

احـــــــــــــــب اضيــــــــــــف لكلامــــــــــــك يا س س

بصـــــــررراحة فعلا الموضوع خطـــــــــــير - ويستاهل اننا تكون لنــــــــــــا وقفـــــــــــة فيــــــــــــــــــــه :lol:

خاصة فى ظروف مصر حاليا والايادي الخفية وراء تحريك النزعة العدوانية ضــــد للقفــــــــــــــــــــــــــــــــا

بس انا باعرف الشخص من قفاه

- وبما ان الموضوع شمل نقطة تحليل القفا يعنى ولمواخذة

النوع الاول اسمه قفا قفا

لما اكون ماشية فى الطريق وقدامى ماشي واحد قفا هو كله على بعضه كده قفــــا بجــــد

يعنى تديله كلاكس قفــــا - تقوله يا عم وســــع برضوه قفا - ولا يرد ولا كانه هو هنـــــــــا وفى الاخر تضطر اما تدوسه وتخلص البشر منه :lol: او تنزل تديله على القفا :lol:

ونوع تاني اسمه قفا بيستهبل md2:

وداه نوع غالبا غالبا تلاقي صاحب هذ القفا راكن جنب عربيتك الصبح او قاعد فوقيها - وتفتح باب العربية ويبقى شايفك ومش موسع وتشغل العربية وهو شايفك ومش موسع وبعدين تنزل بكل زوق ورقة وتقوله لو سمحت ممكن توسع علشان عاوزة امشي - يرد ويقول اه يا خبر - لمؤاخذه ما اختش بالى - داه القفا اللى بيستهبل .

حقيقي اللى زى كدا بيثير العدوانية اللى كامنة جوايا وبابقى عاوزة انزل من العربية و انزل فيه يجى 100 قفا وقفا على قفاه .

كان عندنا نظرية مشهورة فى القانون الجنائي وهى بالمناسبة تخص القفا - كمعلومة للجميــــــــع

- ودى درسناها فى كتاب القانون الجنائي الفرقة الثالثة كلية الحقوق بتنص النظرية على انه

اكد الباحثين والعلماء على تصنيف المجرم الى نوعين :

النوع الاول ( يسمي ) المجرم بالفطرة

والنوع الثاني ( يسمي ) المجرم نتيجة تنشئته فى مجتمع فاسد ويدعوا للجريمة

والابحاث اكدت والكلام داه نتيجة بحث ودراسة ومن فى حقوق يعرفون هذه النظرية جيدا - المجرم بالفطرة بيعرف من قفاه - حيث يوجد حفرة بارزة فى القفا اسفل منطقة الراس اذا وجدت الحفرة لابد ان هذ الشخص يكون مجرم عنده عدوانية شديدة تؤهله لان يصبح مستقبله فى عالم الجريمة - وقد تمت الابحاث على فئة كبيرة ممن هم فى السجون ووجد ان جميعهم وخاصة بعد دراسة ظروف تنشئتهم الاجتماعية والتاكد انهم مجرمون بالفطرة ووجدو هذه الحفرة موجود بالفعل عند ( القفا ) وواضحة للرؤية رغم تنشئتهم تنشئة سليمة .

والنوع الثاني ممن يمتازون ( بتسطح القفا ) دون وجود اى حفرة اسفل الراس - هما مجرمون نتيجة المجتمع وحسب التنشئة الغير سليمة

- كما هو قصة فلم ( جعلونى مجرما )

تحــــــ اغابـــــــــــي ــــياتــــى

:closedeyes:

[b]يا استاذه أغابي حرام عليكي شوهتي نظرية الباشموهندس "لمبروزو" ابو المدرسة الايطالية المجرم بالفطرة "born criminal" كان عنده حفرة في الجمجمة مش في القفا :lol: . نظرية المجرم بالقفا دي ظهرت حديثا لما الشخص يكون عادي بس ينحرف مع أول قفا يخده و بكدة تم الربط بين القفا و السلوك الاجرامي .

[the consultant]

واضح إن هناك حركة معادية للفكر التحرري أخذه في النمو خلف كواليس الإشراف , و راحت ضحيتها الاباشموهندسة لماضة صاحبة موضوع القفا , لكن أرجو توخي الحذر أن اي قرار سيتم اتخاذه لاسيما أن يكون صادرا من مشرفي هذا المنتدى العريق يلزم تبريره و تسبيبه و إسناده و تأصيله في إطار من الدستورية و الشرعية التي عهدناها منذ فجر مشاركتنا في هذا المنتدى الحر الذي يأبى أن يتحول الى معتقل للأفكر "القفوية" البناءة . و أنا من موقعي هذا أطالب بوأد هذا الإتجاه اللا ديموقراطي في بدايته لننعم بحياه قفاوية ديموقراطية تتسم باللا عنصرية و اللا تحكم الطبقي من مشرفي المنتدى الأعزاء ..

و على سبيل الاحتياط ندفع ببطلان إجراءات الاستدعاء و الاستجواب التي تمت مع المناضلة لماضة لعدم تمكنها من الحصول على حقوق الدفاع و اعترافها تحت تأثير التهديد المعنوي المتمثل في سلطة مشرفي المنتدى . و مدنيا نطلب 1001 دولار استرليني على سبيل التعويض المؤقت لما أصاب الأخت الفاضلة من أضرار ماديةو معنوية,,,,,

[shiko]

يااااااااااااخراشى ....

اخلع القبعة ...

وارفعها وانحنى ثناءاً ...

للاستاذ والمعلم الكـــــــــــــــبير

صاحب الليلة الكبيرة ديه وكل الليالى اللى جاية ....

استاذى سين ...اس 2

قصدى سين ...ومضاعفتها ....

ياخراشى ...شكلى نسيت ....

س...ص ....ع ....

...مو مشكلة ....هو عارف نفسه ...

بجد لعيب ....وجوووووووون وجوووووووووون وجوووووون...

انت وضعك الاشرافى غلط ...

انا بنادى ...من موقعى هذا اننا نلم من شوية رجال الاعمال فى المنتدى ...

ونشترى الاخ س...س ونضمه للفرقة الاستعراضية بتاعة شركة الاعضاء المتحدون ....

ده احنا هانكتسح الموسم الصيفى وكل المواسم اللى جاية .....

...

=================================

على جنب بقى هو الاسكريبت ده...مافيهوش حاجة حرشة ولا ايه؟؟؟

[عماد حمدي]

بحبك يا ستاموني مهما الناس لموني

جميلة جدا ً انا فطست ع نفسي من الضحك

والله انته عامل روح جميلة بالمنتدي بجد ربنا يخليك يارب .. وتبسطنا دايما ً بمشاركاتك دي

:closedeyes:

تقبل تحياتي

عمدة المصريين

بدول مجلس التعاون ( ماعدا السعودية )

[engmido]

احممممممممممم

لا متقلقوش باتنحنح بس

السيد الرئيس نشكر لك هذه الكلمة الرقيقة وبالاصالة عن نفسى وبالنيابة عن العاملين فى الكهرباء واتحاد العمال الاشتراكى بالسنبلاوين

نقدم لكم وافر التحية ....وطبعا كل النجاح ده بتوجيهات سيادة الريس :closedeyes:

[لماضة مصرية جدا]

العواف عليكم.....(مش المخرج قالك كده......وش سوكيننة...جنب عبعال و هو بيزلط البيض)

يا دين النبي......يعني انا روحت التوبيك الفقري بتاعي ده....و لقيت اتنين مخبرين....من نوعية (النحي نحي ناااااااااااات.....مسرحية شاهد ماشفشي و احتمال كبير مش هيلحق يشوف)

و قولتلهم انا ورمانة آخر حاجة...عايزة ازق كتف........قوووووووم ايه خدوني هيلا بيلا.......لا كده انا اعترض........و هنلم هوارة النجع.......و علي راسهم كبير النجعاوية....

بس

هو فيه ايه.....انا من موقعي هذا باناشيد جمعيات حروق الانسان.......انا كده ورمت....و اتنفضت ع الاخر

و من موقعي هذا جنب الكشك بتاع الموقع الاولاني....احب اقول للجنة الاشراف.....انها كانت سيرة ذاتية بحتة فحتة محضة لقفا المواطنة.....بهانة العرجة...قصدي لماضة بل الهوا طربوشه

و بعدين علي جنب بقي.....ايه حركة ايلول الاسود.....انا الحركة الوحيدة اللي انا مشنركة فيها...اسمها البتنجان الاسود.....احشووووووه...خلللوه.....طب اعملووووه جاتوووووه

حتي دي كمان......هتاخدوا الفراااااااخ كله......صبرني يا رب

ااقول ايه

اشكي لمين......(مش يا اوختشي دي كانت اغنية لاليسا اللي تنقرص)

طب انا افضفض فين.......خلاااااااااص همشي في الشارع......و افرق راسي من النص.......و أقول

أنا سنسن....سنسن أنا.......(محمود حميدة..فيلم كيد العوالم)

فوتكم بقفا

حتي القفا اخدوه......منه له

[لماضة مصرية جدا]

واضح إن هناك حركة معادية للفكر التحرري أخذه في النمو خلف كواليس الإشراف , و راحت ضحيتها الاباشموهندسة لماضة صاحبة موضوع القفا , لكن أرجو توخي الحذر أن اي قرار سيتم اتخاذه لاسيما أن يكون صادرا من مشرفي هذا المنتدى العريق يلزم تبريره و تسبيبه و إسناده و تأصيله في إطار من الدستورية و الشرعية التي عهدناها منذ فجر مشاركتنا في هذا المنتدى الحر الذي يأبى أن يتحول الى معتقل للأفكر "القفوية" البناءة . و أنا من موقعي هذا أطالب بوأد هذا الإتجاه اللا ديموقراطي في بدايته لننعم بحياه قفاوية ديموقراطية تتسم باللا عنصرية و اللا تحكم الطبقي من مشرفي المنتدى الأعزاء ..

و على سبيل الاحتياط ندفع ببطلان إجراءات الاستدعاء و الاستجواب التي تمت مع المناضلة لماضة لعدم تمكنها من الحصول على حقوق الدفاع و اعترافها تحت تأثير التهديد المعنوي المتمثل في سلطة مشرفي المنتدى . و مدنيا نطلب 1001 دولار استرليني على سبيل التعويض المؤقت لما أصاب الأخت الفاضلة من أضرار ماديةو معنوية,,,,,

يخربيت كده

حضرتك كده قدمتني لمباحث امن الدولة عدل.......الله يكرمك......طب انا لسه مخلصة مباحث المخدرات الاسبوع اللي فات......انا كده كعب داير و لا ايه

بس فكرتني بعادل امام...احب ااقدملكم الست الرفيقة......ام عطيات الشغالة....... :closedeyes:

خلاااااااااص

...

لمااااضة.......ورايا علي علوكة و اشرف كوخة

برنامج خلف الاسوار

[عماد حمدي]

engmido

واتحاد العمال الاشتراكى بالسنبلاوين

أنته تعرف السنبلاوين دي منين ؟؟ أوعي تكون منها wst::

[اغابي]

[b]يا استاذه أغابي حرام عليكي شوهتي نظرية الباشموهندس "لمبروزو" ابو المدرسة الايطالية المجرم بالفطرة "born criminal" كان عنده حفرة في الجمجمة مش في القفا . نظرية المجرم بالقفا دي ظهرت حديثا لما الشخص يكون عادي بس ينحرف مع أول قفا يخده و بكدة تم الربط بين القفا و السلوك الاجرامي .

ياراجل حرام عليك عاوز تبقي فى قضية الاستاذ سين سين وبيتكلم فيها عن قضية الشعب المصري كله اللى اتبهدل قفاه من بدايه وقفة طابور العيش فى الشمس لغاية طابور استلام المعاش وكل ما يمس القفا سواء شمس او حرارة او كف :ninja: - ونحط النظرية بتاعة born criminal فيها جمجمة - كدا حنبوظ الموضوع بتاع القفا خااالص :cry1:

- يا خويا- لما الموضوع يتكلم عن تشريح الجمجمة نتكلم عن النظرية بطريقة الجمجمة clp:: لكن مادام قفا نحفر له القفا او نسلطحولها

واهو كله نظريااات برضوه هههه clp::

- اهو احيانا الواحد بيفتكر ذكريات نظريات و قضايا الجنائى وايامها - ياليت الشباب يعود يوما

تحياتى استاذى

اغابي

[عاشق الترحال]

engmido

واتحاد العمال الاشتراكى بالسنبلاوين

أنته تعرف السنبلاوين دي منين ؟؟ أوعي تكون منها

السنبلاوين دي أحد مراكز الدقهليه ومنها قرية طماي الزهايرة، مركز السنبلاوين دي بلد الست ثومه يا ميدو

محدش له دعوه بالست قصدي بالسنبلاوين

وبتوع السنبلاوين يقولولك سبب التسميه أن كان فيه أميره إسمها (سنبله ) تاهت من الأمير ومشى يدور عليها ويقول سنبله وين سنبله وين

ومن هنا سموها السنبلاوين .

أما أعدائها فبيقولوا ( السمبلاويل ) كانها السم والبلا والويل

ممكن تركب لها من عند جامعة المنصوره أو من سندوب ومن أجا وياسلام على خط أجا السنبلاوين ده بقى حاجه آخر ألاجه عربيات ربع نقل وتركب في البوكس خماشر واحد فوق بعض كأنك راكب جمل بالضبط

يااااااااااااااه أيام لما كنت شغال مندوب مبيعات رحت قرى ونجوع لا ينكن تخطر على بالك :ninja:

من أمام موقف السنبلاوين بسندوب بالمنصوره

مراسلكم عاشق الترحال

[عاشق الترحال]

بمناسبة القفا هاقولكم على حته فلاحوكش آخر ألاجه .

لما بيكون واحد ( نطع ) يعني أد الباب وعاوز ياكل ويشرب ويصرف من غير تعب ولا شغل يقولوله

متنزل تشتغل يا أخي أنت صغير داأنت أفاك يجري عليه حمار

وعلشان محدش يزعل مني بأعتذر مسبقاَ للناس الكلاس عالكلام البلدي ده

أوروفوار يا محاورتيه

[engmido]

engmido

واتحاد العمال الاشتراكى بالسنبلاوين

أنته تعرف السنبلاوين دي منين ؟؟ أوعي تكون منها :rolleyes:

السنبلاوين دي أحد مراكز الدقهليه ومنها قرية طماي الزهايرة، مركز السنبلاوين دي بلد الست ثومه يا ميدو

محدش له دعوه بالست قصدي بالسنبلاوين

وبتوع السنبلاوين يقولولك سبب التسميه أن كان فيه أميره إسمها (سنبله ) تاهت من الأمير ومشى يدور عليها ويقول سنبله وين سنبله وين :rolleyes:

ومن هنا سموها السنبلاوين .

أما أعدائها فبيقولوا ( السمبلاويل ) كانها السم والبلا والويل :rolleyes:

ممكن تركب لها من عند جامعة المنصوره أو من سندوب ومن أجا وياسلام على خط أجا السنبلاوين ده بقى حاجه آخر ألاجه عربيات ربع نقل وتركب في البوكس خماشر واحد فوق بعض كأنك راكب جمل بالضبط

يااااااااااااااه أيام لما كنت شغال مندوب مبيعات رحت قرى ونجوع لا ينكن تخطر على بالك smk:

من أمام موقف السنبلاوين بسندوب بالمنصوره

مراسلكم عاشق الترحال

ايه يا جدعان ...مشكلة السنبلاوين دى هو انا غلطت فيها

طيب والسنبلاوين دى بلد بنت ....................................

حلال .....ضحكت عليكو :lol: :lol:

[shiko]

حد بقى ينادلنا الحج سين سين ...

يرفع معانا الموضوع ده ...

[لماضة مصرية جدا]

حد بقى ينادلنا الحج سين سين ...

يرفع معانا الموضوع ده ...

ليه يا امي....(وش واحدة فارقة راسها من النص و هتصوت)

يعني لازم التاريخ البمبي ده يظهر للاجيال الجديدة....انا لسه هنجعص و احكي عن مغامراتي في بلاد التبت و كده يعني

الهي يا شيكو اشوفك امين شرطة

موافقة ان التوبيك ينرفع....بس ابقي شوفلكم بقي ضحية تانية.....ايه يا جماعة انا خلاص تبت و بمشي ع الحبل اهه.....(بس ابقوا حطوه ع الارض.... smk: )

متبقيش تقعدي بقي في الارشيف كتير...بيقولك...ده مش كويس علي اللحمية :P

بس خلاص