الشامي يغزو الرياض

[se_ Elsyed]

اخيراً بعد طول إنتظار ... وبعد أن حصل على هدنة محارب من الغزوات والمعارك والحركات

ها هو الكومندان الشامي يعود إليكم من جديد ممتطياً صهوة جواده

ويقوم بغزو محافظة الرياض هذا المساء

وكان في استقبال سيادته الاخ العميد سين سين قائد المنطقة الوسطى والمسئول عن مراجيح مولد النبي

حفظ الله الكومندان في غزواته وحله وترحاله

بصراحة الشامي مثال للأسكندراني المجدع ... أبو احمد من الأخر زي الكتاب ما قال

[myusername]

الف حمدلله عالسلامة..

و اتمنى انى اتشرف بمقابلة حضرتك... فى كندا او مصر او بلاد الحجاز.

[doha]

بالتاكيد الشامي يآنس وينور او ينور ويانس كله ماشي ..

واكيد الرياض منورة

بس بيني وبينكم .. الخبر ده زعلني شويه

انا متشرفتش قبل كده بالتعرف على العضو الشامي بس اسمه مسمع في المنتدى من موضوعه الشهير عن حكايته مع كندا .. كل يوم تقريبا كنت بشوف عنوان التوبيك بتاعه في قائمه الموضوعات النشطه وخلاص بقى الشامي في كندا اشهر من النار على العلم

لما لقيته جاي الرياض .. وقبلها بيومين برضه سمعت ان الفاضل زهيري نازل من كندا للرياض تاني ..

بيني وبينكم اكتئبت

انا كنت فاكره ان الي بيروح كندا خلاص بقى بيبدأ حياة جديده وينسى بقى السعوديه وعيشة السعوديه الي مفروض تبقى مجرد مرحلة في حياتنا خلاص تجاوزناها مش هنبص ليها تاني

لكن فوجئت بان كله راجع تاني

مش مهم ان كان هيرجع على وضع احسن او لا قدر الله اوحش .. انما فكرة العوده للخلف في حد ذاتها اصابتني بالكآبة

بقول كده لاني بستعد حاليا لمغادرة السعوديه بشكل نهائي باذن الله وعماله اخطط بقى لحياتي الجديده هعمل ايه وهمشيها ازاي

تفاجأت بان الي مشي وساب هنا وبمزاجه راجع تاني .. وبرضه بمزاجه !!

في ايه ياجدعان هو مكتوب ولازم ينفذ لآخر دقيقة في العمر ولا ايه

تم تعديل 14 مايو 2010 بواسطة doha

[MZohairy]

ماهو الواحد يرجع يعمل قرشين حلوين في مده قصيره و يرجع يغزو كندا بمشروع شديد

حمد الله على السلامه يا شامي

تم تعديل 14 مايو 2010 بواسطة mzohairy

[doha]

ماهو الواحد يرجع يعمل قرشين حلوين في مده قصيره و يرجع يغزو كندا بمشروع شديد

حمد الله على السلامه يا شامي

على الله يارب يوفق الجميع في كده

بس للاسف ومن تجربتي مع السعوديه في ملاحظة كل من حولي وفي المرتين الي انا شخصيا غزيت السعوديه فيهم اقولك بثقة

السعوديه بالظبط ولناس كتير اوي خاصه لما يكونوا ولاد ناس عامله بالظبط زي قصة الثعلب وبستان العنب .. لما دخله جعان من فتحه في الجدار ولقي البستان مليان من اشكال والوان قعد ياكل ياكل ياكل ومش ملاحق في جمع الاكل وملأ البطن .. لما خلص اكل خاف بقى الصبح يطلع واصحاب البستان يشوفوه قام جري عشان يطلع مطرح مادخل لقي نفسه طخن ومبقاش قادر يعدي من الفتحه الي دخل منها

قعد حابس نفسه ومجوعها يومين تلاته لما رجع خس تاني وقدر بسهولة ينفذ من الفتحته

بص للبستان وهو ماشي وقاله ايها البستان خرجت منك كما دخلتك

ان كنا حوشنا اول مرة ياسيدي الفاضل القرشين الي هم يبقى هنحوشهم تاني مرة برضه وان مكانش يبقى متوجعش دماغك من اولها شكلها كده قدر ومكتوب والي عاوز يفضل شبعان من عنب البستان لازم يفضل فيه وميحاولش يطلع عنقود واحد بره لانه مش هيقدر

[myusername]

ماهو الواحد يرجع يعمل قرشين حلوين في مده قصيره و يرجع يغزو كندا بمشروع شديد

حمد الله على السلامه يا شامي

على الله يارب يوفق الجميع في كده

بس للاسف ومن تجربتي مع السعوديه في ملاحظة كل من حولي وفي المرتين الي انا شخصيا غزيت السعوديه فيهم اقولك بثقة

السعوديه بالظبط ولناس كتير اوي خاصه لما يكونوا ولاد ناس عامله بالظبط زي قصة الثعلب وبستان العنب .. لما دخله جعان من فتحه في الجدار ولقي البستان مليان من اشكال والوان قعد ياكل ياكل ياكل ومش ملاحق في جمع الاكل وملأ البطن .. لما خلص اكل خاف بقى الصبح يطلع واصحاب البستان يشوفوه قام جري عشان يطلع مطرح مادخل لقي نفسه طخن ومبقاش قادر يعدي من الفتحه الي دخل منها

قعد حابس نفسه ومجوعها يومين تلاته لما رجع خس تاني وقدر بسهولة ينفذ من الفتحته

بص للبستان وهو ماشي وقاله ايها البستان خرجت منك كما دخلتك

ان كنا حوشنا اول مرة ياسيدي الفاضل القرشين الي هم يبقى هنحوشهم تاني مرة برضه وان مكانش يبقى متوجعش دماغك من اولها شكلها كده قدر ومكتوب والي عاوز يفضل شبعان من عنب البستان لازم يفضل فيه وميحاولش يطلع عنقود واحد بره لانه مش هيقدر

يعنى حضرتك عايزة تقنعينا ان اللى بيقعدوا فى السعودية و الخليج بال20 سنة.. بيرجعوا يا مولاى كما خلقتنى؟ كلام مش منطقى بصراحة

ما شاء الله يعنى.. شايفهم كلهم راكبين عربيات أحدث موديل... و جايبين شقق بمبلغ و قدره.. او فلل فى القاهرة الجديدة و الشروق... صحيح بعضهم جايبها بالتقسيط و طالع عينه شغل فى الخليج علشان يسد تمنها, بس فى النهاية اهم حققوا حاجة... ولا ايه؟

اللهم لا حسد

[doha]

يعنى حضرتك عايزة تقنعينا ان اللى بيقعدوا فى السعودية و الخليج بال20 سنة.. بيرجعوا يا مولاى كما خلقتنى؟ كلام مش منطقى بصراحة

ما شاء الله يعنى.. شايفهم كلهم راكبين عربيات أحدث موديل... و جايبين شقق بمبلغ و قدره.. او فلل فى القاهرة الجديدة و الشروق... صحيح بعضهم جايبها بالتقسيط و طالع عينه شغل فى الخليج علشان يسد تمنها, بس فى النهاية اهم حققوا حاجة... ولا ايه؟

اللهم لا حسد

معليش مش واخده بالي حضرتك قصدك الي ( قعدوا ) ولا ( بيقعدوا ) ؟؟

ان كان على الي قعدوا فايوه ممكن عشرين تلاتين سنه تعمل حاجه مع الواحد خاصه ان كان من النوع الي بيعرف يمسك ايده او مش فارقه معاه العيشه الكويسه .. اما لو ابن ناس وواخد على المصاريف فممكن عشرين او اربعين سنه كمان متكفيش .. ده عن الي قعدوا في العشرين تلاتين سنة الي فاتت وبالتالي حضرتك شفت نتائج ماحدث معهم ..

اما عن الي قاعدين من قريب او ( لسه هيقعدوا ) فاطمنك من دلوقت .. الي عمل عمل من زمان والي بيلعب دلوقت ممكن يجيب جون بس في الوقت الضايع

متقيسش ابدا الي حصل في فترة الثمانينات والتسعينات على مايمكن ان يحدث في الالفينات

مش عاوزه احبط حد بس السعوديه دلوقت والخليج اجمالا للي واخد على مستوى مرتفع في حياته هي عيشه .. وبس

وبالتاكيد وطالما ان لكل قاعده شواذ فكل واحد بيقرأ كلامي ده محتمل جدا يكون هو احد استثناءات القاعده .. ويرجع معاه شوال او اثنين فلوس

ربنا يرزق ..

تم تعديل 15 مايو 2010 بواسطة doha

[Alrefaey]

الرياض تنور بيك يادكتور شامى

كان نفسنا نشوفك ونسلم عليك بس انا حاليا فى تورونتو

لو هتستمر لمدة اسبوعين فى الرياض نشوف حضرتك لما نرجع ان شاء الله

[MZohairy]

ماهو الواحد يرجع يعمل قرشين حلوين في مده قصيره و يرجع يغزو كندا بمشروع شديد

حمد الله على السلامه يا شامي

على الله يارب يوفق الجميع في كده

بس للاسف ومن تجربتي مع السعوديه في ملاحظة كل من حولي وفي المرتين الي انا شخصيا غزيت السعوديه فيهم اقولك بثقة

السعوديه بالظبط ولناس كتير اوي خاصه لما يكونوا ولاد ناس عامله بالظبط زي قصة الثعلب وبستان العنب .. لما دخله جعان من فتحه في الجدار ولقي البستان مليان من اشكال والوان قعد ياكل ياكل ياكل ومش ملاحق في جمع الاكل وملأ البطن .. لما خلص اكل خاف بقى الصبح يطلع واصحاب البستان يشوفوه قام جري عشان يطلع مطرح مادخل لقي نفسه طخن ومبقاش قادر يعدي من الفتحه الي دخل منها

قعد حابس نفسه ومجوعها يومين تلاته لما رجع خس تاني وقدر بسهولة ينفذ من الفتحته

بص للبستان وهو ماشي وقاله ايها البستان خرجت منك كما دخلتك

ان كنا حوشنا اول مرة ياسيدي الفاضل القرشين الي هم يبقى هنحوشهم تاني مرة برضه وان مكانش يبقى متوجعش دماغك من اولها شكلها كده قدر ومكتوب والي عاوز يفضل شبعان من عنب البستان لازم يفضل فيه وميحاولش يطلع عنقود واحد بره لانه مش هيقدر

ماهو انتي مش واخده بالك من نقطه مهمه

اللي عايز ييجي تاني على السعوديه لازم يرجع لوحده بدون الاسره

مما يعفيه من مصاريف المدارس السنويه (عشرات الالاف سنويا) لو عندك 3 اطفال مثلا و في مدارس محترمه (لو مابيقبضش بدل تعليم للولاد)

و يعفيه ايضا من مصروف السكن الغالي كالكمبوند (عشرات الالاف سنويا)

و اضافة الى المصروف الشهري للأسره للتعويض عن الكتمه و الحبسه بالصرف و الشراء بدون اي احتياج

و في نفس الوقت الاسره تكون عايشه في كندا في مدارس مجانيه

و المبلغ الشهري اللي بيجي للأولاد من الدوله تقريبا بيغطي مصروف السكن في كندا

فا اللي بيعمله مع الاسره في 5 سنين في السعوديه ممكن يعمله لوحده في سنه

الحياه بالنسبالي في السعوديه مع الاسره كانت بينتج عنها تقريبا صفر تحويش سنويا مهما كان الدخل عالي

و في نفس الوقت الواحد يعمل حسابه ما يتأخرش عشان مايسيبش العيال لوحدهم بدون اب بقدر الامكان و يمسك العصايا من الوسط

و ربنا يقدرنا و يسترها معانا جميعا

[doha]

ماهو انتي مش واخده بالك من نقطه مهمه

اللي عايز ييجي تاني على السعوديه لازم يرجع لوحده بدون الاسره

مما يعفيه من مصاريف المدارس السنويه (عشرات الالاف سنويا) لو عندك 3 اطفال مثلا و في مدارس محترمه (لو مابيقبضش بدل تعليم للولاد)

و يعفيه ايضا من مصروف السكن الغالي كالكمبوند (عشرات الالاف سنويا)

و اضافة الى المصروف الشهري للأسره للتعويض عن الكتمه و الحبسه بالصرف و الشراء بدون اي احتياج

و في نفس الوقت الاسره تكون عايشه في كندا في مدارس مجانيه

و المبلغ الشهري اللي بيجي للأولاد من الدوله تقريبا بيغطي مصروف السكن في كندا

فا اللي بيعمله مع الاسره في 5 سنين في السعوديه ممكن يعمله لوحده في سنه

الحياه بالنسبالي في السعوديه مع الاسره كانت بينتج عنها تقريبا صفر تحويش سنويا مهما كان الدخل عالي

و في نفس الوقت الواحد يعمل حسابه ما يتأخرش عشان مايسيبش العيال لوحدهم بدون اب بقدر الامكان و يمسك العصايا من الوسط

و ربنا يقدرنا و يسترها معانا جميعا

مهو هو ده الي قصدي عليه

يعني لفت لفت ورجعت اتغربت تاني وهتكافح تاني

على كل حال اتمنى انك وغيرك من كل الي حاسبينها تطلع حساباتهم مظبوطه وتكون ايامهم في المكان الي مش مرتاحين فيه قصيره بس مثمرة بما يكفي انهم في النهاية يكملوا في المكان الي يريحهم

ربنا مع الجميع

[myusername]

يعنى حضرتك عايزة تقنعينا ان اللى بيقعدوا فى السعودية و الخليج بال20 سنة.. بيرجعوا يا مولاى كما خلقتنى؟ :lol: كلام مش منطقى بصراحة

ما شاء الله يعنى.. شايفهم كلهم راكبين عربيات أحدث موديل... و جايبين شقق بمبلغ و قدره.. او فلل فى القاهرة الجديدة و الشروق... صحيح بعضهم جايبها بالتقسيط و طالع عينه شغل فى الخليج علشان يسد تمنها, بس فى النهاية اهم حققوا حاجة... ولا ايه؟

اللهم لا حسد wst::

معليش مش واخده بالي حضرتك قصدك الي ( قعدوا ) ولا ( بيقعدوا ) ؟؟

ان كان على الي قعدوا فايوه ممكن عشرين تلاتين سنه تعمل حاجه مع الواحد خاصه ان كان من النوع الي بيعرف يمسك ايده او مش فارقه معاه العيشه الكويسه .. اما لو ابن ناس وواخد على المصاريف فممكن عشرين او اربعين سنه كمان متكفيش .. ده عن الي قعدوا في العشرين تلاتين سنة الي فاتت وبالتالي حضرتك شفت نتائج ماحدث معهم ..

اما عن الي قاعدين من قريب او ( لسه هيقعدوا ) فاطمنك من دلوقت .. الي عمل عمل من زمان والي بيلعب دلوقت ممكن يجيب جون بس في الوقت الضايع

متقيسش ابدا الي حصل في فترة الثمانينات والتسعينات على مايمكن ان يحدث في الالفينات

مش عاوزه احبط حد بس السعوديه دلوقت والخليج اجمالا للي واخد على مستوى مرتفع في حياته هي عيشه .. وبس

وبالتاكيد وطالما ان لكل قاعده شواذ فكل واحد بيقرأ كلامي ده محتمل جدا يكون هو احد استثناءات القاعده .. ويرجع معاه شوال او اثنين فلوس

ربنا يرزق ..

ليا واحد صاحبى مهندس شغال فى الرياض بقاله 3 سنين تقريبا, و ما شاء الله جاب شقة ب700 الف فى المعادى.... هى صحيح تقسيط و لسه بيسدد اقساطها.... بس اهو حقق حاجة؟

صديق آخر كان فى السعودية برضه راح قعد هناك 3 سنين و نص.... و اشترى منهم شقة صغيرة فى القاهرة و واحدة تانية فى الاسكندرية علشان يصيف فيها wst:: بس ده قاعد فى مصر حاليا, و ناوى يرجع تانى السعودية باذن الله.

معلش... بس لو الواحد بيروح السعودية او الخليج و مبيعملش فلوس... يبقى يروح ليه اصلا؟!!

لو كانت اوروبا او امريكا او كندا... كنا هنقول على الاقل الحياة الراقية تستحق ان الواحد يروح يعيش هناك و يستمتع... و مش مهم تحويش.

لكن دى السعودية؟؟ ايه الدافع ان الواحد يروح يشتغل هناك علشان يصرف "هناك برضه" الفلوس اللى بيكسبها؟ معلش بس مع حجم الخسائر... و الغربة.. و المشاكل اللى الواحد بيسمع عنها... كل ده و كمان مفيش مكسب الواحد يحققه؟ :D ده يبقى حرام ده ولا حلال؟

تم تعديل 15 مايو 2010 بواسطة myusername

[hOuSsAm]

حمدلله علسلامة يا دكتور

ونتمنى تقضى وقت جميل فى الرياض مع انى مستغرب لانك يادوب سايب جدة بقالك اقل من 8 شهور

بس عالعموم الرياض نورت

ونتمنى نشوفك فى العمرة بتاعة ميكاوى او عالاقل فى جدة زى اخر تجمع عملناه :lol:

[ELSHAMY]

السلام على كل الأحباب

طبعا امبارح كان يوم تاريخى....

تشرفت بالفعل بمقابلة أخى و حبيبى س س لأول مرة

فقد كنت فى زيارة سريعة للرياض و كان من أهم الأولويات أن أقوم بهذه المقابلة...

شخصية ظريفة واعية مثقفة ..وطنى غيور...صاحب قلم رشيق .....و ذهن متقد...و ارادة لا تلين...

تكلمنا فى كل شىء ... و كان كل منا فى شوق لمعرفة الأخر أكثر....

و كما قال الرسول " الأرواح جنود مجندة ما تعارف منها إئتلف و ما تنافر منها إختلف "..فقد شعر كل منا أنه يعرف الأخر منذ زمن بعيد...

و كما تخبر الكلمات عن مضمون الشخصية (مش دايما) فقد وجدت نفسى ملزما أن يكون س س واحد من أعز الأصدقاء....هكذا من أول مقابلة...

ربنا يديم الود بين الجميع...

لكل من سأل عنى...أنا ما زلت بين جدة و كندا.....أسكندرانى رايح جاى...

تحياتى للجميع

تم تعديل 15 مايو 2010 بواسطة ELSHAMY

[se_ Elsyed]

شخصية ظريفة واعية مثقفة ..وطنى غيور...صاحب قلم رشيق .....و ذهن متقد...و ارادة لا تلين...

أومال لو ما كانتش العزومة على كافيه لاتيه بس ؟

أهو لو كانت على عشوة ربع تيس أو شوية ممبار وكوارع ولحمة رأس مثلاً ... كان زمانه قال عليه بدر الفلا ولا جميل المُحيا وممشوق القوام وموطنه الأصلي جنوب شرق أسيا

[ELSHAMY]

شخصية ظريفة واعية مثقفة ..وطنى غيور...صاحب قلم رشيق .....و ذهن متقد...و ارادة لا تلين...

أومال لو ما كانتش العزومة على كافيه لاتيه بس ؟

أهو لو كانت على عشوة ربع تيس أو شوية ممبار وكوارع ولحمة رأس مثلاً ... كان زمانه قال عليه بدر الفلا ولا جميل المُحيا وممشوق القوام وموطنه الأصلي جنوب شرق أسيا :lol:

والله كان يكفينى واحدة كرواسون و كنت سمعتك اللى ما سمعتوش....

فرصتك و راحت....

الأيام جاية...

بس المرة الجاية عاوزك تجمعلى كل حبايبك فى الرياض....

يمكن حد فيهم يعشينى....

[جنه]

حمدا لله على سلامتك دكتور الشامى ... حضرتك من الناس اللى استفدت وما زلت بستفيد من خبراتهم كتير في موضوع كندا جزاك الله كل خير .. انا نفسى اتعرف على الدكتوره ام على و بناتى يتعرفوا على بنات حضرتك خصوصا ان هما تقريبا قد بعض ( Gr.10 -Gr 6) . انا على فكره عملت لاندنج نوفمبر 2008 و رجعت تاني (الامارات) وان شاء الله مسافرين كندا شهر يوليو الجاي و احتمال كبير نقيم في لندن اونتاريو ... اتمنى يكون لى نصيب ان اسرتى تتعرف باسرة حضرتك.

[ELSHAMY]

حمدا لله على سلامتك دكتور الشامى ... حضرتك من الناس اللى استفدت وما زلت بستفيد من خبراتهم كتير في موضوع كندا جزاك الله كل خير .. انا نفسى اتعرف على الدكتوره ام على و بناتى يتعرفوا على بنات حضرتك خصوصا ان هما تقريبا قد بعض ( Gr.10 -Gr 6) . انا على فكره عملت لاندنج نوفمبر 2008 و رجعت تاني (الامارات) وان شاء الله مسافرين كندا شهر يوليو الجاي و احتمال كبير نقيم في لندن اونتاريو ... اتمنى يكون لى نصيب ان اسرتى تتعرف باسرة حضرتك.

الشرف لنا يا فندم

حنكون على اتصال ان شاء الله

تم تعديل 16 مايو 2010 بواسطة ELSHAMY

[جنه]

ان شاء الله وجزاك الله خير على اهتمام حضرتك و ردك .