se_ Elsyed بتاريخ: 20 مايو 2010 تقديم بلاغ مشاركة بتاريخ: 20 مايو 2010 انا عاوز من دلوقت اقترح حلول لازمة المياة المحتملة والتي ستنتج عن تكتل دول منابع النيل علينا وبالتالي الميه هاتشح في الايام الجايه وهانبقى في ورطه حقيقية وبالتالي انا فكرت في بعض الاقتراحات اللولبية ومنها : 1- صرف " قطارة " لكل مواطن لزوم الشُرب ..... عصر القربعة انتهى ونظام ترفع قزازة الميه المشبرة اللي ساحبها من التلاجه وتزيحها في حر الصيف .. انتهى يا معلم ... ومن هنا ورايح هانقطر لك في بؤك زي الكتاكيت 3 مرات في اليوم ... تكون سيادتك بقى واكل فسيخ او حاجه حادقه .... دي مشكلتك يا معلم وهاتشوف ايام سواد وهاتضطر تستلف قطارة من واحد صاحبك 2- الاستحمام ... دي مصيبة في حد ذاتها .... يعني هايبقى في تغليظ عقوبات لامتلاك بانيوهات ودوشات - جمع دُش - ويا ويله يا سواد ليله اللي يرتكب تلك الجريمة الشنعاء ويستهبل ويركب تلك الادوات الجهنمية في بيته لان هايبقى في كبسات عالبيوت من وقت لاخر وهايبقى في فرع في وزارة الداخلية اسمه " قوات مكافحة النضافة " او Anti Clean Royal Force ... وبالتالي الاستحمام بعد كده هايبقى بفوطه ملفوفه ومتسأسأه بشوية ميه ويادوب الواحد يمررها على جسمه من بعيد....ويتزامن ذلك مع منع جميع الاغاني التي تحض على النظافة مثل " يا خارجه من باب الحمام وكل خد عليه خوخه " و " الميه تروي العطشان وصدقني خد لك حمام " واعلانات " ليفني شكراً " 3- غسيل المواعين ... انسى ... المواعين من هنا ورايح هاتبقى one time use يعني زي الكلينكس .. تضرب طبق المحشي من هنا وترمي الطبق على طول ايدك من الشوباك ... والحلل هاتبقى فخار بحيث ست البيت تدعك الحله بشوية تراب بعد ما تطبخ وخلصت العملية 4- اللاندري او غسيل الهدوم ... انظر الكتاب صفحة المواعين ... برضوا الهدوم هاتبقى استعمال لمره واحده واقلب 5- الري ..... نظام السبع سواقي والترع والكلام ده هايتنسف نسف والتنقيط هايبقى هو الحل تابعونا في مزيد من الاقتراحات وياريت اسمع منكم افكار تقدمية وحدوية مائية ... دي بلدنا ولازم ننقذها الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Folana بتاريخ: 20 مايو 2010 تقديم بلاغ مشاركة بتاريخ: 20 مايو 2010 انا عاوز من دلوقت اقترح حلول لازمة المياة المحتملة والتي ستنتج عن تكتل دول منابع النيل علينا وبالتالي الميه هاتشح في الايام الجايه وهانبقى في ورطه حقيقية3- غسيل المواعين ... انسى ... المواعين من هنا ورايح هاتبقى one time use يعني زي الكلينكس .. تضرب طبق المحشي من هنا وترمي الطبق على طول ايدك من الشوباك ... والحلل هاتبقى فخار بحيث ست البيت تدعك الحله بشوية تراب بعد ما تطبخ وخلصت العملية 4- اللاندري او غسيل الهدوم ... انظر الكتاب صفحة المواعين ... برضوا الهدوم هاتبقى استعمال لمره واحده واقلب 5- الري ..... نظام السبع سواقي والترع والكلام ده هايتنسف نسف والتنقيط هايبقى هو الحل تابعونا في مزيد من الاقتراحات وياريت اسمع منكم افكار تقدمية وحدوية مائية ... دي بلدنا ولازم ننقذها السلام عليكم ورحمة الله... يا افتكاساتك يا أبو الأسيان.... انا موافقة جدا على بند "المواعين" ده.... وغسيل الهدوم كمان..... كده تمام قوى... ورى الاراضى بدل ما يبقى رى بالتنقيط...ممكن يبقى رى بالتنشيف...وارد جدا.. (وممكن نغير النشيد الوطنى...بدل ما يبقى بلادى ..بلادى...نخليه " يا نطرة رخى..رخى.."......(النطرة بالنون ....... كمل يامولانا :lol: { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
se_ Elsyed بتاريخ: 20 مايو 2010 كاتب الموضوع تقديم بلاغ مشاركة بتاريخ: 20 مايو 2010 ميرسي يا فُله هانم اظن موضوع المواعين وتاني فوم ده جالك عالطبطاب ؟ صحيح وما نيل المطالب بالتبني ولكن تأخذ الدنيا الغلابة نكمل الاقتراحات : 6- العصاير .. او على رأي اخواننا السعوديين ...العصيرات .. من هنا ورايح ما فيش عصير لأنه بيستهلك ميه كتير وهاناكل الفاكهه كدهوت وخلينا نرجع بقى للطبيعة الام 7- الحنفيات المنزلية .............. دي هاتبقى من مخلفات التاريخ ... ويا سواد ليل السباكين اللي هايتوقف حالهم .. يعني فروم ناو اون .. مافيش لا تمديد مواسير ولا سخن وبارد ولا سخان فوري من بتاع عادل بيه ، والصرف الصحي هانبقى نشوف موضوع البوتي بتاع ضُحى ... طب ايه الحل يا دوك ؟ بسيطه جداً .... في كل منطقة هانحدد مكان متوسط ندق فيه حنفية عمومية كل السكان يملوا منها .. والستات ترجع لشيل الزلع - جمع زلعه - على راسهم ( يا شماتتي فيكي يا فلانه هههههههههههه ) مبدئياً هافرد الخريطة واحدد نقاط في كل منطقة ... يعني مثلاً - مدينة نصر ومكرم عبيد وعباس العقاد ومصطفى النحاس .. هاتبقى في حنفية عند تقطاع مكرم عبيد ومصطفى النحاس بالظبط مكان العمارة بتاعت محجوب بتاع الادوات الصحية لأن المحل بتاعه مش هايبقى له لازمه بعد كده 2- مصر الجديدة , روكسي وبطرس غالي وهليوبوليس وكلية البنات وابراهيم اللقاني ... هانعمل لهم الحنفية عند العبودي بتاع فساتين الزفاف - عشان كنت دايماً اقابل مراتي هناك ايام ما كنا مخطوبين وهي بتبقى لسه خارجه من كلية التربية فبتفائل بالمكان ده 3- مدينة العبور والشروق ومدينتي والعاشر من رمضان .. هاندق الحنفية عند سوق العبور قدام البوابة بتاعت دخول الفاكهة 5- الشيخ زايد ودريم وبيفرليى هيلز وحي الاشجار .. الحنفية العمومية هاتبقى قدام ملاهي دريم بارك عشان عُمر يلعب ويشرب. ومن فضلكم ماحدش يتردد في انه يسألني على مكان الحنفية العمومية في المنطقة اللي ساكن فيها الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
رضوي بتاريخ: 20 مايو 2010 تقديم بلاغ مشاركة بتاريخ: 20 مايو 2010 يانهار أبيض !!!!!!!! طيب وبعدين ؟؟؟؟؟ كل الحاجات دي مش مهم ........ شرب ايه ومواعين ايه ياعم بلاش رفاهية كل المشكلة اللي محيراني دلوقتي نفسي اعمل رحلة نهرية ؟؟؟؟؟؟؟؟؟؟ بباخرة في النيل ؟؟؟؟ وبعديييييييييييييين ايه العمل ؟؟؟ نفسي ازور القناطر الخيرية ؟؟ أنا عارفة حظي اخري هركب عبارة في قناه السويس وخلصنا ولا دي كمان قفلوها ؟؟ اللهم إرزقني بفرحة ... تجعلني أسجد لك باكية . رابط هذا التعليق شارك المزيد من خيارات المشاركة
se_ Elsyed بتاريخ: 20 مايو 2010 كاتب الموضوع تقديم بلاغ مشاركة بتاريخ: 20 مايو 2010 يانهار أبيض !!!!!!!! نفسي اعمل رحلة نهرية ؟؟؟؟؟؟؟؟؟؟ بباخرة في النيل ؟؟؟؟ وبعديييييييييييييين ايه العمل ؟؟؟ نفسي ازور القناطر الخيرية ؟؟ ؟ كله مدروس يا فندم مكان النيل بعد ما ينشف ... هانعمل هاي واي 4 حارات رايح جاي ... والانتقالات هابتقى بالتكاتك الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
نورسين بتاريخ: 20 مايو 2010 تقديم بلاغ مشاركة بتاريخ: 20 مايو 2010 يانهار أبيض !!!!!!!! أنا عارفة حظي اخري هركب عبارة في قناه السويس وخلصنا ولا دي كمان قفلوها ؟؟ لا لسه موجوده تعالى انتى بس والضيافه عندنا ياجميل قناه الرحمه تردد القناة الجديد على النايل سات التردد 10873 معدل الترميز 27500 رأسي 3\4 تردد القناة على العرب سات التردد 12149 معدل الترميز 27500 أفقي 3\4 رابط هذا التعليق شارك المزيد من خيارات المشاركة
hOuSsAm بتاريخ: 20 مايو 2010 تقديم بلاغ مشاركة بتاريخ: 20 مايو 2010 انا عارف انها دعوة للابتسام بس سؤال بيفرض نفسه وملقتش مكان تانى اكتبه هى ليه مصر دلوقتى بتعملش محطات تحلية مياه زى دول الخليج حتى احنا عندنا البحر الاحمر والبحر الابيض يعنى سهل جدا نعمل محطات كتيرة ويبقى فى كل بيت مساورتين الاولى مياه تحليه (للغسيل والنضافة والاستحمام) والتانية مياه نيل (للشرب والطبخ) ومياه النيل نستفيد بيها اكتر فى الزراعة وبدل مبترمى فى البحر الابيض نغير المسار وترمى فى سينا هو صحيح المشاريع دى هتتكلف فلوس كتيرة بس هتدينا ثقة فى النفس اكتر وقوة اننا تقدر نلاقى البديل ومنبقاش معتمدين على مورد واحد سلام طول ما املى معايا معايا وفى ايدي سلاح حافضل اجاهد وامشى وامشى من كفاح لكفاح طول ما ايدي فى ايدك اقوم واقف واهتف واقول حيّ حيّ على الفلاح داري يا داري انا احميك بايمـــــانى طول ماذراعى معايا ابني واعلي بنياني حافضل عايش فيها بجهدي واملى ابنيها انا روحى فداها وفدا اهلى واوطـــــاني زاحف يا شعبي تمحي الماضي رياحك عهــدك جوا ف قلبي والبطولة جراحك أيامنـــــا اللي جاية وارادتنا القويـــــة تنصرنا يا وطني ويملا الدنيا صباحك نمشي ونمشي والعزة تعيــــــش ويانا لأ احنا منرجعش ولاتتراجع فى خطانا تهتف اراضينا لنا والنصر ينــــادينا يلا بينا يلا وربــنا معانا رابط هذا التعليق شارك المزيد من خيارات المشاركة
aimen بتاريخ: 21 مايو 2010 تقديم بلاغ مشاركة بتاريخ: 21 مايو 2010 رابط هذا التعليق شارك المزيد من خيارات المشاركة
engmido بتاريخ: 21 مايو 2010 تقديم بلاغ مشاركة بتاريخ: 21 مايو 2010 ربنا يسترها يا عمو س س لو سمحت عايزين نعرف مكان الطرمبة او الفسقية بتاعت مناطق المعادى ودار السلام والبدرشين والحوامدية وكفرطهرمس وفيصل والهرم ﴿ قال رسول الله صلى الله عليه وسلم كلمتان خفيفتان على اللسان ثقيلتان فى الميزان حبيبتان الى الرحمن ﴾ رابط هذا التعليق شارك المزيد من خيارات المشاركة
رضوي بتاريخ: 21 مايو 2010 تقديم بلاغ مشاركة بتاريخ: 21 مايو 2010 ميرسي ميرسي يعني كدة انا معزومة علي فسحة في قناه السويس شكراً يا نورسين ياقمر جيالك ياكندا ........قصدي ياقناه بس ياعمو س س حضرتك نسيت حاجة مهمة لابد من تغيير الأمثال الشعبية - رش المية عداوة - اللي يرشني بالمية ارشه بالدم وخلاص بقي كفاية رش وكلام فاضي ......... نخليها تنقيط وخلاص وماتنساش تحجزلري توكتوك في الهاي ويي الجديد لشخصين ......... شخصين ايه بقي ماخلاص ايه نظام الاوبين بوفيه في التكاتك دي ؟؟ وياتري دي تكاتك سياحية مصرح بيها ولا ؟؟ ( وانا اللي طول عمري نفسي آخد حسبالله ونخرج نتعشي علي باخرة سياحية في النيل ....... اخري توك توك ؟؟؟؟؟ حظوووظ ) اللهم إرزقني بفرحة ... تجعلني أسجد لك باكية . رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان