ثورة تعليمية جديدة أم كارثة تجريبية جديدة - كالعادة ابنائنا حقل تجارب

[abla]

الإقتراح الذي صدر عن وزير التعليم الدكتور حسين كامل بهاء الدين بإلغاء إمتحانات النقل والنقل الآلي للطلاب أثار هذا الاقتراح ثورة عارمة بين صفوف التلاميذ وأولياء امورهم وكذلك بين صفوف خبراء التعليم في هذا البلد المنكوب بالتجارب التعليمية أو المحسوبة علينا تحت مسمي  تطوير التعليم !!!!

فأولياء الامور يعتبرون هذا الاقتراح كارثة بكافة المعايير لانه سيزيد من معاناتهم مع الدروس الخصوصية وسيعطي لضعاف النفوس من المدرسين المسوغ للإتجار بمعانة الاباء بعد ان يصبح النقل الآلي للتلميذ مرتبط بأعمال السنة والتي يتحكم فيها المدرس نفسه !!!!!

أما خبرا التعليم فيرونها كارثة ستدمر العملية التعليمية وتزيد من نسبة الجهل التعليمي عند التلاميذ !!!!

أما السيد الوزير فيري ان هذا الاقتراح مسايرة لنظم التعليم في دول متقدمة من ناحية وكسلاح جديد لمحاربة  الدروس الخصوصية من ناحية أخري !!!!!

في إنتظار ارائكم

[NonSuperior]

يا دكتوره عبله هنقول تانى؟ :) الوزير قلبه على الناس بتوعه .. الا و هم المدرسين الغلابه .. طيب هيجيب ميزانيه من بيتهم يصرف بيها على المؤتمرات بتاعة التطوير اللى بالى بالك ولا يزود اعتماد مرتبات المدرسين؟ طبعا المؤتمرات اللى بيتصور فيها اولى .. والمدرسين ربنا يخلى لهم اولياء الامور و يعمر جيوبهم كده وبعصا الوزير السحريه كل شئ اتدبر .. اللى يغيظ ان كل شئ الناس بتشوفه بصوره "غلابه على اد حالهم مش بيفهموا زى الو زير" وهو بيشوفه بصوره تانيه خالص :) وده بيفكرنى بنكته لطيفه جدا بتقول

احول سجل فى الجيش حطوه فى سلاح القصف العشوائى :)

[semsemah2000]

يا دكتورة الرجل صرح بأنه الوزارة عايزه توفر فلوس اللجان و التصحيح و الذى منه مش عارفه حانسكت لحد امتى ؟؟؟؟؟؟؟؟

الأول حكايه المدرسه وحده انتاجيه و ثانيا الغاء امتحانات النقل و ثالثا كنت فى مدرسة بناتى و سألت ليه مش بياخدوا سور صغيرة و ان السن ده هايل علشان حفظ القرآن قالوا لى ان الوزير مانع منعا باتا القرآن فى KG1,2 !!!!!!!!!!!!

و ان الدين سلوكيات من القرآن و الإنجيل و انسوا حفظ السور لأن فيه لجان تفتيش على الموضوع ده بالذات

[هشام عبد الوهاب]

الاخت سمسمه

ممكن اعرف اسم المدرسه دى ايه

[semsemah2000]

الأخ العزيز هشام .... حاتفرق ايه  اسم المدرسه ده قرار وزارى !!!!!!

[هشام عبد الوهاب]

معلش يا سمسمه اصلى اعرف مدارس كتير مابتطبقش القرار العجيب ده

ماتزعليش قوى كده.... هو انا طلبت حاجه غلط ......عموما  اعتذر عن طلبى و اسحبه

[semsemah2000]

ربنا ما يجيبش زعل .. أنا ما أقصدش و الله  أنا متغاظه من القرار   و المشكله ان الناس مش واخده بالها ان الولاد الصغيرين مش بياخدوا قران و فاكرين ان لسه السنه طويله  و علشان كده مش بتسأل لكن أنا بقه سألت  ولما عرفت لقيت زملاء كتير زى حالاتى أ,ولادهم فى  ك . جى مش بياخدوا قران  وخد عندك شويه مدارس :

دار الهدى- المنار عربى و لغات - العروبه  - نارمر - مصر 2000 -

بس الشهاده لله هم بيحفظوهم برضه بس لما المفتشين يروحوا !!!!!!!!!!!!!!1

[هشام عبد الوهاب]

اذا كانوا بيحفظوهم لما المفتشين يروحوا  يبقى مش قرار وزارى ... يبقوا بيستهبلوا

و بالمناسبه لا يوجد قرار مثل هذا و لو كان موجود تبقى مصيبه سوده

مع ان هناك مدارس كتير بتحفظ الاولاد ايات صغيره و بعضها مدراس لغات

مصر للغات.. الحرانيه..بيراميدز  و غيرهم

[wanees]

والله انا بدات اتخنق من هذا الوزير الذى يريد ان يطبق النظام المطبق فى الدول الغربيه---طيب ماشى انا موافق ولكن مش بردة يجب ان نطبق طرق التعليم ونظام التعليم بالكامل ولا احنا ناخد اللى يعجبنا ثم قول لى فين المدرس اللى عندة ضمير وبيشرح فى الفصل  فى المدرسه دة انا عندى ثلاث طلاب فى المدارس واحد اعدادى واثنين ابتدائى والله كل واحد جايب لى كارت من المدرس قال ايه المدرس عايزنى اتصل بيه علشان الولد ضعيف ومحتاج درس يعنى هو كل اولادى ضعفاء ومحتاجين دروس مع العلم اننى ادرس بالجامعه وزوجتى كذلك  المهم اخذت الكروت ورحت لناظر ابنى اللى فى اعدادى فنظر لى وقال والله فكرة الكروت دى جديدة -- المهم تجاهلنى وحولنى على الاخصائى الاجتماعى اللى لما دخلت له كان قاعه يفطر وفارش سفرة هو ومجموعه من العاملين عندة  ( الساعه 12 ظهرا ) المهم يظهر انه وجدها فرصه لكى يتمنظر على خلق الله واخذ يقول كلام فارغ لامعنى له ---- وبعد كدة تقولوا طوروا التعليم