مذكرات باب دورة الميه.....

[محب فى الله]

احم ... شوية كده يا فنديه عشان النفس بس .... مفيش داعى للزحمة ..... مش عايزين اصابات الله يخليكم....

مش عارف حاطين ايديكم على مراخيركم ليه؟؟؟؟ مع إننا لسه مدخلناش فى دورة الميه ....قصدي فى الموضوع..

ما علينا .... ندخل فى الموضوع ....

بداية أحب ان انوه أن المقصود هنا هى أبواب دورات المياه العامة يعنى....المراحيض العمومية

-.اففف الله يقرفك ......

- ماشى ياسيدى ....ماعلينا ....

وليس المقصود أبواب دورات المياه الفايف ستارز اللي فيها اير فريشينر وليكويد سوب وتواليت بيبر واير دراير لزوم تنشيف الايدين...

انما اقصد ابواب دورات الميه الغلبانة التى يرتادها معظم حرافيش الشعب المصرى اللى انا منهم وخاصة اذا كنت على سفر ورجليك خدتك لغاية دورة مياه مسجد الفتح برمسيس او دورة مياه بولاق الدكرور التى تقوم سنية العمشة بالإشراف عليها ويساعدها بيومى طناش .

المهم سعادتك وقفت فى الطابور لغاية مجه دورك ودخلت .....

تعالى بقى نتصفح جريدة باب دورة الميه .... دى مجانية واميز مافيها انها مفيش عليها رقابة وبتحتوى على كتابات تمثل كل الاتجاهات .... يسارى ماشى ... يمينى ماشى .... صعيدى ماشى ... وبعدين دى شاملة كافة المواضيع من سياسة الى اقتصاد الى رياضة.....ويشرف على تحريرها واصدارها بشكل يومى جموع الشعب المزنوق ...تعالى نتصفح .....

- الأهلى عمهم وحابس دمهم ...

- للذكرى الهباب وايام العذاب والزحف على التراب – جندى سويلم البهنساوى – مركز تدريب المعادى

- كله يهون الا اللاهون – جندى مجند حمدى ابراهيم – مركز تدريب اللاهون

- ازازة الزيت بقت ب7 جنيه .... ماشى يا ظلمه

- مجانية تعليم ايه يا ولاد الــ ......

- كل ظالم وله نهاية .....

- خد عبرة من السادات .....

- الجمعية فيها لحمة ....ياولاد الكذابة ...

- امريكا بنت .......!

- يا ولاد الــ...... نهبتوا البلد

- نحن نوفر لك الوظائف بمختلف التخصصات وبمرتبات مغرية... فقط....شدالسيفون.....

وهكذا سادتى وسيداتى الأفاضل كما ترون فأبواب دورات المياه ليست مجرد حاجزا يستر من يجلس خلفه على قرافيصه ... ولكنها متنفسا تستطيع من خلاله جموع الشعب المطحونة ان تعبر عن بعض ما يجيش بصدورها دون خوف من ان يكون هناك مخبر واقف لك ورا الباب.....بكل بساطة هذا الشعب ...وبكل مايتعرض له من ظلم وطحن وسحق الا انه يرفض ان يصمت ....سيتكلم حتى ولو من وراء باب دورة الميه ..

وتستمر الكتابة...وتستمر القراءة ......

برجاء من السادة الأعضاء ترك القبقاب على باب الدورة لأنه عهدة ...... :D ;)

[ابو خليل]

يووووه يا محب

فكرتني باللذي مضى

كان لي صولات وجولات في الحمامات ؟؟

هل تصدق أنه بسبب ما كنت أكتبه في الجامعة تم اعادة دهن أبواب حمامات كلية التربية جامعة طنطا أكثر من مرة ..

كنا نجعل أبواب دورات المياه أشبه بالمنتدي !تجد الحوارات ساخنة في كل مكان في باب الحمام، وربما تجد في أسفل الباب الممتلأ بالكتابة جملة ( تنبيه ) بقية الحوار تم نقله علي باب الحمام رقم 4 لضيق المساحة ؟؟

لا زلت اعتقد حتى هذه اللحظة

أننا في سائر الدول العربية التي عشت فيها ، لا نملك أن نبدي وجهات نظرنا إلا علي أبواب الحمامات العامة ؟؟

لدرجة اني صرت في كل حمام ادخله ، اتجه لا أراديا نحو باب الحمام لأقرا المكتوب عليه ، ولأكتب رأيي لو اهممت بالكتابة ، او بمحو الكتابات البذئية أو الأدعية والأحاديث التي قد يكتبها البعض داخل الحمامات ...

ولكني صرت أخاف ..

وسر خوفي أن الإنترنت بدأت في اقتناص دور الحمامات العامة ؟؟

[shawshank]

قرأت الأتي على باب الحمام هنا:

• 
  
• How many Iraqis does it take to make a WMD (Weapon of Mass Destruction)?1
  Goerge W. Bush has no idea
  واحد رادد عليه و كاتب تحتها:
  Because we killed all of them
  
  
• My brother DIED in Iraq & I support Bush
  واحد رادد عليه و كاتب تحتها:
  Your mistake
  
  
• Bush lies = 1,060 lives
  واحد شاطب الرقم و كاتب تحتها:
  30,000+ died
  

شاوشانك - مراسل "محاورات المصريين" في الولايات المتحدة

[cute teen]

الكتاب علا باب الحمام دي في كل مكان

ده حتا في المدراسا

انا بلاقي شعر

تهزيئ مدرسين

ارقام تليفون

emails

و نكات

و رسائل حب

و مش بس في حمامات المدرسا

ده كمان على التربيزات الى في المكتبا

تم تعديل 26 أغسطس 2006 بواسطة cute teen

[واحد تاني]

مذكرات باب دورة مياه

اضغط على الرابط