******* حقيقة كندا ********

[ايهاب سالم]

الاخوة الأعزاء

أنا مهندس أعمل و أقيم في قطر .. أعمل في مجال برمجة قواعد البيانات (أوراكل) .. الحمدلله ناجح في عملي و مستقر

منذ سنوات تحمست للهجره الى كندا .. فقط من أجل مستقبل أولادي .. عملت معاملة هجرة و حصلت على التأشيرة و عملت لاندينج في أغسطس 2004 و بقيت أسبوع هناك و رجعت قطر تاني

منذ عودتي و أنا أجمع معلومات عن كندا من الانترنت لكي أتخذ قراري إما بالعوده أو البقاء في قطر و نسيان الموضوع

بالصدفه و جدت هذا الموقع

http://www.notcanada.com

و كان صدمه كبيره بالنسبه لي

أرجو من كل من هو مهتم بالموضوع أن يدخل ويقرأ باستفاضه و أمعان و بعد ذلك أرجو ان تدلوا برأيكم عن ما قرأتم .. مشاركة الأخوه المقيمين في كندا ضروريه جدا لأنها ستعطينا الصوره من الداخل فعلا

شكرا

[ashrafsm]

السلام عليكم أخي إيهاب -_-

الصدمة الحمد لله أخذتها قبلك ولكن بفضل الله أخذت الصدمة بدري قبل فوات الأوان

واكتشفت طبيعة الخدعة الكبري والشراك الذي نصبته لنا هذه الحكومة الجشعة تحت مسميات كثيرة أقل

مايوصف بها انها حركات نصب * نصب :blush:

أنصحك ياأخي العزيز لاتدخل هذا الفخ برجلك ثم تندم حيث لاينفع الندم :angry:

[ايهاب سالم]

شكرا يا أخي أشرف على التعليق

ما يحيرني أني أعرف 3 قصص نجاح ل 3 أصدقاء مصريين ذهبوا و يعملون في مجالهم (IT) و مستقرين

واحد منهم ماشاء الله اشتغل بعد أسبوع فقط و الاخرين طولت معاهم شويه لحد 5 أشهر بس في الاخر رفضوا يشتغلوا الا في مجالهم و هو ما تم فعلا

لكن اللي محيرني كم القصص الفاشله اللي موجوده .. هل نجاح هؤلاء الاشخاص توفيق من الله أم صدفه أم ماذا

حتى مشاركات الناس اللي داخل كندا تتباين تباين محير فعلا .. تتذكر مشاركات الأخ / FREE FREER في منتهى التفاؤل و تحس منها ان كندا هي جنة الله في الارض و تقرا مشاركات أخرى مثل السيد / هادي .. تحس أن العيشه هناك لا تطاق .. أين الحقيقه لا أعرف .. أنا أعرف أن أراء الناس من الممكن أن تتباين لكن مش للدرجه دي

في نفس الوقت أن أريد لأولادي جنسيه أخرى جنب الجنسيه المصريه تنفعهم .. مش عارف ظروفهم هتبقى أيه لما يكبروا .. محدش ضامن الظروف هتستنى زي ما هي و الا لأ .. و المستقبل في مصر و المنطقه كلها ما يطمنش و الخليج أصبح هو اختيارنا الوحيد حاليا للمعيشه الكريمه و أنا عايز أولادي يبقى عندهم إختيار أخر

عموما خلينا في أنتظار مشاركات أخرى خصوصا من الأخوه اللي جوه كندا لما نشوف

[سقراط المصري]

في نفس الوقت أن أريد لأولادي جنسيه أخرى جنب الجنسيه المصريه تنفعهم

رأيي الشخصي ................. ان الجنسيه الدوليه واللي تصلح لأي مكان و اللي ممكن تعطيها لأولادك هي................... التعليم الجيد بالإضافه للمهارات.

الجنسيه لبلد ما مش هتحميهم............... اللي هيحميهم علامهم ومهارتهم.

تمنياتي لأولادك وأولادي كل خير.

تحياتي

سقراط

[ايهاب سالم]

في نفس الوقت أن أريد لأولادي جنسيه أخرى جنب الجنسيه المصريه تنفعهم

رأيي الشخصي ................. ان الجنسيه الدوليه واللي تصلح لأي مكان و اللي ممكن تعطيها لأولادك هي................... التعليم الجيد بالإضافه للمهارات.

الجنسيه لبلد ما مش هتحميهم............... اللي هيحميهم علامهم ومهارتهم.

تمنياتي لأولادك وأولادي كل خير.

تحياتي

سقراط

<{POST_SNAPBACK}>

تحياتي سيد سقراط

كلامك جميل بس ما هو عشان نعطيهم تعليم جيد و مهارات عصريه لازم يكون بره مصر .. في دوله عصريه متقدمه .. انت عارف حال التعليم عندنا و بعدين تعتقد ان مصر مافيهاش ناس كتير بنبوغ زويل و الباز و مجدي يعقوب .. اكيد فيه بس السيستم بيقتل طموحهم و دول اللي فلتوا و قدروا يخرجوا و يشموا نفسهم

على فكره واحد فلسطيني صاحبي معاه الجنسيه الكنديه و ملامحه شرق أوسطيه تماما زينا .. كان بيلف اوروبا بالسياره و بيحلف لي عند نقاط العبور بين الدول بيشاور بالباسبور بس للضابط دون فتحه و بيعدي

وعايز افكرك كمان بعد غزو العراق للكويت لما الدول الغربيه بعتت طائرات لإجلاء رعايها و المصريين رجعوا بالبر عن طريق العراق ثم الاردن

لا الجنسيه اكيد ليها فايده كبيره

تحياتي

[maksoof]

الأخ إيهاب

من تجربتى أنا (بقىلى 31 سنة فى كندا) ما شفتش سلبيات تخلينى أندم إنى هاجرت.

و بصراحة المصريين اللى أعرفهم هنا كلهم ناجحين. ألمتعلمين منهم أساتذة جامعات و أصحاب أعمال ناجحة فى مجالات ال high tech و التصنيع و الإنشاءات و اللى كان تعليمه لا يتعدى الشهادة الإعدادية (شخص واحد أعرفه) فتح مطاعم. و كل واحد منا نجح بإخلاصه فى عمله و الإندماج فى المجتمع الكندى و زى ما بيقولوا we played by the rules- و ده ما منعش إنى التزم بتعاليم الإسلام.

لو حضرتك مستعد تتعب فى الأول و تقبل أى شغل (لو لزم الأمر) يبقى مافيش حاجة حتمنعك من النجاح.

مع تحياتى و تمنياتى لك بالتوفيق

[الرافعي]

الأخ إيهاب

من تجربتى أنا (بقىلى 31 سنة فى كندا) ما شفتش سلبيات تخلينى أندم إنى هاجرت.

و بصراحة المصريين اللى أعرفهم هنا كلهم ناجحين. ألمتعلمين منهم أساتذة جامعات و أصحاب أعمال ناجحة فى مجالات ال high tech و التصنيع و الإنشاءات و اللى كان تعليمه لا يتعدى الشهادة الإعدادية (شخص واحد أعرفه) فتح مطاعم. و كل واحد منا نجح بإخلاصه فى عمله و الإندماج فى المجتمع الكندى و زى ما بيقولوا we played by the rules- و ده ما منعش إنى التزم بتعاليم الإسلام.

لو حضرتك مستعد تتعب فى الأول و تقبل أى شغل (لو لزم الأمر)  يبقى مافيش حاجة حتمنعك من النجاح.

مع تحياتى و تمنياتى لك بالتوفيق

<{POST_SNAPBACK}>

الأخ الكريم مكسوف

فقط أردت أن أستفسر، هل انطباعك مؤسس على فترة 31 سنة تواجد هناك، أم أن الأخ السائل يمكنه أن يبدأ الآن، أي بلفظ آخر هل الأمور تغيرت الآن وأصبحت البداية صعبة أم ماذا ؟؟ يعني ما أسأل عنه الآن هو الحال منطقة الخليج مثلاً ، فالبداية الآن صعبة جداً ولا تماثل جزء من البداية في فترة طفرة النفط المنتهية بمرحلة حرب الخليج..

أرجو التوضيح، فكلامك فعلاً مفيد، وخبرتك كبيرة، ونود الإفادة منها.

تحياتي

[ايهاب سالم]

الأخ إيهاب

من تجربتى أنا (بقىلى 31 سنة فى كندا) ما شفتش سلبيات تخلينى أندم إنى هاجرت.

و بصراحة المصريين اللى أعرفهم هنا كلهم ناجحين. ألمتعلمين منهم أساتذة جامعات و أصحاب أعمال ناجحة فى مجالات ال high tech و التصنيع و الإنشاءات و اللى كان تعليمه لا يتعدى الشهادة الإعدادية (شخص واحد أعرفه) فتح مطاعم. و كل واحد منا نجح بإخلاصه فى عمله و الإندماج فى المجتمع الكندى و زى ما بيقولوا we played by the rules- و ده ما منعش إنى التزم بتعاليم الإسلام.

لو حضرتك مستعد تتعب فى الأول و تقبل أى شغل (لو لزم الأمر)  يبقى مافيش حاجة حتمنعك من النجاح.

مع تحياتى و تمنياتى لك بالتوفيق

<{POST_SNAPBACK}>

الأخ الكريم/ مكسوف

شكرا لمشاركتك

مصداقا لكلامك .. لي زميل فلسطيني في العمل عاش في كندا 4 سنين و قال لي إن الجاليه المصريه هناك من أكثر الجاليات المحترمه و تشغل مناصب رفيعه و قليلة المشاكل جدا

شكرا على مشاركتك و بالتوفيق

[ashrafsm]

أخي ايهاب

دخلت علي موضوعي وسألتني ايه البلد اللي جنسيتها تشرف

صدقني أحسست باهانة فظيعة جدا عندما رأيت هؤلاء الناس (المفروض انهم ناس زينا) يعاملون بقية الناس من

منطلق استعلاء وعلي نفس القدر الذي أحببت به هذه البلد - كرهتها أيضا

فان العزة لله ولرسوله وللمؤمنين

العزة (وليس الزلة) للمؤمنين

يمكن انت في مجالك يحترموك

أنا أنقل لك انطباعي بعد بحث و قراءة

وبالمناسبة - البلد اللي اتشرف بجنسيتها هي التي تحترم علمي وخبرتي مش تشغلني سواق تاكسي

[ايهاب سالم]

يا أخي أشرف

دعنا نتكلم بموضوعيه و بدون عواطف

يعاملون بقية الناس من منطلق استعلاء .. فان العزة لله ولرسوله وللمؤمنين ..العزة (وليس الزلة) للمؤمنين

احنا ليه بنكبر المسائل و ندخل فيها الدين .. انت لم تذهب الى هناك .. و مداخلات الأخوه اللي عايشين هناك معظمها تقول ان الناس هناك مؤدبين و يعاملون الناس بإحترام و أصدقائي الذين ما زالوا يعيشون هناك يؤكدون على ذلك .. أما أنا .. على الرغم من بقائي مع زوجتي و أولادي هناك أسبوع واحد في اللاندينج و هي مده قصيره بالتأكيد الا انني لم أتعرض لأي مضايقات من أي أحد .. مع العلم أن زوجتي محجبه و كنا نذهب الى الفندق على النوم فقط و نقضي باقي اليوم نفسح الأولاد ونتفرج على البلد و كنا نحمل الخريطه و نستوقف أي حد في الشارع و نسأله على العنوان و يساعدنا بكل حب و بابتسامه

عاملة التنظيف في الفندق كانت سيده كنديه بسيطه من أصل غربي و لكنتها سليمه تماما مما يدل على أنها مولودة هناك و ليست مهاجره و كانت تناديني sir و زوجتي mam بمنتهى الأدب و نعطيها بقشيش و هي غير مستنكفه .. دي شغلتها

وسواقة التاكسي مش ذل

خلينا نركز على المشكله الرئيسيه و هي عدم الاعتراف بالمؤهلات العلميه و بلاش ندخل في العزه و الذله و الدين عشان المسائل ما تتوهش مننا

أولا مسألة معادلة الشهادات دي فقط لل regulated jobs و ليست لكل المهن

و أنا أحب دائما أن أضع نفسي مكان الطرف الأخر حتى أحكم بصوره صحيحه

أفترض أن مصر حصل بها نقص في الاطباء و جاء أطباء من أنجولا مثلا للعمل في مصر .. هل تسمح لهم وزارة الصحه بالعمل قبل امتحانهم و التأكد من قدرتهم على علاج الناس .. ستطلب منهم أن يعادلوا شهادتهم في الجامعات المصريه

هذا هو نفس الوضع تماما ... لا يمكنهم السماح للمهاجرين بالعمل في المهن التي تؤثر على حياة الناس الا بعد معادلة شهادتهم .. وكلنا نعلم أن نظام تعليمنا أصبح تعبان و أنا شاهدت زويل يقول في برنامج تلفزيوني أن الجامعات المصريه الأن غير معترف بها عالميا تماما ..

هنروح بعيد ليه أدي ترتيب أفضل 500 جامعه على مستوى العالم .. ليس من بينها جامعه مصريه واحده و بها 23 جامعه من كندا و أتأكد بنفسك

http://ed.sjtu.edu.cn/rank/2005/ARWU2005FullList2.pdf

اديني سبب واحد لبلد عنده 23 جامعه من أفضل 500 جامعه في العالم يعترف بشهادات ناس من بلد ليس بها جامعه و احده ترتيبها حتى رقم 500 .. أنا زيك متخرج من مصر بس لازم نشوف الحقيقه عشان نستريح و ما نضحكش على نفسنا

[ashrafsm]

أخي الحبيب

المسألة ليست فقط معادلة شهادات ولكنها مسألة تعجيز واهانة كما أراها أنا

وأقرأ هذه المقالة وخذ بالك من كلمة mop a floor

Canada is shutting out Doctors

ومنتظر رأيك

[ايهاب سالم]

صديقي العزيز

انا مكنتش أعرف أنك طبيب .. كده الأمور مختلفه لأن كل مهنه لها خصوصيتها و طبيعتها

انا قرأت المقاله و مش عارف ايه الحكمه من كده .. ليه يعملوا لنفسهم عراقيل في مجال هما عندهم نقص شديد فيه

للدرجه دي يعني خايفين على صحة الناس و الا ايه

طب انت ايه تفسيرك ؟ مافيا مثلا من الاطباء هناك عشان يفضلوا نادرين و رواتبهم عاليه ؟

[Byte]

السلام عليكم

انا بالفعل شاركت فى الموضوع ده باكتر من 100 مداخلة يا اشرف، ووصفت الحياة فى كندا تفصيليا من كل النواحى تقريبا ، وربما تجد هذه المواضيع فى ارشيف المحاورات

وفعلا كما قلت انت ، ستجد العديد من الافراد يتحدثون عن كندا كأنها جنة الله فى الارض

وآخرين يصفونها كأنها اكبر مقلب شربوه فى حياتهم

ورأي كل فريق خاطيء تماما لأنهم يحكموا عن كندا من خلال تجربتهم الشخصية

الناجح فى كندا سيقول لك ان كندا رائعة ، بالرغم من انه من الممكن جدا ان يبدأ فى كندا من له نفس امكانياته ويفشل اذا تغير اى شيء فى الظروف الاخري(مانقدرش نطبق القاعدة اللى بتقول مع ثبات العوامل الاخرى فى الحياة :rolleyes: )

ولتركيز الكلام على حالتك هنا ، فساركز الكلام على معطياتك

بالنسبة لمستقبل الاولاد : قرار صائب تماما

لأن الشهادة الجامعية من كندا لها وزن ، اما الشهادة من مصر (او قطر) فمالهاش تمن

وتركيزك على هذه النقطة كهدف ربما يستحق الهجرة فى حد ذاته، وربما يكون هو السبب الرئيسى لبقائى فى كندا

اولاد الوزراء و الاكابر بتوعنا فى مصر اما يدرسون فى الخارج، او يدرسون فى الجامعة الامريكية

ولكن ينبغى ان تدرك فى نفس الوقت ان اولادك سينشأوا فى مجتمع ثقافته غربية

وان سرقهم منك زملاءهم فى المدرسة(المرء على دين خليله) فلن يكون هناك سبيل لاسترجاعهم

وهذا متروك لتقديرك الشخصى للحكم على قدرتك على الحفاظ على اولادك بيد من حديد وعقل شطرنجى بيحسب 50 حركة للامام (ولو انك ستحتاج نفس الاكروبات العقلية ان ربيت اولادك فى مصر على اى حال)

بالنسبة لعملك:

ستجد صعوبة كبيرة فى ايجاد عمل ان لم تكن certified اما لو كنت certified فسيكون المجال اوسع

شيئ آخر بالنسبة لعملك : وجودك فى قطر مؤقت (وبالتالى ليس لك معاش مثلا، انما فى كندا ستحصل على معاش يتراوح بين 800دولار و2000 دولار عندما تحال على المعاش ، وهو اضعاف الحد الاعلى للمعاش فى مصر على اساس ان الدولار ب 5 جنيه)

ايضا اذا كرهت الحياة فى كندا - بعد حصولك على الجنسية- وحبيت ترجع مصر ، او ترجع قطر، فسيظل باب كندا مفتوح لك ، ومفتوح لاولادك ، دائما : ودي ميزة كبيرة فى ظل مناخ عدم التأكد السائد ، ومقارنة بوضعك فى قطر الذي يمكن ان ينتهى فى اى لحظة

ان كنت مكانك وساتخذ قرارى معتمدا على خبرتى بكندا:

فساتخذ قرار الهجرة بدون تردد ان كانت ما ادخره من مرتبى يقل شهريا عن 2000 ريال قطرى

وساتروى قليلا وسادرس الموضوع اكثر ان كان مدخراتى الشهرية بين 3000 و 4000 ريال قطرى

ولن اترك قطر الى كند ان كانت مدخراتى تزيد عن 5000 ريال قطرى

وكل هذا بافتراض انك قوى فى تخصصك (ان كنت متميز فى قطر او مصر فستكون متميز فى كندا)

[الصاوى]

السلام عليكم

هاجرت الى كندا فى اغسطس 2001 وقبل حادثة سبتمبر باسبوعين تقريبا ، وقبل ان اعتاد على البلد قوبلت من بعض الناس بالرفض والمعاملة الجافة لمجرد ان اسمى أسامة ، وحدثت حالة من الركود فى كندا منذ ذلك الوقت والى وقت قريب ، ولكن كحالة اى بلد آخر من الصعب الحصول على عمل بدون أن تعرف احد او يعرفك احد ، وظللت ابحث عن عمل كمهندس ميكانيكا ولكن الفرص كانت قليلة والمنافسة شديدة لدرجة انى اتصلت باحدى الشركات بعد ان ارسلت لهم سيرتى الذاتية فاخبرنى مدير شئون العاملين بانه تلقى 5000 طلب لهذه الوظيفة فقط

كنت أعمل خلال تلك الفترة فى مصنع للبلاستيك كعامل كى استطبع ان ادفع ايجار المنزل واصرف عليه فقد كانت زوجتى حامل وحاولت العمل معى لكنها لم تستطيع لظروف حملها , وكان هذا بلاء من الله لنا حيث اننا اعتدنا عيشا رغيدا فى بلدنا ، وازداد البلاء بعد فترة وفقدت عملى بسبب اسمى وحاولت العثور على غيره ولكن لم استمر فى مكان اكثر من اسبوع الى ان اغلق الباب فى وجهى تماما فى حتى ان احصل على وظيفة عامل.

تقدمت بطلب الحصول على اعانة بطالة من الحكومة وقوبلت مقابلة حسنة من الموظف المسئول وتفهم ظروفى وخلال تلك الفترة التى استمرت فوق السنة درست عدة كورسات وذهبت الى العديد من المستشارين فى مجال التوظيف وكانوا يرسلون سيرتى الذاتية الى الشركات ويطلبون منهم ان يمنحونى عمل بدون مقابل لعدة اشهر حتى احصل على الخيرة الكندية التى كانت العائق الثانى لى ، ولكن دون جدوى ، وأخيرا سأل احدهم الشركة عن سبب الرفض فكان ردهم بالحرف " إن هذا المسكين لن يستطيع الحصول على عمل هنا بهذا الاسم " فأشاروا على بتغيير اسمى

وسبحان الله عندما فعلت ذلك فتحت الابواب المغلقة ووفقنى الله فى الحصول على عمل مع شركة ايطالية تعمل فى مجال البترول فى الجزائر وكان ذلك بمعاونة صديق تعرفت عليه من المنتدى ، وبعد 10 أشهر كنت اسافر خلالها ذهابا وايابا بين كندا والجزائر مرضت ابنتى فأنهيت عقدى وعدت الى كندا لان حالتها النفسية تأثرت بغيابى عنها لارتباطها الشديد بى ، وبعد اسبوعين من عودتى وفقنى ربى فى الحصول على عمل براتب ضعف ما كنت اتقاضاه فى الجزائر وتحسنت الاحوال واشتريت منزل ولا زلت مع تلك الشركة ، والحمد لله على كل ما اعطى ونرجوه ان يرفع عنا البلاء ويعافينا ويعف عنا

ونصيحتى الى كل من يريد الهجرة بان يستعين بالصبر والمثابرة فستجدها صعبة فى البداية ولكن بمرور الوقت ستتحسن الظروف ان شاء الله

نصيحة اخرى ، سوق العمل الأن مفتوح وهناك وظائف كثيرة ، وعليك بالتقدم لهذه الوظائف فربما استطعت الحصول على واحدة

وفقك الله

[ايهاب سالم]

الأخ / الصاوي

شكرا على مشاركتك و كم نحن في حاجه الى مثل قصص النجاح هذه

أراك في كندا ان شاء الله

بالمناسبه هل تقيم في تورونتو ؟

سلام

[maksoof]

الأخ الكريم مكسوف

فقط أردت أن أستفسر، هل انطباعك مؤسس على فترة 31 سنة تواجد هناك، أم أن الأخ السائل يمكنه أن يبدأ الآن، أي بلفظ آخر هل الأمور تغيرت الآن وأصبحت البداية صعبة أم ماذا ؟؟ يعني ما أسأل عنه الآن هو الحال منطقة الخليج مثلاً ، فالبداية الآن صعبة جداً ولا تماثل جزء من البداية في فترة طفرة النفط المنتهية بمرحلة حرب الخليج..

أرجو التوضيح، فكلامك فعلاً مفيد، وخبرتك كبيرة، ونود الإفادة منها.

تحياتي

<{POST_SNAPBACK}>

الأخ حلاوة

الفرص موجودة فى كل الأوقات و كل واحد و شطارته. فى الحقيقة أنا ما فكرتش فى صعوبة أو سهولة الفرص و لكنى أعتقد (و ده مجرد رأيى) إن الفرص دلوقت ممكن تكون أحسن من زمان لتوافر المعلومات على الإنترنت.

و الله سبحانه و تعالى قدر للأرض أرزاقها "سواءا للسائلين" يعنى على حسب فهمى للآية إن كل من سعى للرزق فسيجده بإذن الله.

مع تحياتى

[maksoof]

ونصيحتى الى كل من يريد الهجرة بان يستعين بالصبر والمثابرة فستجدها صعبة فى البداية ولكن بمرور الوقت ستتحسن الظروف ان شاء الله

نصيحة اخرى ، سوق العمل الأن مفتوح وهناك وظائف كثيرة ، وعليك بالتقدم لهذه الوظائف فربما استطعت الحصول على واحدة

وفقك الله

<{POST_SNAPBACK}>

أهه ده الكلام اللى فيه الشفا!

لو معاك ما يكفى إنك تعيش سنتين أو تلاته بدون الإعتماد على دخل إضافى ف (برضه من تجربتى الشخصية) يفضل إنك تحاول الحصول على شهادة جامعية من كندا لأن دى حتسهل لك الأمور جدا فى الحصول على عمل و الإحتفاظ به. خصوصا لو حضرتك صاحب مهنة - يعنى مهندس أو طبيب أو محاسب أو محامى .. الخ - لأنك عشان تمارس أى مهنة لازم تنتمى للنقابة الخاصة بها. غير كده يبقى ممكن تشتغل و تدرس فى نفس الوقت (كل الكنديين بيعملوا كده عشان يدفعوا مصاريف الجامعة)

أنا أول ما وصلت كندا بدأت أعمل ماجستير فى الهندسة - و الحالة المالية كانت صعبة فى البداية و لكنى حصلت على منح دراسية بعد 6 شهور و ربنا سهل و لقيت شغل بعد ما اتخرجت و أصبحت مؤهل (من ناحية الدراسة) للإنتماء للنقابة.

و بصراحة أنا أختلف مع الدكتور أشرف فى وصفه للشروط بأنها تعجيزية. هى جايز فيها شئ من الصعوبة - خصوصا للى ساب الدراسة من مدة طويلة- و لكن فيه أطباء كتير من مصر و ليبيا و السعودية و باكستان نجحوا فى الإمتحانات و مصرح لهم بممارسة الطب فى كندا فمافيش أى سبب يمنع نجاح الدكتور أشرف زيهم.

مع تحياتى و تنياتى لك بالتوفيق

[ابو حلاوه]

أخي الحبيب

المسألة ليست فقط معادلة شهادات ولكنها مسألة تعجيز  واهانة كما أراها أنا

وأقرأ هذه المقالة وخذ بالك من كلمة mop a floor

Canada is shutting out Doctors

ومنتظر رأيك

<{POST_SNAPBACK}>

بالرغم من انني غير مقيم بكندا لكن هناك حقائق اعرفها بتجعلني اشعر ان المقال مبالغ فيه .... هناك عجز في بعض التخصصات الطبية في كندا في تزايد مستمر لعدة اسباب منها هجرة الاطباء الكنديين المستمرة لامريكا زيادة السكان في كندا زيادة طبيعية و بسبب الهجرة ... علي حد معرفتي بزملاء كنديين هنا حصلوا علي درجاتهم العليمية في باكستان و الهند و اتوا لامريكا للتخصص دخول امتحان المعادلة الكندي اختيار فاشل لصعوبة الامتحان الشديدة و لقلة الفرص المتاحة للتدريب هناك .. لذلك معظمهم بيأتي لامريكا بعد دخول امتحان المعادلة الامريكية عادة معظمهم بيبقي في امريكا و لا يعود لكندا و لكن اعرف واحد من اصل هندي عاد مرة اخري لكندا العام الماضي .... اعرف صديقة لزوجتي هاجرت لكندا هي وزوجها و بتدرس حاليا المعادلة الامريكية و تنوي التخصص في امريكا و العودة مرة اخري لكندا بعد نهاية الدراسة .. كل شئ ممكن و الموضوع ليس فيه لا اهانة و لا تعجيز كل ما هو مطلوب البحث عن حلول و الاجتهاد و شوية صبر ده في كندا او غيرها

[ايهاب سالم]

السلام عليكم

انا بالفعل شاركت فى الموضوع ده باكتر من 100 مداخلة يا اشرف، ووصفت الحياة فى كندا تفصيليا من كل النواحى تقريبا ، وربما تجد هذه المواضيع فى ارشيف المحاورات

وفعلا كما قلت انت ، ستجد العديد من الافراد يتحدثون عن كندا كأنها جنة الله فى الارض

وآخرين يصفونها كأنها اكبر مقلب شربوه فى حياتهم

ورأي كل فريق خاطيء تماما لأنهم يحكموا عن كندا من خلال تجربتهم الشخصية

الناجح فى كندا سيقول لك ان كندا رائعة ، بالرغم من انه من الممكن جدا ان يبدأ فى كندا من له نفس امكانياته ويفشل اذا تغير اى شيء فى الظروف الاخري(مانقدرش نطبق القاعدة اللى بتقول مع ثبات العوامل الاخرى فى الحياة  :blush: )

ولتركيز الكلام على حالتك هنا ، فساركز الكلام على معطياتك

بالنسبة لمستقبل الاولاد : قرار صائب تماما

لأن الشهادة الجامعية من كندا لها وزن ، اما الشهادة من مصر (او قطر) فمالهاش تمن

وتركيزك على هذه النقطة كهدف ربما  يستحق الهجرة فى حد ذاته، وربما يكون هو السبب الرئيسى لبقائى فى كندا

اولاد الوزراء و الاكابر بتوعنا فى مصر اما يدرسون فى الخارج، او يدرسون فى الجامعة الامريكية

ولكن ينبغى ان تدرك فى نفس الوقت ان اولادك سينشأوا فى مجتمع ثقافته غربية

وان سرقهم منك زملاءهم فى المدرسة(المرء على دين خليله) فلن يكون هناك سبيل لاسترجاعهم

وهذا متروك لتقديرك الشخصى للحكم على قدرتك على الحفاظ على اولادك بيد من حديد وعقل شطرنجى بيحسب 50 حركة للامام (ولو انك ستحتاج نفس الاكروبات العقلية ان ربيت اولادك فى مصر على اى حال) 

بالنسبة لعملك:

ستجد صعوبة كبيرة فى ايجاد عمل ان لم تكن certified اما لو كنت certified فسيكون المجال اوسع

شيئ آخر بالنسبة لعملك : وجودك فى قطر مؤقت (وبالتالى ليس لك معاش مثلا، انما فى كندا ستحصل على معاش يتراوح بين 800دولار و2000 دولار عندما تحال على المعاش ، وهو اضعاف الحد الاعلى للمعاش فى مصر على اساس ان الدولار ب 5 جنيه)

ايضا اذا كرهت الحياة فى كندا - بعد حصولك على الجنسية- وحبيت ترجع مصر ، او ترجع قطر، فسيظل باب كندا مفتوح لك ، ومفتوح لاولادك ، دائما : ودي ميزة كبيرة فى ظل مناخ عدم التأكد السائد ، ومقارنة بوضعك فى قطر الذي يمكن ان ينتهى فى اى لحظة

ان كنت مكانك وساتخذ قرارى معتمدا على خبرتى بكندا:

فساتخذ قرار الهجرة بدون تردد ان كانت ما ادخره من مرتبى يقل شهريا عن 2000 ريال قطرى

وساتروى قليلا وسادرس الموضوع اكثر ان كان مدخراتى الشهرية بين 3000 و 4000 ريال قطرى

ولن اترك قطر الى كند ان كانت مدخراتى تزيد عن 5000 ريال قطرى

وكل هذا بافتراض انك قوى فى تخصصك (ان كنت متميز فى قطر او مصر فستكون متميز فى كندا)

<{POST_SNAPBACK}>

أستاذ / بايت

شكر متأخر على مشاركتك و التي أعتبرها مثال للرأي الموضوعي المتزن

جزاك الله خيرا

[الصعيدى]

الاخ ايهاب

ارى من وجهة نظرى اننا نتوكل على الله واحنا فى الغربة ربنا معانا دائما

انا عملت كده فى موضوع قرارى باتقدم فى طلب الهجرة "توكلت على الله)

ولى استفسار الرجاء الرد عليه وهو موضوع المقابلة هل هى فى نفس البلد المقيم به ام فى السفارة فى لندن