أنا عايز الـ 243 جنيه بتوعي ..

[se_ Elsyed]

بالصلاتو عالنبي فيها لا أخفيها

وعندي إستعداد في الأجازة الجاية ألبس البيجاما المقطعة بتاعت المناسبات وأعمل فيها عبدو العبيط وأروح أسيح قدام قصر العروبة لحد ما الكبير يطل عليه من البلكونة ويدينا حقي

تعالو نحسبها مع بعض ولو أنا غلطان قولولي : إنت غلطان يا سين سين وتستاهل تروح مستشفى المجانين

ولو مش غلطان تقولوا لي : عداك العيب وقزح يا سونسون

بالصلاتو عالنبي للمرة التانية إحنا النهاردة خلصنا في صفقة محترمة وهبرنا فيها 17 مليار جنية ( ربنا يزيد .. ربنا يبارك ) وده مُقابل إدخال شركة محمول ثالثة في السوق المصر

وطبعاً شركة إتصالات الإماراتية هاتدفع للحكومة عداً ونقداً أي باللغة العريبة الفُصحى " توتو على كبوتو "

وعشان ما ندخلش في عؤ كثير وكاني وماني ودكان الزلاباني ونقدم طلبات إحاطة في مجلس الشعب عن الفلوس دي راحت فين

أو واحد يطلع لي زي عفريت العلبة ويقولي دي راحت توشكى يا إبني ..

فأنا مستغني عن الكلام ده كله وعايز حقي ناشف قبل السبوبة ما تتبخر وتبرد وتبقى بايته

فالهبرة دي كلها لو قسمناها علينا .. أقصد السبعين مليون بني آدم مصري .. هايطلع نصيب الراس مننا 243 جنيه ...

وحيث إن عندي زوجة وعيلين .. وهما معدودين ضمن التعداد السُكاني الأخير .. يبقى كده بأتكلم في 972 ج .. وبما إن بابا متوفي وأنا الإبن الوسطاني لإخواتي .. إذاً أنا أحق بنصيب ماما ربنا يديها طولة العمر فهي مش محتاجة لفلوس الحكومة لإني مش مخليها عايزه حاجة وجايب لها الحلو كله .. يبقى كده وصلنا 1215 لحلوح ...

وكمان أنا عندي أختي وعيالها التلاتة وجوزها عايشين في الدنمارك ومش محتاجين يبصوا في خلقة الحكومة يبقى أدي 1215 تاني على المبلغ الأولاني اللي في الصندوق .. يبقى كده بألعب في 2430 جنيه ..

وعندي أخويا الكبير أنا سايب له المشروع اللي شراكة بيننا .. فهو كمان عنده 3 حتت زائد مراته ... يبقى كده 3645

والواد أخويا الصغير لسه قاصر وعنده 29 سنة وأنا القيم عليه وعلى أمواله .. يبقى كده أنا عديت وبقيت بأتكلم في 4860 ج

مش بطالين ونعمه ورضا وأبوس إيدي شعر ودقن لو أتحصلت عليهم .. وساعتها أبطل غُربة وأترستق واتستت وأقعد في البيت ولا سفر ولا دياولو

يبقى حقي أروح أطلب حقي من الكبير ولا لأ ؟

خصوصاً والموضوع لسه سخن والفلوس لسه بتلعلط

هــــا مين جاي معايا وقالي : إيدي على إيدك يا سين سين ؟

وخلوا بالكو وما ضاع حق وراءه مطالب .. ومن طلب إيد عُلا سهر الليالي ( فيلم للكبار فقط )

[صبح]

أنا معاك..

متزوج ويعول 2 :wub:

يبقى نصيبى ....؟؟ <_<

972 جنيه

رضا

[زعلان]

طب لو حد مراته حامل الجنين يدخل في الحسبة :wub:

[mickey_egp73]

بالصلاتو عن النبي ده شكله كده زي فيلم "عايز حقي" نبيع مصر و نوزع تمنها علي الورثة ...

الفيلم حيبقي حقيقة و الاايه ....

اللي بيعملوه بتوع السيما حيطلع علينا...

خلي بالك واحد عملها و رفع قضية عشان يعرف 500 مليار بتوع القطاع العام راحو فين خد حكم هو و الصحفية و رئيس التحرير وبما اني عارف انك بتقدر الحرية فخلي بيجامة المناسبات في مكانها و خليك جنب الحيط..

و لو مُصر ابتدي بقي جمع توكيلات (زي ما حصل في الفيلم) و جهز نفسك للاعتقال (زي الفيلم برضه) و متعملش حسابك ان النهاية حتكون سعيدة زي الفيلم (البطل قلب وطني في اخر لحظة و الناس ضربته بالجزم عشان رجع في البيعة) حتكون حاجة تانية خالص..

[واحد تاني]

وراك يا معلم <_<

واوعى يهمك اي تهديدات :wub:

وعندي ناس فى السجل المدني تظبط لنا احلى كشوف عيله

خلونا نعيش بقى :D

[المدهش]

دمك زي العسل يا سين سين ..

هلكتني من الضحك ومش عارف ليه ما جربتش تكتب مسرحيات كوميدي واكيد هتجيبلك اكتر بكتير من اللي ممكن تديه لك الحكومة من نصيبك في شركة المحمول الجديدة..اشحن بطارية الابداع وما تخافش يا سين ..اتكلم براحتك..بس وحياة والدك لما تشتهر تعمل حسابي في خطين بيزنس.. وسلم لي على فودافون.

[se_ Elsyed]

إخواتي وحبايبي وحتة من بيت الكلاوي

أشكركم على روح العمل الجماعي التي أبديتموها تجاه القضية

عايز أقولكو يا رجالة إن في مثل شعبي بيقول " إن خرب بيت ابوك .. خدلك منه قالب " أزروايز مش هاتلحق حتى ولو شوية تراب منه

لذلك أنا شايف إن العملية بتتقسم وبتتباع على الهادي .. إذاً فالشعرة من جلد الخنزير .. صدقةه... عارفين طبعاً مين الخنزير .. وإيه الشعرة

و243 جنية مش بطالين في الأيام الكُحلي اللي إحنا عايشينها دي .. وأحسن مما فيش

أحمد بك نظيف صرح النهاردة إن العائد هايُستخدم في علاج عجز الموازنة العام للدولة ...

طب وأنا مال أهلي .. هو أنا اللي عملت العجز ده ؟

ولا أنا اللي ورطت البلد في ديوان متلتله قربنا نرهن هدومنا عشان نسددها ؟

وبعد ده كله وزير الإستثمار يقولك " إحنا بيعنا لحد دلوقت شركات ومشروعات قطاع عام بـ 20 مليار .. إستخدمناها في سداد الديون الداخلية المتراكة على القطاع العام وناقص 10 مليار ما تسددتش "

وأنا مال أهلي برضوا

مش القطاع العام ده إنتوا اللي بتديروه ... وإنتوا اللي فشلته .. وإنتوا اللي بيعتوه ؟

يعني علمتوا زي واحد بلدياتي ما تعرفهوش باع اللي وراه واللي قدامه عشان يشتري اللي جنبه ... وياريته إشتراه كمان إلا إنه من سفهه وغفلته ضيع فلوسه على البمب والمراجيح وقعد يعيط جنب الرصيف

يعني لا بقى عندنا قطاع عام .. ولا حتى أستخدمنا الفلوس دي في مشاريع تنموية

وحتى لما قلنا هانخصخص .. فهمنا الخصخصة بالمشقلب .. وكانت نتيجتها هي الإرتفاع الجنوني في السلع الأساسية للبناء .. وجم الطلاينه والأسبان لبسونا العمه وإتحكموا في سوق الأسمنت وخلال أقل من عامين إرتفع سعر الطن من 140 جنية إلى 380 ج

وبعد ما كان حديد التسليح ومشتقاته بتنتجه شركات وطنية وبسعر في متنول الجميع .. بقى يتحكم في شخص واحد ورفع سعره إلى أكثر من الضعف لحد ما وصل إلى 3000 ج للطن .. ويقولك مازلنا أرخص دولة في المنطقة العربية بتبيع الحديد ...

طب يابن الــــ عــــز إنت بتقارن بيننا وبين دول الخليج ... ولا حتى الدويلة الصغيرة اللي إسمها الأردن ؟

ولا لاجل الورد - الصهيوني - نشعلق العُليق المصري يا .. يا يا عــز ؟

أنا قلبتها غم وكوميديا سوداء . مش كده ؟

بس برضوا مش هاسيب حقي يا حكومة

ولو وصل الأمر إن أبطح نفسي وأتبلى عليكو وأروح أشتكيكو للفيفا

[Tafshan]

طب انا عندى فكره احلى :blink:

ما تيجي ندفع كل واحد بدل ال 243 ندفع 250 جنيه يعنى 17.5 مليار جنيه و نأخذ احنا الشركة .. ايه رأيك ؟؟ نشيل ؟؟

[se_ Elsyed]

طب انا عندى فكره احلى ;)

ما تيجي ندفع كل واحد بدل ال 243 ندفع 250 جنيه يعنى 17.5 مليار جنيه و نأخذ احنا الشركة .. ايه رأيك ؟؟ نشيل ؟؟

معاك يا معلم طفطش .. وأهو الواحد يبقى عنده خط محلول وببلاش وأتكلم للصبح براحتي ... وأطلق الميسدات بالتلاتة .. وأودع بقى القرف بتاع " لقد أوشك رصيدك على الإنتهاء " والكلام الفاضي ده

تعرف يا طفشان الكلام ده لو إتحقق وإتملكت الشبكة الثالثة دي أنا ممكن أعمل إيه وطموحي هايبقى شكله إيه ؟

أول حاجة هاجيب عدتين تلاته نضاف وأركب فيهم خطوط من أم فاتورة واللي أساساً مش هاتجيني لإني صاحب الشركة وأنا حُر في مالي ،

وأستنضفلي مكان كده وليكن روكسي أو ميدان سفنكس أو بين السرايات .. وأجيب كُرسي وشمسية وأقعد بالتلت خطوط دول وأكتب يافطه كبيرة " مع سين سين .. إتكلم براحتك .. وسمعنا صوتك .... المكالمة بقت زي زمان بالمتر ... بربع جيني بس "

الحاجة المهمة الثانية إني وكعادتي دائماً هاروشن أصحابي وكل واحد هاهبدوا خط بيزنس هدية ويتكلم مدى الحياة ببلاش .. وأول ناس هما حبايبي اللي في المنتدى .. فيما عدا اللي واخدين إنذارات أو الستات - لإنهم أساساً بيبقى عندهم تليفون البيت وما بيبطلوش كلام والفاتورة بتجيلي كل شهرين تقطم الوسط -

وبالنسبة بقى لأصدقاء المنتدى الغلابة اللي لسه متخرجين زي وليد كده .. فهاديهم خطين .. واحد يستخدموه .. والتاني يجيبوا شمسية ويستنضفوا مكان برضوا ويبدأوا السلم من أوله لحد ما ربنا يكرمه ويتملك شبكة محلول لوحده .. بس يقعدوا بعيد عني عشان ما نقطعش على بعض

أما عن أصحابي الغرباء المتغربين .. فدول لهم تخطيط تاني بحيث عايز أقدم لهم فرص نجاح جذابة تخليهم ما يبسيبوش بلدهم تاني ... وليكن مثلاً يتعلموا تصليح عدد الموبايل .. أو يسرحوا بكروت الشحن ولهم نسبة .. او أختار الحلو منهم واللي شكله مستحمي وأخليه يعمل إعلانات الشكبة الجديدة " سين سينكو تل "

أنا عندي أفكار - سودا - كثير قوي يا طفشان وجوايا طاقة تعادل 2000 ميجا بايت في الساعة وبقيت ولا إنيرجيزر .. ولا حطيت إيدي في جيبك قصدي في إيدك ممكن نعمل شغال عالي قوي ..

المستقبل لينا يا طفشان .. والفكر الجديد هو اللي هايقُش في المرحلة الجاية

حد جاي معانا أنا وطفطش ولا كالعادة هاتقفوا في الناشف وتتفرجوا بكل سلبية ؟

[صبح]

طب انا عندى فكره احلى ;)

ما تيجي ندفع كل واحد بدل ال 243 ندفع 250 جنيه يعنى 17.5 مليار جنيه و نأخذ احنا الشركة .. ايه رأيك ؟؟ نشيل ؟؟

علشان نكمل النكد اللى ابتداه س س أحب أقوللك ان أمتر من نص البلد لا تملك ال 243 جنيه دول ويعتبروهم كنز لو وقع فى ايديهم.

ولسة 2 قتلوا صاحبهم علشان شافوا معاه 100 جنيه وحبوا يسرقوها منه

حسبي الله ونعم الوكيل

[واحد تاني]

صبح ;)

متبقاش من حزب اعداء النجاح :P

طفشان و س س

معاكو ورزقي ورزقكوا على الله

شوفوا فاضل لكم كام ع الـ 17.5 وانا سداد

[صبح]

صبح :P

متبقاش من حزب اعداء النجاح mfb:

طفشان و س س

معاكو ورزقي ورزقكوا على الله

شوفوا فاضل لكم كام ع الـ 17.5 وانا سداد

خلاص يا عم معاكوا بس بالمجهود ;)

أن لبست البدلة واتقمعت ومستني الأنترفيو مع س س :wub:

برجاء متابعة مجعهوداتى ومحاولاتى لأثبات نفسي فى الموضوع الأتى . :D

شركة اماراتية تفوز بشبكة المحمول الثالثة في مصر

تم تعديل 5 يوليو 2006 بواسطة صبح

[Tafshan]

quote name='se_ Elsyed' date='Jul 5 2006, 01:46 PM' post='221842']

تعرف يا طفشان الكلام ده لو إتحقق وإتملكت الشبكة الثالثة دي أنا ممكن أعمل إيه وطموحي هايبقى شكله إيه ؟

ما هو ده اللى مخوفنى mfb:

بس بجد يعنى .. الفقرى فقرى ... صاحب شركة محترمه و تنزل تسرح بالمحمول mfb:

طب انا عندى فكره احلى :)

ما تيجي ندفع كل واحد بدل ال 243 ندفع 250 جنيه يعنى 17.5 مليار جنيه و نأخذ احنا الشركة .. ايه رأيك ؟؟ نشيل ؟؟

علشان نكمل النكد اللى ابتداه س س أحب أقوللك ان أمتر من نص البلد لا تملك ال 243 جنيه دول ويعتبروهم كنز لو وقع فى ايديهم.

ولسة 2 قتلوا صاحبهم علشان شافوا معاه 100 جنيه وحبوا يسرقوها منه

حسبي الله ونعم الوكيل

طيب ..

نشيل نص البلد .. يعنى بدل ال 250 ندفع 500 جنيه و نشيل البيعة ... ايه رأيك .. نشيل B)

صبح :P

متبقاش من حزب اعداء النجاح :P

طفشان و س س

معاكو ورزقي ورزقكوا على الله

شوفوا فاضل لكم كام ع الـ 17.5 وانا سداد

قداها و قدود يا باشا :wub:

معاكش 50 جنيه سلف لأخر الشهر :wub:

صبح :D

متبقاش من حزب اعداء النجاح :P

طفشان و س س

معاكو ورزقي ورزقكوا على الله

شوفوا فاضل لكم كام ع الـ 17.5 وانا سداد

خلاص يا عم معاكوا بس بالمجهود ;)

أن لبست البدلة واتقمعت ومستني الأنترفيو مع س س :sad:

و انا موافق من غير انترفيو :)

و بكده نعلن شبكة الحوارت للمحمول B)

و ادى الشعار بتاعنا :

مع حوارات .. مافيش ميسدات

[صبح]

احنا بتوع المحمول..

مين قال هات خط ....

مين قال هات كارت...

مش هانقول الخط بمية ...

ومش هانقول الكارت بخمسين

وبرضة مش هانقول الأتنين بخمسين يا أخ ياللى فى الأخر وبيقول الأتنين بخمسين

اللى مع خمسة وعشرين يقرب ويقول هات

خطين وعليهم كارت هدية... :P

(تمام يا أفندم ....أنفع... ;) )

[mickey_egp73]

علي فكرة الخبر ده مش صحيح ..

بطلوا افترا بقي..

الشركة اتباعت ب 16.7 مليار جنيه مش ب 17 مليار..

يعني فيه 300 مليون فرق...

ال لو الواحد معاه ال 300 مليون دول يعمل بيهم ايه ..هما يطلعوا كام الاول؟؟

[Alshiekh]

بالصلاتو عالنبي فيها لا أخفيها

فالهبرة دي كلها لو قسمناها علينا .. أقصد السبعين مليون بني آدم مصري .. هايطلع نصيب الراس مننا 243 جنيه ...

وحيث إن عندي زوجة وعيلين .. وهما معدودين ضمن التعداد السُكاني الأخير .. يبقى كده بأتكلم في 972 ج .. وبما إن بابا متوفي وأنا الإبن الوسطاني لإخواتي .. إذاً أنا أحق بنصيب ماما ربنا يديها طولة العمر فهي مش محتاجة لفلوس الحكومة لإني مش مخليها عايزه حاجة وجايب لها الحلو كله .. يبقى كده وصلنا 1215 لحلوح ...

وكمان أنا عندي أختي وعيالها التلاتة وجوزها عايشين في الدنمارك ومش محتاجين يبصوا في خلقة الحكومة يبقى أدي 1215 تاني على المبلغ الأولاني اللي في الصندوق .. يبقى كده بألعب في 2430 جنيه ..

وعندي أخويا الكبير أنا سايب له المشروع اللي شراكة بيننا .. فهو كمان عنده 3 حتت زائد مراته ... يبقى كده 3645

والواد أخويا الصغير لسه قاصر وعنده 29 سنة وأنا القيم عليه وعلى أمواله .. يبقى كده أنا عديت وبقيت بأتكلم في 4860 ج

مش بطالين ونعمه ورضا وأبوس إيدي شعر ودقن لو أتحصلت عليهم .. وساعتها أبطل غُربة وأترستق واتستت وأقعد في البيت ولا سفر ولا دياولو

يبقى حقي أروح أطلب حقي من الكبير ولا لأ ؟

خصوصاً والموضوع لسه سخن والفلوس لسه بتلعلط

هــــا مين جاي معايا وقالي : إيدي على إيدك يا سين سين ؟

وخلوا بالكو وما ضاع حق وراءه مطالب .. ومن طلب إيد عُلا سهر الليالي ( فيلم للكبار فقط )

طيب مادام انت اللى فتحت الموضوع ، خد دى بقى عندك واكفى على الخبر ماجور احسنلك،

ديون مصر الداخلية حوالى 61% يعنى تقريبا 99.4 بليون دولار يعنى تقريبا 575 بليون جنيه

ديون مصر الخارجية حوالى 77 بليون دولار يعنى حوالى 442 بليون جنيه

يعنى كده عدينا 1000 بليون مقسومين على الشعب الغلبان اللى ماستلفش تعريفة منهم يبقى كل واحد عليه كــــــــــــــــــــــــــام؟

14285 جنيه

شيل منهم ال 243 جنيه حقك فى الصفقة ، يبقى عليك 14042 جنيه ، وماشاء الله العيلة عندك كبيرة ،

يبقى اضرب 14042 فى 20 تتطلع كام؟ 280840 جنيه ، عديت الربع مليون يابو عمرو

اظن حاتقول الناس دى انا ماعرفهاش ولا لى دعوة بيهم مادام فيها دفع.

شوف يابو عمرو ، البلد دى بتاعتهم واحنا يالا هه ، بيحسبونا فى التعداد علشان يزوروا اصواتنا بس ، لكن مش علشان يقسموا علينا او ياخدوا راينا.

عموما عقبال شبكة المحمول الرابعة

على فكرة الرقم 243 ده فكرنى بذكريات

ايام التجنيد كانوا بيقبضونا 243.5 قرش صاغ كل شهــــــــــــــــــــــر

[se_ Elsyed]

شيل منهم ال 243 جنيه حقك فى الصفقة ، يبقى عليك 14042 جنيه ،

يا سنه سوخه يا ولاد !!!!!!

يعني بدل ما أقبض أدفع ؟

منك لله يا محمد .. صحتني من حلم الثراء الكبير

طب ممكن أكتب على نفسي وصلات أمانه أو كمبيالات كده وكده أكني شاري من الدولة خلاط وبوتجاز بالقسط .. وأسدد كل شهر 15 جنيه ؟

وأهو ربنا يسدد ما علين جميعاً

[صبح]

ودى بقى علشانك يا س س

علشان تعرف ان الحسبة بتاعتك ناقصة ... <_<

حاجة بسيطة .... حوالى 7 مليار بس..!! :angry2:

يعني شوية فكة

:angry2: :angry2:

" موبينيل " و " فودافون " فى حالة طورايء...!

تاريخ: 06/07/2006

اكدت مصادر مطلعة بقطاع الاتصالات ان هناك حالة من الطوراىء تسود شركتى موبينيل وفودافون بعد الرقم الذى وصل اليه سعر الرخصة الثالثة ، لانه يمثل على الشركتين تحدى جديد فى حالة رغبتهم فى تشغيل الجيل الثالث ، و فى حالة الرغبة وهىٌ اكيدة و مطلوبة ، فان الشركتين عليهم سداد 6.68 مليار جنيه وهى نسبة 20% لكل شركة من مبلغ الرخصة الثالثة التى دفعته الاماراتية وهو مبلغ 16.7 مليار ، .... اى ان العائد من الرخصة الثالثة فعليا سيكون 23.38 مليار جنيه ، لان ترك الانفراد للشبكة الجديدة بان تعمل فى الجيل الثالث معناه الشريحة الاكثر استخداما او ما يطلق عليهم " الكريمة " من العملاء سيذهبون الى الشبكة الجديدة خاصة مع خاصية الانتقال بارقامهم ، ويبقى للشركتين اعضاء جمعية " أطلب وأقفل " او " الرنينية " او محدودى الاستخدام .

الوصلة