واحد تاني بيه بقى بيه يا ولاد

[se_ Elsyed]

عطفاً على المناسبة السعيدة والتي تم فيها منح واحد بك تاني لقب البكاوية من الدرجة الاولى من جناب الشباك العالي - ده غير الباب العالي - فخامة الخديوي سين سين أعزه الله ورعاه .. بهذا ننشر لكم لأول وأخر مرة أسرار تلك الحكاية من طق طق لسلامو عليكم

-------------------

الزمان : صيف شهر يونيه سنة 1952

المكان : شقة واحد أفندي تاني بمنيل شيحه

نهار داخلي .... أوضة المسافرين

يرن التليفون في شقة واحد أفندي تاني ... تريليم تريليم

آوثمان : ألو ... مين معايا

موديست باشا المنسترلي : أيوه يا إبني .. فين سيدك واحد ؟

آوثمان : سيدي واهد في الهمام ... نجوله مين ؟

موديست ( مع حفظ الألقاب ) : جوله قصدي قوله موديست باشا المنسترلي

آوثمان : سيدي واهد .. سيدي واهد ... سيدي واهد

يأتي الصوت من اعماق الهمام - الله يخرب بيتك يا أوثمان - قصدي الحمام : أيوه يا زفت يا آوثمانه ... عايز إيه وقطعت عليه حبل أفكاري ليه ؟ إنت مش عارف إني في حالة تركيز وصفاء ذُهني ؟

آوثمان : معليش يا سيدي .. لكن موديست باشا على التليفون

يخرج واحد مسرعاً من الحمام متناسياً أنه من غير ....... ما علينا ما علينا : يخرب بيتك يا أوثمان وسايب الراجل كل ده على التليفون

واحد : دي إيه النور ده .. والله يا باشا انا شايف أشعة فوق بنفسجية خارجه من سماعة التليفون وتلك الأشعة قد أضأت منيل شيحه وما حولها وحولت الليل إلى نهار ساطع و ..

موديست : قصر يا واحد إنت عارف إن معايا كرت مش خط يا بني أدم .

واحد : أسف يا باشا .. لكن ده من فرط الرمان .. قصدي فرط سعادتي بتشريف عدة تليفوني بسماع صوتك يا باشا ..

موديست : إسمع يا واحد ... سؤال ورد غطاه .. إنت من ساعة ما عرفتني في محاورات العثمانيين ( ما هما اللي كانوا بيحكموا مصر ساعتها وكان لهم منتدى برضوا ) هل خسرت حاجه من نصايحي لك ؟

واحد بصوت كله آسى : بصراحة خسرت كل حاجة يا باشا ..

موديست : بغض النظر .. أنا هاعوضك وأخليك تطلع فوق فوووووووووق فووووووووووووق

واحد : أما نشوف يا باشا

موديست : بقى يا سيدي جلالة الشباك العالي سين سين عظم الله أجره .. رايح بكرة نادي السيارات عشان مُشترك في دورة رياضية للعب الطاولة ..

واحد : عادة ولا محبوسة ؟

موديست : 31 يا بني إنت نسيت مزاج مولانا ولا إيه ؟

يُتبع

[se_ Elsyed]

واحد : طب والمطلوب مني إيه ؟ إوعى تقولي هانزل مشاريب لمولانا ولضيوف مولانا

موديست : لأ .. أبداً .. قولي الأول .. أخبار الـ 30 فدان اللي عندك إيه

واحد : الحمد لله .. زارعهم الموسم ده قرنبيط والقاشية معدن والحالة مزهزها وهاغرق البلد السنة دي قرنبيط .

موديست : عظيم عظيم .. طب طرطق لي ودانك وإسمع اللي هاقولك عليه ... بقى يا سيدي أنا سمعت من مصادر مؤكده إن مولانا هايتكرم ويتعطف ويمنح لقب الكبوية لعدد من اصحاب القوة والمال بكرة في النادي ... فانا وعشان عايز مصلحتك .. هاكلم لك توتو باشا نواعم الياور الخاص بمولانا إنه يزُق إسمك في كشف البكوات ..

واحد : أنا ... أنا .. أبقى بيه يا باشا .. والله ده كتير .. جمايلك بقت مغرقانه يا باشا ولا تسونامي في زمانه ..

موديست : المهم .. إنت عارف إن مولانا عامل زي المنشار السويدي ... يعني طالع واكل .. نازل واكل ... وبالتالي العملية دي مش هاتتم ببلاش ..

واحد : رقبتي يا باشا ومن جنيه لمية ولا يهمني ...

موديست : جنيه إيه ومية إيه يا شحات .. أنا عايزك تكتب تنازل عن الـ 30 فدان اللي عندك ونظبط بيهم توتو باشا نواعم اللي بدوره هايباصيهم لمولانا .. وبكده نبقى ظيطنا نفسنا ومبروك عليك البكويه يا واحد بك ..

واحد : لكن يا باشا

موديست : مالكنش ولا حاجه ... إنت لسه هاتفكر ..

واحد : لكن ده أنا كده هابقى عالحديدة يا باشا ومش هالاقي أكل انا ولا عيالي ..

موديست : يا راجل عيب تقول كده ولك صديق إسمه موديست باشا المنسترلي ... إنت عارف يا واحد انا قبل ما اخد البكوية ومن بعدها الباشويه كنت إيه ؟

واحد : باشا وإبن باشا طبعاً ؟

موديست : هأ هأ هأ - ضحكة بشواتي من بتوع عبد الوهاب في فيلم الوردا الصفرا - أبداً أبداً .. ده انا كُنت سريح على عربية فول في ميدان عابدين وفي مرة والموكب السُلطاني معدي راح مولانا المُعظم حود عليه وضرب شاندوشتين فول من عندي ولاظاهر نخششوا في نافوخه ..راح أنعم عليه بالكويه ... ومن ساعتها والبليه لعبت يا مُبارك وبقيت من الاعيان ..

واحد : يابن الإيه يا موديست باشا .. وانا أقول الخلقة دي مش غريبة عليه .. وعمال أشبه عليك .. طب ده أنا ياما ضربت من عندك فول بالزيت الحار ويا ما كنت بتأكلني عالطباشيرة .. سبحان الله !!! طب تفتكر هاييجي اليوم واللي أقب فيه على وش الدُنيا زيك كده ؟

موديست : أكيد يا مون شيري .. أكيد

واحد : يبقى يعيش مولانا وقرنبيط مولانا ... وأنا وقرنبيطي فدا مولانا وإن شالله عيالي يموتو من الجوع ..

موديست : يبقى كل دورك إنك تصحى الصُبح بدري وتستحمى حوماية كويسة زي بتاعت العيد .. وتأجر لك ريدنجوت كويس وتاخد ديلك في نسنك على نادي السيارات ... هاتلاقيني مرتب لك كل حاجه ... ولما تنضم للبرتيته بتاعت الطاولة هاييجي عليك الدور في اللعب ....

واحد : فاهم .. طبعاً عشان أبين لمولانا مهاراتي أقوم ماسكو مقطعو في الـ 31 وأخليه يكره الطاولة ..

موديست : تقطع مين يابني آدم .. ده كده رقبتك هي اللي هاتقطع ...

واحد : طب أعمل إيه دبرني يا باشا ؟

موديست : إنت تفوت لمولانا وتخليه يبهدلك في الطاولة .. واول ما العشرة تخلص هايروح قايل لك : عفارم عفارم واحد بك .. ويروح حادفك بطمطماية مفعصه في وشك ... يبقى كده بقيت بيه رسمي .. أما لا قدر الله لو كان مزاجه مش عنب وحدفك ببضايه ممشة يبقى عليه العوض في القرنبيط ..

واحد : لأ .. بإذن الله طماطم يا باشا .. طماطم يارب ... يارب طماطم

وهذه كانت أول صورة تُلتقط بالملقاط لواحد بك بعد ما جاتله البكويه - ملحوظة : توجد أثار ضربة الطمطام على خده الأيمن -

وبالفعل حصل واحد بك تاني على لقب البهوية وأقيمت الأفراح والليالي الملاح وقد تلقى الإتصال الهاتفي التالي من موديست باشا

موديست : مبروك البكوية يا واحد بك .... مش قلت لك إن طول مانا وراك هاتشوف الخير اشكال وألوان ...

واحد : يا باشا ده رضاك عني هو أقصى درجات الخير .. ده انا قلبي هايوقف من الظقاطيط .... ما تتصورش العيال عندي حالتهم عامله إزاي .. فعلى قدر حزنهم على ضياع التلاتين فدان .. إلا إن فشخرتهم ومنظرتهم قدام عيال الحته بالبكويه معوضاهم ومخلياهم ينسوا الفقر وسنينه ..

موديست : على العموم حضر نفسك بكره وإنزل ‘شتري لي بدلتين تلاتة عشان بكره هاعدي عليك نروح قصر عابدين نسلم على مولانا .. هو عايز يشوفك .. الظاهر قرنبيطك عجبه ..

واحد : انا خدام مولانا ومن النجمه هابقى صاحي ومحضر نفسي

وبالفعل عدى الليل على مهله على مهله . وعدى موديست على واحد على واحد بالعربيه ..

واحد : في ميعادك مظبوط يا باشا

موديست : يا واحد بك أنا الحياة علمتني إن Time is Money ... إطلع على قصر عابدين يا آبدو ..

آبدو : الظاهر إن الطريق واقف ... يظهر إن مولانا خارج ولا حاجه ...

موديست : مش مونكن .. مولانا مدينا ميعاد ومستحيل يُخرج ..

آبدو : طب بعد إذنك يا باشا أنا هاسأل العسكري اللي واقف هناك ده ... يا دوفعه .. يا دوفعه .. هو في إيه ؟

العسكري الكاكي : إنت مش داري ولا إيه ؟.... الثورة قامت والدثنيا مقلوبه .. وبيقولك العسكر ضربو مولانا بالشلوت وإدوا له صابونه .. ولغو الباشاوية والبكوية والناس بقت خلطبيطه

واحد : مين ... فين ؟

موديست : إنت بتخرف بتقول إيه يا فلاح إنت ... هات الكرباج يا آبدو ..

العسكري : كرباج مين وبتاع مين .. ما تخلنيش أقل أدبي عليك يا جدع إنت وإمشي إنكشح من هنا بدل ما أمد إيدي عليك ..

موديست : هي حصلت ؟ ... لف وإرجع على القصر يا آبدو اما أعمل إتصالاتي وأشوف إيه الحكاية ..

واحد : إتصالاتك ... أقرصني في رقبتي يا باشا أحسن شكلي بأحلم ... إمسك الكرباج يا آبدو وإضربني بيه اجوازاً وافراد عشان تفوقني ..

موديست : أنا مش ناقصك إنت التاني إستنى شويه أما نسمع الراديو .... يا نهار إسود يا نهار إسود .. الظاهر الخبر صحيح وإحنا روحنا في الكازوزه .

واحد : كازوزه .. أه يا قرنبيطي ... يا خراب بيتك يا واحد ... يالا اولادك الثُكالى يا واحد .. جت الحزينة تطرح ما لقتلقهاش مفرح ...

موديست : إهدى يا واحد بك وبدل المندبة اللي إنت عاملها دي .. وخلينا نرقد في الدُرة ونشوف نظام الثورجيه دول إيه .. يمكن نعرف نركب الموجه ونقلب عيشنا معاهم ..

ولكن لم يتحمل واحد تاني المسكين الصدمة وتم نقله إلى عنبر الحالات المستعصية بمستشفى باهمان بالعباسية .. وأحتار الأطبا فيه وكل اللي كان بيقوله هو " يعيش مولانا وقرنبيط مولانا ..... يعيش مولانا وقرنبيط مولانا "

[النسر المصري]

سنيوري س س ... :)

انا مش عارف ليه يا اكسلانس س س الراجل اللي اسمه واحد تاني وموديست كمان مش عاوزين يدخلو عالموضوع دة :)

مطنشين كده ولا كانهم هنا :blink:

طبعا هم بيحبوك وبيحبونا واحنا بنحبهم اوي...بس خلاص معلش بقى المسامح كريم يا اكسلانس :sad:

هم صحيح ماكنوش المفروض يحلقولنا كده يا اكسلانس ...

والمفروض بردو انك ماتسكتلهمش...بس معلش بقى الدنيا هي كده يوم ليك ويوم عليك

بس مش عاوزك تزعل منهم خلاص وهدي اعصابك وبلاش تهور واستخدام اسلحة وكدة

انا هكلمهملك.....

خدلك النفسين دول...........نفسين عجب دهب...من مسيو زوهيري ياباشا.........

صبااااح الروققاااااااااان

[Modest]

سنيوري س س ... :blink:

انا مش عارف ليه يا اكسلانس س س الراجل اللي اسمه واحد تاني وموديست كمان مش عاوزين يدخلو عالموضوع دة :)

مطنشين كده ولا كانهم هنا :sad:

و لا لك عليا حلفان يابو النسور .. أنا مستني كام فصل من هذه الكصة الواكعية يخلصوا قبل ما أتكلم لإني عارف إن الكتاب الكبار "في السن" اللي زي س س لما حد بيقطع سلك افكارهم بيتوتروا و بتبقى ليلة بيضة :)

كمّل يا س س .. و الله باضحك بصوت عالي و أنا بأقرأ .. كمّل خليهم يقولوا عليا اتجننت B)

[النسر المصري]

و لا لك عليا حلفان يابو النسور .. أنا مستني كام فصل من هذه الكصة الواكعية يخلصوا قبل ما أتكلم لإني عارف إن الكتاب الكبار "في السن" اللي زي س س لما حد بيقطع سلك افكارهم بيتوتروا و بتبقى ليلة بيضة :)

كمّل يا س س .. و الله باضحك بصوت عالي و أنا بأقرأ .. كمّل خليهم يقولوا عليا اتجننت :blink:

خليهم يقولوا... :) ....هو لسه هيخليهم يقولوا....

ياموديست باشا انا المنظمه جابتلي ورقه بخصم تلاته ايام من المرتب..وانذار بالفصل.....وكعب داير...وكعب جمل.......وكل ده بسبب السخسخخة اللي واضع فيها من الضحك.....

انا اتجننت ياجودعوووااان

[se_ Elsyed]

أكمل إيه يابني إنت وهو

بح خلاص

الثورة قامت والروس إتساوت

وإرفع رأسك يا أخي لقد إنتهى عصر القرنبيط

واهو واحد بيه المسكين مرمي في السراي الصفرا وعمال ينور من كتر جلسات الكهربا اللي مش محوقه معاه

وبيقولك موديست باشا لم القرشينات والدهبات اللي عنده وخلع على سويسرا ومالوش شغلانه غير الزحلقه على التلج بتاع جبال الهمالايا هناك .. وبيقولك برضوا إنه له نشاطات معادية للثورة وللإشتراكية وعمال بيدعم الجرايد والمجلات الصفرا زي ميكي وسوبر ميكي اللي عمالين يهاجموا الثورة ومكتسبات الثورة ... لكن في وعد من البوليس السياسي إنهم مصيرهم يصطادوه ويسحلوه ويخلوه عبرة لكل أعداء الثورة

عاشت الثورة ومكتسبات لاثورة

الله

الثورة

ظباط الكاكي

والشعب مش مهم

[Folana]

السلام عليكم ورحمة الله....

حمد لله على سلامة معاليك يا جناب الشباك العالى س.س........ايوه كده نورت المحاورات ....

وبنوسبة للاخ واحد افندى :sad: ...الغلطة غلطته اسمحى لى فى دى الكلمة...ازاى ما ياخدش الوصل من جناب س.س.....

أأأأأااخ لو كان اخد الوصل...(وش سليمان نجيب فى الانسة حنفى)

[مصرية يعني مصرية]

الله ....الله.....الله

رائعة من روائع

الكاتب الكبير سي السيد

أتحفنا....متعنا......كلنا عيون صاغية

حمد لله السلامة يا أستاذ أحمد

والله عال :sad:

قاعد تكتب هنا ...ولا على بالك

إن في ناس ملطوعة بقالها مدة

مستنياك...هنا

ذكريات سين سين العصري .. عن روعة الريف المصري

http://www.egyptiantalks.org/invb/index.ph...c=24691&hl=

و بدل متكتب قصص جديدة يا أخويا

إرحمنا و كمل إلي أبتديته قبل متسافر

و لا تكونش ناوي تسيبنا كده؟؟؟؟

هه؟؟

:closedeyes:

[lonly in cold night]

... ومن ساعتها والبليه لعبت يا مُبارك وبقيت من الاعيان ..

منكن افهم قصدك ايه بالكلام ده؟

واضح انك ما حرمتش من اللى حصل لعم دياب فى موضوع عنتر و هبله

طق طق ( وش واحد بيفرقع بصوابعه )

هاتوه وودوه مع صاحبه

[se_ Elsyed]

... ومن ساعتها والبليه لعبت يا مُبارك وبقيت من الاعيان ..

منكن افهم قصدك ايه بالكلام ده؟

قصدي واضح وهو

لأ لمبارك ولولاد مبارك

بس خلاص

-----------

بس سيبك إنت يا وحيد في ليالي البرد القارصة

إسمح لي أعبر لك عن إعجابي بأولاد حضرتك - ربنا يحفظ هم لك يارب -

مونكن اتعرف عليهم وألعب معاهم حوكشه ؟

وخصوصاً السُكر اللي عاليمين ده

على فكرة فيها شبه من بنت أُختي .. إسمها ( سلمى ) مولوده ومقيمة في أوروبا حالياً .. وهي من نوع الجمال الهاديء والرِقة المغلفة بالشكولاته مع السمار المصري الجميل .. بجد ... لكن من أسباب نزولهم مصر بشكل نهائي الصيف القادم إن ست سلمى هانم اللي في جريد 2 راجعة بتقول لامها إن التيتشر بتقولي لو ماما أو بابا ضربوكي فخدي رقم الشرطة ده إتصلي بهم ييجوا يقبضوا عليهم ويزجوا بهم إلى غيابات السجون .. فالبيت بقت تبتز أمها .. ولإن أختي طالعه لي وبتعرف تتعامل مع اولادها بشكل حضاري وعلمي ممنهج ومُرتب .. فرديت عليها وقالت لها : من هنا ورايح أنا مش هاضربك يا سلومه ... لكن أنا هانط في كرشك ...

شكراً

-------------

[الرافعي]

بس أنا معلوماتي إن واحد تاني بيه من زمان ...

يمكن هو على وش باشوية ..

تقريباً ...

وكدة يعني .. :wub:

[nancy]

الكصة الواكعية دى تجنن

انا كمان عملت زى مودست عمالة اضحك بصوت عالى وحاجة فضيحة

بس بجد واحد تانى راح فين؟؟؟ يكنش ماسك فى الارنبيط زى المليجى

والثورة بتشدة وهو بيغنى الارض لو عطشانة :wub:

بس مودست باشا كان مامن نفسة برضة وشال عربية الفول ودلوقت بيكسب منها دهب يا اكسلانس :lol:

[Eldisel]

طب موديست باشا وعرفنا الي جرالة .... وواحد تاني بية بياكل ارنبيط مع ال ... ... امال المعظم صاحب الشباك العالي الخديوي س س اية الي حصلة ؟ <_<

تم تعديل 7 ديسمبر 2006 بواسطة se_ Elsyed

[se_ Elsyed]

طب موديست باشا وعرفنا الي جرالة .... وواحد تاني بية بياكل ارنبيط مع ال ... ... امال المعظم صاحب الشباك العالي الخديوي س س اية الي حصلة ؟ <_<

يابني الناس دي اللي هما إحنا بتكُت على سويسرا على طول وبتطلب اللجوء السياسي وتآنتخ بقية حياتها ترفل في النعيم اللي مصته من دماء الشعب الغلابة اللي هو إنتوا

[مصرية يعني مصرية]

مطنشني؟؟؟ :)

حاضر يا س س

قصدي واضح وهو

لأ لمبارك ولولاد مبارك

بس خلاص

إن ما بلغت عنك :sad:

[nash]

حبيت بس أدخل وأبارك لإخينا واحد تاني

ألف مبروك

ودايما عامر بحسك

:sad:

[النسر المصري]

حبيت بس أدخل وأبارك لإخينا واحد تاني

ألف مبروك

ودايما عامر بحسك

تباركيلو على ايه ياحصره.......انت مش ملاحظه ياعيني الواد راح فيها ومن ساعتها مش باينله لاحس ولا خبر

س س عامل حملة بيلبس الزبون في الحيط ويقولك بعديه وانا مالي :lol:

[se_ Elsyed]

مطنشني؟؟؟ ;)

حاضر يا س س

قصدي واضح وهو

لأ لمبارك ولولاد مبارك

بس خلاص

إن ما بلغت عنك :sad:

وأنا أقدر اطنشك برضوا يا ست الكُل

بس ماقولتيش رأيك في الكصة دي ؟

عامة أنا مُنتظر رد على الرسالة الخاصة اللي بعثتها لك وبأطلب منك فيها تبيعي حتتين الدهب اللي حداكي وتموليني عشان نحول الكصة لفيلم عاطفي يكسر الدُنيا .. واهو العيد لسه عليه 22 يوم .. نلحق نكلفت الفيلم فيهم ونعبيه في شرايط ويبقى التوزيع في دول المغرب العربي مسئوليتك .. عايزيك تغرقي به دول الساحل والصحراء .. وانا من ناحيتي هادرمغ به مصر والخليج .. ونلم بقى ونقبل على وش الدُنيا يا مصريه ونودع الفقر ..

فكري وردي عليه ..

جرام الدهب الـ 21 دلوقت وصل 100 جنيه وأهي فُرصة

[nash]

بس مودست باشا كان مامن نفسة برضة وشال عربية الفول ودلوقت بيكسب منها دهب يا اكسلانس <<<<<<<<<<<<<<<<

مش أنا B) :D ....أنا ماقلتش حاجه...دي نانسي والله

بس عايزة أوضح أنها عربيه بليله.......مش فول B)

[Modest]

أنا زعلان منك كتير كتير يا أفندينا سين سين

نكأت الجرح بعد أن إندمل .. فكَّرت واحد بيه تاني بماضيه الأليم بعد أن كنا قد اتفقنا معه عن طريق محامي وقف حظرتنا على تسوية الأمور بيننا و بعد قبوله العوض عن فدادين القرنبيط ...

تم تحرير محضر رقم 6586 تقسيم ط قسم الدرب الأحمر بالاتفاق على قبوله عرضنا الكريم بتعويضه عن تلك الفدادين بكرنبتين و قفص طماطم فرز أول بالإضافة إلى قفص عنب بناتي و سباطة بلح .. من يومها و واحد بيه تاني في منتهى السعادة و لابس الكزرونة بالمقلوب و عمّال يغني السيمفونية الشهيرة " العنب العنب العنب .. البلح البلح البلح" تعبيراً عن ابتهاجه بالإتفاق

موديست باشا المانسترلي

من أمام قدرة الفول بمصحة بهمان بجنيف - بركة السبع

بس مودست باشا كان مامن نفسة برضة وشال عربية الفول ودلوقت بيكسب منها دهب يا اكسلانس <<<<<<<<<<<<<<<<

مش أنا :) :o ....أنا ماقلتش حاجه...دي نانسي والله

بس عايزة أوضح أنها عربيه بليله.......مش فول :blink:

اشتهر دوماً يا هانم عن عائلتنا العريقة النظرة المستقبلية للأمور و بدقة شديدة

لذا كان قرارنا بعد النجاح الباهر لعربية الفول هو التوسع في استثمارات العائلة بوضع عربية بليلة أمام مدرسة جنيف الابتدائية المشتركة بنات لمعرفتنا بعشق أطفال سويسرا للبليلة :blink:

البليييلة .... أيوة جاااااااااااااااااااااي