ملف كامل للمخللات

[inas]

مخلل الطماطم

كيلو طماطم ناضجة وتنقي الحبات الجامدة

7_8 م ك كزبرة يابسة

1 م ك فلفل اسود ( اختياري) وفلفل احمر حسب الذوق

15 فص ثوم و م ك ملح

4 كوب خل وثلث كوب ملح

2فلفل حار اخضر

الطريقة:

تغسل الطماطم وتجفف بالفوطة

تقطع الاعناق وتشق الطماطم من جهة العنق بسكين حادة علي شكل زائد ويزال الجلد اليابس جهة العنق

يغلس الخل ويضاف اليةالملح والفلفل ويغلي لبضع دقائق حتي يصفر الفلفل قليلا يرفع عن النار ويترك ليبرد

تحمص الكزبرة حتي تظهر رائحتهاويجب مراعاة عدم حرقها

نخلط 3_4 ملاعق من الكزبرة والفلفل الاسود مع ملعقة اكل ملح و6 فصوص ثوم يدق المزيج جيدا

تضاف 4\3 ملعقة صغيرة الي كل طماطة او حسب حجمها وتدفع البهارات الي داخل الطماطة بالاصبع

ترص الطماطم في المرطبان وتضاف فصوص الثوم المتبقية بعد تشقيقها وترش الكزبرة المتبقية

علي الطماطم ويصب الخل علي المزيج حتي يغطي الطماطم ويغلق المرطبان باحكام

وبترك في الشمس او مكان دافئ لمدة 3 ايام

وعليكي بالعافية

مخلل اللومي..

كمية من اللومي الأصفر

عصفر ( أو زعفران) - قليل من (حبة البركة - الحبة السودا)

عصير ليمون

ملح خشن

مطربان يكفي للكمية ويفضل زجاج

الطريقة:

اعملي خطين مقابلين (+) بدون أن تفصلي الحبات

اخلطي كمية الملح + حبة البركة + العصفر

انقلي كمية من الخليط لداخل حبة اللومي

رصي اللومي في المطربان

أضيفي قليلا من الملح

اغمري الكمية بعصير الليمون واقفلي

اتركيه لمدة شهر

افتحيه وتناوليه بالصحة والعافية

مخلل الخيار

المواد المطلوبة والمقادير : ثلاث كيلو خيار صغير –خل – ملح – ملعقة سكر

الطريقة : يغسل الخيار- يزال الرأس والذيل ويرص في مرطبان زجاجي – يضاف له الماء والخل والملح وملعقة السكر – يترك مدة أسبوع ويمكن أكلة بعد ذلك

مخلل الزيتون

المقادير : خمسه كيلو زيتون اخضر – 1 كيلو ليمون – ربع كيلو فلفل اخضر حار –ملح لكل كوب ماء ملعقة كبيرة ملح- زيت زيتون – كوب عصير الليمون .

الخطوة الأولى : اغسلي الزيتون وقومي برص الزيتون بقطعة من الحجر أو مدق الثوم إلى أن تنتهي الكمية – انقعي الزيتون بالماء مدة أربع وعشرون ساعة – ضعي الزيتون في مرطبان وقطع من الليمون وقطع الفلفل الحار – أضيفي الماء والملح واغلقي المرطبان واتركيه مدة أسبوعين.

الخطوة الثانية

بعد مضي أسبوعين قومي بفتح المرطبان وصفي الماء في وعاء – نقي الزيتون من الحامض والفلفل القديم – أضيفي كوب الليمون وكوبان من الماء القديم واغمري ما تبقى من المرطبان بزيت الزيتون –يمكنك أن تأكلي منه بعد مضي أسبوع واحد من الخطوة الثانية .

مخلل اللفت

المواد المطلوبة هي : 5 كيلو لفت – كيلو شمندر – ملعقتين سكر كبيرة – ماء – لكل كوب من الماء ملعقة كبيرة من الملح – كوب من كوبان من الخل .

طريقة تحضير المخلل : يغسل اللفت ويقطع الرأس والذيل – يقطع على حسب ذوق سيدة البيت – يقشر الشمندر ويقطع على حسب رغبة سيدة البيت – يوضع اللفت في وعاء زجاجي أضيفي الشمندر إلى الكمية إلى أن تنتهي من وضع المخلل في الوعاء ربما تحتاجين إلى اكثر من مرطبان – ذوبي الملح في الماء - ضعي ملعقتين السكر-أضيفي الخل إلى الماء - صبي الماء والملح والخل فوق اللفت والشمندر – يغطى جيدا دون فتحة حوالي أسبوعين إلى أن يكتسب اللون الأحمر وينضج المخلل .

مخلل الخضار المشكلة

المواد والمقادير المطلوبة :

أنواع الخضار – جزر صغير الحجم – ملفوف- فاصوليا خضراء – بصل صغير – خيار صغير الحجم – فلفل اخضر حار .

الخلطة : ملعقة سكر - لكل كوب ماء تحتاجين إلى كوب خل – لكل كوب ماء تحتاجين إلى ملعقة متوسطة من الملح

الطريقة : نظفي الخضار وجففيها – الآن قطعي الجزر إلى قطع متوسطة – قطعي الخيار إلى قطع متوسطة – قطعي الفاصوليا إلى قطع متوسطة – البصل انزعي الرأس ويقطع إلى نصفين – افصلي ورقات الملفوف وقطعيها إلى نصفين كل ورقة – يترك الفلفل كما هو دون تقطيع .

الآن أضيفي الملح والسكر والماء وحركيهم جيدا – أضيفي الماء والخل والملح والسكر إلى الخضراوات المقطعة بعد أن تضعيها في مرطبان زجاجي – اتركي المخلل لمدة أسبوعين إلى أن ينضج المخلل .

وبالعافيه عليكم

تم تعديل 31 يناير 2007 بواسطة inas

[بنت النيل]

يااااااااااااااااااااااسلااااااااااام

يا اناناس ياحبيبة قلبى تسلم ايديكى

تصدقى بقى انى انهارده جبت اللفت ومحتاره اعمله اذاى عشان يطل مظبوط

وسئلت جارتى عنه

قالتلى نفس الطريقة بس من غير السكر مش عارفه بقى انتى جربيته بالسكر ولا ايه ؟؟

يسلموا ايديكى

[inas]

حبيبتي بنت النيل كويس اني قدرت افيدك :wub:

فعلا السكر ضروري في كل المخللات عشان تبقى مقرمشه مش طريه :wub:

[kokowawa1979]

إيه ياست إيناس - مرة المربات ومرة المخللات :wub:

هو إنت أخصائية سكر وضغط واللا إيه :wub:

على فكرة أنا طبعت الكلام وسوف نقوم بتوصيله إلى حرمنا المصون للقيام باللازم - فشكرا لك

تم تعديل 1 فبراير 2007 بواسطة kokowawa1979

[الحاج فوزى]

مخلل الخيار

المواد المطلوبة والمقادير : ثلاث كيلو خيار صغير –خل – ملح – ملعقة سكر

الطريقة : يغسل الخيار- يزال الرأس والذيل ويرص في مرطبان زجاجي – يضاف له الماء والخل والملح وملعقة السكر – يترك مدة أسبوع ويمكن أكلة بعد ذلك

همممم .. قد ايه خل وقد ايه ملح

وفيه مخلل بصل صغير .. يتعمل ازاى ؟؟

طبعا مع الشكر

حسين

[inas]

والله انا بحب اصلي العمايل البيتي خصوصا في المخللات وذلك يرجع لكذا حادث ترك في صدمه كبيره

اشكرك على تواجدك يا كوكو واوا

استاذ حسين

مخلل الخيار

توضع 4 ملاعق كبيرة ملح وملعقتين صغيرتين سكر وملعقة صغيرة كلوريد الكالسيوم و ملعقتين خل في على كيلو الماء فيكون المحلول جاهزا وتضعو الخيار :wub:

[الحاج فوزى]

ليه يا ست ايناس بس اللغبطه ده

ايه كلوريد الكالسيوم ده !!

ماحنا كنا حلوين والحاجات كلها كنت سهلة والموضوع يخلص فى 5 دقائق

حسين

[nora]

ايناس مخلل القرنبيط اهو انا بعملودايما وتسلم ايدك على باقي المخللات

مخلل القرنبيط

نغلي 2 لتر ميه او حسب الكميه الي هيتعمل ليها القرنبيط

وملح

و خل

و قرون فلفل

وبنجرواحده بس للون فقط

نغلي الميه ونسبها تبرد ونجيب البرطمان نحط القرنبيط بعد غسله وتقطيعه لوردات صغيره ونرصو في البرطمان ونحط كوبين خل متوسطين الحجم و نحط ملح حسب الرغبه 3 معالق اكل و نحط قرون الفلفل الحامي حسب الرغبه ونقطع بنجرالي اربع ارباع للون فقط

ويتقفل البرطمان لمدة شهر

لو مستعجلين يبقى نغلي القرنبيط غلوة وحده بس مش اكتر علشان ميتهريش ونفس الخطوت كلها بس هيتاكل في اخر الاسبوع او اسبوعين بالكتير وبالهنا والشفا

[kokowawa1979]

أختنا الفاضلة إيناس

هل من طريقة لعمل شيكولاتات بطعم فاكهة البرتقال والليمون وغيرها ؟

ولك الشكر

[inas]

حسين كلوريد الكالسيوم عشان الخيار يفضل لاطول فتره مقرمش وميتهريش ولو مفيش خلاص يبقى كلوه بسرعه :wub:

شكرا على وصفة مخلل القرنبيط

كوكو واوا ان شاء الله اعملكم وصفات للحلويات . :lol:

[Scorpion]

ايناس العزيزة ...

لك شكر حار جدآ جدآ جدآ علي تجاوبك السريع بالرد علي موضوع المخللات ده .. و شكلنا كده حنفتح محل طرشي في ايطاليا .. بس نبتدي بالزتون الأول :

اسئلتي بقي :

- اعتقد المرطبان علي ايامكم هو البرطمان علي ايامنا مش كده ؟

في الخطوة الأولي انتي قلتي اني ارص الخمسة كيلو "حشر" و انقعهم في الميه 24 hours .. الكلام ده في البرطمان اللي حنخلل فيه و الا في حلة مثلآ ؟ اصلك نطيتي علي طول علي اضافة الفلفل و اللمون ... فيه حركة ناقصة بينهم و اعتقد انها اني اصفي الميه أول مرة ... مش كده يا أوختشي ؟

حاجة اخيرة معلش ... اللمون هنا بتاع نجيب الريحاني .. يعني كل لمونة قد البرتقالة ... ينفع ؟

معلش يا ايناس انا خوتك ( من الخوتة يعني ) بس اصلي ما صدقت :lol:

[inas]

اعتقد المرطبان علي ايامكم هو البرطمان علي ايامنا مش كده ؟

في الخطوة الأولي انتي قلتي اني ارص الخمسة كيلو "حشر" و انقعهم في الميه 24 hours .. الكلام ده في البرطمان اللي حنخلل فيه و الا في حلة مثلآ ؟ اصلك نطيتي علي طول علي اضافة الفلفل و اللمون ... فيه حركة ناقصة بينهم و اعتقد انها اني اصفي الميه أول مرة ... مش كده يا أوختشي ؟

حاجة اخيرة معلش ... اللمون هنا بتاع نجيب الريحاني .. يعني كل لمونة قد البرتقالة ... ينفع ؟

انا الكلام ده نقلاه من كتاب عندي واعرف انو اسمو برطمان بس قلت يمكن ان هو الكتاب الي صح وانا الي غلط :lol:

ايون بترمي ماء النقع عشان المراره تروح ممكن في حله طبعا تنقعو حاول انك تقطع اللمون مينفعش الحجم الكبير اكيد لانو مش هيتخلل ولا يوصل لجوف اللمونه

وعنينا يا مسيو اسكوربيون المهم رضا المدام والجميع :wub:

[Folana]

السلام عليكم ورحمة الله .....

:lol: ... يا أهل الله ياللى هنا...نونكن اشارك معاكم ؟..ونونكن اكتب وصف تانية للزيتون لاجل بلدينا سكوب...وحامشى على طول لا تقلقوا...

الزيتون الاخضر المخلل

بص يا سكوب الزيتون نوعين ..تفاحى اللى هو كبير شوية وبيستوى بسرعة...والعزيزى...اللى هو شكله مش ولابد وبيتخلل للمسافات الطويلة ..التخزين يعنى...

طبعا اللى عند ك حيكون لزمن ولا ب تفاحى او حاجة كده جميلة وخلاص...

هات كيلو فى الاول جربه علشان الخسائر تبقى قريبة...

اغسله وشقه من الجنب شق طولى بالسكين وانقعه فى مية لنفس الاسباب اللى ذكرتها ايناس

هات كمان ثمرتين جزر قشرهم او كحتهم يعنى وابشرهم

وكمان حزمة او اتنين كرفس..تتغسل وتتخرط وتتقلب على الجزر المبشور

فلفل اخضر حامى

كام فص توم مدقوقين وتقلبهم على الجزر والكرفس

شوية خل

ماء وندوب فيه ملح ( كل كوب عليها 3 ملاعق ملح )

ليمون للعصر...نص كيلو مثلا...او اكتر..لان الليمون حيديله مذاق كويس

هات بقى البرطمان او المرطبان ..او المرمطان...شوف انتم اتفقتم على ايه ...

تصفى الزيتون وتشطفه...وبالمناسبة الزيتون يتنقع يوم كامل او اتنين مع مراعاة تغيير المية )

نرص راق زيتون ..وعليه راق الخليط ده ( الجزر والكرفس والتوم ) ومعاهم كام قرن فلفل

وراق زيتون ...وهكذا

او نونكن تقلب له على بعضه وتريح دماغك...يعنى الزيتون على الكرفس والجزر والفلفل والكل كليلة...وترمى فى البرطمان

تكون مجهز عير الليمون....خلى بالك انك تعصره وتحتفط بقشره

وتصب عصير الليمون على الزيتون ..وراعى انك تضغط بايدك على الزيتون علشان تتخلص من الهواء فى البرطمان

وبعد كده نضيف الماء والملح وشوية الخل على الخليط ده

راعى ان تكون الاجزاء متساوية ...يعنى كوب ليمون يبقى معاها كوب ماء بالملح وكده يعنى

خلصنا رص كده...نضغط برضه ونغطى الوش بقشر الليمون كويس جدا...لان قشر الليمون ده حيمنع تسرب الهواء لداخل البرطمان ومن ثم فساد الزيتون :wub:

ونضغط تانى ..ونضيف شوية زيت على السطح...وقطعة قماش نضيفة نغطى بعها فوهة الركان ...قصدى البرطمان ..ونقفل الغطا كويس جدا...

وسيبه من شهر كده علشان يستوى كويس ..وحاذر انك تفتح الغطا عليه ...ونونكن كل كام يوم كده تقلب البرطمان اب سايد داوون ...علشان الشاسائل يوصل للطبقات العليا...

وبالهنا والشفا....

وبجد باتكلم قولى قبل ماتنزل وانا اجهز لك الزيتون بس يارب يكون فى اوانه ....

نينة الحاجة

[Scorpion]

دي وصفة سهلة .... دي وصفة هايلة ....

يا دي الهنا يا ناس ....

ربنا يخليكو ليا بجد يا رب ..

و بعد ايناس العظيمة .. آدي الغالية فولانة و ووصفة تانية متكاملة بالوصف الممل لأمثالي من الأزواج المتكحولين ... (يعني اللي بيسمعوا اغاني الكحلاوي )

بجد شكرآ يا جماعة .. و سنوافيكم بتطورات الموقف

:lol: :wub:

[inas]

الف شكر ليك يا فلانه على الوصفه الهايله دي

بالفعل وفيتي وكفيتي

وان شاء الله هجربها :lol:

[Salwa]

مساء الخير ..

بالنسبة لتخليل الزيتون على الطريقة الاسبانية ........( اسبانيا اشهر بلد فى تخليل الزيتون ...ويوجد بها افخر انواع الزيتون )..

http://lalunarosa.com/hormiguero/2005/11/2...itunas-1-parte/

ده اول جزء ..

اما تانى جزء فهو الآتى ...

http://lalunarosa.com/hormiguero/2005/12/1...itunas-2-parte/

ببساطة ...

1 - نختار الزيتون ونبدأ فى دق كل زيتونة ...( بهذه الطريقة من السهل ان نتخلص من مرارة الزيتون عند غسله ويسهل عملية التخليل ..)

2 -ننقع الزيتون فى المياه لمدة اسبوعين ......نغير المياه كل يوم ...( فى الطريقة الصناعية يضيفون بعض انواع الصودا الكاوية ....لسرعة النضج...احنا ملناش دهوة بالطريقة دى لان من الصعب التخلص من المادة الكاوية الا بكثرة غسيل الزيتون وهذا يفقده طعمه الاصلى ...وعموما قليل من المرارة لايضر لان هذا هو الطعم الاصلى )..

3 - بعد هذه المدة نصفيه من المياه ونبدأ فى تعبئته فى برطمانات من الزجاج ونضع فوقه ..ملح وخل وتوم وزعتر و فلفل احمر مطحون حار..( او ما تريدون ...) ..ثم نضيف مياه لتغطيته ...ونرج البرطمان جيدا ..( بعد ما نقفله طبعا ) ...ونتركه كام يوم ..و

بالهنا والشفا..

[inas]

الباذنجان المخلل

المقادير:

1- نصف كيلو باذنجان صغير الحجم (من ذلك النوع المخصص للحشو)،

2- عدد 2 حبه طماطم،

3- عدد 2 حبه فلفل أخضر،

4- عدد 10 فصوص ثوم،

الطريقه:

1- قومى بغسل الباذنجان واقطعى عنقه وضعيه فى الزيت المغلى حتى يصير لينا ويتغير لونه ثم اخرجيه وقومى بتصفيته من الزيت جيدا واتركيه ليبرد،

2- قومى بتقشير الثوم واغسليه وافرميه مع الفلفل الأخضر والملح والخل والكمون والكسبره والشطه فرما ناعما،

3- قومى بشق الباذنجان شقا طوليا وضعي فيه قليل من خلطه الثوم السابقه،

4- ضعى باقى الخلطه فى طبق التقديم وأضيفى نحو نصف كوب ماء وقليل من الزيت وقطعى الطماطم مكعبات صغيره وأضيفيها ثم ضعى الباذنجان فى الطبق،

وبالهناء والشفاء.

[Folana]

الف شكر ليك يا فلانه على الوصفه الهايله دي

بالفعل وفيتي وكفيتي

وان شاء الله هجربها :excl:

السلام عليكم ورحمة الله ...

حبيبتى ايناس..ربنا يكرمك...وانا اسفة انى اقتحمت عرينك كده بدون استئذان..بس انا غاوية مطبخ وباضعف امام اى وصفة وتلاقينى عمالة ارغى كده بطريقة غريبة....

تسلم ايديك انت على الموضوع الجميل ده ....

طبعا المقدمة اللى قلتها دى ورائها سبب خبيث مش قادرة اكتمه اكتر من كده....بصى ياستى...السكر فى المخلل حيديله طعم متغير شوية وحيبقى زى المخلالات الجاهزة اللى بنشتريها من السوبر ماركت...فممكن تققلى منه شوية

تانى هام...اللفت بس هو اللى ممكن تضيفى عليه شوية عسل اسود...لنفس السبب اللى ذكرتيه...علشان يبقى مقرمش زى الجزر كده...

يعنى بعد ماتعملى كل حاجة...بتدفى المية والملح وتضيفى عليها شوية عسل اسود...ولما الميه تبقى فاترة..تدلقيها على اللفت والشمندر ده اللى هو البنجر..وفايدة البنجر طبعا اللون بتاعه...

تالت هام..اللفت بيستوى بسرعة جدا مش محتاج شهر...ده هو اربع ايام كفاية عليه قوى...

انا بقى علشان ست عجوزة وكدهوت يعنى...فباتكلم من باب الخبرة..مش بيقولوا اسال مجرب ولا تسأل كتاب....

ربنا يخليك ياسكوب..دايما كده ساندنى ورافع معنوياتى..وايتوها خدمة.... :o

اسمحى لى يا اناناس احشر نفسى تانى معاك بعد شوية؟...لو حتزعلى قولى وانا اختفى من حياتك للابد ( وش عماد حمدى) :lol:

صباحكم جميل ... eey::

[inas]

يا خبر دا انت تنوري الموضوع

دا انا اسيبو ليك كلوا ال ازعل ال

كفايه الخبره والواحد يتعلم ويستفيد من خبراتكم كلكم

دا الموضوع ميحلاش غير باللمسات السحريه بتاعتك

زي العسل الاسود دي والله اول مره اسمعها بس اكيد هجربها

الف شكر وفي انتظار نصائحك :lol: :excl: :o

صباح الفل

[كمبورا 6]

الاخت الفاضلة

ارجو التكرم بالاستجابة لطلب الزملاء

بخصوص البصل المخلل وكذلك البتنجان المخلل

مع الاحترام