أجندة مواعيد لقاءات المحاوريين -فرع الكويت

[رمضان]

بسم الله الرحمن الرحيم والصلاة والسلام على اشرف المرسلين سيدنا محمد النبي الأمين وعلى آله وصحبه أجمعين

بعد المداولات والاتصالات الهاتفية مع السادة الأعضاء تقرر باذن الله ان يكون هناك لقاء يوم الأربعاء الموافق 21/2/2007 وذلك بمركز سلطان في تمام الساعة الثامنة .

طبعا المكان قابل للتغيير لكن اليوم لا

منتظر ردودكم

فريق التواصل الالكتروني للمحاورين بالكويت

تم تعديل 17 فبراير 2007 بواسطة رمضان

[mizooo]

فين في مركز سلطان ياشباب وأمتا هينتهي الإجتماع

[noureldonia]

استاذ رمضان ياريت توضيح اكتر بالنسبة للتفاصيل يعني اللقاء يوم الأربعاء الساعة كام اي مركز سلطان مركز سلطان السالمية ولا شرق ولا اصدك مركز سلطان اللى على البحر وبعدين في حاجة مهمة انا مثلاً واحدة جديدة اول مرة اعرف عن موضوع لقائتكوا كامغتربين في الكويت يعني انتوا التقتوا قبل كدة فمثلاً اذا حبت اجي هعرفكوا ازاي ، وسؤال تاني ياتري في بنات بتحضر ولا الموضوع مقتصر على الشباب لانوا بجد معنديش اي فكرة.

[رمضان]

بسم الله الرحمن الرحيم

اخ ميزو اخت نور اولا اللقاء الساعة 8 الى 8.30 علشان الزحام ثانيا مركز سلطان اللي على البحر ثالثا احنا اتقابلنا كتير الحمد لله لقاءات كانت كلها ممتازة بفضل الله ثم النخبة اللي بتكون موجودة

بالنسبة لباقي الاسئلة دي ترد عليكي فيها اي اخت من الاخوات وطبعا تنسقي معاهم افضل .

تم تعديل 17 فبراير 2007 بواسطة رمضان

[noureldonia]

مرسي يا استاذ رمضان ، وهستنا بنت النيل تجاوب على اسئلتي .

[الحاج فوزى]

عزيزى رمضان

مشكور على الدعوة ، وان شاء الله اكون موجود انا وعائلتى

حسين

[بنت النيل]

استاذ رمضان ياريت توضيح اكتر بالنسبة للتفاصيل يعني اللقاء يوم الأربعاء الساعة كام اي مركز سلطان مركز سلطان السالمية ولا شرق ولا اصدك مركز سلطان اللى على البحر وبعدين في حاجة مهمة انا مثلاً واحدة جديدة اول مرة اعرف عن موضوع لقائتكوا كامغتربين في الكويت يعني انتوا التقتوا قبل كدة فمثلاً اذا حبت اجي هعرفكوا ازاي ، وسؤال تاني ياتري في بنات بتحضر ولا الموضوع مقتصر على الشباب لانوا بجد معنديش اي فكرة.

اهلا بيكى يانور هتيجى تنورينا بأذن الله شوفى ياستى اللقاء كما قال لكى الاخ العزيز رمضان الساعة 8 او 8ونص عشان لو فيه زحمه يعنى بالطريق والمكان معروف هو مطعم مركز سلطان اللى على البحر بعد المارينا بشوية كدا على ايدك اليمين اما بالنسبة لانه اول لقاء ليكى معانا فهذا شىء عادى جدا ولما هتيجى هتحسى انك تعرفينا من زماااااااان كما حدث معنا عند اول لقاء

اما بخصوص البنات احنا الستات :) بنحضر انا ونانو وطبعا انتى يبقى حاجة جميلة اوى

عزيزى رمضان

مشكور على الدعوة ، وان شاء الله اكون موجود انا وعائلتى

حسين

استاذ حسين يالف اهلا وسهلا بيك وبالعائلة فعلا احنا نفسنا يكون فى اللقاء عائلات ايضا لتوسيع دائرة المعرفه بينا بالكويت منتظرين تشريفك لنا

=========================================

اما انت يا عم رمضان لما اشوفك :) بتعملوا اتصالات واتفاقات وبعدين تقوللنا على الموعد واحنا مفيش لنا اتصالات ولا مداولات برده ولا ايه :o

[رمضان]

على فكرة يا بنت النيل كل الاتصالات كانت بيني وبين نفسي وحددت مع نفسي وبعدين سألت الاخوة قالوا موافقين تعرفي ليه لان الاربعاء بيناسب الجميع وممكن نخليها الاحد

[كمبورا 6]

الاخ الفاضل رمضان

حلوة أوى أوى أوى فريق التواصل الالكترونى للمحاورين بالكويت

ياريت تكون كمان كلمة للمحاورين المصريين

وعقبال فريق التواصل الالكترونى للمحاورين المصريين بالاردن

هارد لك معاذ

مع الاحترام

[الحاج فوزى]

الاخت بنت النيل

اشكرك على الترحاب ، والشرف ليا انا ..

حسين

[أبو حميد]

على فكرة يا بنت النيل كل الاتصالات كانت بيني وبين نفسي وحددت مع نفسي

ضحكتني يا رمضان وأنا بتخيل الحوار ده

يعني أنا دورت على النمرة وأتصلت بنفسي وقولتلي عايزين نتقابل ورديت على نفسي وقلت: ماشي بس أمتى روحت قايل لنفسي: يوم الأربع يناسبك لكن أنا رديت قلت: مفيش مشاكل أنا فاضي الأربع قومت رديت أنا : تمام يبقى نتقابل الأربع على خيرة الله.

100% يا رمضان وكفائة وممكن كمان تروح تقعد مع نفسك وتعزم نفسك على فنجان شاي ما أنت أيدك طايلة.

مرحبا بكل من سيأتي يوم الأربع لأول مرة حسين ونور الدنيا وكمان دكتور ايهاب واعدنا يجي من المرة اللي فاتت بس حصل ظروف مانو وكمبس وداركر لو ماحضروش هنروحلهم البيت. والنسر ونانو وبنت النيل دول لازم يجوا ويجبولنا محمود وخلود وحلا ورولا.

وكل الناس اللي وعدونا وفاتونا من أول مرة فاكرينكم وعاوزينكم تشرفونا يا مصري في الكويت وواحد تايه وحمدي (Star) و derfish و ALGHAREEB و alhazem12004

أنا هحاول أجي طبعا رغم ظروفي لكن لو حد سألني هأقولهم رمضان دعاني وأنا لبيت الندا, الخوف بس من السواري.

[mizooo]

جميلة جدا المعلومات دي ياشباب وبما إن دوامي ينتهي 8.30 يبقا أكيد هكون أخر الحضور وعشان نتعرف عليهم يا أخت نور بما إننا أول مرة نتشرف بيهم يبقا لازم نحط أنا وأنتي الوردة الحمرا في شعرنا :)

[memo2007]

لا بجد جميل جدا

انكم مش بتكتفوا بمعرفه بعض على النت فقط

يااااريت المصريييييييييييين كلهم يبقو ايد واحده زيكم كده ويكونو بيحبوا بعضهم أوىىىىىىىىىىىى كده :) :) :o

ياريت تبقى مقابله جميله ولذيذه وممتعه

وانا هاتخيل انى معاكم فى اللحظه دى ;)

[noureldonia]

مرسي ليكوا جميعاً وبالاخص بنت النيل المكان منور بيكوا ، ميزوا الوردة اللي هحتها في شعري انا وانت هتخلينا نتعرف على بعض بسهولة مش عليهم :angry2: ، بس يا جماعة بردوا مقولتوليش هعرفكوا إزاي يعني مثلاً هعرفكوا من عددكوا الكبير ولما اسمع كلام مصري وصوت عالي يبقا انتوا :wub: ولا اية ممكن علامة مميزة وكمان انا كنت عاوزة اعرف انتوا بتخلصوا اللقاء في ساعة معينة ولا مفتوحة وأذا مفتوحة مينفعش تخلوها بدري شوية يعني مثلاً الساعة 7 يبدأ وإذا منفعش خلاص خليكوا على المعاد المناسب للجميع .

[بنت النيل]

مرسي ليكوا جميعاً وبالاخص بنت النيل المكان منور بيكوا ، ميزوا الوردة اللي هحتها في شعري انا وانت هتخلينا نتعرف على بعض بسهولة مش عليهم :wub: ، بس يا جماعة بردوا مقولتوليش هعرفكوا إزاي يعني مثلاً هعرفكوا من عددكوا الكبير ولما اسمع كلام مصري وصوت عالي يبقا انتوا :wub: ولا اية ممكن علامة مميزة وكمان انا كنت عاوزة اعرف انتوا بتخلصوا اللقاء في ساعة معينة ولا مفتوحة وأذا مفتوحة مينفعش تخلوها بدري شوية يعني مثلاً الساعة 7 يبدأ وإذا منفعش خلاص خليكوا على المعاد المناسب للجميع .

شوفى يانور بالنسبة امته بنخلص اللقاء طبعا ده على حسب ظروف كل واحد يعنى كل واحد يقعد للوقت المناسب له يعنى انا مثلا لما بيجى الموعد اللى المفروض امشى بستأذن عادى جدا بالنسبة للباقين برده نفس الشىء وعموما هما الباقين رجاله بقى يروحوا براحتهم :D

اما حكايه هتعرفينا اذاى شوفى انا افضل ان حد يعرف رقم تلفونك او تعرفى رقم تلفون حد يبقى احتياطى لاى ظروف

تتأخرى مثلا او متعرفيش توصللنا او اول ما توصلى للمكان تتصلى وده افضل وطبعا ده براحتك وبكيفك الامر راجع ليكى فى النهاية

واذا مش ممكن يبقى ممكن تعرفينا من اللى قلتى عليه :angry2:

[darker19]

خيااااااااااااااااانة.....

ايه الدخلة الغلط دي؟؟ أنا قصدي يا جماعة إني كنت أعد مستني الإمتحانات تخلص عشان أعرف أقابلكم, جيتوا في إسبوعين الأجازة ومعرفش اختفيتوا فين, كله هس ومحدش بيهوب ناحية الموضوع....

وخلصت الأجازة ومافتكرتوش غير لما بدأت الكلية ده حتى النهارده كان أول يوم محاضرات ليا....

على كل حال ان شاء الله عاكون معاكم وشكرا يا رمضان على الدعوة الجميلة دي, وأبو حميد حاول تتصرف وتيجي نفسي اللقاء ده يبقى أكبر لقاء لينا, بس النسر فين ونانو وكمبس ومانو, هما اختفوا ليه الناس بتروح فين؟

[أبو حميد]

على كل حال ان شاء الله عاكون معاكم وشكرا يا رمضان على الدعوة الجميلة دي, وأبو حميد حاول تتصرف وتيجي نفسي اللقاء ده يبقى أكبر لقاء لينا, بس النسر فين ونانو وكمبس ومانو, هما اختفوا ليه الناس بتروح فين؟

إنشاء الله هاتصرف وأحضر الإجتماع القادم علشان نخلص كل النقاط المعلقة على جدول الأعمال من اللقاءات السابقة. وياريت الكل يحضر بإذن الله.

[رمضان]

السلام عليكم ورحمة الله

اولا شكرا ليكم جدا يا جماعة

بجد انا متفائل المرة دي وباذن الله هيكون لقاء جيد جدا

وعلى فكرة انا كمان ان شاء الله جاي معي بعض الاصدقاء المصريين همه نفسهم يتعرفوا عليكم من زمان ويدخلوا المنتدى ووجدوا ان دي احسن فرصة للتعرف عليكم .

رمضــــــــان

[نانو]

ان شاء الله جايه يا شباب .....بس يارب ما تطلعش حاجه طارئه في الطريق

ان شاء الله في نفس المكان نفس الميعاد

[Eemaan]

السلام عليكم جميعا

ما شاء الله عليكم ...والله برافو اللقاءات دى... وربنا ييسر وأكون معاكم قريبا بإذن الله

إيمان (عضوه مش جديده اوى)