طفرة إقتصادية بسبب المخدماتية

[se_ Elsyed]

بالتأكيد جميعنا يؤمن بإن " الحكومة تعرف أكثر "

وبالتالي مش عايزين تنطيط بقى وكل واحد يقعد ويتقنعر وياخد نفس ويقولك : إيه القرارات الزبالة دي بتاعت عيشه و أخواتها اللي عايزين يعرونا ويسفروا مصريات يشتغلوا خادمات في الخليج وكاني وماني ودكان الزلاباني وهرطقة وهلفطه مالهاش لازمه من غير خلفيان علمية معملية ؟

وناسيين إن البلد في حاجة ماسة للعملة الصعبة وكل قرش أبيض هاينفع في اليوم الإسود اللي معيشهونا الرئيس مبارك ..

وناسيين كمان إن فتح سوق الخادمات هايعمل نقلة إقتصادية هائلة في مصر

الموضوع مش مجرد إنك تصدر 120 ألف حتة للخليج وخلاص ...

بالعكس .. ده هايبقى في صناعات تقيلة وخفيفة ومن جميع الأوزان هاتترتب على ذلك ...

وإحنا أهو لسه بنقول يا هادي وما فتحناش المزاد إلا ولقينا إعلانات تشجيعية وصناعات ناشئة سترتبط إرتباط وثيق بهذه الصناعة اللي الناس ناسية إنها اقدم مهنة في التاريخ ...

وإليكم الآتي بالصوت والصورة :

-----------------------------------

الخبر الأول

" وزارة القوى العاملة تختار الفنانة المطربة " بوسي سعيد " سفيرة للنوايا الحسنة ومديرة علاقات تسويق في دول الخليج "

والجدير بالذكر أن الفنانة المذكورة هي أول من قامت بدور خادمة في احد قصائدها المُصورة وكانت بعنوان " حط النقط على الحروف .. ويالا نطلع سوا عالرووف "

ماحدش يفهمني غلط .. الست كانت طالعة مع الراجل السطوح عشان تعلمه نشر الغسيل ...

الخبر الثاني

" تم بحمد الله أفتتاح مستوصف النضافة لكشف وتوضيب الخادمات الراغبات في السفر ...

مستوصف النضافة .خبرة عالمية في مجال توضيب الزباين

مستوصف النضافة ثقة وأمان

وشعارنا " سلمني نضيف .. اسلمك نضيف "

الخبر الثالث

" أعلان مدفعوع الاجر من المعلمة أم سحلول الماشطة ...

بلا نضافة بلا قرافه .. ليه تدفع أكثر لما ممكن تدفع أقل .. أم سحلول مننا وكاتمة سرنا ... والبلدي يوكل ... يوجد عندنا تنضيق وتقييف وحمامات بلدي وتمشيط .. وهانوريكو إش تعمل الماشطة في الوش العِكر .. والتجربة خير برهان .. شعاري دايماً " لبس البوصة ... تبقى عروسة ... جربي ام سحلول .. هاتبقي حلوه على طول "

الخبر الثالث

" شركة قُرني أبو الأرايل للنقل السريع تُعلن عن توفر خدمة الهوم ديليفري والتي بعون لا الله لا تستغرق اكثر من 24 ساعة من إستلام الأوردر .... قُرني أبو الأرايل خبرة اكثر من خمسون عاماً ... قُرني أبو الأرايل .. فرعنا الرئيسي في شارع محمد علي .... مع قُرني أبو الأرايل .. بناتك في إيد أمينة ... قُرني أبو الأرايل خبرة منذ أرون .. قصدي قرون "

الخبر الرابع

شركة يا دلع دلع تُعلن عن تدشين موقعها الإلكتروني الجديد www.wazaoeez.com كل المطلوب منك هو التسجيل في موقعنا وسيُتاح لك الإطلاع مجاناً على بضائعنا ... توجد لدينا تشكيلة هائلة من العمالة المنزلية المتنقية عالفرازة ... توجد لدينا جميع المقاسات والأذواق ... بضاعتنا حاضرة .... مضمونة ... وبأسعار مُغرية .. سارع وسجل الأن فالمُدة محدودة . ..

نقبل الدفع بالكريدت كارد أو بالتحويل السريع عن طريق شركة ويسترن يونيون .

الخبر الخامس

" السبكي فيديو فيلم تقدم ... فيلم الموسم .. الفيلم الذي حاز على جائزة الجزمة الذهبية في مهرجان لانجري الدولي .... الفيلم الذي أنتظرته جميع الجماهير في الوطن العربي من المحيط إلى الخليج

" خادمة ... وأشياء أُخرى "

خادمة وأشياء أخرى ... تأليف وأخراج عائشة عبهادي ..

خادمة وأشياء اخرى .. قصة واقعية درامية رومانسية عاطفية فضائحية .. إثارة ... تشويق .. رعب .. بهدلة .

خادمة وأشياء أخرى بجميع دور العرض بدول الخليج ... وقريباً على صفحات الجرايد وبالتحديد صفحات الحوادث

الخبر السادس

" دار الظلام للنشر والإعلان تقدم أحدث إصدارتها .. كتاب " كيف تقلبين الزبون ... من غير ما تفرطي في المضمون " للكاتبة الكبيرة عيشة أم الخير

ومن المعروف أن الكاتبة الكبيرة عيشة أم الخير قد قدمت في هذا الكتاب عصارة خبرتها في مجال القوى العاملة ... وهي مُرشحة لنيل جائزة نوبل من مؤسسة مولان روج بباريس

كيف تقلبين الزبون من غير ما تفرطي في المضمون .. الكتاب الذي تُرجمت أحداثه إلى العديد من اللغات الخليجية ....

بادر بحجز حتتك من الآن .. فالنسخ محدودة والأيادي ممدودة

[Salwa]

يعنى حضرتك ياسى السيد كدة قطعت عيش ناس كتير قوى ..

1 - بتوع الاعلانات ....(( بضاعتنا مضمونة وعلى الفرازة ....مستعدين للتسنين ...والكشف عن طريق الاسنان ...ماهو طبيب بيطرى اللى حايكشف بقى ...))

2 -مكاتب تسفير العمالة ....للتصدير.

3 -مكاتب التخديم ...للتوريد ...

4 -وزارة ....( البيئة ) ..

5 -القومسيونجى اللى كان حاياخد له مبلغ وقدره ..

6 -حرمت البلد من العملة الصعبة .....اللى كانت ستنعش الاقتصاد ...(( هو ايه الاقتصاد ده ؟؟ ....فين ؟؟ ))..

7 - شركات الطيران اللى المفروض كان حايطلع فى العملية دى ملايين ...

8 - محلات العبايات والايشاربات اللى كانت حاتزدهر لما كل واحدة تاخد لها غيار كدة تلات اربع حتت ...

9 - اوعى تنسى وزارة الصحة ....دى اهم حاجة .(( تدى حقن لزوم التطعيم ....واطعم الفم تستحى العين ))..

وتضع الاختام اللازمة لاثبات صحة القطيع ...( قصدى الحريم ) ...قطيعة على الزهايمر وسنينه ...

10 - وزارة الهجرة والجنسية ومبالغ تدخل بالكوم لزوم عمل باسبورات ....وتأشيرات بقى ومواويل من دى ...

11 - نبهت الشعب اللى دمه حامى ....للبير اللى بيتحفر لكل الاجيال الجاية ...وكدة حاتشجعهم على الانتحار الجماعى ....(( الله يسامحك ))..

وكفاية كدة ...

[badroora]

الخبر الثاني

" تم بحمد الله أفتتاح مستوصف النضافة لكشف وتوضيب الخادمات الراغبات في السفر ...

مستوصف النضافة .خبرة عالمية في مجال توضيب الزباين

مستوصف النضافة ثقة وأمان

وشعارنا " سلمني نضيف .. اسلمك نضيف "

مش عجبانى كلمة مستوصف !!!

مين المقصود بها بالظبط !!!

نجفة المقموصة :closedeyes:

[se_ Elsyed]

مش عجبانى كلمة مستوصف !!!

مين المقصود بها بالظبط !!!

نجفة المقموصة

سيتم تغيير كملة مستوصف إلى " مستشفى النضافة الإستثماري العالمي الحلو "

هـــا تمشي كده يا نجفه ؟

إيه يا نجفه .. خير إن شاء الله .. هما بيقفشوا اللي بيقول كلمة مستوصف اليومين دول ؟

قصدي يعني .. هي بقت كلمة معادية للساميه أو ضد مباديء حقوق الإنسان ؟

قوليلي يا بنتي الله لا يسيئك أنا رجل كبرت في السن وبقى لي كتير بره البلد ولست مُطلعاً على بواطن الأمور الطبية

[badroora]

مش عجبانى كلمة مستوصف !!!

مين المقصود بها بالظبط !!!

نجفة المقموصة

سيتم تغيير كملة مستوصف إلى " مستشفى النضافة الإستثماري العالمي الحلو "

هـــا تمشي كده يا نجفه ؟

إيه يا نجفه .. خير إن شاء الله .. هما بيقفشوا اللي بيقول كلمة مستوصف اليومين دول ؟

قصدي يعني .. هي بقت كلمة معادية للساميه أو ضد مباديء حقوق الإنسان ؟

قوليلي يا بنتي الله لا يسيئك أنا رجل كبرت في السن وبقى لي كتير بره البلد ولست مُطلعاً على بواطن الأمور الطبية

لأ يا سيد س س ومش بيعكشوا اللى بيقول مستوصف ولا شيء

بس الموضوع وما فية ان فى طلب الحاجة عيشة من ضمن الطلبية المطلوبة تمريض !!!

فعندما تذكر كلمة مستوصف فمستوسف هنا تمثل

ضمير غائب عائد على التمريض !!!

شوفت ايشلون

وحتى حضرتك لما كتبت قولت امور طبية يعنى المقصود هنا العاملين بها !!

ممكن اللى يقراها يفهم بها بطريق غير مباشر او بطريق عائد على التمريض !!

انا اعى جيدا يا سيد س س انك لا تقصد هالمعنى اللى انا فهمتة !!

بس اى احد هيقراها ممكن يفهمها انها على التمريض !!

عموما يا سيد س س

انا لا اعرف معنى كلمة ساميه ولكن اعرف باقي الجملة وفبقول ليسيادتك لا مش ضد المباديء ولا حاجة

انا عبرت عن راى وحضرتك لك مطلق الحرية فيما كتبت !!! فير انف .

تحياتى

نجفة

[قديم]

والله يا سي سيد انا عاجبني الاسم النظيف عشان الناس اللي مش نظيفه تروح تتظف ,

سواء مستوصف او مركز او بناء على طلب الاخت نجفه مستشفــي

فلما فيه مستشفيات نظيفه اكيد فيه مستشفيات مش نظيفه .

عوده للخبــر الثاني

اتفاقيه العمل تقتضي ان يكون السفر بالطائره .. والعوده لم تحدد هل هي بالمركب ....... ولا تستني اما الجسر يتبنــي ..

ماحدش يفهمني غلط .. الست كانت طالعة مع الراجل السطوح عشان تعلمه نشر الغسيل ...

الطيور والفراخ من على العشش اعدمت .. وبقيت الامهات ووجب ترحيلهن الي اماكن اخــرى وبالطياره باسرع وقت كمان ,...

تم تعديل 26 مايو 2007 بواسطة folana