يا مصريين في الداخل أوعوا تسافروا للخارج

[tarek hassan]

ليه بعض المصريين اللي مسافرين بره مبيبطلوش شكوى كل ما ييجوا أجازة يحملونا همومهم وّإذا قلت لهم إن مرتبك هنا في

مصر لا يصل إلى 100 $ في الشهر يقولولك دا ممتاز أوي أوعى تفكر في السفر مع ان الواحد منهم بقاله كتير هناك يمكن علشان

المصريين اللي مسافروش بتبقى عنيهم مثلا لا قدر الله وحشه وبيقروا عليهم ولا هما فعلا يا عيني عليهم !!!!

- اتذكر واحد مصري غلبان بقاله 20سنة في اليمن كل ما اقابله يشتكي لي من العقارب كل سنة ومع ذلك تلاقية مسافر يا حراام وأخرى

رأيتها مرة في قناة الجزيرة تنصح الناس بعدم الهجرة لكندا فسألها المذيع أنت هناك من أمتى قالت من 17 سنة وآخر يشتكي من اضظهاد

المسلمين في الخارج الحمد لله حال المسلمين في الداخل عال العال نمسك الخشب اصل يقروا علينا الغلابة اللي

في .......

تم تعديل 5 أكتوبر 2007 بواسطة tarek hassan

[The Professor]

موضوعك جيد اخي العزيز , بس بيعكس طبيعة النفس البشرية التي لا تقنع بما قسمه الله لها ... من الصعب ان تجد انسانا يحمد الله من قلبه على ما انعم به عليه ولكن اود ان اهمس في اذنك بشيء الا وهو ان الذين يعملون خارج مصر فعلا وحقيقة يتجرعون الكثير من المشقة والعناء .. فصاحب العمل لا يرضيه شيء ولو بدر منك اي تقصير او تخاذل فهو ليس بحاجة الى خدماتك... ناهيك عن الم الغربة والبعد عن الاهل والاحباب ...

فسبحان مقسم الأرزاق

[badroora]

هو اكيد طبعا مش يقصد انهم هيحسدوه ولا هيقروا عليه ولكن جايز هو اخدتها من الناحية العاطفية

يعنى مثلا عندى اصحابي في منهم يشجع اللى فى مصر على السفر هنا الحياه سهلة واريح وشغل مش كتير وعائد كويس وعمرهم ميذكروا مرارة الغربة وازاى العيد يعدي زيه زي ايى يوم عادى ورمضان كباقي الشهر مش تحس باي طعم

ولا لما تنزل وتلاقي الحياه اتغيرت واصحابك انشغلة وقرائبك اخدوه على بعادك وانك يوم متفكر تستقر فى مصر تبقي مش مرتاح وكانك وقفت على منتصف الطريق لاقادر تجع ولا قادر تكمل

اصعب شيء فى الدنيا انك تحس انك ضيف فى بلدك وغريب فى بلد اخر وانا عن راى الاحساس دا مال الدنيا لا يعوضة

هتقولى طب مترجعى ايه اللى مخليكي تستحملى كدا هاقولك لانى فى منتصف الطريق !!

اما موضوع الارزاق دى بتاعة ربنا كما قال الاخ البروفيسور

وفى الاخر كل واحد لو جالة فرصة للسفر مش هيتذكر كلام قالهوله واحد مسافر عن مصاعب الغربة وعيوبها كل اللى هيجي فى دماغه ييييييييييه مش هتيجي اسواء من مصر مع انك لما تسيب مصر هتعرف قد ايه ان فى اسواء منها كتير بس احنا اللى بنحب نخاطر ونجرب

وانا كمسافرة باقول لاى حد عاوز يسافر

سافر وخاطر واتعلم السفر له فوائد كثيرة وجرب وبما ان يوجد فروق فردية بين الاشخاص فاكيد ظروفك مش هتكون مطابقة لظروف الاخرين

والخبر ات التى هتكتسبها من السفر هتفوق خبراتك بمراحل لو لم تسافر وتعيش التجربة

تم تعديل 10 سبتمبر 2007 بواسطة نجفة المغرورة

[justtrying]

وفى الاخر كل واحد لو جالة فرصة للسفر مش هيتذكر كلام قالهوله واحد مسافر عن مصاعب الغربة وعيوبها كل اللى هيجي فى دماغه ييييييييييه مش هتيجي اسواء من مصر مع انك لما تسيب مصر هتعرف قد ايه ان فى اسواء منها كتير بس احنا اللى بنحب نخاطر ونجرب

وانا كمسافرة باقول لاى حد عاوز يسافر

سافر وخاطر واتعلم السفر له فوائد كثيرة وجرب وبما ان يوجد فروق فردية بين الاشخاص فاكيد ظروفك مش هتكون مطابقة لظروف الاخرين

والخبر ات التى هتكتسبها من السفر هتفوق خبراتك بمراحل لو لم تسافر وتعيش التجربة

السلام عليكم ورحمه الله وبركاته،،،

طبعا انا اشيد بكلام الاخت نجفة المغرورة من ناحية افتقاد الأهل والأحباب شيء ما يختلف عليه اثنين وأكيد كل الكلام ده ما يتعوض يعني لحظة مع والدي واللدتي ما تتعوض بالدنيا كلها لكن اعترض اعتراض شديد على حكايه "مش هتيجي اسواء من مصر مع أنك لما تسيب مصر هتعرف قد أيه في اسوء منها بكتير"

فيه اسوء من مصر اختي الكريمة ؟ ! طيب انا اتحداكي اتحداكي لو قولتيلي حاجه واحدة فقط في مصر .. ماشية صح .. اذكريلي حاجه واحدة بس ماشية صح في البلد دي عشان تخليني اقعد فيها ؟ !!!!!

صراحة وأقولها مصر لا تفعل شيء لأبنائها سواء في الداخل أو الخارج والمصري مهان وينداس على كرامته كثيرا ولا احد يحرك ساكنا هذا هو الواقع وللأسف هنا ملايين الشباب ولا حول ولا قوة إلا بالله يلهثون وراء المال سواء بالحلال أو الحرام لا يوجد فرق الآن حتى وصلت مصر إلى مستوى "الامبوللاء أمبولاء" نعم اختي الكريمة هذه هي مصر وهذا هو الواقع .. هؤلاء هم من يملكون مصر الراقصة لوسي وشلتها ومن على شاكلتها من أشباه الرجال وحسبنا الله ونعم الوكيل .. والأرقام يعني تتحدث عن نفسها .. نظرة إلى عدد المطلقات في مصر أو عدد المدمنين في مصر ؟ ! عدد العوانس في مصر ؟ ! أو نسبة الأشخاص الي يعيشو تحت خط الفقر في مصر ؟ ! والله يا اختي ارقام مهولة تقشعر منها الأبدان .. والله المستعان

لذلك اقولها لكل أخ وحديثي موجه للأخوة فقط الي يجي ادامه فرصة كويسه يسيب مصر .. يسبها انا عن نفسي شايف ان مصر مفهاش ذرة أمل بل العكس البلد منهارة وفي انهيار وانحدار للاسف ولا حول ولا قوة إلا بالله .. والسلام ختام

تم تعديل 10 سبتمبر 2007 بواسطة justtrying

[عصام أبوالفتح]

فى مثل بيقول كل واحد ينام على الجنب اللى يريحه ، مش كده برضو المثل ؟

السؤال للى بيتشتكى سواء داخل مصر او خارجها .. نايم على جنبك اللى بيوجعك ليييييييييييييه ؟!!!! :quest:

فالشكوى وكذلك توجيه الاخرين محض هراء لان فى مثل تانى برضو بيقول ... كل واحد بيتعلق من لغلوغه :hang:

[ابن الصعيد]

الغربة ..زذي اللي واقف في الوحل كل شوية تغوص رجلية بالوحل

كل اللي بالغربة وانا منهم جبناء عاوزين حد ياخد بأيدينا ويرجعنا مصر تاني وكل واحد يقول لو رجع فلان انا هرجع

وغالبا يتم الرجوع اما بالتفنيش او صندوق الموتي

الغربة احساس فظيع يكفي كل ماتشتري مراتك حاجة تقول هنشلها لمصر وعمرك ما بتستمتع بشئ

المصريين مرتبطين بالارض قوي قوي

اللبنانين غرنا عايش حياتهم بالغربة وكأنهم ببلدهم ودة شئ جميل

اما نحن المصريين عنينا علي مصر ولازم نقرا كل يوم الجرائد المصرية علشان نعيش همومنا علي الرغم احنا بعيد

اسف صدعتكم

سلام

[tarek hassan]

الأخ The Professor

أنا معاك المصري بالخارج على كف عفريت في وظيفته بعكس المصري في الداخل متبت في الوظيفة بديله وسنانه والحكومة متمسكه بيه حتى لو عمل البدع ولو مشتغلش التلت ساعه في اليوم اللي بيقولوا عليها

بس اليومين دول طلعوا لنا في حكاية التعاقد علشان نبقى في الهم سوا والمصائب يجمعن المصابينا والمتعاقد ممكن يمشي في أي لحظة ويضيع عليه يا ولداه الـ 50 دورار اللي بيخادهم كل شهر واللي باصص له فيهم العاطلين عن العمل وحاسبين عليه الوظيفة

- عموما أطمنك أعرف ناس على كف عفريت بره بقالهم عشرات السنين وربنا يحميهم من القر والزن

- بس العتب في حاجه واحده إن كلنا لازم نذكر نعمة ربنا وأما بنعمة ربك فحدث

- ولازم نحترم شعور الناس واحنا بنكلمهم لا نفهمهم بشكوانا الدائمة ان احنا خايفين من قرهم حتى لا تضيع فرحتنا بقدومهم واحنا من كل قلبنا معاكم ومع قضاياكم في الخارج

تم تعديل 5 أكتوبر 2007 بواسطة tarek hassan

[ahmedarab]

الغربة ..زذي اللي واقف في الوحل كل شوية تغوص رجلية بالوحل

كل اللي بالغربة وانا منهم جبناء عاوزين حد ياخد بأيدينا ويرجعنا مصر تاني وكل واحد يقول لو رجع فلان انا هرجع

وغالبا يتم الرجوع اما بالتفنيش او صندوق الموتي

الغربة احساس فظيع يكفي كل ماتشتري مراتك حاجة تقول هنشلها لمصر وعمرك ما بتستمتع بشئ

المصريين مرتبطين بالارض قوي قوي

اللبنانين غرنا عايش حياتهم بالغربة وكأنهم ببلدهم ودة شئ جميل

اما نحن المصريين عنينا علي مصر ولازم نقرا كل يوم الجرائد المصرية علشان نعيش همومنا علي الرغم احنا بعيد

اسف صدعتكم

سلام

كلام رائع يا عزيزى واحد تانى

فعلا الغربة احساس مر وصعب اوى ومحدش بيحس بية الا اللى اتغرب بس يعنى لو قاعدت سنة تقنع حد بية مفيش فايدة

والمشكلة ان الواحد ولا قادر يتاقلم مع الغربة ولا قادر يرجع فى وسط الطريق ويبقى خسر كل حاجة .ربنا يسامح اللى خرجنا من بلادنا وخلنا غرباء جوا مصر وبرة مصر

تحياتى

[tarek hassan]

الأخ The Professor

أنا معاك المصري بالخارج على كف عفريت في وظيفته بعكس المصري في الداخل متبت في الوظيفة بديله وسنانه والحكومة متمسكه بيه حتى لو عمل البدع ولو مشتغلش التلت ساعه في اليوم اللي بيقولوا عليها

بس اليومين دول طلعوا لنا في حكاية التعاقد علشان نبقى في الهم سوا والمصائب يجمعن المصابينا والمتعاقد ممكن يمشي في أي لحظة ويضيع عليه يا ولداه الـ 50 دورار اللي بيخادهم كل شهر واللي باصص له فيهم العاطلين عن العمل وحاسبين عليه الوظيفة

- عموما أطمنك أعرف ناس على كف عفريت من عشرات السنين بره ربنا يحميهم من القر والزن

- بس العتب في حاجه واحده إن كلنا لازم نذكر نعمة ربنا وأما بنعمة ربك فحدث

- ولازم نحترم شعور الناس واحنا بنكلمهم لا نفهمهم بشكوانا الدائمة ان احنا خايفين من قرهم حتى لا تضيع فرحتنا بقدومهم واحنا من كل قلبنا معاكم ومع قضاياكم في الخارج

تم تعديل 5 أكتوبر 2007 بواسطة tarek hassan

[afreet]

اخوانى الاعزاء

كل واحد ادلى بدلوه من واقع تجربته

بمعنى الى ربنا وفقه واشتغل شغلانه مريحه شايف السفر كويس رغم الفراق والى اشتغل شغلانه غير مريحه شايف السفر سىء والى قاعد فى مصر شايف الناس المسافره معاها فلوس وبتشتكى والى سافر شايف الناس فى مصر بتشترى عربيات وعايشه كويس وبتشتكى وطبعا فى النهايه كل واحد ينام على الجنب الى يريحه وكل واحد متعلق من عرقوبه

وهنا اريد توضيح ان المغتربين بالخارج وخصوصا فى دول الخليج نادرا ماتكون مرتباتهم مماثله لاقرانهم من الدول الاخرى بل تكون اقل ومع ظروف الحياة الحاليه اصبح تكوين مدخرات ضربا من الوهم او على حساب تنشئة الابناء ومدارسهم وبعد فتره قصيره من الغربة عادة ما يتزوج المغترب لتبتلع تكاليف الزواج ماتم ادخاره سابقا وياتى الاولاد بمزيد من الانفاق ليجد نفسه بعد 10 سنوات او 20 سنه لم يحقق اى شىء يساوى غربته تلك الفتره وابتعاده عن اهله وبلده رغم عيوبها التى لا تنتهى وتبدأ المقارنات بينه وبين زمايله الذين لم يتركوا مصر فى نفس ظروفه ليجدهم يساوونه فى كل مجالات وبدون غربه بالاضافه لثبات حياتهم وضياعه فى حال عودتة اضطراريا لاى سبب

وهنا تبدأ الشكوى والتذمر

ونصيحة منى لكل شاب مصرى يريد السفر لاحد الدول الخليجيه بان الخليج ليست جنه الله فى ارضه بل على العكس حيث ستعيش حياة مجمدة فارغه لا وظيفة لك فيها الا جمع قليل من المال فحاول الا تفعل فاذا اضطرتك ظروفك اضطرارا للسفر فاحرص على ان تحصل على عقد جيد فى شركة وليس لدى افراد وحدد مسبقا المدة التى تنوى اغترابها وخطط مسبقا انفاقك وماذا ستفعل عندما تعود واحرص على ان تكون مرتبطا قبل سفرك بخطوبه او ماشابه والا سنجدك هنا بعد عشر سنوات تشكو الم الغربة وبان حياتك ضاعت هباءا

[المكافح]

اخى الحبيب Tarek Hassan كل عام وانت وجميع منتسبى المحاورات والمصريين بخير ورمضان كريم علينا كلنا

احب اذكرك سيدى قبل انت ادلو بدلوى فى هذا الموضوع ان قولك المصرى على كف عفريب وحسب ما سمعتة من الاخوة العلماء لايجوز شرعا لان كل خلق الله على كف الرحمن وان قلوب العباد بين اصابع الرحمن يحركها كيف يشاء هذا والعهدة على الداعية وجدى غنيم والذى سمعت منة هذة المعلومة وكل عام والمصريين بخير مرة اخرى

نعود لموضوعنا اللى عاوز اقولة ان المصرى اللى تجيلة فرصة عمل برة بلدة لازم يكون فى وضع فى مصر اقل بكثير من اللى مسافر علية بمعنى ان تكون الفرصة دة افضل من مصر بمراحل علشان تكون الغربة ليها ثمن

وغير كدة لازم يكون فية هدف هو مسافر علشانة بمجرد تحقق هذا الهدف يرجع فورا وبدون تفكير لانة لو فكر مش هايرجع

لية يا جماعة لان طول مدة السفر بيفقدك مكانك فى مصر وبترجع تلاقى نفسك بتبتدى من الاول ومع ناس اصغر منك فى السن وخصوصا ان فية بعض تخصصات زى تخصصنا احنا مثلا كمحاسبين خبرات الخليج غير مطلوبة فى مصر وطبعا لاختلاف النظم والقوانين

بصفة عامة السفر يكون لهدف ولمدةمحدودة ولوحدك وانت عازب ولما يتحقق الهدف ترجع فوراً

[tarek hassan]

بارك الله فيك أخي الحبيب : المكافح

وشكرا على المعلومة القيمة حكاية كف العفريت ولأني بقصد مجازا إن الشغلانة ممكن تطير في اي وقت ومش موافقك في حكاية كف الرحمن لأننا لا نجعل لله كفا كالمخلوقات ولا نجسم وأعرف يا غالي أنك تقصد إن الأمور بيد الله كلها ودا منتهى الصح منك عموما كلامك طيب

وتسمحلي أختي نجفة المغرورة بتقول : ( إنها بتحس بعد الغربة إنها ضيف في بلدها وغريبة في بلد آخر )

أقولك أختي

- لاء كلمة مسافر غير كلمة مهاجر يعني له بلده وراجع ليها ودي بلدك والضيف ليس له إقامة وإقامتك في النهاية في بلدك لكن مع تقدم وسائل الاتصال لازم تتتواصلي مع بلدك وأهلك وناسك وانتي في غربتك وتعيشي مشاكلهم وتحكي ليهم ويحكوا ليكي ولما تيجي هتلاقي نفسك كأنك كنتي معاهم

يحكي أحد الناس ويقول أخوه قدامه أونلاين وهو أونلاين على الماسينجر في أمريكا ولا يبدأه بكلام ولو كتب له السلام عليكم لا يرد عليه بالشهور والسنين

لازم نستمر في صلة أرحامنا ونزود محبتنا وصلتنا ببعض دا زي ما قلتي أحسن من كنوز الدنيا

[mesryforever]

السلام عليكم ورحمة الله وبركاته ،،،

وكل عام وأنتم بخير بمناسبة شهر رمضان المبارك أعاده الله عليكم وعلينا بالخير واليمن والبركات

ياجماعه أنا شوفت أمثله هأحكي لكم عنها شويه مش كتير

أنا شخصياً أعرف ناس قعدوا في الغربة سنين طويله ومع ذلك معلموش أي شئ غير إنهم إتجوزو وأشتروا شقه فقط

وأعرف ناس تانية حددوا لنفسهم فتره من الغربة وكانت خمس سنوات وقال لو عملت أو معملتش هأنزل مصر - ده فعلا بعد خمس سنوات نزل فعلاً بمبلغ مش بطال وعمل له مشروع وتعالوا شوفوه دلوقتي ما شاء الله إللي إحنا بنعمله في غربة ثلاث وأربع سنوات هو بيجيبه في أقل من ثلاث شهور ولما قعدت معاه أتكلم في شغله في مصر قالي لي الآتي :

أنا مكنتش محتاج من الغربة أكثر من مبلغ أبدء به أي مشروع وفعلا وعليه لما نزل مصر عمل مشروع صغير عباره عن محل وبدء في موضوع التجارة ودلوقتي ماشاء الله عليه عنده سيارة وشقة تملك في مكان كويس وأتجوز و هو قادم على شراء قطعة أرض كبيرة بمبلغ كبير ما شاء الله

المهم هو قال لي التالي أنا سافرت علشان أجيب مبلغ معين وآخد من خبرات الغربةعلشان في مصر لو قعدت مليون سنه مش هتكون عندي أي خبره في أي مجال لأن هناك لاتوجد وسيله إني أكتسب بيها أي خبره وكنت مقتنع أنه لابد من يوم أنزل فيه مصر ، لما أنزل مصر وأنا شاب أحسن مليون مرة ما أنزل وأنا عندي 60 سنه ، وأحسن ما أشتغل عند الناس طب ما أشتغل عند نفسي على الأقل لو بديت بمشروع صغير هيكبر مع الزمن بالعمل الجاد وطبعاً قال لي إنه تعب في بداية المشروع فتره من الزمن بس كانت قناعته الحقيقه إنه كان لابد من يوم هينجح فيه

والناس لما شافوه نازل من الخليج قعدوا يقولوا له إيه اللي نزلك دي مصر بقت خراب ومفيش مشاريع ناجحه اليوم دول وهتخسر إللي إنت جايبه من الغربة ، المهم وبعد مالمشروع بدء يجيب عوائد كويسه بدء الناس إللي بيحبطوه هم إللي بيشجعوه وعلشان كده نجح في مشروعه .

دي تجربتين وياريتني أتعظ وأنزل بقة كفاية غربه

وربنا يوفق الجميع

[tarek hassan]

الأخوة الأفاضل في الخارج أنتم تتحدثون عن مصر وكأننا لا نقيم فيها وعن دول الخليج وكأننا لا نعرفها

فالأخ الفاضل mesryforever يتخيل مصر هي تفتح ذراعيها لصاحبه وكأنها أرض الميعاد أو جنة الله في الأرض وعن كيفية نجاح المشاريع دكاكين تجارة وسيارة وشقه تمليك في مكان أبهه وجوازه وقطعة أرض ومبالغ كبيرة فيحكي عن صديقه في مصر

( ليفتح مشروعا صغيرا عباره عن محل وبدء في موضوع التجارة ودلوقتي ماشاء الله عليه عنده سيارة وشقة تمليك في مكان كويس وأتجوز و هو قادم على شراء قطعة أرض كبيرة بمبلغ كبير ما شاء الله )

رجاء بلاش اسخفاف بعقولنا إحنا لسه عندنا برج مضربش فحتى نكون واقعيين لابد ألا نتكلم عن دول الخليج كأنها جهنم الحمرا ومصر جنات النعيم والله عرف أخواتك في مصر اسم صاحبك الرائع علشان يدينا درس في كيفية تحقيق الأحلام في مصر

ثم يتمنى الأخ الفاضل mesryforever على نفسه قائلا : يا ريت اتعظ وأنزل بقى !!!!!!

وأخي afreet بيقول عن الحال في دول الخليج

( ليجد نفسه بعد 10 سنوات او 20 سنه لم يحقق اى شىء يساوى غربته )

من خلال رؤيتي لأخواتي وأصدقائي كلامك غير واقعي بالمرة ( وأما بنعمة ربك فحدث )

اللهم ارزقنا وإياكم

[عطاء بلا حدود]

اخوانى الاعزاء

كل واحد ادلى بدلوه من واقع تجربته

بمعنى الى ربنا وفقه واشتغل شغلانه مريحه شايف السفر كويس رغم الفراق والى اشتغل شغلانه غير مريحه شايف السفر سىء والى قاعد فى مصر شايف الناس المسافره معاها فلوس وبتشتكى والى سافر شايف الناس فى مصر بتشترى عربيات وعايشه كويس وبتشتكى وطبعا فى النهايه كل واحد ينام على الجنب الى يريحه وكل واحد متعلق من عرقوبه

وهنا اريد توضيح ان المغتربين بالخارج وخصوصا فى دول الخليج نادرا ماتكون مرتباتهم مماثله لاقرانهم من الدول الاخرى بل تكون اقل ومع ظروف الحياة الحاليه اصبح تكوين مدخرات ضربا من الوهم او على حساب تنشئة الابناء ومدارسهم وبعد فتره قصيره من الغربة عادة ما يتزوج المغترب لتبتلع تكاليف الزواج ماتم ادخاره سابقا وياتى الاولاد بمزيد من الانفاق ليجد نفسه بعد 10 سنوات او 20 سنه لم يحقق اى شىء يساوى غربته تلك الفتره وابتعاده عن اهله وبلده رغم عيوبها التى لا تنتهى وتبدأ المقارنات بينه وبين زمايله الذين لم يتركوا مصر فى نفس ظروفه ليجدهم يساوونه فى كل مجالات وبدون غربه بالاضافه لثبات حياتهم وضياعه فى حال عودتة اضطراريا لاى سبب

وهنا تبدأ الشكوى والتذمر

ونصيحة منى لكل شاب مصرى يريد السفر لاحد الدول الخليجيه بان الخليج ليست جنه الله فى ارضه بل على العكس حيث ستعيش حياة مجمدة فارغه لا وظيفة لك فيها الا جمع قليل من المال فحاول الا تفعل فاذا اضطرتك ظروفك اضطرارا للسفر فاحرص على ان تحصل على عقد جيد فى شركة وليس لدى افراد وحدد مسبقا المدة التى تنوى اغترابها وخطط مسبقا انفاقك وماذا ستفعل عندما تعود واحرص على ان تكون مرتبطا قبل سفرك بخطوبه او ماشابه والا سنجدك هنا بعد عشر سنوات تشكو الم الغربة وبان حياتك ضاعت هباءا

كلام عاقل جدا جدا جدا

الخليج ليس امل لاي شخص

فستجد التخلف الاداري العربي المعروف

غير نظام البدوية

ونظام العجرفة والغرور على مفيش

غير نظام التفاخر بالاصل والنسب والتعالي على المصريين وغيرهم لانهم ينظرون الينا كمغتربين اننا خادمين عندهم مهما كانت وظيفتك وموقعك

اما الدول الاوروبية المتقدمة فلن يعاملوك على اساس جنسك ولونك ولكن ستتعامل على اساس عملك وبس

الخليج هييجي عليه يوم ويشحت من مصر

[عطاء بلا حدود]

الأخوة الأفاضل في الخارج أنتم تتحدثون عن مصر وكأننا لا نقيم فيها وعن دول الخليج وكأننا لا نعرفها

فالأخ الفاضل mesryforever يتخيل مصر هي تفتح ذراعيها لصاحبه وكأنها أرض الميعاد أو جنة الله في الأرض وعن كيفية نجاح المشاريع دكاكين تجارة وسيارة وشقه تمليك في مكان أبهه وجوازه وقطعة أرض ومبالغ كبيرة فيحكي عن صديقه في مصر

( ليفتح مشروعا صغيرا عباره عن محل وبدء في موضوع التجارة ودلوقتي ماشاء الله عليه عنده سيارة وشقة تمليك في مكان كويس وأتجوز و هو قادم على شراء قطعة أرض كبيرة بمبلغ كبير ما شاء الله )

رجاء بلاش اسخفاف بعقولنا إحنا لسه عندنا برج مضربش فحتى نكون واقعيين لابد ألا نتكلم عن دول الخليج كأنها جهنم الحمرا ومصر جنات النعيم والله عرف أخواتك في مصر اسم صاحبك الرائع علشان يدينا درس في كيفية تحقيق الأحلام في مصر

ثم يتمنى الأخ الفاضل mesryforever على نفسه قائلا : يا ريت اتعظ وأنزل بقى !!!!!!

وأخي afreet بيقول عن الحال في دول الخليج

( ليجد نفسه بعد 10 سنوات او 20 سنه لم يحقق اى شىء يساوى غربته )

من خلال رؤيتي لأخواتي وأصدقائي كلامك غير واقعي بالمرة ( وأما بنعمة ربك فحدث )

اللهم ارزقنا وإياكم

ياعم طارق براحة شوية

شكلك في مصر اكيد

بص ياعم الحج

انا كنت زيك كده بالظبط واكتر وكنت هتجنن واسافر وبنام واحلم عشان اخرج برا مصر المخروبة

لدرجة كنت بقوم في نص الليل وميجليش نوم وافضل ادعي عشان اسافر ومعرفش انام من كتر ما الفكرة مسيطرة جوا دماغي وشاغلة تفكيري مليون في المية لاني مقتنع تماما تماما ومازلت باقتناعي ده ان الشاب في مصر لو ملوش واسطه تشغله في شركة بترول او في مجلس الشعب يبقة ضاع ومستقبله ضايع وملوش غير سيجارتين حشيش يجيبها من اللي اتبقة من مرتبه عشان يقدر يعيش في البلد الخربانة دي

بس عايز اقولك لما سافر

الاول قبل اي حاجة الحمد لله الحمد لله مليون مرة على النعمة انا مش بكفر بيها

بس الانسان مهما يعيش فهو مشاكل فلو مشكلة الماديات اللي احنا هربنا عشانها من مصر واتغربنا اتحلت ففي مشاكل تانية بتظهرلك

انت لما تسافر حياتك كلها بتتغير مش بالكلام بس لاء دي فعلا بتتغير لحياة شاقة تعتمد فيها على نفسك

غير الوحدة القاتلة غير الناس اللي بتشوفها كل همها الفلوس كانهم حيوانات عايشين معندهمش اي مشكلة انهم يقتلو في بعض ويكذبو ويغشو عشان الفلوس يعني من الاخر مفيش حد بيحب حد يمكن في مصر يكون ليك صحاب او اهل بتفضفضلهم وبتشاركو بعض همومكم وممكن من كتر الهم تضحكو في السفر من كتر الهم هتفضل مهموم مش هتعرف تضحك

غير المواقف اللي انت ممكن تتعرضلها كتير زي حد متخلف يتكبر عليك ويعاملك معاملة وحشة ويكفي لو سمعت من صاحب الشغل بيقولك وانت بتطالب بحقك مش عجبك ارجع مصر

ياترى هتاخد الكلمة دي وتأثر في نفسيتك ازاي

هترجع مصر وانت عارف ان مستقبلها زبالة؟؟

طب هيكون عندك كم سنة وخبرتك انك تشتغل في مصر ايه.؟

هتلاقيها ولا حاجة

لانك اشتغلت شغل في الخليج وخدت خبرة فيه

بس لما ترجع مصر هتبقة مش فاهم اي حاجة في اي حاجة في شغل مصر

غير ان علاقاتك اللي كانت في مصر بتروح سنة بعد سنة

البعيد عن العين بعيد عن القلب مهما حاولت انك تكون على اتصال مع الناس اكيد بعد 5 سنين مثلا مش هتبقة الاتصالات هيه هيه

وبعدين انت فاكر ان الخليج ده فلوسه حلوة

هقولك على حاجة

الشعب الخليجي عايش حياته صح انما المغتربين لاء

يعني لما يكون الخليجي بيقبض 10 الالف ريال وانت بتقبض الفين

شوف فرق المستوى عامل ازاي وشوف التجار اللي في البلد هيبيعو سلعهم على اساس انك زيك زي الشعب مرتبك 10 الاف مع انك غلبان مرتبك الفين

هتلاقي نفسك بتصرف كتير ومخنوق وياريت اللي انت بتصرفه بيعوضك عن ضحكة او ابتسامة او راحة بال

بالعكس ده بيخليك تحس انك مخنوق اكتر

وبعدين انت لو في مصر اشتغلت سنة هتحوش مثلا الفين جنيه في السنة ده لو انت شاطر

وفي الخليج ممكن تحوش 10 الاف

طززززززززززز

هتعمل ايه بالـ 10 الاف ولا حاجة في مصر والالفين برده ولا حاجة بس النتيجة في النهاية انهم ولا حاجة

انا كلامي مش مرتب ومش منسق لاني بنام على نفسي ومهيس

بس اللي عايز اقولهولك

الحياة في مصر صعبة والغربة صعبة والرزق واحد ومكتوبلك ومفيش جنة في الارض الجنة في السما بس

والله يحرق اللي كان السبب وكلنا عارفينه الله يحرقه ويحرق ابنه قبل ميموت هو عشان نرتاح بقة المصيبة لو سوسو هانم بقت رئيسة الجمهورية بعد مالكبير يموت والصغير يتحرق بجاز وسخ

[فــيــروز]

أنا الصراحه بيلفت نظرى شئ غريب فى حديث كثيرين ممّن تركوا "مصر" و يعودوا لزيارتها فى الإجازات !!

إنّهم بيبقوا متخيّلين الناس اللىّ فضلت فى مصر -عفوا فى اللفظ- جرابيع !! و بيبقوا مستغربين جدّا إن ممكن يكونوا بيلبسوا لبس كويّس أو بياكلوا أكل نضيف حبّتين و كأن لسان حالهم بيقول : إحنا اللىّ سافرنا و بعدنا عن أهلنا و مفروض نكون أحسن من اللىّ فضلوا فى كل شئ و فى كل حاجه على طريقة "الكحكه فى إيد اليتيم عجبه" !! :unsure:

[فــيــروز]

معلش نسيت أضيف حاجه ..

فيه جمله كتبها "جلال أمين" فى مذكّراته حول شعوره بعد ذهابه للعمل بالكويت قد تصف حال من يقرّرون الاغتراب ثم يجدون صعوبه فى العوده للوطن .. الجمله دى بتقول

الدخول إلى الكويت كدخول فأر صغير فى زجاجه رأى بها قطعه كبيره من الجبن أسالت لعابه فجرى إليها دون أن يفكر فيما إذا كان سيستطيع الخروج من الزجاجه بعد أن يلتهم قطعة الجبن !!

[Ghost]

الدخول إلى الكويت كدخول فأر صغير فى زجاجه رأى بها قطعه كبيره من الجبن أسالت لعابه فجرى إليها دون أن يفكر فيما إذا كان سيستطيع الخروج من الزجاجه بعد أن يلتهم قطعة الجبن !!

excellent

[mesryforever]

الأخ العزيز tarek hassan

أولا أنا لم أستخف بعقل أي أحد

أنا في مداخلتي لم أذكر أن مصر هي جنة الله في الأرض وأن الخليج جهنم مثلما ذكرت في مداخلتك كل إللي أنا قولته إني أعرف شخص قعد فترة كبيرة ولم يستطع إنه يعمل غير الشقة وغير إنه يتجوز لو عاوزه الحكاية كاملة سوف أحكيها لك لو تحب

الشخص ده سافر إلى الغربة وهو شاب المهم حوش قرشين خلال ثلاث أو أربع سنوات ونزل إتجوز وجه طبعاً التحويشه راحت في الجواز وزي ما حضرتك عارف لما يكون الشخص بمفرده في الغربة غير لما يكون معاه زوجته وطبعاً من الطبيعي إنه يخلف المهم خلف من أول سنه وبدأ الموضوع يأخذ كيرف تاني خالص من مصاريف البيت والمصاريف الشخصية وفواتير التليفونات للبلد والدكتور والعيال ... إلخ وما إلى ذلك وهو موظف متوسط الحال وخلال الفترة الباقية خلف بنتين كمان وزادت المصاريف ده غير طبعاً بند أنا مذكرتهوش طبعاً إيجار الشقة إللي ساكن فيها كان كل سنه صاحب البناية بيزود عليه الإيجار وحالياً بناته الآن في الجامعات وما أدراك ما هي مصاريف الجامعات ، أكيد الناس إللي عندهم حد في الجامعات العربية هيقولك مصاريف قد إيه

المهم وبذلك لم يقدر في خلال الفترة دي كلها إنه يجيب غير شقة في منطقة متوسطه الحال وحمد ربنا على كده وهو قاعد في الغربة بس علشان يربي بناته فقط لا غيرفي بيئة نظيفه .بس ياعم دي قصة صاحبنه بس أرجوك ما تعيطتش من القصة الدرامية دي لأنك إنت إللي فتحت الموضوع وأحس من خلال كلامك إنك مكدبني

حكاية الموضوع التاني إن مصر هي جنة الله في الأرض

والحكاية دي حتى لو كانت من نسيج الخيال زي ما حضرتك بتقول ولو أنها واقع فعلاً - أنا ذكرت في هذه الجزئية إن الشخص كان واضع لنفسه فترة معينة وقدر بالرغم من جميع المغريات إنه يسيب كل ده وينزل مصر لأنه حقق الهدف من سفره إنه ياخد خبره وياخد ماده وأعتقد الشيئين دول هم أساس بداية أي مشروع (المادة والخبره أو المعرفه) وبعدين أنا قولت كذا حاجه

1- إنه عاوز يعمل حاجه لنفسه ولمستقبله تكون ليه ولأولاده

2- إنه جاء عليه وقت كان عاوز يرجع للغربة تاني ولكن بالصبر والإجتهاد بدأت الأمور تتحسن

وأنا والله العظيم أعرف ناس بدءوا بمشاريع صغيره في مصر وحاليا متعرفش تكلمهم بس كان عندهم الحافز والخبره

وأنا مقولتش إن إحنا مش لازم نسافر ونتغرب ، بل على العكس

معنى كلامي إنه لو أي واحد لقى فرصة مناسبه لازم يسافر لأن السفر يوسع مدارك الإنسان غير إنه بتعرف على جنسيات مختلفه

وده بالتالي يعتبر خبره كبيرة أحسن ميفضل قاعد في مكانه بدون خبره ولا يحزنون -

لازم الإنسان يسافر بس لازم يكون للسفر ده نهاية محددة بدل ميضيع شبابه وفي الأخر يرجع يندم

وأخيرا أخي tarek hassan أكن لك كل التقدير والإحترام وطبعاً الإختلاف في الرأي لا يفسد للود قضية

وكل عام وأنت و الأخوه الأعضاء بخير وسعادة