se_ Elsyed بتاريخ: 17 مارس 2008 تقديم بلاغ مشاركة بتاريخ: 17 مارس 2008 أثار القرار الذي أصدرة السيد الرئيس قائد الثورة السيد اللواء رُكن / محمد حُسني مبارك ( حفظه الله وادام ظله وبشبش الطوبة اللي هاتبقى تحت راسه ) بتدخل جهازي الشرطة والجيش في عملية عجين وخبيز وتوزيع العيش على الرعايا المصريين داخل المحروسة .. اثار حالة من الإرتياح والآنتخه العامة بين جموع الرعية ... وتوجهوا جميعاً إلى المولى عز وجل بالدعاء عسى أن يُريح القائد - راحة أبدية - كما أراحهم وازاح من على كاهلهم عبء الطوابير والبهدلة والعيش اللي مش مفقع ... ( بالمناسبة الخبر جه في جرايد النهاردة ..... وأتذاع أمبارح على البي بي سي ... آه وكتاب الله .... لما كنت قاعد في بيتي في وسط هدومي ... يعني البيجاما كانت واصل لي لحد رُكبي كده ... زي البيجامات الميكرو جيب .... آه يا كسوفي يا كسوفي ياني ياما ) -------- هذا وقد سارعت قناة " الخميرة " في قطر بإستضافة السيد اللواء / سعيد عجينة قائد القوات المدرعة لشئون الطوابين - جمع طابونه - والمسئول عن عجن العيش في المنطقة الوسطى والقاهرة والقليوبية وعلى السادة المقيمين خارجها مراعاة فروق الخبيز ... وذلك في برنامج " خلف الأقفاص " --------------------- المذيع : سادتي وسادتي ... أسعد الله مساءكم بكل خير ..... معكم المذيع عبدو طوابير من قناة الخميرة بقطر ومعنا الليلة وكل ليلة السيد اللواء سعيد عجينة قائد قوات المدرعات لشئون الطوابين ليُحدثنا اليوم عن تلك التجربة الرائدة التي انفردت بها مصر منذ أن خلق الله أدم على الأرض إلى ان تقوم الساعة ويُدخل الله الظالمين النار ... تلك النار التي كانت في الدنيا يُخبز عليها العيش لتنكوي به جباه الغلابة والمساكين في بهدلة الطوابير ... في حين كان الحُكام يأكلون التوست والكيزر والعيش الفينو أبو سمسم ويحلو بالبقسماط وهما ولا في دماغهم ... ما علينا .... عبدو : ... مساك الله بالخير طال عمرك ... عجينة : مساء النور يا إبني ... إزيك وإزي امك ؟ عبدو في سره طبعاً : إبتدينا قلة الأدب والسفالة ..... انا كويس وبخير طال عمرك وأمي مشغولة دلوقت أصلها واقفة في طابور الطابونة من 3 أيام عشان تجيب لنا بجنية عيش نتعشى به .. عجينه : هأ هأ ها .... حلوه منك على قد سنك يا عفريت .... عبدو : سيد عجينة .... هلا حدثتنا عن تلك التجربة الرائدة التي سطرت بحروف من قطران إنجازات سيادة الاخ القائد رحمه الله بعد حكم فاشي إستمر لربع قرن ادى إلى إن البلد جابت جاز ... ده حتى الجاز ما بقناش لاقيينه والناس مش عارفه تحط إيه في شعرها دلوقت عشان الحشرات والحاجات الزاحفة دي ... عجينة : شوف يا سيدي .... التجربة دي تجربة رائدة وإفتكاسة من إفتكاسات القائد بتاعنا ... وعلي الطلاق القائد بتاعنا ده دماغ .. ودماغ كبيرة قوي ... تخيل إنه ساعات ما بيعرفش يقلع الفالنة الداخلية من كبر دماغه .. عبدو : سيد عجينه ....... سوف يتم تخصيص حلقة أخرى للحديث عن الفالنات الداخلية للأخ القائد .. لكن من فضلك حدثنا عن تجربة مشاركة الشرطة والجيش والامن المركزي في موضوع العيش ... بلييييييز أبوس إيد أهلك . عجينه : شوف يا سيدي .... القائد الملهم حفظه الله ولإنه راجل عسكري .. مانت عارف إنه كان صاحب أول ضربة جوية فتحت باب الجمعية ... المهم القائد حفظه الله توصل إلى معادلة تربط بين الجيش والشُرطة والعيش في تناغم وترابط وهرموني عجيب .. عبدو : إزاي ؟!!!!!!!!!!!!!! أعدم نظري مانا فاهم .. عجينه : أقولك .... التلاتة يا سيدي بينهم عاملين مشتركين وهما : 1- الطوابير .... فالجيش والشرطة فيهم طوابير الصباح وتحية العلم وتسعة إستعد وصفا وإنتباه ... وكذلك العيش فيه طوابير للصبح .... 2- الأمن ... فالشرطة هي من تحمي امن الرئيس .. قصدي امن الشعب ... والجيش بيحمي أمن إسرائيل قصدي امن البلد كلها ... والعيش هو جزء من الأمن الغذائي لذا فالأمن هنا هو عامل مشترك ... هـ - م - ث ( وهو المطلوب إثباته ) عبدو : اللهم صلي عالنبي .. ده إيه التجليات دي ... الله يخرب بيت اللي يزعل القائد أو يجيب سيرته بحاجه بطالة .... كمل يا عم عجينه الله يخرب بيت الشعب يا أخي وربنا ياخده عشان ترتاحو – ياخد الشعب طبعاً (إنما الزعيم يفضل كده لحد ما يبقى موميا من بتوع شادي عبسلام ) .. عجينه : المهم .... لو لاحظت إن مشكلة العيش بقت مشكلة عامة في كل العالم ومحصول القمح مخستع حبتين الأيام دي .. وفلاحين العالم بقوا يزرعوا بداله كانتلوب لإنه بيكسب وفيه قرش نضيف .. ومش معقول إحنا في مصر نعمل العيش من الكانتلوب ... فالموضوع قصر معانا شويه ونتيجة إن الشعب بيتزايد زيادة رهيبة وكل واحد عمال يخلف له 5 ست عيال في السنة فالناس بقت عامله زي النمل عبدو : عفواً للمقاطعة ... 5 او ست عيال وفي السنة ؟ !!!! يا عم عجينه دي الناس قطعت الخلف في عصر الرئيس القائد من اللي بتشوفه واللي بيجيب عيلين دلوقت بيبقى ماشي في الشارع ماحدش عارف يكلمه ... عجينه : لك حق .. مانت قاعد في قطر والدولة كلها خمس أو ست أنفار ... ومش شايف حال مستشفيات الولادة عامله أزاي ... دول شغالين يابا 24 ساعة على ودنه ... المهم فالرئيس القائد مالقاش احسن مننا إحنا يا بتوع الجيش والشرطة عشان ننظم السبوبة دي .. عبدو : وما هي الآلية التي ستتبعونها ؟ عجينة : قولتي لي بقى ... كده ندخل في المفيد بعيداً عن التعقيد .... شوف يا سيدي ..... فاصل ونواصل نزل يابني طقم إعلانات هنا لحد ما أوصل الفرن وأرجع أحسن ماما تستعوقني الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Scorpion بتاريخ: 17 مارس 2008 تقديم بلاغ مشاركة بتاريخ: 17 مارس 2008 الأعلان الأول بوكس تراحيل من شباك جانبي تظهر رأس عسكري أمن مركزي يستلم الفلوس و يعطي للعميل بون .. و بنفس البون ينتقل العميل الي المدخل الخلفي للبوكس حيث عسكري أمن مركزي آخر يسلمه العيش .. و علي وجوه الجميع بما فيهم العساكر ابتسامة عريضة .. و ضحك متبادل .. و تتركز الكاميرا علي وجه طفلين علي راس كلآ منهما قفص عيش منفوخ حلو و بسمسم ... و يبتدوا يجرو و تركز الكاميرا أكثر علي السعادة و الشعر اللي بيطير .. ثم تبدأ أغنية مرحة ... و صوت نسائي يغني سوسو و لولو ما بقوش ياكلوا غير العيش .... و باباهم زعلان علشانهم ... مش عارف يملاه بأيه ... فيرد صوت رجالي ياكلوه بالحلاوة .. ياكلوه بالجاتوه ... ياكلوه بكل االي يحبوه ... المجموعة : و التسويس ... و التسويس ؟؟؟ نفس الصوت الرجالي السابق: عيش الجيش .. ما فيهش سوس ... عيش الشرطة .. كسب الهكسوس .. تيرالالاام لام .. تيراللالام .. لام .... لآم الكل .. من يحيط البوكس .. و العساكر و العيال اللي في الشارع يتوقفون فجأة و ينظرون الي نقطة و في الخلفية يظهر قصر عابدين و من فوقه سرب طائرات يقومون بالمرور فوقه تاركين بالدخان الملون شكل العلم المصري ... و يرفع الجميع ايديهم في سعادة و تترقرق الدموع في اعينهم مغنيين : يا مغذينا .. يا مفلينا ربنا يخليك ليناااااااااااا ...ربنا يخليك لينااااااااااا يا معجننا .. يا ملتتنا .. يا مخمرنا ...يا مقمرنا ربنا يحميك لينااااااا ... ربنا يحميك لينااااااا ... هاتلنا كايزر هاتلنا كايزر ... هاتلنا منه كيس و اتنين ... الصلاة عالزين الصلاة عالزين .... تتصاعد التترات و التي تنتهي بجملة : مع تحيات الهيئة العامة للأستهبالات كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
se_ Elsyed بتاريخ: 17 مارس 2008 كاتب الموضوع تقديم بلاغ مشاركة بتاريخ: 17 مارس 2008 شكراً للإبن البار سكوب على تشريفة للموضوع .. بس من فضلك أقف في اخر الطابور .. مش عشان إنت صاحبي وحبيبي يبقى تبلطج وتدخل قدام الناس .. ------------ عجينة : شوف يا عبدو يابني ... إحنا عندنا حوالي 80 مليون مصراوي في عين العدو ... نقول منهم 60 عايشين في مصر والباقي يا إما في السعودية او في الكويت وفي منهم كتير ماتوا في العراق وأرتاحوا ... معايا ؟ عبدو : معاك يا جبار عجيبنه : سليم ... كل واحد عايش جوه مصر وعايز ياكل عيش يبقى لازم يطلع له رقم قومي ... عبدو : طب ماهو موجود حضرتك ؟ عجينه : يابني دكهوا بتاع البطاقات السخصية وجواز السفر والحاجات دي .. لكن داهوت هايبقى مخصص للعيش .. ولازم كل مواطن يعمل فيش وتشبيه ويبصم بالعشرة في أقرب قسم له عشان الداتا بيز اللي أنا عملنا لها برنامج مخصوص وسميناه " داتا عيش " عبدو : طب داتا داتا عليه وفهمني ليه عدم اللامؤخذه ؟ عجينة : أومال نسيطر على البشر دي ازاي ونعرف كمية إستهلاكه من العيش أبو رده إزاي ؟ عبدو : آه صح ما تأخذنيش أصلي ساعات بأهيس ... هـــا وبعدين عجينة : ييجي بقى المواطن من دول يقوم من النوم الصبح في الفجرية والديك بيدن كوكو كو كو ... يروح الفرن ... يلاقي واحد مخبر مستنية قدام باب الفرن عبدو : عارف ... يروح المخبر لازقه على قفاه .. ويقولوا له : إيه اللي مصحيك بدري يا قفا ؟ عجينة : من فضلك مش عايز تريقه على المواطن المصري اللي كرامته هي شغلنا الشاغل .. عبدو : اومال إيه فايدة المخبر عالصبح سعادتك يا فندم ؟ عجينة : ده يا سيدي هاينظر للمواطن المحترم بكل وقار وإجلال ويقوله ... تعالى يالا أبصم على ورقة فيها عدد الأرغفة اللي إشتريتها يا روح أمك إنت فاكر البلد سايبه ؟ ... واخر اليوم الورق ده يتلم وندخله على قاعدة البيانات اللي عندنا ونطبع بقى كل فترة إحصائيات ودراسات وإرهاصات عن إستهلاك كل فرد من الفروده للعيش ... عبدو : طب والـ 20 مليون المغتربين لما ييجوا اجازات ياكلوا إيه ؟ عجينة : مع نفسهم عبدو : مش فاهم :unsure: عجينة : يعني علي النعمة المغترب من دول اللي هاييجي زيارة لو قرب على رغيف عيش او هوب ناحية أي فرن لأقطع له رجله واخليه مكسح بقية حياته عشان يبقى عِبرة لكل من تسول له نفسه إنه يعتدي على مقدرات الثورة ومكتسبات الشعب عبدو : برضوا يعملوا إيه في الأجازة سيادتك ؟ عجينة : قولت لي يا سيدي .... حاكم المغترب من دول بيبقى راجع من بره شايل ومحمل .. إيشي دولارات .. على يوروهات على ينات على فيديوهات على شربات على فالنات .. ومعاه مش معهشي ... فدول هاننزل لهم عيش سياحي الرغيف بخمسة جنيه وهايتباع في السوق الحُرة ويتصرف بالباسبور ... وهايبقى مسئول عن تنظيم الموضوع ده شرطة الجوازات والهجرة وابناءنا في الخارج عبدو : برضوا لسه مش لاقي دور للشرطة والجيش لحد دلوقت ... عجينة : جايلك في الكلام يا عوبد الورد وما تستعجلنيش عشان الموضوع ما يعجينش منك ... عبدو : لت واعجن يا معلم دي السهرة صباحي ... يُتبع الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
عصام بتاريخ: 17 مارس 2008 تقديم بلاغ مشاركة بتاريخ: 17 مارس 2008 شاشة سودا .. وموسيقى بودا بار فى الخلفية ثم يبدأ سطر أبيض فى الظهور ببطء .. "بلدنا بتتقدم بينا .. الحزب الوطنى الديمقراطى" يختفى السطر وتسود الشاشة ليظهر مكانه ببطء سطر آخر "الفكر الجديد ... والعبور للمستقبل" يختفى السطر وتسود الشاشة .. صورة الرئيس (بتاعة الانتخابات) وصوت مذيع ينوه عن موعد إعادة حلقة أديب والرئيس مبارك قبيل الانتخابات الرئاسية الماضية .. متبوعة بــ "بناءا على طلب المشاهدين" يعقبه إعلان عن حديد عز :unsure: [وسط]!Question everything [/وسط] رابط هذا التعليق شارك المزيد من خيارات المشاركة
رحاب بتاريخ: 17 مارس 2008 تقديم بلاغ مشاركة بتاريخ: 17 مارس 2008 يعنى يا ريت يا سى السيد توضح لنا اجابة السؤال ده ما هو شعار الحمله الانتخابيه للحاج ابو جمال وولده بعد هذا الانجاز الرائع (تولى الشرطه والجيش شئون العجين فى الوطن الحبيب)وشكرا اه يا جرحى المكابر وطنى ليس حقيبه وانا لس المسافر رابط هذا التعليق شارك المزيد من خيارات المشاركة
se_ Elsyed بتاريخ: 17 مارس 2008 كاتب الموضوع تقديم بلاغ مشاركة بتاريخ: 17 مارس 2008 قمت بحذف المداخلة وبالتالي الردود عليها لإن إتضح لي إن جُملة " ليس بالخبز وحده يحيا الإنسان " هي نص من نصوص الإنجيل .... وأنا بأقدم إعتذار أرجو أن يكون مقبول للأخوة المسيحيين بالمنتدى ولكنني لم أكن اعرف بالمرة أنها جُملة بالإنجيل ومن كثر ترديدها في الاعمال الفنية أو الأحاديث الإعلامية ظننت انها جُملة عادية او شعار مثلاً .. أسف مرة أخرى وأرجو ان تُحسنوا الظن بي .... سي السيد الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Folana بتاريخ: 17 مارس 2008 تقديم بلاغ مشاركة بتاريخ: 17 مارس 2008 السلام عليكم ورحمة الله... لألألألأ...أنا سمعت ان الشعار حيبقى.... ليس بطابورالخبز وحده تموتون؟؟؟ :unsure: ..الحل مع الشرطة، حتجيب لكم(باذنك يارب) جنون :) اللى مجننى بقى فعلا...ان طاقم الشرطة كان بيوصل له اجدعها طاولة عيش وقت مايحب ....دوئتى بقى لما يبقى الفرن جوه المخفر....ياترى حنلاقى عيش لنا؟؟؟ { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
~Heba~ بتاريخ: 17 مارس 2008 تقديم بلاغ مشاركة بتاريخ: 17 مارس 2008 الأعلان الأولبوكس تراحيل من شباك جانبي تظهر رأس عسكري أمن مركزي يستلم الفلوس و يعطي للعميل بون .. و بنفس البون ينتقل العميل الي المدخل الخلفي للبوكس حيث عسكري أمن مركزي آخر يسلمه العيش .. و علي وجوه الجميع بما فيهم العساكر ابتسامة عريضة .. و ضحك متبادل .. و تتركز الكاميرا علي وجه طفلين علي راس كلآ منهما قفص عيش منفوخ حلو و بسمسم ... و يبتدوا يجرو و تركز الكاميرا أكثر علي السعادة و الشعر اللي بيطير .. ثم تبدأ أغنية مرحة ... و صوت نسائي يغني سوسو و لولو ما بقوش ياكلوا غير العيش .... و باباهم زعلان علشانهم ... مش عارف يملاه بأيه ... فيرد صوت رجالي ياكلوه بالحلاوة .. ياكلوه بالجاتوه ... ياكلوه بكل االي يحبوه ... المجموعة : و التسويس ... و التسويس ؟؟؟ نفس الصوت الرجالي السابق: عيش الجيش .. ما فيهش سوس ... عيش الشرطة .. كسب الهكسوس .. تيرالالاام لام .. تيراللالام .. لام .... لآم الكل .. من يحيط البوكس .. و العساكر و العيال اللي في الشارع يتوقفون فجأة و ينظرون الي نقطة و في الخلفية يظهر قصر عابدين و من فوقه سرب طائرات يقومون بالمرور فوقه تاركين بالدخان الملون شكل العلم المصري ... و يرفع الجميع ايديهم في سعادة و تترقرق الدموع في اعينهم مغنيين : يا مغذينا .. يا مفلينا ربنا يخليك ليناااااااااااا ...ربنا يخليك لينااااااااااا يا معجننا .. يا ملتتنا .. يا مخمرنا ...يا مقمرنا ربنا يحميك لينااااااا ... ربنا يحميك لينااااااا ... هاتلنا كايزر هاتلنا كايزر ... هاتلنا منه كيس و اتنين ... الصلاة عالزين الصلاة عالزين .... تتصاعد التترات و التي تنتهي بجملة : مع تحيات الهيئة العامة للأستهبالات ياااااااااااااااااااااااااااه :) :ninja: :ninja: :lol: :lol: يا استذ سكوب اما حلوة بشكل و الله انا ضحكت ضحك بجد شكرا الحالة النفسية الهبابية اتحسنت كتير :) و شكرا يا استاذ اس اس على الموضوع الحلو :unsure: الا حضرتك اسم ايه اصل سى السيد ده اسم واسع وكبير أقلل عتابك فالبقاء قليل...و الدهر يعدل تارة و يميل رابط هذا التعليق شارك المزيد من خيارات المشاركة
somebody بتاريخ: 7 يونيو 2008 تقديم بلاغ مشاركة بتاريخ: 7 يونيو 2008 هههههههههههههه ____________________________________________________ طيب انت ليه مش متعاطف مع الناس ال هتيجي من بلاد بره &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& ( إِنَّ بَطْشَ رَبِّكَ لَشَدِيدٌ (12) إِنَّهُ هُوَ يُبْدِئُ وَيُعِيدُ (13) وَهُوَ الْغَفُورُ الْوَدُودُ (14) ذُو الْعَرْشِ الْمَجِيدُ (15) فَعَّالٌ لِّمَا يُرِيدُ (16) ) سورة البروج *********************************************************************** http://audio.islamweb.net/audio/index.php?...d=527&rid=1 _______________________________________________________________________ http://www.55a.net &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان