se_ Elsyed بتاريخ: 5 مايو 2008 تقديم بلاغ مشاركة بتاريخ: 5 مايو 2008 ناس كتير إنتقدت الأستاذ المبدع ممتاز القُط على مقال الملوخيه اللي كتبه من حوالي سنتين وأنا باختلف معاهم ما هو الريس برضوا أصله من الأرياف وبالتأكيد كان عندهم ملوخيه يبقى فيها إيه لما الريس نفسه تهف عالملوخية يا ناس ؟ بس طبعا ملوخيتهم لازم تكون غير ملوخيتنا اللي خالتكم أم س س بتقعد تقطفها وتنشفها وبعدين تطش لها التقليه وتلم علينا الجيران من ريحتها الفحفاحه ... لأ يا معلم .. دي ملوكيه آلا فغانس ... بيقولك بقى يا سيدي الا ما إنتا الملوخيه الفرنساوي دي بتتعمل للرؤساء بطريقة مختلفة تماماً عن ملوخيتنا اللي بتسيب بطننا وتخليك كل شويه تجري عالحمام .. يعني من أول ما تتزرع إلى أن تدخل في الطشة ... - فأولاً ... مطعم مكسيم هو اللي بيورد وجبات للرؤساء بيعمل كل سنه مسابقة لإختيار 5 من ملكات جمال فرنسا خصوصي خصوصي لموضوع الملوخية .. إوعى يا معلم .... يعني مش محتاج آبيتايزر يابا ... - ثانياً : الملوخية دي بتبقى مزروعة بقى في صوبات زجاجية وتُسقى بالشمبانيا والويسكي والنبيذ الفرنسي المُعتق منذ عهد لويس سانك .... وده لمدة 3 شهور لحد ما تلاقي عود الملوخية ماشي يتطوح ويخبط في الأعواد اللي جانبه . - ثالثا : يجيبوا بقى بنتين من البنات الصواريخ دول وبكل خفه ودلع يقطفوا محصول الملوخية من الغيط وكإنهم بيقطفوا ياسمين ، وتشوف البنت من دول يا معلم وهي بتمد إيدها على العود يبقى جلبك هاينخلع من مكانه ... ويقوموا لفين اوراق الملوخية دي بقى في ورق سلوفان ... ورقه حمرا وورقا صفر وورقا بيضا ... بلون علم فرنسا ... وكإنهم بيكفنوها تقديراً لدورها في التقريب بين الشعوب . - رابعاً : تنقع الملوخية في محلول من ماء الورد والكولونيا لمدة 3 أيام عشان تتطهر وتتعقم ... - خامساً .. يقوم المطعم بتنشيف الملوخية عن طريق إنهم بيفردوها على جرايد فرنسية من الغالية زي اللوموند واللو ماتان وتفضل البنات الحلوين دول لمدة 3 أيام يعملوا : هووف هووف هووف لحد ما الملوخيه تنشف على نار هاديه . - سادساً : تيجي بقى خطوة تخريط الملوخية ... المخرطة بقى مش زي بتاعتنا تلاقيها جامده وممكن تطير بها رقبة حد .. لأ دي مخارط فضة وفي منها دهب ... وتقعد البت الحلوه الفرنساوية من دول على الطبلية الفرنساوي وهي لابسه ميني جيب ... ما حدش يفهمني غلط ... وهاتك يا تخريط بحنيه لحد الملوخية ما تدوب في إيديها .. - سابعاً : تيجي أخطر خطوة وهي طريقة طبخ الملوخية ... ودي للأسف ما عرفتش أجيبها لكو .... لإن المطعم بيحتفظ بسرها كسر حربي لا يُمكن الإفصاح عنه تحت أي ظروف . - ثامناً : ييجي بقى قصر الرئاسة المصري يديهم ميسدايه معناها إن الريس عايز يعمل دماغ ملوخيه النهارده ... هوب يروح المطعم غارف له طبق مُعتبر .. وطيران على المطار السري في باريس ... ويكونوا مجهزين أحدث أسطول طائرات سوخوي اللي أسرع من الصوت مُكون من 3 طائرات .. طيارة شايلة الملوخية .. وطيارة شايلة البنات اللي بيقدموا الملوخية ... والطيارة الثالثة بتبقى تأمين وحماية للموكب ... واحد هايسألني ويقولي أسرع من الصوت يعني إيه يابا الحاج سين سين ؟ أقول له : يعني الريس قبل ما يقول عايز مولو ..... وقبل ما يقول خيه ... تكون الطيارات وصلت مطارا ألماظه ومعاها صاروخين من البنات الفرنساوي ، واحده شايله الملوخية على دماغها زي ما تكون نازلة تدلع تملى القلل .. والتانية شايله قفص عيش فرنساوي مخبوز من أخر انواع الدقيق المصري المدعم والمُهرب لفرنسا ... وياخدوا طيارة هليكوبتر من نوع أباتشي من ألماظا على قصر عابدين عِدل .. يعني هما ياكلوا ملوخيه فرنساوي ... وإحنا هنا بنكح تراب ومش لاقيين عُقب سوجاره نعدل به دماغنا . ------------ بإعتضر إني ما هاقدر اطلب من فناننا التشكيلي ليدو إنه يدعم الموضوع بالصور عشان الصواريخ الفرنسية دي ممكن تخدش حياءنا الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
ELSHAMY بتاريخ: 5 مايو 2008 تقديم بلاغ مشاركة بتاريخ: 5 مايو 2008 روح يا شيخ ربنا يكرمك فتحت نفسى على.....................................................الملوخية :) ...ما تفهمنيش غلط. ...الا ما قلتلناش يا با الحاج...وسيادته بيطفحها لوحده...ولا الصواريخ بتطفحها له.... كن كما قال رسول الله صلى الله عليه وسلم : ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة ) رابط هذا التعليق شارك المزيد من خيارات المشاركة
Handasah بتاريخ: 5 مايو 2008 تقديم بلاغ مشاركة بتاريخ: 5 مايو 2008 وبعد مايكلها اية اهم الاعراض بقى بعد كدة نحب نسئل ؟ نسئل مين ماما سوزان ولا مين :) وقولى بقى اما الست سوزان تطلب هيا الملوخية مين اللى بيجبهالها صواريخ من اى نوع ؟؟؟؟؟؟؟ :wub: wst:: همـســة إذا أتعبتك الدنيا فلا تحزن فإن الله يشتاق لسماع صوتك وأنت تدعوه لا تنتظر السعادة حتى تبتسم ولكن أبتسم حتى تكون سعيداً لماذا تدمن التفكير والله ولي التدبير ؟ لماذا القلق من المجهول وكل شيء عند الله معلوم ؟ لذلك أطمئن فأنت في عين الله الحفيظ وقل بقلبك ولسانك {فوضت أمري إلى الله} فإن الله بصير بالعباد وتذكر أن الرب رحيم كريم وإن مع العسر يسرا اللهم صلِ على محمد وآله وسلًم تسليماً كثيراَ ابوعمر رابط هذا التعليق شارك المزيد من خيارات المشاركة
مسافر زاده الخيال بتاريخ: 5 مايو 2008 تقديم بلاغ مشاركة بتاريخ: 5 مايو 2008 رغم انو ماليش في الطور ولا في الطحين لكن اول مجات سيرة الملوخية رحت جري على مطعم يماني وجبت ملوخيه دوغري راية في البلكونه... شاره عالعربية.... زملكاوي عيلتي كلها زملكاويه رابط هذا التعليق شارك المزيد من خيارات المشاركة
madzoro بتاريخ: 6 مايو 2008 تقديم بلاغ مشاركة بتاريخ: 6 مايو 2008 يا سلام يا سي السيد لو تكمل جميلك و تقولي الشهقة الفرنساوي عاملة ازاي french sha'ah............. رابط هذا التعليق شارك المزيد من خيارات المشاركة
se_ Elsyed بتاريخ: 6 مايو 2008 كاتب الموضوع تقديم بلاغ مشاركة بتاريخ: 6 مايو 2008 روح يا شيخ ربنا يكرمكفتحت نفسى على.....................................................الملوخية :blink: ...ما تفهمنيش غلط. فاهمك يا دوك كويس ... ويا بختك ... يوم ما تحب تاكل ملوخيه هاتميل على الكيبك وتعوم هناك ... -------------------- وقولى بقى اما الست سوزان تطلب هيا الملوخية مين اللى بيجبهالها صواريخ من اى نوع ما فيش عندنا حريم بياكلوا ملوخيه فرنساوي عيب يابو عمر ... ---------------------- رغم انو ماليش في الطور ولا في الطحين لكن اول مجات سيرة الملوخية رحت جري على مطعم يماني وجبت ملوخيه دوغري جرب أي مطعم مصر للاكلات الشعبية .. وستشعر بالفرق ... بس برضوا الفرنساوي يكسب ... ----------- لو تكمل جميلك و تقولي الشهقة الفرنساوي عاملة ازاي امبوسيبل .... مش هاقولك عشان ما أخدش إنذار .... هابعته الك أوديو فايل في رسالة خاصة الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان