استفسار عن إضافة مولود لجواز السفر بالسعوديه

[bogii]

السلام عليكم ورحمة الله وبركاته

إخواني معاكم أخوكم احمد مهندس بالرياض

وإن شاء الله في إنتظار مولود جديد

وكنت عاوز اعرف من أهل الخبره ايه الخطوات اللي تخليني اقدر اضيفه علي جواز سفر والدته من هنا في الرياض

وهل لازم أطلعله شهادة ميلاد اللي بتعملها وازرة الداخليه السعوديه لغير السعوديين ؟!!

وهل ممكن أطلع شهادة الميلاد المصريه من السفاره... ولا استني انزل الاجازه واطلعها من مصر افضل ؟؟؟

وشكرا لمساعدتكم

[ام عمر المصرية]

كان نفسي افيدك بس الخير و البركة في عتولة المنتدي و جهابزته و يا رب البيبي يوصل بالسلامة و يتم نفاس مامته علي خير

[النيل حبيبي]

الف مبروك ياباشمهندس عمارة الجيران

تاخد شهادة المستشفي وعلي طول تروح علي تسجيل المواليد بالناصريه

بيسلموك شهاده مؤقته،ان شاء الله بعد انتهاء التطعيم بيسلموك النهائيه

بتضيفها علي الاقامه من الجوازات،جواز سفر الزوجه من السفارة

ممكن تطلع شهادة لكن حتستلمها بعد شهرين من السفاره

[أسد]

أول حاجة ... مبروك المولود .. وربنا يكرمك فيه ويجعل فيه الخير الكثير .. وبار بك وبأمه ..

ثاني حاجة .. تاخد تبليغ الولادة من المستشفى .. وتروح الناصرية مكتب تسجيل المواليد .. وتسجل المولود .. وتستخرج له شهادة ميلاد مؤقة .. النهائية تصدر لك بعد سنة من تاريخه .. بعد أن تكون أكملت التطعيمات اللازمة خلال السنة الأولى.

هذا الإجراء هام جداً .. ويجب أن يتم خلال 15 يوم من تاريخ الولادة .. وإذا تأخرت .. ستضطر لعمل إجراءات طويلة ورخمة ومرهقة لاستصدار تلك الشهادة ..

هذه الشهادة ضرورية لكل حاجة في حياتك لحد ماتنزل مصر ..

بموجب تلك الشهادة حتروح السفارة .. وتضيف المولود في جواز سفر والدته .. بمنهى السهولة ..

ثم تضيفه على الإقامة .. أو تستخرج له إقامة جديدة إذا كنت من أصحاب الإقامات الجديدة ..

وبالتالي .. يمكنك عمل تأشيرة خروج وعودة ..

طبعاً بدون شهادة الميلاد المؤقتة مش حتعرف تعمل حاجة من دي ..

لما تنزل مصر .. تروح مصلحة الأحوال المدنية في العباسية .. حياخدوا منك شهادة الميلاد السعودي (الأصل) .. ويصدروا لك شهادة ميلاد مصري .. ويسجلوا لك فيها محل الميلاد السعودية ..

بس خلاص ..

أي خدمة ..

[shofa2003]

أصحاب الإقامات الجديدة ???????????????

هو فيه نظام جديد للاقامة ؟؟؟

ارجو الافادة

[النيل حبيبي]

هو فين بوجي وطمطم

الاقامه الجديدة بطاقه لكل فرد فى العائله

وليست دفتر يلم شملهم

[kazabaza]

طيب ممكن حد يفيدنا بالاجراءات اذا كانت الولاده هتكون في مصر؟

بمعنى ان الزوجه هتنزل "خروج و عودة" لتتم عمليه الولاده في مصر مع الاهل ثم تعود

مع الشكر

[النيل حبيبي]

كده العمليه حتبقى فى النمليه

حتضيفها عالجواز

وتدفع الفين ريال لما تضيفها على الاقامه

[bogii]

يا جماعه والله أنا شاكر جدا لاهتمامكم وردودكم

وجزاكم الله خيرا

تم تعديل 23 مايو 2008 بواسطة bogii

[ahmedabedeen]

طيب ان امكن حد يفيدنا بمعلومات عن تسجيل المولود انا اقيم بالطائف وان شاء الله سوف يأتى مولود جديد الشهر القادم

ملحوظه كل واحد من افراد عائلتى له جواز سفر منفصل وبالتالى فكل واحد يجب ان يكون له تأشيره زهاب وعوده منفصل

[Mohamed Badry]

كده العمليه حتبقى فى النمليه

حتضيفها عالجواز

وتدفع الفين ريال لما تضيفها على الاقامه

السلام عليكم و رحمة الله و بركاته

اسف للسادة المشرفين على تكرار السؤال بس انا لقيت الموضوع ده أقرب لاستفسارى و مكنتش خدت بالى منه فى الأول

انا مهندس اتصالات اقيم فى المملكة منذ حوالى 3 سنين و أعمل الان فى الدمام

زوجتى الان فى مصر لظروف الحمل و الولادة و معها تأشيرة خروج و وعودة 6 شهور تنتهى فى 1 فبراير 2011

ما هى الاجراءات المطلوبة عند العودة للملكة مرة اخرها و معها المولود انشاء الله وكم تستغرق من وقت تقريبا

مع العلم ان :

1- موعد الولادة ان شاء الله 15 ديسمبر 2010

2- جواز سفر زوجتى بالرقم القومى (الجديد)

3- اقامة زوجتى كاقامتى الالكترونية (الكارت) و تنتهى 1 مارس 2011

و شكرا

[Mohamed Badry]

كده العمليه حتبقى فى النمليه

حتضيفها عالجواز

وتدفع الفين ريال لما تضيفها على الاقامه

السلام عليكم و رحمة الله و بركاته

اسف للسادة المشرفين على تكرار السؤال بس انا لقيت الموضوع ده أقرب لاستفسارى و مكنتش خدت بالى منه فى الأول

انا مهندس اتصالات اقيم فى المملكة منذ حوالى 3 سنين و أعمل الان فى الدمام

زوجتى الان فى مصر لظروف الحمل و الولادة و معها تأشيرة خروج و وعودة 6 شهور تنتهى فى 1 فبراير 2011

ما هى الاجراءات المطلوبة عند العودة للملكة مرة اخرها و معها المولود انشاء الله وكم تستغرق من وقت تقريبا

مع العلم ان :

1- موعد الولادة ان شاء الله 15 ديسمبر 2010

2- جواز سفر زوجتى بالرقم القومى (الجديد)

3- اقامة زوجتى كاقامتى الالكترونية (الكارت) و تنتهى 1 مارس 2011

و شكرا

السلام عليكم يا شباب

متعودين منكم على سرعة الرد و المساعدة

نرجو الافادة لانى كمان احنمال انزل مصر بعد شهر