اذهب إلى المحتوى
محاورات المصريين

مغتربين فى الخليج ....مهاجرين فى كندا

ABO ADAM
 مشاركة

Recommended Posts

ABO ADAM عضو جديد

ABO ADAM

بتاريخ:
بتاريخ: (معدل)

الواحد مننا شغال فى الخليج ...مرتب ظريف...بيت لطيف... عربية جديدة........و شوية فلوس تحويش كمان...

طب اية اللى بيخلية يفكر يهاجر على كندا......و كمان يبقى بيمووت عليها و قلبو يهفهف كل ما تيجى سيرتها...حب حب يعنى

يمكن:

1- عل رأى المثل It's always greener on the other side

2-الواحد عارف انو راجع راجع ...فنرجع على كندا احسن

3- فى مصر حياة من غير فلوس....فى الخليج فلوس من غير حياة

4- الواحد اتعود على شوية النظام و النضافة فى الخليج

5-عادى يعنى تغيير ....او زهق ....

أخواننا اللى سبقونا ...والى لسة مقدمين زى حالاتنا كدة ...اية رأيكم ..؟؟؟؟؟؟؟؟

تم تعديل بواسطة ABO ADAM

عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم

رابط هذا التعليق
شارك
  • الردود 45
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

أحمد سيف عضو جديد

أحمد سيف

بتاريخ:
بتاريخ:

كل الأسباب اللي حضرتك ذكرتها ... ويمكن في سبب مهم كمان وهو إنه دوام الحال من المحال والخليج مش هايفضل طول عمره أمان وفلوس وراحه للكل، العيشه دلوقتي بقت أصعب والمنافسه أشرس والدول دي بتحاول تضيق على الأجنبي في شغله وحياته ، واللي عاش في الخليج قبل 20-30 سنه وحاول يقارنه بوضع الخليج دلوقتي عارف أنا أقصد إيه.

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك
somayasaleh عضو جديد

somayasaleh

بتاريخ:
بتاريخ:
كل الأسباب اللي حضرتك ذكرتها ... ويمكن في سبب مهم كمان وهو إنه دوام الحال من المحال والخليج مش هايفضل طول عمره أمان وفلوس وراحه للكل، العيشه دلوقتي بقت أصعب والمنافسه أشرس والدول دي بتحاول تضيق على الأجنبي في شغله وحياته ، واللي عاش في الخليج قبل 20-30 سنه وحاول يقارنه بوضع الخليج دلوقتي عارف أنا أقصد إيه.

انا معاكم في كل الكلام ده

وازيد ان الهجرة فيها امان وضمان للاولاد لمستقبل اكتر اشراقا من البلاد العربية

وحرية في الراي والتصرف بدون تسيب :closedeyes:

لا تجبر الانسان و لا تخـــــــــيره ........ يكفيه ما فيه من عقل بيحيــــــره

اللي النهارده بيطلبه و يشتهــــيه ........ هو اللي بكره ح يشتهي يغيـــــره

معلومات تهم المسافر حديثا

http://www.egyptiantalks.org/invb/?showtopic=76997&st=30

رابط هذا التعليق
شارك
Bassam El Sayed عضو جديد

Bassam El Sayed

بتاريخ:
بتاريخ:

استاذ ABO ADAM

قبل كل شىء الحمد لله على كل شىء وكل حال؟

مهما كان الخليج افضل بكتير من مصر فى الوقت الحالى على الاقل اخر كل شهر بيطلع لك مبلغ تحوشة مهما كان بسيط .

لكن فية مشاكل كبيرة جدا فى الخليج

1- غير امان بالمرة اذا فكرت فى المستقبل

2- تحكم الشركة او الكفيل (وما تقليش الشركات المحترمة محترمة لانى امامى امثلة من اكبر الشركات وبهدلت الموظفين لما فكروا يمشوا علشان فرصة افضل)

3- غلاء المعيشة الغير طبيعى هتقلى الغلاء فى كل حتة هقلك الغلاء هنا غير متناسب اطلاقا مع الدخل يعنى لو واحد متوسط الدخل فى الخليج حب يجيب مراتة وهو بدون اولاد مجرد تعيش معاة راتبة بالكامل هيصرفة ايجار لشقة والاكل والشرب . علشان تاجر شقة فى مكان كويس لن تقل عن 4000 الى 5000 الاف جنية فقط ايجار للشقة واستثنى من ذلك السعودية لرخص السكن فيها

4- لا يوجد اى مكان جيد للتعليم او الدراسة

5- فى الدول المتقدمة فى العالم يحددون اسعار ايجارات الشقق لتكون فى المتوسط من 20% الى 25% من الراتب اما فى الخليج فمن الممكن ان يلتهم ايجار الشقة اكتر من 50% من الراتب وكما قلت استثنى السعودية

6- لا يوجد لك اى حقوق موافد مصرى اذا حدثت لك مشكلة مع الخليجى صاحب البلد وهتلاقى نفسك فى المخفر بتنضرب علقة ما خدهاش حمار فى مطلع وتانى يوم هتلاقى نفسك على الطيارة

7-احنا دلوقتى بنلعب فى الوقت الضايع فى الخليج (ودة كلام كل الناس الى سبقونا وعملوا فلوس بجد من هنا مش اى كلام)

8- كل شهر فى قانون جديد فى ادارة الهجرة (ممنوع الزيارة - مسموح الزيارة - ممنوع جنسيات معينة تدخل البلد - ممنوع الزيارة لاكثر من شهر - مسموح الزيارة ب 3 شهور - ممنوع جلب اى عمالة نهائيا لمدة معينة)

9- لن تستطيع ان تقضى اى مصلحة سواء عمل او رخصة قيادة او اى شىء الا بالواسطة والى بيتكلموا عن الكوسة والواسطة فى مصر ييجوا الخليج يشوفوا .

وكفاية كدة النهاردة

رابط هذا التعليق
شارك
alaashabana عضو جديد

alaashabana

بتاريخ:
بتاريخ:

ياريت الاقى رد .. بس الواحد لو اتكلم هيقول كتير .

بس كفاية يا جماعة ان الشهادات بتاعتنا وبتاع الخليج مشم عترف بها على مستوى العالم وانك لو رحت كندا هيقولك مش تلزمنا فى حاجة.

كندا مش مستقبل لينا اكتر ما هتكون مستقبل لاولادنا بعد كدة...

انا عارف ان الحياة صعبة فى كندا وعلشان تشتغل شغل محترم وكويس لازم اكتر من 100% اجتهاد بجد ومذاكرة علشان نوصل لمستوى تعليمهم .. بس صدقونى دى حاجة تشجعنا اننا نبذل جهد اكتر بكتير علشان نوصل للعالمية ونبقى بجد محترمين فى حياتنا وفى مجتمع بيحترم الانسانية

يمكن احنا بنفكر لكندا رغم صعوبات الهجرة والعمل فيها بس علشان شايفين قدامنا ان علىالاقل هنعيش كأنسان محترم سواء كنت فقير او غنى..

يمكنهنا فى الامارات زى ما قال زميلنا المحترم ان فعلا الامارات لمؤهلات معينة فقط علشان تعرف تعيش انت وزوجتك واولادك .. وفعلا مش دايمة لاننا مهددين فى اى وقت بالكنسلة او الحرمان من دخول البلد .. غير القوانين اللى بتطلع كل يوم والتانى لغاية الواحد مش بقى عارف اللى لية من اللى علية .. كفاية كدة احسن الواحد خلاص زهق

بس بعد كل شئ احنا احسن من غيرنا كتير ولازم نحمد ربنا على اللى احنا فية .. وفكرة كندا مش مجرد والله وهم ولا حاجة بس طموح

لما كنا فى مصر كان نفسنا نوصل لنص العالمية " خبرة الوطن العربى يعنى والشركات الكبيرة " دلوقتى بعد الحمد لله ما وصلنا لكدة نفسنا نوصل للعالمية الكاملة " الشركات الاجنبية العملاقة والتى تحتل مراكز على مستوى العالم ..

زى لاعب الكورة درجة الثانية بيتمنى انة يتنقل درجة اولى وبعد كدة يتمنى انه يبقى لاعب دولى فى اندية دولية ..

اللهم ارزقنا رزقا حلال طيبا مبارك فية ... اللهم حقق احلامنا فى الحياة الدنيا وارزقنا الجنة فى الاخرة .. اللهم اكتب لنا كل ما هو خير لنا ولاهلنا وابعدنا عن كل ما هو شر وسؤ .. اللهم اعفو عنا وارحمنا واكتبنا من الصلاحين .. امين امين امين ......

السلام عليكم

WE WAIT FOR SOME ONE , WE WAIT FOR SOME THING, WE WAIT FOR CALL , WE WAIT FOR CHANGE , ALL WE HAVE JUST WAITING

رابط هذا التعليق
شارك
samehelassad عضو جديد

samehelassad

بتاريخ:
بتاريخ:

ياحسيني تعددت الاسباب والهدف واحد. والهدف دة بسيط وهو حقوق الانسان وحفظ كرامة الانسان وطموح شريف ووطن نظيف. وبالتالي كل الناس اللي في المنتدى دول ليهم تقريبا نفس الدماغ والتفكير. وعلى فكرة دول كمان هما اكتر ناس هتلاقيها بتحب مصر وخايفة على مصر.

وبالمناسبة احنا المصريين اكتر ناس بنحترم الاخوة العرب الاجانب في بلدنا واكتر ناس بتعامل كاجانب في البلاد العربية وغير محبوبة كمان. فطبيعي ان تفكيرنا يتجة نحو الناس اللي بتحترم اي بني ادم وبتديلة حقوقة. وبالتالي هي دي البلاد اللي تستاهل الواحد يتعب عشان يعيش فيها ويكبر وينجح فيها كمان.

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك
ABO ADAM عضو جديد

ABO ADAM

بتاريخ:
  • كاتب الموضوع
بتاريخ:
ياريت الاقى رد .. بس الواحد لو اتكلم هيقول كتير .

بس كفاية يا جماعة ان الشهادات بتاعتنا وبتاع الخليج مشم عترف بها على مستوى العالم وانك لو رحت كندا هيقولك مش تلزمنا فى حاجة.

كندا مش مستقبل لينا اكتر ما هتكون مستقبل لاولادنا بعد كدة...

انا عارف ان الحياة صعبة فى كندا وعلشان تشتغل شغل محترم وكويس لازم اكتر من 100% اجتهاد بجد ومذاكرة علشان نوصل لمستوى تعليمهم .. بس صدقونى دى حاجة تشجعنا اننا نبذل جهد اكتر بكتير علشان نوصل للعالمية ونبقى بجد محترمين فى حياتنا وفى مجتمع بيحترم الانسانية

يمكن احنا بنفكر لكندا رغم صعوبات الهجرة والعمل فيها بس علشان شايفين قدامنا ان علىالاقل هنعيش كأنسان محترم سواء كنت فقير او غنى..

يمكنهنا فى الامارات زى ما قال زميلنا المحترم ان فعلا الامارات لمؤهلات معينة فقط علشان تعرف تعيش انت وزوجتك واولادك .. وفعلا مش دايمة لاننا مهددين فى اى وقت بالكنسلة او الحرمان من دخول البلد .. غير القوانين اللى بتطلع كل يوم والتانى لغاية الواحد مش بقى عارف اللى لية من اللى علية .. كفاية كدة احسن الواحد خلاص زهق

بس بعد كل شئ احنا احسن من غيرنا كتير ولازم نحمد ربنا على اللى احنا فية .. وفكرة كندا مش مجرد والله وهم ولا حاجة بس طموح

لما كنا فى مصر كان نفسنا نوصل لنص العالمية " خبرة الوطن العربى يعنى والشركات الكبيرة " دلوقتى بعد الحمد لله ما وصلنا لكدة نفسنا نوصل للعالمية الكاملة " الشركات الاجنبية العملاقة والتى تحتل مراكز على مستوى العالم ..

زى لاعب الكورة درجة الثانية بيتمنى انة يتنقل درجة اولى وبعد كدة يتمنى انه يبقى لاعب دولى فى اندية دولية ..

اللهم ارزقنا رزقا حلال طيبا مبارك فية ... اللهم حقق احلامنا فى الحياة الدنيا وارزقنا الجنة فى الاخرة .. اللهم اكتب لنا كل ما هو خير لنا ولاهلنا وابعدنا عن كل ما هو شر وسؤ .. اللهم اعفو عنا وارحمنا واكتبنا من الصلاحين .. امين امين امين ......

السلام عليكم

فعلا الكلام دة انا حسيت بية جدا و انا برضو عايش فالامارات و شايف ازاى بيتعاملوا مع اى حد بييجى من الدول المتقدمة مهما كان اصلة

عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم

رابط هذا التعليق
شارك
محمد عيسى عضو جديد

محمد عيسى

بتاريخ:
بتاريخ:

1. قعدت مهما قعدت في الخليج لا هاخد إقامه كاملة و لا جنسية و لا أي مزايا و و تحس بإنك زي الكلب الجربان و اعتذر عن الوصف

2. قعدت مهما قعدت في الخليج تعتبر فلوس الإيجار فلوس معدومة بينما في الخارج يمكنني التمويل العقاري على فترة كبيرة بمبلغ يقارب مبلغ الإيجار و لو ماشي من البلد ابيع السكن و استرد جزء كبير من فلوسي

3. المساواة في التعامل بين الجميع

4. الإحساس بالأمان (لما الواحد يهاجر كندا و ياخد الجنسية بعد تلات سنوات مش هايشيل هم تلات حاجات: السكن و العمل و تعليم الأولاد لأن هناك ضمان اجتماعي يغطي فقد إحداها) .. و ما ينتج عن هذا الإحساس من راحة بال و انخفاض معدل القلق على الأقل على مستقبل أولادك و ده السبب الأساسي لقرار الهجرة بالنسبه لي.

5. الواحد بيشوف حصاد مجهوده قدامه (إقامة و خلافه) مش زي دول الخليج تاخدك لحم تمصمصك و ترميك عضم و ماليكش أي حقوق او امتيازات حتى لو بقالك 30 سنه و اولادك اتولدوا هناك.

6. الواحد لو قرر يرجع مصر في سن متوسط نقول 45 مثلا .. هايكون معاه خبره نادره تشغله بمرتب كويس و كمان اولاده يكونوا اتأسسوا في التعليم صح و كمان معاه جواز يحميه من البهدلة الإدارية في مصر.

7. إيه الفايده لما الواحد يرجع من الخليج بعد ما قضى عمره و زهرة شبابه هناك و معاه خبره تقليدية و مبلغ بسيط (على اقصى تقدير 300 الف جنيه) مش عارف يعمل بيه حاجه غير انه يصرفه على نفسه و يرجع يدور بعدها على شغل في الخليج تاني .. و شتان ما بين وضعه الأول في الخليج و وضعه لما يرجع تاني مره للخليج.

8. حتى الواحد لو بياخد مرتب كويس فالغلاء بيخطفه تماما .. و بيتزايد الغلاء دوريا بدون زيادة مقابله في المرتب

9. في كندا الواحد مش هايقابل مشاكل زي اللي في الخليج .. مثلا هناك شبه حرب أهلية في أبوظبي على موضوع السكن لأن المعروض هو ربع المطلوب تقريبا، السيارات المستعملة سعرها اتخسف و محدش راضي يشتريها علشان القانون الجديد.

10. لما تاخد الجواز الكندي (أو حتى الإقامه الدائمة) ممكن تروح تشتغل في أمريكا لو الدخل في كندا معجبكش

11. و ممكن بالجواز الكندي تلف العالم بدون عراقيل و يكون ليك احترامك على خلاف الجواز المصري.

12. العيشه في الخليج أصبحت في سلبياتها قريبة من مصر .. لكي تنعم بمعيشة متوسطة مع أسرتك في الإمارات يلزمك مرتب 15 الف درهم كحد أدنى لا تدخر منهم شيء .. و هذا المرتب ندرة جدا من تقترب منه .. و إذا دورت على بلد تانيه في الخليج زي السعوديه المعيشه فيها ارخص هتلاقي في المقابل المرتب أقل .. و هذا يعني أن الخليج في المستقبل القريب لن يكون مناسباً لنا .. بالإضافة إلى انعدام الأمان الوظيفي و انعدام حقوقك أو أي مزايا لك نتيجة إقامتك.

13. لا أقلق من تكاليف السفر بالنظر إلى العائد المستقبلي حتى لو معنوي .. لو صرفت مبلغ الـ 15 ألف دولار المطلوبة كتأمين لحد ما الاقي شغل فلن أحزن عليها و لن تمثل عقبة بالنسبة لي تجعلني أعيد التفكير في هذا القرار .. فهذا المبلغ أقل من تكلفة دراسة MBA في جامعة محترمة .. و أقل من سعر فدان مزروع على الصحراوي .. بصراحه هو مشروع كسبان .. حتى لو مكسب معنوي فقط فأنا راضي بيه .. كفاية عليا الجواز الأجنبي و تعليم ابني تعليم أساسي محترم

أتمنى الإخوة في كندا يفيدوني عن مدى صواب رؤيتي لإنني لم أبدإ بالإجراءات بعد و إن كنت اتخذت القرار بشكل شبه نهائي علما بأنني عايش بالإمارات و أحصل على مرتب جيد و عندي طفل عمره سنه و نص

و بصراحة .. عندي إنني أعيش عالكفاف في كندا .. بس أعيش محترم و بني آدم .. أحسن ما اعيش مستريح مادياً في الخليج و احوش كمان (و مش هايكون فيه تحويش بعد سنتين لما ابني يدخل المدرسة أو لما يجيلي عيل تاني)

كما اتمنى من الإخوة في الخليج المشاركة معي في الرأي و النصيحة .. و لكم خالص تحياتي و مودتي القلبية

خير الناس أنفعهم للناس

رابط هذا التعليق
شارك
ABO ADAM عضو جديد

ABO ADAM

بتاريخ:
  • كاتب الموضوع
بتاريخ: (معدل)

1

أتمنى الإخوة في كندا يفيدوني عن مدى صواب رؤيتي لإنني لم أبدإ بالإجراءات بعد و إن كنت اتخذت القرار بشكل شبه نهائي علما بأنني عايش بالإمارات و أحصل على مرتب جيد و عندي طفل عمره سنه و نص

و بصراحة .. عندي إنني أعيش عالكفاف في كندا .. بس أعيش محترم و بني آدم .. أحسن ما اعيش مستريح مادياً في الخليج و احوش كمان (و مش هايكون فيه تحويش بعد سنتين لما ابني يدخل المدرسة أو لما يجيلي عيل تاني)

انا ظروفى زيك بالضبط ......بس انا قدمت من سنة و أخدت ال file no.

عشان كدة فتحت ال topic دة و قلت نعمل شوية Brain Storming كدة مع بعض

و انا كمان بردو اتمنى من الإخوة في الخليج و اكيد كمان كندا المشاركة معي في الرأي و النصيحة ..

تم تعديل بواسطة ABO ADAM

عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم

رابط هذا التعليق
شارك
Bassam El Sayed عضو جديد

Bassam El Sayed

بتاريخ:
بتاريخ:

ايها الاخوة المصريين فى الخليج الناويين للهجرة ايها الاخوة فى الكفاح الكنداوى الهجراوى

تحية طيبة وبعد

جامدة اوى البداية دى :hi:

لى تعليق على جملة قالها الاخ محمد عيسى قال ان فى الامارات فى حرب اهلية على السكن لان المعروض ربع المطلوب علشان كدة السكن غالى

حد يقدر يفسر لى السكن غالى لية فى الكويت مع ان المعروض اضعاف الى مطلوب والله يكاد لا يوجد عمارة الا وفيها شقق للايجار ومن الممكن ان تجد عمارات بالكامل كلها فاضية والشقق كتير جدا . طيب لية السكن غالى

سمعت من بعض الناس ان الاخوة الكويتيين اصحاب العقارات يؤجرون نصف الشقق الى فى العمارة فقط والنص التانى فاضى علشان سعر السكن ما ينزلش ولكن لا اعلم مدى صحة هذا القول

بغض النظر عن هذا

اوضح نقطة صغيرة بالنسبة لكندا

فى كندا فى حاجة اسمها NOC بالنسبة للوظائف

دة عبارة عن تعريف بجميع الوظائف الى موجودة فى البلد واية المطلوب ليها كمان من قدرات علمية وشهادات . بس كدة

لا طبعا كمان مطلوب منك اية تعملة فى الشغل وكمان الخبرة اللازمة . بس كدة لا طبعا دة كمان حاطين لك الراتب كام .

اقل راتب واكبر راتب والمتوسط كمان . ومش بس كدة فى حاجة هناك اسمها ما حدش ياخد اقل من كذا وحددين الراتب الى هو اقل راتب فى كندا مستحيل حد يقل عنة

طيب الرواتب دى حسبوها ازاى . بناء عن الايجارات والاكل والشرب ومصاريفك الشخصية يعنى عاملين حسابهم انت هتسكن بكذا وتاكل بكذا وتصرف كذا ومهما كان راتبك هيكفيك تعيش محترم هناك .

هل فى دولة من دول الخليج حاجة زى كدة انا راجل عايز ااجر شقة انا ومراتى وهدفع فيها 50% من الراتب يبقى 50% يا دوب يكفى اكلك ومصاريفك وكل سنة وانتوا طيبين

انا مقدم على الهجرة من سنة 2005 ونقلت ملفى من القاهرة للندن عام 2006 وربنا يسهل هانت ان شاء الله وعواتكم معانا

رابط هذا التعليق
شارك
moheltohamy عضو جديد

moheltohamy

بتاريخ:
بتاريخ: (معدل)

همممممم...

اسمحولي أستورم البرين بتاعي معاكو شوية...

يؤسفني أزعزع الفكرة الوردية بتاعة محمد عيسى (النقطة العاشرة). مش مسموح ليك دخول أمريكا بالـ PR! هتروح السفارة الأمريكية في كندا ، وتقدم طلب عشان يدولك فيزا سياحة لدخول أمريكا على باسبورك المصري! هه... المصري!

وبعد ما تاخد الجنسية الكندية ، وبالباسبور الكندي ، من حقك دخول أمريكا بدون أي حاجة ، وذلك للزيارة بحد أقصى 6 شهور ثم تغادر البلاد (إنشلله حتى تلف حوالين بوابة الحدود ، وترجع تاني) ، وليس للعمل ، إلا إذا حصلت على عرض للعمل هناك.

وبالنسبة للخليج... أنا شغال في شركة أمريكية ف الخليج ، وشهر شغل وشهر أجازة ، وتذاكر الطيران وحجوزات الفندق عليهم ، والليموزين اللي بتاخدني من المطار للفندق للشغل ، والعكس عليهم برضه!

والفيزا والإقامة عليهم ، والتأمين الطبي عليهم. وهمه اللي اتصلو بيا عشان يجيبولي الفيزا ، يعني ما اتحطيتش تحت رحمة حد عشان أطولهم. وباسبوري في جيبي دايماً ، مفيش حاجة اسمها ياخدوه مني!

وانا ف الشغل ، مفيش مليم باصرفه! الإقامة والأكل والدش والنت والتليفونات (4 خطوط دولي مفتوحة تحت أمري) كله متاح أدامي!

ولو في أي وقت قلتلهم شكراً مش عاوز ، هامضي استقالة ، وهيوصلوني بالليموزين للمطار ، وتذكرة السفر هيحجزوهالي ، وشهادة الخبرة هاخدها برضه!

وممكن جداً لو عاوز اسيبهم ، بكل بساطة وانا ف الأجازة ، أطنش وما ارجعش!

المرتب اللي باخده مرتب زي الفل ، مش هالاقي زية في كندا (ع الأقل ف البداية) ، ومش هاحوش في كندا زي ما ممكن أحوش هنا! هنا الفلوس ممكن أحوشها سواء ف الشهر اللي قاعده شغل ما باصرفش منه مليم ، أو ف الشهر الأجازة اللي قاعده في مصر. المصاريف في مصر مش كتير زي كندا!

كل ده كلام حلو وكلام جميل ، ما اقدرش أقول حاجة عنه!

لكن...

عمري ما حسيت بالانتماء بجد ف السعودية! دايماً حاسس إني زائر ، مسافر زاده الخيال! الإحساس بالغربة دايماً موجود ، حتى وانا في مصر!

ودايماً حاسس بالبيت القائل:

بم التعلل؟ لا أهل ولا وطن *** ولا نديم ، ولا كأس ، ولا سكن!

ما فيش حاجة في مصر بقى ليها قيمة ولا طعم ولا معنى!

الجنيه لم يعد يعني شيئاً! الـ 90% ف الثانوية لم تعد تعني شيئاً! 100 ألف جنيه مش كفاية عشان تتجوز! 10 آلاف جنيه ما تجيبش شبكة!

فيه إيه في حياتنا بقاله طعم؟! لا الناس همه الناس ، ولا الأخلاق هيه الأخلاق ، ولا المبادئ ، ولا البلاد هيه البلاد ، ولا الأصحاب ولا الأهل!

كل حاجة في مصر اتغيرت ، وبكل أسف اتغيرت للأسوأ

أصحابي كل واحد في ناحية... وكل واحد في بلد ، واللي ما زال في نفس المكان ، ما بقاش فاضي أصلاً!

الأقارب ، لم يعودوا كما كانوا ، أو كما كنت أراهم في صغري! الأسرة المترابطة ، المحبّة بين أفرادها. رأيت تصرفات لا أحبها عندما ظهرت المصالح ، والمواريث!

والبلاد ازدحمت ، ولم تعد كما ألفتها ، أو كما أحببتها. لدرجة إني لما بارجع لها ، وأفترض في نفسي أني سأجد الحنين للماضي ولذكرياتي ... فلا أجد سوى الإحساس بالغربة!

لم يعد يعنيني في مصر كلها غير شخصين فقط ؛ ماما وأختي!

قارن اللي فات ده ، بأيامي الأولى في كندا...

حبيت المجتمع ده ، حبيت نظافتة ونظامه ... حبيت الود اللي بين أفراده... حبيت بساطة التعامل بينهم ... حبيت الابتسامة اللي بتشوفها مع تعاملك مع أي حد هناك... حبيت هزة الرأس لما راجل بيقابل ست ف الشارع (ما شفتهاش كتير ، بس شفتها)... حبيت الاحترام بين الناس وبعض (وهمه جايين من مختلف بلاد الله)... حبيت الحرية وفهمهم الصح للحرية... حبيت مساعدتهم لبعض من غير ما يعرفوا بعض... حبيت جمال الطبيعة وجمال البلاد... حبيت الجو وبرودته. حسيت إني لقيت نفسي هناك!

حسيت بالانتماء هناك ، لدرجة إني بعد كام يوم بس هناك كنت بدأت أتنرفز لما أشوف علبة عصير مرمية ع الأرض! وأشيلها أرميها في الباسكيت (اللي تلاقيه كل 100 متر)!

وكان نفسي أمسك واحد أضربه ، بعد ما خلص الساندويتش وكوباية الكولا ، حطهم في الكيس الورق ، وحط الكيس جمب الكرسي اللي قاعد عليه ف الصابواي (المترو)! قلت لنفسي (الحركات الواطية دي أنا فاهمها) ، وفضلت مستنّيه! ونزل معايا نفس المحطة ، وحت أولتله (Sir, you forgot your bag) ، آللي (What bag?) أولتله (McDonald's bag)! بص للكيس ، وبصّلي وطنش ومشي!

كان نفسي أشده من قفاه ، وع البوليس! ماهي الأشكال الوسخة دي هيه اللي مبوظالنا بلدنا! جتكو البلاوي مليتو البلد!

وما استغربتش من نفسي لما زعلت عشان كندا! البلد جميلة وتستحق انها تفضل جميلة ، ومش جزاتها عشان استقبلتنا ، ندخل بعاداتنا السافلة (اللي جايبينها من حول العالم) ، ونبهدلها! رغم إن الراجل دوكهوة كان نظام الشعر الأصفر والعينين الزرق!

مش عارف شكلي طلعت بره الموضوع بتاع التوبيك ده! بس ، معلش... الأفكار كانت طالعة ، ما قدرتش أفلترها!

تم تعديل بواسطة moheltohamy

فيجيب الدمع والماضي الجريح *** لم عدنا؟ ليت أنّا لم نعُد!

رابط هذا التعليق
شارك
ABO ADAM عضو جديد

ABO ADAM

بتاريخ:
  • كاتب الموضوع
بتاريخ:

د. محمد سعد التهامي شخصيا منور ال topic يا هلا يا هلا يا مرحبا يا مرحبا نورك غلب ........

واللة يا دوك دة أحلا brain storming ....انت عشان بتعرف تكتب و تبعبر كويس

بعبرت عن كل الى الواحد حاسس بية و خايف يقولة احسن الناس تقولة .....دة بطر و احمد ربنا عالى انتا فية

طبعا الحمد للة على كل شىء

وربنا يوعدنا بكندا احسن ال Inflation فى الامارات مبهدلنا و خانقنا من العيشة

عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم

رابط هذا التعليق
شارك
moheltohamy عضو جديد

moheltohamy

بتاريخ:
بتاريخ:
د. محمد سعد التهامي شخصيا منور ال topic يا هلا يا هلا يا مرحبا يا مرحبا نورك غلب ........

واللة يا دوك دة أحلا brain storming ....انت عشان بتعرف تكتب و تبعبر كويس

بعبرت عن كل الى الواحد حاسس بية و خايف يقولة احسن الناس تقولة .....دة بطر و احمد ربنا عالى انتا فية

طبعا الحمد للة على كل شىء

وربنا يوعدنا بكندا احسن ال Inflation فى الامارات مبهدلنا و خانقنا من العيشة

إيه ده؟ وإسمي بالثلاثي كمان؟ دانا طلعت مشهور بقى على كده! :roseop:

وصاحب الدكان بنفسه يئوم يرحب بيا؟! أخجلتم تواضعنا يابو آدم :rolleyes:

هوه أنا كنت مكتئب شوية امبارح ... فــ ... طلعت البلاوي السودة دي!

بس آهو الواحد ارتاح شوية بعد ما طلّع اللي جواه بصراحة.

وكده ولا كده ، ده رأيي ... لا ألزم به أحداً.

وعلى فكرة ، أنا كنت ف الإمارات من سنة (14 يونيو 2007) ، وقلت تغور الإمارات باللي فيها باللي عاوز يجيها! إيه يا عم الرطوبة دي؟ هوه فيه كده ف الدنيا؟!

ربنا يصبركو يا جدع ع العيشة هناك ... يعني رطوبة وانتفاخ (inflation ف الطب :blush2: )... دا كتير بصراحة!

فيجيب الدمع والماضي الجريح *** لم عدنا؟ ليت أنّا لم نعُد!

رابط هذا التعليق
شارك
ايهاب سالم عضو جديد

ايهاب سالم

بتاريخ:
بتاريخ: (معدل)
قارن اللي فات ده ، بأيامي الأولى في كندا...

حبيت المجتمع ده ، حبيت نظافتة ونظامه ... حبيت الود اللي بين أفراده... حبيت بساطة التعامل بينهم ... حبيت الابتسامة اللي بتشوفها مع تعاملك مع أي حد هناك... حبيت هزة الرأس لما راجل بيقابل ست ف الشارع (ما شفتهاش كتير ، بس شفتها)... حبيت الاحترام بين الناس وبعض (وهمه جايين من مختلف بلاد الله)... حبيت الحرية وفهمهم الصح للحرية... حبيت مساعدتهم لبعض من غير ما يعرفوا بعض... حبيت جمال الطبيعة وجمال البلاد... حبيت الجو وبرودته. حسيت إني لقيت نفسي هناك!

حسيت بالانتماء هناك ، لدرجة إني بعد كام يوم بس هناك كنت بدأت أتنرفز لما أشوف علبة عصير مرمية ع الأرض

وما استغربتش من نفسي لما زعلت عشان كندا! البلد جميلة وتستحق انها تفضل جميلة ،

الله يفتح عليك يا دوك محمد سعد التهامي

أحب قوي الناس اللي بتقدر العيشه life style

الحياه أكثر من مجرد فلوس و تحويش

أنا المفروض أشارك لأني ممن عاشوا التجربتين

الخليج و كندا

لكن الوقت ضيق شويه اليومين دول و الموضوع محتاج رغي

راجعلكم بعد الفاصل

تم تعديل بواسطة ايهاب سالم
رابط هذا التعليق
شارك
galaxy عضو جديد

galaxy

بتاريخ:
بتاريخ:

لما يكون حلمك انك تسعد نفسك وتعيش بجد صح او احسن يبقي كندا اقصر الطرق بس تخطط لها صح فعلا ........يعني مش بس تروح تاخدلك جنسيه ولا اي بتاع لا كمان تثبت نفسك عشان تبقي بجد حاسس ان ليك قيمه ومعني وبتقدم جديد في حياتك وكمان تستحق العيشه الصح بجد :roseop: .........انا معاكوا في اراءكم كلكم فعلا...وبجد ربنا ينولنا وينولني اللي في بالي :lol: ......ونشد الرحال علي هناك بقي :happy: .......تحياتي لكل من شارك :roseop:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
ABO ADAM عضو جديد

ABO ADAM

بتاريخ:
  • كاتب الموضوع
بتاريخ:

أهلا و سهلا ايهاب سالم باشا....عمدة المصريين الخليجيين الكنديين...

ايوة كدة عايزينك انتا و الدوك تهامى تنوروا الtopic كدة .....وعقبال الدوك الشامى ان شاء اللة

بس عايزين الموضوع يبقى ظريف و خفيف يعنى الى مش عاجبوا الكلام بتاعكوا بلاش يرد ....خالية كاتم فى قلبوا .......

احكولنا كمان عن خبرتكوا و مغامرتكم,,,,,, وانا من اكبر المعجبين و المشجعين

و بالنسبة ل( كندا) اللمبي قالها :

الحب الحب , الشوق الشوف , مشتاق مشتاق , بولوبيف بولوبيف.......

عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم

رابط هذا التعليق
شارك
ايهاب سالم عضو جديد

ايهاب سالم

بتاريخ:
بتاريخ:
يا سيدي منتظرين على أحر من الجمر...

ما تطولش القعدة بره يا عم إيهاب :roseop:

والله يا دوك أنا في الشغل حاليا :happy:

وبعد الشغل عندنا حفلة باربكيو مع أصدقاء في Lakefront Promenade Park :roseop:

بعدها ينتهي الفاصل و لو لسه فاضل وقت في اليوم إبقى قابلني

يا صيفك يا كندا :lol:

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...