لماذا التقديم عن طريق محامي؟؟؟؟ عن تجربة

[jundi]

من أهم الميزات للتقديم عن طريق المحامي:

1. حساب النقاط: هناك بعض النقاط اللتي من الممكن أن تضاف لرصيدك حتى ترفع تقديرك للهجرة ليصل الى 67 أو أكثر و أنت لا تعرفها أو لا تعرف كيف تصيغها بطريقة تفيدك.

2. ترتيب الاوراق حسب الاهمية : عندما ينقص الطلب بعض الاوراق اللتي ممكن تكون وضعتها في آخر الطلب يرفض الطلب مباشرة فقط بسبب سوء الترتيب.

3. مراسلة الحكزمة الكندية: الرسائل اللتي يرسلها المحامي الكندي للهجرة تكون مصاغة بطريقة رسمية غير المرسلة عن طريق الشخص مباشرة.

4. الالتزام بالوقت: معظم الرسائل الواصلة عن طريق الحكومة أو مكتب الهجرة تكون محددة بوقت معين للرد على الطلب و عند مراسلة المحامي يتم الالتزام حرفيا بالمواعيد الموضحة في الرسالة و لا يحصل تأخير.

5. الاخطاء : الارسال عن طريق المحامي يجنبك الوقوع في أخطاء مقصودة أو غير مقصودة مما يسرع في قبول الطلب و يقلل من المراسلات اللتي تأخذ عادة وقتا طويلا للرد و اعادة الرد.

[capitshino]

الشخص اللى مايعرفش يعمل الكلام اللى حضرتك كاتبه ده يبقى يقعد فى بيتهم احسن

هيروح كندا يعمل ايه لما عاوز واحد يرتب له الورق. امال هيعمل ايه فى حياته هناك

[gadolly]

من أهم الميزات للتقديم عن طريق المحامي:

1. حساب النقاط: هناك بعض النقاط اللتي من الممكن أن تضاف لرصيدك حتى ترفع تقديرك للهجرة ليصل الى 67 أو أكثر و أنت لا تعرفها أو لا تعرف كيف تصيغها بطريقة تفيدك.

2. ترتيب الاوراق حسب الاهمية : عندما ينقص الطلب بعض الاوراق اللتي ممكن تكون وضعتها في آخر الطلب يرفض الطلب مباشرة فقط بسبب سوء الترتيب.

3. مراسلة الحكزمة الكندية: الرسائل اللتي يرسلها المحامي الكندي للهجرة تكون مصاغة بطريقة رسمية غير المرسلة عن طريق الشخص مباشرة.

4. الالتزام بالوقت: معظم الرسائل الواصلة عن طريق الحكومة أو مكتب الهجرة تكون محددة بوقت معين للرد على الطلب و عند مراسلة المحامي يتم الالتزام حرفيا بالمواعيد الموضحة في الرسالة و لا يحصل تأخير.

5. الاخطاء : الارسال عن طريق المحامي يجنبك الوقوع في أخطاء مقصودة أو غير مقصودة مما يسرع في قبول الطلب و يقلل من المراسلات اللتي تأخذ عادة وقتا طويلا للرد و اعادة الرد.

1- حساب النقط سهل جدا و المفروض ان الشخص اللي ميعرفش يحسب نقطه يقعد في بيته و ميهاجرش

2-عمر ما طلب يترفض عشان ورق ناقص و لا ترتيب خاطئ, بيبعتوا لك يطلبه منك تكمل الطلب. ممكن تتعطل شوية.

3-ابقي خلي المحامي يصيغ الجوابات و متنساش تقوله يكتب اعتذار عشان المقدم معندهوش القدرة يكتب جواب, طيب حيعيش ازاي هناك. مع السلامة لنقط التاقلم.

4-المحاميين هم اللي بيضيعوا الجوابات و راجع المنتدي.

[melhamy]

السلام عليكم ورحمه الله و بركاتة

يا جماعة مالك شادين على مشاركة الراجل ليه ... هو كلامه صح ... و بعدين يا بشمهندس / جندى مدام المحامى بياخد من 3.500 دولار و انت طالع يبقى على الأقل لازم يظبطك و لو شوية .. بس عندى أستفسار .....

هى مراسلة الحكزمة الكندية مختلفة عن مراسلة الحكومة الكندية ...؟

أصلى خايف أكون بعت ورقى غلط

ملحوظة : أوعى تكون بتزعل أنا بحب الهزار :hi:

[capitshino]

السلام عليكم ورحمه الله و بركاتة

يا جماعة مالك شادين على مشاركة الراجل ليه ... هو كلامه صح

ملحوظة : أوعى تكون بتزعل أنا بحب الهزار

لا بقى كلامه غلط .... واحنا مش شادين ولا حاجة ده احنا عدانا العيب

[melhamy]

capitshino

عداك العيب ............!!!!!!!!! على كده هنستنا العيب اللى بعدة ههههههههههههههههههههههههههههههههههههه

[jundi]

أول حاجة المحامي بيطلب بس 1000 $ عند تقديم الطلب و الباقي بعد ما تنختم الفيزا على جواز السفر يعني بعد حوالي 3 سنوات و بين الدفعتين دول ما بياخدش ولا مليم, يعني معاك 3 سنين علشان تحوش ال2500 $ الباقيين و لو مش قادر تحوشهم بلاش تسافر أحسن

تاني حاجة أنا شفت كل الاخوة عمالين يشتكو من التأخير في رد مكتب الهجرة بمراجعة الطلب و بالموافقة النهائية, الكلام دا ما بيحصلش مع المحامي المحترم علشان ما بيحصلش أي نقص بالاوراق لم تبعتهم( مع متابعة المحامي و تدقيقه لكل ورقة) و دا بيختصر الوقت من غير ما تستنى كل مرة علشان يقولولك انو الورق ناقص و ترجع تبعته, كل دا بياخد وقت لأن كل حركة من دول عايزالها شهرين ولا 3 أشهر و اللي مش مستعجل يستنى..............

على فكرة أنا مش محامي ولا حقول على المحامي اللي قدمت الطلب معاه علشان محدش يفتكر اني بعملو دعاية و لا حاجة

[bibito]

يعني انت تعرف مكتب محامي محترم عايز تقولنا علية ماشي قول يا سيدي

[laka]

السلام عليكم

أنتم عندكم المحامي يطلب كثير جدا :bro: .أنا المحامي بتاعي بالمغرب أخذ 1000 دولار كندي وبس على كله 500 في الأول و 500 لما آخذ الفيزا و قدمي لي تسهيلات كثير لولاه لما تقدمت أصلا :aslam:

[agmaa]

السلام عليكم,

أنا مقدر إن الواحد بيبقى قلقان على الملف و عاوز يتأكد إن كل شىء تمام و مش ناقص حاجة و مفيش تأخير حيحصل علشان الورق مش مظبوط أو ناقص.

بس عن تجربة فيه ملف بيبين إيه الأوراق المطلوبة و منين توثقها وترتيب الورق قبل التقديم و كل حاجة.

أنا قدمت من غير محامى و الحمدلله كل شىء مشى تمام و مش أنا بس ده كثير غيرى و لو عاوز نصيحة عن حاجة معينة ممكن تسأل فى المنتدى.

بالتوفيق

[capitshino]

انا شامم :ninja: ريحة وهيب يوسف فى الموضوع .

[alaashabana]

والله يا جماعة رغم ان الموضوع مش صعب اوى لكن انا بردو بفضل ان الحاجات دى تكون عند محامى .. يعنى هو بيبقى عارف الغلطات اللى ناس وقعت فيعا وكمان فعلا ترتيب الاوراق والصيغة وكمان يترجم الاوراق وكمان ان شاء الله لما نسافر هناك كندا هنلاقى حد يدلنا فى الاول نعمل اية ونلاقى سكن فين والاوراق والحاجات المطلوبة فى الاول ..

يمكن لو لاحظت او فكرت ان لو انت سافرت لوحدك وانت ملكش اى حد هناك هتخاف او هتبقى قلقان تكون ناسى حاجة

بس انا من وجهه نظرى دة كله مقدور علية لكن اللى ممكن يخلينى اقدم عند محامى هو عدم استقرار عنوان السكن

لان الواحد هنا فىالامارات كل كام شهر ينقل سكن شكل ولا لو الواحد كمان بيغيل مكان شغلة ..

يبقى الاحسن عند محامى علشان عنوانة ثابت ومش هقلق تكون حاجة ضاعت فى السكة

دة رأيى واكيد هيكون فية اختلاف بس كل واحد ورأية بقى ... وكل واحد حر فى رأية :closedeyes:

[capitshino]

بس انا من وجهه نظرى دة كله مقدور علية لكن اللى ممكن يخلينى اقدم عند محامى هو عدم استقرار عنوان السكن

لان الواحد هنا فىالامارات كل كام شهر ينقل سكن شكل ولا لو الواحد كمان بيغيل مكان شغلة ..

يبقى الاحسن عند محامى علشان عنوانة ثابت ومش هقلق تكون حاجة ضاعت فى السكة

فى السعودية ممكن تشترى صندوق بريد يكون عليه كل مراسلاتك حتى لو غيرت عنوانك مش بيحصل اى مشكلة .. مش عارف الموضوع ده موجود فى الامارات ولا لأ .. طبعا كل واحد حر فى رائيه

[alaashabana]

capitshino مشاركة بتاريخ اليوم, 09:54 AM

إقتباس(alaashabana @ Aug 19 2008, 09:03 AM)

بس انا من وجهه نظرى دة كله مقدور علية لكن اللى ممكن يخلينى اقدم عند محامى هو عدم استقرار عنوان السكن

لان الواحد هنا فىالامارات كل كام شهر ينقل سكن شكل ولا لو الواحد كمان بيغيل مكان شغلة ..

يبقى الاحسن عند محامى علشان عنوانة ثابت ومش هقلق تكون حاجة ضاعت فى السكة

فى السعودية ممكن تشترى صندوق بريد يكون عليه كل مراسلاتك حتى لو غيرت عنوانك مش بيحصل اى مشكلة .. مش عارف الموضوع ده موجود فى الامارات ولا لأ .. طبعا كل واحد حر فى رائيه

تصدق فعلا فكرة كويسة .. انا جنب بيتى بشوية فية صندوق بريد فعلا بس للاسف كلة كامل .. باشتراك تقريبا 150 درهم او 200 فى السنة ..

بس المشكلة بردو ان الزاحد ممكن يغير البلد كلها او يغير من الشارقة مثلا لابو ظبى وكدة يعنى .. وانت عارف بقى الكسل وكمان الشغل بيلهى

وكل واحد بردو حر فى رأية " هو الانسان اية غير رأى"

[qenawy]

انا لي راي وطبعا كل واحد حر في رايه

انه نظرا للقانون الجديد الدي يسمح بان يرفض طلبك مقدما دون حتي processing فان معني دلك ان المحامي ممكن يقولك في ثانية واحدة sorry رفضوا طلبك وراحت عليك فلوسك مقدما

قالها شخص اجنبي ما المحامي الا هو الشخص الدي يلصق طابع البريد لطلبك فقط

ده رايي وطبعا كل واحد حر في رايه :closedeyes:

[alaashabana]

qenawy مشاركة بتاريخ اليوم, 10:39 AM

انا لي راي وطبعا كل واحد حر في رايه

انه نظرا للقانون الجديد الدي يسمح بان يرفض طلبك مقدما دون حتي processing فان معني دلك ان المحامي ممكن يقولك في ثانية واحدة sorry رفضوا طلبك وراحت عليك فلوسك مقدما

قالها شخص اجنبي ما المحامي الا هو الشخص الدي يلصق طابع البريد لطلبك فقط

ده رايي وطبعا كل واحد حر في رايه

اسمحلى يا قناوى اعترض معاك فى الرأى دة

لان اى مكتب محامى بيدرس طلبك الاول وبعد كدة هو بيشوف اوراقك ولو كل حاجة تمام ومتأكد من ان طلبك مش هيترفض بيبعتة

ولو حس ان ورقك ناقص او مش متأكد من ان وظيفتك ومؤهلك ممكن يتقبل بيرفض الطلب ودة حصل لواحد صاحبى

وكمان حكاية الفلوس بيكون فية عقد مكتوب بينك وبين المحامى بتتفق انك تدفع جزء من المبلغ بيبقى 500 دولا تقريبا فولى حالة عدم تسلمك رقم الملف فى مدة اقصاها 6 شهور ممكن تاخد فلوسك تانى

وفى حالة انك اخدت رقم الملف وكل الاجراءات تمام بتبدأ تقسط لة الفلوس على فترات او حسب مثلا لما بيطلبوا منك كشف طبى او مقابلة وهكذا

يعنى كل ما يحصل تقدم فى ملفك يطلب منك جزء من الفلوس

اما فى حالة بقى ان كل حاجة تمام ودفعت االفلوس كلها او جزء كبير منها وحصل لاقدر الله انك مسافرتش ومعرفتش تاخد الفيزا لاى سبب سواء كان فشلك فى المقابلة او مرض لاقدر الله يمنعك من السفر ايآ كان السبب فحضرتك ممكن تاخد فلوسك كلها تانى من المحامى ماعدا 25% مش هتاخدهم

وهذا الكلام من اكتر من مكتب هجرة

ودة رأى وكل واحد حر فى رأية

وبذلك يكون رايك يا قناوى مرفوض والمرة دى انت مش حر فى رايك :closedeyes:

[qenawy]

انا معك صديقي في كل ما قلت ولكن ده كان عشان القانون القديم انما بعد 28 فبراير 2008 اظن ان المحامين قد يقبلون باوراق الجميع ثم اللي ينجح ينجح والغير ناجح يقولوا له طلبك اترفض اساسا بدون مبررات من السفارة

ده

رايي

وطبعا عادي كل واحد حر في رايه

بصراحة هل المحامي هيعرف ان مثلا انا طبيب وسارفض وهل انا مش متاكد من ان انا طبيب ومعايا مؤهل

فاساسا لو انا اري ان انا لا تنطبق علي الشروط ايه اللي يخليني اقدم علي الهجرة

صدقني انا اري المنتدي ده احسن من مائة الف محامي

وكل واحد حر في رايه (بس طبعا يتحمل العواقب لوحده)

انا من انصار ما حك جلدك مثل ظفرك

تحية تقدير واحترام للصديق علاء شبانة

[nona alawaal]

و انا اوافقك الرأى أستاذ قناوى ، و بعدين احنا روحنا مرتان لمحاميين ، واحد قال لنا كل فلوسه هيكون أخذها قبل الانترفيو ، و لو لقدر الله لم نعدى من الانترفيو هو مالهوش دعوة و من هنا الى هنا قال لنا انع هيرجع حوالى 5000 من ال20000 جنيه مصرى اللى هو اخذهم و الاخر قال أحنا هتعملوا كل حاجة و هو بس هيعمل شك على الاوراق اللى هيقدمها عن طريق مكتب فى كندا ، و على فكرة المحامى الاول قال لنا انه هيملىء البيانات و هتقدم بأسمنا يعنى مش هيكون ريبريزنتتف لنا ... و بعدين نروح بعيد ليه انت روح على سفارة كندا معلقين ورقة اد كده بتقول ان كل حاجة على موقعهم و هم ملهمش دعوة بالمحامين .... احنا هنا فى هذا المنتدى المفيد جدا بنفيد بعض و بنكمل بعض .. و اللى شاكك فى معلومة بيأكدها عن طريق الاخرين ... اعتقد مفيش احسن من كده يارب ربنا يوفقنا جميعا و شكرا

[jundi]

كان ممكن أأول اسم المحامي اللامع اللي قدمت الطلب معاه و اللي خلاني أوصل للكشف الطبي في سنتين و نص و بدون مقابلة و بدون امتحان و من غير وجع راس بس مش عايز الاستاز كابوتشينو يقول اني بعمل دعاية لحد و أنا فعلا كنت عايز الكل يستفيد

[qenawy]

اقسم لك اخي الفاضل اني مقدر جهدك ولكن ثق انك وصلت للكشف الطبي مباشرة لاتك تستحق دلك

فلا تبتئس انها مجرد اراء

وقد نكون مختلفين انما ودودين

ثم ان ظروفنا مختلفه فقد اكون اهاجم لان عقلي الباطن يرفض دفع العشرين الف جنيه

ثم ان خبرات بعض الناس كما قرات مع وهيب يوسف خلت الواحد يكش ويخاف

فشكرا لجهدك