اذهب إلى المحتوى
محاورات المصريين

وراور يا فجل ( مع الأعتذار لأبن النيل )

se_ Elsyed

بواسطة se_ Elsyed
في دعوة للأبتسام

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

أردت أن أسرد تجربتي مع نداء " وراور يا فجل " لأوضح لنا جميعاً ما هي النعمة التى نحن فيها ... ( خش فى الموضوع مش عايزين لت وعجن كتير ... حاضر )

- لمدة تزيد عن 20 عاماً توجد سيدة بسيطة جداً تدور فى الحي الذي أسكن فيه وهي تحمل مشنة ( طبعاً فيه ناس هاتسأل يعني أيه مشنة .. واخدا بالك يا كليو .. المشنة عبارة عن carrying case الفلاحين اللى هو أحنا بيشيلوا فيه الخضار علشان يبيعوه للأغنياء اللى هو أنتم - وش بيضحك ) وكان هناك نداء مميز لهذه السيد طيلة هذه المده وهو " وراور يا فجل " وهي تقوله بصوت أجدع من أي سوبرانو فى الأوبرا - تقولش نيفين علوبة - وفى السنين الأخيرة لاحظت أنها بدات تعمل فترة مسائية أيضاً ، المهم فى الموضوع هو حالة الرضا والسعادة والأبتسامة المرسومة على وجه هذه السيده - سبحان الله ) وكنت أجلس كثيراً مع نفسي لأحسب كم تكسب هذه السيدة طيلة اليوم فى حزمة الفجل أو الجرجير التى تبيعها بـ 5 أو 10 قروش ، 3 أو 4 جنية يومياً ... وأردد دائماً بعدها سبحانك يارب والحمد لله على نعمك وعطاياك.

- أرتبط فى ذاكرتي أيضاً منذ الصغر ، رجل بسيط جداً يحمل صاج على رأسة وينادي " كعنافة وعطايف " بنفس اللفظ اللى أنا كاتبه كده ، وبصوت قوي أيضاً يفوق صوت بافاروتي ، وكنا أثناء اليوم الدراسي يخترق هذا النداء جدار الصوت ليطغي على صوت المدرس ، المهم الراجل ده يا جماعة له أكتر من 20 سنة يومياً نفس النداء ونفس الأماكن اللى بيدور فيه وسبحان الله صيف شتا ماشي حافي .. آه والله عمري ماشفته لابس حاجة فى رجله .

الخلاصة من القصة أن أحنا فى نعمة عظيمة ، ومافيش داعي نكتئب ونشيل الهم فى دنيا لا تساوي شيء ....

ييجيوا يشوفوا الناس اللى عندها قطط بتعملها عملية الأبنديكس وبتأكلها بولوبيف وتونة ، ويرجعوا يقولولك عندي حالة ملل فزيع فزيع .

( نونا أنا بألعب معاكي وبأهزر علشان أخرجك من الحالة اللى أنت فيها دي )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
BenNeal عضو جديد

BenNeal

بتاريخ:
بتاريخ:

استاذSS

انا خايف -باعتذارك ده- القراء (و الجدد منهم بالذات) يمكن ان يعتقدوا انى ادعى الانتماء الى اى من عائلات "الفجل" او "الريان" او "الوراور" الشهيرة ببندر المحلة الكبيرة..و لكنه تشابه اسماء فقط. لذا يلزم الشرح و التنويه.

نرجع بقى للموضوع الأصلى.

انا مهما كبرت فلن انسى ايام المصيف فى راس البر و فرحتى بسماع بائع الآيس كريم وهو ينادى: "كلوكلو بدوى....... مانجااااااه.. ساندوتش." و بائعى الكنافة و القطايف واللوكومادس ( تعرف فى اوساط اخرى ب الزلابيا أو لقمة القاضى) و كانوا دائما يقفون عند عشتنا (كان عددنا عادة يتراوح من 15 ل25 فرد فى 3 غرف... مصيف بقى) و كانوا عادة يأتونا فى مجموعات من 3 بائعين و يلقون اغنية يعرضون فيها بضاعتهم و يبدؤنهاب: معانا الكنافة و القطايف.. احنا بتوعالكنافة و القطايف... تارالام.. تارالام....تارالام...

كانت ايام................... الحمدلله

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
nora عضو جديد

nora

بتاريخ:
بتاريخ:

فزيع فزيع فزيع بجد يا سوسو بكد حكيكي مكدرتش امثك نفثي ( وش وحده هطق من كتر مبتحاول تصنع الرقه)

بأه كده بأه ( ايوة كده الواحد كان هينسى الكلام)

تعمل توبيك كامل تتمأوز فية عليا طيب ( انا خلاص فوقت من الإكتآب ورجعتلكم اهووووووووووووو)

صبرك خلينا فيالي احنا فية

انا طبعا معشتش كتير في مصر بس افتكر في المصيف واحد كان بيقول فرسكااااااااااااااااااا( وحشاني بجد كلها كان رمل)

733540902_l.gif

717a4sn.gif

رابط هذا التعليق
شارك
Cleo عضو جديد

Cleo

بتاريخ:
بتاريخ:
( طبعاً فيه ناس هاتسأل يعني أيه مشنة .. واخدا بالك يا كليو .. المشنة عبارة عن carrying case الفلاحين اللى هو أحنا بيشيلوا فيه الخضار علشان يبيعوه للأغنياء اللى هو أنتم - وش بيضحك )

أشكرك يا سى السيد على المجهود الرائع الذى بذلته لشرح كلمة مشنة....

ولكننى للأسف حتى الآن لم أستطع أن أفهم "يعنى فجل" ؟؟؟

"وش لينا بتاعت مسرحية المتزوجون"

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
الطفشان عضو جديد

الطفشان

بتاريخ:
بتاريخ:

نرجع لاصل الموضوع لانه تاه

الاخ سي السيد قصده حاجة مهمة جدا

الناس دي عايشة و مبسوطة

و احنا اللي عندنا اكثر منهم في كل حاجة في الدنيا من تعليم الى مسكن الى ملبس الى وظيفة مش عاجبنا، و عاملين الدنيا مشاكل و اكتئاب الخ

هي دي الرسالة المهمة

برافو يا سي السيد

الشعب اراد الحياة و القيد انكسر

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:
نرجع لاصل الموضوع لانه تاه

الاخ سي السيد قصده حاجة مهمة جدا

الناس دي عايشة و مبسوطة

و احنا اللي عندنا اكثر منهم في كل حاجة في الدنيا من تعليم الى مسكن الى ملبس الى وظيفة مش عاجبنا، و عاملين الدنيا مشاكل و اكتئاب الخ

هي دي الرسالة المهمة 

برافو يا سي السيد

أيه ده .. هو الونش سحب التوبيك بتاعي وأنا أتغديت وعمال أدور على عود فجل .. أتاري مصري سحب المشنة وخباها هنا .... ماشي ماشي

شكراً يا طفشان

هو ده بالظبط اللي أنا أقصده ... وقديماً قال الحكيم ( ليست السعادة فى المال )

علشان كده كل  واحد منكم هايلاقي رسالة على البي أم فيها رقم حسابي في سويسرا ، فحولولي بسرعة كل ماتمكلوه من أموال وكنوز لكي أخلصكم من هذه الهموم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Salwa عضو جديد

Salwa

بتاريخ:
بتاريخ:

كلام جميل ....وجعلنى اتذكر انه كان يمر زمان رجل يركب عجل وعلى رأسه صينية فيها سلاطين زبادى .-- سلاطين من الفخار -- وكان ينادى ويقول ...اليوغورت ...اليوغورت ..

وعلى فكرة الكلمة دى معناها الزبادى ...بالايطالية واليونانية والاسبانية وده بيثبت تأثير كل الجاليات دى علينا ....حتى الافراد العاديين الغير متعلمين ...كانوا مثلا ينادو ا .على بضاعتهم من السميط والبسكوت الهش قائلين ..فرسكا فرسكا ...

وطبعا ال ..كلوكلو ...ايس كريم ...طوبىىىىىىىى.

ولازم ينغمها وهو بيقولها ...ولازم يقول الثلاثة مع بعض .

وايضا فى الصيف وعلى البحر يبيعوا ....الترمس ...

والمعسلة قوى يابطاطا ....

واللب والسودانىىىىىىى والحمص ....ولازم يغنى ...

اللى شاف حمص ولاكلشى حب واتلوع ولا طالشى ..طالشى ..طالشى .

كانت ايام ...

بس فعلا ...كان فيه حاجة غريبة فى الناس ...

ماكانتش الناس ...//توحشت كدة مع بعض //

دلوقت ظروف الغلاء جعلت الناس تنسى حاجات كتير...

سلامى

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
الطفشان عضو جديد

الطفشان

بتاريخ:
بتاريخ:
اليوغورت ...اليوغورت ..وعلى فكرة الكلمة دى معناها الزبادى ...بالايطالية واليونانية والاسبانية وده بيثبت تأثير كل الجاليات دى علينا

في الحقيقة الكلمة تركية اصيلة، و عنها انتقلت الى اوروبا، و ما زالت مستخدمة فيها الى الان

كانوا مثلا ينادو ا .على بضاعتهم من السميط والبسكوت الهش قائلين ..فرسكا فرسكا ...

و فرسكا Fresca معناها : :"الطازة" بالايطالي

و هي قريبة من fresh بالانجليزي

الشعب اراد الحياة و القيد انكسر

رابط هذا التعليق
شارك
crossfield عضو جديد

crossfield

بتاريخ:
بتاريخ:

كان فى موضوع مشابه للأخ البنا اسمه"عالعربية" ؛يا ريت اللى يلاقى الوصلة بتاعته يحطها هنا .

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
  • بعد 5 سنة...
الباشمهندس ياسر عضو جديد

الباشمهندس ياسر

بتاريخ:
بتاريخ:
( طبعاً فيه ناس هاتسأل يعني أيه مشنة .. واخدا بالك يا كليو .. المشنة عبارة عن carrying case الفلاحين اللى هو أحنا بيشيلوا فيه الخضار علشان يبيعوه للأغنياء اللى هو أنتم - وش بيضحك )

أشكرك يا سى السيد على المجهود الرائع الذى بذلته لشرح كلمة مشنة....

ولكننى للأسف حتى الآن لم أستطع أن أفهم "يعنى فجل" ؟؟؟

"وش لينا بتاعت مسرحية المتزوجون"

جامده اوى المداخلة دى

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
  • بعد 4 أسابيع...
قلب ابيض عضو جديد

قلب ابيض

بتاريخ:
بتاريخ:

الجميل بقى انا انا وبحكم السن والنضاره اللى بتكبر عليها أاأأل يعنى مش محتاجاها خالص

قريت التوبيك وراور يا فحل مش يا فجل ؟؟ wst:: :lol: wst::

بس كانت فرصه انى اكون معاكم هنا

وانا كمان فكرتونى بالراجل اللى كان بيقف على باب المدرسه زمان واللى كان دايما الوالد والوالده يتوعدونا لو هوبنا جنبه

كان بينادى ويقول : حلاااااااااااابسه

والمقصود بيها هنا الايس كريم اللى شبه الايس كريم او الجرانيته

لانه يا ساده يا كرام فى قول اخر ان الحلابسه عند بعض الاقوم تطلق على حمص الشام

ومعكم يحلو حديث الذكريات :rolleyes:

294043709.gif
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...