البنوك في السعودية

[Diab]

خلال تعاملي مع البنوك السعودية خلال سنتين حبيت أفتح الموضوع ده عشان يكون مرجع أو guide لكل الناس اللي موجودة في السعودية او حتي اللي في الطريق

بنك سامبا

ويسمي برضه البنك السعودي الامريكي

وده تاريخه

مجموعة سامبا المالية "

انطلقت مجموعة سامبا في جده بعام 1375 كفرع لبنك ( فيرست ناشونال سيتي بانك )

واستمر هذا الفرع الى اوائل 1400 هـ حتى طالبت الحكومه بتحويله الى شركة مساهمه

مستقله وتحمل مسمى ( البنك السعودي الأمريكي ) .. الذي اندمج بعدها باعوام مع

البنك اسعودي المتحد الذي كان يعاني اضطرابا في ادارته وتسويت اموره المالية

والذي كان سابقا مندمج مع ( بنك القاهره ) الدولي .. وقبل عامين تحول المسمى

بعد ان دخل تحت مظلته العديد من البنوك والعديد من العمليات المالية الى

( مجموعة سامبا المالية ) .

يعتبر من أفضل البنوك الموجودة هنا إن لم يكن الأفضل وتعاملاتي البنكية الاساسية معاه لكن بيعيب علي البنك انه بنك هاي كلاس زيادة عن اللزوم عينه في جيب الشركات الاجنبية ككيانات وبيقدم تسهيلات عالية مبيديش نفس الدعم للأفراد وده عيب مثلا مش موجود في البنك الأهلي وأن كان بدأوا يخدوا بالهم قريبا

نظام الفيزا بتاعه هايل بس وتقدر من عن طريق سامبا فون او سامبا اون لاين تعمل مليون حاجة

تدفع فواتير الكهرباء والمياه واقساط العربية عن طريق خدمة سداد

للاطلاع علي موقع سداد انقر هنا

فاصل ونواصل ونرحب بمساهمات الاعضاء

:big_boss:

[MZohairy]

اعتقد ان سامبا هو افضل البنوك السعوديه من حيث الخدمه للعملاء

كما ان اسوأهم هو الراجحي رغم كثرة عملاؤه بسبب طابعه الديني

غير كده سواء الأهلي التجاري (اللي كان من افضل البنوك السعوديه ايام بن محفوظ) او الفرنسي او البريطاني أو الهولندي فأعتقد كلهم قريبين من بعض

[Amr Radwan]

السلام عليكم ...

الاخ MZohery

لي تعقيب علي ردك و هو "كما ان اسوأهم هو الراجحي رغم كثرة عملاؤه بسبب طابعه الديني"

لا اتوقع ابدا ان يكون الطابع الديني في البنوك سبب في سوء الخدمة .. و اري ان تنفيذها هو اللي فيه مشكلة .. يعني ممكن تكون هناك بعض المعوقات او المشاكل و لكن دي ممكن تكون اسبابها ,، ادارية ،، تنفيذية .. او غيرها ..

هذا للتوضيح فقط و لك الشكر و التقدير ،،

[MZohairy]

كلامك صح طبعا

الموضوع اداري بحت

قصدت ان طابعه الديني هو سبب كثرة عملاؤه فقط و ليس سبب سوء خدمته

تم تعديل 6 أكتوبر 2008 بواسطة mzohairy

[Diab]

البنك الأهلي التجاري

موقع البنك علي الانترنت اضغط هنا

شعاره كلنا واحد

وأضيف انا من عندي واحد واحد يا حضرات

وهأقولكم السبب تحت

هو بنك سعودي خالص وتاريخه

نشأ في بدايته على شكل شركة تضامن بين اكبر ثلاث تجّار في المنطقة الغربية

صالح الكعكعي واخيه عبدالعزيز الكعكعي وسالم بن محفوظ .. وكان ذلك عام

1367 هجريا ً واستمر بالعمل على انه شركة تضامن واشترى سالم بن محفوظ

حصص الاخوين في الشركة وهنا اجبر بمرسوم ملكي لتغير مسمى الشركة وايضاح

نشاطها تحت مسمى " البنك الأهلي التجاري " وذلك بتاريخ 20/4/1373 هـ

البنك ميزته انه له فروع كتيرة وموجودة في كل حتة وهو بيحاول يجاري سامبا في خدماته عن طريق استخدام الانترنت والهاتف في تقديم الخدمات

بطاقة تيسير الاهلي الائتمانية هي الوحيدة اللي فيها نظام التورق المجاز من هيئة الرقابة الشرعية

عيبه الخطير خدمة العملاء

ليه بقي

عملاء البنك كتير لانهم بيستفادوا من خدمات تمويل الأهلي اللي ممكن تشتري بيه عربيه او بيت او حتي تاخد تمويل شخصي بطريقة مجازة شرعا

غير انهم قدمة خدمة جديدة ان الناس اللي لسة جديدة في السعودية ممكن تاخد تمويل سريع جدا عشان تقدر تاجر سكن او تشتري عربية ( مجازة شرعا )

عشان كدة تلاقي البنك دايما زحمة وبطييييييييييء يعني مثلا انا سحبت رقم الساعة 10 الصبح خلصت المعاملة الساعة 2 ولسة في مشكلة في السيستم وهكمل بكرة

خلال الفترة دي خلصت يجي 5 مشاوير ورجعت استنيت ربع ساعة علي ما جه دوري ( فهمت معني الشعار الموجود أعلاه )

نكمل بعدين

تم تعديل 6 أكتوبر 2008 بواسطة Diab

[Diab]

اتفق 100 % مع أبو لؤي يا عمرو

لولا أن بنك الراجحي بيلاقي دعم من الحكومة لان اغلب المدفوعات العامة بتم عن طريقه زي مصاريف استخراج الرخصة مثلا اللي لازم تروح تدفعها عن طريق الراجحي او تعاملات الحكومة برضه في الميناء وغيره كان زمانه وقع من بدري

الطابع الديني المتشدد (من وجهة نظرهم ) يا عمرو مش معناه انك تلاقي علي بطاقة الصراف جملة زكاتك قبل مماتك مثلا لكن تلاقيها في قلة الفروع المخصصة للسيدات والتفرقة الواضحة في خدمة العملاء بين السعودين والاجانب او بين الملتحي وغيره وهكذا وده مستحيل تلاقيه في اي بنك تاني

عارف البنوك التانية شوية شوية هيشيلوك من علي الارض شيل ويتمنولك الرضا ترضي

تم تعديل 6 أكتوبر 2008 بواسطة Diab

[MZohairy]

اتفق 100 % مع أبو لؤي يا عمرو

لولا أن بنك الراجحي بيلاقي دعم من الحكومة لان اغلب المدفوعات العامة بتم عن طريقه زي مصاريف استخراج الرخصة مثلا اللي لازم تروح تدفعها عن طريق الراجحي او تعاملات الحكومة برضه في الميناء وغيره كان زمانه وقع من بدري

الطابع الديني المتشدد (من وجهة نظرهم ) يا عمرو مش معناه انك تلاقي علي بطاقة الصراف جملة زكاتك قبل مماتك مثلا لكن تلاقيها في قلة الفروع المخصصة للسيدات والتفرقة الواضحة في خدمة العملاء بين السعودين والاجانب او بين الملتحي وغيره وهكذا وده مستحيل تلاقيه في اي بنك تاني

عارف البنوك التانية شوية شوية هيشيلوك من علي الارض شيل ويتمنولك الرضا ترضي

ده بالإضافة يا دياب الى المستوى الضعيف جدا لموظفي الراجحي و لك ان تتخيل على سبيل المثال ان مدير فرع من الفروع الرئيسية بالخبر و مدير الإئتمان في نفس الفرع(بدون ذكر اسماء) لا يتكلمون الإنجليزية مطلقا !!!!!!!

[Amr Radwan]

السلام عليكم ..

ازيك يا دياب اية اخبارك ؟؟

تسلم علي الموضوع الجميل ده و ربنا يجزيك خير ان شاء الله ..

انا كان اعتراضي انه اقتران كلمة "المعاملة السيئة" مع "الطابع الديني "

و الاخ زهيري وضح انه مش قصده كده و ان قصده ان ناس كتيرة بتروح له عشان الطابع الديني و عشان الناس كتيرة بيقل مستوي الخدمة ..

لكن انا لا اعترض او اوافق .. علي ان الخدمة في الراجحي سيئة

و لكن الملاحظ ان فيه شكاوي كتيرة من الراجحي

و تقبلوا تحياتي ..

و في انتظار للمواضيع الجميلة دي ..

[MZohairy]

و الاخ زهيري وضح انه مش قصده كده و ان قصده ان ناس كتيرة بتروح له عشان الطابع الديني و عشان الناس كتيرة بيقل مستوي الخدمة ..

خليني اوضحلك نقطه مهمه جدا يا عمرو

مستوى خدمة الراجحي مبيقلش عشان عملاؤه كتير ولا عشان ديني

الراجحي خدمته سيئة لأن الكوادر اللي فيه ضعيفة علميا و اداريا

و طبعا مالكيه,,,لأن فرق كبير جدا بين انك تكون ملياردير و بين انك تكون مدير بنك ناجح

يعني ملاكه و ادارته و موظفينه هم اللي المشكلة فيهم فقط

بدليل ان في بنوك كتير و عملائهم بأعداد ضخمة جدا و مع ذلك بيحافظوا على مستوى الخدمه

[Diab]

عمرو باشا وجماعة ال IT كلهم

ازيك

متشكرا علي المجاملة الحلوة دي

الهدف من الموضوع ان الناس متهوش وتعرف تحدد اللي عاوزاه علي طول عشان بيقولوا ان الغريب اعمي ولو كان بصير

ربنا يديم المحبة والمعروف

يا مسيو زوهيري

المعلومة اللي بتقولها دي فضيحة بكل المقاييس

مدير الائتمان مبيعرفش انجليزي ( مانشيت صفحة اولي بجد )

تفتكر هما محتاجين دروس FOLLOW ME بتاعة البي بي سي

[Diab]

عشان تعرف فين تلاقي فروع بنك سامبا و الاهلي وأماكن الصراف الآلي ATM في إضغط الرابط التالي

فروع سامبا

فروع الاهلي

حاجة تشرف بصراحة art:)

البنك العربي الوطني

موقع البنك

بنك سعودي وهو تقريبا عامل زي بنك ناصر في مصر عشان معاشات المتقاعدين بتتحول عليه

يعني أغلب رواد البنك من ناس كبيرة في السن

ينفع يكون لك حساب ادخاري وليس حساب رئيس

ارشادات هامة سارية لكل البنوك :big_boss:

عشان تفتح حساب لازم تجيب خطاب من الكفيل فيه راتبك ولو عاوز تاخد فيزاكارد لازم الخطاب يكون فيه تاريخ التحاقك بالعمل

صورة جواز السفر مختوم من الشركة أو أحضر الاصل للاطلاع لو معرفتش تختمه

اصل وصورة الاقامة سارية المفعول

ملحوظة لو الاقامة انتهت اوتوماتيك بتلاقي الحساب بتاعك اتجمد لحد ما تجيب صورة الاقامة الجديدة وممكن تسلمها لاقرب فرع للبنك بتاعك وبيتم فتح الحساب بعدها مباشرة

بالنسبة للبطاقة الائتمانية لسامبا علي كل سحبة بياخد 70 ريال لو كان السحب كاش والعمولة العادية لو كانت مشتروات

بالنسبة للبطاقة الائتمانية للاهلي علي كل سحبة بياخد 30 ريال بحد اقصي 1000 ريال علي المرة الواحدة وده افضل لو كنت بتسحب مبلغ اقل من 1000 ريال لان 30 أرحم من 70 :sad: لو كان السحب كاش والعمولة العادية لو كانت مشتروات

تم تعديل 6 أكتوبر 2008 بواسطة Diab

[Amr Radwan]

بصراحة احلي حاجة في النظام المصرفي هنا في السعودية .. اني لو معايا اي بطاقة ATM من بنك سعودي اقدر اسحب من اي ماكينة صراف تبع اي بنك تاني .. بدول تكلفة اضافية زي البنوك المصرية .. بعض البنوك مالهاش ماكينات صراف في المدينة اللي فيها الفرع ..

يعني مثلا لو انت من الزقازيق و معاك بطاقة ATM من بنك فيصل الاسلامي .. يبقي انت لازم تسحب من اي بنك تاني لان للاسف مفيش ماكينة واحدة لبنك فيصل في الزقازيق .. و عجبي !!!

[ozoozo]

معلش ياجماعه عايز اعرف فتره السداد للمشتروات اد ايه بالنسبه للفيزا او الماستر وهل ينفع لو ان بشتري سياره وفاضل علي تمنها اربع او خمس الاف ادفعهم للمعرض بالفيزا؟؟؟؟

[MZohairy]

معلش ياجماعه عايز اعرف فتره السداد للمشتروات اد ايه بالنسبه للفيزا او الماستر وهل ينفع لو ان بشتري سياره وفاضل علي تمنها اربع او خمس الاف ادفعهم للمعرض بالفيزا؟؟؟؟

تقدر تدفع اي حاجه في الدنيا بالفيزا اذا كان المكان اللي حتشتري منه عنده ماكينة السحب الالكترونيه و يكون موافق على البيع بالفيزا مش بالكاش لأنها تفرق بالنسباله

اما موضوع فترة السداد فبيتراوح من 45 الى 50 يوم حسب البنك و عمولة التمويل على المبلغ الغير مسدد بتكون من 1 الى 2.5 % من قيمة المبلغ شهريا

يعني لو انت عليك مثلا 1000 ريال غير مسدد يبقى حتدفع 25 ريال شهريا فوائد يعني حوالي 300 ريال سنويا (ده غير الفايده المركبه طبعا)

[أحمد سيف]

معلش ياجماعه عايز اعرف فتره السداد للمشتروات اد ايه بالنسبه للفيزا او الماستر وهل ينفع لو ان بشتري سياره وفاضل علي تمنها اربع او خمس الاف ادفعهم للمعرض بالفيزا؟؟؟؟

أنا دفعت مقدم سيارتي بالماستر كارد، والجماعة ما مانعوش ولا زودوا في السعر رغم إن المبلغ كان تقريبا 20 ألف ريال

بعض السلع زي الذهب غير المصنّع هاتلاقيهم بيضيفوا عليك 3.5% لإن البنك بياخذ عليهم 3% من قيمة البيع كمصاريف، ولإن الذهب السبايك مكسب المحل فيه بيكون صغير فلازم يحملك النسبة دي

نصيحة أخوية ... تجنب تماما سحب فلوس كاش بواسطة الكريديت كارد، بياخذوا عليك مصاريف والفائدة بتكون عالية

الحاجة الثانية ... حاول تدفع كامل المبلغ قبل تاريخ الاستحقاق ... لو دفعت جزء من المبلغ فقط الفائدة تحسب على مبلغ الفاتورة كاملا

ثالثا ... طالما إنك مش هاتبقّي مبالغ مش مدفوعة في الكريديت كارت ... فإنك لن تدفع فوائد، وبالتالي تجاهل الفروقات في أسعار الفائدة بين الكروت، وركز على المصاريف السنوية والخدمات الأخرى التي تحصل عليها مع الكريديت كارد (خصومات - أميال جوية ... الخ)

آخر نقطة ... خلي بالك إنك لو اشتريت بعملة أخرى غير عملة الحساب بتاعك (اشتريت في مصر بالجنيه مثلا) هاتلاقي سعر التحويل سئ ... وبالتالي حاول أن تتجنب استعمال الكريديت كارد خارج البلد إلا لو كنت مضطر

[MZohairy]

الحاجة الثانية ... حاول تدفع كامل المبلغ قبل تاريخ الاستحقاق ... لو دفعت جزء من المبلغ فقط الفائدة تحسب على مبلغ الفاتورة كاملا

اتفق معك يا ansaif في كل مداخلتك ماعدا الجزء اعلاه

فالفائدة تحسب على المبلغ المتبقي اي الغير مدفوع فقط

يعني لو الفاتوره 1000 ريال مثلا و انت دفعت الحد الأدنى اللي هو 100 ريال مثلا يحسبوا عليك 2.5 % من ال 900 ريال المتبقي عليك بس مش من ال 1000 كلها يعني العموله حتكون 22.5 ريال

و هذا ما يحدث معي منذ اكثر من 13 سنه في بنوك السعوديه (الأهلي و البريطاني و الأمريكي و الفرنسي) أو العمانيه أو الإماراتيه يعني نظام عالمي

شكرا

[Diab]

ثالثا ... طالما إنك مش هاتبقّي مبالغ مش مدفوعة في الكريديت كارت ... فإنك لن تدفع فوائد، وبالتالي تجاهل الفروقات في أسعار الفائدة بين الكروت، وركز على المصاريف السنوية والخدمات الأخرى التي تحصل عليها مع الكريديت كارد (خصومات - أميال جوية ... الخ)

بالظبط واسمها في البنك الأهلي

ودي كل ما تشتري حاجات تعطيك اميال معينة وبيها ممكن تاخد تذاكر سفر مجانية ودي مفيدة للناس الي بتسافر اجازات او حتي في الشغل

تم تعديل 7 أكتوبر 2008 بواسطة Diab

[أحمد سيف]

الحاجة الثانية ... حاول تدفع كامل المبلغ قبل تاريخ الاستحقاق ... لو دفعت جزء من المبلغ فقط الفائدة تحسب على مبلغ الفاتورة كاملا

اتفق معك يا ansaif في كل مداخلتك ماعدا الجزء اعلاه

فالفائدة تحسب على المبلغ المتبقي اي الغير مدفوع فقط

يعني لو الفاتوره 1000 ريال مثلا و انت دفعت الحد الأدنى اللي هو 100 ريال مثلا يحسبوا عليك 2.5 % من ال 900 ريال المتبقي عليك بس مش من ال 1000 كلها يعني العموله حتكون 22.5 ريال

و هذا ما يحدث معي منذ اكثر من 13 سنه في بنوك السعوديه (الأهلي و البريطاني و الأمريكي و الفرنسي) أو العمانيه أو الإماراتيه يعني نظام عالمي

شكرا

ممكن ده يكون اختلاف بين بنك والثاني ... في ستاندرد تشارترد البحرين بيطبقوا النظام ده، وموجود بند بيقول كده في الاتفاقية

أنا كده شكلي ها أغير البنك :rolleyes:

[MZohairy]

ثالثا ... طالما إنك مش هاتبقّي مبالغ مش مدفوعة في الكريديت كارت ... فإنك لن تدفع فوائد، وبالتالي تجاهل الفروقات في أسعار الفائدة بين الكروت، وركز على المصاريف السنوية والخدمات الأخرى التي تحصل عليها مع الكريديت كارد (خصومات - أميال جوية ... الخ)

بالظبط واسمها في البنك الأهلي

ودي كل ما تشتري حاجات تعطيك اميال معينة وبيها ممكن تاخد تذاكر سفر مجانية ودي مفيدة للناس الي بتسافر اجازات او حتي في الشغل

كانت البطاقه دي زمان اسمها الفرسان يا دياب

و كل ما تشتري اكتر بتاخد اميال اكتر

بس نصابين قوي

يعني لازم تكون مثلا اشتريت خلال سنه بمبلغ 100 الف ريال عشان يديلك تذكره ببلاش قيمتها 1200 ريال و بتدفع 150 ريال باين لما تاخدها رسوم معرفش ليه

[Diab]

بنك ساب

واسمه البنك السعودي البريطاني

يعتبر من أفضل البنوك الموجوده في المملكة

يعيب عليه قله فروعه وندرة ماكينات الصرافة لكن خدمة العملاء عنده قوية

لنا عودة