يبقى انت اكيد فى مصر....

[alaashabana]

صور عن مصر وفى مصر... بجد زعلت اوى لما شوفت الصور دى...حسيت بيأس من حالها..هل العيب فينا وفى الناس ولا العيب فى الحكومة ولا فين بالظبط العيب...

[alaashabana]

لسة كمان فية صور ..

[alaashabana]

باقى الصور...

[alaashabana]

لسة فاضل شوية كمان

[melhamy]

السلام عليكم ورحمه الله و بركاتة .....

مش عارف اقولك ايه ؟؟

هل أقولك إذا بليتم فا إستاتيروا ولا أقولك هو الأخ من ألمانيا ......

يا جماعة مش واحد طلع برة مصر يقوم راميها بالطوب و تافف عليها و يقول ( دى بلد بنت .... فقرية ) ....

والله انا دمى بيتحرق لما حد بيجيب سيره مصر بوحش ولو بضحك ... و كمان دى صور ناس فلاحين و غلابة و على قد تفكيرهم تحسب لهم مش تحسب عليهم .. ناس حولت المعاناه لنكتة . مش أحنا ( شعب النكتة الحلوة ) برضه ..

على العموم شكراً يا ابن .. مصر و ياريت تضيف صور ( مكتبة الأسكندرية .. البحر الأحمر ... الساحل الشمالى ... الفيوم ... الأقصر و أسوان ... شرم الشيخ و سانت كاترين ... السد العالى ) علشان تعرف انك أكيد .... أكيد فى مصر .

فداكى يا مصر .. بروحى

[alaashabana]

::: دعاء مصري مطحون :::

اللهم أنقذنا من نفسية الز ملاء.. وغباء الأصدقاء

اللهم ارحمنا من استبياع الجيل الجديد..

وحرائق السكة الحديد

واستقصاد كل مدير.. وندالة القرايب

الصغير منهم والكبير

اللهم أغثنا من كل عميل .. ومن فواتير موبينيل

اللهم أرحمنا من تشريفة عربيات المسئولين ,

وزحمة الشوارع في كل حين

وسحب الرخص في كل كمين.. من الغلبان مش م المتين

اللهم أهدى لنا سواقين الميكروباص

والمدير البصباص

اللهم ارحمنا من الشئون القانونية وشئون العاملين

واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..

وشر شلل البنات.. ولؤم الستات

وغباوة الحموات

والمينيمم تشارج كافيهات..

وهيافة الصحف والمجلات

وقطع الحرارة فجأة عن التليفونات وقت الزنقات

والمدارس اللي بتطلب تبرعات بالألافات

ووقــــوع السيــرفـــر وقفلـــة السايتـــات

اللهم ارفع مستوى الزمالك ..

لمستوى انبى والحدود.. أو حتى مستوى أسمنت أسيوط

أو أرسل يارب عليهم صاعقة..

بدل ما يخلونا نموت ..

اللهم سدد أقساطنا .. وضلل عنا مآمير الضرايب

اللهم ارزق جيل الوسط عقود عمل في ليبيا وقطر

اللهم افتح لجيلنا القديم الطريق الفسيح

حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشباب

واحمي يارب سماء مصر من سحابة الهباب

واكفنا شر صاحب الدقن الكداب

وصاحب التصريحات النصاب

اللهم ارزق كل بنت بعريس هدية..

وكل شاب بوظيفة وشقة وعربية

اللهم أحرق الـ 0900

واضرب الحرامية بالحرامية

ونجح أي طالب في أي كلية

حتى ولو كان في التربية الموسيقية

آآميين آآآمين

[alaashabana]

السلام عليكم ورحمه الله و بركاتة .....

مش عارف اقولك ايه ؟؟

هل أقولك إذا بليتم فا إستاتيروا ولا أقولك هو الأخ من ألمانيا ......

يا جماعة مش واحد طلع برة مصر يقوم راميها بالطوب و تافف عليها و يقول ( دى بلد بنت .... فقرية ) ....

والله انا دمى بيتحرق لما حد بيجيب سيره مصر بوحش ولو بضحك ... و كمان دى صور ناس فلاحين و غلابة و على قد تفكيرهم تحسب لهم مش تحسب عليهم .. ناس حولت المعاناه لنكتة . مش أحنا ( شعب النكتة الحلوة ) برضه ..

على العموم شكراً يا ابن .. مصر و ياريت تضيف صور ( مكتبة الأسكندرية .. البحر الأحمر ... الساحل الشمالى ... الفيوم ... الأقصر و أسوان ... شرم الشيخ و سانت كاترين ... السد العالى ) علشان تعرف انك أكيد .... أكيد فى مصر .

فداكى يا مصر .. بروحى

اخى العزيز

انا مش ضد مصر ولا بقول علشان طلعت برة يبقى مصر وحشة وووو

لا يا اخى

لكن كل الموضوع ان الواحد بيصعب علية مصر وهى حالها كدة وكل يوم فى تدهور

فعلا اللى فى الصور ناس غلابة .. لكن الموضوع مش الناس..الموضوع اكتر من مجرد صور..

ممكن تلاقى عائلة غلبانة لكن ابنهم ناجح ومتفوق على قد امكانياتة ..لكن هنا احنا والناس اللى فى مصر غلابة فعلا لكن الحكومة بدل ما تقوينا بتدينا على دماغنا..

اخى العزيز ...الاماكن اللى انت ذكرتها جميلة فعلا وخلابة ..لكن اسأل اى واحد على قد حالة انت شوفت الاماكن دى ..طيب تعرف تروحها وتستمتع بها..هيقولك الاماكن دى للناس الاغنياء..

يعنى رجعنا لنفس موضوعنا ان الناس اللى على قد حالهم حتى مش قادرين يستمتعوا بالاماكن الجميلة اللى ربنا وهب مصر بها..

لو انت كنت اشتغلت فى شرم الشيخ قبل كدة هتعرف معنى كلامى كويس..وتعرف قد اية كمية الشباب اللى بيشتغلوا بضمير وذذمة الحكومة كل يوم والتانى بتمسكهم بحجة امن وسلامة..او علشان فية اجتماع للوزراء ولا رئيس جاى يستجم فى شرم كام يوم..

انت بتتكلم كأنك انت الغريب ومش عايش فى مصر..علشان مشوفتش حاجة ..

انا مش زعلان من مصر ولا من ناسها..والصور دى دليل علىان شعب مصر على نياتة وطيب وفعلا شعب يقلب الحزن فرح ونكت..

لكن فى الاول وفى الاخر العيب فين .. فينا احنا ولا فى الحكومة ولا الناس اللى شغالة فىالحكومة..

روح طلع اى ورقة رسمية من الحكومة وشوف انت هتغلب قد اية علشان محدش من الموظفين بيقولك الخطوات كاملة ..بيكسل حتى يساعدك بالكام مع ان دة شغلة..

ياراجل حرااام عليك ..شكلك انت فعلا اللى جاى من المانيا ..

انا بحب مصر ونفسى اعيش فيها طول عمرى..علشان اهلى وناسى واصحابى هناك..مش علشان النيل ولا رغيف العيش اللى حتى بقى تبع الجمعية..

ياراجل اسأل الناس على حال مصر هيقولولك ....مع احترامى ليك لو فية اختلاف لى الاراء

[se_ Elsyed]

أي شعب في الدنيا ستجد عنده مثل هذه الطرائف مع اختلاف المواقف .

بس إحنا شعب نعشق إنتقاد أنفسنا ولا نرى فائدة من دفن رؤسنا في الرمال ..

وأظن لو جبنا صور من الهند مثلاً اللي طلعت القمر الأسبوع الماضي وتعتبر ثاني دولة بعد أمريكا في مجال البرمجيات .. هاتحس إنك في مصر عايش في الجنة ونعيمها .. ويكفي منظر القطارات اللي بتلاقي فيها ألاف البشر متشعبطين خارج القطار وعددهم اكبر ممن بالداخل لا ورافعين إيديهم وبيقولوا " هايل هتلر " ..

بص كده

او صور آلاف الخيام المنصوبة في طريق مطار نيودلهي او بومباي على جانبي الطريق وتعتبر دي منازل ناس كتير جداً هناك وعايشين ومبسوطين وبيخلفوا عيال بالعبيط وهما في الشارع نخلي بالنا كويس .. لا مطبخ ولا حمام ولا غرفة نوم وكل واحد مع نفسه

وكتير كتير من هذه المواقف في مختلف بلاد العالم

[alaashabana]

wst:: smk:

[somebody]

أرجو عدم التريقة في الدعاء

أنا عارفة إن حضرتك مخدتش بالك بس يا ريت تاخد بالك بعد كده

[جوال]

ماشاء الله جميل ورائع وغريب

[alaashabana]

somebody مشاركة بتاريخ اليوم, 03:19 PM

أرجو عدم التريقة في الدعاء

أنا عارفة إن حضرتك مخدتش بالك بس يا ريت تاخد بالك بعد كده

تحت امرك يافندم ...

على العموم انا مش بتريا ولا اللى كاتبة بيتريا على الدعاء ..لكن كل الموضوع انة ممكن يكون بيشتكى بس من الوضع الحالى واللى بيجرى حوالية...

شكرا على التعليق... واسفين يا ستى .. wst::

[Ghost]

و الله عندك حق يا سي السيد

فعلا جمعت بين المتناقضين

البلد فيها حاجات حلوه بجد بس مش للناس اللي في البلد

لكن الحاجات و الصور ديه ما هي الا تحايل للتعايش في مصر للناس اللي عايشة في البلد

[alaashabana]

يبقى انت اكيد فى مصر .... ام الدنيا ...علشان بنحبها لازم نعاتبها .. <_<

[moheltohamy]

يبقى انت اكيد فى مصر .... ام الدنيا ...علشان بنحبها لازم نعاتبها ..

تعيش وتجيب يابو علاء...

طبعاً أنا بافترض حسن النية إنك جايب الصور دي للمرح نضحك بيها على حالنا اللي لا يسر عدو ولا حبيب.

بس أنا هاعلّق على صورتين... إحم ، بحكم التخصص! :wub:

الصورة اللي الطلبة فيها واقفين على الكراسي ورا... دا يا سيدي غالباً بيكون في المشرحة. عندك ع الأقل 50 طالب حوالين ترابيزة التشريح ، وكل واحد منهم عاوز يشوف الحاجات اللي بيذاكروها ف الكتب ؛ عشان دي هيمتحنو فيها عملي آخر السنة ، والسكشن ده مالوش غير الجثة دي وبس ، وهيّه بتتفتح مرة واحدة... يعني ؛ الراجل بيفتج الجلد بتاع الفخذ مثلاً وبيورّيهم العضلة الرباعية ، وبعد كده بيبدأ يقطع العضلة جزء جزء عشان يورّيهم الأعصاب والأوعية الدموية اللي ماشية تحتها ، وعلاقتهم ببعض (Relations)! يعني اللي هتفوته لقطة ؛ مش هيشوفها تاني زي ما كانت!

وبالتالي فـ الناس اللي ورا دول بيطلعوا فوق الكراسي عشان يقدروا يشوفوا من اللي أدامهم... وياما وقفت زيهم كده ، وبصراحة كان ده أحلى مكان ؛ ع الأقل بعيد عن الجثة وريحة الفورمالين اللي كانت بتضرب ف النافوخ وبتبهدل عنينا! :blink:

الصورة التانية بتاعت الراجل العجوز اللي بيعملوله العملية وهوه صاحي...

الراجل - لو تاخد بالك - سنّه كبير ، وممكن جداً يكون الكبد عنده تعبان وما يستحملش ياخد مخدر كلّي ، ولو محتاج عملية ضروري ؛ يعملوا إيه؟! wst::

بياخد حقنة بنج في ضهره (Spinal or Epidural) ، ودي بتلغي الإحساس من المنطقة دي تماماً (وأحياناً مش تماماً أوي).

وعادي جداً واحدة بتولد وصاحية ، والعملية قيصري ، وتلاقيها بتقول للدكاترة أنا حاسّة بإيديكوا بتلعب (لكن الإحساس بالألم مقفول تماماً ، وإلا كانت ماتت من الألم)

و واحد تاني كانوا فاتحين مفصل الفخذ ، عشان يركّبوله مفصل صناعي ، والولد (بتاع 30 سنة) صاحي ، وعمّالين يدقدقوا وشنيور وبتاع ، والـ Cautery شغال (زي مكواة اللحام كده ، بيقطعوا بيها العضلات للوصول لعظمة الفخذ ، بدون نزف) ، واللذيذ الدخان بيطلع ؛ تخيل هوه شامم ريحة عضلات جسمه وهيّه بتشيط! عادي جداً...

طب كل ده وعادي...

راجل عجوز تاني ، عنده ميّه بيضا ف عينيه (Cataract) ، والمفروض عدسة العين تتشال!

الدكتور قاعد ع الميكروسكوب ، وبيفتح عين الراجل بمخدّر موضعي (قطرة) والراجل عمّال يفلفص ، والدكتور أسمعه بيكلّم الراجل (يا عم امسك نفسك في عرض النبي! أبوس إيدك اثبت!)

ولما سألته (إنتا ليه ما خدّرتوش كلي وريّحت نفسك؟) آللي جسمه ما يستحملش بنج!

اللذيذ إن الدكتور مجرّد ما فتح عين الراجل ، ولسّه هايسحبها بالقلم بتاع النيتروجين ده (Cryo-extraction of senile cataract) ، نلاقي العدسة طلعت لوحدها... :blink:

ماهو البيه من كتر الحزق رفع ضغط العين... يا دوب فتحنا الحجرة الأمامية للعين ؛ لقينا العدسة طالعة لوحدها wst::

يعني... دي مجرّد إضافة بس حبّيت أعلّق بيها على صورتين حسيت إنهم تبعنا wst::

[alaashabana]

تعيش وتجيب يابو علاء...

طبعاً أنا بافترض حسن النية إنك جايب الصور دي للمرح نضحك بيها على حالنا اللي لا يسر عدو ولا حبيب.

بس أنا هاعلّق على صورتين... إحم ، بحكم التخصص! closedeyes.gif

الصورة اللي الطلبة فيها واقفين على الكراسي ورا... دا يا سيدي غالباً بيكون في المشرحة. عندك ع الأقل 50 طالب حوالين ترابيزة التشريح ، وكل واحد منهم عاوز يشوف الحاجات اللي بيذاكروها ف الكتب ؛ عشان دي هيمتحنو فيها عملي آخر السنة ، والسكشن ده مالوش غير الجثة دي وبس ، وهيّه بتتفتح مرة واحدة... يعني ؛ الراجل بيفتج الجلد بتاع الفخذ مثلاً وبيورّيهم العضلة الرباعية ، وبعد كده بيبدأ يقطع العضلة جزء جزء عشان يورّيهم الأعصاب والأوعية الدموية اللي ماشية تحتها ، وعلاقتهم ببعض (Relations)! يعني اللي هتفوته لقطة ؛ مش هيشوفها تاني زي ما كانت!

وبالتالي فـ الناس اللي ورا دول بيطلعوا فوق الكراسي عشان يقدروا يشوفوا من اللي أدامهم... وياما وقفت زيهم كده ، وبصراحة كان ده أحلى مكان ؛ ع الأقل بعيد عن الجثة وريحة الفورمالين اللي كانت بتضرب ف النافوخ وبتبهدل عنينا! blink.gif

الصورة التانية بتاعت الراجل العجوز اللي بيعملوله العملية وهوه صاحي...

الراجل - لو تاخد بالك - سنّه كبير ، وممكن جداً يكون الكبد عنده تعبان وما يستحملش ياخد مخدر كلّي ، ولو محتاج عملية ضروري ؛ يعملوا إيه؟! unsure.gif

بياخد حقنة بنج في ضهره (Spinal or Epidural) ، ودي بتلغي الإحساس من المنطقة دي تماماً (وأحياناً مش تماماً أوي).

وعادي جداً واحدة بتولد وصاحية ، والعملية قيصري ، وتلاقيها بتقول للدكاترة أنا حاسّة بإيديكوا بتلعب (لكن الإحساس بالألم مقفول تماماً ، وإلا كانت ماتت من الألم)

و واحد تاني كانوا فاتحين مفصل الفخذ ، عشان يركّبوله مفصل صناعي ، والولد (بتاع 30 سنة) صاحي ، وعمّالين يدقدقوا وشنيور وبتاع ، والـ Cautery شغال (زي مكواة اللحام كده ، بيقطعوا بيها العضلات للوصول لعظمة الفخذ ، بدون نزف) ، واللذيذ الدخان بيطلع ؛ تخيل هوه شامم ريحة عضلات جسمه وهيّه بتشيط! عادي جداً...

طب كل ده وعادي...

راجل عجوز تاني ، عنده ميّه بيضا ف عينيه (Cataract) ، والمفروض عدسة العين تتشال!

الدكتور قاعد ع الميكروسكوب ، وبيفتح عين الراجل بمخدّر موضعي (قطرة) والراجل عمّال يفلفص ، والدكتور أسمعه بيكلّم الراجل (يا عم امسك نفسك في عرض النبي! أبوس إيدك اثبت!)

ولما سألته (إنتا ليه ما خدّرتوش كلي وريّحت نفسك؟) آللي جسمه ما يستحملش بنج!

اللذيذ إن الدكتور مجرّد ما فتح عين الراجل ، ولسّه هايسحبها بالقلم بتاع النيتروجين ده (Cryo-extraction of senile cataract) ، نلاقي العدسة طلعت لوحدها... blink.gif

ماهو البيه من كتر الحزق رفع ضغط العين... يا دوب فتحنا الحجرة الأمامية للعين ؛ لقينا العدسة طالعة لوحدها whistling.gif

يعني... دي مجرّد إضافة بس حبّيت أعلّق بيها على صورتين حسيت إنهم تبعنا happy.gif

والله هو دة الكلام الصح ..

انا فعلا مش بحيب الصور دى واقول ان مصر وحشة..لأ يا جماعه ..احنا شعب طيب وعلى نياته..

لكن فعلا انا مبسوط اوى اولا علشان تعليقك يا دكتور..وفعلا انت وضحت حاجات كتير اوى يمكن معظم الناس متعرفهاش وبكدة مظلمناش مصر ولا التعليم فى مصر..وتوضيحك للعملية دة فعلا كويس اوى ..

وانا مش بعيب فى مصر علشان رحت الخليج ولا ان شاء الله لما اروح كندا..بالعكس والله ..الصور دى يمكن بتبين قد الناس غلبانة .طيبة . ومخنوقة من العيشة ..يعنى بمعنى اصح فى عو الحزن تلاقينا نطلع نكت..

متشكر سا دكتور تهامى على التعليق بتاعك وايضاحك للنقط دى..

بس سؤال معلش اصلها حبكت معايا

بالنسبة للراجل العجوز واللى بيعمل عماية..هل لو فى كندا ممكن يحصل كدة ..تلاقى مريض كدة فى نص العملية ..ولا تلاقى اللمرضين جانبة وبيساعدوه ..؟؟؟

[president]

*****

تم حذف المداخلة لما فيها من شخصنة

ونرجو من الزميل عدم تحويل الموضوعات إلى خلافات شخصية

سي السيد

الإدارة

[ابو حودة]

طيب زي ما فهمنا من احد التعليقات ان الطلبة كتير في السيكشن ليه المحاضرات دي ما تتسجلش على الكمبيوتر بشكل احترافي والطلبة تاخدها تذاكر عليها براحتها اعتقد ان فيه تجربة زي دي تمت في كلية الزراعة جامعة القاهرة من فترة طويلة والموضوع ده ممكن يتم عن طريق اتحاد الطلبة علشان محدش يتكسب منه ( يعني يكون فيه نسخة واحدة اصلية يتم النسخ منها ) مع مراعاة حرمة الموتى ( عدم اظهار الشخصية الحقيقية )

[alaashabana]

***********

تم حذف المداخلة لحذف المداخلة الاخرى المردود عليها

سي السيد

الإدارة

[أحمد سيف]

الأخ علاء ... لي تعليق بسيط على بعض الصور مثل الدكتور الذي وضع البروجكتور على صندوق الزباله في المحاضرة أو الطلبة الذين يقفون على كراسي لمتابعة السكشن أو التلاميذ الذين يذهبون الى مدارسهم في سيارات نقل

هذه الصور بالذات أثارت إعجابي لأنها تؤكد أن المصريين ما زالوا يسعون للحصول على العلم في أصعب الظروف وبكل الوسائل ... وهذه ميزة نفتخر بها خصوصا حين أرى بحكم عملي في مؤسسة تعليمية بدولة نفطية كيف أن مستوى اهتمام وتحصيل الطلاب متدني للغاية رغم توفر كافة الإمكانيات ووسائل الراحة والرفاهية

باقي الصور يمكن تصنيفها الى ثلاثة أقسام: القسم الأول أخطاء فردية تحدث في كل المجتمعات نتيجة عدم امتلاك بعض الأفراد للمعرفة والمهارات (لا سيما اللغوية) اللازمة للتعامل مع مشكلاتهم

والقسم الثاني هي أخطاء تنظيمية نتيجة جهل أو غباء أو لا مبالاة بعض الموظفين والمسؤولين، الأمر الذي يمكن إرجاعه بصورة كبيرة الي عقوط طويلة من الاستبداد والفساد والاستبعاد المنظم للكفاءات والخبرات لمصلحة المحسوبيات والمصالح الضيقة

القسم الثالث هي مشكلات سلوكية متأصلة في المجتمع المصري تحتاج الى عمل دؤوب لمعالجتها، وأول خطوة في سبيل ذلك هي تحسين نوعية التعليم والإعلام الذي يتلقاه المصريون

السؤال الذي أسأله لنفسي قبل أن أوجهه لك ولكل واحد منا ... ماذا فعلت لتصحيح هذه الأوضاع الخاطئة وتحسين واقع الحياة في مصر.