شباب وشابات الاربيعينيااااااات

[قلب ابيض]

سعيده ؟ مكتئبه ؟ حاسه انى لوحدى ؟ الزمن جرى وانا مش حاسه ؟عاوه اجرى عاوزه ابكى عاوزهاتعلم عاوزه اتكلم

من الاخر عاوزه حد يسمعنى

ياترى مريت او مريتى بالآحساس ده؟ :big_boss:

ياترى فى لحظه انك بتتكلم وكأن اللى حواليك كلهم طرش ؟

او حسيت انك بتصرخ وصوتك مش طالع ؟؟ :malta:

احاسيس كتيره ومتناقضه احيانا مجملها انك عاوز تتكلم عن السن الغريب ده مرحله اوسط العمر " يدينا ويديكم طوله العمر "

بس مع مين تحكى ؟؟؟ مع اولادك؟ زوجتك ؟ زوجك؟ صديقك او صديقتك ؟

يالله نفتح باب الحوار فيما يخص هذه المرحله الحساسه فى نظرى انا شخصيا ونكون صادقين تماما

نبدأ بسم الله؟؟؟؟

مين معايا ياشباااااااااااب :110:

[a m ghazi]

انا مش معاك :malta:

انا قلت اعدي اعرفكو متعملوش حسابي معاكو wst::

ايه دا يا عم الحج :110:

هو الاربعين وحش كده (الناس بتكلم نفسها في الاربعين ولا ايه ) :sad: :sad:

عموما انا لسه عيل tot:: :lol: :lol:

انتو اتفقو مع بعض وابقو ادوني خبر :big_boss:

تقبل تحياتي

[قلب ابيض]

انا مش معاك :malta:

انا قلت اعدي اعرفكو متعملوش حسابي معاكو wst::

ايه دا يا عم الحج :110:

هو الاربعين وحش كده (الناس بتكلم نفسها في الاربعين ولا ايه ) :sad: :sad:

عموما انا لسه عيل tot:: :lol: :lol:

انتو اتفقو مع بعض وابقو ادوني خبر :big_boss:

تقبل تحياتي

انت على فكره واضح انك مافهمتش المقصود كويس

انا مش متشائمه ولا بقول دى نهايه المطاف كل مافى الامر محتاجه اتكلم واسمع حد من سنى اسمع له ويسمع لى نتحاور يا اخى فى اللى يشغلنا ونحل مشاكلنا سوا

والامر متروك لكم

[redwany]

انا الان لسه ماوصلتشش للاربعين بس فى بعض الاحيان باوصل لدرجة ان احس ان عمرى عدى ومن اسبوع لاسبوع ومن شهر لشهر والساقية بتلف

باقعد مع نفسى واقول ايه اخرها...فى الاخر هنموت

ولانى طبيب ولما باوصل لهذا الفكر باحس انى كده وصلت لمرحله فظيعه من الاكتئاب وهو ماقبل الانتحار

لما باوصل لكده باراجع نفسى واحاول اغير شئ فى حياتى

وبارجع لربنا شويه زياده

وبعد كده ارجع للساقيه تانى

مشكله تانيه

انا الواحد يقعد يفكر طيب ليه مادخلتش كلية الهندسه

او ليه ماتجوزتش البنت اللى حبيتها فى الاعداديه واسرح فيها واصحى من الحلم على صوت مراتى بتقلى سرحان فى ايه...فيكى ياحياتى

وارجع تانى للساقيه

وعلى رأى صلاح جاهين

اقلع غماك ياتور وبطل تلف

واكسر تروس الساقيه واشتم وتف

قال خطوه كمان وخطوه كمان

يا اوصل نهاية السكة يا البير يجف

السؤال؟

ياترى هنكسر الساقيه ولا هننتظر عمرنا لما يجف؟

تحياتى

[مصري جدا]

أنا قربت أخلص الأربعين ...بس من جوايا حاسس أني لسه في العشرينات ...مش بحس بالزمن غير ماشوف الأولاد والأقارب اللي كبروا وبقوا عرايس وعرسان ....بس المهم فعلا أنا بدأت أحس بغربه عن الزمان اللي حواليا ..الغربه في بلاد الغربه عاديه ..لكن لما نحسها لما نرجع بلدنا تبقي مشكله .....ولما نحسها وسط أولادنا وجوه بيتنا تبقي مشكله أكبر ....بس مش عارف لها سبب بلآقي نفسي بأتكلم في جهه واللي حواليا في جهه تانيه ......مش عارف ده كبر السن ولا لأ..... حاجه تانيه ...حاسس بعد العمر اللي فات والسنين الأخيره..أني كنت ماشي في دايره كبيره ....يعني مشيت وتعبت وفي الأخر لقتيني مكان مابدأت ....مش عارف أفتكرت رباعية جاهين اللي بيقول فيها

أرفع غماك ياتور وأرفض تلف

وأكسر تروس الساقيه وأشتم وتف

قال دي بس خطوة ...وخطوة كمان

لوصل لأخر السكه ...للبير يجف

عجبي

حسيت أني ماشي في نفس السكه ومستني أوصل للأخر ...بس للأسف لا حأوصل ولا البير حيجف

قلبتي المواجع يا قلب ابيض....بس انا حسيت أني مش لوحدي يعني حاجه تطمن شويه

redwanyالأخ

معقول توارد الأفكار دي ....انا لمل قرأت مداخلتك أتلخبطت... حسيت أنها بتاعتي ..بس مش ده الخط ولا اللون بتوعي ...أيه اللي حصل..... لقيت مداخلتي بعدها

تم تعديل 20 نوفمبر 2008 بواسطة مصري جدا

[MZohairy]

العمر بيتقاس بمقدار الرضا المحقق

[Emo]

العمر مش بالسنين بالمررة..

يعني انا 24 بس فعلا بقالي شهر ونص من كثر الضغط حاسة اني في أرذل العمر..

كل الأعراض اللي بتقوليها وأكثر..

عزلة..واكتئاب..و(باختصار ماقبل اليأس ب خمسة)..

لكن انا مش داخلة هنا اشكي وانووح..

انا بس حابة ااقول ان لو في ناس اقصى مشاكلهم في الحياة ان العمر عدى بيهم وفجأة لقوا نفسهم في الأربعين..

ففي حجات بتحصل في حياة الإنسان بتشيبه وهو في العشرين..وبتخلي جواه يشيخ فعلا..

يعني الحمد لله..الحمد لله ان العمر عدى بناس بالستر والرضا..

عدى بأمان..

عدى وده في حد ذاته نعمة كبيرة.. كبيرة اووي..

انك تلاقي العمر عدى بيكي يعني انك زيادة من الحمد..وزيادة من الرضا..

أحسن ع الأقل ماعمرك يقف عند مرحلة ويرفض انه يعديها حتى لو جسدك عدى..

اضحكي ..واستبشري..

ده الأربعين ده متعة الحياة..

وربنا يدينا كلنا الصحة والعافية..ويرزقنا رضاه ويستخدمنا في طاعته..

*اروح انا اعمل موضوع عن المنتحرين من فصيلة الأربعة وعشرين..

[قلب ابيض]

مصرى جدا ايمو رضوانى سعيده بتفاعلكم معايا

والموضوع يا جماعه فعلا مش بيتقاس بالسنين زى ما ايمو وضحت بس برده زى ما قال اخوناالمصرى ان الواحد مننا او عن نفسى حسيت انى اتسرقت ؟؟ ايوه العمر جرى منى بس وانا حاسه بيه

مشكلتى انى جوايا شابه ومحبه للحياه جدا تصدقونى وماتسخروش منى انا مابلاقيش نفسى غير مع سن الشباب والشابات -مواضيعهم تهمنى واحب اكون دايما وسطهم مش تفاهه بس لان مجتمع النساء من سنى يقصروا العمر

حواراتهم يا اما هم العيال او قرفهم من ازواجهم اوالامراض اللى بتواكب هذه المرحله العمريه او غلاء المعيشه او التحس عن شباب كل واحده فيهم اللى اندفن بالجواز

بالله عليكم ده حديث يدعوا للتفاؤل ؟ او حتى يشجع على الكلام فبلاقى الصمت افضل

نيجى نلعب داخل ملعبنا بقى البيت والاود

الاولاد عاوزين عاوزين دايما مع اختلاف الاعمار والاحتياجاتبس فى النهايه انتى ماما اللى بتعرف تعمل كل حاجه وتقدر تلبى كل حاجه حتى لو كانت من اللامعقول

ام خارقه ما ينفعش تقول لاء ماينفعش ترتاح مش من حقها حتى تمرض؟؟؟؟؟

والله فى عز المرض الاقى اللى بيطلب منى كما لو كنت باتمارض وده ليه لانى ماما اللى مش لازم تتعب ولا تكل

اما زوجى الحبيب بارك الله لنا فيه عليه هموم الحياه وتدبير امور المعيشه الكريمه وما بين هذا وذاك يضيع حق ماما فى الاستمتاع بحياتها الخاصه حيث لا صديق ولا هوايه ولا متعه لها اكثر من مشاهد التلفزيون ان سمح الوقت

مع العلم اننى اشعر بأننى فى قمه حيويتى ونشاطى الذهنى واحساس العشرينات يراوغنى ولكن بنظره سريعه للاولاد وسنهم واحتياجتهم اعود لاشعر بالحقيقه المره انا كبرت وانا مش واخده بالى

الحمد لله على كل حال

انا وجعت دماغكم معلش بس ده من عشمى فيكم وانا على فكره بتصيد الوقت اللى اقعد معاكم حتى اشعر بأدميتى وحقى لنفسى

[لولا]

مصرى جدا ايمو رضوانى سعيده بتفاعلكم معايا

والموضوع يا جماعه فعلا مش بيتقاس بالسنين زى ما ايمو وضحت بس برده زى ما قال اخوناالمصرى ان الواحد مننا او عن نفسى حسيت انى اتسرقت ؟؟ ايوه العمر جرى منى بس وانا حاسه بيه

مشكلتى انى جوايا شابه ومحبه للحياه جدا تصدقونى وماتسخروش منى انا مابلاقيش نفسى غير مع سن الشباب والشابات -مواضيعهم تهمنى واحب اكون دايما وسطهم مش تفاهه بس لان مجتمع النساء من سنى يقصروا العمر

حواراتهم يا اما هم العيال او قرفهم من ازواجهم اوالامراض اللى بتواكب هذه المرحله العمريه او غلاء المعيشه او التحس عن شباب كل واحده فيهم اللى اندفن بالجواز

بالله عليكم ده حديث يدعوا للتفاؤل ؟ او حتى يشجع على الكلام فبلاقى الصمت افضل

نيجى نلعب داخل ملعبنا بقى البيت والاود

الاولاد عاوزين عاوزين دايما مع اختلاف الاعمار والاحتياجاتبس فى النهايه انتى ماما اللى بتعرف تعمل كل حاجه وتقدر تلبى كل حاجه حتى لو كانت من اللامعقول

ام خارقه ما ينفعش تقول لاء ماينفعش ترتاح مش من حقها حتى تمرض؟؟؟؟؟

والله فى عز المرض الاقى اللى بيطلب منى كما لو كنت باتمارض وده ليه لانى ماما اللى مش لازم تتعب ولا تكل

اما زوجى الحبيب بارك الله لنا فيه عليه هموم الحياه وتدبير امور المعيشه الكريمه وما بين هذا وذاك يضيع حق ماما فى الاستمتاع بحياتها الخاصه حيث لا صديق ولا هوايه ولا متعه لها اكثر من مشاهد التلفزيون ان سمح الوقت

مع العلم اننى اشعر بأننى فى قمه حيويتى ونشاطى الذهنى واحساس العشرينات يراوغنى ولكن بنظره سريعه للاولاد وسنهم واحتياجتهم اعود لاشعر بالحقيقه المره انا كبرت وانا مش واخده بالى

الحمد لله على كل حال

انا وجعت دماغكم معلش بس ده من عشمى فيكم وانا على فكره بتصيد الوقت اللى اقعد معاكم حتى اشعر بأدميتى وحقى لنفسى

قلب ابيض .. انتى عارفه انتى اسم على مسمى

انا حسيت كل كلمه كتبتيها هنا اوى ,,عارفه انا ماما كمان كده ,, بتكبر فى السن آه لكن عمرها ما اتعاملت مع نفسها انها بتكبر

بتحب تنزل معايا نشترى اى حاجه ..

تحب حتى لما تعجبنا حاجه معينه فى اللبس الا قيها بنشترى زى وهى بتضحك وتقول يعنى انا مليش نفس,

انا بحب اوى اشوف الروح دى فيها .. عارفه يا قلب ابيض حقولك حاجه غريبه شويه ماما لما كنا صغيرين

كانت جد شويه معانا ,, ومع الحياه كلها ,, لكن فى فتره من الفترات انا حسيت انها بدأت تتغير عن الأول

وبعدين لما كبرت فهمت انها كانت دخلت الأربعين وقتها وانها اعتقد كانت حاسه زيك كده وقررت تحب

الحياه ونفسها وتعيش وتضحك وتهتم بنفسها اكتر كمان.

انا على فكره بحب اوى اقرب من كل الناس فى مختلف مراحلهم العمريه ,, اقرب من فكرهم من شخصياتهم

اتعلم من تجاربهم .. عارفه كل الناس بتحس ان العمر بيتسرق منها ... انا كمان بحس ان العمر بيجرى بيه

ديما افتكر لولا اللى قلبها دق اول مره وعندها 18 سنه وابص على نفسي دلوقت الاقى نفسي حدخل خمسه وعشرين

بعد كام اسبوع .. واقول لنفسي حفضل على طول البنت الصغيره ولا حكبر والسنين حتتسحب من تحت رجلى

وبعدين افتكر ماما ,, افتكر ازاى قدرت تكبر وتحافظ على روحها وقلبها ويمكن حتى جمالها واهتمامها بنفسها

زى ما كانت ديما .

قلب ابيض انتى لسه صغيره ..اتعلمى تحبى نفسك والحياه .. اعتبرى قلب ابيض دى انسانه وحده غيرك

وانتى بتحبيها اوى ..صاحبتك اختك مامتك واديها حقها ,, بلاش تخلى روتين الحياع وزحمتها تحرمك

من حق نفسك عليكى ,

عارفه كمان لو كنتى بتتفرجى على برنامج (اوبرا ) حتلاقى ازاى انها الست دى بجد هايله جدا جدا

عندها ثقه رهيبه بنفسها ، ديما بمناسبه ومن غير لا زم تقول انها حاجه وخمسين وبتبص للموضوع

بشكل ايجابى ان دى خبره اكتسبتها من الحياه . انها كل سنه بتتعلم اكتر... وتلاقيها وسط كل دا

بتحترم نفسها وتعرف تدى الناس حقوقها وتاخد حقوقها كمان.

العمر مجرد تاريخ بايخ على شهاده ميلاد .. لكن انتى عمرك الحقيقى انتى اللى بتعمليه بحبك لنفسك

اهتمامك بيها بجمالك بروحك .. ادى اللى حوليك لكن لازم يكون ليكى حقوق عندهم..

لا زم تكون ليكى مساحه خاصه مع نفسك ................. واحنا ديما هنا ,,,,,,,,, ارجوكى ديما ادخلى هنا وسطنا

وانتى حتلاقينا بنسمعك ........... انتى لا يمكن تكونى تقلتى على حد ولا دوشتيه ,

انا حبيتك اوى بجد.

لولا

تم تعديل 21 نوفمبر 2008 بواسطة لولا

[~Heba~]

انا الواحد يقعد يفكر طيب ليه مادخلتش كلية الهندسه

عشان كنت علمى علوم :lol:

او عشان هندسة مجموعها عالى

أنا قربت أخلص الأربعين ...

بتتكلم جد و الله

انا فاكرة ان عندك حاجة و خمسين

[سهران]

قلبتي علينا المواجع .......... كنا بنحاول ننسا .......

وصلت لهذا السن الفارق هذا العام و لم أكن أتخيل حالة الشرود التي أصابتني عند بلوغه ...... بالفعل هو سن فارق .... يقول الله تعالى في سورة الأحقاف :

( ووصينا الانسان بوالديه احسانا حملته امه كرها ووضعته كرها وحمله وفصاله ثلاثون شهرا حتى اذا بلغ اشده وبلغ اربعين سنة قال رب اوزعني ان اشكر نعمتك التي انعمت علي وعلى والدي وان اعمل صالحا ترضاه واصلح لي في ذريتي اني تبت اليك واني من المسلمين )

فهو بالفعل سن فارق ... علينا أن نبدأ بعده في أعادة ترتيب الأولويات و التأمل فيما مضى و فيما هو آت .... ما أنصحكوش تسمعوني السنة دي لأني لسة متأثر بحالة الأكتئاب المصاحبة لهذه المرحلة العمرية .... الغريب أني مش مصدق لغاية دلوقتي و حاسس أن عندي ثلاثة و عشرين سنة بالضبط و هو تاريخ بداية اغترابي في بلاد الله .... يخفف من حدة الشعور و الغصة التي تلازم هذا السن النظر لبعض الأنجازات التي تحققت و منّ الله علينا بها بفضلة و كرمه و نقول ما راحتش السنين هدر و الحمد لله ... أكتر حاجة بتضايقني لما ألاقي واحد صاحبي شعره بدأ يبيض أو أصبح بلا شعر أصلا .... بتخض .... مرة محمد أبني بيسألني على واحد منهم بيقولي صاحبك ده يابابا ........ قو لتله لأ يا أبني .... أبدا ..... ده كان صاحب أبويا زماااااااااااااااان و أوعدك مش هاعرفه من النهاردة منعا للأحراج.

الأخت قلب أبيض ..... تحياتي و تمنياتي بالصحة و الستر و طول العمر في سعادة و قرب من ربنا و ان شاء الله القلب دايما أبيض :king: القلب آه .... الشعر لأ ..... على رأي نانسي عجرم .

الباشمهندسة هبة ...... تؤ تؤ ..... الأبنة هبة :big_boss:طالما فرحانة فينا كدة .......... خفي شوية و ما تتريأيش علينا بلا خمسين بلا أربعين ... هانجيلك يوم ما تبقي زينا و نطلعلك لسانا :lol: .

تحياتي .

تم تعديل 21 نوفمبر 2008 بواسطة سهران

[zizetta]

موضوع رائع .. وفعلا قلبتي علينا المواجع .. أنا فاضلي خطوة واحدة واخلص الأربعينات .. علشان كده المفروض ان اللي يكتب في هذا الموضوع يكون مر بالتجربة يعني ممنوع الدخول لأقل من أربعين حتى نستفيد من تجارب بعض ..

طبعا السن في اول الأربعينات غير في آخر الأربعينات .. هناك متغيرات كثيرة لكل من الرجل والمرأة في العمرين .. وأنا أرى أن سن الأربعين هو أجمل سن بالنسبة لكلا منهما .. فالرجل يبلغ أشده من حيث العقل ورجاحته فيكون أكثر جاذبية (هذا رأي الشخصي) أما المرأة فتكون قد تخلصت من أكثر همومها وهي تربية الأولاد والرضاعة والبامبرز والمدرسة والواجبات .. وتكون اكثر خبرة بالحياة واكثر نضوجا ..

في أوائل سن الأربعين تقل المشاكل بين الزوجين فقد فهم كل منهما الآخر .. وحدث شيء من الإستقرار العاطفي (للأسوياء) والإستقرار المادي والمهني الي حد ما يكفل نوع من انواع الهدوء النفسي .. لذلك أنا اري ان سن بداية الأربعين هو سن رائع لكل من الجنسين .. فيستمتع الجميع بحياته .. لكل سن جماله وحلاوته .. المهم أنني أؤمن تماما بالمقولة : العالم كما نصوره لأنفسنا .. فدع القلق واستمتع بالتأمين :big_boss:

أما بقى سن نهاية الأربعين .. فلي معه صولات وجولات .. حيث يكبر الأبناء ويكونوا تقريبا ليسوا في حاجة اليك الا لما تدفعه .. وتكون انت في حاجة اليهم تشاركهم احلامهم وأفكارهم .. حتى أصدقائهم تحاول ان تختلط معهم حتى تشعر بالحياة وبسنين عمرك ايام ما كنت قدهم .. لآنك في هذا السن تشعر ان عمرك اتسرق منك .. وتبتدي تفكر انا سنين عمرى دي كلها راحت في ايه .. وتنسي كل شيء وتظل تفكر ان ما بقى اقل بكتيييييييييير من اللي فات .. طيب ايه الحل ..

من وجه نظري ان الإيمان بالله هو اقصر الطرق للهدوء النفسي والرضا والإحساس بالإستقرار والطمأنينة ..

المشكلة انني اميل للعزلة أكثر الآن وكل الناس عندي فيهم عيوب ومشاكل فهذا كذاب وهذا منافق وهذا مش متدين وهذا لئيم وهذا مش مريح .. لذلك أجد نفسي ابتعد والمشكلة الأكبر اني بلاقي نفسي أسعد وانا بعيدة عن الناس ..

مشكلة سن آواخر الخمسين انك بتحس انك شاب صغير لأن قلبك فعلا شباب وروحك شباب وكل اللي بيختلف هو عمر بيجري وشوية اختلاف في الشكل .. بتحس انك فعلا كبرت لما بتشوف حد كنت تعرفه زمان ايام ثانوي والجامعة .. او ل حاجة بقولها له ياااه انت عجزت اوي .. والاقي شكله أو شكلها راجل او ست كبيرة.. بس لما بروح البيت وابص في المرآه بلاقيني لسه صغيرة :king: .. يظهر علشان اتعودت اني أشوفني كل يوم .. بس يا تري بقى الناس التانين رايهم ايه .. معرفش علشان محدش بيقولي غالبا الحقيقة .. بيقولوا لي بس .. انت كنتي حلوة اوي وانتي صغيرة !

تحياتي

زيزيتا

[لولا]

موضوع رائع .. وفعلا قلبتي علينا المواجع .. أنا فاضلي خطوة واحدة واخلص الأربعينات .. علشان كده المفروض ان اللي يكتب في هذا الموضوع يكون مر بالتجربة يعني ممنوع الدخول لأقل من أربعين حتى نستفيد من تجارب بعض ..

زيزيتا

انتى بتتكلمى جد يا زوزو :wub: اهه اهه :yahoo: وانا اللى داخله احكى عن ماما وتجربتها واللى اتعلمته منها بكل ثقه gsp_) يعنى انا كمان بقول انى بكبر اهو زيكم وحدخل خمسه وعشرين :sofa: يعنى خلاص خمستعشر سنه فرق تخليكو تطلعونى بره :swing: .................... انا زعلانه منكم خلاص :lol:

ومن غير مع السلامه كمان . :king:

لولا المقموصه :big_boss:

[zizetta]

لا يا لولا والله ما تزعلي .. الموضوع اصله جد جدا بجد .. يعني تقريبا ده حال كل اللي في السن ده .. لما أقابل اصحابي او معارفي في السن ده كل كلامهم بيكون زي ما أختنا الفاضلة قلب أبيض طرحته أو تناولت أجزاء كتيرة منه .. لكن طبعا كلنا كستات متفقات ان احنا تحت اي ظرف من الظروف مش بنعدي الخامسة والعشرين .. وعشان خاطرك يا لوزو خليها 30 سنة بس .. انا مش قصدي ان الصغيرين ما يدخلوش لكن بقول ان تجربتهم الحقيقية بنفسهم واحاسيسهم هم هي المطلوب انها تتنقل لمن هم في مثل هذا السن.. لأنه بالتأكيد بالتأكيد فيه مشاعر وأحاسيس لم تفصح عنها والدتك مهما كانت الصلة بينكم قوية ..وفيه حاجات مبيعرفش الواحد حتى يعبر بيها لنفسه .. لكن عموماً فيه ناس برضة صغيرة وخبرتها بالحياة كبيرة لرجاحة عقلها .. لكن التجربة مطلوبة .. يعني مثلا احكي لنا عن شعورك كجدة وماذا تفعلي مع أحفادك ويفعلوا معك .. أكيد حتنقلي لنا تجربة جدتك .. لكن مش تجربتك انت شخصياً ..وأنا مش حيبقي عندي تجربة انقلها لأني لم صبح جدة بعد ..بس ده كل قصدي ...

تحياتي

زيزيتا

[سهران]

موضوع رائع .. وفعلا قلبتي علينا المواجع .. أنا فاضلي خطوة واحدة واخلص الأربعينات .. علشان كده المفروض ان اللي يكتب في هذا الموضوع يكون مر بالتجربة يعني ممنوع الدخول لأقل من أربعين حتى نستفيد من تجارب بعض ..

زيزيتا

انتى بتتكلمى جد يا زوزو :o اهه اهه :cry1: وانا اللى داخله احكى عن ماما وتجربتها واللى اتعلمته منها بكل ثقه :cry: يعنى انا كمان بقول انى بكبر اهو زيكم وحدخل خمسه وعشرين :sad: يعنى خلاص خمستعشر سنه فرق تخليكو تطلعونى بره :cry1: .................... انا زعلانه منكم خلاص :beee:

ومن غير مع السلامه كمان . :scooter:

لولا المقموصه :beee: :blush2:

بصي يا لولا .... نصيحة لوجه الله تعالى .... سيبينا نفضفــــض و نفش خلقنا مع بعض في نادي الأربعين ... دي نصيحة يا بنتي بدل ما تتنشي عين تقومي الصبح عندك واحد و أربعين سنة من غير ما تدري و نلاقيكي جايالنا الصبح تعيطي زي أحنا ما بنعيط دلوقتي .... أنا برضه من يومين كان عندي تلاتة و عشرين ... حد خبطني عين بقيت زي ما أنت شايفة بقيت أربعين ... أتعظي بقى و روحي باب الشعر و الأغاني بتاع البنات الصغيرين......... wst::

تم تعديل 21 نوفمبر 2008 بواسطة سهران

[se_ Elsyed]

كان في موضوع عالي قوي قوي قوي مشابه للموضوع ده .. كتبه زميلنا الراجل الكوبارة " سكوربيونو " وكان اسمه ( أزمة منتصف العمر )

حدش ينوبوا ثواب ويغطس يجيبوه لنا

[Folana]

السلام عليكم ورحمة الله....

أى خدمة يا استاذ سين سين

ماذا عن زوجاتنا ..(أزمة منتصف العمر - حريمى )

نحن وأزمة منتصف العمر -(رجالى )

فاضل أزمة منتصف العمر ( أطفال ) :sad:

أنا كنت داخلة بس أستعير من الاخت زيزيتا المرايا المسحورة بتاعتها....ممكن يا زيييز ؟؟؟ يومين بس وارجعها تانى :lol:

أحسن الاستاذ زوجى مش مصدقنى :blink:

بس لما بروح البيت وابص في المرآه بلاقيني لسه صغيرة wst:: ..

:lol:

[لولا]

لا يا لولا والله ما تزعلي .. الموضوع اصله جد جدا بجد .. يعني تقريبا ده حال كل اللي في السن ده .. لما أقابل اصحابي او معارفي في السن ده كل كلامهم بيكون زي ما أختنا الفاضلة قلب أبيض طرحته أو تناولت أجزاء كتيرة منه .. لكن طبعا كلنا كستات متفقات ان احنا تحت اي ظرف من الظروف مش بنعدي الخامسة والعشرين .. وعشان خاطرك يا لوزو خليها 30 سنة بس .. انا مش قصدي ان الصغيرين ما يدخلوش لكن بقول ان تجربتهم الحقيقية بنفسهم واحاسيسهم هم هي المطلوب انها تتنقل لمن هم في مثل هذا السن.. لأنه بالتأكيد بالتأكيد فيه مشاعر وأحاسيس لم تفصح عنها والدتك مهما كانت الصلة بينكم قوية ..وفيه حاجات مبيعرفش الواحد حتى يعبر بيها لنفسه .. لكن عموماً فيه ناس برضة صغيرة وخبرتها بالحياة كبيرة لرجاحة عقلها .. لكن التجربة مطلوبة .. يعني مثلا احكي لنا عن شعورك كجدة وماذا تفعلي مع أحفادك ويفعلوا معك .. أكيد حتنقلي لنا تجربة جدتك .. لكن مش تجربتك انت شخصياً ..وأنا مش حيبقي عندي تجربة انقلها لأني لم صبح جدة بعد ..بس ده كل قصدي ...

تحياتي

زيزيتا

انا لايمكن ازعل منك .. انا بس حبيت اوى الروح اللى هنا عشان كده دخلت ... :lol: :lol: :blink:

لولا

[se_ Elsyed]

والله براوا عليكي يا فلانه ..

غطسة هايلة بالرغم من برودة الجو

عملتيها إزاي دي ؟

[قلب ابيض]

احبائى باقه الاربعينات"كما قررت ان اسميها " :lol:

سعيده جدا بكل الاراء والمرور الكريم منكم

بس لى وقفه ورد لكل منكم

بس والله بجد مش بهزر لما ارجع من جلسه العلاج الطبيعى smk:

ومع احترامى لكككككل الاراء اهلا بيك يالولا معانا انت هاتكونى الترمومتر الصادق لنا

هاشرح لك لما ارجع mfb: