لب الكوسة اوعى ترميه

[fatfouta]

السلام عليكم

طبعا كلنا او معظمنا بيرمى لب الكوسة لما تيجى تعمل محشى بس انا هقولكم على طريقة جميلة وسهلة ولذيذة جدا كمان

1-هاتى لب الكوسة وشوحيه على النار(يعنى ضعى شوية زيت قليلين وضعيهم فى طاسة غير قابلة للصق) وضعى بعض الملح والفلفل والبهارات وبعدين ضعى لب الكوسة وخليه يتشوح فى الزيت شوية لغايت ماتفقد المياه اللى جواها وضعى عليه مكعب مرقة دجاج او لحم

2-اعملى صوص بشاميل على طريقتك او ممكن تشتريه جاهز وحضريه

3-ضعى اللب المتشوح فى صينية فرن بعد دهنها بزيت او سمنة

4-ضعى البشاميل على الوش من فوق اللب فى الصينية وممكن تحطى جبنه رومى او موزاريللا حسب رغبتك

5-دخليها الفرن لمدة 20 دقيقة على درجة حرارة 180 درجة

وطلعيها من الفرن وبالهنا والشفا يا رب ويا رب تعجبكم واللى يجرب يقوللى :blink:

[newcomer]

هاجرب و اقولك !!

فكرتينى بسمير غانم فى المتزوجون ...... اوعى ترمى حاجة يا لينه!!

[شاب مصري]

انا من أعداء الكوسة سواء محشي أو باشاميل او خضار مسلوق

:blink:

[alsaher]

حضرتك ذكرتيني بحاجة جميلة جدا

والدتي كانت تعمل اللب بتاع الكوسة بطريقة مشابهة

تقريبا بلحمة مفرومة وشوية حاجات في الفرن برضو wst::

إييييييييييه

الواحد زهق من الأوردر وسنينه :lol:

شكرا لكي أختي

[لولا]

ميرسي اوى لحضرتك على الوصفه دى اول مره اسمعها .. .. بصراحه حصل معايا زى الساهر افتكرت وصفه ماما كانت بتعملها برضه

هى اتعلمتها هنا من السعوديه وهى اصلها شامى تقريبا .. بتقول ايه الوصفه بقى ..

يتم تقطيع لب الكوسه لأجزاء صغيره جدا وبعد ذلك فى زيت يتم تحمير بصله صغيره جدا مفرومه وليست مقطعه

واضافه فص او فصين ثوم مفروم للبصل حسب الكميه وبعدها مكعب (ماجى) وفلفل اخضر (شطه) و طماطم مفرومه وشويه صلصه عشان نعمل

(صوص متسبك ) ونحط لب الكوسه لغايه ما يتسبك اوى وتكون بصوص خفيف اوى يعنى ميتها قليله .

الأكله دى للناس اللى بتاكل اكل مشطشط ويتعمل معاها رز بسمتى . وممكن يتعمل معاها بطاطس تتقطع مكعبات وتتقلى

وتتعمل بنفس الطريقه .. وبالهنا والشفا ,,, اكله نباتيه ميه فى الميه md2:

تحياتى

لولا

[مصطفى عبد الوهاب]

ممتاز فالكوسة من الخضروات المفيده للقلب

[fatfouta]

ميرسي اوى لحضرتك على الوصفه دى اول مره اسمعها .. .. بصراحه حصل معايا زى الساهر افتكرت وصفه ماما كانت بتعملها برضه

هى اتعلمتها هنا من السعوديه وهى اصلها شامى تقريبا .. بتقول ايه الوصفه بقى ..

يتم تقطيع لب الكوسه لأجزاء صغيره جدا وبعد ذلك فى زيت يتم تحمير بصله صغيره جدا مفرومه وليست مقطعه

واضافه فص او فصين ثوم مفروم للبصل حسب الكميه وبعدها مكعب (ماجى) وفلفل اخضر (شطه) و طماطم مفرومه وشويه صلصه عشان نعمل

(صوص متسبك ) ونحط لب الكوسه لغايه ما يتسبك اوى وتكون بصوص خفيف اوى يعنى ميتها قليله .

الأكله دى للناس اللى بتاكل اكل مشطشط ويتعمل معاها رز بسمتى . وممكن يتعمل معاها بطاطس تتقطع مكعبات وتتقلى

وتتعمل بنفس الطريقه .. وبالهنا والشفا ,,, اكله نباتيه ميه فى الميه

تحياتى

لولا

ميرسى يا لولا هجربها واقولك