السلام عليكم من كنـدا - 2 - نتعاون لنفهم الدنيا أكثر .. و أكثر

[freefreer]

بسم الله ا لرحمن الرحيم..

اخوانى و حبايبي و حته من قلبي.. السلام عليكم و رحمة الله  و بركاته..

كما ولابد ان لاحظتم .. تم تخصيص باب بالكامل .. لأمريكا الشمالية .. و علية يمكن ان نفتح عددا من المواضع المختلفة ..  كما يمكن استئناف السلام عليكم من كندا .. هنا فى هذا الموضوع .. السلام عليكم من كندا – 2

اخوانى و حبايبي و حته من قلبي.. السلام عليكم و رحمة الله  و بركاته

[Red Horse]

ياعم دريم ... دبحتنا معاك! يوم ماتلاقينا شغل تلاقى بره كندا ...فى او اس.. يعنى  نهرب من هناك عايز ترجعنا تانى ..احنا بس اللى وش العالم التالت.. ماتحاولشى .. احنا جايين جايين  حتلاقينا طابين عليك  من غير ماتحس ..واذا جينا كندا ودخلنا دخول الفاتحين   مش حنطلع منها ...نشتغل فى بنزينة ..فى كوبانية غاز ‍!..فى محل فراخ من بتاع خالتك ستوتة. اى حاجة من الحاجات اللى اخوك مصراوى مش عايز يشتغل فيها دى.

لكن اذا كنت عايز تساعد صحيح.. قول لنا ماهى الطرق التى بها نحصل على الخبرة الكندية من واقع خبرتك وانا حأخذ بكلامك  وحأجل السفر لغاية نهاية يونيو ......أنا كده صح ياعم فرى ولا ليك رأى تانى

Edited By freefreer on يناير 13 2002 06:22am

[freefreer]

هاهاهاها .. عسل و الله .. احب الناس المستبيعه ..

على فكرة كلمة ( كوبانية (يعنى شركه)) .. صعب قوى تتفهم بالطريقة اللى كتبتها انت ..  :xmas:

طب و لية اجلت لأخر يونيو؟

[Red Horse]

عم فرى

انا نفسى اجى النهارده قبل بكرة ... بس انت شايف التقارير اللى عمال يّصدرها عم دريم  وبيرد وكمان مصراوى  عن الوضع  وتوقعات التحسن فى الاقتصاد وبداية الانفراج للازمة فى مايو او يونيو... علشان كده سألت ساعاتك  عن رأيك ..فما هو رايك؟

[freefreer]

ااااااه .. لأ احسن حاجة تستنى رائيى فى مارس او ابريل .. ان شاء الله تكون فرجت و بقت فل  :inlove:

[AlwaysDream]

To Red and Mike

It is true that most of these jobs are outside canada, but it is volunteering.

People here respect volunteering very much, this is like canadian experience as this organization will give you reference letters

To Red and free

Job market is always delay from economy, because employeers wait till the recovery becomes very clear fact, then they begin hiring. so i strongly prefer that Red come in June

To Masrawy

Most of what you said is true, except one thing, number of egyptian who are very happy and rich enough are 80% not 1%. You need hard work, that's all

[Mike]

Quote

=====================================

Posted: Jan. 11 2002 8:03pm BY Masrawy Abroad

لأ الحقيقة سبتها..هما يا دوبك 7 ايام كنت عامل حسابي عليهم...كنت بس باعمل لاندنج وخرجت منها تاني على أمل العودة مرة تانية ده إن رجعت تاني..لأني لو لقيت فرصة تانية خارجها وتستاهل ها ألغي كندا وعليه العوض المصاريف. ولكني برضه لسه خارج مصر...الخلاصة ...الوضع مش وردي زي ما انتوا فاكرين...و الناس عارفة هناك إن فرص العمل قليلة وكذلك الدخل بعكس أمريكا..ولكن أمريكا ابعد عنها اليومين دول لأنهم بيأفشوا فينا هناك زي الفراخ البلدي الفيومي لما أم ستوتة بتطلع عليهم ساعة المغربية تقفش فيهم عشان تحطهم في العشة عشان الليل حل.

هو فيه ميزة لاحظتها فعلا هو ان الكنديين مؤدبين ومحترمين عن الأمريكان..هي أصلا بلد قائمة على المهاجرين

ولكن نسخة بالكربون من أمريكا ولكن نسخة أقل هدوءا شوية

مش عاوز أقولك سواق أتوبيس المطار ومعاملته غاية في الأدب وللعلم هم بيكونوا متعاونين بطبعهم مش منتظرين الأبيج زي مانت عارف في مصر

=====================================

Quote

يا مصراوي ..... هل تعتقد ان 7 أيام (سياحه) في البلد كافيين علشان تحكم عليها وتأخذ هذا الانطباع الاسود عن المعيشه فيها ؟!!!!...... يأخي كفايه ان مافيهاش الابيج.

مستر فري.....مبروك كندا 2 وعقبال استراليا 14 ونيوزيلندا 27 والهند 36 .

مستر ريد ...... خالتي أم ستوته بتسلم عليك وبتقولك ماتنساش صفيحه الغليه لزوم نتف الريش معاك وانت جاي.

[Masrawy Abroad]

عزيزي مايك

كلامي عن كندا هو ليس ناتج اسبوع . أنا لا يوجد موقع انترنتي ألا ونفضته بحث وقراءة واستقصاء وزمايل هناك وهنا وليس مجرد 7 أيام كما تظن.

بدليل أن أخونا ألويز دريم متفق معي نوعا

بالنسبة لحبايبنا اللي مسافرين وأجلوا للصيف دا أفضل لكم لأنكم يفضل تبدو في كندا صيفا وتتدرجوا مع البرودة لأن الجو هناك برودة صاعقة لم تروها وانتوا لسه ما اتعودتوش وفترتك الأولى ستتطلب خروج كتير فأفضل الصيف لكم وبعدين تدخلوا في الشتاء تدريجيا

بالتوفيق

بعد إللي سمعته في مصر ها اطلع بره بره على كندا وراجعلك يا كندا. على الاقل نعمل باسبور بعد 4 سنين مش عارفين الدنيا يحصل فيها ايه. ولا حتى نروح بيه الخليج ناخد 4 اضعاف زمايلنا المصريين اللي زينا بس بباسبور مصري

فالاخوة في الخليج يقدرون الباسبور الكندي اوي

[Masrawy Abroad]

الزملاء فري ومايك وباقي العائلة الكندية

أنا أعرف أننا كمصريين مابنغلبش أبدا ونقدر نتحايل على أي قانون في الدنيا ونعرف نلاقي مخرج

سؤالي هو هل يوجد طريقة ممكنة لتلافي موضوع الست شهور اللي خارج كندا؟؟

انا الموضوع محيرني وعايز خبرتكم...كل ما قرأته وسمعت عنه أن ممكن يلغوا التاشيرة بجد لو غبت عن كندا ست  شهور !! طب انا ناوي اتاخر لظروف قهرية ولكنها لسيت دراسة او علاج الحمد لله ومش عاوز اخسر التاشيرة..

وسمعت انهم ها يعملوا كارت يقدروا يعرفوا الواحد خرج امتى ورجع امتى....ولكن لم ينفذ بعد....انا خرجت من كندا بدون ختم خروج كما هو متبع عندهم وناوي ارجع بس ممكن اتأخر....وموضوع تصريح عودة مقيم ده نسبة نجاحه قليلة ومش مستريحله

فما هو الحل؟ للعلم أنا معي تاشيرة أمريكا وهل ممكن تنفع في شيء؟

أفيدونا يا أهل الخبرة؟

[freefreer]

الأخوة الأعزاء جميعا .. شكرا لمداخلاتكم  و مشاركاتكم .. و عفوا لأنشغالى قليلا ..

الأخ مصراوى فى الخارج .. انا مش عايز افتى فيها .. و ارغب فى ترك المجال اولا .. لأوخوتى الأقدم منى .. عسى ان يعطوك ردا شافيا .. و شكرا

[AlwaysDream]

masrawy

the secret in that, the airport timestamp of the country where u live is in arabic, so when u back to canada, no one can know how much u had been outside, but after what SOSO (osama) did, i strongly recommend to use legal ways

[freefreer]

هاهاهاهاهاى .. منه لله سوسو ..  :P

يا عم انت مش حتكتب عربى بقى ..  ..  :turn:

[meshmesh]

ALWAYSDREAM كتب

"but after what SOSO (osama) did, i strongly recommend to use legal ways "

و ده كلام صحيح جدا و اهم حاجة عند الناس دى احترام القوانين - ده فى العادى - اما دلوقتى فان عدم الالتزام ممكن يجيب مشاكل لا تتخيلها

و من خاف سلم

[freefreer]

و انا رأيى من راى الأخوة من حيث وجوب الحرص .. و المضى فى اسلم طريق .. خصوصا فى الظروف السيئة التى نعيشها  .. بعد ما سى سوسو ما عمل عملته السوده :sneaky:

[Red Horse]

اخى مايك

مرسى !! لأنك فكرتنى بأداة هامة من أدوات الفرارجى .. على اى الأحوال احتمال الخطة كلها تتغير ونتجه الى البرتا!.. بعد شوية البترول اللى اكتشفوهم هناك  مانت عارف اتعودنا مانبعدش  عن البترول .. بقالنا عشر سنين اهوه    ... الواحد لازم يشربله قزازة كل يوم قبل ماينام ...!

وبعدين بيقولوا الرواتب فى البرتا الضعف .!... بس اللى انا شايل همه ان البترول بتاع بحر الشمال  ومع انه اكبر احتياطى  فى العالم دلوقتى  وقالوا انه هيكفى كندا واصدقائها للمائة سنة القادمة الا انه مخلوط بالرمل ومحتاج يتكرر فى مكانه تحت الأرض  و تكلفة البرميل لغاية مايتكرر ممكن توصل الى 18 دولار بالمقارنة ب 2 دولار للبرميل من بتاع حبايبنا هنا الا اذا اكتشفوا طريقة اكثر تطورا

[Mike]

GOOD NEWS!!!!!!!!!!!!!!!!!!!!!!!

The latest developments concerning the proposed Canada Immigration Regulations.

Today the Government of Canada shuffled cabinet ministers and in doing so demoted the current Immigration Minister, Elinor Caplan.  

A new Minister of Immigration Denis Coderre was named to replace her.

The Canadian public has reacted very negatively to the new Immigration Regulations since they were announced last month.  They are especially angered by the fact that the Government in power indicated that the new Regulations would be applied retroactively to applications submitted prior to the new Immigration Act coming into force (expected to be June 28, 2002).

The demotion of the Minister of Immigration today is seen as a sign that the Canadian Government has gotten the message.

 :colgate:  :inlove:  :)  :P  :xmas:

[ragab2]

[b:post_uid0]

أقدم تقديرى

لأخى فرى

الذى صمد ووقف على رجله فى الغربة وخاصة كندا

البلد المجهولة لغالبية المصريين وذات الظروف المختلفة عن مصر تماما

واستطاع فى هذه الظروف الصعبة الغريبة عنا أن يتأقلم ويحضر عائلته ويستقر بهم فيها

كما أقدم تقديرى لكل مصرى صمد بالغربة وأثبت وجوده

وأعتبر المصريين بالغربة هم سفراء لنا نعتز بنجاحهم وصمودهم

وفقهم الله جميعا[/b:post_uid0]

Edited By ragab2 on Jan. 20 2002 10:23pm

[freefreer]

شكرا اخى رجب على المشاعر الطيبة .. لسة مانجحتش .. حاقول انى نجحت لما اعمل لوبى عربى هنا .. و ده سكته لسة طويلة قوى ..  :inlove:

[Masrawy Abroad]

الأخوة الأعزاء

من هو سوسو؟؟؟ وايه حكايته بالضبط؟

سؤالي للأخ مايك:

بمناسبة قوانين الهجرة الجديدة دي بشرة خير فعلا أنها لن تنفذ لأنها كانت مجحفة وكمان عاوزين يطبقوها بأثر رجعي على المتقدمين حاليا

عموما هل لغوا أيضا فكرة الكارت اللي كانوا ناويين يعملون ويقدروا يعرفوا فترات خروجك ومكوثك في البلد إلكترونيا؟

[Masrawy Abroad]

الأخوة الأعزاء

من هو سوسو؟؟؟ وايه حكايته بالضبط؟

سؤالي للأخ مايك:

بمناسبة قوانين الهجرة الجديدة دي بشرة خير فعلا أنها لن تنفذ لأنها كانت مجحفة وكمان عاوزين يطبقوها بأثر رجعي على المتقدمين حاليا

عموما هل لغوا أيضا فكرة الكارت اللي كانوا ناويين يعملون ويقدروا يعرفوا فترات خروجك ومكوثك في البلد إلكترونيا؟