الرحلة اللاندنجية فى الأراضى الكندية

[abdelallah]

السلام عليكم و رحمة الله و بركاته

تمت رحلة اللاندنج بحمد الله لى أنا و أسرتى (أنا و زوجتى و ثلاثة أبناء – سبع سنوات – خمس سنوات و سنتان و نصف) و سأحاول سرد رحلة اللاندنج و ما قبلها من إستعدادات اللتى أعتبرها هامة جدا لنجاح الرحلة و خاصة مع وجود الأسرة.

أملى أن يستفيد جميع إخوانى و أخواتى منها و رجائى الوحيد منكم هو الدعاء لى و لجميع أهلى.

أنا فكرت كثيرا إمتى أنزل بالحلقات و قررت لما أستاذنا الكبير الشامى يخلص حلقاته علشان- لمؤاخاذه ماننضربش فى السوق-.

توكلنا على الله

[abdelallah]

الحلقة الأولى:

السلام عليكم و رحمة الله و بركاته

بدأ التفكير فى رحلة اللاندنج فى كذا إتجاه : ما هى شركات الطيران؟ و أسعارها؟ و نقطة مهمة جدا و هى مدة الترانزيت لإنك و إنت معاك أطفال حتبقى صعب جداً. كم المدة المفروض نقعدها – لأنى نويت أنى أعمل اللاندنج ثم أعود -؟ و أين أفضل مكان؟

دورت على شركة طيران يكون سعرها كويس –وقت ترنزيت قليل – أقل عدد توقفات فى مطارات – و شركة طيران سمعتها كويسة (مفيهاش بهدلة) ... إفترا مش كده !

فيه حاجتين لازم أقولها : كل ما يكون التدوير بدرى كل ما يكون الفرصة أحسن – ثانى حاجة السؤال فى كذا شركة علشان مقارن الأسعار و يفضل السؤال عن كافة الإحتمالات علشان فى كثير من الأحيان تلاق شركة الحجز متدكش كل حاجة و دايما بيركزوا على اللى هم عاوزين يبيعوه.

فيه كمان حاجة لما بتحجز – تدفع الفلوس- بقى صعب تغير الحجز أو تلغيه فلازم الواحد يكون متأكد جدا قبل دفع الفلوس.

سألت عن "لوفتهانزا" غالية – "أليطاليا" مش محببة (راجع أراء د/الشامى) و أنا كنت عارف عنهم سمعة التأخير و ضياع الشنط – "أوليمبك" كويسة بس فى رحلة الرجوع ترانزيت 11 ساعة فى أثينا و المطار أنا رحته قبل كده مش مسلى بس كله مصريين بيشتغلوا معضمهم صيادين ! – شوية من بتوع أوروبا الشرقية – مصر للطيران تتوقف رحلاتها إلى مونتريال بعد 30 سبتمبر – الإتحاد لازم تروح الأمارات الاول و ترانزيت طويل جدا و بعدين رحلة حوالى 17 ساعة لكندا – طب و بعدين ... كمان جولة من البحث ... وكمان جولة

ربنا كريم قوى - أخيرا جاء الفرج ياترى إيه هو و إيه التفاصيل؟ (حتة بتاعة د/الشامى) – البقية فى الحلقة القادمة

و اللا أقول لكم إحنا بنربى زبون – نكمل .

لاقيت شركة كويسة فيها معظم المواصفات - يا ترى إيه الشركة دى و إيه التفاصيل؟ – البقية فى الحلقة القادمة!

إيه ده أنا نسيت أننا بنربى زبون – طيب الشركة إسمها بى إم أى bmi– عاملة عرض قوى بس لازم الحجز فى خلال خمس أيام و العرض عبارة عن القاهرة – لندن على مصر للطيران و بعدين لندن – تورنتو على إير كندا .. و الراجع من مونتريال – لندن على إير كندا و بعدين لندن – القاهرة على بى أم أى - ترانزيت ساعتين رايح و ثلاثة راجع سعرها ممتاز. توكلنا على الله – خمس تذاكر يا عم من غير كمالة و زود الشطة.

حد خد باله من حاجة غريبة فى الجملة اللى فاتت (غير موضوع الشطة و الكشرى)؟ نفكر شوية و بعدين نبص تحت ...

أه إن الراجع من مونتريال مش من تورنتو – اللى حصل إنى كنت عاوز ألف شوية فقلت أرجع من مونتريال و السعر مفرقش حاجة خالص.

أستأذنكم كفاية كده النهاردة – متنسوش الدعاوى.

[jessika]

ربنا يوفقك يا استاذ عبدللة ورحلة سعيدة وفى انتظار المزيد من المغامرات فى كندا

[midomansour]

تسجيل متابعه

ربنا يوفقك ويرجعك بالسلامه ان شاء الله

[jundi]

تسجيل متابعة

انا كمان حعمل لاندينج بس من غير رجعه خلال الكم شهر الجايين

[newcomer]

السلام عليكم و رحمة الله و بركاته

تمت رحلة اللاندنج بحمد الله لى أنا و أسرتى (أنا و زوجتى و ثلاثة أبناء – سبع سنوات – خمس سنوات و سنتان و نصف) و سأحاول سرد رحلة اللاندنج و ما قبلها من إستعدادات اللتى أعتبرها هامة جدا لنجاح الرحلة و خاصة مع وجود الأسرة.

أملى أن يستفيد جميع إخوانى و أخواتى منها و رجائى الوحيد منكم هو الدعاء لى و لجميع أهلى.

أنا فكرت كثيرا إمتى أنزل بالحلقات و قررت لما أستاذنا الكبير الشامى يخلص حلقاته علشان- لمؤاخاذه ماننضربش فى السوق-.

توكلنا على الله

ربنا يبارك فى حضرتك و فى اهلك جميعا

لازم نشكر حضرتك علشان انضممت الى كتيبة الخدمة العامة :happy:

ربنا يجازيكم خير جميعا على الوقت و المجهود اللى بتديهولنا

و ان شاء الله يكون مفيد لكل اللى بيقرأ

و ربنا يجعله فى ميزان حسناتكم :closedeyes:

[pharaon]

تسجيل متابعة

يا باشا ربنا يبارك

:rolleyes:

[moheltohamy]

تسجيل حضور ومتابعة يا سيد عبد الله :rolleyes:

وربنا يعينك ويدّيك طولة النفس عشان تكمّل السكة الزرقا اللي فتحتها على نفسك ، ومش هتعرف تفلفص منها!

شد حيلك يا بطل... وما تبخلش بالتفاصيل والأرقام ؛ عشان الناس اللي هنا بيموتو ف الحاجات دي!

بالتوفيق

[kaplan]

تسجيل متابعة

[د هشام ابراهيم]

السلام عليكم و رحمة الله و بركاته

تمت رحلة اللاندنج بحمد الله لى أنا و أسرتى (أنا و زوجتى و ثلاثة أبناء – سبع سنوات – خمس سنوات و سنتان و نصف) و سأحاول سرد رحلة اللاندنج و ما قبلها من إستعدادات اللتى أعتبرها هامة جدا لنجاح الرحلة و خاصة مع وجود الأسرة.

أملى أن يستفيد جميع إخوانى و أخواتى منها و رجائى الوحيد منكم هو الدعاء لى و لجميع أهلى.

و عليكم السلام و رحمة الله و بركاته

أولا ربنا يوفقك يا باشا و يشملك أنت و أسرتك الكريمة بعنايته و رعايته و حفظه و ستره و توفيقه

ثانيا تسجيل متابعة و في انتظار بقية التجربة الموفقة بمشيئة الله

[ahmed_saleh]

الحلقة الأولى:

السلام عليكم و رحمة الله و بركاته

و اللا أقول لكم إحنا بنربى زبون – نكمل .

– خمس تذاكر يا عم من غير كمالة و زود الشطة.

أه إن الراجع من مونتريال مش من تورنتو – اللى حصل إنى كنت عاوز ألف شوية فقلت أرجع من مونتريال و السعر مفرقش حاجة خالص.

أستأذنكم كفاية كده النهاردة – متنسوش الدعاوى.

الله يبارك فيك يا اخ عبد الله

و انا كمان انضم الى طابور الزباين بس زود الشطة و الدقة حبتين

الموضوع باين عليه اكبر من كده بكتير ... لسه في رحلة من تورونتو الى مونتريال و هيصه

الله يوفقك و العائلة جميعاً .

[bent misr]

تسجيل متابعه وشكر على المعلومات الجميله

وماتخافش يا أخ / عبدالله أديك أهو ربيت زباين

كتير :rolleyes:

[bent misr]

تسجيل متابعه وشكر على المعلومات الجميله

وماتخافش يا أخ / عبدالله أديك أهو ربيت زباين

كتير :rolleyes:

[znaty]

متابعة يا باشا وحمد الله على السلامة

ماتنساش انك لسة طازة ومعلوماتك لسه خارجة من الفرن يعني زباينك هاتقف بالطوابير بس انت لاحق عالزباين :rolleyes:

[tarekgomma]

متابعة يا باشا وحمد الله على السلامة

ماتنساش انك لسة طازة ومعلوماتك لسه خارجة من الفرن يعني زباينك هاتقف بالطوابير بس انت لاحق عالزباين :rolleyes:

تسجيل متابعة الله يوفقك انا ان شاء الله هاقلدك فريبا في كل الخطوات

[abdelallah]

السلام عليكم و رحمة الله و بركاته

أنا متشكر جدا ليكم و يارب تستفيدوا من التجربة و الطلب الوحيد هو الدعاء – و إدعوا لأهل غزة و كل المسلمين -.

الأاستاذ التهامى أنا عارف السكة الزرقاء دى كويس و يارب تبقى خضراء و الله المستعان – أنا من أهل هذا المنتدى القدام رغم إنى ماسجلتش إسمى الا قريب و كنت بأموت فى التفاصيل فإن شاء الله حأديها تفاصيل على قد ما أقدر – يعنى حأحاول الفيلم يبقى "قصة مش مناظر"

[abdelallah]

الحلقة الثانية:

نييجى للمكان اللى حنقعد فيه, زى ما قلنا إحنا قلنا كنا نوينا ننزل فى تورونتو نقعد شوية و نخلص ال"سين نمبر" SIN فكان فيه تفكيرين الأول إننا نقعد في حته قريبة من المواصلات العامة و الأماكن اللى ممكن نزورها و ياريت كمان مكان نعمل فيه ال"سين نمبر" و ده طبعا ال"داون تاون"Downtown

التفكير الثانى إننا نقعد فى مكان بعيد عن ال"داون تاون" و نأجر عربية نتمشى بيها فى مشاورنا و لى صديق إقترح ميساساجا علشان هادية و قريبة من تورونتو. القرار كان عاوز شوية تدوير و عمل مقارنات.

كان أهم حاجة هل الفندق اللى بنبص عليه كويس و اللا وحش .. فيه موقعين أنا عشت عليهم و هم فى منتهى الجمال بيدوا تقييم لكل فندق و أراء الناس فيه و صور له و ساعات فيديو و الموقع على الخريطة و أسعاره و الفنادق المشابهه له و تفاصيل كثير ثانية و هم:

www.tripadvisor.com

travel.yahoo.com

فيه نقطة واحدة ساعات فى أراء الناس اللى زاروا الفندق – و دى فى نظرى أهم نقطة فى الموقعين دول – تحس أن فيه ناس بتتبلى على الفندق يعنى واحد حجز و لما راح مالاقاش الأرض مفروشة رمل و زبادى.. و واحد ثانى الراجل بتاع الإستقبال ما صبححش عليه أربع مرات زى ما هو بيحب. طبعأ أنا بأهزر اللى أقصد أقوله شوف معظم الناس تقول إيه و تاريخ الرأى – فيه أراء ترجع لسنين ورا.

أنا كمان كان عندى حاجة ثانية و هو عدد أفراد العيلة علشات إحنا خمسة كنت بأكلم الفندق أتأكد إننا كلنا ممكن نقعد فى غرفة واحدة "دبل توين" كان فيه منهم بيقول ماشى – علشان أولادى لسه صغيرين – و بعضهم بيقول لأ – و طبعا اللى بيقول لأ كنت بأفقعه واحد رأى زى الزفت فى الموقعين اللى فاتوا علشان يحرم – أنا بأهزر طبعا.

كنت بأتكلم عن طريق إشتراك فى "سكايب" SkyPe جودة الصوت جميلة حتى مع ال"دايل أب" DialUp بس ساعات كنت بأحتاج أتكلم بالراحةلما الصوت ما يكنش قوى – و ساعات بأعيد الجملة لما بأكتشف إنى بأتكلم عربى مش أنجليزى!

كل اللى بيردوا عليا شغالين على النحيتين عربى و إنجليزى.

طلعت رخصة السواقة الدولية قبل السفر لى و لمراتى – و كلنا عارفين اللفة بتاعتها –, بس بينى و بينكم قلت ما لهاش لزمة أأجر عربية من الأول فى كندا لما أشوف البلد أخبارها إيه و الناس بتعرف تسوق و اللا لأ زينا فى مصر و بيحترموا قوانين المرور زينا و اللا لأ– أصل أنا واخد على فن القيادة المصرى و ما بأعرفش أسوق إلا فى الأجواء المصرية.

فقررنا نقعد فى ال"داون تاون" و قعدنا فى فندق "دايز إن" و هو قريب من "إيتون سينتر" و المكان اللى عملنا فيه ال"سين نمبر" و على فكرة إسمه "سيرفيس كندا". الفندق ده أنا عرفته من مدام كوين هنا فى المنتدى بتاعنا و بالمناسبة شفت نفس الشحاتين و المتشردين اللى هى إتكلمت عليهم – التفاصيل لما نوصل لتفاصيل اللاندنج فى كندا إن شاء الله- بس أنا كمان شفت سناجب فى الشارع .. أيوه سناجب ..هى حاجة غريبة على رغم إنى شفت أرانب فى مطار أورلى فى فرنسا و حمام بالهبل فى شارع أوكسفورد فى لندن بس أول مرة أشوف سناجب فى الشارع .. أصبروا على التفاصيل.

فيه موقع ثانى أستفدت منه جدا و هو :

www.mapquest.com

بيدى موقع إى مكان على الخريطة و ممكن تحدد به إتجاهاتك و المسافات.

أستأذنكم كفاية كده النهاردة – متنسوش الدعاوى.

[hosiny]

يا سلام علي الناس اللي بتحب تفيد الناس

شكرا يا استاذ عبد الله

متابعين

[newcomer]

فإن شاء الله حأديها تفاصيل على قد ما أقدر –

ايوه !!!!! و هو المطلوووووب بالظبط :rolleyes:

ربنا يقدر سعادتك يا فندم.......

[newcomer]

.......الفندق ده أنا عرفته من مدام كوين هنا فى المنتدى بتاعنا

ربنا يكرمها ..... و يكرمك يا رب

المصريين اهمه....... :rolleyes: :huh: