إمكانية فرص العمل بكندا - نوع الأعمال المتاحة للمصريين الجدد

[Masrawy Abroad]

الأخ أبو زيد

كلامك صحيح وعشان تبحث عن موضوع كنت لازم تقلب الخمسة وعشرين صفحة

عموما نبدأ بموضوع:

فرص العمل ونوعياتها المتاحة للمصريين المهاجرين الجدد

حصلت على تأشيرة الهجرة وجئت لكندا الشهر الماضي لاثبات دخول فقط وفي نفس الوقت تقصي حقائق الحياة وأهمها البحث عن فرصة عمل مناسبة. أنا مترجم وأعلم أن هذه الوظيفة ليست بالسهولة للحصول عليها بكندا والتقيت بأصحاب مكاتب ترجمة عرب بتورونتو التي يفترض انها مدينة التجارة وفرص العمل الواسعة . وكان الرد بأن البلد تمر بفترة كساد ويفضل أن تنتظر قليلا فهذا ليس بالوقت الجيد للاستقرار بكندا!!

الشيء الثاني أن العمل في مهنتك شيء صعب جدا ويحتاج إلى الحصول على رخصة مزاولة المهنة والمعادلة وذلك لبعض المهن وليس كلها والامر الثالث وهو الخبرة الكندية!! التي تتطلب أن تثبت أنك عملت في اي مكان في كندا

- أغلب المهاجرين من مصر هم من خيرة شباب وصفوة مصر فعلا حيث أنهم مروا باجراءات صعبة في السفارة بمصر وكلهم مؤهلات عليا ومتميزين كمان

- ولكن الغالب لازم يمر على سنتين العمل ببترو كندا (الجاز) زي ما بيقولوا أو العمل بمطاعم وذلك لتغطية مصاريفك وايجار السكن ولكي تظل على قيد الحياة في التلج ده

- ومنها الانتظار حتى تلوح فرصة ما ولكن للأسف فيه شباب من تعوده على العمل هذه الوظائف نسى هو جاي ليه أو نسى أن مؤهلاته وقدراته أعلى من ذلك وأنه مخه ممكن يوزن صاحب البنزينة مثلا(أنا طبعا لا أترفع عن هذه الوظائف - الشغل مش عيب طالما مش حرام)

وكما قال المثل قال إيه إللي رماك على المر.....

- لي صديق كان مبرمج متميز بمصر ولم يجد وظيفة للان بكندا ويعمل بائع بمحل اجهزة كهربائية

- لماذا كندا بهذه الصورة وبعدين لما احنا نشتغل كده إمال البنجلاديش والسريلانكين بيعملوا فين وهم موجودين زي الرز في كندا

- أنا إلى الأن محتار هل كندا هي الملاذ الأمن والبلد الرائع كما سمعنا عنها

- اوضح بس نقطة وهي انني لا اريد رد دكتور جامعة معاه 3 دكتوراه و5 ماجستير يقوللي ان كندا فل الفل لأن ده ليس مقياس حقيقي.أنا عاوز الشباب الذي اتي حديثا وهو لا يملك إلا مؤهله وخبرته التي لا تتجاوز السنوات العشرة

أنا أتكلم عن غالبية الشباب المهاجرين من مصر من كافة التخصصات من سن العشرينات وانت طالع

- لو تشوفوا طوابير الزحمة على السفارة في مصر للتقديم للهجرة عاملة ازاي تستعجبوا بجد

- لي اكثر من صديق حاملي بكالورويوس طب تم رفض طلبهم

- ناس مكثت ولم تجد عمل لمدة عام وعاد لمصر بخفي حنين

- وبعدين مهندسين البترول بيقبلوهم بسرعة البرق ويروح المهندس يصدم بعدم وجود فرصة عمل واعرف مهندسين ضحوا بوظائفهم بمصر وجاؤا ليجلسوا بالمنزل ليصرفوا من الايداع اللي كانوا عملوه من مصر كأن السفارة الكندية بمصر عارفة كده فاشترطت تحويل مبلغ حوالي 10000 دولار كندي قبل وصولك عشان ها تفضل عاطل لحد ماتفرج وتصرف من فلوسك وهم مالهومش دعوة

- هل كندا هي خدعة ام فزورة؟

- أنا عارف انا سألت أكتر من سؤال وتطرقت لحاجات كتير

- رجائي من السادة الزملاء التعليق بموضوعية وأن تكون المناقشة جادة وهادفة وبدون التعليقات التي تضيع الهدف وتحيد بنا عن هدف المناقشة إن ما كانش هدف الموقع ده كله

عاوزين اسهامات جادة تفيد الجميع

[freefreer]

مترجم!!!!!!!!!!!!!!!!!!!!!!!! و مالقيتشى شغل؟!!!!!!!!!!!!!!

اشك بشدة .. انت ماصبرتش يا استاذى .. ولا اظن ان الترجمة تحتاج خبرة كندية .. و بترجم ايه ..؟؟

..  ما تقوليش انجليزى - فرنساوى .. علشان ماتطنقتشى بس مش اكثر

:nervous:

[الصاوى]

I am a Mechanical Engineer

I came to Toronto canada as an immigrant with my wife last Aug 2001, and since that time I am looking for a job as Engineer but because I don't have a canadian experience and I don't have a License from the P.E.O

I had to find myself any kind of job to support my family but the earned money was not enough so I withdraw from the money I transferred before coming. :sneaky2:

Now all my money finished and I got a lay off from the labour job i got too

A friend advised me to ask for welfare and study to pass the exams of the P.E.O, and during this time you can look for a volunteer job as an engineer

then after a year you will get the canadian experience and the license

then you can find a job as Enginner.

I did what he said and i called the social assistance department, and after a 40 min of Questions on the phone they gave me an appointment.

and i hope this work for me and for anyone who has the same Situation.

[freefreer]

بسم الله ا لرحمن الرحيم..

اخوانى و حبايبي و حته من قلبي.. السلام عليكم و رحمة الله  و بركاته..

عزيزى مصراوى .. انت عايز حوار جاد .. ماشى .. مع ان كل حوارنا جاد ..

أولا يجب تقسيم المشكلة الى اجزاء ليمكن الحكم عليها و تقديرها جيدا ..

اولا .. ما الذى يدفعنا الى الهجرة ..

1 – الذى يدفعنا الى الهجرة .. اننا لم نجد ما نبحث عنه فى دولنا الأصلية و الشقيقة على حد سواء

2 – كلنا عانينا و هاجرنا او طلبنا الهجرة لأحد الأسباب التالية .. نقص الدخل المادى .. سوء المعاملة الشديد .. عدم الأحساس بالأمان  أو الأستقرار ..   و الأمثلة لاتعد ولا تحصى ..

ثانيا .. عندما نهاجر .. ماذا نترك ورائنا ..

عندما نهاجر .. نترك ورائنا مناصب .. قضينا السنين الطوال فى الحصول عليها .. 12 سنة تعليم ابتدائى و ثانوى .. 4 – 5  سنوات تعليم جامعى .. خبرة تتراوح بين عدة سنوات الى عشرة او خمسة عشرة سنة .. وصلنا فيها الى مناصب قد تكون جد مرموقة ..

طبعا اجمل شيئ فى الوجود لو جيت هنا .. استمتعت بالحرية و الأحترام .. الخ الخ .. .. و فوق كل هذا .. يوظيفة بنفس مستوى وظيفتنا فى بلادنا .. و مع مستوى المرتبات العالى ..

للأسف الشديد .. ليس كل ما يتمناه المرء يدركه .. هذا غير متوافر .. البعض يقول ان هذا متوافر فى امريكا .. لكننا لم نستطع الهجرة اليها ..

للأسف البعض .. يريد كل شيئ بسرعة .. واذا كان قد امضى 20 سنة حتى يصل الى ما وصل اليه فى بلادنا .. فليس لديه رغبة او استعداد .. ان يبذل بعض الكفاح من اجل ان يحصل على افضل مما كان يستمتع به فى بلاده ..

كثيرون نحن الذين نعتبر .. ان زمن الكفاح انتهى .. احنا كافحنا و حصلنا على البكالوريوس و انتهينا ..

التكملة فى الحلقة القادمة  ..

اخوانى و حبايبي و حته من قلبي.. السلام عليكم و رحمة الله  و بركاته

[freefreer]

عزيزى الصاوى ربنا يقويك .. احد جوانب المشكلة الأزلية .. ان نحضر و ليس لنا معارف هنا يرشدوننا .. و نحضر دون معلومات كاملة .. و على كاهلنا عبئ عائلى .. و بدون نقود كافية .. و تكون هذه النتيجة .. الوم الظروف .. ليس الا ..

اخى الصاوى سيعطونك مبلغ ان شاء الله يكفيك بالكاد .. و ارجوا التكرم بالأتصال بى مشكورا .. قد اجد لك حلا .. سارسل لك رسالة عبر الميسينجر .. وشكرا

[Masrawy Abroad]

عزيزي فري مؤسس هذا المتنفس الرائع لنا والذي عثرت عليه مؤخرا بعد أن كنت أدخل على مواقع مماثلة ولكن لجنسيات تانية لا تعنينا بصلة  

انا جئت لمجرد عمل دخول على ان اعود مرة تانية ولا حظت ان المرتجم بيشتغل جر فما عليك الا انتظار ان يتصل بيك مكتب ترجمة يطلب خدماتك

أنا معاك ان فترة بقائي غير كافية للبحث عن وظيفة بشركة او حتى مكان شبه حكومي وابقى كده عديت

ولكني لا أدخر في البحث في كل مواقع الوظائف وغالبية المترجمين هم انجليزي لفرنسي

والعكس ولم اجد عربي حتى الآن.

ممكن أكون بأبحث بطريقة خاطئة ليه لأ. ولكن لو عندك فكرة أو فرصه شايفها ممكن تساعد أكون لك من الشاكرين.

لأنك حسستني أن المترجم مطلوب زي الرز...كلام حابب اسمعه فعلا ولكن فين بالضبط وأنا اوجه اهتمامي له؟

- أنا متابع لتورونتو ستار وغيرها من المواقع

- أنا متفق معاك في ذكرك لاسباب فشل الهجرة ونقطة عدم وجود معرفة وأهل منتظرينك هناك بتفرق كتير اسالني انا لأنني من هؤلاء الطائفة

[freefreer]

بسم الله ا لرحمن الرحيم..

اخوانى و حبايبي و حته من قلبي.. السلام عليكم و رحمة الله  و بركاته..

عزيزى مصراوى ..  أشكرك على تحيتك الرقيقة .. هذا المتنفس صنعناه جميعا سويا .. و اتمنى ان يكبر و يكبر ختى يصير مرجعا لكل من يرغب فى الهجرة الى كندا ..

انا كنت اتحدث كما تفضلتم عن الترجمة انجليزى – فرنساوى .. حيث الاحظ الطلب عليها .. و على ثنائيى اللغة عموما ..

انا احضرت معى مستخرج من رخصة القيادة مع ترجمة من مصر .. لما قدمته هنا فى المرور .. لم يقبلوا ترجمة مصر .. و طلبوا ان اترجمة فى تورونتو و اعطونى نمرة اتصل بها ( خلوا بالكم مش يقولوا عايزين ترجمة و خلاص .. للأ و يقدمولك الحل ) .. المهم اتصلت بالنمرة اتضح انها اتحاد المترجمين فى تورونتو  .. و سالونى عايز تترجم من ايه لأيه .. قلتهم عربى-انجليزى .. فاعطونى نمرة اتضح انها .. مركز الجالية العربيه بتورونتو .. الذين بدورهم اعطونى عنوانهم .. و ذهبت هناك لأجد اخت مصرية لطيفة قامت بالترجمة لقاء 20 دولار تم دفعهم للمرز .. و قبل هذه الشهادة المرور هنا و اضاف لى رصيدى من السواقة حوالى 20 سنة

اتحاد المترجمين الكنديين  5030 – 234 – 800 – 1  ... و يمكن لك البحث عن موقعهم  فى الأنترنت

الجالية العربية او المركز العربى كنت نشرتة قبل كده .. و مع هذا سابحث عنه مرة اخرى

عموما .. تعود ان تعتبر رأى الناس للأستشارة فقط .. يعنى هنا مثلا ستجد بعضنا فى قمة التفاؤل .. و اخرين فى قمة التشاؤم .. و يجب ان يتحقق كل منا من مدى صحة ما يقال .. لأن كل واحد بيصف الأمور من وجهة نظرة البحته .. و طبقا لما صادفة داخل كندا مقارنة بما صادفة خارج كندا ..

اخوانى و حبايبي و حته من قلبي.. السلام عليكم و رحمة الله  و بركاته

[Masrawy Abroad]

عضوية الاتحادات ومثلها في أميركا لا تضمن لك وظيفة. ولكنها تضيف أكيد إلى الشخص

عموما إلى اخواننا اللي جايين لكندا. إليكم هذا الموقع المفيد الذي يشرح لك ما ذا تفعل منذ نزولك المطار وماذا تركب من المطار وهاتروح فين وتنام فين وتسكن فين والاشياء التي لازم تقدم عليها من أوراق هامة في أول شهر..وصولا بالتقديم في مدارس للاولاد

http://www.itdepot.org/guide.htm

الموقع لا يقدم حلول ولكن يعطيك الخيوط كلها وانت عليك التنفيذ

ارجو ممن لديه اسهامات ان يتقدم حتى نحقق الاستفادة المرجوة من الحوار

هناك مواقع اخرى ممتازة جاري نشرها

[freefreer]

شكرا على الموقع المفيد  :P

[Red Horse]

لذيذ قوى الموقع ده ياعم مصراوى... لكن فيه مرحلة تانية مفقودة : هى ماقبل الوصول والتحضير له  ماهى الأوراق والأشياء المهمة التى يجب احضارها  وسنكون بحاجة لها هنا او يمكن أن تسهل او تساعد فى تخليص مصالح فى المد القريب او البعيد ..ياريت عم فرى يساعدنا بردوده السخية فى هذا الجانب ...مهم جدا انا نعرف ذلك  خاصة ان واحد مثلى اذا جه كندا مش هيطلع ولو بالطبل البلدى !

[Masrawy Abroad]

هناك أيضا هذا الموقع المفيد جدا والمنظم اوي . وللعلم الموقع مليء بالمعلومات المفيدة وهنال كتيب بسيط موجود عن ما يجب عمله في أول أيامك بتورونتو مثلا ، وكتيبات اخرى كويسة دا كمان بيعرفك أزاي  تتصل بالتلفون وهناك أرقام مؤسسات خيرية  قد تفيد. عموما نفضوا السايت ده قراءة

http://www.settlement.org/index.html

عزيزي الحصان الأحمر:

أي ورقة مهمة ولو حتى شهادة الابتدائية القديمة هاتها معاك. هات كل شهاداتك كل أوراقك ويفضل شهادات الخبرة لأي حاجة عملتها حتى لو دورة تدريبية يومين. كل حاجة ممكن تنفع ورخص القيادة ولو مش معاك رخصة مصرية يفضل تطلعها. لو معاك كريديت كارد هاته ها ينفعك لما تيجي تطلع واحد هنا. مثلا شهادة الجامعة وتكون بتفاصيل المواد.تكون جميلة أوي

لم كل حاجة تراها ممكن تساعدك أو تفيد لأنك ممكن تحتاجها في يوم ما مين عارف

[freefreer]

عزيزى ريدهورس .. كلام اخى صحيح .. و عندك وزن يجى 60 كيلو للنفر .. تقدر تجيب اللى انت عايزة .. و طبعا هنا مافيش ختم النسر و الكلام الفارغ ده .. ولا اعتماد من سفارات ولا حاجة .. هنا الكلام بيتاخد ثقة .. و لم تقابلنى حالة طلب منى فيها تصديق ما .. فقط ترجمة مستخرج السواقة .. بدون اعتماد ايضا و شكرا

[Red Horse]

الأخوة الأعزاء شكرا لكم

هل احتاج الى ترجمة شهادات الميلاد  أو اى اوراق أخرى بالعربى؟ واذا كان  هل الترجمة بتاعتنا  تمشى عندكم  يعنى معترف بيها ولا !

[freefreer]

لا ترجمة لشهادات الميلاد .. ال لاندنج ريكورد هو المرجع الأول و الأخير  .. بالنسبة لشهادة التخرج بتاعتى اساسا صادرة بلغة اجنبية فلم احتاج لترجمتها .. ترجمتنا معتمدة طبعا بدليل قبولها كمسوغات هجرة من قبل سفارة كندا .. عندى استثناء و هو رخصة السواقة كما اسلفت انفا .. و شكرا

[MAABDOU]

أنه ليسعدني   أن أري كل هذا التعاون بين المصريين في كندا .....   كندا ً حقاً دولة  عظيمة و من مصر أحيي كل المصريين الذين يعيشون هناك و أقول لهم أن أهلكم و إخوانكم في مصر  لم و لن ينسوكم و سنكون بعون الله في خدمتكم متى أحتجتم لنا.

maabdou2000@hotmail.com

[freefreer]

يا سيدى كثر خيرك .. و نحن ايضا لم و لن ننساكم .. و تحت امركم من كندا :inlove:

[Masrawy Abroad]

إلى أعزائنا الموجودين بكندا والقادمين لكندا. هذا الموقع لخدمتنا وتبادل الخبرات والتجارب وكما قال المثل: الغريب أعمى ولو بصير، ولاخاب من استشار

فلنحيي هذا الموقع ليكون خزنة معلومات مفتوحة جميعا ونفيد ونستفيد. للأسف أنا وجدت مواقع مشابهة للروس ومليئة بمعلومات في الصميم وناس بتسأل وناس بتجيب وكانت بها معلومات قيمة حتى لدرجة معلومات الطيران والسكن. ,اعلم أن السيد فري فرير لا يألو جهدا في الرد على كل سائل ولكن نريد مشاركة قوية من الجميع

أنا أرى أننا كمصريين نبخل بالمعلومة جدا على بعضنا مش عارف ليه...يعني مثلا أرى أن عدد عالي جدا يطلع على الموقع ويقرأ ويقرأ ولا يفكر أن يشارك وهذه سلبية تحسب على عدد كبير من المصريين. نحن لسنا أقل من الروس واليوغسلاف وإخواننا البعدا إللي تجد بينهم حوارات تخص الهجرة وإعلموا ان تبادل الخبرات يوسع المدارك ويوفر الفلوس طبعا. لأنك بتاخد خبرة شخص دفع دم قلبه للوصول للخبرة دي...ولكن نرجو التفاعل والمشاركة من الجميع.

كنت اتوقع أن يمتلىء موضوع فرص العمل بكندا بألف مشاركة ولكن الحمد لله العملية شكلها فلة والناس كلها شغالة ومبسوطة وحتى إللي جايين من مصر راشقيين على شغلانة قبل وصولهم وهذا لا ينطبق إلا على فئة قليلة طبعا.

عاوزين صوت عالي لنا كمصريين هناك ولا نكون مشتتين ونبعد عن بعض لو قابلت واحد مصري بالصدفة في أي مكان ونعمل مش واخدين بالنا من بعض- هذا طبعا لاينطبق على الجميع ولا أعنى به أحد لأنني لا أعرف أحد هنا من زملائنا بالندوة ومـتأكد من ايجابيتهم بدليل مشاركتهم هنا.

نرجو أن تكون الندوة موضوع غني بالمعلومات وليس ساحة للتباري بالنكات والله عارفين إننا شعب بيحب النكتة أوي ولكن مش على طول يا ريت....

كبادرة للافادة ثالثا إليكم هذا الموقع المتميز للباحثين عن عمل وتقدر تعرف وضعك ايه في سوق العمل

www.workopolis.com

[Mike]

الله يفتح عليك يا مصراوي .......واتفق معك علي اللي بيعملوه المصريين مع بعض (او بمعني أصح "اللي مش بيعملوه" ) .....

اخونا فري استثناء جميل من هذا الموضوع ..... (باين عليه مصري تايواني!!!! هاها)

والموقع "يبدو" ممتاز .... ولكن طبعاً المهم هو "الفييد باك" ....

ان كاااااااااااااااااااان ..................ح يبااااااااااااااااااااااااااااااااااان     !! :D

[Mike]

بالمناسبه يا مصراوي  

انت ازاي عرفت لغات  الروس واليوغسلاف وإخواننا البعدا ...وازاي عرفت ان مواقعهم فيها معلومات في الصميم؟؟؟ :notify:

[freefreer]

صدقنى يا اخ مايك .. و دى برضة معلومة مهمة .. الباكستانى و الهندى مستحيل يتلطموا هنا .. عارف لية .. عاملين زى الشبكة .. الواحد اللى يعرف حاجة تلاقية قالها للكل ..

الواحد منهم قبل ما يجى يكلم اصدقاءة على انه مهاجر مثلا كندا .. هوا يجيبولة اسماء ناس و معارف

و ييجى هنا يستقبلوة .. و فى خلال شهر .. تلاقية يعرف كندا كأنة بقالة عشرين سنة

اضك صوتى للأصزات الجميلو بعالية .. و شكرا