انا رئيس حسابات خبرة 10 سنوات

[اشرف جابر]

انا رئيس حسابات خبرة 10 سنوات جاء لى عرض عمل بالسعودية بموسسة فردية تعمل بالبترول براتب شهرى 3500 ريال والمواصلات والسكن عليهم ولمدة عامان بس

التاشيرة نجار مسلح وتذاكر السفر ذهاب اول مرة على انا والعودة بعد ذلك عليهم والمكتب عاوز 9000 ج مصرى

افيدونى حيث ان العمل فى الأحساء وكيف يتم تغيير المهنة بعد ذلك لأستقدام الزوجة ؟

[capitshino]

طيب سؤال عرضى

حضرتك شايف ان العقد ده مناسب لك؟؟

[MZohairy]

انا رئيس حسابات خبرة 10 سنوات جاء لى عرض عمل بالسعودية بموسسة فردية تعمل بالبترول براتب شهرى 3500 ريال والمواصلات والسكن عليهم ولمدة عامان بس

التاشيرة نجار مسلح وتذاكر السفر ذهاب اول مرة على انا والعودة بعد ذلك عليهم والمكتب عاوز 9000 ج مصرى

افيدونى حيث ان العمل فى الأحساء وكيف يتم تغيير المهنة بعد ذلك لأستقدام الزوجة ؟

حقولك رأيي يا اشرف و انت حر طبعا

العرض ده لا يمكن قبوله الا اذا كنت في ظروف مريعه في مصر

اما لو كانت حياتك طبيعيه فأنصحك بنسيان هذا العرض الرديئ تماما

اقل راتب لواحد زيك و بمواصفات متوسطه ميقلش عن ضعف هذا العرض و بتأشيرة محاسب مش نجار

ربنا معاك و بالتوفيق

[Amr Radwan]

استاذ اشرف ..

احترس .. العرض فيه سم قاتل :rolleyes:

بجد ..

واحد في خبرتك هنا اقل حاجة 10000 ريال و بدون دفع مبالغ للمكتب النصاب و لا تأشيرة نجار مسلح

ملحوظة لو فكرت بس انك تجيب زوجتك هنا اقل مبلغ ممكن تدفعة حوالي 14000 ريال (تحت الطرابيزة) عشان تعمل استقدام .. دا اذا عرفت تعمله اصلا و ما اتنصبش عليك في الفلوس ..

فكر كويس و ما ترميش نفسك الي التهلكة .. لانك مش هتكتش انك في ورطة الا لما تيجي و تشوف ان ال 3500 ريال يكفوك معيشة انت و اسرتك و لو حبيت تقول مش عاوز اشتغل و عاوز ارجع هتلاقي الوش التاني ظهر و ادفع يا باشا .. تمن التاشيرة و .. و .. و غرامة في العقد و عيش حياتك ..

و كما قال الاخ زهيري .. لو ظروفك في مصر سيئة للغاية و مش قدامك غير كده خلاص .. بس تكون عارف الوضع قبل ما تسافر هيكون زي ما حكينالك و خاصة انك رايح علي مؤسسة مش شركة ..

الله يعينك و ييسر لك الخير و لا تنسي صلاة الاستخارة

[HassanAboali]

الأخ الكريم أضم صوتي لباقي الأخوة فعلا هو عرض غير مغري لمثل خبرتك يعني المفروض راتبك في مصر يكون مقارب لهذا المبلغ بعد فرق العملة وإن كنت مضطر للسفر ببقى لا تتنازل عن أقل من 5000 ريال أساسي وبقلب جامد وبدل سكن مناسب وتأشيرة محاسب عام وإبحث في المنتدي شوية سوف تسفيد وتذاكر خروج وعودة سنوية وتأمين صحي لك وأسرتك ولا تسافر بدون عقد وثق كل حاجة عشان مش تقعد تتحايل علي الكفيل في حاجات هي من حقك أصلا و

[pharaon]

دع عرض عمل لواحد عنده خبرة سنتين فى المحاسبة مش 10 سنين خبرة

[pharaon]

والى اعرفه ان مفيش فيرا محاسب عام

الا لو الكفيل مطلعها من زمان قبل ما تتسعود

[Falcon Crest]

hi Asharf i hope that you can got lessons from that talking people here are so honest and very good

[melhamy]

:lol: الله يرحمك يا سعد زغلول لما قال ( مافيش فايدة !!!!!!!!!!!!!!!!!!!!) :D

[msafattah]

انسى الموضوع ..خاااااااللص.... نصيحة من واحد مجرب

[رجب كامل]

كل الاراء السابقة صحيحة 100*100

العرض سىء جدا فى راجل مثل خبراتك

اصبر وابحث ولا تقبل بعرض اقل من 5000الف ريال كما قال الزميل hassan

انا اعرف ناس سفرت على هذا العرض وبعد فترة حلولوا الرجوع والى حاول يسيب الكفيل ويروحوا لغيره

[محمد عيسى]

يعني مش لاقي حاجه ايجابيه علشان اعلق عليها .. يعني عايزك تقوللي ميزه واحده للعقد ده

مؤسسه فرديه

مهنه مش ملائمه

مرتب على قدك لوحدك

التذكره اول مره عليك بالمخالفة للقانون

عموله للمكتب مالهاش لازمه

مش عارف .. اعلق اكتر من كده علشان الرقابه

[اشرف جابر]

جزاكم الله خير ا على أفادتى وبحمد الله وعون منكم رفض العرض وابحث عن عرض أخر فى عمان أو الأمارات دعواتكم وربنا يوفقكم جميعا وجزاكم الله خيرا