هل يمكن تعديل المهنة بالجواز لعمل استقدام؟

[hosambob]

انا دخلت المملكة بتأشيرة عامل معماري و انا بشتغل سكرتير في شركة مقاولات

و كنت عاوز أستقدم الزوجة و الابن

قلولي لازم تغيير مهنة في الأقامة بشهادة التخرج ( ليسانس الإداب و التربية - قسم الجغرافيا ) ( شهادة هم ) عارف

المشكلة ان قلولي مش ينفع تعديل المهنة بالاقامة علشان الشهادة غير مطابقة لنشاط الشركة ..

بس في واحد معرفة قلي ( ممكن تروح القنصلية المصرية بجدة و تعمل تعديل مهنة بالجواز بالشهادة بـ 70 ريال ) سألت القنصلية بالتليفون قلولي الكلام دة صح

السؤال : هل ينفع بعد كدة اعمل استقدام علي المهنة الجديد في الجواز ولا مينفعش ؟ حد عمل الموضوع دة قبل كدة ... حد سمع عنه ...

ارجو الرد سريعا ً يا أهل مصر المغتربين ؟؟؟؟

تم تعديل 18 فبراير 2009 بواسطة عصام
تعديل العنوان بما يعبر عن المضمون

[se_ Elsyed]

نعم يُمكن تغيير المهنة بسهولة في

جواز السفر في سفارة بلدك .. ولو عايزها بمهنة " رئيس وزراء " وتغير إسمك كمان لأعوذ بالله لأحمد نظيف .. ده سهل

لكن الصعوبة إنك تغيرها في مكتب العمل والجوازات .. لإن هناك شرط الأن أن يتم ذلك عند نقل الكفالة فقط .. وان تكون المهنة مطابقة لنشاط الشركة اللي إنت ناقل عليها .. وشرط أخر هو أن تكون المهنة متوافقة مع شهاداتك الحامعية أو الدراسية بشكل عام ..

ولكن

هناك مُعقبين إرهابيين ويقومون بعمل ذلك في أي وقت .وبتتكلف تقريباً 3000 ريال أجرة إيدهم .. غير الـ 1000 بتاعت البنك اللي هي الرسوم الحكومية لتغيير المهنة ..

وتظل هناك مشكلة إن ساعات مكتب الإستقدام بيغلس ويعاملك على حسب مهنتك القديمة في أول مره تدخل بها المملكة .. ولا يعترف بموضوع تغيير المهنة ...

لكن بالنسبة لو عملت زيارة عائلية .. فبتمشي عادي ..

وكمان لو روحت لمكتب إستقدام مش متشدد زي مكتب جده .. فالأمور بتمشي .. أما في الرياض فمش مضمونة ولازم تحول عدة مرات ...