الحمد لله استلمت الفيزا

[دعاء]

اخوانى واخواتى اعضاء المنتدى الكرام

ازف اليكم خبرا سارا وهو الحمد لله وبفضل الله استلمت الفيزا الكندية للمرة التانية ولكن ان شاء الله المرة دى من غير الغاء

ارجوا ان يكون هذا الخبر بشرى سارة وفاتحة خير لكل من هو على طريق الهجرة الى كندا ومنتظر انهاء الاجراءات

وفى هذا الاطار احب ان اشكر كل من ساهم فى هذا المنتدى ولو بمعلومة كانت بارقة امل فى موضوع الهجرة الى كندا لكثيرين منا

وارجوا من الله ان يوفقنا جميعا فى هذا الطريق وان يكون فعلا قرارا صائبا وفيه خير لنا ولاولادنا قبلنا

وفقكم الله جميعا وسدد على طريق الصلاح خطاكم

[دعاء]

الحقيقة انا محتاجة استشارة من حضراتكم بخصوص شركات الطيران

لقد قام زوجى بجولة كبيرة على مكاتب الطيران وتوصل الى ان الخطوط الاوليمبية هى الافضل سعرا وخاصة لاسرة كبيرة مثلنا ( 6 افراد )

واريد من حضراتكم اذا كان هناك اى تجربة مع الطيران على هذه الخطوط الجوية ان تخبرونى باى مميزات او عيوب بها حتى نستطيع اتخاذ القرار بالحجز عليها او غيرها

ويا ريت يكون بسرعة علشان الوقت ضيق معانا شوية

وشكرا لكم جزيلا على حسن تعاونكم

:blink:

[hay]

الله يفتحها علينا وعليكي وعلى امة سيدنا محمد

الف مبروك اخت دعاء وقبال كل من يستنى

وبالنسبه لشركات الطيران شوفي الخطوط الجويه النمساوية واعتقد ان سعرها كويس هذا الكلام قبل سنة بس اتاكدي منها حاليا

وشكرا لكي

ومبروك مره اخرى

[مصرية والنعم]

الحقيقة انا محتاجة استشارة من حضراتكم بخصوص شركات الطيران

لقد قام زوجى بجولة كبيرة على مكاتب الطيران وتوصل الى ان الخطوط الاوليمبية هى الافضل سعرا وخاصة لاسرة كبيرة مثلنا ( 6 افراد )

واريد من حضراتكم اذا كان هناك اى تجربة مع الطيران على هذه الخطوط الجوية ان تخبرونى باى مميزات او عيوب بها حتى نستطيع اتخاذ القرار بالحجز عليها او غيرها

ويا ريت يكون بسرعة علشان الوقت ضيق معانا شوية

وشكرا لكم جزيلا على حسن تعاونكم

:blink:

الف مبروك يا دعاء ربنا يتمها على خير

شوفى ياحبيببتى بالنسبة للطيران احسن حاجة تحجزى من على النت لانك بتوفرى 7% من كل تذكرة اللى هية عمولة شركات الطيران

لو عايزة تذكرة سنوية وسعرها ممتاز مافيش عير البريطانية لانها الشركة الوحيدة اللى تذكرتها سنوية وسعرها كويس جدا مقارنة بباقى الشركات ودة عن تجربة شخصية

كل مايكون الحجز بدرى سعر التذكرة بيكون اقل بكتير

دة اللينك www.britishairways.com

ولو ناوية تستقرى فى فانكوفر بعدين اختك موجودة وابعتيلى على الخاص عشان ارتب معاكى كل حاجة

شوفى الموقع دة حيساعدك فى الحجز

http://www.cheapoair.com/default.aspx?tabid=3305

مرةتانية بالتوفيق وربنا معاكم

[ناوية ع الهجرة]

الف الف مبروك يا داء يارب يوفقك ويكتب لكم الخير يارب

وما تنسيش المنتدى بعد ما تسافري كندا بامر الله

وعقبال كل اللي مستني الفيزا ربنا يكتب لنا الخير ويرضينا به

[ناوية ع الهجرة]

عفوا يا دعاء غلطة مطبعية سامحينا

[arora]

مليون مبروك يا دعاء وربنا يوفقك انت واولادك

ولا تنسى منتدانا الجميل

وعقبالنا جميعا

wst:: :blink:

[capitshino]

مبرووووووووووووووووووووووووووووووووووووووووووك

[hamoudi]

:blink:

اخوانى واخواتى اعضاء المنتدى الكرام

ازف اليكم خبرا سارا وهو الحمد لله وبفضل الله استلمت الفيزا الكندية للمرة التانية ولكن ان شاء الله المرة دى من غير الغاء

ارجوا ان يكون هذا الخبر بشرى سارة وفاتحة خير لكل من هو على طريق الهجرة الى كندا ومنتظر انهاء الاجراءات

وفى هذا الاطار احب ان اشكر كل من ساهم فى هذا المنتدى ولو بمعلومة كانت بارقة امل فى موضوع الهجرة الى كندا لكثيرين منا

وارجوا من الله ان يوفقنا جميعا فى هذا الطريق وان يكون فعلا قرارا صائبا وفيه خير لنا ولاولادنا قبلنا

وفقكم الله جميعا وسدد على طريق الصلاح خطاكم

الف مبروك يامدام دعاء

المرة دي بجد واعتقد المفروض دي اكبر مبروك تتقال اكبر من بتاعة الكشف الطبي واكبر من بتاعة الفيزا

ومستنين الحلقة القادمة بتاعة مغامراتك فى بلاد الكيبكواز

[ايناس احمد]

الف الف مليون مبروك يادعاء

الحمد للةكلة بميعاد عند ربنا

ان شاء اللة نسمع عنك كل خير وناوية على السفر امتى على اول الصيف ان شاء اللة

دخلتى على موقع الاكسبيديا بيبقى فية عروض حلوة

تمنياتى لكى بالتوفيق

[safar]

نسأل الله تعالى أن يسهل لكم كل خير ويبعدكم عن كل شر ، ويثبتكم وأولادكم على دينه، ويبعد رفقاء السوء عنهم، ومبروك على التأشيرات.

مع تحياتي

[Nassarlink]

مبروك الف الف مبروك يا دعاء

دايما انت بتزفي لينا البشري بكل جديد

ربنا يبشرك بالخير دايما زي ما انت بزفي لينا الاخبار الساره

انا مش هوصيكي انك متنسيش المنتدي لان انا عارف قد ايه مقدره اهميه المنتدي بالنسبه لناس كتير

مبروك تاني وعقبال كل الاحباب المنتظرين

و تهنئه خاصه من زوجتي وبناتي

[أبو نور]

ألف مبروك ياأخت دعاء وبالتوفيق وربنا يكتبلكم خيرها إنشاء الله

ويوفقكم لما يحبه ويرضاه

:blink: :lol: :blink:

[precanadian]

الف مبروك يا ام ياسين . ربنا يحميكم ويحرسكم في كندا.

اعتقد الطيران لاوربا وكندا عموما بيكون ارخص في غير اوقات الصيف وده هتلاحظيه لو حاولتي تعملي بوكينج النهارده عن شهر مايو وما بعدها .

[pharaon]

مبروووووووووووووووووووووووووووووووووووووووك :blink: :lol:

[Dr Ayman Kamel]

bv:- :roseop:

تم تعديل 24 فبراير 2009 بواسطة Dr Ayman Kamel

[Dr Ayman Kamel]

الف مليون مبروك على الفيزا وربنا يوفقك

على فكرة انا حجزت على الاولومبية لانها كانت ارخص سعر بالنسبة لى ولو انتى هتسافرى بعد 2-6 القادم يبقى مفيش الا مصر للطيران لانها بتقدم عروض قوية جدا بالتوفيق ان شاء الله

[حسام يوسف]

ألف ألف ألف مبرووووووووك

يا مدام دعاء

وعقبالنا جميعا

وربنا ييسرلك الحال يارب ان شاءالله

[دعاء]

الاخوة والاخوات الافاضل والفضليات

hay - ناوية ع الهجرة - arora - capitshino - hamoudi - ايناس احمد - safar - ابو نور - precanadian - pharaon

اشكرم جزيل الشكر على مباركاتكم ومشاعركم الطيبة ووفقنا الله جميعا الى ما يحب ويرضى

[حسام يوسف]

ياريت نعرف تجربتك مع اسعار السفر وشركات الطيران يا مدام دعاء وكل الاخوة اللى عندهم فكرة

وشكرا