إِذَا جَاءَكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ

[Alshiekh]

قد تكون فكرة الموضوع معادة ومكررة ولكن مادفعنى لفتح الموضوع هو انه على الرغم من استشهادنا بأيات القرآن ، والاحاديث النبوية ، الا اننا لانلتفت الى هذا الموضوع بما يستحقه من دراسة وبحث.

ليست لدى دراسة مسبقة بخصوص هذا الموضوع ، وليست لدى اى احصائيات ، ولم افكر فى ان كنت استطيع ان اطبقه عمليا أم لا.

ولكننى فتحته لاشارك الاعضاء الافاضل ومنهم من هو فى مثل سنى ومنهم من هو وسط العمر ومنهم من لايزال فى بداية حياته الزوجية ، ومنهم من لم يستعد بعد.

يقول رسول الله صلى الله عليه وسلم

" إِذَا جَاءَكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ عَرِيضٌ "

ويقول ايضا صلى الله عليه وسلم

" ‏يا معشر الشباب من استطاع ‏ ‏الباءة ‏ ‏فليتزوج فإنه ‏ ‏أغض ‏ ‏للبصر وأحصن للفرج ومن لم يستطع فعليه بالصوم فإنه له ‏ ‏وجاء "

وبالطبع فالصيام لايمكن ان يكون صيام الدهر ولكن قد يكون حتى تتحسن الاحوال ويستطيع الشاب الباءة.

معروف لدى الجميع الحجم الباهظ لتكلفة بناء عش الزوجية ومايتبعه من التكاليف العادية المطلوبة " لفتح البيت ".

ومعروف أيضا لبعض العادات - السيئة التى اعتدنا عليها - ان الشباب عندنا يتأخرون فى البدأ فى كسب المال لسن يقترب من الخامسة والعشرون عاما مما يجعل السن المتوقع لهم ليكونوا مستعدين لتحمل اعباء الزواج لما بعد سن الثلاثون عاما وقد يزيد.

وعلى الرغم من ان الدين يحثنا على تبسيط شروط الزواج ، الا اننا - بحكم العادات - ننسى تلك البساطة ونبدأ فى وضع الشروط ، الشقة وتجهيزاتها وديكوراتها ، الجهاز موبيليات ومفروشات وخلافه ، الاجهزة الكهربية ، وما الى ذلك من اشتراطات من العريس واهله والعروسة واهلها.

والفكرة التى ارجو ان نتناقش حولها تتلخص فى :

هل من الممكن ان يبدأ العروسان ( الغالبية العظمى ذوى الدخول المحدودة ) بغرفة نوم فى شقة صغيرة ايجار تتناسب مع امكاناتهم المادية مع استعمال احدى وسائل منع او تأجيل الحمل حتى تستقر وتتحسن احوالهم المالية فينتقلون الى مسكن اوسع يكون مهيئا لاستقبال طفل او اطفال جدد.

مارأى الاباء والامهات من السادة الاعضاء ومارأى الشباب فى هذا الموضوع؟ وهل هى فكرة ممكنة التطبيق فى ظل عادات وتقاليد وموروثات ورثناها حديثا ؟ أم أننا كمن يؤذن فى مالطة

[مغتربة]

مارأى الاباء والامهات من السادة الاعضاء ومارأى الشباب فى هذا الموضوع؟ وهل هى فكرة ممكنة التطبيق فى ظل عادات وتقاليد وموروثات ورثناها حديثا ؟ أم أننا كمن يؤذن فى مالظة

موضوع مهم جدا اخى الكريم و انا من اشد المناصريين له و المؤمنيين به

و صدقنى اعرف عائلات كثيره و اشخاص اقرب الى مما تتصور كانت من النضج العقلى و الفكرى انها حددت هدفهما الاساسى بشكل مباشر و هو ستر بناتها و اعفافهم فلن اقول لك انهم اعفوا ازواج بناتهم من الاعباء الماليه فقط بل اقول لك انهم تحملوا عنهم معظمها ( و لكن بالطبع بعد ما تاكدوا تماما انهم فعلا رجاله يحافظون على ابنتهم و يقدرون لهم صنيعهم )

و النتيجه الان ما شاء الله رائعه بناتهم فاتحين بيوت و مستقرين مع ازواجهم بل فاضت عليهم خيرات الله و تحسنت حالتهم المادية جدا

و هانئين مع ازواجهم و اولادهم

و اعرف ايضا للاسف على الجانب الاخر فتيات رفضن رجال محترمين جدا لمجرد انه لن تاتى لها شبكه زى بنت خالتها او فرحها مش هيتعمل فى المكان الفلانى او لمجرد اسباب واهيه جدا

لا اصل دة شكله وحش لا دا مالوش فى الهزار لا دا هيتجوزنى و يسافر بيا و انا مش ممكن ابعد عن ماما ........الخ

و النتيجه تجاوزهم الخامسه و الثلاثين دون زواج ربنا يرزقهم و يسهلها لهم

و انا عن نفسى ان اراد الله ورزقنى بنات ساتبع معهم نفس الموضوع

و لكن فعلا اهم شرط لانجاح كل هذا هو التاكد من دين و اخلاق الشاب المتقدم بشكل اساسى و بعد ذلك كل شيىء اخر يهون

دمت بالف خير

[سهل جدا]

هل من الممكن ان يبدأ العروسان ( الغالبية العظمى ذوى الدخول المحدودة ) بغرفة نوم فى شقة صغيرة ايجار تتناسب مع امكاناتهم المادية

و انا عن نفسى ان اراد الله ورزقنى بنات ساتبع معهم نفس الموضوع

و لكن فعلا اهم شرط لانجاح كل هذا هو التاكد من دين و اخلاق الشاب المتقدم بشكل اساسى و بعد ذلك كل شيىء اخر يهون

دمت بالف خير

الله ينورك عليكم والله سا أستاذ محمد أنت والأخت مغتربة

كلام في منتهى الروعة

بس هي الفكرة دلوقتي في التطبيق

ازاي نغير قناعات الأسر في تغيير المفاهيم الخاطئة ومنها النظر إلى الزواج بمنظار دنيوي بحت

أعتقد أن الأمر لابد أن يبدأ من فوق..

من القدوات

لو فعل ذلك القدوات لاقتدى الناس بهم ..

اللهم حصن شبابنا وبناتنا يا رب العالمين

[Emo]

بس بسجل حضور ..لأني يمكن ع الطرف الأخر من الرأي..

لي عودة بعد ماارجع من الجامعة..

لأن جوايا كلام كثيييييييييير جدا..

[زهرة الجبل]

والفكرة التى ارجو ان نتناقش حولها تتلخص فى :

هل من الممكن ان يبدأ العروسان ( الغالبية العظمى ذوى الدخول المحدودة ) بغرفة نوم فى شقة صغيرة ايجار تتناسب مع امكاناتهم المادية مع استعمال احدى وسائل منع او تأجيل الكمل حتى تستقر وتتحسن احوالهم المالية فينتقلون الى مسكن اوسع يكون مهيئا لاستقبال طفل او اطفال جدد.

مارأى الاباء والامهات من السادة الاعضاء ومارأى الشباب فى هذا الموضوع؟ وهل هى فكرة ممكنة التطبيق فى ظل عادات وتقاليد وموروثات ورثناها حديثا ؟ أم أننا كمن يؤذن فى مالظة

أخي الكريم محمد

أعتقد أن الموضوع و الحمد لله خرج من نطاق التساؤل حول كونه فكره ممكنة التطبيق في ظل موروثاتنا أم لا..و وصل إلى مرحلة التطبيق بالفعل ..حتى و لو كان لم يصل للتغليب أو الاكثريه .. إلا أن وجوده بشكل ملحوظ أصبح بادرة أمل رائعه

و بالفعل و كما تفضلت الأخت الفاضله مغتربه .. فأيضاً أنا اعرف أكثر من حاله .. _بعضهم من الأصدقاء و بعضهم من الأقرباء _ إنتهجوا نفس النهج و ما شاء الله لم أرى بينهم من ندم على إتخاذه لهذا القرار

بل على العكس تماماً و الحمد لله .. فالموضوع له من المميزات ما قد يغفل عنه البعض ممن يرونه تنازلاً ..

في حين انه في حقيقة الأمر قد يصل لدرجه إغتنام الفرص !!

نعم .. إغتنام فرص .. فإن نظرنا بقدر يسير من الواقعيه للأمر لوجدنا أن رجلاً خلوقاً يعامل إبنتي بالحسنى في اليسر و الضيق أفضل من رجلاً متيسراً مادياً لا أضمن منه حسن عشرة إبنتي و لن يغنيني ماله إن آذاها بسوء خلقه

أما من إفتقر إلى الخلق أو الدين فلن يغنه ماله أبداً

و تحضرني هنا قصة الرجل الذي جاء يسأل أبو الحسن البصري عن أي الرجال يزوج إبنته؟ .. فقال له لصاحب الدين , فإذا هو أحبها ... أكرمها , وإذا هو كرهها .. لم يهنها

و حسن الخلق و كامل الدين و إن لم تكتمل قدرته الماديه اليوم .. فقد يغنه الله من سعته غداً

هذه نقطه

الثانيه هي أنني في الحقيقه من مباركي الزواج المبكر .. و بما أن العمر إلى ذهاب فكوني أغتنم شاباً خلوقاً أجد فيه إحتراماً لنفسه و إلتزاماً بدينه فأقبله زوجاً لإبنتي اليوم و لو بقدر من المساعده منا في بداية حياتهما ثم بعد ذلك ليغنهما الله سوياً .. أفضل من إبقائها عندي حتى يغنه الله ثم يأتني فيتزوجها

و كما تفضلت حضرتك بالذِكر قبلي .. فكفانا لنعلم أن هذا النهج هو الصواب قول رسول الله صلى الله عليه و سلم حين قال : ((إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد عريض))

و الكلام و الله ينطبق حتى على أبنائي الذكور و ليس إبنتي فقط ..

أسأل الله ان يعينني أولاً على تربيتهما بما يقوِّم فيهما الخلق و الدين

فإن إطمأنيت إلى كمال خلقهما و دينهما _ و رزقني الله العمر _ فإن شاء الله سأكون أول من يساعدهما و يشجعهما على الزواج المبكر

و ليستكملوا _ بأمر الله _ ما يرونه لازماً لحياتهما من الناحيه الماديه بعد الزواج

و أخيراً : أسأل الله الرزق و الستر لشباب و بنات المسلمين أجمعين اللهم آمين

دمت أخي الفاضل في رضا الرحمن

أم كريم

تم تعديل 2 مارس 2009 بواسطة زهرة الجبل

[aimen]

جزاك الله كل خير يا استاذ محمد على الموضوع ده

المشكلة اننا عارفين الصح فين وعارفين اننا بنضر نفسنا لكن تقول لمين ؟

من خمسة اعوام وانا اتوقع ان هناك مشكلة فى الأفق ستحدث فى الريف المصرى ...

لو لم يتخلى عن بعض العاادات العقيمة الخاصة بالزواج ...واعتقد انها بدات فى الظهور حاليا ...لا يتزوج سوى من سافر لإيطاليا أو دول الخليج والأمور مستتبة ...

البنات بتقارن بعضها وانها مش اقل من بنت العمدة ( لم اشاهد عمدة فى حياتى ابدا بالرغم من انى من الأرياف ) .....الزواج فى مصر الأن بقى فرصة لأستنزاف جيوب الشباب فى حاجات تافهة ...اهل البنت عاوزين واهل الولد عاوزين النكته ان الكل بعد الزواج بيكون مديون ...نفسى افهم بس طيب ليه ما ابداش على قدى ؟؟؟ عيب...... البنت لازم تجيب اشى كام عسالة واشى كام بطانية ...مش مشكلة يا ابو العروسة لما تستلف من دا ودا ...علشان البنت تتستر ؟ ونفس القصة للشاب

البنات الإ من رحم ربى ...عاوزين يدخلوا البيت يلاقوه مليان كل حاجه من الإبرة للصاروخ زى ما بيقولوا ...أو نقول انها عاوزه تتنقل من بيت ابوها لبيت يشبه بيت ابوها بس مع عريسها ...يعنى يفترض بالعريس ( يا ولداه ) انه يجهز بيت زوجية لعروسته زى بيت ابوها وفى فترة مش عارف كام ممكن نقول 1/10 من الفترة اللى جهز ابوها فيه بيتهم ....ليه معظم الأسر سواء البنت أو الولد بيحملوا انفسهم فوق الطاقة فى موضوع تجهيز البيت ؟؟؟ مش فاهم

انا لا اعيب على البنات فقط الهم مشترك ...الأهل هم السبب للأسف ...طريقة التفكير تودى فى داهية ...لا توجد مشكلة ان البنت تفضل بجواره تتعذب نفسيا لما تشوف زميلاتها بيتجوزا ومعاهم اولاد ...الهم واحد والمسؤولية مشتركة اولاد وبنات اباء وامهات

نفسى اعرف شباب اوربا بيتجوزا ازاى ؟ فيها ايه يعنى لو ارتبطوا وقعدوا شوية فى بيت اهلها ولا اهله ...فيها ايه لو تنازلنا عن الكمبيوتر او الدش أو الغسالتين الفول اوتوماتيك ( العادية وبتاعه البيى ) ...هل فعلا احنا محتاجين كل الحاجات دى ...لا اعتقد ابدا ..بدليل ان معظم المغتربين فى الخليج بيأسسوا بيوت فى الغربة بمبالغ محدودة ؟؟ لأنه فيه اشياء لا داعى لها

اللوم يلقى على الكل ؟ مجتمنعا بأكمله عاوز يتعمل له format ( اعادة تهيئة ) وتتمسح افكار ...وتتعدل افكار منها ان مش الفلوس اللى بتعمل كل حاجه...مش الفلوس اللى حتضمن السعادة واستقرار البيوت ...مش الأثاث والعفش والسجاد والستائر هى اللى حتأمن البيت ...نتعلم الرضا وشكر ربنا بحق ...نتعلم الا نقارن حياتنا بحياة الأخرين ...ناس كثير معاها فلوس ومش سعيدة ابدا وناس مستورة لكن كم الرضا و الإيمان عندها عالى جدا ...

مدام زهرة الجبل ..

عاوز اقولك ربنا يسعدك ويريح قلبك و يرزقك الجنة وزوجك ان شاء الله ....اشخاص مثلك ممن يحملوا هذه العقلية يجب ان ننحنى اجلالا لهم ...اللهم فرحك باولادك يارب

عارف انه بره الموضوع

ياريت الناس الكبيرة سنا ومقاما بالطبع كوالدى الأستاذ محمد تقولنا لما اتجوزت كان عفشها مكون من ايه ؟ وربنا فتح عليها بإيه ؟؟ واحساسهم بنمو البيت شوية شوية كان ايه ؟؟؟ احكوا لنا و انقلونا للزمن الجميل ده ...

[سهل جدا]

نفسى اعرف شباب اوربا بيتجوزا ازاى ؟ فيها ايه يعنى لو ارتبطوا وقعدوا شوية فى بيت اهلها ولا اهله

أفشتك يا عم أيمن ...

عاوز الجواز فريند

على فكرة في بعض العلماء اتكلموا فيه وأباحوه وقالوا إنه بديل لما يسمى بالبوي فريند والجيرل فريند

اعمل سيرش على جوجل واكتب (الزواج فريند)

هاتلاقي فتاوى ومواضيع فيه كثيرة

وبغض النظر عن صحة الفتوى أو خطئها

إلا أنها ممكن تصلح في بعض المجتمعات الغربية

ربنا يوفقك ويرزقك ببنت الحلال انت واللي زيك و.... (أنا كمان التانية )</div>

تم تعديل 2 مارس 2009 بواسطة سهل جدا

[السويفي]

السلام عليكم:

بعض البنات يتقدم لهم صاحب الخلق والدين ولكنهم يرفضوه(ولو كان غنيا) لانهم يحبون شخصا اخر صاحب خلق ودين ولكنهم بميلون اليه عاطفيا

(ولو كان فقيرا) وطبعا لا يقال ان هذا سبب الرفض صراحه وهذا ما يسبب البس عند بعض الناس

[se_ Elsyed]

هل من الممكن ان يبدأ العروسان ( الغالبية العظمى ذوى الدخول المحدودة ) بغرفة نوم فى شقة صغيرة ايجار تتناسب مع امكاناتهم المادية مع استعمال احدى وسائل منع او تأجيل الحمل حتى تستقر وتتحسن احوالهم المالية فينتقلون الى مسكن اوسع يكون مهيئا لاستقبال طفل او اطفال جدد.

أعتقد إن موضوع إستعمال وسائل حمل في أول الزواج خطر جداً على خصوبة المرأة بالمستقبل ولا يُفتى وأطباءنا في المدينة وهما ممكن يدلو بدلوهم في الموضوع ده ...

وسأعود لمناقشة باقي الأفكار ..

[aimen]

نفسى اعرف شباب اوربا بيتجوزا ازاى ؟ فيها ايه يعنى لو ارتبطوا وقعدوا شوية فى بيت اهلها ولا اهله

أفشتك يا عم أيمن ...

عاوز الجواز فريند :lol:

على فكرة في بعض العلماء اتكلموا فيه وأباحوه وقالوا إنه بديل لما يسمى بالبوي فريند والجيرل فريند

ربنا يوفقك ويرزقك ببنت الحلال انت واللي زيك و.... (أنا كمان التانية clp:: )</div>

اهلا عمى سهل جدا

مين قال انى بقصد جواز فريند ...الزواج عندى مالوش غير شكل واحد فقط هو الزواج الشرعى والمعروف لكل الناس ...

ما قصدته هو البدأ بغرفة فى بيت الأهل تتطور شوية شوية ...أو لنقل البدء بتكاليف محدودة ...بدلا من التكاليف اللى بتقطم ظهر الأهل سواء الولد او البنت ....و الهدف منها الفشخرة فى المقام الأول وخداع النفس بانه دا تأمين للبنت ....

وياسيدى ربنا يرزقك ببنت الحلال اما عنى فانا مقاطع الموضوع اصلا ...

وابشرك لقيت ناس كمان مقاطعه الجواز يعنى بفكر اعمل نقابة لمقاطعى الجواز ...عن قريب

[fatfouta]

الموضوع ده جميل اوى وشكرا ليك يا استاذ محمد على طرحه

من حوالى 6 سنين كده كنت انا لسه مش متجوزة وكان عندى واحدة صحبتى مقبلة على الجواز يعنى بالبلدى كده كانت بتجهز وبعدين كنت بنزل انا وهى نشترى الحاجات اللى هى عاوزاها وكتير اوى اما كنت اشاور لها واقولها خديها تقولى لا تعالى نشوف حاجة ارخص او ممكن تستغنى عنها خالص وكمان كانت تقولى تيجى نشوف الضرورى الاول وبعدين لو كفت الفلوس معايا نجيب كذا

وتصدقوا كان دايما ربنا بيبارك فى اللى معانا ونجيب لها احسن حاجة

وعجبتنى اوى قناعتها وعلمتنى حاجات كتير اوى انا نفسى لما كنت بجهز كنت بعمل ذيها

هى كانت بتحب خطيبها اوى وهما الاتنين كانوا معانا فى الشغل وهو كان مرتبه اصغر من مرتبها بس هى كانت راضيه جداااااااا ولما راح اتقدم لها فرحت اوى بس اهلها عارضوا شوية لانه اقل منها ماديا بس هى تمسكت بيه

وبعدين اهلها وافقوا لانه هو كان انسان محترم ومتدين وكان بيحافظ عليها وبيحبها واقنعهم بكده بتصرفاته المحترمة

ووالد البنت دى لما اتفقوا قالوا بمنتهى الصراحة يا بنى هات اللى تقدروا عليه

وفعلا اتجهزت بأقل الامكانيات فى حدود المعقول والحاجات اللى بس يعوزها البيت وباقل الكماليات

وفرشنا الشقة بتاعتها وكانت فيها حجرة نوم وانتريه ومطبخ بس وهى الشقة كانت صغننة اصلا بس كان فيها اماكن مش موجودة فيها موبيليا فاضية يعنى

المهم يا جماعة هى رضيت بيه وباللى ربنا قسمه لها وبعد كام سنه حواللى اربع سنين اخدوا شقة تانية كبيرة وبقت مليانة موبيليا جميلة وشيك جدااا وكمان مليانة اولاد حلوين ومقطقطين وماليين عليهم حياتهم

يعنى بالصبر والحب والكفاح ولانهم كانوا بيحبوا بعض واتمسكوا بدينهم وربنا وقف معاهم عليوا فعلا وعايشين دلوقتى مستريحين مش مرفهين ايوه لكن راضيين

بجد دى قصة حقيقية ودى صاحبتى جدااا وهى كمان لما انا كنت بجهز كانت بتنزل معايا وتنصحنى وتقولى فاكره انا عملت ايه ولما اتضايق لو ماجبتش حاجة تقولى دايما اصبرى وهتجيبى كل اللى انتى عاوزاه مش مهم دلوقتى بس هييجى ادام وانا دلوقتى فعلا بادعيلها

والرضا هو احسن حاجة يا جماعة بجد والواحد يبدأ حياته ويتوكل على الله ويقول يا رب وهيلاقى كل اللى هو عاوزه ده ربنا كريم والله

[الدكتورة أم أحمد]

جزاكم الله خيرا أخي الكريم وبارك فيكم

هذا الموضوع حيوي جدا وهام لمجتمعنا

وللأسف لم يعد الأمر كما كان فقط طلبات باهظة من العريس أو حتى غير باهظة وليست في إمكانه بل إن أهل البنت ألزموا أنفسهم بأشياء صعبت زواج البنت

وقلد الناس بعضهم البعض بطريقة هسترية وأصبح حق مكتسب للعريس يطالب به

وسأحكي لكم عن بعض هذه الأشياء في محافظتنا

كانت البداية خاتم تقدمه العروس لأم العريس بعد

أن يلبسها العريس الشبكة ففعل كل الناس ذلك

فقام من يريدون التميز بتقديم غويشة ففعل الكل ذلك فقدموا

غويشة في كتب الكتاب وغويشة في الفرح

وانتقل الأمر من باب التميز أيضا بخواتم لأخوات العريس

وأعلم أكثر من حالة إذا قال أهل العروسة للعريس وأهله أنهم لن يأتوا بغويشة لأمه خرجوا بلا عودة

هذا غير ثلاث غسالات، دش ،ريسيفر ، جهاز حاسب،محمول للزوج وأشياء تنوء الشقة بحملها ولا تستعملها العروس في الغالب خوفا عليها أقطقم عديدة من كل شيء في النيش

حتى الديب فريزر أصبح مما تأتي به العروس عندنا ويشتري الأب بالقسط ويعجز عن السداد و وقد يدخل السجن

ودوامة لا مخرج منها

ولي عودة إن شاء الله

[Alshiekh]

مارأى الاباء والامهات من السادة الاعضاء ومارأى الشباب فى هذا الموضوع؟ وهل هى فكرة ممكنة التطبيق فى ظل عادات وتقاليد وموروثات ورثناها حديثا ؟ أم أننا كمن يؤذن فى مالظة

موضوع مهم جدا اخى الكريم و انا من اشد المناصريين له و المؤمنيين به

و صدقنى اعرف عائلات كثيره و اشخاص اقرب الى مما تتصور كانت من النضج العقلى و الفكرى انها حددت هدفهما الاساسى بشكل مباشر و هو ستر بناتها و اعفافهم فلن اقول لك انهم اعفوا ازواج بناتهم من الاعباء الماليه فقط بل اقول لك انهم تحملوا عنهم معظمها ( و لكن بالطبع بعد ما تاكدوا تماما انهم فعلا رجاله يحافظون على ابنتهم و يقدرون لهم صنيعهم )

و النتيجه الان ما شاء الله رائعه بناتهم فاتحين بيوت و مستقرين مع ازواجهم بل فاضت عليهم خيرات الله و تحسنت حالتهم المادية جدا

و هانئين مع ازواجهم و اولادهم

و اعرف ايضا للاسف على الجانب الاخر فتيات رفضن رجال محترمين جدا لمجرد انه لن تاتى لها شبكه زى بنت خالتها او فرحها مش هيتعمل فى المكان الفلانى او لمجرد اسباب واهيه جدا

لا اصل دة شكله وحش لا دا مالوش فى الهزار لا دا هيتجوزنى و يسافر بيا و انا مش ممكن ابعد عن ماما ........الخ

و النتيجه تجاوزهم الخامسه و الثلاثين دون زواج ربنا يرزقهم و يسهلها لهم

و انا عن نفسى ان اراد الله ورزقنى بنات ساتبع معهم نفس الموضوع

و لكن فعلا اهم شرط لانجاح كل هذا هو التاكد من دين و اخلاق الشاب المتقدم بشكل اساسى و بعد ذلك كل شيىء اخر يهون

دمت بالف خير wst::

الفاضلة / مغتربة

شكرا لمشاركتك الكريمة التى اثرت الموضوع بالطبع ، واعتقد ان ماسردتيه قد يبينه ويوضحه بيت الشعر الاول من توقيعك:

دواؤك فيك ولا تشعـر***وداؤك منك ولا تبصـر

السؤال المحير والذى ارجع اسبابه لقوانين ثورية كأثر من الآثار الجانبية له وهو تحديد الايجارات.

أين هى الشقق ذات الغرفة وصالة او الغرفتين وصالة والتى تكون قيمتها الايجارية منخفضة الى حد ما وبالتالى تجعل من السهل على الشباب ان يبدأوا حياتهم الزوجية؟

وهل نجد المستثمرين الذين يفكرون فى فى المشكلة بنفس طريقة تفكيرنا؟

[Alshiekh]

هل من الممكن ان يبدأ العروسان ( الغالبية العظمى ذوى الدخول المحدودة ) بغرفة نوم فى شقة صغيرة ايجار تتناسب مع امكاناتهم المادية

و انا عن نفسى ان اراد الله ورزقنى بنات ساتبع معهم نفس الموضوع

و لكن فعلا اهم شرط لانجاح كل هذا هو التاكد من دين و اخلاق الشاب المتقدم بشكل اساسى و بعد ذلك كل شيىء اخر يهون

دمت بالف خير wst::

الله ينورك عليكم والله سا أستاذ محمد أنت والأخت مغتربة

كلام في منتهى الروعة

بس هي الفكرة دلوقتي في التطبيق

ازاي نغير قناعات الأسر في تغيير المفاهيم الخاطئة ومنها النظر إلى الزواج بمنظار دنيوي بحت

أعتقد أن الأمر لابد أن يبدأ من فوق..

من القدوات

لو فعل ذلك القدوات لاقتدى الناس بهم ..

اللهم حصن شبابنا وبناتنا يا رب العالمين

وصلنا للمهم فى القصة والقضية

إزاى نغير القناعات ، مش الاسر فقط هى المطلوب تغيير قناعاتها بل والشباب ايضا أو على الاصح " الشابات "

المطلوب تغير فكرة بعض البنات عن العلاقة الزوجية ، مطلوب ان البنت والمجتمع ايضا ينظر لدور البنت على انه دور الشريك ، وانها ستمتلك فى الرجل بقدر ماسيمتلك فيها وستمتلك فى البيت بقدر ماسيمتلك الرجل فيه ، وبالتالى تضع فى اعتبارها المثل الشعبى " احنا بنشترى راجل ".

رأيت بعض البنات يضفن مايمتلكنه من مجوهرات الى الدبلة التى اشتراها العريس ليقدموها للمعازيم على انها شبكة اشتراها العريس لعروسه ، ورأيت بنات تشترط ان تكون شبكتها لقيمة كذا من الجنيهات ، وليس مهما كيف سيكون شكلها ، المهم ان تكون غالية.

أما عن الطريق الاقرب لتغيير القناعات لاأعتقد انه من دور الحكومة ان تقوم به ، بل يقوم به الخطباء بالمساجد ، والقساوسة بالكنائس ، والكتاب فى الجرائد والمجلات ، لأن الحكومة ايدك والارض منها.

أقول هذا لان المجتمع فعلا محتاج ثورة ثقافية وفكرية تخرجه من حالة اللامبالاة التى يعيشها ، تخرجه من حالة الازدواجية . هل تظن أن حديث رسول الله الذى اخترته عنوانا للموضوع لايعرفه المسلمون من اصغرهم الى اكبرهم؟ ولكنهم عن التطبيق لايفكرون فيه ولايتذكرونه ولايعملون به.

ليت كل منا يذهب لخطيب المسجد ويذكره بأن تكون خطبة الجمعة او على الاقل تتضمن خطبته ولو مرة كل شهر الاشارة لهذه المواضيع فقد تكون تذكرة لمن شاء ان يتذكر.

ودمتم بخير

[Alshiekh]

بس بسجل حضور ..لأني يمكن ع الطرف الأخر من الرأي..

لي عودة بعد ماارجع من الجامعة..

لأن جوايا كلام كثيييييييييير جدا..

بما انك لسه ماسجلتيش انصراف ، فنحن منتظرين ظهورك مرة أخرى لان رأيك يهمنا.

لانك والشباب والشابات من سنك يجب ان يكون لهم دور لانكم انتم اساس الموضوع الذى نتكلم فيه.

نريد ان نعرف رأيكم ، طريقة تفكيركم ، كيف ستعالجون الموضوع مع الوالدين والاصدقاء والاقارب.

منتظرين يا ايمو بس اوعى تسيبينا زى السمك وتاخذى اجازة.

[قلب ابيض]

يا جماعه الموضوع لذيذ وجاى لى عالطبطاب

انا كنت فتحته قبل كده فى موضوع باقه الاربعينات بس حسيت ان هنا انا اللى بتسأل مش بسأل فلاقيت ان المعيار مختلف احيانا ومطابق احيانا وضد احيانا

ازااااااااى؟؟

اقولكم انا مش هاقدر اركز فى سرد اسماء الاخوه والاخوات اللى تابعو بردودهم القيمه ولكن بصفه عامه 000انا اولادى فى سن جواز بنت وولد وحاليا بمر بالتساؤلات دى وكمان انا مع الزواج المبكر ومن اشد المؤيديين له ( بس اللى يقدر عليه ) وهى دى الباءه كما وردت فى الحديث الشريف

بس هنا زى ما قال السويفى " تحياتى لك يا سويفى " فى بنات بترفض ذو الدين والشخصيه وربما الغنى ايضا من اجل المحبوب والذى قد يكون غير كفأ اساسا لهن

العمل هنا ايه معاهم ؟؟؟ يعنى هل الضغط ؟ ام المسايسه ؟ ام الرفض القاطع؟

طيب وقاعدتها جنبى دى صح ؟؟ ولا اديها للى ما يستحقهاش؟؟من وجهه نظرى انا

طيب والولد او الشاب فى المقابل 00اختار له بنت الحلال بنفسى ولا اسيب له الاختيار وتبعياته؟

واساعده فى الجواز ولا اسيبه على ما يكون او يلملم نفسه بنفسه

من الاخر افتح الشباك ولا اقفل الشباك؟؟؟؟؟؟

ودمتم بخير

[newcomer]

موضوع مهم جدا يا استاذ محمد

انا كنت قبل كده متحمسة جدا لفكرة التعاون و التساهل فى الماديات...

و انى ان شاء الله لما بنوتى تكبر ....هادور على اخلاق العريس

و مش مهم الماديات

بس الاسبوعين اللى فاتوا حصل حاجتين

خلونى اعيد تفكير تانى فى حماسى...

اول حاجة

....سمعت عن مشكلة بين اتنين بقالهم 3 او 4 سنين متجوزين

و سمعت من الواسطة اللى بيحاول يصلح....ان الزوج ده مش متحمس للصلح

و معندوش مانع يطلق مراتة.....و قاله من ضمن الاسباب

انها كانت جوازة رخيصة....و ان مفيش مؤخر صداق يخوف !!

اللى فهمتة ان البنت يتيمة ....و اهلها ما تشددوش معاه فى الماديات

على اعتبار ....انهم بيشتروا راجل ...و انه راجل بتاع ربنا ( على حد تعبيرهم)!!!!

الحاجة التانية

يوم الجمعة اللى فاتت ....قرات فى بريد الجمعة

مشكلة.....ملخصها ان عيلة محترمة ....اتقدم لبنتهم

عريس عرفوا عنه انه محترم .....و متدين

فبرضه ..من مبدأ احنا بنشترى راجل

ساعدوه و ما اشترطوش عليه اى حاجة

و بعد الجواز ماطلعش امين على بنتهم

بالاضافة للمعاملة السيئة؟؟؟؟!!!

الحاجتين دول خلونى افكر....

يا ترى المثل الانجليزى اللى بيقول:

easy come........easy go

صح ؟؟!!! و لا اللى لو الناس قدروه وو قفوا جنبه

هايشيل جميلهم.....و يراعى ربنا فى بنتهم؟؟؟

بصراحة ....حكاية مش سهل ....يتاخد فيها قرارات نظرية

[Alshiekh]

والفكرة التى ارجو ان نتناقش حولها تتلخص فى :

هل من الممكن ان يبدأ العروسان ( الغالبية العظمى ذوى الدخول المحدودة ) بغرفة نوم فى شقة صغيرة ايجار تتناسب مع امكاناتهم المادية مع استعمال احدى وسائل منع او تأجيل الكمل حتى تستقر وتتحسن احوالهم المالية فينتقلون الى مسكن اوسع يكون مهيئا لاستقبال طفل او اطفال جدد.

مارأى الاباء والامهات من السادة الاعضاء ومارأى الشباب فى هذا الموضوع؟ وهل هى فكرة ممكنة التطبيق فى ظل عادات وتقاليد وموروثات ورثناها حديثا ؟ أم أننا كمن يؤذن فى مالظة

أخي الكريم محمد

أعتقد أن الموضوع و الحمد لله خرج من نطاق التساؤل حول كونه فكره ممكنة التطبيق في ظل موروثاتنا أم لا..و وصل إلى مرحلة التطبيق بالفعل ..حتى و لو كان لم يصل للتغليب أو الاكثريه .. إلا أن وجوده بشكل ملحوظ أصبح بادرة أمل رائعه

الثانيه هي أنني في الحقيقه من مباركي الزواج المبكر .. و بما أن العمر إلى ذهاب فكوني أغتنم شاباً خلوقاً أجد فيه إحتراماً لنفسه و إلتزاماً بدينه فأقبله زوجاً لإبنتي اليوم و لو بقدر من المساعده منا في بداية حياتهما ثم بعد ذلك ليغنهما الله سوياً .. أفضل من إبقائها عندي حتى يغنه الله ثم يأتني فيتزوجها أم كريم

هذا بالفعل هو غرضى من فتح الموضوع ، ان تكون هناك دعوة لتطبيق مانؤمن بانه الصح ، لاأن نهز رؤسنا بالموافقة عليه وعند التطبيق فالواقع يقول شيئا آخر

لو تم ذلك فاعتقد انها ستكون اهم وسيلة للتبكير بالزواج وبالتالى اداء رسالة الابناء مبكرا والاستمتاع بشيئ من الاسترخاء فى سن مبكرا.

دمت بود اختى الكريمة

[ssamir]

موضوع مهم جدا يا استاذ محمد

انا كنت قبل كده متحمسة جدا لفكرة التعاون و التساهل فى الماديات...

و انى ان شاء الله لما بنوتى تكبر ....هادور على اخلاق العريس

و مش مهم الماديات

بس الاسبوعين اللى فاتوا حصل حاجتين

خلونى اعيد تفكير تانى فى حماسى...

اول حاجة

....سمعت عن مشكلة بين اتنين بقالهم 3 او 4 سنين متجوزين

و سمعت من الواسطة اللى بيحاول يصلح....ان الزوج ده مش متحمس للصلح

و معندوش مانع يطلق مراتة.....و قاله من ضمن الاسباب

انها كانت جوازة رخيصة....و ان مفيش مؤخر صداق يخوف !!

اللى فهمتة ان البنت يتيمة ....و اهلها ما تشددوش معاه فى الماديات

على اعتبار ....انهم بيشتروا راجل ...و انه راجل بتاع ربنا ( على حد تعبيرهم)!!!!

الحاجة التانية

يوم الجمعة اللى فاتت ....قرات فى بريد الجمعة

مشكلة.....ملخصها ان عيلة محترمة ....اتقدم لبنتهم

عريس عرفوا عنه انه محترم .....و متدين

فبرضه ..من مبدأ احنا بنشترى راجل

ساعدوه و ما اشترطوش عليه اى حاجة

و بعد الجواز ماطلعش امين على بنتهم

بالاضافة للمعاملة السيئة؟؟؟؟!!!

الحاجتين دول خلونى افكر....

يا ترى المثل الانجليزى اللى بيقول:

easy come........easy go

صح ؟؟!!! و لا اللى لو الناس قدروه وو قفوا جنبه

هايشيل جميلهم.....و يراعى ربنا فى بنتهم؟؟؟

بصراحة ....حكاية مش سهل ....يتاخد فيها قرارات نظرية

الانسان لو وحش هيقدر يهرب او يعلق البنت لغاية لما تتنازل عن حقوقها

يعنى مش هيغلب

يبقى الفلوس مش هى اللى هتربطة فى حاجات تانية اهم زى الاولاد

[nasr-badr]

الحمد لله وحده والصلاة والسلام علي من لا نبي بعده وبعد ,,,,,,,,,,

الأخ الفاضل محمد

جزاك الله خيرا علي هذا الموضوع الهام جدا أولا وعلي إختيار العنوان الموفق له ثانيا

ولي عودة إن شاء الله تعالي لأنني أحب المشاركة في هذا الموضوع الهام

والحمد لله رب العالين

تم تعديل 14 أبريل 2009 بواسطة nasr-badr