مزيكا رزع الحلل !

[د هشام ابراهيم]

الموضوع بسيط .....مزيكا رزع الحلل ... الميتال و الهارد روك بانواعها كلها موسيقي مثيرة للجدل مش بس في مصر

موسيقي صاخبة و مواضيعها جريئة و مغنينها غريبي الأطوار في كثير من الأحوال

طب ليه ؟

إيه موقفك منها ....إيه حكايتك معاها ....أخي المواطن شارك و لو باغنية

[د هشام ابراهيم]

حابتدي بنفسي باعتباري معدني عجوز نسبيا ...

معقول ؟!! إنت بتسمع روك ؟!! شكلك ما يجبش خالص

الجملة ديه اتقالت لي كتير قوي ....في مصر و فرنسا و اليابان و كندا ....و علي المنتديات كمان

أنا فعلا ما كنتش باطيق مزيكا رزع الحلل لغاية ما كان عندي ١٦ سنة .... ١٩٨٩ تحديدا ..... والدي أتوفي و بعديها بكام شهر دخلت كلية الطب ...و اذ فجأة ما بقتش عايز أسمع أغاني باحبك و مش قادر علي هجرك المسيطرة علي سوق الغناء العالمي ..... بس بما اني باحب أسمع موسيقي بكافة انواعها تقريبا ابتديت أدور علي بديل و عندها تذكرت هدية تلقتها سنين قبل كده .....يتبع

[د هشام ابراهيم]

الهدية كانت شريطين لفريق بريطاني أسمه Iron Maiden كان أدهملي إبن خالتي من كام سنة فاتوا .... سمعت من الشريط الاولاني بتاع ٣٠ ثانية و بعدين رميت الشريطين في درج من أدراج المكتب و نسيتهم تماما

قاعد أذاكر في يوم و كنت ساعتها في أولي طب ....و ما ادراك ما كلية الطب ..... و الصدمة النفسية بتاعة المواد و الطلاب و الاساتذة و الكل كليلة .... افتكرت الشريطين و طلعتهم و ابتديت أسمعهم .... في الاول برضه مش مستسيغهم .... بس ابتديت أسمع الكلام و لفتت انتباهي قوي معاني الكلمات .... الحرب و السلام ....و فلسفة الحياة ...تأملات في النفس البشرية .... الأزمات الأقتصادية و الثورة الصناعية .... الطفولة المشردة و مستقبل الجنس البشري .....صراحة الكلام عجبني جدا و بعد ما سمعت الشريطين كام مرة لقيت إن رزع الحلل ما بقاش مزعج زاي الأول .... بالعكس ابتديت أحبه

[Shehab]

أنت لحقت يا دكترة..الف مبروك يا باشاع الفرع الجديد....بس ده مستقل بذاته...و لا يتبع سلسلة هورتونز برده؟

و بعدين يا باشا ارجع و افكرك بسياسة الجرعات....الا ايه الفرق بين الهارد روك و رزع الحلل؟؟

تم تعديل 19 مارس 2009 بواسطة Shehab

[الجدار]

والله العظيم عرفت انك حتتكلم في الموضوع ده :lol:

واكيد انت متوقع اني حاجي عاملي كمين يعني بس طالما ميتال معاك في أي كمين

احنا بقى يا عم صغيرين شوية أتربينا على megadeth و metallica و A/C D/C وأساسي فريقنا المفضل pink floyd

انا متأكد انك كمان حاولت تعزف جيتار ومش بعيد عملت باند :)

شوف يا دكتره أنا ابتديت حوالي سنة 94 بشريط ل metallica كان Master of puppets

بجد من أول لحظه اتبهرت بيه مع اني ماكنتش فاهم معظم الكلام بس المزيكا كان فيها تمرد

حاجه غير الحب والكره والبعاد والهجر

حاجه قوية كده

وكان واحد ابن حلال من أصدقاء السوء كان معاه الشريط أوريجينال كان جايله من بره ومعاه كلمات الأغاني

بجد اتبهرت مره تانية من المعاني العميقة

ومن ساعتها توالت الباندات

بعد كده حبيت أعزف فضلت أحوش علشان اجيب جيتار

وقد كان كنت حاسس انه جوايا وأخويا دخل معايا في الحوار بس هو لعب درامز

وانت عارف مكانش ساعتها النت منتشر زي دلوقتي

بقينا نجيب تابات (taps) واديها رزع وخبط طبعاً الشارع كله كان بيشتكي من دوشتنا بس العملية كانت أقوى من الجميع

وبالذات بعد ما اتلمينا على شوية ناس وعملنا باند قوي

كنا حننزل حفلات كتير بس كانت العملية بتتفركش في أخر لحظه

وطبعاً انت سمعت بقى عن التخاريف بتاعة عبدة الشيطان والهبل ده وكان الواحد بين لحظة والتانيه حاسس انه حيتاخد في الرجلين

بس ربك ستر

فالناس اتلمت شوية وبقى كل واحد بيعزف لدماغه ولغاية دلوقتي أنا مدمن مزيكا وعزف بس مع نفسي

حتى دلوقتي في الغربه انا جايب جيتار واللي معايا في السكن بصراحة بيرفعوا معنوياتي جداً

اعزفلنا حاجه لتامر حسني

طيب عمرو دياب

طب للست

أقولهم ايه طيب العالم دول ؟؟ :blink:

بجد انا استفدت كتير من باندات الميتال والهيفي والروك بجد الناس دي كانت عباقرة

سواء المزيكا أو عمق المعنى

وكفاية كده ألا الحيطان ليها ودان وعبدو الشيطان حيصحى تاني

ألف ألف شكر عالموضوع ودايماً متألق يا دكتره

[د هشام ابراهيم]

أنت لحقت يا دكترة..الف مبروك يا باشاع الفرع الجديد....بس ده مستقل بذاته...و لا يتبع سلسلة هورتونز برده؟

و بعدين يا باشا ارجع و افكرك بسياسة الجرعات....الا ايه الفرق بين الهارد روك و رزع الحلل؟؟

الله يبارك فيك يا صديقي العزيز ...كل فروع القهاوي واخدة فرانشايز من التهامي هورتنز يا باشا ...ما هو و اتنين تلاتة أفاضل تانيين هما إلي جابوا رجلي للمنتدي ده و وجهوني لتيمة القهوة الاولي ....القهوة التانية كانت ضروريات مرحلة ...ديه أول قهوة من غير أي سبب :)

سعادتك الهيفي ميتال و الهارد روك ولاد عم و بتفرع منهم و حواليهم أنواع تانية كتير ..... فيه فرق و مغنيين متخصصين في نوع معين ( لو جت سيرة Pink Floyd مثلا تيجي معاها علي طول تصنيف Psychedelic Rock ;)

فيه فرق بتغني كذا نوع ...و كتير بيغيروا من شكل لاخر ...ده ساعات في نفس الأغنية الواحدة النوع بيتغير ... فيه فرق بتبتدي حاجة و تقلب حاجة تانية ..و فيه فرق بتبتكر أنواع جديدة ....الموضوع كبير يا سيد يا محترم :lol:

و إن شاء الله نمشي واحدة واحدة .... أوعي يكون فيه حد مستعجل :blink:

[د هشام ابراهيم]

والله العظيم عرفت انك حتتكلم في الموضوع ده ;)

واكيد انت متوقع اني حاجي عاملي كمين يعني بس طالما ميتال معاك في أي كمين

......................................

ألف ألف شكر عالموضوع ودايماً متألق يا دكتره

يا باشا العفو ...مرورك شرفني :) :blink:

الحقيقة أنا مجرد مستمع و فعلا ما بيبنش عليا خالص أي ميول معدنية :happy:

لحد ما حد يركب معايا العربية أو يسمع رنة التليفون أو يطب علي و أنا مشغل الساوند سستم في البيت ..... مصيبة بقي :lol:

حلم من أحلامي المؤجلة حكاية عزف الجيتار .... باحب الجيتار جدا ...صوته بيوصل لقلبي عدل ....الاول كان السبانيش دلوقتي طبعا الأليكترك

Metallica دول لازم لهم قسم مخصوص بس حأجلهم علشان ما أطفش الناس من الأول (قال يعني المشاركات مقطعة بعضها :happy: )

و يا رب ما تحرمناش من مشاركاتك يا سيدي الفاضل ....تحياتي و احترامي

[د هشام ابراهيم]

أول أغنية كان جت سيرتها في موضوع عم الحاج تهامي هورتنز .... الأغنية اسمها "رياح التغيير " لفريق إسمه سكوربيونز و صدرت بمناسبة رياح التغيير السياسي اللي اجتاحت أوروبا بعد سقوط الأتحاد السوفيتي .... الأغنية كانت بمناسبة الامل إن التغيير السياسي يجيب السعادة و الهناء للشعوب .... فريق سكوربيونز ألماني الأصل و معتدل نسبيا ....اعضاؤه ليهم نشاطات اجتماعية و خيرية كتير ...الأغنية نفسها أصبحت تيمة الوحدة الألمانية .... الألمان بيعتبروها أفضل أغنية في القرن العشرين

الأصدار ده كان بمشاركة أوركسترا برلين الفلهارموني

Wind of Change

[ايهاب سالم]

يا عينكم يا جبايركم

بتجهرو بسماع موسيقى عبدة الشيطان كده عيني عينك

موضوع جميل جدا يا هيشو

بص يا سيدي ... أنا تجربتي مع الموسيقى المعدنيه لم تستمر كثيرا .. بدأت و انتهت في مرحلة طيش الشباب في أواخر الثمانينات

كل اللي سمعته شريط أنتوسيك من بتاع الإسهال

قصدي شريط the wild boys لفريق DURAN DURAN و شريط THE FINAL COUNTDOWN لفريق EUROPE

و كانت بتعجبني قوي أغنية STILL LOVING YOU لفريق SCORPIONS .. رغم إنها مفيش رزع خالص لكن كلامها حلو و مزيكتها جميله

أنا أساسا سميع بوب و ساعات بحب أسمع روك خفيف ..

بحب جدا صولوهات جيتار الروك الكهربائي ... بيسحرني .. لكن بأتضايق من دوشة الميتال اللي حواليه .... بحس إنها بتبوظ الدنيا ...

يعني على سبيل المثال أغنية MOTHER RUSSIA اللي شغلتهالنا في العربيه .. إتمزجت قوي في اولها من صولو الجيتار لكن اول ما الرزع إشتغل خلاص فصلت منك

أروح أصب الشاي و بعدين أرجع اكملك

تم تعديل 20 مارس 2009 بواسطة ايهاب سالم

[د هشام ابراهيم]

:) :blink:

في الانتظار يا صديقي الميكروفون معاك يا كنج الديفينس :lol:

[qenawy]

اهلا د هشام

انا بصراحة ليس لدي اي خبرة في موضوع الهيفي ميتالز ده

بس زمان سنة 94 كنت في رابعة طب كان فيه شوية طلبة دماغ عالية قوي كانوا اصحاب صاحبي كانوا بيحبوها هي ولعبة الاستيماشن

ومحسوبك حتي الان ما اعرفش عن الاستيماشن حاجة غير انها بتتلعب بالكوتشينة

والهيفي ميتالز فاكر صاحبي روش ودماغ وبسكسوكة

ايامها كان من عنده خط انترنت في البيت يشار اليه بالبنان

وكانت اتفاقات ان الواحد يروح عنده يتفرج خمس دقائق بس وكان ابهار ما بعده ابهار بصراحة

ايام

[الجدار]

والله العظيم عرفت انك حتتكلم في الموضوع ده :rolleyes:

واكيد انت متوقع اني حاجي عاملي كمين يعني بس طالما ميتال معاك في أي كمين

......................................

ألف ألف شكر عالموضوع ودايماً متألق يا دكتره

(قال يعني المشاركات مقطعة بعضها :lol: )

أطمنك يا دكترة طالما المعدن دخل في الموضوع مش حتلاقي مشاركات من الأساس

بس انا هنا ما تقلقش

I'm your biggest fan

انا شايف في هنا عملية تجنيد لملشيات المعدن ولا انا غلطان

شوف يا سيدي سكوربيونز دول من علامات الروك بجد مزيكتهم تعرفها من أول لحظة

أفكارهم قوية ومعاني كلماتهم رائعة

اختيار موفق للبداية

يا رب الموضوع ما يتقفلش

وماتزهقش مني علشان حنطلك هنا كتير

تم تعديل 20 مارس 2009 بواسطة الجدار

[د هشام ابراهيم]

..........................

أروح أصب الشاي و بعدين أرجع اكملك

كل ديه كباية شاي .... يا كباياتك يا كندا :sad:

بس ذوق عالي يا كنج الدفنس برضه ...... حبيب هارتي يا باشا ..... مسيرك تنضم برضه .....شكلك كده ممكن تحب Evanescence

Bring me to life

لو مش عجباك قولي و انا أشوفلك حاجة تانية :rolleyes: :lol:

تم تعديل 20 مارس 2009 بواسطة د هشام ابراهيم

[د هشام ابراهيم]

اهلا د هشام

انا بصراحة ليس لدي اي خبرة في موضوع الهيفي ميتالز ده

بس زمان سنة 94 كنت في رابعة طب كان فيه شوية طلبة دماغ عالية قوي كانوا اصحاب صاحبي كانوا بيحبوها هي ولعبة الاستيماشن

ومحسوبك حتي الان ما اعرفش عن الاستيماشن حاجة غير انها بتتلعب بالكوتشينة

والهيفي ميتالز فاكر صاحبي روش ودماغ وبسكسوكة

ايامها كان من عنده خط انترنت في البيت يشار اليه بالبنان

وكانت اتفاقات ان الواحد يروح عنده يتفرج خمس دقائق بس وكان ابهار ما بعده ابهار بصراحة

ايام

فكرتني بالذي مضي يا دكترة ..... مرورك أسعدني حقا يا صديقي العزيز

أنا زيك بالظبط ما أعرفش حاجة عن الأستماشين غير إن العيال الروشة كانوا بيلعبوها في الكلية و عمري ما فهمت هي إيه و لا بتتلعب ازاي

فكرتني كمان بواقعة طريفة ...أيام الكلية في السنوات الاولي تحديدا كنت بسوالف و سكسوكة و علي طول بسويت شيرت عليه غلاف ل Iron Maiden و منور فيه العزيز Eddy

المهم داخل أصلي في جامع الكلية الاقي زميل من اتحاد الطلبة بيقولي ممنوع الصلاة و إنت شاكلك كده .... قلتله ""إن الله لا ينظر إلى أجسامكم وصوركم، ولكن ينظر إلى

قلوبكم وأعمالكم" و أنا باصلي لربنا مش لحد تاني .... لقط الحوار زميل تاني و عاتب الاخ بتاع ممنوع ده و بلين قوله و حسن كلامه خلاني ابتدي أحضر المقرأة في جامع

الكلية .... أيام يا دكترة ...تحياتي و احترامي يا باشا :rolleyes: :lol:

[د هشام ابراهيم]

.....

يا رب الموضوع ما يتقفلش

وماتزهقش مني علشان حنطلك هنا كتير

يا خبر يا أفندم ...حضرتك ما تتصورش أنا سعيد بمشاركات حضرتك قد إيه و أرجو انك ما تحرمناش منها ابدا .... بل أكثر من هذا يا صديقي وعد الحر دين عليه و أنا ألزمك بوعدك بدوام المشاركة :rolleyes:

صراحة أنا ما كنتش ناوي أفتح موضوع ممكن يبقى مثير للجدل زاي ده لو مش واثق في أدارة المنتدي و في اعضائه و في سعة أفق و رجاحة عقل الجميع

All we need to do is make sure we keep talking

:lol:

[Spanish Eyes]

دكتور هشام مبروك على الفرع الجديد، بالنسبة ليا انا ماليش في الميتال بس بحب scorpion في اغنية ليهم معتقدش انها تندرج تحت الميتال هي اسمها moment in million year وغالبا كلماتها :

the bus is waiting to ride outside to hit the road once again and leave you behind the way you look just blow my mind, a moment in a million year is what i got for you,a moment in a million year to make my dream come true a momnet that i wont forget until the day has die ....

دة اللي فاكراه من الكلمات وفي اغنية تانية I dont wanna miss a thing دي sound track لفيلم armageddon هيا فيها رزع كتير فيمكن تكون ميتال i do not know :lol:

دكتور قناوي: زمان ايام الكلية كان صحابي يزوغوا من المحاضرة عشان يلعبوا استيمشن ولا كنت فاهمة فيها حاجة بس لما كبرت وبقيت شاطرة جوزي علمهالي وبقيت اطلع king عليهم :rolleyes:

[د هشام ابراهيم]

دكتور هشام مبروك على الفرع الجديد، بالنسبة ليا انا ماليش في الميتال بس بحب scorpion في اغنية ليهم معتقدش انها تندرج تحت الميتال هي اسمها moment in million year وغالبا كلماتها :

the bus is waiting to ride outside to hit the road once again and leave you behind the way you look just blow my mind, a moment in a million year is what i got for you,a moment in a million year to make my dream come true a momnet that i wont forget until the day has die ....

دة اللي فاكراه من الكلمات وفي اغنية تانية I dont wanna miss a thing دي sound track لفيلم armageddon هيا فيها رزع كتير فيمكن تكون ميتال i do not know :rolleyes:

كله رزع حلل يا أفندم ..يمكن مش ميتال قوي .... هارد روك أكتر علي سوفت روك ..أغاني فرق رزع الحلل العاطفية و الرومانسية بتبقى من أجمل ما يمكن :lol:

Aerosmith - I don't wanna miss a thing

[Spanish Eyes]

thank you boss for the song

[د هشام ابراهيم]

thank you boss for the song

العفو يا سيدتي الفاضلة :rolleyes:

The lights are slowly fading down

There's no one else, just you and me

Nothing ever changed

I see your faces in the crowd

It seems I know each one of you

For all my life

I wish this night could last forever

But it's time to go

I saw you laugh, I saw you cry

All for one and one for all

Nothing ever changed

The way you sang just blew my mind

It gave me chills from head to toe

What a glorious night

To me it could have lasted forever

But it's time to go

A moment in a million years

Is all I've got for you

A moment in a million years

To make some dreams come true

A moment that I won't forget

Until the day I die

A moment in a million years

Called life

The bus is waiting right outside

To hit the road and once again

I leave you all behind

I chase another dream tonight

And by the time you'll be home

I'll be far away

Nothing seems to last forever

It's time to go

A moment in a million years

Is all I've got for you

A moment in a million years

To make some dreams come true

A moment that I won't forget

Until the day I die

A moment in a million years

Called life

Scorpions - A moment in a million years :lol:

[Spanish Eyes]

يا نهار ابيض دة انا شوهت كلمات الاغنية خالص معلش سماح النوبة انت عارف بقى حكم السن خلاص يالا حسن الختام الزاهيمر وعاميله ،بس بجد اللي كاتبها جامد جدا