دجاج مدفون فى الملح أيضا

[بندق أفندى]

ما خلصنيش أعمل حاجة وأفوت حاجة .. بمناسبة انه الفرن شغال فمش معقول يبقى على حاجة واحدة بس ..

من نفس الموضوع نفس خلطة الملح

سمك مدفون فى الملح ومطهى بالفرن

بس فبها فرخة ما كنتش ناوى انزلها اليوم بس لما دقتها لقيتها رهيبة قلت ما منوش فايدة ..

بطاطساية وطماطماية وبصلاية وفرع روز مارى وشبت وبقدونس وزيت زيتون وملح وفلفل أسود وبشر جوزة الطيب ييجى عشر جرام .. كلهم متقلبين ومحشيين جواها

وتندفن فى الملح بدون حواجز المرة دى .. اليود اللى فى ملح البحر مؤثر فيها جدا ومديها طعم مدخن رهيب

[dongol]

طيب في السمك كان في ورق زبده بيمنع الملح عن السمك لكن هنا اكيد الفرخه هتبقي مالحه و هيكون طعمها مش لذيذ

ولا انا فاهم غلط ولازم الفرخه تتلف بورق زبده برضه

[ssmaly]

بندق باشا

اعتقد دى ابتكار منك وليس من ابتكار الفرنسيين زى السمك

اذا كانت من ابتكارك الحق سجلها بأسمك بسرعة قبل الأقتباس

شكرا لمجهودك العظيم لمساعدة الغلابة اللى مش عارفين يعملوا اكل جديد لأجوازهم او لمراتتهم

[بندق أفندى]

طيب في السمك كان في ورق زبده بيمنع الملح عن السمك لكن هنا اكيد الفرخه هتبقي مالحه و هيكون طعمها مش لذيذ

ولا انا فاهم غلط ولازم الفرخه تتلف بورق زبده برضه

يا عم دنجل الأساس انه السمك بدون ورق زبدة بس لازم يكون بقشره .. بس حيث كانت متقشرة حطيت ورق الزبدة عشان السمكة ما تدوبش فى الملح

هنا الملح طلع حتة واحد والجناح بسهو اللى كان مالح .. بس الفرخة كانت كأنه مدخنة والملح معطيعا نكهة ممتازة جدا بدون ملوحة

[بندق أفندى]

بندق باشا

اعتقد دى ابتكار منك وليس من ابتكار الفرنسيين زى السمك

اذا كانت من ابتكارك الحق سجلها بأسمك بسرعة قبل الأقتباس

شكرا لمجهودك العظيم لمساعدة الغلابة اللى مش عارفين يعملوا اكل جديد لأجوازهم او لمراتتهم

لا دى مش ابتكار ولا حاجة .. أعتقد كتير يعرفوها .. بس الفرق هو انك تعملها بمفهومك أنت .. وبخلطتك أنت لتعطى ما يعرف بالنفس .. فيه كتير من الأكلات اختراعى .. وعلى فكرة مرة أحد الأصدقاء بيقولى بأغوص فى النت لقيت وصفاتك فى احد المنتديات .. قلت خير وبركة .. هتفرق يعنى؟

ههههههه .. سرقو الطبق يا محمد .. بس الشوكة معايا ههههههه

[لولا]

على فكرة يا استاذ بندق انا بعتبر الوصفه دى فعلا اختراع حصرى لحضرتك ..

اصلى فعلا اول مره اشوف فراخ بتتطبخ كده ..

الفكره جديده جدا بالنسبالى ولو مكنتش بتأكد ان الطعم مش مالح كنت قلت دى حتبقى مالحه جدا ..

عموما بهنيك على الطبق الحصرى دوت على مستوى المنتديات

عجبنى برضوا الحشو .. وبصراحه شكلها بالتصوير ديك رومى صغير مش فرخه :)

على فكره انا بعمل طريقه للفراخ المحمره فى الفرن مش عارفه اذا كنت كمان بتستعملها وهى آخر عشر دقايق

افتح الفرن اطلع الفرخه وادهنها ب الصويا صوص ... بتتحمر بطريقه شبه الإعلانات تمااااااااااااااااااااااااام :wub:

وبعدين بناكلها بالهنا والشفا .. عقبال ما اجرب وصفتك واعمل معاها صنف مساعد :)

ميرسي جدا لحضرتك .

لولا

[بندق أفندى]

على فكرة يا استاذ بندق انا بعتبر الوصفه دى فعلا اختراع حصرى لحضرتك ..

اصلى فعلا اول مره اشوف فراخ بتتطبخ كده ..

الفكره جديده جدا بالنسبالى ولو مكنتش بتأكد ان الطعم مش مالح كنت قلت دى حتبقى مالحه جدا ..

عموما بهنيك على الطبق الحصرى دوت على مستوى المنتديات :lol:

عجبنى برضوا الحشو .. وبصراحه شكلها بالتصوير ديك رومى صغير مش فرخه

على فكره انا بعمل طريقه للفراخ المحمره فى الفرن مش عارفه اذا كنت كمان بتستعملها وهى آخر عشر دقايق

افتح الفرن اطلع الفرخه وادهنها ب الصويا صوص ... بتتحمر بطريقه شبه الإعلانات تمااااااااااااااااااااااااام rs:

وبعدين بناكلها بالهنا والشفا .. عقبال ما اجرب وصفتك واعمل معاها صنف مساعد :hi:

ميرسي جدا لحضرتك .

لولا

أعتقد انها مش جديدة ولا حاجة .. واذا مش غلطان هتكون اتقدمت كمان فى برامج تليفزيونية ..

وصفة الصويا صوص للتحمير دى أنا بأسميها من المكر المطبخى .. أنا بأستخدمها بس بأحط خل بلسمك معلقة معاه وزيت زيتون وصلصة ورسستر .. بس دى دهنها زبدة ورجعتها الفرن بعد ما شيلت طبقة الملح من أعلى عشان تحمر شوية تحت الشواية .. بجد كانت فرخة عبقرية .. متفردة يعنى ..