سمك مكس ..

[بندق أفندى]

اليوم الوصفة سهلة .. جت على بالى كتير بس ولا مرة عملتها من قبل .. وحيث عندى ضيف فلابد وحتما كل يوم اعمل له صنف جديد (لزوم الدعاية يعنى) المهم زى العادة بعد صلاة الجمعة لفيت سوق السمك كله .. ولقيت 2 سمكة حريد أو ببغاء طازة جدا .. استقر الرأى عليهم طيب نعملهم ايه؟ .. بعد استكمال اللف ولا لقيت ولا حبة استاكووزها فى السوق .. فيه جمبرى بيعيط على مامته ..

المهم لقيت كابوريا ممتازة كلها بطارخ .. وعندى جمبرى فى البيت ..

طلعت الفكرة .. كأنه شوربة سمك مع كابوريا مع جمبرى .. بشرط نص السمكة كأنه مشوى ..

بعد تنيف السمك قطعت البطن خالص .. وبعدين قطعت لحمها وصولا للعظام مع الاحتفاظ بها سمكة متماسكة تتبل فى ملح وعصير يمو وخل لمدة ساعة .. ومعها الكابوريا والجمبرى .. ثم 3 حبات بطاطس أميل للكبر منها للمتوسط .. يقطعو جوانح ويدبلو فى زيت قليل مع تتبيلهم بفلفل أسود وكسبرة ومطحونة وملح وكمون .. ثم نضيف 3 عروق كرافس كبير ثم واحدة جزر ثم واحدة طماطم تقطع شرائح ايضا ومكعب مرقة دجاج .. نقلب لمدة 3 دقائق ثم نضيف ماء يغلى .. نصف عم الصينية اللى هتدخل الفرن .. لما يغلى الكل نضع السمكة لمدة 3 دقائق ثم نقلبها على الجانب الأخر وندخلها فرن حار على درجة 240 .. لمده 20 دقيقة ثم نخرجها نسقى السمكة من الصوص حولها ثم نضيف قليل من مفرى البقدونس ممكن البصل الأخضر أو الكرات الأخصر (leeks) ثم الكابوريا والجمبرى

ونعيد الصينية للفرن مرة أخرى لمدة 20 الى 25 دقيقة

وده الشكل النهائى الرائع ..

كان معها سلطة .. خيار مقشر مع خص مع طماطم مع حزر مع تفاح أخضر مع صوص عبارة عن مقدار ليمون ومقدار خل ومقدار دبس رمان ومقدراين زيت زيتون ويخلط جيدا ثم يصب على السلطة قبل التقديم .. وكان وسلطة زبادى بالطحينة (علبة زبادى ومعلقتين طحينة وعصير ليمونة ومعلقة خل وقليل من مفرى البقدونس مع فصين توم مهروسين مع قليل من الكمون والملح) وكان معاها أيضا أرز صيادية لم يقربه أحد الحقيقة

تم تعديل 12 يونيو 2009 بواسطة بندق أفندى