ماذا ينقصنا كمصريين حتى نكون من زمرة الدول المتقدمة

[Alrefaey]

ماهى اسباب تخلف العرب عموما وتراجعنا حضاريا بمئات السنين خلف اوربا وامريكا وشرق اسيا ؟

ماذا نفتقد ؟ هل فن الادارة ام العلم ام النظام ام اننا كعرب او مصريين نفتقد الكرزما الخاصة بأن نكون شعب متطور ومتحضر

هل سبب تخلفنا هو عيب راجع فينا ام هو سبب من ضمن اسباب تصارعت علينا منها الصراع العربى الاسرائيلى واستباحة اراضينا مئات السنوات تحت الاحتلال

لكن مثلا دوله مثل اليابان بدأت تعيد نفسها من 60 عاما حتى صارت من اقوى دول العالم رقى وحضارة وتقدم ,كذالك ماليزيا وسنغافورا حتى شبة القارة الهندية بصناعتها المتطور واقتصادها الواعد

ام هو حكم مستبد طوال 60 عام الماضية قضى على اى طموح او فكر يظهر الى النور

هل تنقصنا الكوادر ؟؟ ام ينقصنا المناخ الاجتماعى والسياسى ؟؟ ام ينقصنا الموارد

لو كانت تنقصنا الكوادر فما رأيك فى زويل و البرادعى ومشرفه والباز ويعقوب مع تفهمى لردك بأن هؤلاء ابدعوا فى مناخ ساعدهم على ابراز مواهبهم بعكس لوكانوا استمرو فى مصر

وسوف ترد على ايضا بأننا بالاساس ليست عندنا مشكلة فى الكوادر فألانسان المصرى بطبعه قائد ومبدع وسوف تستشهد بزعماء حرب اكتوبر وبزعماء قاومو الاحتلال سلفا امثال سعد زغلول وعرابى

حتى على مستوى الرياضة اعتمد عليه وهو بأقل الامكانيات سوف يحصد لك افضل البطولات والجوائز

بالنسبة للموارد سواء كانت بشرية او اقتصادية فموجوده والكل يعلمها

طيب متفق معك اننا عندنا النواة التى تنبت افضل رجال العالم وعندنا موارد وبنية تحتية اذا فما هو العائق ؟؟

والسؤال هنا الى اخوانى واخواتى المحاورين ماذا ينقص مصر حتى تصبح دوله متقدمة وهل هذا ممكن ؟؟

[MoTo]

ممكن .. إذا عرف كل واحد ما له و ما عليه .. و كان هناك رقابة علي اللي مبيعملش اللي عليه عشان مياخدش اللي ليه

و تدي اللي بيعمل اللي عليه حقوقه اللي ليه .

بإختصار بنقصنا النظام و الرقابة التي تعطي للمواطن الطمأنينة بأن حقه لن يضيع و إنه مش هيمد إيده لحد في يوم من الأيام .

[sayed_ossman]

انا معتقدش اننا بينقصنا الخبرات العلمية بالنسبة لنا نحن المصريين ، ولكن اقولها بصراحه ينقصنا القيادة التى تستطيع تجميع كل الموارد لصالح هدف قومى هو رفعه مصر ، ولكن هذا صعب المنال فى ظل سيطرة القوى السفلية و التى تعرف جيدا انها لن تسمح بالمارد المصرى ان يفيق دائما يجب ان يظل المصرى يجرى وراء لقمة العيش ويجب ان لا نعطية الفرصه حتى يبين التفوق الفطرى له فى ظل الظلم والقهر والازلال . انه مخطط معروف لاولاد الروتارى والليونز او يمكن ان نسمية ( المنظمات الماسونيه) والذين هم نعتمد عليهم فى تخريج اولاد الصفوه الذين يحكمون بلادنا - عرفت الان ماذا ينقصنا كمصريين. ينقصنا القيادة التى تريد ان ترفع من شان مصر بالفعل . او ينقصنا شعب يستطيع ان يحضر بارادته هذة القيادة ايهما اقرب

[sherifhfm]

لا بسيطه خالص

ينقصنا بلدنا - مصر -

لان مصر حاليا مش بلدنا دى بلد شله من المنتفعين

احنا ينقصنا ان مصر تبقى بلدنا احنى مش بلد حد تانى احنا الى نقول مين يحكمنا واحنا الى نحاسبه واحنى الى نرميه من كرسى الحكم لما يلخبط ولا يغلط غلطات مخله

بس حاجه بسيطه مش كده

[Egypt]

قياده

اداره

[أحمد سيف]

والله يا جماعه كل اللي ناقصنا شوية أيمان وثقه بإننا ممكن في يوم من الأيام نكون من الدول المتقدمة ... لو كل واحد حط الموضوع ده في دماغه وتصرف على أساسه هتتحل كثير من مشكلاتنا وهتتحسن أحوالنا وهنحط رجلينا على أول الطريق للتقدم

مطلوب من الحكومة بصورة عاجله إنها تدّي الناس الأمل ده ... فيه استراتيجية اسمها التنمية غير المتوازنه وهي التركيز على قطاعات دون عيرها وتوجيه أكبر قدر ممكن من الموارد اليها لتنميتها بثورة سريعة ... خلينا نركز على قطاع واحد ونصلحه علشان الناس تحسّ إن فيه أمل في إننا كلنا ممكن نعيش في البلد دي في يوم من الأيام بمستوى آدمي وإننا مش لازم ندوس على بعض علشان نعرف نشم هوا نظيف. لو حاولنا ننمي كل القطاعات في نفس الوقت الناس هتزهق وتفقد الأمل لإن التحسن في كل قطاع هيكون بطئ جدا ... مثلا لو ركزنا في قطاع حيوي ويمس حياة الناس اليومية وليكن قطاع النقل والمواصلات عن طريق سن قوانين صارمة وتطوير شبكات المواصلات العامة (نقل بري - سكه حديد - نقل نهري - موانئ - مطارات ... الخ) وتعليم الناس كيفية استعمال وسائل المواصلات العامة والخاصة الى أخر ذلك ... فضلا عن الأرواح التي سيتم الحفاظ عليها والزيادة في الإنتاجية والكفاءة والتحسن الذي سيطرأ على حياة الناس فإن هناك فائدة أخرى وهي أن الناس ستقتنع أن الإصلاح ممكن وأن الحكومة تعمل بالفعل لمصلحة الشعب وليس ضده. ثم يمكننا بعد ذلك تناول قطاع أخر وتطويره وهكذا والعملية ستصبح أسهل في كل مره لأنها ستكون بدعم من الشعب وبالاستفادة من الدروس والتجارب السابقة.

[الباشمهندس ياسر]

انا معتقدش اننا بينقصنا الخبرات العلمية بالنسبة لنا نحن المصريين ، ولكن اقولها بصراحه ينقصنا القيادة التى تستطيع تجميع كل الموارد لصالح هدف قومى هو رفعه مصر ، ولكن هذا صعب المنال فى ظل سيطرة القوى السفلية و التى تعرف جيدا انها لن تسمح بالمارد المصرى ان يفيق دائما يجب ان يظل المصرى يجرى وراء لقمة العيش ويجب ان لا نعطية الفرصه حتى يبين التفوق الفطرى له فى ظل الظلم والقهر والازلال . انه مخطط معروف لاولاد الروتارى والليونز او يمكن ان نسمية ( المنظمات الماسونيه) والذين هم نعتمد عليهم فى تخريج اولاد الصفوه الذين يحكمون بلادنا - عرفت الان ماذا ينقصنا كمصريين. ينقصنا القيادة التى تريد ان ترفع من شان مصر بالفعل . او ينقصنا شعب يستطيع ان يحضر بارادته هذة القيادة ايهما اقرب

لولا شوية تغييرات ف الكلام ... كنت تخيلت انى انا اللى كاتب المداخلة دى

عموما

المشكلة عندنا فى راس الهرم..و بس

[MZohairy]

حكم محترم عادل و صارم مع الجميع

يؤدي الى تعليم محترم للجميع

و الى رعايه صحيه محترمه للجميع

فإلى مخرجات محترمه و مشرفه من الجميع

تؤدي الى اقتصاد قوي محترم من الجميع

نصبح من زمرة المحترمين بين الجميع

[ابو محمود]

حكم محترم عادل و صارم مع الجميع

يؤدي الى تعليم محترم للجميع

و الى رعايه صحيه محترمه للجميع

فإلى مخرجات محترمه و مشرفه من الجميع

تؤدي الى اقتصاد قوي محترم من الجميع

نصبح من زمرة المحترمين بين الجميع

انا مع الرآى اللى بيساعد على مداخلتك كى يتم ما فيها وهى

إقتباس(sayed_ossman @ Jun 20 2009, 10:49 PM)

انا معتقدش اننا بينقصنا الخبرات العلمية بالنسبة لنا نحن المصريين ، ولكن اقولها بصراحه ينقصنا القيادة التى تستطيع تجميع كل الموارد لصالح هدف قومى هو رفعه مصر ، ولكن هذا صعب المنال فى ظل سيطرة القوى السفلية و التى تعرف جيدا انها لن تسمح بالمارد المصرى ان يفيق دائما يجب ان يظل المصرى يجرى وراء لقمة العيش ويجب ان لا نعطية الفرصه حتى يبين التفوق الفطرى له فى ظل الظلم والقهر والازلال . انه مخطط معروف لاولاد الروتارى والليونز او يمكن ان نسمية ( المنظمات الماسونيه) والذين هم نعتمد عليهم فى تخريج اولاد الصفوه الذين يحكمون بلادنا - عرفت الان ماذا ينقصنا كمصريين. ينقصنا القيادة التى تريد ان ترفع من شان مصر بالفعل . او ينقصنا شعب يستطيع ان يحضر بارادته هذة القيادة ايهما اقرب

هذة علتنا التى نعتل بها ولابد من قيام تغيير ويكون جذرى يخلصنا من استعمار داخلى ينهش فى عظام الامة ويبتلع مقدراتها ومواردها اول بأول

تحيتى للرأيين فهما كلمة من نصفين تدل على ان الحل ممكن

[elfakhrany]

1- الثقة بين الشعب والنظام وهذا صعب فى ظل وجود شلة المنتفعين.

2-إعادة الطبقة الوسطى التى اختفت بشكل واضح.

3-توفير مناخ جيد وخطة حقيقية للتنمية ومن ثم نقوم بالتنظيم اللازم لها و التوجيه والرقابة.

4-عزيمة الشعب المصرى المعهودة ليس بالجلوس أمام المقاهى و تكرار كلمة هنعمل ايه يعنى !!

5-نهاية حكم حسنى قادم لا شك فيه ولكن يوجد بعض الأيادى الخفية التى تريد توريث الحكم فى ظل شقاء ولهث المصريين وراء قوت يومهم وعلينا نحن كشباب متعلم توعية الأخرين من المخطط المباركى .

[النجم الثاقب]

كل واحد يخليه فى حاله و ميبصش لغيره

نبطل فهلوه و فزلكه

نتقى ربنا فى معاملاتنا

[Nassarlink]

الضمير الحي

ولا شيء سوي الضمير الحي

لو ضميرك صاحي اثناء ما انت بتشتغل

هيكون انتاجك افضل انتاج

لو ضميرك صاحي وانت بتذاكر

هتصبح الافضل علي مستوي العالم

لو ضميرك صاحي وانت في الوزاره

مش هترضي بالعك الي بيحصل فيها

لو ضميرك صاحي وانت سايق عربيتك

مش هتخالف المرور

لو ضميرك صاحي وانت بترمي الزباله يوميا

مش هترميها امام بيت جارك

لو ضميرك صاحي وانت بتشرب سجاره

مش هتولعها تاني خالص

لانك عارف ان كل نفس دخان بتاخده بيخسر مصر قد ايه من الدولارات

وبيخليها تصرف عليك علاج من السرطان بكام

و اجمالي الناتج القومي بيقل بكام بسبب السجاره دي

وقد ايه انت بتاذي الي جالس بجوارك بدخانها ومع ذلك مصر عليها

الضمييييييييييييييييير

الضمييييييييييييييييير

الضمييييييييييييييييير

تم تعديل 21 يونيو 2009 بواسطة Nassarlink

[elshafey]

بإختصار شديد .............

الــــــنـــــــــــــظـــــــــــــــــــام

[Alrefaey]

اشكر السادة الاعضاء على مرورهم الكريم وتشريفهم للموضوع وعلى اجتهادهم فى الاجابة عن سؤالى

الفاضل moto قال ينقصنا النظام والرقابة والطمأنينة

الفاضل sayd osman اشار ب القيادة الهادفة التى تخدم الوطن والشعب على خلاف الحالية التى تستنذف ثروات الوطن وتوئد كل نبته ممكن ان يكون فيها الخير لهذا الشعب

الفاضل sherifhfm اشار بأنه ينقصنا الانتماء

لكنى اعقب علية بأنا الانتماء يجب ان يكون نابع منا واعمل توطيدة بداخلى مهما تغيرالمناخ من حولى , مصر البلد والحضارة باقية بينما هؤلاء الاشخاص الذى افقدونا او يحاولو ان يفقدونا مجرد التفكير ان لنا نصيب فى هذا البلد هم عرضة للتغير والاضمحلال والامثلة شاهدة على اندثار مثل هؤلاء

الفاضل egypt اوجز السبب فى نقص القيادة والادارة

الفاضل احمد سيف اشار بأننا فى حاجة الى الثقة بالنفس فى تحقيق الهدف وان نبدأ النمو والتطوير بشكل رأسى وليس افقيا

الباشمهندس ياسر برده متفق مع الجميع اعلاه بحاجتنا الملحة الى القيادة الهادفة

الفاضل زهيرى قال فاوجز ( حكم محترم عادل و صارم مع الجميع ) ونتيجة لهذا الحكم يتم الاصلاح تباعية اوجزت يازوهيرى بك

يبدو ان فانكوفر لم تشغلك عن التفكير عن تطور بلدك

الفاضل الوالد عادل ابوزيد قال( لن أمل من تكرار أن محمد على فعلها منذ مائتى عام فى عشرين سنة ... و فعلها مهاتير محمد فى ماليزيا فى القرن العشرين .. و أيضا فى عشرين سنة ... و يا لسخرية القدر مرت علينا أربع و عشرون سنة فى سلام دائم و بلا حروب و بلا ضغوط و كل ما حققناه هو كوبرى 6 أكتوبر و مترو الأنفاق ..)

وانا اشكرة على مداخلته التى وصلتنى عبر الرسالة الخاصة والتى اوضح فيها ان هذا الموضوع من حين الى اخر كان دائما محور نقاش وتفضل بأرسال هذا الرابط

http://www.egyptiantalks.org/invb/?showtopic=9836

ارى الجميع قد لخص حاجتنا للتقدم فى( القيادة الهادفه ,الادارة ,النظام ,الثقة بالنفس ,اصلاح الذات ) ولا ننسى دور العلم

وانى لأتسأل ماهو رأيكم لو اصبح مهاتير محمد(اقصد الكرزما وليس الذات) رئيس مصر لمدة عشرة سنوات هل سوف ينهض بمصر بمفردة ام لابد من رغبة ملحة نابعة من كل فرد فينا فى النهوض بمصر

[Alrefaey]

الضمير الحي

ولا شيء سوي الضمير الحي

لو ضميرك صاحي اثناء ما انت بتشتغل

هيكون انتاجك افضل انتاج

لو ضميرك صاحي وانت بتذاكر

هتصبح الافضل علي مستوي العالم

لو ضميرك صاحي وانت في الوزاره

مش هترضي بالعك الي بيحصل فيها

لو ضميرك صاحي وانت سايق عربيتك

مش هتخالف المرور

لو ضميرك صاحي وانت بترمي الزباله يوميا

مش هترميها امام بيت جارك

لو ضميرك صاحي وانت بتشرب سجاره

مش هتولعها تاني خالص

لانك عارف ان كل نفس دخان بتاخده بيخسر مصر قد ايه من الدولارات

وبيخليها تصرف عليك علاج من السرطان بكام

و اجمالي الناتج القومي بيقل بكام بسبب السجاره دي

وقد ايه انت بتاذي الي جالس بجوارك بدخانها ومع ذلك مصر عليها

الضمييييييييييييييييير

الضمييييييييييييييييير

الضمييييييييييييييييير

الضمير ما اجمل هذه الكلمة لفظا وتطبيقا عندك حق ناصر بك لكن

هل كل الامريكان عندهم ضمير او اليابانيون او حتى الهنود بلاش كل هل معظم الناس دى عندها ضمير او هو المحرك الرئيسى لهم

احنا محتاجين تغير شامل , اسس وقواعد ,ولكن ما طرحة الفاضل احمد سيف جدير بالدراسة هل نبدأ التطوير فى تخصص ما وننميه حتى نكون رواد للعالم فيه واذا كان فماهو يعنى مثلا بلد مثل فنلندا كم يمثل اقتصاد المحمول لها ومدى النجاح التى حققته نوكيا فيها

صناعة السيارات والمانيا صناعات النانو واليابان

يؤسفنى ان نعتمد على قناة السويس والسياحة كمصادر اساسية لدخل البلد كما يؤسفنى اعتماد دول الخليج على البترول فقط ما حال اقتصادنا لو قامت حرب فى المنطقة

لماذا لا نقوم مثلا بتنمية صناعة الدواء وانا اعرف شركة ادوية مصريه تصدر لأوربا واسيا والقرن الافريقى لكن نحتاج المزيد

لماذا لا نستثمر الاراضى الخصبة فى السودان بالشراكة مع مصر

ما هو المانع بأقامة مدينة قوية مثل دبى على سواحلنا تحمل اكبر ميناء ترانزيت يجمع بين الثلاث قارات

ماهو المانع من الاستفادة القصوة بالثروة السمكية فى مصر وتصدير اسماكنا لمختلف دول العالم

لماذا لا تقوم حكومتنا بتقديم عروض للمصانع العالمية بعمل مصانع تجميع فى مصر مثل (تويوتا ,جنرال موتورز’بى ام ,نوكيا ,توشيبا ....

[esocial]

ينقصنا كتير

والصراحة كويسة

ولازم نعرف مقدارنا أحسن

[عنبو]

اولا السلام عليكم ورحمة الله وبركاته

موضوع جميل بجد وحيوى وحبيت اشارك فيه

نيجى بقى ايه اللى ينقصنا علشان نبقى دوله متقدمه

اولا نتبع الاسلوب العلمى فى حل اى مشكله نعرف ايه هى المشاكل اللى عندنا ونجدولها ونبحث عن سبب المشكله ولما نتوصل لسبب المشكله كده تقريبا احنا وصلنا ل 90 % من حل المشكله بعد كده نبدأ بحل المشكله

طيب طبعا احنا عندنا مشاكل كتير اقوى ياترى هتنحل كلها مره واحده لامينفعش لابد نبدأ بحل مشكله مشكله على حسب اوليتها

ونطبق المبدأ ده على كل حاجه عندنا بابتاع اسلوب علمى وبالاستعانه بالعلماء

وطبعا علشان ده كله يحصل لابد من وجود عدل علشان كل واحد يشعر ان حقه مش هيضيع

نيجى بقى لمصر حبيبتنا احنا تقريبا عندنا كل المقومات لعمل دوله عظمى

1- الموارد البشريه ::احنا طبعا عندنا علماء فى مختلف التخصصاصات وطبعا انا اقصدى بالعلماء دول اللى موجودين جوه مصر مش اللى خارجها يعنى دول موجودين جوه مصر ومحدش يعرف عنهم اى حاجه وللاسف حالهم يصعب على الكافر

شباب الحمد لله عندنا شباب زى الفل بس انت وجهه وهو هيعمل البدع وبيحبوا مصر مووت والدول العربيه كلها

ايه تانى ناقصنا

2- الموارد الطبيعيه :: نهر النيل ارض حوض نهر النيل الصحراء بترول غاز طبيعيى البحر الاحمر والبحر المتوسط ده غير البحيرات الطبيعيه والصناعيه

3 - العدل وده للاسف اللى مش موجود وعلشان كده اصبحت الموارد البشريه ملهاش لازمه والموارد الطبيعيه مش عارفين نستفيد منها

[Tafshan]

ناقصنا حاجه بسيطه خالص .. نبدأ ..

ما نستناش لما ماما حكومه ربنا ينفخ في صورتها و لا نستنى المهدى المنتظر و لا نستنى حد يجيب لنا حقنا ..

نبطل خوف و كسل و نظريات المؤامرة ..

نبطل نقول احنا شعب الله المختار ..

نشتغل ..

بس خلاص

[Alrefaey]

ينقصنا كتير

والصراحة كويسة

ولازم نعرف مقدارنا أحسن

مشوار الالف ميل بيبدأبحطوة

[Alrefaey]

اولا السلام عليكم ورحمة الله وبركاته

موضوع جميل بجد وحيوى وحبيت اشارك فيه

نيجى بقى ايه اللى ينقصنا علشان نبقى دوله متقدمه

اولا نتبع الاسلوب العلمى فى حل اى مشكله نعرف ايه هى المشاكل اللى عندنا ونجدولها ونبحث عن سبب المشكله ولما نتوصل لسبب المشكله كده تقريبا احنا وصلنا ل 90 % من حل المشكله بعد كده نبدأ بحل المشكله

طيب طبعا احنا عندنا مشاكل كتير اقوى ياترى هتنحل كلها مره واحده لامينفعش لابد نبدأ بحل مشكله مشكله على حسب اوليتها

ونطبق المبدأ ده على كل حاجه عندنا بابتاع اسلوب علمى وبالاستعانه بالعلماء

وطبعا علشان ده كله يحصل لابد من وجود عدل علشان كل واحد يشعر ان حقه مش هيضيع

نيجى بقى لمصر حبيبتنا احنا تقريبا عندنا كل المقومات لعمل دوله عظمى

1- الموارد البشريه ::احنا طبعا عندنا علماء فى مختلف التخصصاصات وطبعا انا اقصدى بالعلماء دول اللى موجودين جوه مصر مش اللى خارجها يعنى دول موجودين جوه مصر ومحدش يعرف عنهم اى حاجه وللاسف حالهم يصعب على الكافر

شباب الحمد لله عندنا شباب زى الفل بس انت وجهه وهو هيعمل البدع وبيحبوا مصر مووت والدول العربيه كلها

ايه تانى ناقصنا

2- الموارد الطبيعيه :: نهر النيل ارض حوض نهر النيل الصحراء بترول غاز طبيعيى البحر الاحمر والبحر المتوسط ده غير البحيرات الطبيعيه والصناعيه

3 - العدل وده للاسف اللى مش موجود وعلشان كده اصبحت الموارد البشريه ملهاش لازمه والموارد الطبيعيه مش عارفين نستفيد منها

نورتنا يامحمد بك

كلام سليم ومتفق معاك فيه البداية تحديد وحصر المشاكل ثم اتباع الاسلوب العلمى فى الحل وهذا يتطلب عدل والاخير يتطلب حاكم عادل يقيم العدل ويحقق المساواة بين الجميع