إعلانات للكبار فقط ؟

[se_ Elsyed]

إيه المسخرة اللي بتحصل دي ؟

قاعد في امان الله مستني ماتش مصر ورواندا الا والاقي لا يقل عن 3 اعلانات لمنشطات جنسية مختلفه وشي بشع وايحاءات جنسية قذره

وفعلاً خلاص ناقص تكه ونشوف مسخره بحق وحقيق عالشاشه وهايبقى عادي يعني

يعني سكتنا لاعلانات الفياجرا

راحو استحلوها وهاتك يا اختراع في اسامي

لأ ويقولك .. القرص بتلاته جنيه وربع .. يا بلاش

وبعدين هو ايه اللي حصل للشعب المصري ؟

هي الحاجات دي ملبس اي حد يروح يشتريها كده ويبلبعها ؟

الابشع والأفج من ذلك

اعلان لبيره بريل الخاليه من الكحول واخد شعار لنفسه وبيقولوا في الاعلان " استرجل واشرب بريل "

على فكره في بتاعه في مصر اخترعوها

سبوبه يعني اسمها " هيئة التنسيق الحضاري " اعتقد انها تبع وزارة الثقافة خلتهم شالوا الاعلانات اللي اوت دور في الشوارع عشان كلمة استرجل

يا ترى لو عايزين الستات تضرب بيره يقولوا لهم ايه " استئنثي واشربي بريل " ؟

وبعدين هو مين الكبير بتاع الناس دي ؟

ايوه يعني مين بيقول لهم كده صح او كده غلط ؟

ولنا عوده عشان دمي فار بصراحه

[toota]

فعلا موضوع بيريل ده مستفز.......كنت علقت عليه في منتدى اخر...وكان احلى تعليق عليها...من فيروز....لما علقت انه طالما كدة المفروض رؤساء الدول العربية يشربوه....

[se_ Elsyed]

انا ماليش دعوه بحد يقولي العولمه واللولبه والهطرشه

احنا مجتمع شرقي وهانفضل محترمين مهما حاولوا يغيرونا

وعمرنا ما هانبقى اوروبا او امريكا اللي بيصوروا ربنا - سبحانه وتعالى - والرسل في اعلانات الخمره والكاتشب

لكن لازم يكون في حل

والحل ما يبقاش في اطلاق الحريه بدون قيود

بمعنى : ما تغير المحطه يا عم لو مش عاجبك الاعلان ؟

دي منشطات جنسية .. يعني المفروض سيادتك يعملوا ايه عشان يبقوا محترمين ؟

--------

اعتقد يا جماعه ان مجرد تسجيل اعتراضاتنا وامتعاضنا

ده في حد ذاته شيء جيد

مش عاوز اقول مقاطعه

لأنه مثل تلك الادوية حلت مشاكل لناس كتير ... حقيقي والله

لكن ما تحلش مشاكل ناس وتأذي مشاعر ناس تانيه يا عم

وستظل هناك مليون طريقة لكي يوصل بها الاعلان رسالته بطريقه محترمه ومحترفه وتجارية ايضاً

[سهل جدا]

اللي أعرفه إن الدول المتقدمة بتعمل قيود على إعلانات الأدوية

لإن كثرة الإعلان عنها بيشجع الناس على إنها تشتريها أكثر, وفي الغالب ده بيكون من غير استشارة طبيب

ودا طبعا مضرّ للصحة

=========

خارج النص

لي صديق عزيز دكتور, أخبرني إن له صديق فتح عيادة في مصر بيعالج فيها حالات العجز الجنسي للرجال

وأخبرني بالحقيقة المرّة..

إني أغلب زباينه شباب في عمر الثلاثينات

وهذا يعني إن مصر سوق جيد لترويج مثل هذه الأدوية

الغلاء والضغوط اللي الناس في مصر بيتعرضوا ليها بتأثر عليهم جدا

تم تعديل 8 يوليو 2009 بواسطة سهل جدا

[pink rose]

فعلا موضوع بيريل ده مستفز.......كنت علقت عليه في منتدى اخر...وكان احلى تعليق عليها...من فيروز....لما علقت انه طالما كدة المفروض رؤساء الدول العربية يشربوه....

و الله لو فتحوا حنفية مباشرة من بريل لكل رئيس و لا هايأثر فيهم

دول عاوزين سم فيران

[فــيــروز]

شكلك لسّه ماتكعبلتش فى إعلانات "ميلودى" الجديده :rolleyes:

[محمد عيسى]

شكلك لسّه ماتكعبلتش فى إعلانات "ميلودى" الجديده :sad:

هاتيهاله من على اليوتيوب :lol: :lol:

تم تعديل 9 يوليو 2009 بواسطة محمد عيسى

[سهل جدا]

بالنسبة لإعلان بريل، فأنا مش شايف فيه مشكلة

أذكر إن كان في إعلان للكاكولا كان فيه عبارة : (مين قدها) أو حاجة زي كده

هي عبارات ترويجية عادية..

إلا بالمناسبة صحيح

هو فيه علاقة قرابة بين بيريل وفيروز

أنا أقصد طبعا فيروز المشروب :sad:

[أحمد سيف]

بالنسبة لإعلان بريل، فأنا مش شايف فيه مشكلة

أذكر إن كان في إعلان للكاكولا كان فيه عبارة : (مين قدها) أو حاجة زي كده

هي عبارات ترويجية عادية..

إلا بالمناسبة صحيح

هو فيه علاقة قرابة بين بيريل وفيروز

أنا أقصد طبعا فيروز المشروب :sad:

أيوه بيريل مشروب رجالي وفيروز مشروب حريمي ... عشان كده الإعلان بيقول "استرجل" ... وأنا زيك يا حاج سهل جدا مش شايف فيه حاجه غلط.

[مغتربة]

اعلانات ميلودى كلها مستفزة بشكل لا يوصف

و كلها تتعدى جميع الخطوط الحمراء سواء تلميحا او تصريحا

و للاسف اول ما اعلان جديد عندها ينزل تانى يوم تلاقى كل الشباب بيردده سواء فى معكساتهم او هزارهم

مشكله الاعلانات انها اصعب ماده مصوره تستطيع انك تعمل عليها كنترول

لان مثلا لو فيلم او برنامج او او هتغير المحطه و خلاص

انا الاعلان الواحد بيتعاد ميت مره خلال اليوم

و ممكن فى خلال فيلم او برنامج حلو

يعنى فعلا كنترول ان اطفالك ميشفوف الاعلانات دى صعب جدا جدا

[الترجمـان]

اعلانات ميلودى كلها مستفزة بشكل لا يوصف

و كلها تتعدى جميع الخطوط الحمراء سواء تلميحا او تصريحا

و للاسف اول ما اعلان جديد عندها ينزل تانى يوم تلاقى كل الشباب بيردده سواء فى معكساتهم او هزارهم

مشكله الاعلانات انها اصعب ماده مصوره تستطيع انك تعمل عليها كنترول

لان مثلا لو فيلم او برنامج او او هتغير المحطه و خلاص

انا الاعلان الواحد بيتعاد ميت مره خلال اليوم

و ممكن فى خلال فيلم او برنامج حلو

يعنى فعلا كنترول ان اطفالك ميشفوف الاعلانات دى صعب جدا جدا

بتفق معك انه يصعب التحكم او وضع قيود على هذه المادة التي تتواجد بصفه مكثفه ودوريه طوال اليوم ..

واعتقد التعبير عن الغضب والإمتعاض من تلك الإعلانات الفجه أثناء عرضها ولو بشكل غير مباشر امام الأطفال أفضل بكثير من الهروب بتغير القناة دون تعليق او إبداء وجهة النظر في المادة المعروضه...

بمعنى استغلال تلك الماده السيئة التي تتنافى مع ثقافتنا الإجتماعية بشكل توعوي مباشر او غير مباشر تحمي هؤلاء الأطفال أو الشباب وتكون لهم رأي ذاتي وعن اقتناع رافض التطبع بتلك الثقافة التي يفرضها المال الذي يرغب في الربح مهما كانت الوسيله منحطه او دونيه والتي سيواجهها وحده سواء عاجلا او آجلا ..