صورة شهاده التطعيمات

[rewsha]

يا جماعه بعد حيره ودوخه طويله على شهادة التطعيمات علشان الاولاد المسافرين مع اهلهم للسعوديه

اخيرا عرفت شهادة التطعيمات المطلوبه

لان كل ما اساْل حد عنها يقول لي هاتي شهادة التطعيمات بتاعتهم وهمه صغيرين

طيب انا ولادي 12 سنه والشهاده ضاعت ...اعمل ايه ؟

الرد مااعرفش المهم عايزين الشهاده

طيب سن التطعيمات بتاعت شلل الاطفال لغايه 5 سنوات بس اجيب منين انهم اتطعموا

الرد مااعرفش عايزين الشهاده وخلاص

ده كان رد مكتب السفريات اللي اتعاقدنا عن طريقم

وبعد ما لفيت على مكاتب التطعيمات والاداره الصحيه ودوخت السبع ...الا السبعتاشر دوخه

اكتشفت ان ده نموذج لكل الاطفال تحت سن 15 سنه وبيروحوا يتطعموا فعلا ويتعمل لهم النموذج ده وبيدفعوا 25 جنيه للشهاده الواحده

بس التطعيم ده مش موجود في اي مكتب تطعيمات

موجود في المكاتب الرئيسيه فقط

فقلت اعمل خير واكتب عن الموضوع ده لاني بصراحه دوخت ولفيت علشان اعرف بس النموذج ده شكله ايه وماكنتش لاقيه حد يفهمني المطلوب بالظبط :unsure:

[rewsha]

من الواضح ان انا ماعرفتش ارفع الصوره بتاعت نموذج شهاده التطعيمات بس هاحاول ارفعها علشان تشوفوها

[rewsha]

http://img504./img504/5858/picture014mfk.jpg

ده النموذج بتاع الشهاده

تم تعديل 27 يوليو 2009 بواسطة rewsha

[خالد شحاته]

[ينبع]

هو النموذج ده حاجه جديده انا كنت بجيب من المستشفى اللى بطعم فيها الاطفال شهاده او افاده بان الطفل الفلانى تم تطعيماته الى التاريخ اليوم اللى بعمل فيه الشهاده وامضيها واختمها والسفارة كانت بتأخذها عادى

[rewsha]

والله يا اخت ينبع ؟انا مش عارفه غير ان لاقيت ناس كتير جايبين النموذج ده وهمه طلبوه مني في مكتب السفريات اللي مسفرنا

بس معانا هنا في المحاورات الاخت دودي لما ساْلتها لانها هاتسافر قريب وبتخلص ورقها برضو .قالت لي ماطلبوش النموذج ده منها لان معاها شهادة تطعيمات الاولاد عندها اللي وهمه صغيرين

لكن اانا مشكلتي ان ولادي كبار 9 ...12..سنه وايام ماكنت باطعمهم وهمه صغيرين كانوا بيكتبوا لهم التطعيمات وتواريخها في دفتر كده للتطعيمات مخصوص والدفتر ده ضاع مني لانه من زمان

فانا مش معايه مايثبت انهم اتطعموا

كمان ده حسب طلبات المكتب اللي هايخلص لك الورق

لان معانا برضو هنا في المحاورات الاخت انجي بتخلص ورقها وردت عليه انهم في النكتب طلبوا منها الشهاده بتاعت التطعيمات دي

فالقول الاول والاخير للمكتب اللي بيخلص لك الورق

ممكن تساْليهم همه عايزين ايه بالظبط علشان مايتلككوش ويقولوا الورق مش كامل

وربنا يعين الجميع

والله تخليص الورق هنا في مصر حاجه صعبه جدا ؟والموظفين مش فاهمين اي حا جه وبيفتوا وخلاص وانت تتبهدلي وتلفي على المكاتب والمصالح الحكوميه علشان تخلصي ورقك .مش مهم

للاسف ماحدش بيقول مش عارف واساْلي في الحته الفولانيه .لا لازم يفتي ويدوخك ...مش مهم .ده العادي

[doha]

بس النموذج الي حطيتيه مكتوب فيه تطعيم ضد شلل الاطفال بس ..

حاجه تحير فعلا ..

عن نفسي جبت شهادة ميلاد بنتي الي مختوم على ظهرها التطعيمات وربنا يسهل ويمشي الحال بيها وتكون هي المطلوبه ..

[rewsha]

يا مدام ضحى النموذج ده هزه فعلا اللي كانوا عايزينه مننا في مكتب السفريات والنموذج ده برضو متعارف عليه في مكاتب التطعيمات الرئيسيه

يعني بتروحي تقولي لهم عايزه شهادة تطعيمات لاولادي لانهم مسافرين السعوديه

وهمه بيعرفوا علطول ان هوه ده النموذج وبيكون جاهز ومختوم كمان عندهم يادوب بيعبوا خانة الاسم والبيانات بتاعت الطفل بس

كمان انا يمعت انك ممكن ماتحتاجيلهوش لو معاكي شهادة الميلاد اللي على ظهرها التطعيمات

لكن انا كان ليه ظروف تانيه

وهي ان شهادات الميلاد لم يكن عليها التطعيمات بالخلف وايامهم التطعيمات كانت في دفتر خاص بالتطعيمات والدفتر ده ضاع مني

نظرا لان بناتي كبار ومش سهل اني احتفظ بدفاتر التطعيمات بتاعتهم بعد ما كبروا كده

لكن اللي مش معاه شهاده الميلاد اللي عليها التطعيمات بيروح يطعم الولاد وياخد الشهاده دي ويدفع 25 جنيه تمن التطعيم

كمان معروف في مكاتب التطعيمات ان التطعيم ده (شلل الاطفال)للاطفال تحت سن 15 سنه ومسافرين للسعوديه

باختصار يا اما شهادة التطعيمات بتاعت الاولاد تكون موجوده

يااما لو كبار شويه وضاعت منك الشهاده دي يبقى تروحي تطعميهم ضد شلل الاطفال بس وتاخدي الشهاده دي همه بيدققوا جدا على تطعيم شلل الاطفال بس

هوه ده اللي يهمهم

كمان لو حاتقدمي لاولادك في المدارس الحكوميه في السعوديه بيطلبوا الشهاده بتاعت التطعيمات دي

والكلام ده انا عرفته من موقع الجاليه المصريه .واحده من الاعضاء هناك قالت لي ان مطلوب للتقديم في المدارس الحكوميه في السعوديه شهاده تطعيمات لمن هم اقل من 15 سنه وهيه دي بقه الشهاده

[doudy]

بس النموذج الي حطيتيه مكتوب فيه تطعيم ضد شلل الاطفال بس ..

حاجه تحير فعلا ..

عن نفسي جبت شهادة ميلاد بنتي الي مختوم على ظهرها التطعيمات وربنا يسهل ويمشي الحال بيها وتكون هي المطلوبه ..

ايوة الموضوع هيمشى مفيش مشكلة

انا قدمتلهم الدفتر اللى هوة عليه كل التطعيمات اللى اخدوها

بس ابنى الكبير عبد الرحمن دفتره ما كانش موجود

فاديتهم شهادة الميلاد عادى و على ظهرها التطعيمات و صوروها و مشى الموضوع و اخدنا التاشيرة خلاص الحمد لله

و مسافرين الاسبوع الجاى باذن الله

[doha]

طيب معليش ياجماعه في نقطه هامه اوي في كلامكم لفتت نظري من بدري وحابه استوضح عنها ..

دلوقت من كلامك ياروشه فهمت انك مسافره مع زوجك في نفس الوقت وان المكتب بيخلص لكم ورقكم انتم الاثنين مع بعض والابناء وكله .. قلت عادي يمكن انتي طالعه بعقد وزوجك بعقد .. بس لما لقيت دودي بتقول نفس الكلام انها هي كمان بتخلص ورقها وطالعه مع زوجها استغربت ..

دلوقت لما زوجي جاء يسافر سافر لوحده باستقدام باسمه لوحده وانا جيت معاه على تاشيره زياره لاهلي مش عليه على اساس انه يعمل له اقامه وبعدين يرسل لي استقدام .. معقول كان ينفع من الاول اني اطلع معاه انا والبنت عادي يعني الكفيل يرسل له استقدام هو والاسره من اولها كده بدون مانلف ا للفه الطويله الي مضطرين نلفها دي ؟

ياريت حد يطمني ويقول لاه مينفعش واننا كده تصرفنا صح لان لو طلع ينفع يبقى احنا ارتكبنا جريمه ..

[rewsha]

بصي يا ضحى

احنا لما كنا بنروح اي مكتب سفريات كنا بنشرط عليهم من الاول ان الاسره تسافر كلها مع بعض .وده بيرجع للكفيل اللي هناك

وبصراحه كلهم (اي عقد كان بيتعرض علينا)كانوا بيوافقوا على المبداْ ده يعني عادي

جوزي مسافر بعقد عمل وانا مرافقه معاه بس اعتقد والله اعلم ده مش اكيد لكن اللي اعرفه ان الطبيب هوه المهنه اللي من حقه ياخد معاه اسرته من الاول ومش عارفه اذا كان المهندس كده كمان وله لا بس اللي متاْكده منه هو ان الطبيب مسموح له بكدا

[خالد شحاته]

طيب معليش ياجماعه في نقطه هامه اوي في كلامكم لفتت نظري من بدري وحابه استوضح عنها ..

دلوقت من كلامك ياروشه فهمت انك مسافره مع زوجك في نفس الوقت وان المكتب بيخلص لكم ورقكم انتم الاثنين مع بعض والابناء وكله .. قلت عادي يمكن انتي طالعه بعقد وزوجك بعقد .. بس لما لقيت دودي بتقول نفس الكلام انها هي كمان بتخلص ورقها وطالعه مع زوجها استغربت ..

دلوقت لما زوجي جاء يسافر سافر لوحده باستقدام باسمه لوحده وانا جيت معاه على تاشيره زياره لاهلي مش عليه على اساس انه يعمل له اقامه وبعدين يرسل لي استقدام .. معقول كان ينفع من الاول اني اطلع معاه انا والبنت عادي يعني الكفيل يرسل له استقدام هو والاسره من اولها كده بدون مانلف ا للفه الطويله الي مضطرين نلفها دي ؟

ياريت حد يطمني ويقول لاه مينفعش واننا كده تصرفنا صح لان لو طلع ينفع يبقى احنا ارتكبنا جريمه ..

السلام عليكم ورحمة الله وبركاته

الاخت ضحي

المهنة الوحيده المسموح بيها بسفر الاولاد معه هو الطبيب فقط غيركدا للازم استقدام وبيدفع رسوم التاشيره الا هي 2000 ريال عند الاطافه

[rewsha]

طيب سؤال يا استاذ خالد ولو ان موضوع التطعيمات اتحول وخد مجرى تاني

المهم

هوه بكده دلوقتي احنا مش هاندفع ال 2000 ريال بتوع الاستقدام لما نروح هناك ان شاء الله

يعني لما نيجي نطلع الاقامه مش هايطلبوت مننا شيك مسدد لبنك الرياض بال2000 ريال

[خالد شحاته]

طيب سؤال يا استاذ خالد ولو ان موضوع التطعيمات اتحول وخد مجرى تاني

المهم

هوه بكده دلوقتي احنا مش هاندفع ال 2000 ريال بتوع الاستقدام لما نروح هناك ان شاء الله

يعني لما نيجي نطلع الاقامه مش هايطلبوت مننا شيك مسدد لبنك الرياض بال2000 ريال

السلام عليكم ورحمة الله وبركاته

اخت روشه

الاول الدكتور بيطلع الاقامه وبعد مايطلع الاقامه بيدفع 2000 ريال عن طريق بنك الرياض او بنك الراجحي وهو بيعمل لكم الاضافه

[rewsha]

شكرا للافادة .استاذ /خالد شحاته

بس بصراحه حضرتك المفروض تعمل الكشف ب100 ريال والاستشاره ب 50 :rolleyes:

احنا كده هانتعبك من كتر الاسئله :rolleyes:

[خالد شحاته]

شكرا للافادة .استاذ /خالد شحاته

بس بصراحه حضرتك المفروض تعمل الكشف ب100 ريال والاستشاره ب 50 :rolleyes:

احنا كده هانتعبك من كتر الاسئله :rolleyes:

والله يا اخت روشه الدعوه الا بتطلع من القلب احسن من الف ريال

طيب والكشف المستعجل لو واحد غرقان وعايز نجده في سؤال نخد منه كم هههههههههههههههههه

[rewsha]

شكرا للافادة .استاذ /خالد شحاته

بس بصراحه حضرتك المفروض تعمل الكشف ب100 ريال والاستشاره ب 50 B)

احنا كده هانتعبك من كتر الاسئله :lol:

والله يا اخت روشه الدعوه الا بتطلع من القلب احسن من الف ريال

طيب والكشف المستعجل لو واحد غرقان وعايز نجده في سؤال نخد منه كم هههههههههههههههههه

الكشف المستعجل ؟؟؟اممممم...اقول لحضرتك

الكشف المستعجل ....بدعوتين مش بدعوه واحده :lol:

[doha]

جزاك الله كل خير اخي خالد شحاته فعلا حكايه ان الدكتور بس الي مسموح له يستقدم زوجته معاه كنت عرفاها من زمان سب نسيتها خالص ولخبطتني لما شفت الناس عماله تسافر عادي غاب عني ان الزوج طبيب ..

كويس انك ذكرتني بالحكايه دي لاني كنت هزعل اوي لو اتضح اننا تصرفنا غلط خاصه والكفيل عمال يماطل في احضار ورقة تسمح لزوجي باستقدامي فقلت لو كان ينفع نيجي معاه من الاول كانت المشكلة دي انحلت بس يظهر ملهاش حل غير الانتظار ..