استفسار عن عرض فى السعودية

[kind man]

السلام عليكم و رحمة الله و بركاته

انا مهندس الكترونيات خبرة 5 سنوات فى شركات البحوث و التطوير اللى بتعمل تصميم للدوائر الالكترونية.

ارجو من الاخوة المغتربين فى السعودية افادتى فى الحكم على عرض للعمل باحدى الشركات الصغيرة فى السعودية0

الراتب الاساسي 7500 فى الشهر

و بدل سكن 12000 فى السنة

و بدل تنقات ب 500 فى الشهر

تأمين صحى + تذاكر طيران.

مدة العقد سنتين

هل هذا العرض مناسب ام لا؟

مكان الشركة فى حى الحمراء فى الرياض

ما هى اسعار ايجارات الشقق هناك او فى اقرب الاحياء لها؟

و هل ال 12000 تكفى لاخذ شقة؟

و ما هى مواصفات الشقة اللى تكون بهذا التمن

ما هى تكاليف المعيشة المتوسطة لشخص واحد او لشخص متزوج؟

يعنى مواصلات + اكل + كهرباء + اشتراك نت + تليفون و غيرها؟

ارجو ايضا افادتى باى معلومات مناسبة0

جزاكم الله خيرا

و كل عام و انتم بخير.

[OmarBak]

العرض اعتقد كويس بس حي الحمراء جديد مشفتش فيه شركات خالص اكيد شركة صغيرة

الشقة 3 غرف بالحمراء السنة ب 20 الف بس جنب الحمراء احياء قديمة شويه السكن اقل

لو غرفتين اعتقد السنة 17 او 16

انما لو لحالك لازمك سكن عزابي ودا موجود برضه وحسب حالة السكن وممكنتسكم مع ناس يعني قصص كتير حسب حاجتك واختيارك

النت الشهر يكلفك ممكن تقريبا 100 ريال سرعة 512 ولو 1ميجا زود شويه طبعا

لو هي في الحمراء الحمراء حي جديد وكله شقق للايجار

اعتقد عرض كويس بس يصدقو بالكلام ده

ويمكن الاخوة ليهم رأي تانى

[بندق أفندى]

وليه السكن والمواصلات مش نظامى زى كل الدنيا .. يعنى 3 رواتب بدل سكن و10% من الراتب بدل مواصلات

[kind man]

ممكن توضحلى يعنى ايه "3 رواتب بدل سكن" ؟

[مهندس مصراوي]

اخي الفاضل معظم الشركات بتتهرب من تطبيق قواعد مكتب العمل والتي تنص على صرف

3 اشهر سنويا مقابل بدل السكن وتوفير وسيلة مواصلات من السكن للمنزل

عموما انا شايف انك في بداية حياتك والرقم ده مناسب لك في الوقت الحالي

اما اذا كنت بتفكر في استقرار لمدة طويلة واستقدام اسرة وتعليم اولاد في مدارس خاصة

فهو لن يكفي

[tarek nokia]

العرض بصراحة كويس اذا كان الدوام 8ساعات وبالنسبة لعملك ماطبيعته يعني حتشتغل ايه

[rabsoo]

طيب يا جدعان اعذروني انا مش عارف اعمل موضوع جديد اسال فيه بيقولو غيير مسموحلي بذلك

المهم

انا جالي عرض مندوب مبيعات في الرياض على راتب 1500 ريال + 2% نسبة

والمكتب عايز عمولة 6500 جنيه

حد يقولي النسبة دي بتظبط المرتب ولا لا

والعموله دي كتير ولا لا

شكرا

[kind man]

السلام عليكم

الدوام 9 ساعات و ليس 8 و الاجازة الاسبوعية يوم و نص (جمعة و نص الخميس)

انا فى نيتى انى اقضى اول عام بمفردى لكن بعد ذلك ساتزوج و استقدم الزوجة.

فهل هذا الراتب سوف يكون مناسب؟

على العموم سوف اتناقش معهم فى رفع بدل السكن و هاشوف ردهم.

و لكن اتمنى منكم معرفة تكاليف المعيشة بالتفصيل؟

و هل ممكن الواحد يحوش من هذا الراتب ام لا؟

و شكرا

[Alrefaey]

العرض اعتقد كويس بس حي الحمراء جديد مشفتش فيه شركات خالص اكيد شركة صغيرة

الشقة 3 غرف بالحمراء السنة ب 20 الف بس جنب الحمراء احياء قديمة شويه السكن اقل

لو غرفتين اعتقد السنة 17 او 16

انما لو لحالك لازمك سكن عزابي ودا موجود برضه وحسب حالة السكن وممكنتسكم مع ناس يعني قصص كتير حسب حاجتك واختيارك

النت الشهر يكلفك ممكن تقريبا 100 ريال سرعة 512 ولو 1ميجا زود شويه طبعا

لو هي في الحمراء الحمراء حي جديد وكله شقق للايجار

اعتقد عرض كويس بس يصدقو بالكلام ده

ويمكن الاخوة ليهم رأي تانى

كلام سليم

حى الحمراء وغرناطة واشبليا والشهداء تقع شمال شرق الرياض وهى جديدة كلها والسكن فيها غالى

الشقق هتكون بين 18 و22 الف

الملحق يعنى على السطح فوق 14 الف

المواصلات لوفى نفس الحى يكفى بدل الانتقال المزكور

مصاريف المعيشة الباسيك 2000 ريال لوانت متزوج

النت والاتصالات وخلافة متوفر وفى المتاح

عرض العمل بالنسبة لعدد سنوات الخبرة اراه مناسب

[جيمي]

طيب يا جدعان اعذروني انا مش عارف اعمل موضوع جديد اسال فيه بيقولو غيير مسموحلي بذلك

المهم

انا جالي عرض مندوب مبيعات في الرياض على راتب 1500 ريال + 2% نسبة

والمكتب عايز عمولة 6500 جنيه

حد يقولي النسبة دي بتظبط المرتب ولا لا

والعموله دي كتير ولا لا

شكرا

ايوه عموله 6500 كتير اوي كمان .. بس على العموم هيه قابله للفصال ....

وبالنسبه للنسبه اللى هيه 2% من الزيرو ولا بعد ماتحقق التارجت يعني؟ لان فى حالة شرط تحقيق التارجت ممكن ماتخدش نسبه خالص واسم الشركه ايه؟ علشان نعرف اذا كانت سمعتها كويسه ولا بتنصب على الناس ؟

[doha]

بالنسبة لسؤال الاخ المهندس فاجيبك انك ادرى بوضعك ..

لو وضعك في مصر مستقر عندك الشقة مثلا ومصاريف الزواج يبقى فكر قبل ماتطلع لان رواتب المهندسين في مصر ماشاء الله كويسه وممكن تفتح بيت .. لكن لو حاطط هدف معين انك تطلع عشان تعمل شقة او ماشابه يبقى توكل على الله واقبل العرض.. بالنسبة لبدل السكن فهو لايكفي لشقة بمستوى كويس واعمل حسابك هتحط من راتبك .. سبع الاف وخمسمية يعيشوك هنا كويس جدا بس مش هتحوش حاجه ويعيشوك كويس لو هتحوش مبالغ تافهة وهتعيش تعبان ومتقشف لو عاوز تحوش مبلغ كبير وتعمل حاجه لنفسك لكن اجمالا المبلغ ماشاء الله ممكن لو جيت على نفسك يعمل لك شيء ..

تاكد من موضوع تذاكر السفر والتامين والاجازه السنوية لان دي بتفرق معاك اوي بعد كده .. تاكد ايضا من الدوام فترتين ولا فترة وحده عشان هتفرق معاك جامد في المواصلات لو مبتعرفش تسوق اما لو بتعرف يبقى ان شاء الله مش هتتكلف كتير ..

طالما لسه متزوجتكش يبقى قدامك على الاقل ست سنين على ماتحتاج مدارس ودي ميزه كويسه اوي ممكن تساعدك باذن الله توفر ..

اعتقد كده ممكن تاخذ قرارك وانت ادرى بظروفك ..

================

بالنسبة للاخ الي سال على موضوع مندوب بـ 1500

تأكد الاول الفيزا الي طالعه لك فيزا ايه ؟ هل هي عامل ولا مندوب مبيعات ؟ من الآخر تأكد ان كنت تقدر تجيب زوجتك بعد كده ولا لاه لو مش هتعرف يبقى اصرف نظر من دلوقت عن المشروع كله لان الي هتجيبه هيروح في محاولات استقدام الزوجه ده اذا وجدت طريقة اساسا.

لو مش متجوز ومفيش نية تتجوز خلال الثلاث سنوات القادمه يبقى خلاص طنش الفقرة السابقة خاصه لو الامكانيات في مصر منعدمه تماما بحيث ان فكرة الزواج غير مطروحه اصلا للنقاش .. هيبقى ساعتها الوضع هنا ايا كان افضل بالتاكيد ..

نيجي للراتب .. طبعا راتب قليل جدا ميعيش كتكوت لكن طالما في عموله ففيها قولان ..

هتسال الاول طبيعه البضاعه الي هتبيعها ايه ومتوقع تبيع بكام .. بعد ماتعرف هتستشر ياجماعه الي شغال وظيفة مندوب لبضاعه كذا بيطلع له قد ايه تقريبا مبيعات ؟ وبناء عليه تقدر تتخذ قرارك ..

وبرضه مؤهلك الاصلي الي هتطلع بيه عليه عامل يعني لو انت بكالريوس تجاره تروى قليلا اما لو دبلوم يبقى فكر يابني يمكن يكون الموضوع ده كويس .. برضه انت ادرى بظروفك وادرى بملابسات حياتك فانت اصلح شخص لاتخاذ القرار ..

==========

واكيد ياجماعه الاستخاره ثم الاستخاره ثم الاستخاره وربنا يقدم للجميع مافيه الخير يارب ..

[tarek nokia]

السلام عليكم

بالنسبة للأخ المندوب انسى العرض ده نصب وسرقة انت حتستلف عشان تعيش وبالنسبة للأخ مهندس الألكترونيات العرض مناسب انت ممكن تاخذشقة عزاب بجنوب الرياض او وسط الرياض مع واحد تاني وتدفع 8000 ريال او اقل وتجيب عربية بعد كدة بعشرة الاف ريال وانت لو جلست سنتين وممكت تلاقي شغل اضافي حتحوش كويسانشاء الله وبصراحة العرض مش عالي قوي ولا نازل العرض مناسب

[youyou]

طب يا جماعة انا اسف جدا على التدخل بس انا كمان مش قادر اضيف موضوع جديد ... بس ضرورى اخد رايكم انا جانى عرض وظيفى من شركة كبيرة بالرياض للعمل كسكرتير والمرتب 3500 ريال و وبدل السكن أربعة شهور من المرتب الأساسى وبدل محروقات 500 ريال شهريا وبدل محمول 400 ريال شهريا ومؤمن وسيلة انتقال (سيارة) وتذاكر سفر لى ولعائلتى (زوجة وطفلين) وطبعا تأمين صحى وبالفعل ارسل العقد لى على الميل موقع منهم فى حين انى طلبت علاوة سنوية لكن لم يقبلوا واخبرونى ان سياسة الشركة غير ثابتة بهذا الشأن ويمكن المناقشة فى أمر الزيادة بعد مضى سنة او سنتين ( وطبعا ده معناه ان مفيش اصلا وغالبا مش هتحصل زيادات ) سؤالى هو هل العرض مناسب أم لا ( فأنا لا اعرف هل تحدث زيادة فى الأسعار كما فى مصر كل يوم ام الأمور مستقرة بالرياض) .

ولكم جزيل الشكر والاحترام

[ozoozo]

طب يا جماعة انا اسف جدا على التدخل بس انا كمان مش قادر اضيف موضوع جديد ... بس ضرورى اخد رايكم انا جانى عرض وظيفى من شركة كبيرة بالرياض للعمل كسكرتير والمرتب 3500 ريال و وبدل السكن أربعة شهور من المرتب الأساسى وبدل محروقات 500 ريال شهريا وبدل محمول 400 ريال شهريا ومؤمن وسيلة انتقال (سيارة) وتذاكر سفر لى ولعائلتى (زوجة وطفلين) وطبعا تأمين صحى وبالفعل ارسل العقد لى على الميل موقع منهم فى حين انى طلبت علاوة سنوية لكن لم يقبلوا واخبرونى ان سياسة الشركة غير ثابتة بهذا الشأن ويمكن المناقشة فى أمر الزيادة بعد مضى سنة او سنتين ( وطبعا ده معناه ان مفيش اصلا وغالبا مش هتحصل زيادات ) سؤالى هو هل العرض مناسب أم لا ( فأنا لا اعرف هل تحدث زيادة فى الأسعار كما فى مصر كل يوم ام الأمور مستقرة بالرياض) .

ولكم جزيل الشكر والاحترام

لو خبرتك لا تتعدي تلات اربع سنولت يبقي العرض كويس

[زعلان]

يويو عرضك يعتبر مقبول بس ايه اخبار المدارس

[raedraed]

لـ youyou

الطفلين اللي معاكم في سن كام ؟

لو قربوا على حضانة ادخل على الموضوع الخاص بالمدارس

http://www.egyptiantalks.org/invb/?showtopic=45798

وخد نبذة صغيرة كدا عن الأسعار وشوف هاتقدر ولا لأ

أسعار المدارس هنا بتترواح من 3000 الى 7000 ريال ويمكن أكتر دا غير مصاريف الباص والكتب

والسكن ابتداءا من 12 الف الى 25 على حسب المنطقة

انا لسا جديد هنا في المملكة بس على حسب اللي شوفته واللي سمعته

ديه حاجة ، الحاجة التانية حاول تقارن وضعك في مصر ووضعك في المملكة واحسبها كويس بدون عواطف

[doha]

طب يا جماعة انا اسف جدا على التدخل بس انا كمان مش قادر اضيف موضوع جديد ... بس ضرورى اخد رايكم انا جانى عرض وظيفى من شركة كبيرة بالرياض للعمل كسكرتير والمرتب 3500 ريال و وبدل السكن أربعة شهور من المرتب الأساسى وبدل محروقات 500 ريال شهريا وبدل محمول 400 ريال شهريا ومؤمن وسيلة انتقال (سيارة) وتذاكر سفر لى ولعائلتى (زوجة وطفلين) وطبعا تأمين صحى وبالفعل ارسل العقد لى على الميل موقع منهم فى حين انى طلبت علاوة سنوية لكن لم يقبلوا واخبرونى ان سياسة الشركة غير ثابتة بهذا الشأن ويمكن المناقشة فى أمر الزيادة بعد مضى سنة او سنتين ( وطبعا ده معناه ان مفيش اصلا وغالبا مش هتحصل زيادات ) سؤالى هو هل العرض مناسب أم لا ( فأنا لا اعرف هل تحدث زيادة فى الأسعار كما فى مصر كل يوم ام الأمور مستقرة بالرياض) .

ولكم جزيل الشكر والاحترام

معليش في نقطه بس استوقفتني وهي ان العرض موقع ومرسل عن طريق الايميل!!

انا بصراحه جديده شويه في الامور دي ومش عارفه هل انا فهمت غلط والعقد مرسل بالبريد المستعجل مثلا ولا فعلا ارسلوه بالبريد الالكتروني ؟ ولو الوضع كده هل يعتد قانونا ( بصورة ) عقد تم ارسالها على الايميل ؟

ياريت تتأكد من النقطه دي لان بصراحه معنديش فكره هل الاختام والتوقيعات ممكن يتاخذ بيها لو هي ( سكانر ) ولا لازم الاصل ..

[youyou]

بالنسبة لسن الأولاد فهما اثنين ( 3 سنوات - ثمان شهور) وبالتالى هيقعدوا معايا اول سنة بس وبعد كده فى الغالب هيدمخلوا مدارس فى مصر ويبقوا يجوا زيارات وبالنسبة للعقد فهو جالى موقع على الميل الأكترونى على أساس أشوفه قبل ما نبدأ الرسميات وبالفعل لقيتهم مش كاتبين حاجة بخصوص التذاكر فطلبت تعديله وتكتب بالعقد فأخبرونى ان التذاكر معمول بها حسب النظام الداخلى للشركة ولا تكتب بالعقد لكن انا اصررت فوافقوا على اضافتها بالعقد ومازلت بالانتظار ... بالنسبة لخبرتى فأنا خبرة 3.5 سنوات .... فهل العرض كويس وياريت لو فيه ناس شغاله فى السكرتارية معانا فى المنتدى او حتى عندهم فكرة تقولنا رأيها

[raedraed]

بالنسبة للخبرة ماقدرش افيدك لأني بعيد عن المجال

وبالنسبة للعقد طبعا لازم يكون عائلي ويتضمن الآتي:

المسمى الوظيفي ، الراتب ، عدد ساعات العمل ، بدل سكن 3 شهور من الراتب سنويا ، بدل مواصلا 10% من المرتب ، تأمين طبي لك وللعائلة (وحاول تخليه يشمل الحمل والولادة) ، تذكرة لك وللعائلة سنوياً ، أجازة سنوية لا تقل عن 21 يوم مدفوعة الراتب

فيه حاجة ممكن تسأل عنها وانت وراحتك وهي هل فيه اوفر تايم ولا لأ يعني أقصد بيتحسب ؟

بس ياريت تحط في بالك موضوع الحسبة اللي كلمتك عنه وهي مقارنة وضعك في مصر بوضعك في السعودية

واحسبها صح في كل حاجة ، هل هاتقدر على فراق العيلة ؟ ولا مجرد كلام ؟

وكن واقعي

تم تعديل 17 أغسطس 2009 بواسطة raedraed

[واثق الخطوة]

king

سألت عن الزيادة السنوية?