الحويني : العلم للرجالة بس

[حسام يوسف]

أخر ما يتحفنا به أبو اسحاق الحويني

العلم للرجالة وبس

الستات دول عوام

الحقيقة

مش عارف أقول ايه :blush2:

ولمن يرد المشاهدة للكليب من قناة الناس

هنا

ملحوظة

كعادتنا السيئة كليب اليوتيوب عليه تعليقات والفاظ نابية

لكنى أردت أن أورد المصدر حتى لا يقال أنى أتقول عليه

وان رات الادارة حذف الكليب

فمفيش أى مشكلة

ومن يريد الرابط لكليب اليوتيوب أرسله له ع الخاص

تم تعديل 16 سبتمبر 2009 بواسطة حسام يوسف

[eslam elmasre]

لا تغضبي ايتها الاخت الكريمه عندما اناديكي واقول لكي مرحبا بكي ايتها الناقصه العقل والدين

يامن تكفرين بالعشيره وتكفرين بالاحسان

يامن كنتن اكثر اهل النار

يامن تقبلين علي الجمع في صورة شيطان وتغدين في صورة شيطان

يامن تقطعين الصلاة مثلك مثل الكلب والحمار

لا تغضبي من كل ذلك فتلك روايات وردت لنا عن رسول الله واذا قلت ذلك فليس لدي اي حرج في ذلك لانه اذا قاله رسول الله فلا تستكثري عليّ ان اقوله انا ايضا

وسأنسي وانا اقول ما قلته سأنسي اننا اخذنا نصف ديننا من امرأة وسأنسي ايضا ان من دعانا لذلك رسول الله

وسأنسي ان التي حافظت علي نسخه الوحي المكتوبه كانت امرأه

وسأنسي ان التي كانت لها الدور الرئيسي في نجاح هجرة الرسول الكريم كانت ايضا امرأة

سأنسي كل ذلك من اجل عيون مدمني التراث علي علاته

حتي وصل بهم الامر الي احتكار العلم وقصره علي الرجال وكأنكن مخلوقات معوقه فكريا غير راشدات تحتاجين دائما لمن يرشد توجهاتكن لانكن ناقصات عقل ودين

لا تغضبي مني ايتها الاخت الكريمه

[عبير يونس]

هو كلامه صح عن النساء اللواتي ينتمين لجماعته و لأفكاره

بجد فعلا معظم النساء المنتقبات - الا من رحم ربي- لا يعرفن شيء عن الدين

و معلوماتهن يستقينها من دروس مسجلة على أشرطة أو قراءة بعض الكتيبات

يأخذن منها قشور الدينثم يتحولن بقدرة قادر إلى عالمات مفتيات و يبدأن في الفتيا و التحليل

و التحريم

و هن بلا استثناء يؤمن أن أساسيات الإسلام هي النقاب و اللحية و عدم سمع الغناء

و كذلك الرجال التابعون لهذا الفكر لا يعرفون سوى حقوق الزوج و تعدد الزوجات

لا أقصد الإساءة

و لكن هذا الكلام على مسئوليتي نتيجة احتكاك مستمر بهذه الفئة لسنوات طويلة

هذا سلوكهم الظاهر

و لا يعلم ما في قلوبهم الا الله تعالى

هدانا الله و إياهم إلى سواء السبيل

[doha]

مره من كام سنة وكانت قناة الناس لسه في بداياتها كنت قد اتخذت قرار بعدم مشاهدة القناه دي نهائيا .. كان لي وجهة نظر في الشيوخ الي بيطلعوا فيها ( افضل الاحتفاظ بها لنفسي ) ..

في مرة وكنت بقلب في القنوات على اي برنامج ينفع ( اسمعه ) وانا بقوم اعمالي المنزليه يعني مش محتاج مني تركيز لقيت برنامج فتاوى ( كان على الناس بالصدفة ) قلت اتركه دقيقتين اشوف هيقول ايه ..

لقيت الراجل كلامه منطقي جدا بل وكل الي بيقوله صح مية في المية ..

الناس عماله تسأل اسئلة شرعية والراجل بيرد بردود اكثر شرعية منها .. لفت نظري ( الشيخ ) .. لقيته لابس بدله وكرافات وكله تمام .. قلت اقعد لآخر الحلقة اشوف مين الراجل ده .. لقيته استاذ في الشريعه في جامعة الازهر بس للاسف مش فاكره الاسم .. الي فاكراه انه كان ( وسطي جدا ) وعقلاني جدا واني لم اجد عليه اي مأخذ في فتواه او حديثه ..

راجعت نفسي في موقفي من قناة الناس .. قلت لاه مش معقول دي مهو بتجيب ناس كويسه اهوه شكلي كده كنت بتجنى عليهم ..

رجعت تاني اتابع القناة ..

مهو مشكلتي عشان الاقي حاجه تسليني وانا بقوم بشغل البيت ( غالبا بيكون تجهيز خضار معرفش ليه ) مش بلاقي غير برامج دينيه او اغاني .. احيانا بلاقي مسلسل قديم فبستمع اليه وانا بشتغل .. بس احيانا مبلاقيش .. الاغاني تخرم الودن من النشاز الي فيها والمسلسلات الجديده كلها صويت وضرب وناس بتتخانق معرفش ليه وان حصل وكان مفيش حد ماسك في خناق حد فالمشهد بيستمر عشر ساعات قبل مايتغير لمشهد تاني .. لقيت احسن حاجه لما اعوز اوضب الغدا اني اخذ الخضار واروح اقعد بيه قدام التلفزيون واشتغل وانا بسمع برنامج ديني .. ده اسلم واسهل حل واهو الاكل يطلع فيه ( نفس ) ..

بعد فترة من متابعه القناة وبعد فترة من تحليل نوعية الفتاوى الي بسمعها باختلاف الشيخ الي بيقولها بل وبعد ملاحظتي لملابس الشيخ نفسه وطريقة حديثه والامثله الي بيضربها والنبع الي بيستقي منه ثقافته والي بيستشهد بيه في حديثه .. اكتشفت انهم مقسومين لفئتين ..

فئة غالبا من اساتذة الجامعات ( ببدل ) وهدوم مكويه دول بيكلمونا احنا ..برضه ضم لهذه الفئة عدد لا باس به جدا من المشائخ الازهريين ( بالكاكوله )

فئة تانيه بجلاليب مربية ذقن واصله لمنتصف الصدر ورابطين على دماغهم غالبا حاجه معرفش ايه الهدف منها ودول عمالين طول النهار يصوتوا ويصرخوا وكل حاجه تقريبا عندهم حرام .. دول على فكره مش موجهين لنا .. دول للاسف موجهين ( لعامة الشعب ) من البسطاء والناس الغلابه اوي الي بتحس ان الناس دي منهم ( مش بتتكبر عليهم ولا عاملين فيها افنديه ) فبياخذوا بكلامهم وبيرتاحوا للسؤال عندهم ..

متفرقش بقى الشيخ ابو جلابيه مكويه وعليها عبايه وغتره ( مش عارفه ليه مع ان اعتقد الرسول مكانش بيلبس شماغ ) او الشيخ ابو جلابيه قصيره وعليها ( عصابة رأس ) .. تقريبا الاثنين موجهين لنفس الفئة ..

طبعا استثني من الصنفين الاثنين دول يوسف القرضاوي وغيره من الشيوخ الافاضل الي مبيطلعوش على قناة الناس ( بقالي كتير جدا مش متابعاها اوعوا حد يقولي القرضاوي طلع هناك ) .. استثنيت القرضاوي على اساس انه الوحيد تقريبا الي لابس ( الزي الوطني للمشايخ ) ومع ذلك كلامه موجه للوسطية والاعتدال بل وعين العقل في معظم الاحيان ..

عوزاكم كده تلاحظوا نوعية المتصلين بالبرامج الدينية .. شوفوا طريقة الكلام او العبارات المستخدمه في السؤال وشوفوا كمان الملابسات او الاوضاع الي بيحكوا عنها .. حاجات ممكن نستشف منها ( البيئة ) الي الشخص المستفتي جاي منها .. لاحظوا ثم اربطوها بنوعية الشيخ الي قاعد قدامكم وكمان بالفتوى الي طلعها ..

هتلاقوا فعلا الفئات الدنيا لها شيوخها والفئات العليا لها ناس تانيه خالص .. دول لهم اسلوب خطاب ودول لهم كلام تاني لا يمت للاولاني بصلة ..

لما ادركت الحكايه دي زاد حنقي على القناة .. حسيت انها بتشوف ايه الي ( يتباع فتنتجته ) .. شايفه ناس بتحب شيوخ يقولوا لهم كلام يدخل الدماغ فبتجيبهم .. وشايفه ناس تانيه اكتر عاوزه الي يقولها انتم رعاع في الارض لكن هتبقوا على رؤوس الخلائق يوم القيامة فبتجيبهم برضه ..

وللاسف الشديد نتيجه انتشار الفقر والجهل بين اوساط المصريين اصبح الخطاب ( إياه ) اقرب للنفوس من الخطاب المعتدل او الدين الحقيقي ..

وللاسف لان الناس دي متعرفش تكلمها كلام بالعقل لان مش متعودين يستخدموه كتير في حياتهم فبيطلبوا منك ضمنا تقولهم على ( اسلام ) يحسوه مش يفهموه .. وعشان كده ابتدعوا لهم اشياء ملموسه زي الثوب القصير او اللحية الكثة او او او كل دي مظاهر لان الفئات المخاطبة بيها صعب عليها تلم بالفروق مابين الامور العقلية لكن سهل اوي انها تفهم ان الاسدال اسود يبقى خلاص هو ده القمة او انا البس عكس الي ( الكفار ) بيلبسوه يبقى انا عكس الي هم عليه .. وهلم جرا ..

الخلاصة ..

انا معرفش الشيخ الحويني وان كنت اسمع عنه كتير ..بس محصليش الشرف قبل كده اني استمع له او اعرف بيفكر ازاي ..

بس كن على ثقة وان مكانتش الفتوى دي عجبتك فمش ده معناته انها غلط بقدر مايعني انك ( لست المعني ) بهذا النوع من الخطاب ..

للاسف كلامه له سوقه وهيلاقي الي يسمعه وللاسف دي مش غلطته .. وان كنت شايف غير كده .. اقرأ كلامي من الاول ..

[hazemtara]

أخر ما يتحفنا به أبو اسحاق الحويني

العلم للرجالة وبس

الستات دول عوام

الحقيقة

مش عارف أقول ايه :blush2:

ولمن يرد المشاهدة للكليب من قناة الناس

هنا

ملحوظة

كعادتنا السيئة كليب اليوتيوب عليه تعليقات والفاظ نابية

لكنى أردت أن أورد المصدر حتى لا يقال أنى أتقول عليه

وان رات الادارة حذف الكليب

فمفيش أى مشكلة

ومن يريد الرابط لكليب اليوتيوب أرسله له ع الخاص

حسبى الله ونعم الوكيل

ما هو الناس دى بتدافع عن أكل عيشها أنت عارف الواحد من دول لما بيعمل عقد مع أى قناة من دول مثلاً أنة يقول حلقة مرة كل أسبوع بتسمع أرقام فلكية واحد يقول لك الشيخ فُلان تعاقد مع قناة (؟؟؟؟؟) بمليون جنية فى الشهر دة لو حالة تعبان وعلى قد الحال وعاوز يشوف لنفسة خرم إبرة بين الكبار ،،،،،، أما لو من أصحاب الصيط الجامد بيكون الإتفاق بالحلقة والحسابة بتحسب يا عمى؟؟؟؟؟؟؟؟؟؟

تُقوم حضرتك تقولى كمان الحريم هيقطعوا علينا هى عيلت يا عم دى يكون فيها قطع رقاب

صلى على رسول الله وحسنا الله ونعم الوكيل

[MZohairy]

في جنوب المملكه و حينما يقول الرجل كلمة جزمه او شبشب او اي حاجه متدنيه يسبقها بكلمة (الله يعزك)

و للعجب سمعت كثيرين يقولون كلمة الله يعزك تأتي قبل كلمة الحرمه (يعني الست)

يعني يقول : الحرمه الله يعزك راحت للسوق او الحرمه الله يعزك طبخت الأكل و هكذا

فاذا تساوت الحرمه و الجزمه

فبالتأكيد سيكون لهم شيوخهم و اسلوبهم الدعوي و العقلي المختلف

[تامر السعدني]

السلام عليكم ورحمة الله وبركاته

أولا يا جماعة حبيت بس أرد غيبة الراجل

الراجل ده اللي هو الحويني هو محدث العصر وأعلم أهل الأرض بالحديث في وقتنا الحالي وشهد له الشيخ الألباني

وبفرض إن حد مختلف معاه في رأي فده مش معناه إن الراجل غلط على طول الطريق

وهو طبعا ميضرهوش إن فيه ناس متعرفهوش للأسف الناس دي هي اللي خسرانة مش هو.

ثانيا يا جماعة الناس اللي بتقول إن المنتقبات الدين عندهم لحية ونقاب وبس فده تعميم وذكر بالوصف والاتنين مرفوضين طبعا لانهم غلط والمنتقبات زي أي فئة من الفئات فيها الصح وفيها الغلط

بس هنعمل ايه في الشيطان يجي للواحدة من دول يقولها بصي دي متنقبة وبتقول ايه يا شيخة المتنقبين دول كلهم تشدد وفهم غلط للدين وبعيد عن الوسطية. والامر كذلك بالنسبة للملتحين. ولا حول ولا قوة الا بالله اصبح اتباع سنة الرسول علامة على التشدد!!!

ثالثا الفكر الاسلامي الصحيح هو القائم على اتباع الكتاب والسنة بفهم سلف الأمة وتقديم النص على العقل ولكن للاسف كل واحد معتز بعقله جدا كانه اذكى بني آدم ربنا خلقه وكل ما تقوله الرسول بيقول كذا يقولك اقنعني

ربنا يهدينا كلنا للحق

[أحمد سيف]

السلام عليكم ورحمة الله وبركاته

أولا يا جماعة حبيت بس أرد غيبة الراجل

الراجل ده اللي هو الحويني هو محدث العصر وأعلم أهل الأرض بالحديث في وقتنا الحالي وشهد له الشيخ الألباني

وبفرض إن حد مختلف معاه في رأي فده مش معناه إن الراجل غلط على طول الطريق

وهو طبعا ميضرهوش إن فيه ناس متعرفهوش للأسف الناس دي هي اللي خسرانة مش هو.

ثانيا يا جماعة الناس اللي بتقول إن المنتقبات الدين عندهم لحية ونقاب وبس فده تعميم وذكر بالوصف والاتنين مرفوضين طبعا لانهم غلط والمنتقبات زي أي فئة من الفئات فيها الصح وفيها الغلط

بس هنعمل ايه في الشيطان يجي للواحدة من دول يقولها بصي دي متنقبة وبتقول ايه يا شيخة المتنقبين دول كلهم تشدد وفهم غلط للدين وبعيد عن الوسطية. والامر كذلك بالنسبة للملتحين. ولا حول ولا قوة الا بالله اصبح اتباع سنة الرسول علامة على التشدد!!!

ثالثا الفكر الاسلامي الصحيح هو القائم على اتباع الكتاب والسنة بفهم سلف الأمة وتقديم النص على العقل ولكن للاسف كل واحد معتز بعقله جدا كانه اذكى بني آدم ربنا خلقه وكل ما تقوله الرسول بيقول كذا يقولك اقنعني

ربنا يهدينا كلنا للحق

أهلا بالأخ تامر السعدني الى المنتدي

حكاية إن الحويني أعلم أهل الأرض أو أجهلهم فده علمه عند الله ... وحتى لو كان أعلم أهل الأرض فده لا يجبرنا على اتباعه دون إعمال عقولنا ولا يمنحه حصانة ضد النقد والاختلاف. نحن لا نقدس البشر ولا ندعي لهم العصمة سواء كانوا سلفا أو محدثين.

بس انت ما قلتلناش ايه رأيك في اللي بيقوله ... متفق معه ولا مختلف.

تم تعديل 16 سبتمبر 2009 بواسطة أحمد سيف

[doha]

السلام عليكم ورحمة الله وبركاته

أولا يا جماعة حبيت بس أرد غيبة الراجل

الراجل ده اللي هو الحويني هو محدث العصر وأعلم أهل الأرض بالحديث في وقتنا الحالي وشهد له الشيخ الألباني

وبفرض إن حد مختلف معاه في رأي فده مش معناه إن الراجل غلط على طول الطريق

وهو طبعا ميضرهوش إن فيه ناس متعرفهوش للأسف الناس دي هي اللي خسرانة مش هو.

ثانيا يا جماعة الناس اللي بتقول إن المنتقبات الدين عندهم لحية ونقاب وبس فده تعميم وذكر بالوصف والاتنين مرفوضين طبعا لانهم غلط والمنتقبات زي أي فئة من الفئات فيها الصح وفيها الغلط

بس هنعمل ايه في الشيطان يجي للواحدة من دول يقولها بصي دي متنقبة وبتقول ايه يا شيخة المتنقبين دول كلهم تشدد وفهم غلط للدين وبعيد عن الوسطية. والامر كذلك بالنسبة للملتحين. ولا حول ولا قوة الا بالله اصبح اتباع سنة الرسول علامة على التشدد!!!

ثالثا الفكر الاسلامي الصحيح هو القائم على اتباع الكتاب والسنة بفهم سلف الأمة وتقديم النص على العقل ولكن للاسف كل واحد معتز بعقله جدا كانه اذكى بني آدم ربنا خلقه وكل ما تقوله الرسول بيقول كذا يقولك اقنعني

ربنا يهدينا كلنا للحق

طبعا ربنا يكرمك يارب انك بتدافع عن الشيخ خاصه لو كنت سمعت له او مقتنع بكلامه .. ان شاء الله ربنا يجازيك عن نيتك خير .. بس اسمح لي ببعض التوضيح عشان بس متختلطش الامور ببعضها ..

بداية المنقبات واصحاب اللحى فيهم ناس على راسنا من فوق قمه في العلم وقمة في التدين ولا نزكي على الله احد .. لكن .. احنا بنتكلم هنا عن ( تيار ) بيحصر الدين في اللحية والنقاب ..

في ناس منقبة وفاهمه هي بتعمل ايه ولو سألتها تقولك النقاب فضل وليس فرض .. وفي ناس تانيه متردش عليك السلام اصلا عشان ملكش لحية او عشان مش لابسه نقاب ..

النوعين موجودين .. النوع الاول ادعي الله يجمعني بيهم في الجنة .. بصراحه انكسف من نفسي وانا قدامهم من حرصهم على الحسنات اما النوع الثاني فلا اسال الله له الا الهداية ..

ماسبق كلمة حق بس عشان مكونش ( برتكب ذنب ) لما انتقد ( وضع خاص ) فيتم اعتباره تعميم ..

النقاب او اللحية في حد ذاتها ( مظهر صحي جدا ) لو حد قام بيه بعد دراسة وتعمق في الدين او حتى بعد اقتناع على يد دارس ومتعمق في الدين .. وهو برضه اداة نافعة جدا لو حبينا نستخدمها في توصيف ( فئة ) معينة من المتدينين .. لا نقصد بيها نهائيا كل من ارتدت نقاب او اطال لحيته ولكن اقصد بيرتدي الزي الرسمي لدولة تانيه بحذافيره على اساس انه هو ده زي الدين ثم يبدا في الكلام الديني لنكتشف انه مرة يقرأ من كتاب الحديث ومرة من كتاب تراثي يخص تقاليد وبيئة الدولة دي تحديدا ..

الي بيعمله بعض الشيوخ انه ( بيسعود ) الدين ..

لا انتقص بكلامي هذا نهائيا من اخوانا المشائخ في السعوديه بل على العكس .. فيهم أئمة علم .. لكن كونهم يفتوا بما يناسب بيئاتهم ومجتمعاتهم ونظامهم الخاص بل شديد الخصوصية فده شيء .. وكون البعض يرتدي ( نفس العباءة ) ويفتي بنفس الفتاوى وياخذ بنفس الاسباب الي هم راعوها على انها من الدين بينما هي تراث بحت فده الي محتاج وقفه .. لاننا بكده بنخلي تطبيق الدين شبه مستحيل الا على فئة بعينها بتعيش في مكان بعينه .. والحل البديل في الحاله دي للي عاوز يكون متدين بجد اما انه يروح يعيش هناك او يعتزل الحياه الاجتماعية بكل مافيها ويقفل على نفسه بابه لغايه مايموت ..

وللاسف الشديد النوع ده من المشائخ بيقدم بيئة شديده الخصوبه لكل من يريد النيل من الاسلام والمسلمين لينهل منها ..

الدين الاسلامي دين كامل متكامل ( مفيهوش غلطه ) وللاسف الشديد بالتفسيرات المتحجره وبالتمسك بكتب تحتمل الصواب كما تحتمل الخطأ ورفعها لمنزلة القرآن .. وعرض اراء قال فلان وقال علان لتكون راسا براس مع قال الرسول .. لكل ده اصبح في ثغرات واصبح في مآخذ وللاسف اصبح الكلام الي بيطعن اكثر قابليه للاستماع اليه على اساس ان فيه شيء فعلا غلط بعد ماكان مفيش ..

ده بشكل عام .. اما بالنسبة للشيخ الحويني بوجه خاص ..

عن نفسي مسمعتش له قبل كده .. يادوب بس سمعت الجزء الي في الموضوع ده .. بس شفت تعليق على ذات الموضوع ده في منتدى آخر ووحده حاطه فيه ( ترجمه ) او سيرة ذاتية للشيخ ..

لفت نظري الجزء الي حضرتك تكلمت عنه وهو ثناء الالباني عليه .. فمعليش اوضح لحضرتك نقطه برضه ..

لما قرأت السيرة الذاتية للشيخ اتضح لي انه خريج السن قسم اسباني .. يعني مش شريعه ولا حتى لغه عربيه ..

علاقته بالالباني انه حضر له محاضرة ولم يتمكن من مقابلته فيها ..

سافر للالباني في الاردن والتقى بيه هناك في سفرة استمرت شهر معرفش بقى الشهر ده كان قاعد معاه فيه ليل نهار بيتلمذ على ايده ولا قابله فيها مرات متفرقه ..

التقى بالالباني مرة في مكه او حاجه زي كده .ومكتوب بالحرف في السيرة الذاتيه انه بكده التقى بيه مرتين بس . وبرضه مكتوب ان الالباني قرأ كتاب من تأليف الحويني واعجب بيه .. فقط لا غير .. لا تتلمذ على يده ولا اعطاه اجازه او ماشابه.. مجرد كلمه اعجاب لا اعترف ان كانت حتى موثقة ..

مكتوب برضه من ضمن الشيوخ الي تتلمذ على ايدهم .. ابن عثيمين .. قابله مرة في الحرم في غرفته وساله عن بعض المسائل !!!!

معرفش هل الحويني عالم فعلا بس انا معرفتش اقرأ سيرته كويس ولا على اساس ان الي هيسمعوه من البسطاء فلم يهتم بكتابة السيرة المفصله على اساس ان محدش هيسال ولا فعلا انه قابل شيخ خمس دقائق او حتى خمس شهور ده يعتبر اجازه ليه في الافتاء .. مش عارفه ..

يجوز يكون اخذ درجات علمية تانيه وانا لم انتبه لاني لم اقرا السيرة كامله بس هي الحتة دي استوقفتني بصراحة ..

على كل حال ربنا يسامحني لو كنت بغلط في الشيخ ده .. لاني فعلا بعتبر لحوم العلماء مسمومه ولو مش كده كنت قلت كتييير ..

ربنا يسامح الجميع ..

تم تعديل 16 سبتمبر 2009 بواسطة doha

[تامر السعدني]

بارك الله فيكم جميعا

أولا أنا كتبت هذه المداخلة -علما باني من متابعي المحاورات منذ اكثر من سنتين- لاني لقيت في المشاركات السابقة عدد من الاهانات المباشرة للشيخ والسخرية منه فحبيت ارد غيبته

ثانيا يا ريت يا جماعة علشان نكون عمليين في حياتنا منتكلمش غير لما نعرف

ولو مش عارفين نعرف الاول وبعدين نتكلم

اللي عايز يعرف هل الشيخ اعلم اهل الارض بالحديث والا ايه يدور في الموضوع

المعلومة مش حكر ومحركات البحث متوفرة

ولو حد فينا عايز يزور دكتور بيدور عن البيانات التفصيلية عنه وسمعته وعيادته وعملياته السابقة و و و و

فانا باقدم نصيحة لوجه الله

اللي عايز يعرف معلومات عن الشيخ ويعرف فكره وعلمه يدور ويا ريت قبل ما يتكلم يعرف

ولو معرفش يعرف يبقى الافضل انه ما يتكلمش لانه هيغلط بالتاكيد لانه معندوش علم باللي بيتكلم فيه

يعني علشان نوضح الموضوع

دلوقتي انا مثلا مش عارف اقرا السيرة الذاتية بتاعة الشيخ ومش عارف اميز هل هو عالم ولا مش عالم ولا ايه فهل من المنطقي اني ابدا بالهجوم على الشيخ وارائه وافكاره؟؟

ده كلام غير منطقي طبعا

يا ريت يا جماعة نتعب نفسنا شوية ونبحث في الامر مع الاخذ في الاعتبار نقطة هامة وهي الرغبة الحقيقية في معرفة الحق وقبل ده سؤال الله ان يهدينا للحق.

صدقوني يا جماعة دي نصيحة من اخ لكم

اخلص نيتك لله وتجرد من هواك واتعب في بحثك عن الحق وثق تماما ان ربنا هيديك للحق

وجزاكم الله خيرا

[أحمد سيف]

عزيزي إذا كنت تحكم على شيخ بأنه أعلم أهل الأرض بناء على ما تجده في محركات البحث فأسأل الله لك الهداية والعافية. نحن هنا لا يعنينا - ولا يرهبنا - أن يقال عنه أنه أعلم أهل الأرض في الحديث ... نحن نناقش الأفكار والآراء بغض النظر عن صاحبها ... فالحق لا يعرف بالرجال ولكن الرجال يعرفون بالحق.

برضه مش راضي تقولي رأيك في المسألة المطروحه ... ولا انت ما لكش رأي بعد رأي الحويني.

[تامر السعدني]

الاخ الفاضل احمد سيف

اولا جزاك الله خيرا على الدعاء لي بالهداية والعافية

ثانيا انا لم ارد ان ارهبك انت او غيرك ربنا يبارك فيك ومعنديش مانع ان تتم مناقشة الاراء والافكار بس طعا ضروري في اللي يناقش انه يكون عنده علم مش مجرد نقاش بعقل بدون علم واهواء بدون دليل

ثالثا انا مدخلتش الموضوع علشان اناقش مسالة بعينها ولكن غرضي من الدخول هو رد غيبة العالم الجليل

نقطة في الصميم:

ملاحظ على بعض الاشخاص انهم اذا رفضوا راي شخص اخر انهم يبدأون في السخرية من صاحب الراي الاخر والاستهزاء به وما شابه

ثم يرمون الاخرين بالارهاب!!!

يعني بالبلدي انا مش عاجبني راي الشيخ ابي اسحق في مسالة ما اعمل ايه

ابدا في ترديد شعارات الناس المتزمتة المتشددة واحجر على الناس دي واوصفهم باوصاف غريبة مع ان العمل ده هو الارهاب والقمع

يا ريت يا جماعة مش علشان انت مش عاجبك كلام الشيخ في مسالة انك تسخر منه او توجه له الاهانات والاتهامات

بل الامر يتعدى الشخص الى وصف بعد الناس زي ما بعض الاخوة ربنا يهديهم للحق عملوا

زاخيرا الاخ احمد سيف انا مش باقول معنديش راي بعد الشيخ ابي اسحق حفظه الله لانه في النهاية بشر وغير معصوم

ولكن احترم علمي وعلمه

ودي مشكلة كبيرة عند كتير من الناس

يكون واحد معندوش اي علم عن اي شيء ولا بيفهم في اي حاجة ويبدا في انتقاد الناس وتوجيه التهم ليهم والسخرية منهم تبعا لما يراه بعقله المجرد وبدون اي علم

طيب يا ريت قبل ما حد يتكلم يكون عنده 10% من علم الشيخ ابي اسحق

الراجل حافظ كتاب الله والكتب الستة وغيرها من امهات الكتب في العلوم المختلفة

لو حد فينا بس حافظ القران يبدا يتمكلم في الدين والا لو واحد مش حافظ لكتاب الله ويبدا يتكلم في الدين اكيد هيغلط

لانه حتى ما عندهوش الاساس الاولي للكلام في امور الدين

يعني الشيخ ربنا يحفظه مش واحد لبس لبس دراويش وقال انا افتي في الدين

ده راجل تعب في طلب العلم وليه رحلة ومشوار في الطلب على مدار ما يقرب من 30 سنة من العلم والعمل والدعوة

فيا ريت يا جماعة ما يكونش كل همنا الكلام بدون علم

ربنا يصلح حالنا كلنا

وجزاكم الله خيرا وبارك فيكم جميعا ووفقكم للخير

[أحمد سيف]

الأخ تامر السعدني ... يا ريت تجيبلي بالضبط الجزء اللي أنا سخرت فيه من الشيخ أو استهزأت به أو حتى ذكرته بأي سوء ... وإذا لم لتفعل فأطلب منك أن تتراجع عما قلته بحقي

كل ما قلته هو أنه ليس معنى أن الكلام صادر من الحويني أن نأخذه دون مناقشة وتفكير ... في النهاية نحن من سنحاسب وليس الحويني ... وأنا من الناس الذين لا يرهبهم ولا يسكتهم أن يقال لهم أن هذا الكلام صادر من فلان أو علان ليقبله على علاته. وأعتقد أن كثير من الإخوة في هذا المنتدي هم مثلي في ذلك. معظم من كتب في هذا الموضوع كتب منتقدا الرأي وليس الشيخ ... ثم أتيت أنت لا لتناقش الرأي ولكن لتلوم علينا أننا ناقشناه ولتسرد علينا السيرة الذاتية للشيخ في محاولة لمنعنا من مناقشة رأيه ... ماذا يمكن أن نطلق على ذلك إذا لم تكن كلمة إرهاب تعجبك.

أنا يا سيدي أعمل في حقل العلوم والأبحاث ... وتعلمت أن رأي أي إنسان هو في النهاية مجرد رأي من حق أي فرد أن يناقشه ويدحضه إذا تمكن من ذلك ... أنا تأتيني أوراق علمية كتبها أساتذة كبار قد لا أصل الى مكانتهم يوما لأراجعها وأنتقدها وقد أرفضها ... هذا الأمر لا ينال أبدا من مكانة هؤلاء العلماء بل إنهم لم يصلوا الى مكانتهم تلك سوى بالمراجعات والانتقادات والتصحيحات التي تأتيهم من اناس مثلنا أقل منهم في العلم. هذه هي منهجية العلم ... أراها تطبق في كل العلوم ما عدا العلوم الشرعية التي يكتفي فيها من يطلقون على أنفسهم شيوخ وعلماء بترديد آراء من سبقوهم دون نقد جاد ومراجعة صارمة، ثم من قال أن العلم هو بحفظ الكتب والمجلدات ، الشيخ لو كان حافظ القرآن والكتب الستة فده معناه أن عدد نسخ تلك الكتب قد زاد نسخة. العلم هو بالفهم والقدرة على الاستنباط والاستنتاج والتحليل والمواءمة والتعبير. وقليل ممن يطلق عليهم وصف شيوخ وعلماء يتمتعون بهذه القدرات (وأنا هنا لا أتحدث عن الحويني بالتحديد). للأسف أصبحت القاعدة في العلوم الشرعية هي التقليد الأعمى والنفور من التفكير وإعمال العقل ... ثم نتسائل بعد ذلك عن سبب التخلف الذي أصاب أمتنا.

تم تعديل 16 سبتمبر 2009 بواسطة أحمد سيف

[عبير يونس]

الأخ الفاضل تامر السعدني

لو راجعت مداخلتي - وهي المداخلة الوحيدة اللي اتكلمت عن المنتقبات و الملتحين- يعني انا المقصودة بكلام حضرتك

أحب أوضح و كما قلت في مداخلتي

[/qبجد فعلا معظم النساء المنتقبات - الا من رحم ربي- لا يعرفن شيء عن الدين

uote]

و هذا معناه انني لم أعمم

وأعلم جيدا أن منهن المتدينات فعلا - نحسبهن على خير و لا نزكي على الله أحدا- و يكمل نقابهن تدينهن

يعني النقاب بالنسبة لهن اطار و ليس جوهر الدين

و أمام هذه القلة

هناك الكثيرات ممن يقمن بالفتيا بجهل و بالدعوة السلبية التي تكرهك في الدين نفسه و العياذ بالله

و لا أحد يمكنه أن ينكر وجود مثل هذه النماذج

و على هذا فالشيخ الحويني لم يخطئ عندما قال أن مثل هذه النوعية من النساء - و التي تمثل معظم المنتقبات- الجهل فيها متفشي

و طبعا كلامي لا يحمل سخرية لا من الشيخ و لا من المنتقبات و الملتحين الذين أكرر أن أغلبهم لا يعرفون عن الدين الا نقاب و لحية و عدم سماع الغناء و حقوق الزوج و تعدد الزوجات

و أؤكد أن كلام هذه الفئة في مجالسهم يدور حول هذه النقاط بنسبة 99.9%

بل أن معظمهم يؤمن أنه سيحرم الجنة إذا ما فرط في أي من هذه الأمور

و عليه فكل الأمور الأخرى ثانوية لديهم مادامو يلتزمون بتلك الأصول الخمسة

فلا يهم أكل الحقوق و لا يهم إيذاء الجار و لا تهم الغيبة و لا تهم الأنانية و الاستغلال و و و ...

لقد مررت مع هؤلاء بهذه التجارب و أكاد أجزم أنها صفات متأصلة في هذه الفئة هدانا الله وإياهم إلى سواء السبيل

[حسام يوسف]

أعلم أهل الأرض

ياريت يرحمنا بقى من علمه اللى زاد وغطى ده

ولو فيه واحد عايز يسيئ للاسلام

مش هيلاقى حاجة أحسن من كدة عشان يستشهد بيها

ارحمنا يارب

[عبير يونس]

في جنوب المملكه و حينما يقول الرجل كلمة جزمه او شبشب او اي حاجه متدنيه يسبقها بكلمة (الله يعزك)

و للعجب سمعت كثيرين يقولون كلمة الله يعزك تأتي قبل كلمة الحرمه (يعني الست)

يعني يقول : الحرمه الله يعزك راحت للسوق او الحرمه الله يعزك طبخت الأكل و هكذا

فاذا تساوت الحرمه و الجزمه

فبالتأكيد سيكون لهم شيوخهم و اسلوبهم الدعوي و العقلي المختلف

ده في كل أنحاء المملكة مش بس في الجنوب الله يعزك

الله يعزك = عدم المؤاخذة

و هي لزمة في الكلام تساوي كلمة لا مؤاخذة عندنا بالبلدي

و حتى عندنا ولاد البلد حيقولك أمي لامؤاخذة عيانة أو مراتي لا مؤاخذة بعافية شوية وهكذا

يعني أكيد ما يقصدش بيها انها الجزمة أو الشبشب الله يعزك

n2&(

[hamoudi]

في جنوب المملكه و حينما يقول الرجل كلمة جزمه او شبشب او اي حاجه متدنيه يسبقها بكلمة (الله يعزك)

و للعجب سمعت كثيرين يقولون كلمة الله يعزك تأتي قبل كلمة الحرمه (يعني الست)

يعني يقول : الحرمه الله يعزك راحت للسوق او الحرمه الله يعزك طبخت الأكل و هكذا

فاذا تساوت الحرمه و الجزمه

فبالتأكيد سيكون لهم شيوخهم و اسلوبهم الدعوي و العقلي المختلف

ده في كل أنحاء المملكة مش بس في الجنوب الله يعزك

الله يعزك = عدم المؤاخذة

و هي لزمة في الكلام تساوي كلمة لا مؤاخذة عندنا بالبلدي

و حتى عندنا ولاد البلد حيقولك أمي لامؤاخذة عيانة أو مراتي لا مؤاخذة بعافية شوية وهكذا

يعني أكيد ما يقصدش بيها انها الجزمة أو الشبشب الله يعزك

n2&(

ضحكت كثيرا على هذه المداخله وادركت كيف ان كثيرا من الناس عندنا مقلدون وليتهم يقلدون مايفهمون لانني في بعض الاحيان اقابل احد الزملاء وعند السلام عليه وبعد الديباجه الى فى الاول الى هي

ازيك

عامل ايه

سلامات

طيبون

ااقيه بيقول ليا الله يعزك

هو في دماغه انه بيدعي ليا وانا كمان واتاريه بيقول ولولامؤاخذه

تم تعديل 16 سبتمبر 2009 بواسطة hamoudi

[Alrefaey]

مره من كام سنة وكانت قناة الناس لسه في بداياتها كنت قد اتخذت قرار بعدم مشاهدة القناه دي نهائيا .. كان لي وجهة نظر في الشيوخ الي بيطلعوا فيها ( افضل الاحتفاظ بها لنفسي ) ..

في مرة وكنت بقلب في القنوات على اي برنامج ينفع ( اسمعه ) وانا بقوم اعمالي المنزليه يعني مش محتاج مني تركيز لقيت برنامج فتاوى ( كان على الناس بالصدفة ) قلت اتركه دقيقتين اشوف هيقول ايه ..

لقيت الراجل كلامه منطقي جدا بل وكل الي بيقوله صح مية في المية ..

الناس عماله تسأل اسئلة شرعية والراجل بيرد بردود اكثر شرعية منها .. لفت نظري ( الشيخ ) .. لقيته لابس بدله وكرافات وكله تمام .. قلت اقعد لآخر الحلقة اشوف مين الراجل ده .. لقيته استاذ في الشريعه في جامعة الازهر بس للاسف مش فاكره الاسم .. الي فاكراه انه كان ( وسطي جدا ) وعقلاني جدا واني لم اجد عليه اي مأخذ في فتواه او حديثه ..

راجعت نفسي في موقفي من قناة الناس .. قلت لاه مش معقول دي مهو بتجيب ناس كويسه اهوه شكلي كده كنت بتجنى عليهم ..

رجعت تاني اتابع القناة ..

مهو مشكلتي عشان الاقي حاجه تسليني وانا بقوم بشغل البيت ( غالبا بيكون تجهيز خضار معرفش ليه ) مش بلاقي غير برامج دينيه او اغاني .. احيانا بلاقي مسلسل قديم فبستمع اليه وانا بشتغل .. بس احيانا مبلاقيش .. الاغاني تخرم الودن من النشاز الي فيها والمسلسلات الجديده كلها صويت وضرب وناس بتتخانق معرفش ليه وان حصل وكان مفيش حد ماسك في خناق حد فالمشهد بيستمر عشر ساعات قبل مايتغير لمشهد تاني .. لقيت احسن حاجه لما اعوز اوضب الغدا اني اخذ الخضار واروح اقعد بيه قدام التلفزيون واشتغل وانا بسمع برنامج ديني .. ده اسلم واسهل حل واهو الاكل يطلع فيه ( نفس ) ..

بعد فترة من متابعه القناة وبعد فترة من تحليل نوعية الفتاوى الي بسمعها باختلاف الشيخ الي بيقولها بل وبعد ملاحظتي لملابس الشيخ نفسه وطريقة حديثه والامثله الي بيضربها والنبع الي بيستقي منه ثقافته والي بيستشهد بيه في حديثه .. اكتشفت انهم مقسومين لفئتين ..

فئة غالبا من اساتذة الجامعات ( ببدل ) وهدوم مكويه دول بيكلمونا احنا ..برضه ضم لهذه الفئة عدد لا باس به جدا من المشائخ الازهريين ( بالكاكوله )

فئة تانيه بجلاليب مربية ذقن واصله لمنتصف الصدر ورابطين على دماغهم غالبا حاجه معرفش ايه الهدف منها ودول عمالين طول النهار يصوتوا ويصرخوا وكل حاجه تقريبا عندهم حرام .. دول على فكره مش موجهين لنا .. دول للاسف موجهين ( لعامة الشعب ) من البسطاء والناس الغلابه اوي الي بتحس ان الناس دي منهم ( مش بتتكبر عليهم ولا عاملين فيها افنديه ) فبياخذوا بكلامهم وبيرتاحوا للسؤال عندهم ..

متفرقش بقى الشيخ ابو جلابيه مكويه وعليها عبايه وغتره ( مش عارفه ليه مع ان اعتقد الرسول مكانش بيلبس شماغ ) او الشيخ ابو جلابيه قصيره وعليها ( عصابة رأس ) .. تقريبا الاثنين موجهين لنفس الفئة ..

طبعا استثني من الصنفين الاثنين دول يوسف القرضاوي وغيره من الشيوخ الافاضل الي مبيطلعوش على قناة الناس ( بقالي كتير جدا مش متابعاها اوعوا حد يقولي القرضاوي طلع هناك ) .. استثنيت القرضاوي على اساس انه الوحيد تقريبا الي لابس ( الزي الوطني للمشايخ ) ومع ذلك كلامه موجه للوسطية والاعتدال بل وعين العقل في معظم الاحيان ..

عوزاكم كده تلاحظوا نوعية المتصلين بالبرامج الدينية .. شوفوا طريقة الكلام او العبارات المستخدمه في السؤال وشوفوا كمان الملابسات او الاوضاع الي بيحكوا عنها .. حاجات ممكن نستشف منها ( البيئة ) الي الشخص المستفتي جاي منها .. لاحظوا ثم اربطوها بنوعية الشيخ الي قاعد قدامكم وكمان بالفتوى الي طلعها ..

هتلاقوا فعلا الفئات الدنيا لها شيوخها والفئات العليا لها ناس تانيه خالص .. دول لهم اسلوب خطاب ودول لهم كلام تاني لا يمت للاولاني بصلة ..

لما ادركت الحكايه دي زاد حنقي على القناة .. حسيت انها بتشوف ايه الي ( يتباع فتنتجته ) .. شايفه ناس بتحب شيوخ يقولوا لهم كلام يدخل الدماغ فبتجيبهم .. وشايفه ناس تانيه اكتر عاوزه الي يقولها انتم رعاع في الارض لكن هتبقوا على رؤوس الخلائق يوم القيامة فبتجيبهم برضه ..

وللاسف الشديد نتيجه انتشار الفقر والجهل بين اوساط المصريين اصبح الخطاب ( إياه ) اقرب للنفوس من الخطاب المعتدل او الدين الحقيقي ..

وللاسف لان الناس دي متعرفش تكلمها كلام بالعقل لان مش متعودين يستخدموه كتير في حياتهم فبيطلبوا منك ضمنا تقولهم على ( اسلام ) يحسوه مش يفهموه .. وعشان كده ابتدعوا لهم اشياء ملموسه زي الثوب القصير او اللحية الكثة او او او كل دي مظاهر لان الفئات المخاطبة بيها صعب عليها تلم بالفروق مابين الامور العقلية لكن سهل اوي انها تفهم ان الاسدال اسود يبقى خلاص هو ده القمة او انا البس عكس الي ( الكفار ) بيلبسوه يبقى انا عكس الي هم عليه .. وهلم جرا ..

الخلاصة ..

انا معرفش الشيخ الحويني وان كنت اسمع عنه كتير ..بس محصليش الشرف قبل كده اني استمع له او اعرف بيفكر ازاي ..

بس كن على ثقة وان مكانتش الفتوى دي عجبتك فمش ده معناته انها غلط بقدر مايعني انك ( لست المعني ) بهذا النوع من الخطاب ..

للاسف كلامه له سوقه وهيلاقي الي يسمعه وللاسف دي مش غلطته .. وان كنت شايف غير كده .. اقرأ كلامي من الاول ..

الفاضلة doha

كى اوضح لحضرتك هذا التصنيف

المشايخ اللى حضرتك تقصديهم هم فعلا صنفين

الاول دارسى الازهر وخصوصا اساتذة الجامعه لعلوم الفقة والشريعة والتفسير

وهؤلاء هتجدى فى معظمهم الوسطيه فى الفكر والمنهج ويشمل ارائهم جميع المذاهب امثال (الشيخ نصر فريد واصل - على جمعه - القرضاوى - واخرين )

الثانى

السلفيين منهم الدارسين ومنهم المجتهدين بالقرآءة والاطلاع وارائهم مأخوذه غالبا من علما ء المملكة وبعض علماء السلف مثل ابن تيمية رحمه الله وابن العثيمين وغيرهم

وهتجدى فى اراءهم التشدد نوعا ما والاتزام بكل ما هو سلفى على شكلة وهيئته من لحية طويلة وجلباب قصير وشال ابيض على الرأس والسواك فى الجيب

مثل ( الشيخ الحوينى - محمد حسان -واخرين )

وفى الجميع الخير ولا اقصد من مداخلتى هذا سوى الايضاح مع الاحترام لجميع المشايخ

[الباشمهندس ياسر]

سمعت الدرس كاملا غير منقوص على حسب الرابط الذى وضعه اخويا حسام

و اشفقت جدا على اخويا حسام من الكلام اللى كتبه و من الكلام اللى هيتقال بعده و ربنا يكملها بالستر علينا كلنا

الراجل مقالش ان المرأة اقل من الحيوان و لا اى حاجة من العنوان المغلوط فى المقطع نفسه

و مسألة ان المرأة تعتبر من العوام ف العلم الشرعى ... زيينا كده .. او زى انا عن نفسى ع الاقل

ف دى مفيهاش حاجة تزعل بالشكل ده

انما الراجل اوضح ان علم الحديث لم تبدع فيه امراءة .... و اللى عنده ما يخالف الكلام ده ... يثبته و يبقى بارك الله فيه بس ياريت نبعد عن امهات المؤمنين الله يكرمكم

و كل كلام الراجل من باب الخوف على النساء و الحرص عليهن من الفتنة

و اخيرا كل واحد حر ف حريمه ... ما احنا بقينا ف بلد ابوكيفه (( على رأى عمى ))

و بالمناسبة و احقاقا للحق ... ابى اسحق الحوينى من المشتغلين بالعلم فعلا و قد شهد له مخالفوه قبل مؤيدوه بذلك

و العجيبة بقى يا اخوانا

ان معظم كلامه هو اللى بيتعمل عندنا ف بيوتنا و بيوت اقاربنا و معارفنا و جيرانا .. بما اننا من الطبقة الوسطى

يعنى مفتكرش ان واحدة جارتنا طلعت البلكونة عشان تنشر او تقف ف البلكونة شوية من غير التحجيبة مثلا

و مفتكرش ان حد خبط ع الباب و فتحت الباب على مصراعيه و هى واقفة براحتها ... اكيد هترد من غير ما تفتح غالبا

و لو فتحت عشان تاخد حاجة بتفتح فتحة صغيرة عشاان تتناول اللى هتتناوله و هكذا يعنى

و مفتكرش ان فينا راجل حر و يوافق ان مراته ترد ع التليفون و تقول الو بدلع و كده يعنى مع حد غيره... اكيد كلنا بنغير و منقبلش العيبه يعنى

و مفتكررش ان فينا حد برده يوافق انها تتلطف ف الكلام مع حد ولو كان مفتى الديار بنفسه

المهم

المعنى اللى متداول بينا احنا الناس العاديين تحت مسمى الستر

مش هى دى حياتنا و لا انا فاهم غلط...؟؟؟؟

[MZohairy]

عظيم قوي الشيخ الحويني ده