برامج كتب روابط نصائح مفيده لكل مهاجر

[ehabtaher]

انا حبيت ابدء الموضوع ده بعد كلام باشمهندس الزناتى لما قال مش كنت تورينى الكتاب قبل ما اكع ال16 دولار

اهو حاجه كده تسند الزير

يعنى اهى خواطر بدايه من فكره الهجره كلنا بنحاول نبحث يمين وشمال عن اى حاجه تساعدنا فى بحثنا عن الاستقرار والراحه فى الكام سنه اللى عايشينهم فى الدنيا

انا ان شاء الله حاعمل زى الطفل الصغير اول ما بيشوف ابوه او امه او اخواته الكبار بيعملوا حاجه وهو بيعمل لها كوبى او يقلدهم سواء تقليد اعمى او عن دراسه

هى الدنيا كده نمشى على خطوات من سبقونا الدور والباقى علينا نستفيد من اللى عمله اللى قبلنا ونفيد اللى جايين من بعدنا

وربنا يوفقنا كلنا فى خطواتنا فى طريق البحث عن حياه ومصير افضل لنا ولأولادنا من بعدنا

[ehabtaher]

اول ما بنفكر فى الهجره بنحاول نملى ورق الهجره اللى نزلناه من موضوع د قناوى كيف تهاجر بدون محامى

ونحاول نذاكر الانجليزى علشان الايلتس من موضوع باشمهندس زناتى

وندور على شغل او اى طريق لشغل بالمعادله لو كنا اطباء مع موضوع اسكندريه تانى او ماقبل اتمام المعادله مع صعيدى فى تورونتو و د تهامى و ياسر

لكن مع اللاندنج

عايزين نذاكر للرخصه بتاعه السواقه ونقرا الكتاب قبل امتحان ال جى

يبقى روحو للملف ده

حايوفر 16 دولار ( يمكنت تصرف اكتر منهم فى التاكسى اللى حيوديك الفندق ) بس زى ماقلنا نوايه تسند الزير لان على مايبدو ان بدون ما الواحد يشتغل فى كندا الموضوع عباره عن بلاعه فلوس

http:///jbyatv9

ده بقى كتاب عن اشارات المرور وقواعده فى تورونتو واكيد كندا موجود فى النت صفحات اونلاين وبيتباع ب 16 دولار

حيفيد انك تذاكره قبل ما تعمل لاندنج

علشان كمان متعيدش الامتحان اكتر من مره

[ehabtaher]

الجامعه دى بتدى كورسات اونلاين وحاجات بصراحه مفيده لو كان معترف بيها

يعنى مثلا كورس تصليح كمبيوتر

كورس سباكه

كورس كهرباء

وكورس كتابه على الكمبيوتر او او او

بس الفكره هل يقبلوها كشهاده تسمح انك تشتغل هناك

على فكره الرابط ده اتحولت عليه من فرع الجامعه فى كندا

http://www.ashworthcollege.edu/

بس الحكايه ان الواحد عايز يعرف هل فيه اعتراف بشهادات الجامعه دى والا لا

يعنى لو الواحد خد من الجامعه دى شهاده سباك اونلاين حايرضوا يخلونا نشتغل بيها والا يقولوا برضه لازم معادله وامتحان عملى وبتاع

[بركة]

شكرا جزيلا لحضرتك وياريت موضوع حضرتك يبقى مرجع و تجميع للينكات اللي منتشرة وسط المواضيع الطويلة في المنتدى

واللي تعب أصحابها عشان يضيفوها و هتحتاج مجهود خرافي من الراغبين في الهجرة الجدد زي حالاتنا :rolleyes:

[ehabtaher]

شكرا جزيلا لحضرتك وياريت موضوع حضرتك يبقى مرجع و تجميع للينكات اللي منتشرة وسط المواضيع الطويلة في المنتدى

واللي تعب أصحابها عشان يضيفوها و هتحتاج مجهود خرافي من الراغبين في الهجرة الجدد زي حالاتنا :blink:

الله يخليك على اهتمامك

انا ان شاء الله ناوى اعمل كده

كل ماشوف رابط مهم او كتاب او برنامج مفيد

لك من يبدأ مشروع الهجره ناوى احطه هنا

www.nonoh.net

ده بقى رابط لموقع يمكنك وانت بتعمل اللاندنج انك تتكلم داخل كندا

مجانا

يبقى كده مش حتحتاج لشريحه كنداوى ده طبعا لو فيه نت فى الفندق او فى المنزل اللى انت ساكن فيه

يا اما تعمل اشتراك فى سكايب

وده صوته جميل جدا وبالصوره كمان وبيفيد فى التواصل خارج كندا

او تشترى الماجيك جاك لانه حيفيدك بعد كده لما تبقى خارج كندا وعايز تربط على شغل او تستفسر على حاجه جوه كندا

[ehabtaher]

نسيت اضيف الموقع دة مهم جداااااااااا

دة اهداء من الدكتورة سوسو راني والاخ الباشمهندس الزناتى

جرب نفسك كدة في امتحان النظري بتاع القياده منه

http://www.yd.com/legacy/YoungDrivers/default.asp?page_id=24

[ehabtaher]

المره اللى جايه نشوف موضوع النافيجاتر والخرايط بتاعته المجانيه اللى ممكن ننزلها من النت و ايه حكايه التليفونات معاه وبعدين نتحايل على د تهامى ينزل الخرايط اللى عنده على النت فى موقع

[ehabtaher]

<h3 class="result-title"> Garmin GPS 18 Deluxe GPS Receiver - 010-N0321-02 </h3> Turn your laptop PC into a powerful street navigator with the GPS 18 a GPS sensor bundled with nRoute and MapSource City Navigator software that ....

لتحويل اللابتوب الى نافيجاتور وبيستعمل خرائط جارمن

اانا عايز من ده يا دكتور تهامى

ممكن تجيبلى واحد معاك من كندا ولما نتقابل نبقى نتحاسب

[myusername]

السلام عليكم,

بالنسبة للاخوة اللى هيروحوا كندا اول مرة... بدل ما يدفعوا قد كده فى الفنادق... ارشح لهم موقع كريجز ليست عشان يشوفوا شقة من عليه:

http://toronto.en.craigslist.ca/apa/

انا اخترت تورونتو لان فيه ناس كتيرة بتروحها... بس ممكن تطلعوا عالصفحة الرئيسية و تختاروا اى مدينة فى كندا انتم رايحنها.

بالتوفيق للجميع باذن الله.

تم تعديل 10 ديسمبر 2009 بواسطة myusername

[ehabtaher]

Garmin GPS 18 Deluxe GPS Receiver - 010-N0321-02

لتحويل اللابتوب الى نافيجاتور وبيستعمل خرائط جارمن

[znaty]

حلو اوي كدة يا بوب

ركز انت في موضوع اللينكات دة الله ينور عليك

انا حاجمع كل اللينكات اللي عندي وانت نظم كل اللينكات اللي بتجيلك في مداخلة مطولة كل شوية تعملها ابدايت

الله ينور عليك يا زعيم

[ehabtaher]

[ehabtaher]

اللينكات مش عايزه تطلع والصور مش عايزه تنضاف

ممكن حد يقول لى انا باغلط فى ايه

بس يكون من اللى بيعرفوا يضيفو الصور واللينكات زى المعلم ايهاب سالم والزعيم د تهامى

[ehabtaher]

Navibe GM720 Water-Proof USB GPS Receiver - SiRF Star III(WAAS Enabled)

تمنه 26 دولار معاه البرامج لجعل الكمبيوتر ك نافيجاتور وهناك انواع اخرى

للبحث عنها يمكن كتابه gps usb RECEIVER

OR GPS BLUETOOTH RECEIVER

[astrophy]

كويس التوبيك دا بارك الله فيك

[ehabtaher]

GLOBALSAT BU353 SIRFSTAR III USB GPS RECEIVER

ده بقى ثمنه 30 دولار مش عارف بيتباع فى الدمام والمنطقه الشرقيه والا لا

يتوصل ب اللابتوب وتنزل البرنامج من الانترنت والخرائط من ce4arab

وبعدين تاخد اللابتوب معاك فى رحلتك للاندنج

عايزين ناخد راى السافرين قبلنا فى موضوع شراء سياره هناك لو اللاندنج لمده شهر ونصف مثلا او شهرين مش يكون اوفر فى الفتره دى

يعنى سياره كورولا تمنها 2000 دولار وتامين 300 ولما تيجى تسافر تبيعها ب 1500 مثلا من اجل سرعه البيع تبقى انت استعملت عربيه لمده شهرين ب 1000 دولار ( الموضوع بسيط كده والا فيه كلكعه اكتر من كده )

[moheltohamy]

يا جدعان انتو فاتحين الموضوع ده عشان إيه أصلاً؟

كوكتيل لنكات؟! أي حاجة عاوزينها على جوجل هيجيبهالك هوا!

كتاب تعليم السواقة؟ لو دخلتوا على موقع القيادة بتاع ألبيرتا هتلاقوا الكتاب التعليمي ده متاح للتنزيل ببلاش كـ pdf ، وفيه فروق بسيطة جداً بينها وبين ألبيرتا (زي المسافة اللي ممنوع الركن جمب حنفية المطافي 3 متر هناك و6 تقريباً في أونتاريو)... لكن الأساسيات واحدة.

وأنا شايف إنك كده ولاّ كده هتحتاج تشتري الكتاب ، الكتاب أبو 16 دولار بتاع التعليم ، وكتاب تاني في نفس السعر نماذج أسئلة امتحان ، وامتحان القيادة النظري بييجي منها بالحرف ، مفيش سؤال من بره! أيوه... بالحرف والتشكيل كمان!

وبالنسبة للـ GPS اللي كلكم شاغلين دماغكم بيه...

نتفق على حاجة مبدئياً كده... أسرة من 4 أفراد ، يُستحسن ما تجيش كندا بأقل من 30 ألف دولار ، لو ممكن.

لو جاية بأقل من 15 ألف ، يبقى تنسى موضوع العربية خالص ، لأنه هيكون حمل كبير على الميزانية ، وتخليها في المواصلات العامة ، واللي مفيش أي خوف منها في المدن الكبرى ، وتوفر ميزانية البنزين والتأمين والباركنج والصيانة والـ GPS ، واللي مش هيقلوا بأي حال عن 600-700 دولار شهرياً أقل واجب ، بخلاف الطلعة الأولانية اللي مش هتقل برضه عن 3-4 تلاف دولار.

وبالتالي لو اشتريتوا عربية ، يبقى ما جاتش على GPS غلبان بميت دولار ، عشان تغلبوا نفسكوا الغلب ده كله!

ولا تحملوا على الموبايل خرايط وكراكات و وجع قلب ، ونمقق عينينا في الشاشة الننوسة بتاعته ، ولا ندوّر على لابتوب واسلاك و وصلات ، ومش عارف إزاي هنثبت اللابتوب على الـ Dashboard أصلاً!!!

دي هجرة عشان نرتاح ونستمتع بالبلد ، ولاّ عشان نخنق نفسنا ونكرهها؟!

[ehabtaher]

http://www.bettersoftware.co.uk/bsgps/BSGPS.aspx

برنامج يعمل على الكمبيوتر (لابتوب) يحوله الى نافيجاتور

فاضل انك توصل gps receiver

يعنى الاريال اللى يوصل الكمبيوتر بالقمر الصناعى

وتستعمل البرنامج ده (مجانى من غير كسر للرخصه) يعنى مافيش خطر عليك فى مسأله حقوق الطبع

نيجى بقى للخرائط

المره الجايه لو عايزينى اكمل ابقوا قولولى

[myusername]

السلام عليكم,

أنا رأيى ان حضرتك تكمل يا أستاذ ايهاب... و لكن مع التركيز و الاختصار و التشعب فى نفس الوقت

بمعنى... ان ميكونش كل الكلام على الجى بى اس بس... لا, عايزين لينكات عشان الواحد يلاقى سكن

لينكات عشان الواحد يعرف ازاى يتصرف فى اى بلد... بمعنى لينك انك تجيب اى خريطة لاى مدينة, و انك تجيب معلومات عن اى مدينة, و اشياء من هذا القبيل

و لينكات عشان الواحد يدور على شغل

و لينكات عشان اجيب حجز فندق رخيص

و لينكات عشان الدراسة و المعادلة

و ما الى ذلك من الامور اللى الواحد بيحتاجها... بس تكون كلها مجمعة و باختصار...

اما بالنسبة لجووجل... فيه ناس كتير مبتعرفش تبحث - و البحث على الانترنت حرفة, او معندهاش وقت... و كمان يستحسن ان يبقى فيه موضوع بيجمع كل المعلومات المهمة - و باختصار - و من غير ما افضل اشغل بالى انى ابحث عن كل حاجة لوحدها.

ده رأيى... و الله الموفق باذن الله.

[ناوية ع الهجرة]

انا كمان من رأي الاستاذ ماي يوزر نام عايزين لينكات محددة ومفيدة لكل المواضيع اللي ممكن احتاجها في اللاندنج

بداءا من الطيران والسكن ومواقع تاجير وفنادق وتاجير سيارات

افضل انواع النافيجاتور و المطاعم الجيدة والمجربة وهكذا ..........

والف شكر للدكتور ايهاب