هل بيع اراضى القرعة بالاوفر حرام

[mhamed]

ما هو حكم الدين عندما تقوم الدوله بطرح اراضى للشعب بغرض البناء والتعمير فى الصحراء على ان تكون باسعار مخفضه لدعم المواطن والاسراع فى عمليه البناء وبالقسط على عدة سنوات وتشترط فى ذلك عدم البيع الا بعد سداد الاقساط

ثم ياتى افراد(المشترى الاول) هم ليس فى حاجة اليها

للدخول فى هذا النظام بغرض محدد من البدايه وهو الحصول على الارض ثم تركها فترة على ان يتم البيع (بالرغم من مخالفه شروط البيع) بسعر اعلى يسمى فى السوق بسعر الاوفر ويكمل المشترى الثانى باقى اقساط وبالتالى قام المشترى الاول

1- باع ما لم يملك لانه لم يسدد الاقساط كامله

2-خالف بند من بنود العقد وهو البيع بدون سداد الاقساط المنصوص له بالعقد مع الحكومة

3- اضاع الفرصه المواطنين من هم فى حاجة ماسه لهذة الارض بهذة الاسعار المخفضه

4-ساهم بطريقه غير مباشرة على رفع اسعار

لذا ارجوا من حضراتك راى الدين فى اموال وتجارة المشترى الاول

رابط السؤال

http://www.dar-alifta.org/f.aspx?ID=30798

منقول

[doha]

اعتقد تسأل فيها شيخ افضل

ده غير ان من قوانين المحاورات ممنوع اسئلة الفتاوى لان ده مش مكانها . اعتقد الموضوع هيغلق ..

بس اجمالا وفي الامور الي زي دي استفتي قلبك لو افتوك .. عن نفسي عمري مااستحل القيام بشيء زي ده خاصه لو دي نيتي من البدايه اني ( اسقع ) حاجه اساسا مخفضة عشان تحل ازمه .. بس برضه رايي الشخصي لا يعتد بيه لاني مش شيخ واكيد اي حد تاني هيفتيك برضه كلامه مش نهائي والمتخصص بس هو الي له الراي الفيصل في الامور لي زي دي ..

[mhamed]

نسأل شيخ فين ودار الافتاء ليها رد فى اللينك الى فوق

يظهر ماشفتوش وقلنا منقول ووضعناه لتعم الفائدة

[مهندس تحكم]

الرد واضح من دار الافتاء ....بانها معاملة غير جائزة وبالتالي ما بني علي باطل فهو باطل ....والمكسب ايلي اسمة اوفر دة يبقي فلوس حرام...

المشكلة بقي مش في كدة بس....لا في السماسرة ايلي بيسهلوا للناس دي الحصول علي الحرام ..وذلك بعرضهم الاراضي للبيع لحسابهم ...علشان ياخد نسبة من الفلوس الحرام...

كان ممكن المشكلة دي كلها تختفي لو السماسرة والناس ما تعاملوش علي الاراضي دي...وبدل الشراء ....تتم المشاركة بالبناء...وبكدة ايلي هايدخل القرعه الناس ايلي عايزة تبني وتعمر ...مش الناس ايلي عايزة تضارب وتاخد حق غيرها ....وتعمل ملايين من الهوا من غير لا شغل ولا تعب.....

لكن هانقول اية الناس كل همها جمع الفلوس من غير تعب ومن غير تحري الحلال والحرام.....

تم تعديل 27 يناير 2010 بواسطة مهندس تحكم