إكتشف مواهبك بعد سن الثلاثين

[se_ Elsyed]

الامس والأمس فقط أكتشفت طاقات كانت كامنة في اعماق اعماقي والصدفة وحدها هي التى قادتني إلى إكتشاف ذلك ...

فمنذ فترة والواد أبني عمر بيلح عليه علشان أخده الملاهي علشان يحلق .. حيث أن محلات حلاقة الأطفال الكويسة هنا بتوجد في الملاهي أهو منها العيل يفرح ويزقطط ومنها يحلق وأهله يدفعوا دم قلبهم .. ما علينا ..

فكنت أتحجج له بإني مريض ومش هأقدر أتنطط معاه وكده علشان ظروف إصابتي .. ولكنه لا يقتنع بذلك وكل يوم جايبلي هدومه من الدولاب وعايز يلبس ويخرج ..

فتفتق ذهني عن فكرة شيطانية وروحت جايبه ومكتفه في الكرسي وجايب ماكينة الحلاقة والمشط والمقص وهاتك يا جز ... وسط صراخ زوجتي وتوسلاتها بأن اترك الولد ولكن صراخاتها ذهبت أدراج الرياح مع تصميمي على إستكمال مهمتي المقدسة وأخذت في البكاء وهي تقول لي " حرام عليك أنت عملنا فيها فريد شوقي في مسلسل البخيل وانا ... سيب الواد " ولكن هيهات ان تثنيني عن المضي قدماً في تحقيق هدفي ...

وتعالى صوت الولد وهو يقول لي " كفاية بقى يا بابا خلاص أنا حلقت " وأستخدمت تلامة وبرود الحلاقين ولم أستجب لهما أبداً ...

والحمد لله بعد فترة ليست بالقصيرة أنجزت المهمة وترغرت عيناي بالدموع - دموع الفرح - وأنا أرى نتاج عملي وكانت تجربة ناجحة بكل المقاييس وبأقل خسائر ممكنة...

وبعدها نظرت بعيون الأب الحاني العطوف على أبناءه إلى إبني الأخر " علي " ذو الـخمسة شهور فقامت زوجتي بقرأة أفكاري الشيطانية وخطفت الولد وأبتعدت به سريعاً وهي تقول لي " حرام عليك كفاية واحد سيب لي الصغير ده أربيه "

وعندها آثرت السلامه وتذكرت قول والدتي أم س س - الله يمسايها بالخير" يا س س يابني ماتخربش بيتك بأيدك وكُل عيش " فقولت لها حاضر يا ماما مش هاخرب على نفسي - مؤقتاً - ومصير الواد التاني يقع في أيدي وهاجزوا برضوا ..

الغريب في الموضوع أن زوجتي أتصلت بي في الشغل هذا الصباح لتخبرني أن الواد عمر صابح عيان ،

طب انتوا أحكموا يا جدعان .. إيه علاقة الحلاقة بالمرض ... فهل هي صدفة بحتة .. ام هي آثار جانبية لعملية الحلاقة سرعان ما ستزول ؟

[عصام]

عندى سؤال..نظرا لمرورى بنفس الموقف منذ فترة "ليه الواحد ما بيجيلوش جرأة يعمل الحكاية دى فى العيال إلا بعد ما يتم التلاتين بشوية؟؟ :angry: "

طلب أخير ... ممكن صورة للولد؟ :angry: :angry:

أنا متأكد إنك صورته..كل المجرمين المحترفين بصوروا جرايمهم :angry: !!

[إبن مصر]

:angry:

:angry:

:angry:

:angry: :angry:

:angry:

cbyb:

:angry: :angry:

سى السيد انت لازم تشوف ابو حلاوه فى اسرع وقت

وعلى حسابى كمان

يا نهار ابيض!!!!!!!!!!!!!!!!!!!!!!!!!!!!!

[zamalkawy]

يسلام عليك يا ابو السيد

تصدق بالله انا مرة فكرت احلق لنفسي علشان بصراحة بزهق و مش عندي وقت اروح القي حد بيحلق و جبت المكنة الكهربة و هات يا جاز انا بحلق 3 كل مرة و ظبطت المكنة على 3 و بهدلت نفسي قلت كله هيبقى زي بعضة و اخلص بس بصراحة فشلت و جبت اخوية يساعدني و العيلة اتلمت و كان يوم مسخرة المهم الكلام ده كان الساعة 2 بليل نمت و صحيت روحت للحلق الساعة 10 الصبح علشان يكمل المهم بس بجد نفسي اجربها تاني او يخترعو اخترع يحلق لوحدة و نخلص

[حشيش]

الغريب في الموضوع أن زوجتي أتصلت بي في الشغل هذا الصباح

ألم توحى لك هذه العبارة بفكرة شيطانية جديدة mfb: mfb:...لماذا لا تربط زوجتك فى الكرسى وتحلق لها بالماكنة على 3 :blink: ...أنا متأكد إنها بعدها حتبقى زى الخاتم فى صباعك mfb: mf( mf(...لا تأخذك بها ولا بالأولاد رحمة أو شفقة mfb: :blink: :blink:...إستمر فى رسالتك المقدسة التى عاهدت الله عليها فإما النصر وإما أن تفنى دونها :blink: :blink: :blink:...

أخوك

حشيش (وشهرته أبو نوسة)

[se_ Elsyed]

بس بجد نفسي اجربها تاني او يخترعو اخترع يحلق لوحدة و نخلص

ممكن بالتأكيد نلاقي إختراع مستفبلي يبقى عامل زي ماكينة تنظيف الفراخ كده .. تحط فيها راسك من ناحية تتطلع متظبطة من الناحية التانية .

لماذا لا  تربط زوجتك فى الكرسى وتحلق لها بالماكنة على 3

الله يسامحك يا حشيش .. أنت عايز تخرب عليه ؟ ولما انطرد من البيت هاتبقى تنفعني إنت يا سبع البرمبة .

[ragab2]

فتفتق ذهني عن فكرة شيطانية وروحت جايبه ومكتفه في الكرسي وجايب ماكينة الحلاقة والمشط والمقص وهاتك يا جز ...

بتحصل

فى احسن العائلات

وكان كثير من المصريين فى الخليج فى السبعينات تحلق لهم زوجاتهم بماكينة كهرباء مركب عليها كراسى تحدد طول الشعر المراد قصه حيث لم يكن متوفر وقتها حلاقين الا الحلاقين الهنود والباكستانيين وكان منتشرا وقتها أمراض جلدية بينهم والى أن بدأ اللبنانيون فتح محلات حلاقة فى أوائل الثمانينات

[sos]

بمناسبة الحلاقة...

الحلاقة...فى اوروبا غالية حبتين....

مش كده وبس....ولكن فى اغلب الصالونات الخاصة بالحلاقة....مفيش حاجة اسمها كوافير رجالى او حريمى ....كله مع بعضه

المهم اخذ ميعاد...

والانكت....ان الذى يقوم بالحلاقة......

واحدة....

بينى وبينكوا....ان عملت ده مرة واحده....وقلت كفاية...

حاولت اكثر من مرة احلق لنفسى....

الا انى تبت ....اخر مرة

افايا......وصل لنصف دماغى...ومائل مع كل المحاولات لضبطه

mfb: :blink: :blink:

sdm:

[نيرون]

الله اكبر.. mfb:

معلمى مواهبه متعدده ومافيش زايه afr2:

ايوه يا باشا احلق ولا يهمكّّ :blink:

ياريت تحلقلى

احلقلى يا ريس :blink:

انا متأكد انك لو شرفتنى بالحلاقه هاقوم من تحت ايدك شعرى حرير وطويل ومش بعيد ابقى اشقر!!!! rei::

هى دى الرياده والزعامه

واكاد اجزم انك لو عرضت قصه معالى ابن سيادتك هاتفوز بجايزه التصفيف العالميه :blink:

يا رب يحن بقى ويدينى اى دور فى الاشراف او الاعلام او حتى التلفزيزن!!! ان شاله اطلع اوش باليل بعد التلفزيون ما يخلص ) :blink:

سؤال بريء سعادتك؟؟؟؟؟؟؟؟ :blink:

ممكن تجرب فيا الحلاقه الجديده بالايميل؟؟؟؟

قال كوافيرات قال !!!!!!

افففففففففف مليتوا البلد :blink:

تم تعديل 12 فبراير 2004 بواسطة نيرون

[zamalkawy]

الغريب في الموضوع أن زوجتي أتصلت بي في الشغل هذا الصباح

ألم توحى لك هذه العبارة بفكرة شيطانية جديدة cr((: cr((: cr((:...لماذا لا تربط زوجتك فى الكرسى وتحلق لها بالماكنة على 3 cr((: cr((: cr((:...أنا متأكد إنها بعدها حتبقى زى الخاتم فى صباعك h): h): h):...لا تأخذك بها ولا بالأولاد رحمة أو شفقة cr((: :) :P...إستمر فى رسالتك المقدسة التى عاهدت الله عليها فإما النصر وإما أن تفنى دونها :blink: :blink: :blink:...

أخوك

حشيش (وشهرته أبو نوسة)

يا حشيشي يا صاحب الأفكار الجهنمية

طيب ما تبدء انت يا ابو نوسة و احنا وارك امسك المدام و اربطها و احلقلها بس نصيحة الأكياس و السواتير هربها قبل العملية الأنتحارية دي

[se_ Elsyed]

الله اكبر.. :lol:

معلمى مواهبه متعدده  ومافيش زايه afr2:

ايوه يا باشا احلق ولا يهمكّّ clp::

ياريت تحلقلى

احلقلى يا ريس  hypr:

إستنى علي يا أفيونة .. انا نازل مصر في شهر 8 إن شاء الله ومعايا العده ونفسي ومنى عيني اعزم اعضاء الصالون الثقافي - المنتدى سابقاً - يزوروني في صالون الحلاقة بتاع العبد لله والقص ومجاناً ويا سلام عليه وأنا مرصصهم جنب بعض وبأجز في روسهم حته واحده .. علشان من هنا هاتبدأ عملية توحيد الأفكار لأن كل الرووس هاتبقى متساوية وما فيش حد أحسن من حد ....

[أسد]

اكتشفت في نفسي نفس الموهبة منذ عام ونصف ...

فابني لا يجلس تحت يد الحلاق أبداً مهما كان ...

ومهما عملت ...

في مرة حاولت أحلق له عند الحلاق ... رحت للحلاق بتاعي ... قعد يرفص ويعيط .. ويصرخ ... وكان عمره سنة تقريباً ... وبما إن الحلاق تركي ... اتعصب ... ورفض أن يحلق له ...

لفيت بيه على حلاقين المنطقة كلها ... يادوب .. يجلس على الكرسي ... (عبارة عن سيارة لطيفة للأطفال) ويادوب نقرب منه المقص ... يبدأ في الصراخ والعويل والترفيص ....

أخذته ورحت بيه مركز الفيصلية .. للملاهي اللي هناك ... ورحت لحلاق الأطفال المتخصص والمدرب في حلاقة الأطفال الصغار ... ونجحنا بعد عذاب ..

في المرة التالية ...

رحت لنفس الحلاق ... وهو نفس المأساة ... صراخ .. وترفيص ... والحلاق (فلبيني) يدادي فيه ويلاعبه .. وأنا وأمه نلاعبه ونهديه ... وده مفيش فايدة ..

وبعد تقريباً ما الحلاق وصل لنصف رأسه ... الواد فرفر مننا ... من كثر العياط ... فبعد تهدئته .. أخذناه على البيت بنصف راس محلوقة ...

وقعدت أفكر أعمل ايه ... لقيت الحل الوحيد إني أعمل زي ما سي السيد عمل ...

ورحت مشمر ... ورحت جايب ماكينة الحلاقة اللي باظبط بيها لحيتي .. وهي ذات أمشاط تظبط على مقاسات مختلفة ...

وهاتك ياتظبيط ...

انتهت المرة دي بحلاقة جيشي نمرة 2 لإصلاح ما أفسدته ...

وتمرست على نفس الموضوع بعد كده ... وبقيت أحلق له على طول ..

وأرشح نفسي لمشاركتك ياسي السيد في صالون الحلاقة ...

وعينك ماتشوف إلا النور afr2: afr2: afr2:

[ragab2]

مش

ملاحظين ان الموضوع ده رطب شوية والاحسن نخليه للصيف

[فــيــروز]

كنت محرجه اوى ادخل اعلق فى الموضوع اللى عامل زى صالون الحلاقه الرجالى ده lmo:

اصل شكلها مش حلو اما واحده تروح صالون حلاقه رجالى خصوصا لو مش معاها عيل صغير بتحلق له bk:

بس كلامكم ده بيقول ان يا سلااااااااااام خلفة البنات مريحه خالص htr::

ايشى عيال بترفص lmo: و عيال بتعيط mfb: !! طول عمركم متعبين lmo:

طيب ممكن سؤال؟ ليه محدش جرب يسيب شعر الولد يطول لغاية ما يبقى عمره خمس سنين مثلا زى الكابتن شطه؟ rei:: او الخطيب ايام الكنيش؟ mf(

mfb: f((: f((:

تم تعديل 18 فبراير 2004 بواسطة فــيــروز

[se_ Elsyed]

طيب ممكن سؤال؟ ليه محدش جرب يسيب شعر الولد يطول لغاية ما يبقى عمره خمس سنين مثلا زى الكابتن شطه؟ rei::  او الخطيب ايام الكنيش؟  lmo:

طب ليه كده يا باسمهندسة ؟!!!

يعني لما كل واحد يعمل كده أقلب الصالون أنا مسمط.... ولا أسرح بعربية تين شوكي ؟!!!!!

أرجو من السادة الزملاء عدم الإستماع إلى هذه النصائح المسمومة ...

زمان قبل مابقى حلاق كنت معجباني وفرحان بشعري فكنت باطوله أكثر من اللازم فماما كانت تقولي يا س س يا ضنايا لو طولت شعرك هايجيلك أنيميا !!! فكنت أستغرب وأقول لها ليه يا مامي .. أيه علاقة الأنيميا بالشعر الطويل ؟ فكانت تجيبني برأي طبي علمي معملي بإن الشعر الطويل بيسحب من غذاء البني أدم فتلاقي نفسك دايماً هفتان ومسلوع ...

ومع إني بأسمع الكلام وبقيت اقصره لكن برضوا لسه مسلوع .... وحتى مالقتش إجابة لموضوع السلوعة عندها لأن شكلها ماكملتش قراية موسوعة " العلاقة التكعيبية بين الشعر الطويل والأنيميا الإستوائية "

س س حلاق وزن الريشة

[se_ Elsyed]

أخذته ورحت بيه مركز الفيصلية .. للملاهي اللي هناك ... ورحت لحلاق الأطفال المتخصص والمدرب في حلاقة الأطفال الصغار ... ونجحنا بعد عذاب ..

لا حول ولا قوة إلا بالله ... يعني بتيجي من جده علشان تحلق لأبنك في الفيصلية ... صحيح ياولاد تربية العيال مش بالساهل ...

وانا كل ماروح هناك ألاقى هيصة وزمبليطة وناس بتجري وعيال بتعيط ...في أيه يا جدعان يقولوا لي ده أسد جايب الأشبال بتوعه بيحلق لهم ...!!!!

وتمرست على نفس الموضوع بعد كده ... وبقيت أحلق له على طول ..

وأرشح نفسي لمشاركتك ياسي السيد في صالون الحلاقة ...

قشطة يا بو الأسود ...

وأدي المحل زاد كمان كرسي ... بس معليش الفترة الأولانية هاتبقى في مركز تدريب يعني هاتحلق للعيال الصغيرة ... لحد ماتثبت جدارتك ننقلك لقسم الراشدين ... وهكذا إلى أن تصل للحلاقة لأرباب المعاشات ودي اكبر رتبة عندنا ....

ملحوظات تهمك : التيبس كل اللي في المحل بيجمعوه وانا بأفرقه بمعرفتي أخر النهار ... ويوم الأثنين اجازة .....

نقابة الحلاقين ترحب بالأخ أسد عضو عامل بها وتتمنى له حظاً موفقاً وصوماً مقبولاً وإفطاراً شهياً .....

[أسد]

لا حول ولا قوة إلا بالله ... يعني بتيجي من جده علشان تحلق لأبنك في الفيصلية ... صحيح ياولاد تربية العيال مش بالساهل ...

مين اللي قال إني في جده ..

أنا في الرياض من 14 سنة. باروح جده يومين في الشهر بس.

وأدي المحل زاد كمان كرسي ... بس معليش الفترة الأولانية هاتبقى في مركز تدريب يعني هاتحلق للعيال الصغيرة ... لحد ماتثبت جدارتك ننقلك لقسم الراشدين ... وهكذا إلى أن تصل للحلاقة لأرباب المعاشات ودي اكبر رتبة عندنا ....

وإذا حلقت لصاحب المحل ... تدوني الشهادة الكبيرة ؟؟؟؟

ملحوظات تهمك : التيبس كل اللي في المحل بيجمعوه وانا بأفرقه بمعرفتي أخر النهار ... ويوم الأثنين اجازة .....

من أولها ..!!!!

نقابة الحلاقين ترحب بالأخ أسد عضو عامل بها وتتمنى له حظاً موفقاً وصوماً مقبولاً وإفطاراً شهياً .....

وتصبح على خير ...

lmo: mf( htr:: mfb: lmo: lmo: cbyb: cbyb: cbyb:

[فــيــروز]

يعني لما كل واحد يعمل كده أقلب الصالون أنا مسمط.... ولا أسرح بعربية تين شوكي ؟!!!!!

وهى العيال هيقف نموها عند خمس سنين !! lmo:

ما تحلق للعيال اللى اكبر من خمسه !! lmo:

أرجو من السادة الزملاء عدم الإستماع إلى هذه النصائح المسمومة ...

يا جماعه ده الواد عمر ابنه خرج من تحت ايديه عيان يا حبة عين امه mfb: !! على العموم انتم احرار lmo:

زمان قبل مابقى حلاق كنت معجباني وفرحان بشعري فكنت باطوله أكثر من اللازم فماما كانت تقولي يا س س يا ضنايا لو طولت شعرك هايجيلك أنيميا !!!

الله الله الله .. هو انت كنت مطوله اد ايه بالظبط !! f((: rei:: mf(

س س حلاق وزن الريشة

عملوا وزن جديد مخصوص عشانك سموه وزن الشعره mfb:

وأدي المحل زاد كمان كرسي ... بس معليش الفترة الأولانية هاتبقى في مركز تدريب يعني هاتحلق للعيال الصغيرة

بس من كلامكم يتضح ان الحلاقه للعيال الصغيره هى الاصعب f((: !! يعنى مفروض يتمرن فيك انت الاول htr::