تعليم الطفل استخدام البوتي او القصرية ..

[doha]

من يومين شفت مشاركة هنا بيسألوا فيها عن طريقة تعويد الطفل على استخدام البوتي ( القصرية ) .. ولان الحكايه دي ( مشكلة ) خاصه للامهات الجدد ولاني سبق زمان من كام سنة كنت كتبت موضوع عن خبرتي مع الحكايه دي فقلت احطه لكم هنا وان شاء الله يفيد الي عاوزه تبدأ في تعليم ابنها الاستغناء عن الحفاظات ..

**** ماهي القصرية .. ****

القصرية او النونية ( البوتي ) هي وعاء بلاستيكي يتم اجلاس الطفل عليه لتدريبه على قضاء حاجته به كتمهيد لتدريبه على قضاء حاجته في الحمام .. وهي تأتي باشكال متعددة فمنها ماهو على شكل وعاء أو على شكل كرسي وقد تأتي على هيئة حيوانات وكلها متشابهة في الوظيفة .

**** لماذا تدربين طفلك على استخدام القصرية.. ****

وهنالك مميزات عديدة لتدريب الطفل على استخدام القصرية لقضاء حاجته في سن مكبرة بخلاف كونها الخطوة الاولى لتعليمه على استخدام الحمام ومن هذه المميزات ..

تسهل عملية تنظيف الطفل بعد الحمام: حيث ان مخلفات الطفل لاتكاد تلامس جسده مما يسهل عملية التنظيف كثيرا وهو عكس الحال حين يقضي حاجته في الحفاظ حيث تحتاج منطقة الحفاظ بالكامل إلى تنظيف.

تقضي على التسلخات : إذا علمنا ان السبب الرئيسي في التسلخات هو بقاء فضلات الطفل ملتصقة بجلده لفترات طويلة نسبيا فإن تعويد الطفل على قضاء حاجته خارج الحفاظ يقي من هذه المشكلة خاصة لو واظبت الأم على استخدام القصرية لعدة مرات يوميا وهذا الامر ستلاحظه الام بسهولة بمجرد تعويدها الطفل قضاء حاجته في القصرية.

تساهم في تنمية ذكاء الطفل : فعندما يبدأ الطفل في سن مبكرة الربط مابين جلوسه على القصرية وبين قضاء حاجته فهذا يساعده على التفكير والتحكم في حواسه وجسده بخلاف قضاء حاجته في الحفاظ والتي لاتنطوي عليها اي مهارة .

توفير في استخدام الحفاظات : عند المواظبة على استخدام القصرية لعدة مرات يوميا يمكن إطالة المدة بين عملية تغيير الحفاظ بآخر وبالتالي نقلل من عدد الحفاظات المستهلكة يوميا حتى انه يمكن الاكتفاء بحفاظين على الأكثر يوميا أو الاستغناء عنها تماما ( يتوقف الأمر على مواظبة الأم في وضع الطفل على القصرية) .

تقلل عدد مرات التبرز في اليوم: وذلك لانها تساعد الطفل على اخراج مافي بطنه دفعه واحده, مما يريح الأم من عملية التنظيف المتكرر .

**** متى تبدئين في تعليم طفلك استخدام القصرية... ****

الخطوة الاهم في تعليم الطفل هي البداية المبكرة فكلما بدأت والطفل في سن صغيرة كلما كان تعليمه اسهل .. نصحتني كثير من الامهات الآتي سبقنني في تعليم اطفالهن بالبدأ في اجلاس الطفل على القصرية من بعد الاربعين يوم مباشرة ولكني شخصيا بدأت بتعليم ابنتي حين بدأت تستطيع الجلوس بمسانده اي في نهاية الشهر الثالث تقريبا وهو الموعد الذي انصح الامهات في بدأ تعليم ابنائهن فيه ..

الفائده التي اكتسبتها من اختيار هذه السن بالتحديد ان الطفل يكون في هذا العمر "متشوق" ليجلس بعد ان قضى شهرين او اكثر مستلقيا ولذلك فسوف يكون سعيدا حين تضعيه جالسا على القصرية وسيستجيب للبقاء عليها مدة اطول خاصة وهو لم يتعلم الحركه بعد ولايستطيع المشي او الوقوف .. بينما لو تأخر التعليم لما بعد الشهر الثامن مثلا حين يكون بمقدور الطفل الحركه ومحاولة الحبو فسوف لن يستجيب للبقاء على القصرية المده الكافية وسوف يفضل ان يتركها ليبحث عن شئ آخر يلهوا به ..

إذا فلديك الفترة مابين عمر اربعين يوما وحتى الشهر السادس لتبدئي في امان واذا مازاد عمر الطفل عن ذلك فيمكنك ان تبدئي ايضا ولكن قد تكون البداية صعبة قليلا ..

*****ماهي افضل الاوقات لوضع الطفل على القصرية ******

يتم وضع الطفل على القصرية حين تشعريه انه يقوم بقضاء حاجته أوحين يتوقع انه يرغب في ذلك ويكون ذلك غالبا عند استيقاظ الطفل من النوم مباشرة أو بعد تناوله لطعامه .. سوف تتخيرين هذه الاوقات في البداية وحتى يعتاد الطفل على قضاء حاجته بمجرد جلوسه على القصرية وفي هذه الحالة يمكنك اجلاس الطفل عليها في اي وقت وعدم التقيد باوقات محدده ..

**** كيف تبدئين في تعليم الطفل استخدام القصرية *****

الفكرة هي خلق ارتباط شرطي في ذهن الطفل مابين جلوسه على القصرية وبين قضاء حاجته بحيث تتحين اوقات قضاء الطفل حاجته لوضعه على القصرية واذا ماقام بذلك وبعد مرة او مرتين سوف يعتاد الامر وفي المرات التالية وان كانت مثانة الطفل او امعائه ممتلئة وبمجرد وضعه على القصرية فانه سيقضي حاجته فورا ... ولكن كيف يعتاد الطفل الامر ..

في البداية وحين لايكون الطفل قد اعتاد القصرية بعد حاولي ان تضعيه عليها على فترات متقاربة ولعدة مرات في اليوم

إحتفظي دائما بالقصرية في مكان ثابت قريب من مكان نوم الطفل وفي متناول يدك .. ثم وان احسست ان الطفل يقوم بقضاء حاجته او يتوقع ان يقضي حاجته الآن قومي فورا باحضار القصرية .

ضعي القصرية على الارض أو على السرير حيث تجلسين بحيث تكون افقية وثابته ثم انزعي ملابس الطفل السفلية عنه كذلك الحفاظ واجلسيه عليها بحيث يكون الجزء البارز لأعلى من مقدمة القصرية للأمام .

يفترض ان الطفل لم يتعلم الجلوس بمفرده بعد ولهذا كوني حريصه على ( سند ) ظهر الطفل بيديك او تدعيم ظهره بوساده صغيرة اثناء جلوسه .

في الشتاء وحين يكون الجو باردا يمكنك ان تلفي وسط الطفل وحتى قدميه ببطانية او غطاء لتدفئته ( لفيه وهو جالس بحيث تغطى القصرية معه ايضا ) .

قومي بالهاء الطفل باي شئ فترة جلوسه على القصرية حتى لايمل .. اتركيه حتى يقضي حاجته فإن انقضت حوالي حتى تنقضي حوالي عشر دقائق ولاتجلسيه اكثر من ذلك واذا وجدت ان الطفل لم يقضي حاجته فلا مشكلة فهو لن يعتاد ذلك من المرة الاولى ارفعيه من على القصرية والبسيه الحفاظ ..

لا تجبري الطفل ابدا على الجلوس لعده ساعات على القصرية كما لاتعمدي لاستخدام العنف او الصراخ معه حتى لايؤدي ذلك لعملية عكسيه .

بعد ان ينتهي الطفل من قضاء حاجته قومي بتنظيفه بقطنه مبللة بقليل من الماء الدافئ أو اغسلي منطقة الحفاظ مباشرة تحت ماء الصنبور الجاري .. لاداعي لاستخدام الصابون .. ثم جففي جيدا بالربت الخفيف على جلد الطفل بالفوطه حتى يجف .. البسيه الحفاظ .

**** كيف تنظفين القصرية ****

• لاتتركي القصرية محتوية على فضلات الطفل ابدا وتحت اي ظرف من الظروف بل نظفيها فورا وبمجرد انتهاء الطفل من استخدامها .
  قومي بوضع قليل من الماء في القصرية مع تحريكها بهدوء ثم القي مابها في كرسي الحمام .. قومي بشطفها من الداخل بتيار من الماء المتدفق بقوه ....
  يمكنك تخصيص ليفة لتنظيفها اذا اقتضى الامر ذلك كما ويمكنك استخدام احد المنظفات المنزلية كمسحوق الغسيل في تنظيفها على ان تشطفيها جيدا بعده .
  قومي من وقت لآخر بشطفها من الداخل والخارج بديتول او اي مطهر تفضلين.
  بعد ان تنتهي من تنظيف القصرية ضعيها في مكانها مقلوبة حتى تتخلص من الماء الزائد ولتبقى جاهزة للاستخدام التالي .
  لاتتركي القصرية في الحمام ابدا حتى لاتتلوث فقد تضطرين في بعض الاحيان لوضعها على السرير او ماشابه فحافظي عليها نظيفه .
  

**** بعد ان يتعلم الطفل استخدام القصرية *****

سوف يحتاج طفلك فترة حوالي اسبوع من التدريب وربما اقل من ذلك حتى يعتاد قضاء حاجته في القصرية وعندها يتعين عليك ان تواظبي على استخدام القصرية له حتى يبدأ في تعلم الكلام وحينها وبعد يمكنك تعليمه الانتقال من إستخدامها لاستخدام الحمام مباشرة ..

اذا كان طفلك قد تعلم استخدام القصرية قومي بوضعه عليها بعد كل وجبه كذلك قبل تغيير الحفاظ وقبل نومه وعند استيقاظه.. يكتفى باجلاسه عليها لدقيقتين او ثلاث فاذا لم يقضي الطفل حاجته بعدها فهذا معناه انه ليس بحاجه لذلك . ومع الوقت سوف تكتسبين الخبرة التي تؤهلك لمعرفة إحتياجات طفلك وان كان في سبيله لقضاء حاجته ام لا .

وتذكري فكلما اكثرت من عدد المرات التي تضعين بها طفلك على القصرية كل يوم كلما لمست فوائدها بشكل اوضح . واخيرا وحين يتعلم طفلك الذهاب للحمام فقولي وداعا للحفاظ

هذا خلاصة ماتبعته مع ابنتي لتعليمها استخدام القصرية جزى الله كل خير الامهات الاتي اشرن على في ذلك واتمنى ان اجد قريبا مشاركات تبشرني بنجاح هذه الطريقة معكن ايضا ..

ان استفدتي من هذا الموضوع فلاتنسيني من الدعاء لي وابنتي وزوجي بما تحبين

[pocy]

اولا : اشكرك جدا جدا على الموضوع الممتاز والنصائح الغاليه واللى جايه من خبره مأكده

ثانيا : انا لي تعقيب بسيط على الموضوع ده انا بتابع برنامج العياده على قناه الحياة والدكتور اكتر من مره بيقول ان النظام الاخراجى والتحكم فى الاخراج لا يتم الا بعد العامين او بعض الاطفال بيكون بعد ذلك فلا نجهد الطفل فى هذا الامر وان نغصبه على عمل البيبي فى البوتى ولا نحاول قبل هذا العمر حتى لا يكون متعب للام وللطفل ايضا والله اعلم انا بدأت بصراحه من 8 شهور انى بقعده عليها كل فتره وانا حاطاها فى غرفه المعيشه حتى تكون بجانب ايدى دايما وامام التلفاز حتى لا يمل الطفل ولكن الى الان لم يتم عمل الحمام فيها وانا اتابع معه مره او مرتين يوميا وفى الشتاء لم ارد ان يجيله برد من القلع كل فتره فتراجعت عن تدريبه عنها وان شاء اله هرجع مره تانيه بمأن الحر بدأ مره اخرى ولكن سن تلات شهور اعتقد انه مبكر جدا والله اعلم

ثالثا : بارك الله فيكى وفى زوجك وفى ابنتك وويسر لك امورك جميعها يارب

رابعا : مره تانيه بشكرك على النصايح الغاليه ولو سمحتى سأقوم بوضع هذا اللنك فى نون النسوه لانه بيهم امهات كثيرون

[om marawan]

شكرا للفاضلة ضحى على موضوعها المفيد للامهات الجداد

ربنا يباركلك فى زوجك واسرتك وبنتك ويحفظكم من كل سوء :)

انا فعلا اول مرة أشوف حد جرب فعلا موضوع التدريب من بدرى كده وان كان زى مابوسى قالت هو بيكون تعويد لكن الطفل مابيتعلمش فعلا التحكم قبل السن الطبيعى لنمو جسمه وتحكمه فى العضلات

وده برضه امل للامهات اللى اطفالهم اكبر من السن اللى حضرتك ذكرتيه ... ههههههههه

مرة تانية شكرا جدا لاهتمامك وموضوعك الجميل وبجد تسم ايدك

[doha]

اولا : اشكرك جدا جدا على الموضوع الممتاز والنصائح الغاليه واللى جايه من خبره مأكده

ثانيا : انا لي تعقيب بسيط على الموضوع ده انا بتابع برنامج العياده على قناه الحياة والدكتور اكتر من مره بيقول ان النظام الاخراجى والتحكم فى الاخراج لا يتم الا بعد العامين او بعض الاطفال بيكون بعد ذلك فلا نجهد الطفل فى هذا الامر وان نغصبه على عمل البيبي فى البوتى ولا نحاول قبل هذا العمر حتى لا يكون متعب للام وللطفل ايضا والله اعلم انا بدأت بصراحه من 8 شهور انى بقعده عليها كل فتره وانا حاطاها فى غرفه المعيشه حتى تكون بجانب ايدى دايما وامام التلفاز حتى لا يمل الطفل ولكن الى الان لم يتم عمل الحمام فيها وانا اتابع معه مره او مرتين يوميا وفى الشتاء لم ارد ان يجيله برد من القلع كل فتره فتراجعت عن تدريبه عنها وان شاء اله هرجع مره تانيه بمأن الحر بدأ مره اخرى ولكن سن تلات شهور اعتقد انه مبكر جدا والله اعلم

ثالثا : بارك الله فيكى وفى زوجك وفى ابنتك وويسر لك امورك جميعها يارب

رابعا : مره تانيه بشكرك على النصايح الغاليه ولو سمحتى سأقوم بوضع هذا اللنك فى نون النسوه لانه بيهم امهات كثيرون

معلومه ان الطفل مش بيقدر يتحكم في الاخراج قبل سن سنتين معلومه صحيحه تماما .. بس في نفس الوقت لا تنفي ابدا اننا نبدأ تعليمه البوتي من دلوقت بل لا علاقة للاثنين ببعض .

قبل السنتين مبيكونش الطفل وصل للتحكم الاقصى في عضلات المثانة وعلى هذا مش ممكن الطفل يقدر ( يمسك نفسه ) لغايه مايدخل الحمام ولو ( انزنق ) بيعملها على نفسه وبالتالي فمش من الحكمه ابدا اننا ( نعنف ) طفل صغير عشان مسمعش الكلام او مقالش انه عاوز يروح الحمام ..

اما الي احنا بنعمله لما نبدأ تدريبه بدري مش اننا نعلم الطفل ( ميعملش حمام غير في القصرية ) وانما اننا نعمل له ( ارتباط شرطي ) مابين جلوسه عليها وبين قضاء حاجته وبالتالي خلاص بيقضي يومه وبطنه فاضيه مفيهاش حاجه تضطره يعملها على نفسه . هنوصل في النهايه الى انه مش هيعملها غير في القصرية برضه .

عارفه بالظبط زي ايه ..لو عندك طفل كبير شويه متعود يرجع من برا يدخل الحمام على طول .. هتلاقيه مهما تاخر بره او رجع بدري بيرجع جري على الحمام ومبيكونش قادر يمسك نفسه كمان مع انه ممكن يكون قبلها بيوم مثلا متاخر ساعه زيادة عن النهرده ومسك نفسه فيها عادي ومفكرش في الحمام من اساسه لكن الفكره انه ارتبط في ذهنه انه مجرد مايدخل باب البيت يروح على الحمام .. هتلاحظيها كويس لما يدخل ابنك المدرسة باذن الله هتلاقيه بيرجع جري على الحمام عدل مهما خرج بدري او رجع متاخر ..

ازاي قدر يمسك نفسه طول ماهو برا وليه مش قادر يمسكها لما دخل ؟ هو الارتباط الشرطي السبب .

ابدئي من دلوقت تعليمه استخدام البوتي اريح لك وله وهتحسي بفرق شاسع ومجهودك مع تنظيفه هيقل للربع ويمكن اقل كمان ..

[om marawan]

اسمحولى اضيف كمان بعض النصايح فى التعليم للسن اللى انا جربت فيه وهو نقدر نقول من 18 او 20 شهر وطالع

1- مبدئيا الأفضل تبدأى فى الصيف وتجهزى بأه قد 10 شورتات مثلا يكونوا سهلين فى اللبس والقلع و قطن خفيف عشان يسهل غسيله وتغييره

2- يفضل تكونى فى الوقت ده ماعندكيش ارتباطات خروج او حاجة لمدة اسبوع مثلا لانك ساعتها هتضطرى يلبس الحفاض تانى وكده هنشتت تفكيره بأه :blush2:

3- حاجة مهمة جداا ان بالك يكون طويل جداا وماتتعصبيش خالص وهتبدأى تفهمى الطفل واحدة واحدة وتعلميه كلمة بسيطة يعبر بيها

زى بى بى مثلا او بوبو او اى حاجة تكون سيم بينكم يعنى هههه

4- حاولى تعرفى الاوقات وتقدرى لو شرب سوايل اكتر فى يوم تخليه يقعد ع البوتى او حتى الحمام أكتر وطبعا مهم تمدحيه وتشجعيه لو عمل فعلا وممكن كمان لو حتى استخدم البوتى فعلا بدون مايعمل يعنى انا كنت بادى بنتى أوقات حاجة حلوة او بالونة او اى حاجة تلعب بيها وهى قاعدة

5- الاول الطفل ممكن مايعملش ابدا فى البوتى ويعمل برة ساعتها هتفهميه بهدوء المرة الجاية فى البوتى او المرة الجاية تقول بيبى

6- على فكرة اول تحسن هتلاحظيه هيكون لما يقولك بعد مايعمل فعلا !!! مش بيغيظك يعنى بس ده فعلا معناه انه فهم الفكرة

7- بالنسبة لفترة بالليل لازم هيدخل قبل ماينام وهتحتاجى تصحيه بعد الفجر مثلا فى الاول يدخل تانى لكن زودى كل مرة ساعة عشان يتعود ينام للصبح مع الوقت بدون دخول الحمام وطبعا ضرورى تمنعى السوايل الكتير اخر ساعتين قبل النوم يعنى يادوب المية وبس

بشكل عام كل ماكانت الفترة دى فى البيت بدون خروج هتاخدى وقت اقصر لانه فى الخروج هيرجع يلبس الحفاظ وده بيطول مدة التعلم المهم طولى بالك جدا ومع الوقت نبهيه بشكل جدى اكتر بس شوية بدون زعيق او حاجة وشجعيه ان المرة الجاية فى البوتى

اخيراااا

ماوصكيش كل ماتخرجى باه تاخدى معاكى غيارين كاملين للطوارىء :)

معلش ده اللى انا فاكراه فى الموضوع ده حاليا

واعتقد كان فيه موضوع برضه من حوالى سنة فيه خبرات امهات من المحاورات

تم تعديل 23 فبراير 2010 بواسطة om marawan

[om marawan]

انا معاكى جدا يا ضحى فى موضوع الارتباط الشرطى بس تقدرى تقولى احنا اللى بنكسل نعلمه مرتين بناخدها علقة واحدة وخلاص ههههههه

[doha]

اسمحولى اضيف كمان بعض النصايح فى التعليم للسن اللى انا جربت فيه وهو نقدر نقول من 18 او 20 شهر وطالع

1- مبدئيا الأفضل تبدأى فى الصيف وتجهزى بأه قد 10 شورتات مثلا يكونوا سهلين فى اللبس والقلع و قطن خفيف عشان يسهل غسيله وتغييره

2- يفضل تكونى فى الوقت ده ماعندكيش ارتباطات خروج او حاجة لمدة اسبوع مثلا لانك ساعتها هتضطرى يلبس الحفاض تانى وكده هنشتت تفكيره بأه :blush2:

3- حاجة مهمة جداا ان بالك يكون طويل جداا وماتتعصبيش خالص وهتبدأى تفهمى الطفل واحدة واحدة وتعلميه كلمة بسيطة يعبر بيها

زى بى بى مثلا او بوبو او اى حاجة تكون سيم بينكم يعنى هههه

4- حاولى تعرفى الاوقات وتقدرى لو شرب سوايل اكتر فى يوم تخليه يقعد ع البوتى او حتى الحمام أكتر وطبعا مهم تمدحيه وتشجعيه لو عمل فعلا وممكن كمان لو حتى استخدم البوتى فعلا بدون مايعمل يعنى انا كنت بادى بنتى أوقات حاجة حلوة او بالونة او اى حاجة تلعب بيها وهى قاعدة

5- الاول الطفل ممكن مايعملش ابدا فى البوتى ويعمل برة ساعتها هتفهميه بهدوء المرة الجاية فى البوتى او المرة الجاية تقول بيبى

6- على فكرة اول تحسن هتلاحظيه هيكون لما يقولك بعد مايعمل فعلا !!! مش بيغيظك يعنى بس ده فعلا معناه انه فهم الفكرة

7- بالنسبة لفترة بالليل لازم هيدخل قبل ماينام وهتحتاجى تصحيه بعد الفجر مثلا فى الاول يدخل تانى لكن زودى كل مرة ساعة عشان يتعود ينام للصبح مع الوقت بدون دخول الحمام وطبعا ضرورى تمنعى السوايل الكتير اخر ساعتين قبل النوم يعنى يادوب المية وبس

بشكل عام كل ماكانت الفترة دى فى البيت بدون خروج هتاخدى وقت اقصر لانه فى الخروج هيرجع يلبس الحفاظ وده بيطول مدة التعلم المهم طولى بالك جدا ومع الوقت نبهيه بشكل جدى اكتر بس شوية بدون زعيق او حاجة وشجعيه ان المرة الجاية فى البوتى

اخيراااا

ماوصكيش كل ماتخرجى باه تاخدى معاكى غيارين كاملين للطوارىء :)

معلش ده اللى انا فاكراه فى الموضوع ده حاليا

واعتقد كان فيه موضوع برضه من حوالى سنة فيه خبرات امهات من المحاورات

شكرا ام مروان على اضافاتك القيمه فعلا ..

وعلى فكره لو بدانا مع الطفل في سن مبكره ( قبل السنة ) هنوفر على نفسنا كتير جدا من التعب الي هيحصل بعد كده .. وبالمناسبة برضه قبل السنة مش هتبقي مضطره انك تقلعيه الحفاظه هتبقى البوتي مع الحفاظه الى ان يبدا في استخدامها ساعتها هتستغني عنها تماما ..

ملاحظة مهمه ان الطفل بعد مايكون انتظم في استخدام البوتي بيرجع كتير ( ينتكس ) ويعملها على نفسه تاني .. ده شيء طبيعي جدا وهترجعي تعلميه وعادي هيرجع يتأقلم اسرع من المرة الاولى ..

حاجه تانيه لك يابوسي على وجه الخصوص .. اوعي تعلمي ابنك اليومين دول على البوتي لانه في مرحلة الفطام دلوقت صعب اوي تعلميه اي حاجه جديده في الفترة دي والا هيكره الاثنين .. انتظري لما ينفطم تماما وابدئي .

[pocy]

حان الوقت حتى ارجع مره اخرى لهذا الموضوع القيم جدا فى نظرى والمداخلات الثريه لاخت ضحى والاخت أم مروان

وهبدأ بطرح مشكلتى انا بكل بساطه بدأت من اربع ايام اعلم عمر البوتى وقلعته من كام يوم البامبرز وبلبسوه بس وقت النوم او الخروج بس انا عامله حسابي انى مخرجش الاسبوع ده علشان مش البسه البامبرز ويتشتت المهم بدأت مع عمر وكانت النتيجه صفر فى البوتى 100% فى الهدوم ولله الحمد بس هو الان بقي بيقلي ماما بيبي وهو لسه بيعمل وبالتالى عقبال مااجيب البوتى ف ثانيه يكون الموضوع انتهى وبجد ظهرى اتقطم

انا كل شويه(ربع ساعه) اقعده عليها ومش بيعمل ولما يقوم بيعملها هتجنن وبقيت اساله فى بيبي يقلي بيبي ساعات لا وساعات يقلي اه علشان بس يقلع ويقعد يلعب و بجد اجهدنى الموضوع جدا انا مش بزعقله ولا حاجه بس بعد كل مره بفهمه ان مفروض يعمل فى البوتى وغلط يعمل فى الهدوم

بس للاسف لا حياه لمن تنادى

فياريت حد يقلي انا كده صح وكمان حد يقلي الموضوع بياخد أد ايه ؟؟؟؟؟؟؟؟؟؟؟؟؟؟؟

يا معين يارب صبرنى على اللى انا فيه...................

[jasmin hamed]

اولا ضحى تحيه و عايزه اقولك اختى ابتديت مع بنتها من سن 40 يوم فعلا و الحقيقه لما البنت وصلت 9 شهور تقريبا ماكنتش بتلبس بامبرز

و انا رغم اقتناعى الشديد بضروره عمل الموضوع ده بدرى النى و لظروف خارجه عن ارادتى للاسف مابتديتش بتعويد ابنى الا بعد السنه

المهم يابوسى انا عايزه اقولك عادى خالص عمر مش فاهم اصلا هوه قاعد ليه و هيخدله شويه المهم ماتخليش الوقت الى بيعده على البوتى ده وقت عذاب او عياط حاولى تعمليله حاجه تشغل وقته

يعنى مثلا مع ابنى كنت بديله الدايره الى بتعمل فقاعات او اديله الماشه يلعب بيها و بلاش تحطيه كل ربع ساعه عشان مايكرهش حياته بعد كل وجبه و اول مايصحى من النوم

و لازم لو عمل مره تشجعيه و تديله حلجه حلوه مثلا مصاصه او بونبون و بالطريقه ديه يعرف انوا مثلا عشان اخد بون بون لازم اعمل فى البوتى و لو عمل على روحه ماتزعقيش بس خدى منه جنب حسسيه انك مش مبسوطه و قليله مافيش بونبون و خديه ذى ماهو و ديه الحمام

عشان يفهم هوه كان المفروض يعمل ايه عموما ده الى عملته تقريبا بالحرف و فى خلال شهر تقريبا كان منتظم فى الحمام

[pocy]

جزاكى الله خيرا جاسي على ردك الجميل يعنى انا تقريبا ماشيه صح بس هو شهر مش كتير بس يا معين دانا بقول بقالى اربع ايام والواد طلع غبي ياترى لمين (هههههههههههههه)

طب ع العموم انا هصبر وان شاء الله المره الجايه فى طفلي التانى ناويه اعمل من اول يوم الولاده هههههههههههههههههه علشان الموضوع ده متعب فعلا وربنا يكرمك يا امى وييسرلك امورك وتدخلى الجنه من اوسع ابوابها وبجد عذبناكى يا حبيبتى وربنا يعينك علينا حتى واحنا كبار

[doha]

المشكلة يابوسي انا ناسية بالظبط الحكايه دي بتاخذ وقت قد ايه بس الي فاكراه كويس ومتاكده منه ان اول مرة بس عملت في البوتي خلاص كانت فاتحه خير وكملت على كده . . انتي هتتعبي بس لغايه مايعملها مرة وحده على الاقل وبعدها هو هيفهم لوحده ويعرف السكه

على كل حال الموضوع ده انا كتبته من زمان اوي ايام ماكنت لسه معلمه بنتي من فترة قريبة انا حتى ناسية كتبت فيه تفاصيل ايه ويمكن الي هقوله دلوقت اكون قلته قبل كده بس معليش نقوله تاني ..

اهم حاجه بشدد عليها انك متفقديش صبرك عليه ابدا ولا تتنرفزي او تستعجليه او تتضايقي انه عمل برا لانه هو غصب عنه مش فاهم وممكن مش عارف فمتحمليهوش فوق طاقته .. ابتسامه وخلاص وامرك لله

واخيرا في حاجه انا شاكه فيها .. دلوقت الطفل لما بيعمل حمام على نفسه مش احنا بنعمل ناصحين ونقوله يييه ويع وليه كده وكخ والشاطرين يعملوا في البوتي .. الخ

اعتقد والله اعلم احنا كده ممكن نكون بنعقد المشكلة لانه ممكن ميكونش فاهم احنا بنزعق او متضايقين على ايه .. وممكن جدا يعتقد اننا زعلانين مش عشان هو عمل على الارض وانما لانه عمل ( بمزاجه ) وبالتالي يفضل ماسك نفسه حتى وهو على البوتي وميعملش غير لما يبقى خلاص مش قادر يحتمل اكتر

اعتقد ان التشجيع هو احسن طريقة وبيقولوا في طرق تساعد على تشجيع الطفل زي انك تفتحي امامه حنفيه ماء جاري او تحطي ايده في كوبايه ميه

[عشق الكلمات]

شكرا جزيلا

انا بحاول مع بنتى

[pocy]

ابى رجع عن اللى اتعلمه ومش بقي يقلي بيبي خالص بقي بيعملها على نفسه ومن غير ما يقول والله تعبنى نفسيا تعب اسبوع راح على الفاضي

دلونى يا اهل الخير

[doha]

ابى رجع عن اللى اتعلمه ومش بقي يقلي بيبي خالص بقي بيعملها على نفسه ومن غير ما يقول والله تعبنى نفسيا تعب اسبوع راح على الفاضي

دلونى يا اهل الخير

عادي ( الانتكاسه ) محطه طبيعية لازم يمر بيها في مشوار تعليمه الاستغناء عن الحفاظ .. كل الاطفال كده بيكون بدأ ينتظم وفجأه يرجع اسوأ من الاول

اصبري عليه كام يوم بدون اي انفعال او ضغط وارجعي علميه تاني من الاول مش هياخذ معاكي وقت وهيرجع للحمام بسرعه وباذن الله بتبقى عوده دائمه هيمشي بعدها زي الالف

[عادل أبوزيد]

دعونا من السياسة ليس من الطبيعي ان نترك امور حياتنا الخاص و نغرق أنفسنا بالسياسة. في الظروف الضبابية التي نعيشها الان

ما سبق كان استهلالا لابد منه

ليتنا نتشارك هنا في خبراتنا الحياتية. و بالنسبة للسياسة يجب الا تطغي علينا

الفضليات اللائي شاركن في هذا المضوع. نفتقد اقلامكن و افكاركن