إنا لله وإنا إليه راجعون : وفاة شيخ الأزهر

[se_ Elsyed]

توفي صباح اليوم شيخ الأزهر الدكتور محمد سيد طنطاوي أثناء زيارته للسعودية ..

أعتقد إن كان سبب الزيارة هو حضور حفل توزيع جائزة الملك فيصل العالمية لخدمة الإسلام الذي عُقد بالأمس

[se_ Elsyed]

مراسل الجزيرة: وفاة شيخ الأزهر محمد سيد طنطاوي خلال زيارة للسعودية

[shiko]

انا لله وانا اليه راجعون...البقاء والدوام لله

[sayed_ossman]

توفي فضيلة الإمام الأكبر الدكتور محمد سيد طنطاوي شيخ الأزهر بالمملكة العربية السعودية إثر أزمة قلبية.

وكان طنطاوي في زيارة إلى المملكة لحضور حفلة منح جائزة الملك فيصل العالمية لخدمة الإسلام للفائزين بها هذا العام.

[الغريب]

اللهم أرحم موتانا وموتى المسلمين وتجاوز عنّا

[أشرف محمد]

إنا لله و إنا إليه راجعون

[doha]

لااله الاالله انا لله وانا اليه راجعون

فعلا وما تدري نفس باي ارض تموت ..

لو اندفن بالبقيع يبقى بجد الراجل ده ربنا ختم له كويس ..

الله يرحمنا جميعا برحمته ويرزقنا حسن الخاتمه ..

[أشرف محمد]

إنا لله و إنا إليه راجعون

[jgeorge]

رحيل شيخ الأزهر محمد سيد طنطاوي إثر إصابته بأزمة قلبية

دبي - العربية.نت

توفي الأربعاء 10-3-2010 الشيخ محمد سيد طنطاوي شيخ الجامع الأزهر في العاصمة السعودية الرياض إثر إصابته بنوبة قلبية، وكان متواجدا هناك للمشاركة في حفل توزيع جوائز الملك فيصل العالمية.

وكان طنطاوي قد ولد في 28 تشرين الأول (أكتوبر)، وحصل على على شهادة الدكتوراة في الحديث والتفسير عام 1966 بتقدير ممتاز، وعمل مدرسا في كلية أصول الدين، ثم انتدب للتدريس في ليبيا لمدة 4 سنوات.

وعمل الشيخ طنطاوي في المدينة المنورة عميدا لكلية الدراسات الإسلامية العليا بالجامعة الإسلامية، وفي 28 أكتوبر من عام 1986 عين مفتيا للديار المصرية، ثم عين شيخا للأزهر عام 1996.

[عاشق]

إنا لله وإنا اليه راجعون

[اغابي]

اووووووف .... يا خبررررر معقول

صدقونى انا زعلت بجد - ايه الخبر الوحش داه على الصبح -

انا كنت بحب اوى الراجل داه وبحترمه - كان هادي جدا وصوته هادي وبسيط فى معاملته ومبتسم وردوده حكيمة ومناقشاته هادية وودية

- ومتفاهم - اد ايه زعلت علي .

ربنا يرحمه ويرحم امواتنا جميعا

اغابي

[myusername]

إنا لله..... و إنا اليه راجعون.

[msayed]

ربنا يرحمه ويغفر لنا وله ويسكنه فسيح جناته

تم تعديل 10 مارس 2010 بواسطة msayed

[عنبو]

انا لله وانا اليه لراجعون

البقاء لله

[Salwa]

لااله الاالله انا لله وانا اليه راجعون

فعلا وما تدري نفس باي ارض تموت ..

لو اندفن بالبقيع يبقى بجد الراجل ده ربنا ختم له كويس ..

الله يرحمنا جميعا برحمته ويرزقنا حسن الخاتمه ..

الله يرحمه ويرحم امواتنا جميعا ..

الاخت الفاضلة / ضحى .

دايما الناس بتقول كلمتك دى ..لكن؟؟

هل كل الناس اللى مدفونة فى البقيع ربنا راضى عنها ؟؟ هل كلهم صالحين؟؟..هل..وهل..وهل ...!!!

مش عارفة ...لكن بالتأكيد لى عودة ان شاء الله للتحدث فى هذا الموضوع خصيصا ..

بالنسبة لوفاة شيخ الأزهر ..

الشئ الغريب فعلا فعلا ...فعلا.

ان الفضائية المصرية قالت الخبر من حوالى ساعة ونصف.......عبارة عن خبر عاجل...توفى شيخ الأزهر اليوم اثر ازمة قلبية فى الرياض

سطر واحد يعنى ...ومن غير كلام...وبدون اى ينقطع اى ارسال .... :sad:

كان فيه برنامج فيتنس ....كملوا عاااااااادى...وبعدها اعلانات واغانى عااااااادى برضه.....ثم..

برنامج مطبخ....طعم تانى ....ثم ...خبر آخر .. خبر عاجل....توفى شيخ الازهر اليوم اثر ازمة قلبية فى الرياض فى مطار الملك خالد.

سطر واحد برضه ...

وبعدها...عااااااادى ..........تمثيلية ...مواطن بدرجة وزير ..!!!!!!!!

معقول ؟؟؟؟؟؟؟

شيخ ازهر مصر...الأزهر منارة العلم على مستوى العالم الاسلامى كله ......يتوفى من يمثله ...ومحدش يعبره كدة ؟؟؟؟؟؟؟؟؟؟؟؟؟

معقول ؟؟

طيب مفيش مارشات عسكرية وقرآن ؟؟

طيب بلاش مارشات عسكرية ................مفيش قرآن ؟؟؟

لاحول ولاقوة الا بالله..

لاحول ولاقوة الا بالله العلى العظيم ..

شئ لايصدقه عقل...

ده لو كان ممثل درجة سابعة كانوا زعلوا شوية ....(( حتى لو تمثيل ))

يمكن منتظرين يحضروا برنامج...........!!!!!!!!!

يعيطوا بعد الدفن ...

يالله..

ياريته يكون شايف الناس بتحبه ازاى ؟؟

زمانه بيندم على دعواته....لاولى الامر منهم ..

[مغتربة]

انا لله و انا اليه راجعون

[محمد عبدالعزيز]

إنا لله وإنا إليه راجعون

تم الاتفاق على دفنه فى البقيع, لسه سامع الكلام فى التلفزيون حالاً.

ومندهش معاكى يا مدام سلوى فعلاً, ده حفيد الرئيس كل القنوات قفلت وعملت عليه حداد, وده شيخ أزهر, مفيش غير قناة أزهرى اللى مهتمة بالموضوع شوية.

حسبنا الله ونعم الوكيل فى المنافقين كلهم.

[عماد حمدي]

توفي الشيخ محمد سيد طنطاوي شيخ الأزهر صباح يوم الأريعاء عن عمر يناهز 81 عام

إثر أزمة قلبية ألمت به خلال زيارة كان يقوم بها للأراضي السعودية ...

وطلب إبنه بأن يتم دفن المتوفي في المدينة المنورة ...

ونحن في إنتظار نبأ قبول دفعة 82 !!!

إنا لله وإنا إلية راجعون .. وربنا يرحمه .. ويسامحه

سبب تعديل المشاركة : كتبت إنا لله وإنا إلية راجعون وربنا يرحمة

تم تعديل 10 مارس 2010 بواسطة omda2006

[doha]

العزيز سلوى ..

عن نفسي اتمنى اموت وادفن في البقيع على الاقل الواحد يبعث يوم القيامه محاط بالصحابة ..

الغزالي رحمه الله عليه كان على خلاف شديد مع العلماء في السعوديه وبناء عليه كان ممنوع ضمنا من دخولها .. سبحان الله في اواخر ايامه حصل نوع من الود بينه وبينهم وسافر للسعوديه وسبحان الله مات ودفن في البقيع ..

لما بتذكر القصة دي بحس قد ايه الراجل ده ماشاء الله ربنا كان بيحبه انه يخليه يدفن في مكان زي ده برغم انه عاش جل عمره بعيد عنه جدا .. سبحان الله كانه قدر له كل شيء وبترتيب محدد عشان يموت ويدفن في مكان يستحق انه يدفن فيه ..

ده غير الحقيقة ان المفروض تارك الصلاه انكارا لا يدفن في مدافن المسلمين فمعنى كده ان الواحد يدفن مع ناس معينة او في مكان معين ده له اهمية برضه ..

يارب جميعا ندفن في وسط مسلمين مرضي عنهم ونكون منهم ونبعث يوم القيامه بنشهد ان لا اله الا هو سبحانه وان محمد عبده ورسوله ..

===========

آخر الاخبار عن قناة العربية ..

شيخ الازهر كان بيحضر توزيع جوائز الملك فيصل .. التقى برجل الاعمال المصري ابو العينين والي عرض عليه اصطحابه بطائرته الخاصه ـطائرةابوالعينين ـ لاداء العمرة.. رفض شيخ الازهر لارتباطه بامور مهمه في مصر .. غادر الفندق بعد 5 الفجر .. طلع على مطار الملك خالد .. سقط ارضا فجأه الساعه 7 تقريبا .. اخذوه على المستشفى العسكري .. مات الله يرحمه مش عارفه بقى في المطار ولا في الطريق ولا ف المستشفى . .

الي لفت نظري ان سبحان الله .. ولو تفتح عمل الشيطان . . لكن الوقت الي توفي فيه كان على مايبدوا هيكون في الحرم لو انه طلع العمرة مع ابو العينين او على الاقل كان هيبقى لسه راجع م العمره ..

سبحان الله الحته دي خلتني افكر لو حد فينا قادر على فعل خير معين ياريت يسارع بيه جدا محدش عارف بكرا فيه ايه .. بكرا ؟ محدش عارف بعد دقيقتين في ايه ..

ربنا يتولانا جميعا ..

[شمس العروبة]

الله يرحمه ويغفر له ذنوبه

يا صاحبى لا داعى للشماتة فى الموت لأنه الانسان بعد الموت أصبح خارج نطاق الدنيا ومشاكلها أصبح بين يدى الله فلا داعى لهذا حتى لا تحمل ذنوباً تثقل كاهلك يوم القيامة لا قدر الله. وهو رغم أخطائه وزلاته فهو الأن بين يدى الله يحاسبه كيفما شاء وقدر.

اللهم ارحمنا برحمتك الواسعة وأدخلنا فسيح جناتك اللهم أمين.