تأثير عدم الاكل علي الاطفال

[HanaaOsama]

الي كل اطباء و صيادله المنتدي و الي كل من له خبره في هذا الموضوع

عندي مشكله كبيره جدا جدا معي بنتي ثلاث سنوات و ثلاثه شهور و هي عدم الأكل

مش فقط نقص كميه الاكل لكن رفض 90% من انواع الطعام

كل اكلها زبادي و لبن و فاكهه بسس و ممكن سندوتش جبنه او ملعه عسل فقط لا غير

يعني مفيش لحوم نهائي لا بيضا ولا حمرا ولاسمك و لا بيض و لا خضار مطبوخ و لا باشمل و لا اي صنف من اصناف الغذا

ممكن تاكل معلقتين رز ابيض و لازم يكون ناصع البياض لحسن يكون جواه حاجه

جربت كل الطرق الهاديه و العنيفه و التحفيذ و العقاب و بالعافيه كمان و النتيجه الحتميه " الترجيع "

مش عارفه بجد اعملها ايه ؟

و اراء الداكاتره متنوعه

رأي : لازم تحاولي و كتري من الزبادي و اللبن ممكن يعوض البروتين طالما بترضي تاخدهم

رأي غريب : التهديد بالضرب او بحقنه ! بس معملتش كدا طبعا

رأي تاني : لما تكبر هتاكل يعني اعملها ايه اديها اللحمه علي شكل دوا !

رأي أخر : مكملات عذائيه و فواتح شهيه . " مبيعملوش حاجه "

انا عايزه اعرف البني ادم في السن ده ممكن يعيش كدا

و ممكن تكبر عادي و مفيش مشكله علي الي بتاكله ده

بجد يا ريت حد يقولي اعملها ايه ؟

[fatfouta]

انا كمان عاوزة اعرف تأثير ده ايه عالاطفال

انا عندى ابنى خمس سنين وبنتى تلات سنين يمكن محمد بيجوع شوية عشان بيروح المدرسة ويرجع جعان فممكن ياكل

انما جنى بقى مش ممممممممممكن طول النهار قاعدة حته شوكولاتة ياماما وربع كوباية شاى بلبن

ولما نيجى نتغدى اقعد ااكلها بالعافية وتسيبنا وتقوم تلعب ومعندهاش اى قابليه للاكل

عمرها تلات سنين ووزنها 9 كجم تخيلوا؟؟

مش عارفة دى بيبقى طبيعة عند الطفل ولا اهمال مننا ولا ايه؟؟

رجعالك تانى يا نوئة

[engmido]

الاخت فتفوتة اكيد حجة فى المواضيع دى وشايفها بتكتب رد

هههههههههه

[fatfouta]

الاخت فتفوتة اكيد حجة فى المواضيع دى وشايفها بتكتب رد

هههههههههه

يعنى ايه حجة دى مش فاهمة ممكن توضح؟؟

تصدق انا شفتك كاتب رد قولت اكيد هلاقى كلمة (هههههههههه) والله التاريخ بيعيد نفسه يا ولاد الله يمسيك بالخير ياللى فى بالى

بلاش انت هنا عشان لسه ملك بنتك ماكملتش شهر بتعمل ايه هنا طيب؟

تم تعديل 1 أبريل 2010 بواسطة fatfouta

[الغريب]

رأي غريب : التهديد بالضرب او بحقنه ! بس معملتش كدا طبعا

أنا مقولتش حاجة محدش يلفقلي تهمة وترجع العيال تدعي عليا

بس نصيحة عن تجارب ومعانات كثيرة أمامي ، طالما أن الطفل لم يكبر في السن ويدخل المدرسة فبالتالي يبذل مجهود يجعله يأكل وينتظم في هذا ، وطالما تأكدتي أن الجانب الطبي من تحاليل وما إلى ذلك سليم ، يبقى متقلقيش خالص وده تقدري تقولي عليه دلع أطفال تقدر تتخلصي منه بأكثر من وسيلة أفضلها من وجهة نظري هو الإهمال (يعني تسيبك من الطفل وهو لما يجوع هياكل)والحافز (يعني يشوف أخواته وهما بيكلو وأنت مبسوطة منهم وهو لأ)

عمرها تلات سنين ووزنها 9 كجم تخيلوا؟؟

فتفوتة عاوز أقولك أن الوزن المثالي للطفل من 8 شهور لسنة هو من 8-12 كيلو :waf:

فكلامك ده لازم تخديه بجدية وتتأكدي أن جنى تمام بالتحاليل وما إلى ذلك وبعد كدة تتعاملي بقى

[HanaaOsama]

بس نصيحة عن تجارب ومعانات كثيرة أمامي ، طالما أن الطفل لم يكبر في السن ويدخل المدرسة فبالتالي يبذل مجهود يجعله يأكل وينتظم في هذا ، وطالما تأكدتي أن الجانب الطبي من تحاليل وما إلى ذلك سليم ، يبقى متقلقيش خالص وده تقدري تقولي عليه دلع أطفال تقدر تتخلصي منه بأكثر من وسيلة أفضلها من وجهة نظري هو الإهمال (يعني تسيبك من الطفل وهو لما يجوع هياكل)والحافز (يعني يشوف أخواته وهما بيكلو وأنت مبسوطة منهم وهو لأ)

انا كنت فاكره كدا برضه هي دلوقتي بوديها المدرسه " تمهيدي " baby calss يعني

و لا بتاكل السندوشات " نص واحد فقط " ولا لما بترجع بتاكل !

و دلوقتي اختها 10 شهور و لما استغل موضوع الغيره ولا بتفرق معاها

بالنسبه للتحاليل كويسه ووزنها كويس لكنه ثابت من اكتر من 9 شهور

و هي كانت بتاكل الاول لكن برضه انواع معينه

يعني ضيف علي الي ذكرته ملوخيه و مكرونه و عيش كتير و كدا يعني

لكن لحوم ابدا من يوم ما اتولدت

انا بصراحه الذاكره مش قادره تسعفني من سن سنه لسنتين كنت بعمل معاها ايه لكن اكيد لما كانت بترفض اقول بكره تاكل لسه صغيره

و انا بصراحة ضميري معذبني جدا

جيا ادور دلوقتي علي حلول و هي في سن العند المفروض كنت ادور علي حلول في سن سنه و نص كحد اقصي

و اختها دلوقتي الصراحه بعوض فيها اي خاجه بتتاكل بختها في بقها :) لحسن تطلع زي اختها و اتعذب بيها هي كمان :waf:

[crossfield]

الأطفال متعبين قوى فى الأكل و منهم ابنى باعمل له اللالى علشان ياكل و برضو مفبش فايدة بس بصراحة باستلوح له و لازم ياكل اللى باعمله

عموماً نوعى فى الأكل

ايه رأيك مثلاً لو بتحب البطاطس اعمليلها كفتة بطاطس و حطى فيها فراخ كمية قليلة و شوية شوية زودى

و بلاش نصايح من نوع كلى ده لازم تاكلى ده علشان هتعند سيبيها براحتها

و جربى تجوعيها جامد يعنى تلعب و تجوع جامد فهتاكل اللى يتحط قدامها انشالله يكون ايه بس زى ما قلت لك بلاش الصدمة كله تدريجى

مرة كفتة بطاطس بالفراخل

مرة بطاطس بيوريه باللحمة

مرة مكرونة بالبشاميل و فيها لحمة

مرة كانيلونى باللحمة طبعاً

تنويييييييييييييييييييييييييييييييع

و الله يعينك و يعينا.

[fatfouta]

رأي غريب : التهديد بالضرب او بحقنه ! بس معملتش كدا طبعا

أنا مقولتش حاجة محدش يلفقلي تهمة وترجع العيال تدعي عليا

بس نصيحة عن تجارب ومعانات كثيرة أمامي ، طالما أن الطفل لم يكبر في السن ويدخل المدرسة فبالتالي يبذل مجهود يجعله يأكل وينتظم في هذا ، وطالما تأكدتي أن الجانب الطبي من تحاليل وما إلى ذلك سليم ، يبقى متقلقيش خالص وده تقدري تقولي عليه دلع أطفال تقدر تتخلصي منه بأكثر من وسيلة أفضلها من وجهة نظري هو الإهمال (يعني تسيبك من الطفل وهو لما يجوع هياكل)والحافز (يعني يشوف أخواته وهما بيكلو وأنت مبسوطة منهم وهو لأ)

عمرها تلات سنين ووزنها 9 كجم تخيلوا؟؟

فتفوتة عاوز أقولك أن الوزن المثالي للطفل من 8 شهور لسنة هو من 8-12 كيلو

فكلامك ده لازم تخديه بجدية وتتأكدي أن جنى تمام بالتحاليل وما إلى ذلك وبعد كدة تتعاملي بقى

انا فعلا يا الغريب يا خويا اخدته بجدية والشهر اللى فات كنت لاحظت ان شعرها ابتدا يخف واما وديتها عند الدكتور طلب تحاليل وعملنا

صورة دم شاملة ونقص كالسيوم... والحمد لله مافيش حاجة

بس اداها فيامينات.....طب تخيل ان مش كل اسنانها طلعت لغايت دلوقتى!!!

هى ممكن تشرب اللبن بالليل لكن قوم من النوم بقى استحالة تاكل لغايت مثلا العصر كده وبالتشجيع وبالعافية كمان

ربنا يقوينا

[HanaaOsama]

ايه رأيك مثلاً لو بتحب البطاطس اعمليلها كفتة بطاطس و حطى فيها فراخ كمية قليلة و شوية شوية زودى

و بلاش نصايح من نوع كلى ده لازم تاكلى ده علشان هتعند سيبيها براحتها

و جربى تجوعيها جامد يعنى تلعب و تجوع جامد فهتاكل اللى يتحط قدامها انشالله يكون ايه بس زى ما قلت لك بلاش الصدمة كله تدريجى

مرة كفتة بطاطس بالفراخل

مرة بطاطس بيوريه باللحمة

مرة مكرونة بالبشاميل و فيها لحمة

مرة كانيلونى باللحمة طبعاً

تنويييييييييييييييييييييييييييييييع

و الله يعينك و يعينا.

عملت قبل كدا بطاطس مهروسه بالفراخ زي ما انت قولتي و قطعتها علس شكل ورده و تفاحه و ...... و مفيش فايده

قالت ديه مش بكاكس و اكيد فيها لحمه !

و كانت بتاكل ملوخيه زمان مره حطيت فراخ مضروبه في الخلاط مبقتش تاكل ملوحه نهائي

فقدت الثقه فيا

و رز السمك كانت بتكله و مره حطيت فتافيت سمك بطلته

و كل حاجه دلوقتي تبص فيها كويس لحسن يكون فيها اي حاجه لغايت دلوقتي مبتكلش غير رز ابيض

و لما جوعتها مره جامد لقت لقمه عيش ناشفه و كلتها

[engmido]

الاخت فتفوتة اكيد حجة فى المواضيع دى وشايفها بتكتب رد

هههههههههه

يعنى ايه حجة دى مش فاهمة ممكن توضح؟؟

تصدق انا شفتك كاتب رد قولت اكيد هلاقى كلمة (هههههههههه) والله التاريخ بيعيد نفسه يا ولاد الله يمسيك بالخير ياللى فى بالى

بلاش انت هنا عشان لسه ملك بنتك ماكملتش شهر بتعمل ايه هنا طيب؟

حجة بضم الحاء فى اللغة العربية الفصحى

يعنى ضليع ومتمكن ومتمرس فى هذا الخصوص...والله اعلى واعلم

واوعى تسالينى بعنى ايه ضليه ومتمكن ومتمرس......ومشيها وبلاش هههههههه

عشان بتزعل.....ولا حول ولا قوة الا بالله

[pocy]

سبحان الله البنت دى طالعه لعمتها ولا ايه هههههههههههههه

بصي يا نونه ويمكن انا قلت الكلام ده قبل كده ليكى فاكرانى يا هناء مكنتش لا بحب الفراخ ولا اللحمه ولا السمك وكنت بقعد فى اى حته تانيه طالما هتاكلوا سمك

فاكره ساعه ما ابله سوزى قالت ايه ده يعنى انتى مش بتاكلى لا لحمه ولا فراخ ولا اى لحوم وكبرتى كده عادى ومش حصلك حاجه

فاكره ساعه ما كنت بقولك انى كنت بدى اخواتى ربع جنيه وانا صغيره علشان حد ياكل الفراخ بتاع او اللحمه

وفاكرانى بقي بعد ما خلصت كليه بدأت اكل اللحمه والفراخ بس شاورما بس غير كده ابدا لو هتدبحينى وسبحان الله شويه شويه بقيت اكيله فى الحاجات دى

انا فاكره اخويا لما قعد ما معايا وقعد يكلمنى علشان اكل اللحمه والفراخ وازاى انى هضعف والكلام ده وانا فى الكليه وصدقينى جوزك هو الى بدأ واقنعنى لو مش هو فاكر ابقي انا افكره

المهم انا الحمد لله كبرت واتجوزت وخلفت كمان بس والحمد لله معنديش نقص حديد وكالسيوم ولا اى حاجه من الحاجات دى لانى كنت بحب الفاكهه والطماطم كنت باكلها كانها عنب ههههههههه واسالى ماما علي كده

وصدقينى ان شاء الله مش هيجرالها حاجه انتى بس زودى جرعه الفاكهه وبالنسبه للبروتين الحيوانى هتاكله لما تكبر ومش هيأثر عليها قوى وهتطلع زى العسل لعمتها ولا انتى ليكى رأى تانى لا سمح الله

:110: :110: :110:

لى عوده ان شاء الله تحياتى wst::

تم تعديل 3 أبريل 2010 بواسطة pocy