SoSo R

مساء الخير جميعا.... ايه المداخلات الجامدة يا دكتور ...ده كدة نقولك الجملة الشهيرة بتاعتك ...ولا زمان يا ممدوح..من زمان ما فيش المداخلات الدسمة دى قوى...بس كدة يا عم الناس هتاخد عنك فكرة انك مصاحب طوب الأرض ...و انك من البار ده للكلوب ده...و الى ما يعرفش يقول عتس و الناس هتنسى قعدة الأدغال و الغابات بتاعتك..اللى انت محبوس فيها.. المهم..يمكن انا ماعنديش كتير اضيفه فى مواضيع الصحوبية و علاقات الجنسين و اساسا انا بارتجل ...يعنى مش باكتب ولا احضر الكلمتين. االبويفريند و الجيرلفريند هنا عادى جدا..وده بيبقى ارتباط زى المتجوزين ..ما ينفعش انهم يونوا بعض او يعرفوا حد تانى اثناء و جود العلاقة دى...و ممكن كمان يخلفوا ..و الغريب بأه انهم ممكن بعد سنين كتير و ساعات كمان بعد وجود عيل حلو كدة 3 أو 4 سنين يقرروا يتجوزوا...ساعتها انا باستغرب..طيب ما هو الأرتباط موجود...و عايشين مع بعض...وهما الورقة دى مش هتقرق أصلا إلا لو بيفكروا فى الورث بأه!!! ده حتى و هما جيرلفريند و بويفريند..بيشروا بيت عادى و ليهم حساب بنكى مع بعض...يعنى زى المجوزين بالضبط. الحاجة اللى برضه منتشرة...اولاد من كذا زواجة...يعنى تقولك انا عندى بنت من جواز سابق و ابنى ده من جوازى الحالى او عندى تلات عيال من جوازة و اللى عايش معايا ده البويفريند و عندى منه عيل تانى...و فيه بقى ستات زى القطط و دول غالبا من الوايت تراش اللى يا إما مدمنين ...او بتوع خمرة تلاقى عندها عيال مشكلين من كذا أب...و هيصة و الحكومة بتصرف من فلوس الضرايب عليهم. هناك برضه مش لازم يكونو عايشين مع بعض...يعنى مرتبطين بس من غير ما يعيشوا سوا...شبه المخطوبين كدة...بس ما فيش مانع تبات عنده ليلة او هو يبات عندها ويك اند و على فكرة ده بيبقى نفر من العيلة...يعنى راشق فى أى عزومة او تجمع عائلى ...او حفلة كريسماس. اللى باستغربه لما تيجى الأم بكل فخر كدة الصيدلية تطلب حبوب منع الحمل بتاعة بنتها!! و تقولك ما عنديش استعداد يبقى عندى تين اجر حامل...هيا دى بس مشكلتهم مرة واحدة كانت جاية تتخانق عشان البنت رايحة المدينة الجامعية بكرة و الهاش روشتة حبوب موجودة...كنت باذبهل زمان من المواقف دى. ولا المورنينج أفتر بيلز...اللى هيا بياخدوها الصبح فى حالة عدم الأمان أثناء لما حصل اللى حصل...تلاقى معظم زباينها طلبة هاى سكول و البنت هى اللى تدفع......كان فيه واد معفن كدة...كل اسبوع بييجى مع بنت مختلفة يشتروا المورننج افتر بيلز دى...انا كانت نفسى بتموع الصراحة... او يدخلوا ينقوا سوا من سكشن السيكو سيكو...و يقولك أصل عندنا بروجكت تبع المدرسة. هو مش كله دعارة..بس موجود و منتشر...وكل ما تقرب من تورنتو..كل ما الفجر بيزيد.. او النورث..باسمع انه فى حتت زى نورث باى بيحملوا من 12 و 13 سنة....و الهنود الحمر مهنتهم الأساسية الدعارة ...و إن البيض بيبقوا مهبولين عليهم...مع إنهم ملزقين كدة و دايما ريحتهم صعبة...اذواق بأه. لو افتكرت حاجة تانية هادخل اكتبها و بعدين اعلق على مواضيع المعاكسات. سلام مؤقتا

‎. لماذا لا تستطيع إسرائيل أن تحتل مصر؟ - لو حاولت تدخل القاهرة من جهة الشرق هتلاقي طريق النصر واقف.. ولو من الغرب المحور مابيهزرش.. وحتى لو عرفت تدخل من أي ناحية هتلاقي المصريين محتلين كوبري أكتوبر ومش هيعرفوا يتحركوا متر واحد. - الإحصائيات بتقول إن 19 شاب من كل عشرين بيضربوا مخدرات.. واللي مش بيضرب ده بيبقى بيشرب بانجو بس (بيعتبر فيتامينات) يعني لو فضلوا يضربوا فيهم مش هيحسوا بحاجة. ... - الدبابات الإسرائلية مش هتعرف تمشي في الشوارع عشان سواقين ميكروباصات الجمعية بيمشوا في نص الشارع.. ومش بيسمحوا لحد إنه يقفلهم المراية. - لما هييجوا يحتلوا القصر الرئاسي هيلاقوه فاضي.. ومجلس الشعب نفس الكلام.. ومبنى التليفزيون مش مهم عشان الناس مقضياها عالدش والفضائيات. - حتى لو خلصوا عالجيش والشرطة.. مصر فيها نص مليون بلطجى و10000 قطعة سلاح مهربة ودول ممكن يكونوا جيش تالت من الفري لانسرز. - إذا كان الشعب بيضرب الضباط والعساكر المصريين.. تفتكروا إيه اللي ممكن يحصل في الإسرائيليين؟

مساء الخير و كل سنة و انتم طيبين بمناسبة العيد..ربنا يعيده على الكل بالخير و يحقق لكم كل ما تتمنوا... كنت مترددة أكمل فى الموضوع إياه رغم أهميته لأن لقيت لسه برضه لكنة التريقة بس نفسى اتفتحت تانى لردود الناس المحترمين اللى دخلوا و اتشجعوا يحكوا...واللى واضح ان الموضوع كلنا شايفينه و حاسينه بس عاملين نفسنا مش واخدين بالنا!! إنى وايز عشان ما اكسرش تسلل الموضوع نكمل عن الجنس التالت و بعدين ندخل فى البيريسنج و التاتو و خصوصا إن ديه منفده على علاقات الجنسين بعد كدة و ما تسألونيش ازاى؟!:closedeyes:

مساء الخير... بعد الخناقات و المناقشات الحامية اللى حصلت و التريئة و الكلام الرمادى...ممكن اقول ان لسه فيه فايدة ...شوية بتاع 10 % كدة!!! حقيقى انا تابعت كام رد فى الأول بعد آخر مداخلة ليا و بعدين زهقت و خصوصا بعد ما حسيت بنبرة سخرية فى بعض الردود و كأننا عايزين نفتح موضوع عنوانه " كيف تصبح شاذا؟" او موضوع " أحلى شاذين الساعة إتنين!!" و الناس اللى حست إنى هموت و أحكى الموقفين اللى حصلوا معايا و صعبت عليهم يا عينى بجد..و كأنى هاخد فلوس مثلا ولا بيضاف لرصيدى الأدبى لما هاكتب كلمتين ع النت!!! ورغم كل ده...انا برضه هاتكلم فى الموضوع... مش هاقدر انصح حد...بس هاحكى مشاهدات...قل خاص..حاجات مخوفانى ممكن الأفكار تكون مش مترتبة وده لأن بيبقى فيه زحمة فى دماغى ...ومش عارفة احطه فى نقط... و هامسك الخيط من نقطة زهيرى..جواز المثليين. اول مرة سمعت عن اتنين متجوزين من نفس النوع ...كان و انا باتمرن فى الصيدلية...واحد عايز نحضرله ادوية لازم تتطلب عشان ياخدها تانى يوم ...الأدوية كلها للأيدز,,,الراجل شكله عادى...لقيت البريسبتور بتقولى...لو قلتلك ان حمادة ده متجوز...حمادة تانى و متبنيين عيل عنده 13 سنة...هتحسى بمشكلة؟؟؟ قلتلها لأ عادى...قالت لى ده اللى انا منتظراه منك..مش عايزة اى بصة غريبة للراجل لما ييجى...المهم ان الواد اللى متبنيينه بياخد ادوية نفسية و ادوية اكتئاب..على فكرة البريسبتور كانت مسلمة...و بتتعامل عادى جدا مع الموضوع..و بتتعامل بلطف مع الراجل ده...ورغم ان بالنسبة لديانتها ده حرام جدا!! الغريب انى اكتشفت انها معينة مديرة الستور برضه مثلية و متجوزة واحدة ست...ولما عرفت بالصدفة من بره..قلتلها..ما كانش عندك مشكلة ؟؟؟ قالت لى على المستوى المهنى هيا اكتر من ممتازة..متحملة المسئولية..فى منتهى الأمانة...على المستوى الأنسانى...طيبة حنينة بتساعد كل اللى بيشتغلوا معاها و ممكن تنزل تشتغل ساعات زيادة لو حد عنده ظرف طارئ... لكن لما عزمتنى على فرحها ماكانش ينفع احضر..و اكتفيت بالفرجة ع الصور...انا بقى سوس يعنى عرفت انهم طلعوا شهر عسل مش عارفة فين بس شواطئ و بتاع اموووت و اعرف بيعملوا فيه ايه؟؟؟:closedeyes: لو هنتكلم موضوع المتحولون او الجنس التالت ...محتاجة اعمل مقارنة بين الكويت و كندا...و خصوصا انى كنت باتعامل معاهم كتير بحكم شغلى...الغريب بقى ان كندا تكسب مش الكويت وده عكس كل التوقعات... من ضمن النقاط اللى عايزة برضه اتكلم فيها و دى ممكن تكون مشكلة للعيال اكتر من الجنس و العلاقات مع الجنس الآخر....التاتو و البيريسنج و صبغات الشعر...ويمكن تستغربوا و تحسوا انها مش بيج ديل بس الحقيقة الموضوع ده هنا مصيبة او ممكن نقول هوس و بينتشر بين العيال فى المدارس جدا. يبقى كدة فيه اتنين توبيك للكلام المرة الجاية...احب اعرف نبتدى بأيهم الأول منكم...و للكلام بقية.... سلام

بجد ...بجد يعنى ...حاجة تسد النفس... هو سعد زغلول قالها كلمة حكمة ...ما فيش فايدة.... يعنى الحاجة الوحيدة اللى الكل اتفقوا عليها....ان احنا ما نتكلمش فى الموضوع ...عشان ده عيب و حرام...حلو جدا و بعدين؟؟؟؟؟؟ هل لما نخبى راسنا فى الرمل زى النعام و نقول اصل ده حرام و المفروض نعرفهم غلطهم... الناس دى مثلا هتختفى من حياتنا..هتنقشع من المجتمع؟؟؟ خلونى اوضح حاجة بسيطة قبل ما دش الأتهامات و لستة الشتايم يتجهزوا ...هدف دكتور تهامى لما كتب الجزء ده ان احنا نتناقش فى الموضوع...ردود الفعل...تعاملنا مع اولادنا عشان نفهمهم...نعمل برين ستورمينج يمكن نفيد بعض و نفيد الناس اللى لسه جاية...نقدر نطلع بصيغة ازاى نخلى ولادنا متربيين صح مش ايزوليتد فى المجتمع و نربى نفسنا معاهم... لما كلكم استريحتم ووقفتم النقاش...خلاص كدة...الموضوع اتحل.. هل بنتى مش هتروح المدرسة تلاقى صبيان معاها فى الفصل؟؟ هل انا مش هاتعامل مع المرضى الشاذين...لو واحد جابلى روشتة..هاقوله آسفة...ما بصرفش لشاذين!!! هل لو اشتريت بيت و اكتشفت ان جارك راجل و مراته اللى هيا راجل برضه و متبنيين طفل...هتعزل...ولا هتكشر فى وشه... هتقوله انا آسف مش باتعامل مع شاذين... مع إن الخليج مليان و برضه بحكم شغلنا بنتعامل معاهم لو شغلك فيه خدمة عملا....و لا مؤاخذة ابقى افتح بؤك و عيب فى احد المواطنييين!!! بجد ...انا نفسى اتسديت... لأ ..الصراحة حاجة تموع النفس...اصل لازم الكلام كله يقولك كندا جنة الأطفال...ولا حياة من غير كندا... طيب لما نيجى بأه نحاول نفتح طاقة نور على موضوع مهم...هنحتك بيه عاجلا او آجلا بسبب المجتمع او المدرسة أو الشغل....يبقى عيب و حرام و هنغير مسار الموضوع...و خلينا فى الحاجات الخفيفة الظريفة الطيفة اللى دمها خفيف!!! اردم يا عم اردم اردم يا تهامى... و ممكن تردم على مداخلتى دى كمن بس بليز ميك شور ان الناس تقراها الأول عشان ما بحبش حد يكتم صوتى او يكمم بقى و يقولى ما تنطقيش و معلش ماليش نفس خلاص اكمل فى كندا التى رأيتها و عشتها كمان شكرا و سلام

شوف يا أخى...صحيح الدنيا دوارة!!! جه اليوم اللى تهامى بيقولى مستنى البوست بتاعك و ربنا يدينى عمر؟!!! وكمان عامل مداخلة استدعاء!!! فاكر آخر بوست..انت رديت عليه بعد أد ايه...روح شوف التواريخ...ورد وهاسيبك تتحرج بينك و بين نفسك...وده كله طبعا بحجة القريحة و الظروف و الجوابات :)) طيب انا كمان قريحتى بتوجعنى شوية...ومش شغالة كويس وضيف على كدة عيال و مدارس و شغل...وبيت و طبيخ و مواعين... طب إيه بقى؟؟:closedeyes: طيب نبتدى واحدة واحدة بالنسبة للموضوع الرقابى بتاعك...الشذوذ و ما يليه... نبتدى من مصر... انا كنت ساذجة جدا..اعرف يعنى ايه شذوذ..من الناحية العلمية او الطبية...بس كنت فاكرة...they don't really exist!!! و بعدين بعد ما اتجوزت...اكتشفت بالصدفة الباحتة انهم موجودين فعلا فى مصر...لأنى مرة كنت مروحة متأخر مع جوزى...من روكسى و شايفين واحد من بعيد..مشيته مش مضبوطة...فجوزى بيقولى على فكرة ده @#%@@@...قلتله باذبهلال يا راجل؟!!!! عرفت ازاى..مش مومكن..هو فيه كدة؟؟ قالى انتى عبيطة ولا ايه؟؟ هو انا لازم احلله يعنى معروف طبعا...ده الميعاد اللى بيظهروا فيه..عشان حد يصطادهم... يالهوى ..دى كانت صدمة عمرى لما عرفت انهم...they do really exist الحلقة التانية فى الكويت ودى ممكن نسميها الأنفتاح....يعنى انفجار... بنسميهم هناك الجنس التالت...يعنى مش معروف لا رجالة ولا ستات... وفيه كمان البويات..جمع البوية..اى البنت المسترجلة...المدكرة... وهناك منتشرين بشدة...ورغم انهم مكروهين بس وجودهم طبيعى فى المولات..وليهم تجمعات و شلل... وبحكم عملى اللى انتو عارفينه...كنت باتعامل معاهم كتير...كتير قوى كمان... عشان طلباتهم و اسئلتهم وقرفهم...والهرمونات اللى عايزينها عشان يبدلوا نوعهم او يحسنوا شكلهم... و بعدين كمان piercing بكل انواعه و اماكنه...فى الشفة و الحاجب ...بس طبعا لا مقارنة مع الوضع هنا هناك ليهم حفلات..و بيلبسوا لبس ستات فيها و يحطوا مكياج ..و بيعاكسوا رجالة...ده حتى مرة عاكسوا زوجى:closedeyes: و بعديها الحلقة التالتة فى كندا....نسميها التعود.... دى بقى فى الحلقة الجاية عشان ايدى و جعتنى و اكون حضرتلى مشروب آخر من النسكافيه:closedeyes: فين أيام الهوت سموزى:protest: سلام

مساء الخير... متفقة مع زهيرى فى نقطة ...-5 مش زى -25 و أكيد مش زى -45...اللى قال ان كله بيتساوى..ما عندوش فكرة و ماجربش ...لما تحسى انى البرد دخل ضلوعك وقلبك هيقف من كتر البرد و مش قادر تاخد نفسك..تتنفس يعنى... بلس ان كميات التلج اللى بتنزل هتكون اكتر فى الديب فريزر و الزحلقة هتزيد و الزروطة...آخر قرف يعنى... تطلع الصبح من البيت تلاقى 80 سم حلوين من التلج واصلين لوسطك...و اكسح بقى و عيش و خلى الشعب يعيش...

يااااه....جه اليوم اللى الواحد علش و شاف فيه دكتور تهامى بيرد ع البوست بتاعى...ده انت لما غطست و ما قبتش قلت باااااااس...يا هاخد انذار يا مش هترد و تتجاهل الكلام و خلاص... طيب مستنية انطباعاتك ابريل الجاى لما تعمل الأقرار الضريبى...اشطة يا مان؟! بلنسبة لفيلم الرعب اللى انت بديته.... راجعالك بأه عشان اجيب النسكافيه و اقعد احكى براحتى ...انا ليا قصص فى الكويت و كندا...يعنى ممكن تقفلوا باب التوبيك عليا و ترجعوا عشان اخلص كل الحكايات.... بس انت مش ملاحظ ان ماحدش فتح بؤه ولا رد!!! مش عارفة عشان يسمعوا كويس ...ولا عشان ده موضوع رقابى ولا ايه؟؟؟ راجعة بعد ما اخلص اللى ورايا و اجيب حاجة اشربها ...سلام

هناك نخلة طويلة جداً جداً، و عندنا أربع حيوانات أسد و قرد و زرافة و سنجاب من الأسرع في قطف الموز؟ جااؤب قبل ما تنزل .. . . ... . ... ... . . . إذا كانت إجابتك: الزرافة فأنت إنسان غير واقعي الأسد فأنت إنسان غير صادق القرد فأنت إنسان بتحاول تكون ذكي السنجاب فأنت إنسان ميئوس منك. . . . . . لأن النخلة لا تثمر موزاً الأفضل لك أن تأخذ إجازة لأن مخك عليه العوض !!

باروا عليك يا عنب باشا هو دة النص الصحيح للنكتة إلي أختنا ريم حورتو .... و هنا لنا وقفة...هو الحشيش يا معلمي عادي كدة ذي البونبون...أصل كل كل الافلام الحديثة حسستني إن مفيش حد في مصر مش بيضرب حشيش !!!! و كئنو من أساسيات الحياة لأ و اه كل طبقة الشعب ...كان زمان يقتصر على العواطلية و أصحاب المهن الحرفية !! دلوقتي باءة روشنة !! ممكن تشرحلي بما انك لسة جاي من مصر قريب

كل واحد بمجرد ما عاتب البلد هو حالة بمفرده ....يعني إنت يتحسبلك ال-3 شهور لما توصل و تستقر لو ماشي و راجع تاني يبا أدم لما ترجع تاني...و ما ينفعش حد يقدم لحد من عيلتو مش موجود في البلد.

مساء الخير : حضرتك رجل محترم جداً لأنك فتكرت تفتح موضوع في المحاورات رغم انك عرف تقريبن محدش يرد و يتبع و ما أكتفتش انك تفتح في منتدى تاني و خلاص و افتقرت إن في نص ابتدت المشوار هنا بالكتابة و النصيحة أنا بشكر حضرتك بنيابة عن أي حد ضايع من وقتو دقيقة عشان يجي يكتب أو يرد على إستفسار ولو اني ما ليش الحق أتكلم بلسان أي حد تاني شكراً مرة تانية و اسفة لو الكلام شكلو غريب أصلي بكتب برنامج yamli

كلامك أثر فيا أوي يا عبير. مش بس لئن صادق جداً و مش أي حد ممكن يفهمه إلى أنثى زيك ...لأ عشان كمان فيه شجاعة و جرأة غير مسبوقة ...فيه ناس بتعتبر المرأة الجريئة سبه و أنا على العكس ، شايفها أجمل ما يمكن وصف مرأة بيه انتي متصالحة جداً مع نفسك و فهمتيها كويس أوي . ربنا يديمها عليكي نعمة لأن في ناس محرومة من كدة ...مش عارفين هما عايزين اه؟؟ أو ليه بيعملو التصرفات ديه حتى لو هما مقتنعين مليون المية إن إلي بيحصل دة غلط بس مفيش تبرير . تقلب المشاعر عند المرأة بيحصل بمزجها أو لأ و انتي عرفة إن ساعات الاسباب بتكون فسيولوجية بحتة ...الفكرة كلها في الكنترول و عدم الاستسلام لمئي حاجة سلبية تهاجمنا ..لأن د طبيعة البشر بيدور ديمن على حاجة ينكودهة و ما حدش بيحس بقيمة إلي معه إلى لما يخسره للأبد

معلش اسفة على التدخل ....أصلاً الكيبورد مش عربي ..1500 مش حتعيش عيلة من 4 أفراد ..ممكن لو مثلاً واحد و مرتو بس برد هيكون مذنئين أوي ... عشان تجيب كل حاجة معك هتتصرف ازاي في الوزن؟؟ ذي ما في غالي في رخيص بردو و بعدين لم العيلة تكن خفيفة هيسهل في العزال أو النقل من سكن لتاني . أحسن نصيحة هو الكتسد في كل حاجة أول ما تيجو...كل الاجهزة موجودة في لشقة معدا المكروف و ساعات لو كوندو اجرها علي بتكون فيها بردو