عندي مشكلة .. أحس أنني لا أنتمي لمصر !!

[Proud Muslim]

بعد فترة من الغياب و التوهان بعد التخرج .. و بعدي عن المنتدى هنا لأكثر من سبب ..

و بعد تفكر عدة مرات في حالي و حال مصر ..

وجدت أن انتمائي لمصر في تناقص يوما بعد يوم ..

نعم ..لا أنكر أن هناك انتماء أكبر لي و هو اسلامي .. و لكن ظلت مصر بالنسبة لي مصدر فخر كبير .. أحبها و أحب أرضها و شعبها ..

و لكن منذ فترة ليست بقريبة و بعد الدخول في دوامة العمل و مهازل العمل في مصر ( و التي لا تعد و لا تحصى ) .. أصبح عدم الانتماء في تنامي !!

كل شيء في مصر أصبح يغضبني و يضايقني و يجعلني ساخطا !!

بدأت أحس أنني لا أنتمي لهذا البلد .. و لا لغيره أصلا !!

و لست أقول هذا لأنني أريد ان أنتمي الى غيره .. بل الكل عندي سواء

لا أدري ..هل هذا مرض ؟؟

و اذا كان مرضا .. هل لديك دواء ؟؟

تحياتي .

[White heart]

أولا حمد الله على السلامه عودتك يا عزيزي.....

ثانيا، يا ريت بالراحة كدة تحكيلنا ايه اللى حصل خلاك ساخط الى هذا الحد، مع انك منذ شهور بسيطة كنت ماشاء الله كلك تفائل و أقبال (خاصة فكرة الغسالة ) يا ترى انصدمت بالبيروقراطية فى سعيك الى تنفيذ فكرتك، أم أنخرطت فى وظيفة ما و شعرت بمن حولك و كأنهم يقومون بما نسميه الMobbing ؟؟

انت لست مريض يا عزيزي ..... انت ما ذلت فى بدايه الطريق ..... و ما تمر به من وجهه نظرى فى غاية الأهميه .... مرحلة حساسة جدا .... و صدقني اننى أتفهمك تماما، علاوة على تضاعف صعوبة هذه المرحلة عندما تكون فى مثل هذه ظروف محيطة .... لا عليك! حاول أن تشركنا معك ربما يساعدك هذا و لو قليلا، و لا تدع مظاهر تلك المرحلة (أى كانت) تؤثر على أنتمائك..

و اذا كنت لست مرتبط بمسؤليات أسرية، فلماذا لا تجرب أستغلال هذا الوضع و تخوض تجربة السفر الى بلد أخر، فيتسنى لك ساعتها وزن الأمور من كافه زواياها؟؟

عموما أهم شئ ... أهم شئ .... Don't give up ...

[الأفوكاتو]

عزيزى برود,

لقد قال صاحب القلب الأبيض معظم ما كنت أود أن أقوله, فشكرا له,

و لكنك لم تفقد إنتماءك لمصر, بل فقدت ثقتك فى النظام الحاكم, و هذا يجعلك عضوا فى جمعية الشعب المصرى الغضبان.

تجمل بالصبر, فلكل ظالم نهاية.

[فــيــروز]

الاخ العزيز براود مسلم

اعتقد ان اى انسان فى بداية حياته العمليه بالذات يمر بهذا الاحساس

بيكون بادئ حياته بحماس الشباب و حلم الرغبه فى تغيير كل شئ للافضل

زمان كان عندى حلم وكنت مقتنعه بيه "مش فاهمه بامارة ايه" انى ممكن فعلا اغير العالم

والله العظيم كنت مقتنعه جدا بهذا وشيئا فشئ قل هذا الحلم و تواضع كتير

حتى انى قرات جمله يقول كاتبها انه كان امله فيما مضى ان يغير العالم و شيئا فشئ تواضع الحلم مع تقدمه فى العمر حتى صار كل حلمه ان يغير نفسه فقط للافضل لان هذا هو الجزء الوحيد من العالم الذى يمكن له ان يسيطر عليه وربما فى يوم من الايام ينصلح العالم اذا بدا هو بنفسه !!

لا تقلق وباذن الله تستعيد ثقتك بكل شئ جميل حتى لو كان خافيا عليك الآن .. تحياتى

[Byte]

كتبت فيروز موضوع عن احباطها بعد رحلة لشرم الشيخ،

وبينما كنت اقرأ تعبيرها : I hate this country تذكرت آخر مداخلة لبراود عندما قال انه يفكر فى الهجرة!

ووجدت نفسى اتأمل الافاتار الخاص بفيروز، وجدت طفلا ينظر بعيون مليئة بالامل وحب الاستطلاع على الخارج، ولا اعلم ماذا يوجد بالداخل ولكن من المؤكد انه لا يوجد ما يسترعى انتباهه!

وهو حال كل شبابنا، لا أمل فى الداخل ، والكل ينظر للخارج!

واحنا ساكتين ، عاجزين ، ماحدش قادر يساعدهم بشئ الا الدعاء!

تم تعديل 5 فبراير 2004 بواسطة Byte

[فــيــروز]

ووجدت نفسى اتأمل الافاتار الخاص بفيروز، وجدت طفلا ينظر بعيون مليئة بالامل وحب الاستطلاع على الخارج، ولا اعلم ماذا يوجد بالداخل ولكن من المؤكد انه لا يوجد ما يسترعى انتباهه!

وهو حال كل شبابنا، لا أمل فى الداخل ، والكل ينظر للخارج!

يا سلااااام

اخيرا حد فهم الصوره :blink:

دلوقت اقدر اموت وانا مرتاحه mfb:

بس اقدر اقول انه لازال عندى شوية امل صغيرين فى الداخل rs: من غيرهم صعب جدا نواصل حياتنا

وحتى المعزه اللى فى التوقيع رغم ان نفسها مقطوع الا انها تواصل العدو بلا كلل .. كل شئ مدروس يا جماعه

تم تعديل 5 فبراير 2004 بواسطة فــيــروز

[حشيش]

أخى العزيز براود مسلم

أولاً حمداً لله على عودتك إلى المنتدى...إفتقدناك جداً خلال الفترة الماضية...أما عن موضوع الإنتماء فكما تفضل أستاذنا الأفوكاتو فأنت لا تشعر بالإنتماء لما آلت إليه الأوضاع فى مصر فى ظل النظام أو الكابوس الحاكم وليس للوطن فى حد ذاته...أحب أطمنك إن ما بقى لك من إنتماء سيزول تماماً بعد ما تدخل الجيش فى فترة التجنيد لو ما كانش عندك واسطة...فساد الأخلاق الذى تفشى فى المجتمع المصرى سيزول إن شاء الله مع زوال هذا النظام وعودة الهواء النقى من جديد.....فصبرُ ُ جميل والله المستعان على ما تصفون

[Farida]

اولا حمد لله ع السلامه يا باشمهندس وحشتنا و الله

ثانيا الشعور بتاعك يدل على انك انسان ما تحبش الحال المايل و لا تحب ان تكون شيطان أخرس .... على فكره كلنا كنا كده و شويه شويه اصبحنا نفضل أضعف الأيمان

ثالثا هو الإنتماء بيكون للمكان و لا للناس و لا للنظام ؟؟؟؟؟؟؟؟؟؟؟؟....

رابعا قرار الهجرة ده قرار صعب و خصوصا لو وراك التزامات عائليه

يبقى الحل فى رأيى انك تحاول تغير ما حولك للأحسن و تعذر الناس و تحاول تحبهم علشان تعرف تأثر فيهم و تقول كلمه الحق و شهاده الحق مهما كان التمن و اعرف ان الكلمه بتأثر حتى لو لم تكن بطريقه مباشره و تحاول بكل جهدك انك ما تستسلمش لليأس اوعى ده احساس قاتل ....انا شخصيا باحاول اعمل كده بقالى 13 سنه و ربنا معاك

[ragab2]

نقدر

شعورك يا أخ براود

ونقدر مدى الاحباط الذى تشعر به ازاء خلايا الفساد المنتشرة فى جميع انحاء الدواوين المصرية

وكلنا قابلنا هذه التيارات الفاسدة وصمدنا ولن نستجب لمغرياتها ثم لحربها عندما لم نستجب لها

ولكن الله تعالى كان أقوى من شرورها ودسائسها

سافرنا وتركنا لهم البلد فى وقت كان معتما ولم نجرؤ على انتقادهم أو محاربتهم ففضلنا الانسحاب وترك الساحة لهم

ولكن الوقت الآن أكثر ملاءمة لتحجيم هؤلاء الفاسدين الأوغاد الذين استحلوا مصر لهم وضربوا بجميع القيم ونزعوا ضمائرهم وعاثوا فى الأرض فسادا

واصبر فإن الله مع الصابرين

[Byte]

لا أستطيع أن اهدئ براود بكلمتين، وخصوصا انا عارف هو هادى وعاقل قد ايه!

وخصوصا اننا امام مشكلة، او لنقل مصيبة ، من الحجم الماموثى الديناصورى لا يمكن علاجها بأى مسكنات مؤقتة!

فى سوق دبى المقام حاليا، يحاول الكثير من المصريين الهــــــروب

انا اعرف عائلة كاملة، الأب وكيل وزارة، مصرى حتى النخاع ، تحاول الفرار الى دبي فى هوجة السوق!

والعملة الجيدة اصبحت لا تجد لها مكانا وسط مجتمع قد توحش واصبح شعار كل فرد فيه يالا نفسى!

مجتمع ظهرت فيه تعبيرات يستحيل وجودها فى مجتمع آخر، سمعنا تعبير رغيف محسن ورغيف طباقى، ثم وصل الي اليوم تعبير جديد وجدت فيه ملخص الانحطاط والهوان الذى وصلنا اليه

رغيف سياحى

لنتأمل التعبير بعمق ولنحكم بأنفسنا!!!!!!!!!!!!!!

علشان كده مافيش فايدة من اى مسكنات حتى يقضى الله أمرا كان مفعولا.

تم تعديل 6 فبراير 2004 بواسطة Byte

[Proud Muslim]

أنا أشكر كل من ساهم و شارك في الموضوع فردا فردا ..

أنا فعلا متشكر جدا لهذا التجاوب ..

هذا تعليق سريع و لي تعقيب مطول حول هذا الموضوع ..

تحياتي لكم جميعا .. و فعلا كلكم وحشتوني .

[Salwa]

سلام من عند الله ورحمته وبركاته ......

شئ مؤلم بصراحة ........

لاحول ولاقوة الا بالله العلى العظيم ....

ولكن للأسف هو ده شعور اغلب الشباب ..الصح .

ومش عاوزة اقول شعارات ........لان ده كان احساسى فى فترة من الفترات ....لكنى استطعت بعون الله ....ان افرق بين سخطى على الاوضاع ....وبين انتمائى لبلدى .

بلدك ........// حاشالله //......هى قبلة ../بكسر القاف /..تتوجه اليها ..وانت داخلها وانت خارجها ...

انتماءك لبلدك ...لاتحدده اوضاع ....ده شئ فى دمك .

ما تشعر به هو سخط..ورفض لكل ما تراه ....وكما قال الاخوة .....انت ترفض الغلط ..

واحيانا تشعر بالاحباط واليأس من ..حتى ..محاولة التغيير ....

لكن كل ليل وآخره نهار ....

لامانع من السفر ..// واسعوا فى مناكبها //..وعلى ما اتذكر لك اسرة فى مكان آخر اكثر رخاء فى الوقت الحالى .....

يجب ان نواجه انفسنا ..بامكانياتنا .....اذا استطعنا التغيير ..مرحبا ..

يأتى وقت لاتنفع فيه شعارات ...

وللأسف..

يظهر كلنا قررنا نسيب لهم البلد ..........عامرة بهم ..وبمتسلقيهم ..

صبرا جميلا ...ان بعد العسر يسر ..

[بنت شعنونة]

تذكرت الأن موضوع تكلمنا فيه زمااااااااان عن معنى كلمة وطن

او ما هو الوطن

وارجع واقول نفس ردي..

من هي امك؟

الام ليست هي من تلد... وانما هي من تربي وتسهر وترعى وتهتم..

اذا اردت انت تعرف اسباب عدم انتمائك

فلابد ان تنظر الى امك "مصر" يا ترى هل اعطتك ما فرض عليها كأم حتى تعطيها انت ما فرض عليك كا ابن " الأنتماء"

الحب موجود في قلوبنا جميعا

في قلب السيء و الحسن

ماحدش ما بيحبش مصر

انما الأنتماء؟؟

مافيش

وانا بكتب الكلام دا دلوقتي فجاة خطرتلي فكرة غريبة

طب على كدا ما هما حرمية مصر الكبار لازم يكونوا منتميين لمصر بقى؟

ماهي مصر اديتهم الأهمية والسلطة والفلوس

طب ليه ما بينتموش!!!!!!!!

بجد سؤال غريب خطرلي فجاة ومش عارفة اجابته ممكن تكون ايه

انما بعيدا عن الردود العاقلة اللي كتبها اخوانا في المنتدى

ورد مني انا "شعنونة الكئيبة"

كلنا هذا الرجل يا براود

انت مش لوحدك مطلقا

فيه اكتر من 40 مليون مصري شاب وعجوز

رجل او فتاة

كلهم لا ينتموااااااااا لمصر

ولا لآي شيء مطلقا

الا

للقمة العيش المرة...........

[Scorpion]

عزيزي براود...

مش ممكن حنقدر نكره مصر... و صدقني ده مش كلام بلاغي نظام مصر هي أمي.. نيلها وهرمها و الذي منه... و أقطع دراعي ان كل اللي بره البلد.. جواهم حنين جامد انهم يرجعوا..

يعني مش السفر اللي حيحل المشكلة...

و لو بصينا كويس .. مش حنلاقي فرق كبير قوي ما بين زمان و دلوقتي... ما بين مشاكل زمان و مشاكل دلوقتي... الفرق الوحيد أن الناس ما بقتش قنوعة زي زمان... كلنا عايزين أكتر و أكتر.. كلنا عايزين الشقة زي بتاعت فلان.. و العربية زي بتاعت علان.. و الديكور والدش و الموبيليا زي ترتان..و اشمعني هما و احنا لأ... و غسيل المخ اللي شغال الله ينور علي ودنه في التليفزيون شال اللي فضل من القناعة...

و ده عصرنا... و دي ملامحه...

أديكم أتنين.. أنت و شعنونة في أول طريقكم العملي...و ده شعور أكتر من طبيعي اللي انتم حاسين بيه... أيديكم شلتوها من الميه.. و حطتوها في النار... الحقيقة بتوجع... بتلسع... لكن مع الوقت كل حاجة بتبقي عادية.. و نظرتكم للحياة حتتغير من غير ما تحسوا... المهم أن اليأس مايعديش ال51%... خليه دايمآ في مستوي ال49...

و ربنا معاكم و مع كل شباب البلد... يعني لما تيأسوا أنتم يا غجر .. امال مين اللي حيصلحها...

عالعموم.. أنا لما كتبت موضوع بين الحياة.. و المباديء.. كنت بفكر فيكم.. مش عارف ليه...

تم تعديل 7 فبراير 2004 بواسطة Scorpion

[بنت شعنونة]

عالعموم.. أنا لما كتبت موضوع بين الحياة.. و المباديء.. كنت بفكر فيكم.. مش عارف ليه...

والله كنت حاسا ب دا جدا

وكنت عاوزة ارد و اوقول كلام كتيييييييييير

انما قلت بلاش

لما اهدى ارد يمكن يكون كلامي متغير

او يمكن انا اتغير

كلام حضرتك عن الأمل 51% صح وانا معاه

انما موضوع اننا خرجنا من المية ودخلنا النار

ابدا

مش صحيح

الموضوع اننا بعد ما كنا شايفين النار قدام عنينا واتلسعنا كام مرة كدا لسعات بسيطة

بقينا جوةا قلب النار

مافيش مصري عايش في مصر وتبقى ايده في المية ابدا

خصوصا بعد الوضاع المتردية اللي احنا فيها دي في اخر 3 شهور فاتوا وغلاء السعار المفزع اللي الكل حس بيه وصرخ منه فعلا

فيه مثل بيقول

اللي يحتاجه البيت يحرم ع الجامع

مين مكن ينتمي وهوا جعان؟ او عطشان؟ او حتى عريان!؟

مين ممكن ينتمي وهوا ساكن مع اهله وبيحلم بشقة يتيمه مش حتى شقة زي فلان او علان

انا عن نفسي

بقولها بعلو صوتي

انا بحببببببببببببك يا مصر جداااااااااا

لكن انتي بتبعديني عنك

بكل مافيكي ....

يبقى اصلح وسيلة اني ابعد

عشان اشوفك حلوة طول الوقت في عيني

من غير ما ابقى جوا النار

كلام شخص مكتئب

يمكن يتغير للأحسن... ويمكن للأسوء

[ســيد مرزوق]

بصراحة يا جماعة ... أنا عندي كلام كتير ... وصراخ ... وإنفجار ..

بس مخنوق جدا مش قادر أكتب حاجة خالص..

الموضوع ده .. أكتر موضوع قارفني في حياتي عالآخر ..

بقالي 22 سنة متغرب في أوطان أحن عليا من وطني , ولما فكرت أرجع لوطني ... وبدأت بإرسال أسرتي لمصر من أجل دراسة أولادي والجامعة وما إلى ذلك ...

إكتشفت كارثة مهولة ..

وهي ..

ضياع الوطن ..

لقد سرقوا وطني بكامله

وأضاعوه من أعماق أبنائه , وتأكدت جيدا أن مصر التي في خاطري وفي فمي ... لم تعد موجودة سوى في الكتب والأغاني القديمة جدا ... والموجود الآن هي صورة مسخ مشوه لا يمت بصلة للماضي الجميل ... بحثت بين ملامحها لعلي أجد شيئا يذكرني بماضيها ... فلم أجد سوى بضع لمحات وبقايا من نيل قد تم إغتياله .. وبعض الوجوه القديمة في أركان مظلمة من زوايا حواريها وأزقتها .

أنا في ورطة حقيقية ..

تعبت من بعدي عنها ... ولما حاولت أن أرتمي في حضنها .. وجدتها فارشة لي الطريق ... والفراش ... وحتى الهواء .. بالأشواك والسموم القاتلة .. والعقارب السامة ..

في قلبي مواجع وآلام مثلكم تماما .. ولكن ..

ما العمل والحال هكذا ... ونحن أعجز من أن نفكر حتى في حل ..

هل يكفي الدعاء؟؟؟

[afiona]

براود يا هندسة،

مش هأنصحك بالصبر و أعدد لك مزايا مصر أو مساوئ مصر، ولا هأديك أمنيات كادبة بتغير الأحوال أو أتهمك إتهام ضمنى بأنك بسكويت والحق عليك وإنت لازم تستحمل والكلام ده لأسباب عديدة منها إن فارق السن بينا مش كبير بحيث بحيث إنى أقوم بدور الحكيم....لأنى لم أصبر عندما مريت بنفس ظروفك وده نوع من النفاق أن أنصحك بما لم أتبع، وأخيرا لأنى عارف أن الموضوع مش بأيدك والإنسان الدوغرى اللى زيك هيتعب.

بس الحلول معروفة:

1- السفر للخارج:

- للدول العربية: يفيدك في الموضوع ده من يعمل هناك، وإن كنت أعتقد أنه يحتاج خبرة، يعنى أصبر...:angry:.......

- للدول الغربية: فى الغالب تقدر تقدم للدراسة فى أحدى الجامعات وتستحمل سنتين تأخد فيهم شهادة عليا وبعدين تشتغل... الأحوال ليست بالسهولة بتاعة زمان ولكن ليست بسوء الأحوال فى المحروسة...

ميزة الطريق ده إنه يعطيك فرصة للأقامة وتشوف المجتمع بنفسك وتحدد إتجاهك ...هتقعد ولا هترجع....

طبعا السفر له إعتبارات أخرى غير خافية عليك...الغربة عن الأهل صعبة....قرارك إنت....

[afiona]

الفاضل سكوربيون،

الفرق الوحيد أن الناس ما بقتش قنوعة زي زمان... كلنا عايزين أكتر و أكتر.. كلنا عايزين الشقة زي بتاعت فلان.. و العربية زي بتاعت علان.. و الديكور والدش و الموبيليا زي ترتان..

مش دى أمالى، بس من حقى أعيش عيشة عادية، متوسطة، عندى شقى خاصة بى علشان أتنيل أتجوز، وعربية عادية عشان أروح الشغل، وإمكانيات تكفى لتعليم أطفالى، ومعاملة آدمية (أو نصف آدمية... ماشى) فى الشغل والكلية والشارع والمرور (حضرتك نزلت مصر قريب؟)...

لو توافر الكلام ده أنا أرجع مصر ، بس هو غير متوافر وكل الظروف تدفع للفساد....رشوة عينى عينك، منظومة مقننة للفساد، إنت يا فيها وممشى حالك يا تلبسها وتطلع إنت الفاسد فى الآخر...على الأقل دى خبرتى فى مدة الكلية والعمل بعد التخرج.....

[Lancelot]

أخي الحبيب براود مسلم ....

حمد لله ع السلامة يا باشمهندس ... و الله وحشتني جدا ... و وحشتني مداخلاتك و موضوعاتك ...

موضوعك ده شغل بالي أوي من ساعة ما قرأته إمبارح ....

مش هأقول "كلنا هذا الرجل" ... لأنها مش دقيقة أوي ....

لكن هأقول .. I've been there ... حسيت في فترة سابقة ... مش من بعيد أوي .. بالإحساس ده ...

كنت أقول لنفسي ... أنا تاعب نفسي ليه ... كل حاجة بتحصل أقعد أحرق دمي عليها ... طب ليه كل ده ... ما أكبر دماغي زي ما كل واحد مكبر دماغه .... إيه اللي هينقص لو بقيت زي الباقي ... و إيه اللي هيزيد لو إختلفت عنهم ...

و فعلا قررت أكبر دماغي ... بس إنتوا عارفيني .... عيل :P .... رجعت في كلامي تاني ...

أولا ... ما أقدرتش ... واضح إن حرقي لدمي أصبح عادة صعب التخلص منها .... :D ;)

ثانيا ... لأني أدركت شوية حاجات ...

نمرة واحد ... هو ده اللي هم عايزينه بالضبط (ما تسألنيش مين هم .. لأنهم كتير أوي .. بعضهم قصده و بعضهم من غير قصده) ... لما أنا أكبر دماغي و إنت تكبر دماغك و هو و هي .... تبقي الأوضاع هايلة و تمام علشان كل واحد يعمل اللي هو عايزه ... و أنا و إنت نقف نقول "يا عم إحنا مالنا هي بلدنا" ... :)

نمرة إتنين ... لكل بداية نهاية .... كل حاجة لازم تخلص و تنتهي في يوم من الأيام ... و الوضع ده لازم هيخلص في يوم ما ... إذا ما كنش بإيدينا هيكون بإيد اللي بعدنا ... إنت تحب تكون السبب في إن الأوضاع ديه تستمر لمدة – علي الأقل – 35 سنة (جيل كامل) كمان علشان إنت قررت إنك تكبر دماغك ... :angry: :P

نمرة تلاتة ... كام واحد حواليك بيحس نفس الإحساس ده .... مش الإحساس بعدم الإنتماء (دول عددهم كتير) ... لا ... الإحساس بالضيق من الإحساس بعدم الإنتماء ... الإحساس بإنه ده مشكلة ... إحساسك بالضيق بهذا الشكل معناه إنك مهتم أوي ... تفتكر إن الإهتمام إحساس عادي و لا شئ مغروز جواك علشان يكون دافع ليك لإنك تقوم بدور .. ناس كتير ما تقدرش تعمله ...

هتقولي "طب أعمل إيه" ... me0:

هأقولك ... حافظ علي شوية أمل جواك .. أمل في أن الأوضاع ممكن تتغير ... واحدة واحدة أو حتي بمعجزة ... بإيدك أو بإيد غيرك ... علشان لما يجيي التغيير ده .. و يتحقق أملك هتلاقي نفسك بتساعد التغيير و تكبره و ترعاه ... لكن لما تستسلم للوضع الحالي و توفق أحوالك معاه ... لما يجيي التغيير اللي كنت بتحلم بيه زمان هتلاقي نفسك بترفضه لأنه ضد كل شئ غيرت حياتك إليه ....

هأقولك .. إعمل اللي عليك ... إتقن عملك ... حافظ علي دينك و أخلاقك و مبادئك ... غير في نفسك للأحسن ... حاول تغير في اللي حواليك ... و لما ربنا يأذن لك بيهم ... كبر أولادك علي كل حاجة كويسة إنت بتؤمن بيها ... علشان لو إنت ما لحقتش التغيير ... هم إن شاء الله يلحقوا ...

مش هأقولك ... غير العالم ... لكن هأقولك .... it's worth the try ...

يا رب أكون ساعدتك ....

أما البقاء في مصر أو الهجرة .. فهذا قرار يعود إليك ... و صدقني مفيش فرق .. مفيش حاجة لما تحاول في مكان تاني طالما بلدك في قلبك و عقلك و خيرها و تقدمها هو هدفك ...

[Lancelot]

شوية ردود سريعة علي باقي الأخوة و الأخوات ...

فيروز

كل شئ مدروس يا جماعه

يعني نقدر نقول "ياما تحت السواهي دواهي" ... :) :P :D

ماما سلوي ...

للأسف هو ده شعور اغلب الشباب ..الصح .

خلي بالك من "الصح" ديه ... :P :D

شعنونة التي لا تمت للكآبة بصلة :D :D ;) ...

كلنا هذا الرجل يا براود

انت مش لوحدك مطلقا

كل الكلام اللي فوق ده ليكي إنتي كمان ...

سكوب إيطاليانو ....

المهم أن اليأس مايعديش ال51%... خليه دايمآ في مستوي ال49...

بس إنت مهندس :angry: يا براود ... يعني لازم تحط لنفسك Safety factor محترم .... بلاش 49 % خليها 10% بس ... ;)