rar

أتمني اعادة احياء هذا الموضوع من جديد، بعد الانهيار الواضح للاقتصاد المصري... طبعا رأيي أن دخول الجيش في منافسة مع القطاع الخاص بحجة مقاومة الاحتكار هو منطق فاسد و حجة باطلة لو كان السوق مفتوح فعلا، و تتم مراقبته من الجهات الحكومية... و لو كان الاعلام و مجلس الشعب يتمتعوا بالحرية للقيام بواجباتهم... لاستحال احتكار أي منتج أو خدمة في البلد... لأن البديل من الخارج سيتم استيراده، أو توفيره من شركات أجنيبية... الجيش لم يحتاج للمشاركة في الانتاج لضمان انتاج و توفير و توزيع المنتجات أو الخدمات، فقط كان رأس المال الخاص سيلاحظ النقص و يوفره بسعر السوق العالمية، بمجرد زيادة السعر نتيجة الاحتكار أو "تعطيش" السوق... النتيجة الحتمية لدخول الجيش في المنافسة، و سيطرة اللواءات علي كل المشاريع في الدولة بعد تحويل الوزارات الحكومية لمتفرج هي هروب رأس المال من البلد اتذكر حوار تلفزيوني لسامح ساويرس (علي ما أذكر)، قال فيه انه لم يعد له أي فلوس في البلد... مفهوم طبعا السبب نعود و نطالب الجيش بالعودة للثكنات، و تسليم أمور الاقتصاد للوزارات و القضاء، و هم قادرين علي ادارته تماما بدون "تضارب المصالح" مع الجنرالات و أبناءهم القطاع الخاص غير عاجز، و لكنه لن ينافس القيادة السياسية و لا العسكرية علي السوق... التعويم القادم دليل فشل السياسة الاقتصادية للجيش...

أنا لسه عايش... لسه باتعلم، لسه متابع أخبار بلدي... بس من بعيد السنة دي هأتم عشرين سنه عضو في المنتدي... ياه... اكتشفت المحاورات بعد حوالي سنتين من الهجرة... وقت كنت باعاني فيه من صراع رهيب للهوية، كشاب هاجر بعد التخرج مباشرة. هنا قابلت ناس ما كنتش باقابلهم في حياتي العادية في مصر... قابلت افكار و أساليب اتعلمت منها، و اتعلمت اتعامل معاها... هنا نضجت. هنا شاركت في الثورة،. و شاركت في الانتخابات... و عملت أصدقاء قلم ما اعرفهمش شخصيا... بعد الثورة بسنة أو اكتر... كان طفلي التاني بيحبو... و من حواراتي مع شباب مدارس الأحد في كنيستي، كان واضح لي قوي اني مش متابع جيد للأحداث و الأفكار و الصراعات اللي قايمة هنا في بلدي التاني... كان لازم أختار... اما أن أظل مصري، منشغل بامور بلدي الأم، بأقرا بالعربي و اتناقش بالعربي... صحابنا كلهم مصريون مهاجرون... أو اني أكرس وقتي أكتر لأصبح أمريكي الثقافة... أمريكي الأنشطة و متنوع الأصدقاء... ما كانش في وقت للأتنين... الثورة و احداثها مش هتخلص... مصر هتفضل بقعة ملتهبة لفترة طويلة... و اخترت اني استعد للمجتمع اللي ولادي هيكبروا فيه... قررت اقلل من المحاورات... اقلل من الفرجة علي أخبار أو أفلام عربي... مع الوقت تغير ذوقي لأصبح.... "خواجا" بحق و حقيقي! كل حين و مين أعدي أخد نظرة... بس ما أطولش... مش عايز أرجع بالكامل... لسه ولادي ما كبروش... لسه محتاج عيني و عقلي يبقوا في مجتمعهم... مش في مجتمعي الأم بس.... وحشتوني... نفسي أطمن عليكم... ما عنتش بافهم قوي الخلفيات اللي الناس بتتكلم منها... ما عنتش بافهم قوي الحساسيات و الأولويات... فاتني شوية كتير من مصر ما بعد مبارك... و أيضا نضجت كثيرا... في آرائي و في أسلوبي... استأذنكم اني ارجع بس علي خفيف... اتابع اكتر ما أتكلم... عشان دايما هأتكلم، كخواجة!

بقالي 11 سنة مهاجر، و مش لاقي سبب واحد يخليني أبلغ وزارة الهجرة أو السفارة عن عنواني الجديد... و كل كام سنه انزل مصر اجدد اوراقي علي اني لسه عايش هناك ده أول سبب وجيه يخليني ابلغ الحكومة اني عايش بره، لأ و أديهم عنواني و نمرة تلفوني كمان... يمكن تكون خطوة أولي في تصحيح الكشوف و محاولة التواصل و الاستفادة بعقولنا المهاجرة؟؟ بركاتك يا ثورة

عزيزي طارق المصري أدعو حضرتك للمرة التانية أن تتعرف معرفة شخصية بكلمة "بعض" لأن الضمائر الشمولية التي تستخدمها لم يستخدمها العالم المتمدن منذ أيام النازية بتنميط طوائف بأكملها كعملاء و طابور خامس، عشان وقت المشاكل يبقي من حقنا نبيدهم (اتقاء لشر الخلايا النائمة الشيعة في الخليج هم بالملايين ولو كانوا جميعا خلايا نائمة مثلما تظن حضرتك لشعرنا جميعا بذلك، أما نظرية اختراق الشيعة للعالم السني عن طريق الصوفية، اللي عمرهم في بلادنا أكثر من ألف عام، فسامحني واسعة شوية، و لكنها لا تخرج عن بقية قصص المؤامرة الخارجية و تحالف الانس و الجن علي الفرقة الناجية... يعلم الله انني لا أقصدك كشخص و لا اقلل من تفكيرك و لكني أخشي من تعميمك أن يساء فهمه

الله يرحمه و يرحم كل شهداء ماسبيرو، و ينتقم من الحكومة العاجزة اللي قتلتهم car.bmp

يا جماعة طب اعملولنا بطولة نلعب فيها لوحدنا ولا أي حاجة... حرام كدة قوي الصبر من عندك يا رب

لم تخطئ يا سي السيد لتعتذر، لكن الشرفاء لا يهابون الاعتذار... لم يحرق مسلما حقا كنيسة، لكن سمح بها و حماها الأمن و المحافظ لم يدهس مسلما حقا متظاهر، لكن فعلتها عربة الجيش و المجلس الحاكم و حاول الاعلام القذر التغطية علي جرائمهم... و ها نحن لا نلوم مسلما حقا علي أفعال الحكام... البابا شنودة و المجلس الملي يدعوان المسيحيين لثلاثة أيام من الصيام بدءأ من الأربعاء القادم "إِنِّي لَقَدْ رَأَيْتُ مَشَقَّةَ شَعْبِي الَّذِينَ فِي مِصْرَ، وَسَمِعْتُ أَنِينَهُمْ وَنَزَلْتُ لأُنْقِذَهُمْ....." اع ٣٤:٧

عزيزي عطر الجنة... حضرتك مصري ابن مصري ابن مصري، غصبا عن عين التخين... نحن شعب متعدد الاعراق، و من كل ملة ستجد الأشقر و القمحي و الأسمر و الأسود... ستجد الملامح العربية و التركيةو الاوربية و الافريقية... و اتحدي مصري واحد قادر علي الجزم بأصل جده العاشر حتي... القضية القبطية معناها قضية عدم كمال حقوق الأقباط، المطلوب حلها...و ليس قضية ابادة غير المسيحيين... و التعبيرات ال"بلدي" اللي بتتقال في المظاهرات يقصد بها التلميح بأن المسيحيني في مصر مثلهم مثل المسلمين، هم مصريين من آلاف السنين، و لم يأتوا هنا كلاجئيين أو أسري فلا يجب التفريق بينهم في الحقوق أو الواجبات و لو كان بعضهم يؤمن بألوهية الأمر بالتفريق... حضرتك مصري علي دماغي من فوق، مهما قال الدهماء

ياعم ما تلم ايدك شوية و بدل ضمير "هم" اللي انت بتستخدمه ده، ياريت نتعلم اللباقة و نستخدم ضمير "بعضهم" عشان بس نبقي راعينا ربنا في شهادتنا قدام الناس!! يا والدي انا من أقباط المهجر، و لا أدعو لتقسيم مصر، و لا أتحالف مع أي كيان، و لست متطرفا و لا تحركني أحقاد، و لا أتلقي مساعدات... ياريت بس تفتكرني و انت بتشهد قدام الناس، و لو باستخدام كلمة "بعضهم" عشان خاطري يا عم أقلية ايه اللي تتحكم و اكترية ايه اللي تتحكم، هو حد فيهم بيربط التاني بحبل و يطلب منه يعمل نوم العازب!! يا عم انا لا عايز احكم و لا أتحكم، أنا عايز قوانين قابلة للتغيير يضعها أهلي ايا كانت دياناتهم او انتماءاتهم السياسية، تحقق العدل في الحقوق و الواجبات... هو ده يبقي بامشي كلامي عليك او انت بتفرض كلامك علي؟ هو اية بالظبط الحكم اللي الاقلية القبطية بتحكمهولك يا عزيزي؟ انهم عايزين تصريح ببناء دار عباده؟ انهم بقوا بيعلنوها امامك رفضهم للشريعة الاسلامية الغير معرفة الغير متفق علي معناها كدستور للبلاد بدلا من دستور وضعي يضعه الخبراء؟ ياسيدي لو مش عايزهم يبنوا كنايس خلاص، بلاش... نطلع الربع مليون قبطي اللي في مصر يصلوا في الشوارع و الطرقات... ويبقي الشارع يوم الجمعة مقفول من 9-12 عشان القداس ، و من 12-2 عشان صلاة الجمعة... و نبقي اخوات و حبايب و الباب اللي يجي منه الريح... أصل الاقباط هيصلوا هيصلوا، يصلوا جوا قبة و هما مبسوطين وبيحلفوا بحياة البلد، أو يصلوا في الشارع و هما قرفانين... هتفرق ايه مع الناس أنا حقيقي عاجز عن الفهم؟؟ حكم الاقلية ان نسبة طلاب الشرطة و الجيش من المسيحيين لم تتعدي اتنين في المية من يجي خمسين سنه؟ حكم الاقلية ان لغاية كام سنة فاتوا ما كانش فيه ولا محافظ ولا رئيس جامعة مسيحي... هوا المطالبة بالحاجات دي تبقي محاولة فرض سيطرة أو لوبي و الكلام الكبير ده؟ لو لأ، امال ايه اللي مضايق حضرتك... قلة ادب واحد بيدعي الرهبنة، يا سيدي عيل و غلط... ما هو برضه فيه رهبان قدراتهم العقلية و التعليمية علي أدهم، كلمني انا هنا و سيبك منهم؟ ما تسيبك من موضوع هو اللي قال الأول و هما اللي ضربوا الأول و شغل العيال ده بقي، و تيجي نتكلم بجد في ايه اللي مضايق الناس و مخليها مشحونه من بعض، يمكن يطلع كلام فارغ و نلاقيله حلول؟ مع حبي و احترامي

بالمختصر كدة عشان ورايا مذاكرة... أعلن بالانابة عن نفسي، و مش باسم أي حد تاني انني مسامح كل مصري ضايقني أو حرق كنايس أو حرض علي أو اتمني لي الأذي أعلن اعتذاري الشديد لكل مصري تأذي من أفعالي أو أفعال اخوة لي انفجروا من الشعور بالظلم و التهميش، و لكن لا يغفر لهم غضبهم أن يتجاهلوا مشاعر الآخرين أعلن لكل أخ سلفي كان أو اخواني أو علماني أو ليبرالي أو ملحد، انني احبه و اخاف عليه و أقبل عدله و محبته مهما كانت ظالمة، لأنه أخي و سيظل أخي الي الأبد و لو كره ذلك أقبل عدل كل هؤلاء و لا أقبل عدل المجلس العسكري و لو ادعي الورع و التقوي و كراهية السلطة... أتهمه بالكذب و دلائلي أكثر من أن احصيها أسأل يعني، هل ألوم المتظاهرين علي ما فعلوا ، أو الجيش علي ما فعل، و أقضي حياتي اتسائل عن وجود مندسيين أو عملاء و الكلام الكبير ده؟ و لا أسأل المجلس المش عسكري خالص، حضرتك ليه لم تتدخل و تتفاوض و تقيم الدنيا و لا تقعدها حتي يرجع هؤلاء الأقباط عن مظاهرتهم التي أعلنوها للجميع قبلها بعدة أيام؟خاصة وان مطالبهم مشروعة وكذب المحافظ اعلن و التراخيص طلعت علي الفضائيات بالختم الحكومي؟ و لا هي المظاهرة دي كانت منتظرة بفارغ الصبر من القيادة العليا و سيادة المشير اللي مش فاضي غير انه يمشي باللبس المدني في الشارع عشان التلفزيون يصور؟ ارحل يعني امشي... اما أهلي من ذوي الذقون أو من حليقيها، فهم أهلي و ليس لك التدخل بيننا الا لتطبيق القانون... مواطن قبطي لا و لم و لن يحمل سلاحا و لن يكره أخوته مهما صورهم لنا الاعلام الداخلي و الخارجي علي أنهم وحوش تبغي لحمنا

عقبال يا رب كده ما نشوف الهمة في محاكمة مجرمين كنيسة نجح حمادي و صول والقديسين... الخ الخ و كل موضوع تم حسمه بالقعدة العرفية كما نرجو سحب الجنسية من كل متطرف يتعدي حدود اللياقة تجاه أيه ديانه، أو يسمي أصحابها بما لا يقبلون من تسمية...

بدون تخوين للمجلس العسكري... ايه اللي طلع زكريا عزمي، و ماما سوزان من السجن؟ لو فيه صفقة اتعملت، مش من حق الناس دي انها تقبل أو ترفض الصفقة... ولا رجعنا تاني لنظرية "أصلكوا مش عارفين حاجة؟" طبعا هانزل للتحرير لو كنت مكانك... علي الأقل عشان المجلس طموحه ما يزدش!!

طبعا كلام منطقي ان المصري في الخارج ما يصوتش في الانتخابات البرلمانية، لانه مش من المنطقة المطلوب تمثيلها... بس هل الكلام ده يسري كمان علي انتخابات الرياسة اللي المفروض بتمثل كل مصري مهما كان مكانه؟

بأضم صوتي لصوتك يا طارق... و أطالب بمعرفة مصير كاميليا و وفاء و التأكد من عدم التعرض لهم، كما أطالب الكاتدرائية بتوضيح الأمر و سبب التكتم عليه و عدم تقديمهم للاعلام للدفاع عن أنفسهم سواء كانوا مسيحيات أو مسلمات... و أطالب بمحاكمة المسئولين سواء كانوا اساقفه أو بطاركة علي هذا ، اللهم الا لو كان هذا السكوت بأمر من الجيش و المجلس العسكري... هذا الموضوع اخذ أكبر بكثير من حجمه، و نفقد فيه وقتا و جهدا اقتصادنا بحاجة لهم... من يغير دينه من أي اتجاه أو بأي اتجاه، يفعل ذلك لوجه الله و الله هو حاميه و مجازيه... و يجب علي ال"دوله" المصرية حمايته و ليس هذه الجماعة او تلك... نرجو من البطريركية الخروج للاعلام و نفض يدها من هذا الموضوع تماما، حياة مسيحي ليست أغلي من الوطن، و دم المسيحي هو بركة لا يجب أن نخشاها... معك يا طارق الي أن تظهر حقيقة الموضوع

النظام ده مش هيمشي و يرتاح غير بعد ما آخر مصري يترفد من شغله نتيجة انعدام التركيز... خلصونا بقي