alex fox

لو انت فى مصر...ITI ...فإن لم يكن يبقى نيوهورايزون القاهرة...فإن لم يكن يبقى يات القاهرة

الزغلول الكبير بقى .. عصام سلطان: "أختفاء ملف موقعة الجمل بالكااااااااااامل"

نظام رائع... ولكن هل هايكون ناجح فى مصر حاليا... مصر لسه زى ماهى مافيش حاجة اتغيرت غير ان الناس حست بالحرية بعد خلع مبارك وبعض رجاله... لكن الناس لسه زى ماهى لسه مافيش الوعى الكافى عند اغلبية الناس لقيام مثل هذا النظام وممكن يتم استغلاله من قبل المتسلقين الجدد واحنا ماصدقنا خلصنا من النهب واستغلال الناس البسطاء... علشان كده انا بقول ان النظام الفرنسى اللى هو نظام وسطى بين الدولة الرئاسية والدولة البرلمانية هو الأصلح حاليا...

الله اكبر الله اكبر الله اكبر لا اله الا الله... تحيا مصر تحيا الثورة عاش شعب مصر الحر عاش شعب مصر الشجاع افرحى يا أم الشهيد أفرحى يا أم البطل خلعناه خلعنا الشيطان النهاردة احنا اللى صنعنا التاريخ النهاردة اسعد يوم فى حياتى انا حاسس ان فرحى النهاردة لأ...مافيش عريس فى الدنيا هايكون فرحان وسعيد قدى انا مصرى حر انا مصرى حر انا مصرى حر

احتلال ايه بس... هى امريكا ناقصة مصايب... مش كفاية عليها الوكسة اللى هى فيها فى العراق وافغانستان... وبعدين ماهو الخليج كله بين اديهم بيضة مقشرة... المذيع ده متخلف عقليا والمفروض يستضيفوه فى فرع زوار الفجر بتاعهم...

بسم الله الرحمن الرحيم الاجابه اللبنانى شووو هالجمال ياالله بدى اتشكر للبابا والماما Je tiens à Ackr Mama et le pape من وين جابوه هقطعة الجاتوه يا امورة O belle طب المصرى معروف واللبنانى ادينا عرفناه طب مافيش حتة كويتى

السلام عليكم و رحمة الله و بركاته طب بمناسبة ان النهاردة 18 ديسمبر...(و محدش يبص في النتيجة....يعني هو كان ايه مناسبة 20 مايو :blink: سؤال يا استاذ زوهيري....انت حضرتك متاكد اوي يعني ان الكلمات ام فونت عريض اللي فوق ديت معاكسة يعني مقدرتش احط ايدي....فين المعاكسة في "بقرة" مع اني عارفة ان عينيها حلوين و مفهمتش طبعا بتاع شبيه الريح....حسيت ان واحد واقف بره الخيمة...و قووووووم ايه عدت من قدامه واحدة بتجري بسرعة.....يمكن مستعجلة...يمكن وراها حاجة و التالتة بتاعت المصري فكرتني بعبد الفتاح القصري و صفايح الزبدة السايحة اما بمناسبة ان حضرتك يعني اصريت و كده...فآدي التطور الطبيعي بتاع الحاجة السائعة معاكسة مهندسين الكمبيوتر يا مسطب حبك في قلبي . ومكنسل منه الآهات. بعدك خلاني أهنج. وأحرق كل الرامات. كارت عيني ولع. وكمان الساوندات من كتر ما اتحركت انصبت بالبادات. فضلت أدور عليك نصحوني بالشات. أتخيلت بيك يا خسارة طلعت فيروسات. من بعدك عقلي خلاص أتعمله فورمات. وعلشان أشوفك تاني لازم ابقي فات. لا نافع في ويندوز ولا حتي ريد هات. من كتر ألم فراقك بسقط ملفات. عملت سكان لقلبي مالقيتش بارتيشنات. حتي التقسيمة ضاعت. ياخسارة على اللى فات وحياتي الى دخلها الفيروسات و طبعا طبعا دي......متاخدة كوبي....و بيست كدهون من حتة تانية هههههههههههههه جاااامممممدة لأ يجى منك

وانا كمان نفس النتيجة :blink:

انا شفت 10 وجوه بس يلا...الحمد لله على كده

أخيرا صوابعى فكت وهاقدر اكتب تانى... انا مش مصدق اللى حصل ده... فضلنا نقول الشتا السنة دى اتأخر... هو هايجى امتى... لحد ما الشتا دخل علينا فجأة و قالنا" بخ...انا جييييييييت"... اول مرة أشوف نوة شديدة زى دى... عمرها ما حصلت ان نوة تهد مصنع على اللى فيه... هو كان قديم شوية بس مش للدرجة دى يعنى... وكمان 3 اشخاص ماتو بسبب البرودة الشديدة... وأبراج حمام كتييييييير اتهدت... حتى الستاير اللى فى البلكونات اتقطعت خمسييييين حتة... والطرق كلها واقفة تماما... باختصار...مافيش حاجة فضلت على حالها... بس الحمد لله النهاردة احسن... الشمس بدأت تطلع على استحياء... ولسعة البرد خفت كتيييير... والهوا بقى اقل حدة عن امبارح بمراحل... وبيقولو بالليل الجو هايكون اتحسن اكتر...

أؤيد العصيان المدنى بشدة اذا تم تنظيمه من قبل قيادة حكيمة تجمع الشعب تحت قيادتها... بس المشكلة ان ده شىء مستحييييييييييل... النسبة اللى ممكن تعمل كده نسبة قليلة جدا من الشعب وحاجة زى دى هاتوصل لعلم الأمن قبل ما توصل لمعظم الناس وبالتالى مع اول تهديد من وزارة الداخلية هاتلاقى نصهم نزل شغله فورا... دا اذا لم يتم احباط الأمر قبل بدايته اصلا... "هما" عرفو يلعبوها صح... موتو الرأى العام وقضو على أى قيادى بارز مكن الناس تلتف حوله وزرعو الخوف والرعب فى قلوب الناس وقتلو جوا كتيييير منهم كل احساس بالوطنية والأنتماء والأستعداد للتضحية من أجل مصر... ولو الأمر فلت من ايديهم هايطلقو كلاب الأمن المركزى على الناس وأكيد حضرتك عارف أن عدد الأمن المركزى أكتر من عدد جنود الجيش بكل فروعه... الخلاصة: انا نفسى ان ده يحصل لكنى مستبعد تماما حدوثه...

نقلا عن احد المعيدين بالأكاديمية: "معظم تخصصات الدرسات العليا فى الأكاديمية بتحتاج معادلة سواء ماجستير أو دكتوراه" اعتقد ان اللى مش بيحتاج معادلة هى الدرسات العليا فى الهندسة البحرية بس... لو عايزة تتأكدى روحى اسألى فى المجلس الأعلى للجامعات بنفسك...مش تتصلى...لأ روحى بنفسك او ابعتى حد يسألك... بس اسألى مسؤول كبير هناك لأن معظم الموظفين مايعرفوش أى حاجة عن اى حاجة... ولما تيجى تسألى اسألى عن التخصص اللى انتى ناوية تدرسيه لأن زى ما قلتلك مش كل التخصصات محتاجة معادلة...

الف الف مبروك يابوعمر يا مشرفنا... عقبال الدكتوراة...

بالرغم من انى مش طايق لسمع اسم الشىء اللى اسمه محافظ اسكندرية ده الا انى مؤيد بشدة للقرار المتأخر ده... بس فيه مشكلة بسيطة... كله كلام فى الهوا... القرار ده هايتنفذ لفترة قصيرة على بعض الأماكن بس... ومسألة الغاء التدخين تماما هى شىء مستحيييييييييل لأن دخل الكافتيريات دى بيعتمد بشكل اساسى على الشيش والسماح بتدخين السجائر ومنعها يعتبر منع المورد الرئيسى لكل هذه الأماكن... وبعدين هى جت ع السجاير والشيشة... انا اعرف اكتر من قهوة وكافيتيرا فى اسكندرية تسمح بتعاطى المخدرات علنا وكل ترابيزة عليها لفائف الحشيش والبانجو وخلافه عاااادى جداااا... وعلى فكرة الزبائن مش بيكونو من المدنيين بس... وكمان فى المواصلات العامة التدخين ممنوع من فترة...بس على ميييين...كل اللى عايز يدخن بيدخن وماحدش ليه عنده حاجة... حسبى الله ونعم الوكيل... ربنا ياخدك ياللى فى بالى...

الأخوان شوكة قوية جدا فى البلد... اتمنى ان التحالف ده يدوم... بالتأكيد توحيد الجهود والقوى من اجل مواجهة الفساد افضل كتييييير من ان يعمل كل حزب او تكتل منفردا... المشكلة انهم على وشك الأنفصال عن الجمعية الوطنية للتغير لأنهم يرفضون انضمام حزب الوسط لها...