essamlotfy

شكرا لك يا استاذ خالد علي محاولة مساعدتنا واتمني من الله رب العرش العظيم ان يجزيك خير الجزاء انااسف انا مشاركاتي بسيطة في المنتدي - ممكن توضح لنا ازاي نتصل بحرضتك بعد يوم 6 صفر

انا واقع في نفس المشكلة من فضلكم يا جماعة لو حد يعرف حاجة عن الموضوع ده ما يبخلش بالرد علينا وكمان انا بتعجب ليه في مصر بياخدوا اصل الشهادة السعودية ؟؟؟

رمضان كريم لكل اهل المنتدي الكرام شوف يا دكتور انا سألت في الموضوع ده السنة اللي فاتت لاني كنت عايز اجيب امي نحج ففعلا رحت سالت في وزارة الخارجية - هل ممكن اني اطلع تاشيرة حج لأمي؟ وكانت الاجابة ان تاشيرات الحج تستخرج للحكومات فقط فكان الحل اني اجيب الست الوالدة من اول رمضان وتفضل معايه الي الحج وده فعلا اللي حصل والحمد لله قدمت لها علي التاسشيرة في شعبان وجت في رمضان وقعدت الي الحج وروحت بالسلامة وهي بتدعيلي لكن في نقطة - اللي عايز يحج من المقيمين لازم يطلع تصريح حج لكن في بعض الحملات الرخيصة بتوافق علي انها تاخد الناس معاها بدون تصريح اتمني اني اكون وضحت الموضوع كامل ولول في اي استفسار تاني انا في الخدمة

اخواني الاعزاء ارجو الافادة في استلام جواز السفر الجديد انا نازل ان شاء الله نهائي بعد اسبوعين ورايح السفارة عشان استلم الجواز الجديد لكن انا لا اريد الغاء الجواز القديم عشان انزل بيه وبعدين اجي علي عقد جديد يالجواز الجديد فسؤالي هو لو اخدت الجواز الجديد وخرجت بالجواز القديم وفي مطار الفاهرة دخلت بالجديد فهل يوجد مشكلة ام لا وجزاكم الله خيرا

السلام عليكم اخواني الاعزاء اولا احب اهنيكم بثورة شعب مصر العظيم ، وسؤالي هو : انا خارج نهائي وان شاء الله راجع علي عقد جديد فهل يجوز اني اخرج نهائي علي البحرين - لظروف خاصة - وبعدين اخلص اوراق التأشيرة الجديدة من سفارة السعودية هناك مع العلم اني اوراقي كلها معايا ومختومة من قبل كده وجزاكم الله خيرا

السلام عليكم ورحمة الله وبركاته، اخواني، وانا ببحث علي الانترنت عند الشيخ جوجل (كما اطلق عليه هذا اللقب احد الدعاة)، وجدت هذا الاعلان : الــــكــــرمـــــة ســــــيـــتــــى (حدائق أكتوبر) *تخطيط المشروع : 70 % من المساحات الفعليه للمشروع مساحات خضراء - حمام سباحة - حضانه - مستشفى - مسجد - مول تجارى - نادى إجتماعى *المبنى : ارضى وخمسة أدوار - مصعد كهربائى - وجهات فاخرة *مساحات الوحدات : 120م ، 140م *تخطيط الوحدات : 3 ريسيبشن ، 3 نوم ، 2حمام ، 1 مطبخ ،2 تراس ، واجهات بحرية الموقع : بجوار منطقة الاندية نادى الزمالك الرياضى نادى الشرطة نادى الترسانه 5 من امام نادى الرمايه و5 دقايق من دريم لاند - استاد مبارك الدولى سعر المتر (مرحلة أولى ) :1200 جنيه فالرجاء ممن عنده معلومات عنها ان يفيدنا بها وله من الله كل الجزاء.

والله عندك حق في موضوع السواقة في مصر مختلفة جدا تحس ان مفيش اي نظام الناس بتحترمة زي ما يكون كل واحد داخل بكتفه واللي يقف في طريقة يتعور

اخي العزيز طبعا انا عايش في السعودية فمعنديش فكرة عن ما يحدث في الامارات لكن ممكن حضرتك تروح اي مكتب سياحي (اللي بيطلعوا دفتر التربتك) وأكيد هاتلاقي عندهم الاجابة ان شاء الله .

انا طالع من الرياض ان شاء الله، وفعلا انا درست الطريق علي جوجل وفعلا زي ما حضرتك قلت هايكون الطريق - الرياض-بريدة-حائل-تبوك-العقبة بالنسبة للطفاية انا معايا واحدة هل تنفع ولا لازم اشتري واحدة واخد معايا الفاتورة.

يا اخي العزيز انا مش عارف اشكرك ازاي علي المعلومات القيمة دي، انا استفدت جدا من الخرايط دي وسجلت النقط المهمة.

يا باشا جزاك الله كل خير وان شاء الله هانف

أخي العزيز engmido ، هو الغرض فقط الاحساس بمتعة السفر و التجول في بلاد المسلمين ( السعودية - الاردن - مصر سيناء ) وليس تخفيض النفقات، لأن بحسبة بسيطة وجدت ان السفر بالسيارة تكلفته اعلي كتير من الطيران، بس أهي تجربة جديدة - ارجو الدعاء بالتوفيق.

شكرا علي ردك اخي العزيز، فعلا حكاية شهادة المخالفات دي مهمة، ومرة تانية شكرا علي المعلومة القيمة وتم تسجيلها في دفتر الملاحظات.

جزاكي الله خير علي ردك علي الموضوع ، بالنسبة لشحن السيارة لتبوك هايكون افضل لتقصير مسافة السفر، لكن انا بعشق السفر والتجول بين البلاد والصحاري ورؤية خلق الله سبحانه وتعالي ولذلك ناوي أبدأ من الرياض الي حائل ثم تبوك ومن بعدها الي حدود الاردن ان شاء الله

اخواني الاعزاء المحاوراتية wst:: ربنا اكرمني وقررت اسافر اول اجازة ليه بعد 18 شهر غربة بالسيارة عن طريق العقبة - نويبع :110: اللي نفسة ينزل ونبقي صحبة يتفضل و اول خطوة عملتها - طلعت دفتر التربتك كلفني 320 ريال وخدته وانا واقف مفيش 10 دقايق :110: ارجو الدعاء بالتوفيق واللي عنده نصايح هأكون شاكر جدا جدا :110: وهنا صورة الدفتر وسأواليكم بالاخبار أول بأول