DrEhab

ربنا يقويك يا أدهم و يديك على قد نيتك و مساعدتك للناس و عاوزك تتأكد ان اللى بتعمله مع الناس ربنا عمره مهينساه و هيديك من وسع انشاءالله ... ربنا يعينك و يوفقك

ربنا يوفقك يا صامويل و يقودك في كل خطوة و تأكد انه زي ما ربنا سمحلك تمشي الطريق ,يبقي هيكملك الطريق علي الف خير احنا عايزينك تدق اوتاد الخيمة عشان نيجي وراك :) ربنا معاك و يطمنا عليا انت اتوتا ياااااااا رب و انا بقالي كذا يوم بقول كندا منوره ليه؟؟ حمد الله على السلامه لأ هى منورة أوى اليومين دول عشان صمويل و من قبله ملك ربنا يخليها و يحافظ عليها و حمدالله على سلامتك يا دكتوره و عموما متقلقوش كلها كام يوم و أجى أقلبها ضلمه

ربنا معاك انشا الله خير ممكن تكون فلوس اللاندنج اللى بعتها مش مظبوطة كتير او قليل عن اللى مطلوب منك حاول تبعتلهم ايميل و طمنا منور يا دكتور هارفى ...بص يا أخ جيكو حضرتك لو سنجل لازم تدفع 3020 جنيه و لو متزوج يبقو 6040 ... أى مبلغ تانى حضرتك دفعته غير كده سواء أكتر او أقل لازم يرجعهولك بشيك و ده غالبا اللى حصل معاك ... بس متقلقش الغلط مردود و حضرتك تروح تدفع المبلغ المظبوط و تستلم الشيك بتاعك و تصرفه عادى مفيش مشاكل .

هو صمويل كده دايما مدوخنا وراه من توبيك لتوبيك وانت اصلا مش بتبان و تقولنى مطنشنى ... انا ايه اللى رمانى على الناس دى يارب انا هروح شارع محمد محمود ياعم وخلاص !!!!

حبيت اكون اول واحد يقولك حمدلله على السلامة في المحاورات..انا عرفت موضوع التاخير دة و اتضايقت ليك طبعا بس كل تاخيرة و فيها خيرة..حمدلله على السلامة و خد بالك السطرين الاخرنين دول عايزين نقولهم لواحد انتوا عارفوا كويس بس مش حنقول اسمه..ربنا معاك ياعم انت وصلت هنا بالسلامه وانا مشغل عليك عربية بمنادى فى توبيك اللاندنج ؟؟ حمدالله عالسلامه انت بجد متعرفش الواحد كان قلقان عليك ازاى ؟؟ و بعدين محدش ليه دعوه باللى هيسيب عيالو ييجو لوحدهم ... لازم يتعلمو يعتمدو على نفسهم ياعم الحاج و اسكت بقى متخليش الستات يعملو ثورة علينا و يضربولنا قنابل مسيلة للدموع فى البيت و يعلنو العصيان المدنى .... اما انت بقى ياعم جوناثان فبكره نقعد جنب الحيطه و نسمع اللى مش عارف ايه ....

يا جماعة مفيش حد يعرف أخبار عن صمويل يطمنا عليه ؟ الواحد قلقان عليه من ساعة مشكلة الطيران اللى حصلت معاه دى ؟ ياريت اللى يعرف اى حاجه عنه يطمنا

استاذ مايكل و كيرمينا بجد حال البلد مش مطمنى علشان كده قررت انى مش هسيب فلوس هنا خالص بمعنى اخر الفلوس المصرى هنا و انت بتسحب منها من هناك و حصل شئ غير متوقع فى الانتخابات و بقى الدولار ب 10 جنيه او قانون ينزل فى اى وقت ممنوع انك تسحب اكتر من 1000 جنية و حسابك فيه فلوس يبقى ليك و هتاخد و حلنى بقى لحد ما الظروف تتحسن و كمان هطلع اول ما الفيزا تيجى على طول الواحد مش عارف الظروف ممكن تجبرك تعمل ايه بعد كده الفلوس افتح بيها حساب فى hsbc بس فى كندا عن طريق فرع مصر و بيتكلف حوالى 150 دولار و لما تروح هناك ابقى اعمل فيزا و ايه تى ام و كل حاجة لكن اسيب فلوس فى مصر لا انا رافض الفكرة تماما انت بتتكلم صح يا بيبو فى موضوع ان حال البلد مش مريح وانا شخصيا اتوقع ان فى حاجه لازمن هتحصل اليومين الجايين دول بس ربك هو اللى بيسترها وانا معاك ان اللى الواحد يقدر يحصله يبقى لازم ياخده معاه غير حتى ان حال البلد مش ولابد بس كمان عشان انت هناك هتبقى محتاج كل دولار بجد وده هيكون الحاجه الوحيده اللى طلعت بيها من مصر (مهو لا تعليم هينفع ولا خبره هتأكل عيش و الصحه الحمدلله و لو ان محدش عارف الميه و الأكل اللى بناكله عملو ايه جوا ؟؟)بس احنا بنقول على حساب البنك فى مصر للناس اللى زى حالاتى عندها حاجه مأجراها هنا او مثلا عنده مصلحه مش قادر يصفيها قبل ما يسافر او ليه فلوس عند حد موكل حد تانى انو يحصلها و كده يعنى ... هو ده السبب اللى ممكن يخلى الواحد يفتح حساب هنا يكون قادر يسحب منو هناك

وحياتك انت البكالوريوس ده كلنا هنبله و نشرب ميته هناك و محدش هينفع غير الكريديت !!!!!!!!

يا عم انا هاخد معايا دولار امريكانى و خلاص فعلا الدولار الامريكانى مش حل كنت قرأت مداخلات على المطاريد ان بنك القاهرة الدولى يصرف الدولار الكندى بسعر احسن من الصرافة وكذلك ممكن تصرف منه اى مبلغ المشكلة مش عارف الاقى المداخلات دى ولسه بدور عليها ولحد قرأها ياريت بساعدنا وكان ملحق بها لينك لاسعار البع والشراء يوميا فى حاجة تانية بس مفهمتهاش من البنك قالولى انك ممكن الكارت A T M المصدر من مصر تقدر تسحب من حسابك فى اى دولة بعملة الدولة حتى لو حسابك بالمصرى بس مش عارف حيحسبونى على السعر ازاى موضوع ال ATM ده سهل جدا ده عبارة عن كارت شبه الفيزا بس من فلوسك و ده ممكن يطلع انترناشونال او محلى و لما تسحب فلوس من بره هتكون بالدولار و يتم الخصم بما يساوى السحب من الجنيه المصرى بسعر اليوم يعنى كل يوم بتسحب فيه ( بالاصح كل ثانية ) و بتتحاسب على سعر الدقيقة اللى بتسحب فيها و سعر اليوم هو ده ال ATM بس عيبة ان ليه مبلغ محدد للسحب حوالى 500 دولار فى اليوم ده لو انا فاكر كويس اما ال Credit Card فحده مفتوح شوية بس انا مش موافق على الاتنين لاسباب امنية سألت فى بنك HSBC على الموضوع ده و قالولى انك بتفتح حساب عادى و بتاخد كارت انترناشيونال ممكن تسحب منه فى كندا و بيحاسبك بسعر الصرف وقتها و بيخصم 8 جنيه على كل عملية سحب نقدى واعتقد ليه حد معين للسحب النقدى فى اليوم زى ما بيبو قال . رأيى الشخصى لو لسه ليك متعلقات فى مصر زى حاجه مأجرها او ليك فلوس فى جهة معينه مش قادر تحصلها قبل السفر ممكن تفتح حساب زى ده و تطلب من الشخص اللى هيجيبلك الفلوس او اى حد موثوق فيه انه يودع الفلوس ليك وانت تبقى تسحبها من هناك بالكارت ده ومحدش ضامن الظروف هناك و 8 جنيه على كل سحب ده مش مبلغ كبير مش محصل دولار و نص يعنى . و بالنسبة للكريديت كارد يا بيبو انت مضطر تعمل واحد هناك لأن كل حاجه ماشية هناك بالكريديت والا هتكره حياتك من كتر ال سنتات الفكة اللى هتملا جيبك هناك . ملحوظة : لما بتلاقى حاجه مكتوب عليها 99,99 يعنى هى بالظبط كده و لو اديت للكاشير 100 دولار و بابتسامة عريضة هيقوم مديك 1 سنت مش عارف دى حاجه حلوه ولا حاجه خنيقه لأن فعلا من غير كريديت بتلاقى جيبك مليان ييجى نص كيلو فكه مش جايبين على بعضهم 3 او 4 دولار .

يا عم انا هاخد معايا دولار امريكانى و خلاص بص يا سيدى انا عامل كده بس بعد شوية اسئلة مع ناس مهاجرة جديد بيعاملو الدولار الامريكى اسوأ معاملى بيحسبوة فى البنزينة ب 90 سنت و فى البنك اعتقد 95 سنت فالافضل الدولار الكندى انا معايا امريكى برضو بس لازم يكون فى كندى لحد ما تعرف تأجر شقة و تستقر و مواصلاتك علشان انا ما حبش حد يشتغلنى تحياتى صح وعن تجربة الدولار الامريكى هناك ممسوح بكرامته الأرض و البنك بيغيره فعلا من 90 الى 95 سنت كندى ده غير انو بيطلب منك اسمك و عنوانك و رقم تليفونك كأنك بتبيع مخدرات و نفس الحال فى مكاتب الصرافه كانو بيبدلو ب 93 و يقعد يبصلك من تحت ل تحت و يبص فى الفلوس عشان يشوفها مزوره ولا لأ و كمان بقى حلاوتك لو نزلت هناك يوم سبت او حد كلهم قافلين و مش هتلاقى حد يغيرلك بس لو حبيت تشترى حاجه من اى مكان بياخد منك عادى بس بيحسب ب 90 سنت عشان كده الكندى هنا مهما كان غالى هيبقى احسن من البهدلة هناك انصح بالبحث فى البنك الأهلى و البنوك اللى جنب السفارة الكندية زى سيتى بنك كده و ممكن تعرف سعر الصرف قبل متنزل من بيتكم من الموقع ده http://www.nbe.com.eg/exchangerate.aspx

انا رأييى زى رأى بيبو بالظبط يا مايكل انت تطبع الميل و تروح تعملو فيلم هندى و مترجعش بيتكو الا و معاك المعلومات و ربنا يعينك

أنا جربت أحمد مصطفى و بعتلى ورقى بسرعه بس بعد مدفعتلو فلوس ال دى اتش ال لأنو مش بيبعت دى اتش ال من نفسه لازم تقوله و تدفعله تمن الدى اتش ال بس بصراحه هو رجل مينفعش تقول عليه انو لطيف خالص (شويه و كان هيرمينى انا و عيالى بره العيادة) عموما حضرتك اسأل عن الاسعار هنا و هنا ولو لقيت الفرق بسيط انصحك ب صبرى غالى

يا سيدى الفاضل ربنا يزيدك من نعيمه و يديك كمان وكمان و متحتاجش لا أعانه ولا غيره و تدى الكنديين تبرعات كمان بس ده مش معناه ان اللى بيفكر فى الاعانه ده انسان مش كويس او يثير الاشمئزاز او التريقة او مبوظ شكل مصر بره بس ممكن الانسان المثير للاشمئزاز ده يكون عنده ظروف خاصة حضرتك متعرفهاش أو يكون معتمد على الإعانه كخطه بديلة لحد ماربنا يوفقه فى شغلانه .... الناس اللى هنا كلها ناس محترمة و محدش رايح يخطط ازاى ياخد اكبر قدر من المعونة و هو نايم فى بيتهم و لعلم حضرتك ان اللى بيشتغل اى شغلانه مهما كانت بيكون دخلها احسن من المعونه لكن كل واحد عنده ظروف و ياريت حضرتك متحكمش على حد او تتريق على حد ...فى هنا ناس محترمة جدا باعت اللى وراها و اللى قدامها عشان تهرب من المرار الطافح اللى هى عايشاه هنا وطبيعى يعتمد بقدر كبير على معونه تساعده لحد ما يقف على حيله هناك و يكون فى علم حضرتك ان كندا مش بتديك معونه كده لله فى لله بالعكس ده هما اخدو منك قصادها دم قلبك فى مصاريف الهجره و خلوك تصرف تحويشة عمرك فى ال 3 شهور الاولانيين (متقنعنيش انهم بياخدو 3 شهور يعنى عشان يلحقو يعملولك اوراقك ده الرقم القومى عندنا بيخلص فى اسبوع ) اتمنى من الله الا اراك وانت تطلب الاعانه التى اعلن صراحة انى سأطلبها من أول يوم استطيع الحصول عليها حتى يستقر بى الحال واقدر اقف على رجليا عشان ده اقل حاجه تقدمه لينا كندا على التضحيات اللى عملناها و لسه هنعملها و لو حضرتك مكنتش ضحيت بحاجه فأنا مثلى مثل الكثيرين هنا ضحيت بالكثير و لسه هضحى عشان مستقبل عيالى اللى مش عاوزهم يشوفو اللى انا شوفتو هنا فى مصر . أسف جدا على الإطاله واعتذر لأنى عارف انى كلامى مش هيعجب البعض بس دى للأسف الحقيقة اللى انا شايفها. و برضو هاخد الإعانه هه!!!!!!!! :closedeyes: :P ازيك يا دكتور مساء الانوار .... ياريت تطمنونى على أخبار الورق و الحجز ... ربنا يوفقكو

يا بيبو انت قصدك شركة التأمين اللى بندفعلها اجبارى فى المرور واحنا بنجدد رخصة العربية ولا تأمين تانى غير ده ؟